ATV

Author: K.B.

  • Vlora Çitaku i kujton shqiponjat e Xhakës dhe Shaqirit: Kush i fishkëllen, i fishkëllen historisë sonë

    Vlora Çitaku i kujton shqiponjat e Xhakës dhe Shaqirit: Kush i fishkëllen, i fishkëllen historisë sonë

    Kosova po luan kundër Zvicrës në “Fadil Vokrri”, në kuadër të kualifikimeve për Botërorin 2026.

    Gjatë ndeshjes, disa tifozë dardanë kanë fishkëlluar për Granit Xhakën

    Për këtë ka reaguar nënkryetarja e PDK-së, Vlora Çitaku, ku tha se kush fishkëllen, i ka fishkëlluar historisë sonë.

    “Kam qenë Ambasadore e Kosovës në SHBA kur Zvicra fitoi kundër Serbisë në Kampionatin Botëror. Ato ditë, e gjithë vëmendja mediatike botërore ishte tek ajo ndeshje. Dhe pas golave, pas shqiponjave të Granit Xhakës dhe Xherdan Shaqirit, vëmendja u rrit edhe më shumë. Fale asaj ndeshjeje, mediat më prestigjioze ndërkombëtare iu rikthyen historisë sonë: folën për luftën tonë, për shtypjen dhe gjenocidin serb, për dhimbjet që kemi kaluar, për atë që na ka mbajtur në këmbë. Folën për diasporën tonë dhe rolin vendimtar që ajo ka pasur në mbijetesën dhe forcimin e Kosovës. Folën për babain e Granitit, që ishte i burgosur politik. Folën për Xherdanin dhe rrugëtimin e tij. Të gjithë duam që Kosova të fitojë sonte. Por një gjë duhet thënë qartë: kush i fishkëllen Granit Xhakës, i fishkëllen historisë sonë”, ka shkruar Çitaku në Facebook.

  • Xhaka u fishkëllye në “Fadil Vokrri”, reagon ish-Kryetari i Prishtinës: Marre po më vjen

    Xhaka u fishkëllye në “Fadil Vokrri”, reagon ish-Kryetari i Prishtinës: Marre po më vjen

    Mesfushori dhe kapiteni i kombëtares së Zvicrës me prejardhje shqiptare, Granit Xhaka është fishkëllyer në stadiumin “Fadil Vokrri”, gjatë ndeshjes Kosovë – Zvicër.

    Për këtë rast ka reaguar edhe ish-Kryetari i Komunës së Prishtinës, Shpend Ahmeti.

    Ai ka bërë një postim në rrjetin social “Facebokk”, ku ka thënë se po i vie turp për situatën e ndodhur në stadiumin “Fadil Vokrri”.

    “Marre po më vjen që po i fishkëllohet Xhakes! Marre!”, ka shkruar ai.

    Përgjatë tërë pjesës së parë – e cila përfundoi 0-0 – Granit Xhaka u fishkëllye sa herë e prekte topin.

  • Zvicra kalon në epërsi ndaj Kosovës

    Zvicra kalon në epërsi ndaj Kosovës

    Zvicra ka kaluar në epërsi ndaj Kosovës në minutat e parë të pjesës së dytë të ndeshjes.

    Ruben Vargas shënoi në minutën e 47-të.

    Ndeshja po zhvillohet në stadiumin “Fadil Vokrri”, në kuadër të kualifikimeve për Kupën e Botës.

  • Reshjet e fundit, KRU “Prishtina” del me një njoftim të rëndësishëm

    Reshjet e fundit, KRU “Prishtina” del me një njoftim të rëndësishëm

    Kompania Rajonale e Ujësjellësit “Prishtina” ka njoftuar se furnizimi me ujë për momentin është stabil, pavarësisht reshjeve të dendura që kanë goditur rajonin.

    Sipas kompanisë, shirat mund të shkaktojnë turbullira në kanalin Ibër-Lepenc, gjë që mund të ndikojë përkohësisht në procesin e trajtimit të ujit. Autoritetet thonë se situata po monitorohet vazhdimisht.

    KRU “Prishtina” bëri të ditur se ekipet e saj janë në terren pa ndërprerje, duke punuar me kapacitet të plotë në hapjen dhe pastrimin e pusetave të ujërave të zeza, si dhe në ndihmën për qytetarët e zonave më të prekura nga reshjet.

  • Xhaka fishkëllehet për çdo prekje të topit në “Fadil Vokrri”

    Xhaka fishkëllehet për çdo prekje të topit në “Fadil Vokrri”

    Në ndeshjen e fundit të Grupit B ndërmjet Kosovës dhe Zvicrës në stadiumin “Fadil Vokrri”, kapiteni i përfaqësueses zvicerane, Granit Xhaka, është përballur me reagime të menjëhershme nga tifozët vendas sa herë ka prekur topin.

    Shkak për këtë duket se janë deklaratat e tij të mëparshme lidhur me dy yjet e Kosovës, Albian Hajdari dhe Leon Avdullahu, të cilët nuk u grumbulluan për këtë takim.

    Xhaka kishte përmendur se dy lojtarët nuk janë të gatshëm për t’u aktivizuar ndaj Zvicrës dhe kishte përdorur shembullin e Ardon Jashaarit, duke thënë se ai ka një përvojë më të madhe dhe ka luajtur më shumë ndeshje.

    Megjithatë, tifozët kosovarë duket se nuk e kanë pritur mirë këtë koment, dhe sot çdo prekje e Xhakës është shoqëruar me vëshkallime dhe brohoritje kundër kapitenit zviceran.

    Situata ka tërhequr vëmendjen e mediave, duke e kthyer deklaratën e tij në një moment tensioni brenda stadiumit.

    Kosova, megjithëse kërkon të përballet me Zvicrën me seriozitet dhe të japë maksimumin në fushë, ka treguar se edhe deklaratat jashtë saj mund të ndikojnë në atmosferën e ndeshjes, duke bërë që tifozët të reagojnë fuqishëm ndaj lojtarëve kundërshtarë.

  • Dhoma e Përfaqësuesve voton pro publikimit të dosjeve të pedofilit Epstein

    Dhoma e Përfaqësuesve voton pro publikimit të dosjeve të pedofilit Epstein

    Dhoma e Përfaqësuesve e SHBA-së ka votuar me shumicë dërrmuese për ta detyruar Departamentin e Drejtësisë të publikojë të gjitha dosjet e tij lidhur me “Jeffrey Epstein”.

    Projektligji dypartiak tani duhet të kalojë edhe votimin në Senat, përpara se presidenti Donald Trump ta nënshkruajë në ligj, raporton BBC.

    Para votimit, viktimat e Epstein folën në një konferencë për media në Kapitolin e SHBA-së. Annie Farmer deklaroi se ato kanë vuajtur “tradhti institucionale” për vite me radhë.

    Duke u paraqitur përkrah të mbijetuarave, kongresmenja republikane Marjorie Taylor Greene sulmoi ish-aleatin e saj, Donald Trump. Greene, të cilën Trumpi e ka quajtur “tradhtare”, tha se çështja Epstein e ka “shkatërruar Maga-n” – lëvizjen e Trumpit “Make America Great Again”.

    Vetë Trump ditë më parë u ka bërë thirrje republikanëve që të votojnë për publikimin e dosjeve. Kjo erdhi pasi më shumë se 20 mijë faqe dokumentesh, disa prej të cilave përmendin Trumpin, u publikuan javën e kaluar.

    Trump ka thënë më parë se i kishte ndërprerë lidhjet me Epstein shumë vite më parë dhe ka mohuar vazhdimisht çdo lidhje me abuzimin seksual apo trafikimin që i atribuohet Epstein.

  • Qendra për parandalimin e vetëvrasjeve redukton orarin pas krizës financiare

    Qendra për parandalimin e vetëvrasjeve redukton orarin pas krizës financiare

    Qendra telefonike për parandalimin e vetëvrasjes “Linja e Jetës”, si e vetmja linjë në Kosovë që ofron mbështetje emocionale për persona në gjendje krize. Për gjashtë vite me radhë, pavarësisht sfidave të vazhdueshme financiare, kjo qendër ka qëndruar në shërbim të qytetarëve, duke dëgjuar çdo person pa paragjykim dhe duke kontribuar në shpëtimin e mijëra jetëve në vend.

    Në njoftimin e publikuar, “Linja e Jetës” ka shprehur mirënjohje për secilin vullnetar që ka kontribuar ndër vite, si dhe për qytetarët që kanë besuar dhe mbështetur kauzën e saj.

    Megjithatë, ky përvjetor e ka gjetur qendrën në një situatë të vështirë. Siç theksohet në komunikatë, mungesa e mbështetjes së qëndrueshme financiare, e cila për vite është mbështetur kryesisht në fonde të huaja, tashmë po e rrezikon drejtpërdrejt funksionimin e shërbimit.

    Sipas “Linjës së Jetës”, arsyeja kryesore e gjendjes aktuale ka ardhur si pasojë e mos-konstituimit të Kuvendit të Republikës së Kosovës, proces i cili do të mundësonte hartimin e ligjit për parandalimin e vetëvrasjes dhe institucionalizimin e qendrës si shërbim shtetëror. Mbi 12.000 qytetarë kanë nënshkruar një peticion në mbështetje të institucionalizimit, i cili do të garantonte funksionimin 24/7 dhe jetëgjatësinë e këtij shërbimi jetik.

    Derisa kjo nuk ka ndodhur, qendra paralajmëron se është e detyruar të reduktojë orarin e punës.

    “Nga data 29 dhjetor, Linja e Jetës do të shkurtojë orarin e punës. Shërbimet do të jenë funksionale vetëm 4 orë, nga ora 18:00 deri në 22:00,” thuhet në njoftim, me theksimin se ky hap është marrë me keqardhje të madhe.

  • “Dardanët” me koreografi fantastike në ndeshjen Kosovë – Zvicër

    “Dardanët” me koreografi fantastike në ndeshjen Kosovë – Zvicër

    Tifogrupi “Dardanët” që e përkrah kombëtaren e Kosovës ka shpalosur një koreografi fantastike.

    Këtë koreografi, tifozët e Kosovës e kanë shpalosur në ndeshjen Kosovë – Zvicër, që po zhvillohet në stadiumin “Fadil Vokrri”.

    Në korografinë e tyre, “Dardanët” kanë vendosur fytyrat e lojtarëve të Kosovës, ku në mes e kanë vendosur selektorin e Kosovës, Franco Foda.

    Ndeshja Kosovë – Zvicër po zhillohet në kuadër të xhiros së fundit të kualifikimeve të rregullta për Botërorin e vitit 2026.

    Rezultati momental është 0-0, ku po afron dhjetë minuta lojë.

  • Kjo është fjala e vitit 2025, sipas Fjalorit të Kembrixhit

    Kjo është fjala e vitit 2025, sipas Fjalorit të Kembrixhit

    Fjalori i Kembrixhit ka shpallur fjalën e vitit për 2025-ën, parasocial, një term që përdoret për të përshkruar një lidhje që njerëzit ndiejnë me dikë që nuk e njohin ose edhe me një inteligjencë artificiale.

    Termi u shpik në vitin 1956 nga sociologët Donald Horton dhe Richard Wohl, të cilët donin të përshkruanin se si shikuesit e televizionit formonin marrëdhënie “parasociale” me personalitete televizive.

    Kjo dukuri vazhdon edhe sot, teksa përdoruesit e rrjeteve sociale kanë marrëdhënie parasociale me personazhe të famshëm dhe personalitete online me të cilët nuk kanë lidhje personale.

    Një shembull kyç i cituar nga Fjalori i Kembrixhit është Taylor Swift, me shumë fansa që flasin për ndjenjat e tyre të përzemërta ndaj saj ndonëse nuk e kanë takuar kurrë.

    Colin McIntosh, një leksikograf në Fjalorin e Kembrixhit, tha se fjala “kap frymën e kohës së vitit 2025” dhe tregon se si ndryshon gjuha.

  • Zjarr në qendër të Zagrebit, digjet “Kulla e Çokollatës”

    Zjarr në qendër të Zagrebit, digjet “Kulla e Çokollatës”

    Një zjarr masiv shpërtheu në një rrokaqiell të rëndësishëm në qendër të kryeqytetit kroat, Zagreb, të martën, duke e shkrumbuar pothuajse plotësisht ndërtesën, por pa lënë viktima.

    Ndërtesa e njohur si Kulla Vjesnik u emërua sipas një gazete të njohur që botohej atje për dekada të tëra, së bashku me gazeta dhe revista të tjera të njohura, deri rreth 12 vjet më parë.

    Zjarri filloi pranë majës së ndërtesës 16-katëshe dhe u përhap shpejt poshtë, duke penguar rreth 100 zjarrfikës të hyjnë, thanë mediat kroate.

    Ndërtesa, e modeluar sipas ndërtesës së zyrave Lever House në Park Avenue të Manhattanit, e njohur edhe si Kulla e Çokollatës, ishte pothuajse plotësisht bosh kur shpërtheu zjarri afër mesnatës së së hënës.

    Zjarri dukej se ishte shuar deri të martën pasdite, megjithëse konstruksioni prej metali dhe betoni ende po digjej. Shkaku i flakëve mbetet i panjohur, sipas autoriteteve.

    Arkivat shtetërore në rrezik?

    Sipas Branko Baçiç, zëvendëskryeministrit të Kroacisë dhe ministrit të Ndërtimit dhe Pronës Shtetërore, ndërtesa strehonte pjesë të arkivave shtetërore.

    “Në një pjesë të ndërtesës kishte arkiva nga Ministria e Punës dhe Ministria e Financave, ose më saktë nga autoriteti tatimor. Shumë kate ishin bosh, nuk kishte asgjë atje,” tha Baçiç për shtypin vendas.

    Ai shtoi se qeveria, e cila është bashkëpronare e ndërtesës me pesë subjekte të tjera, është në bisedime për rindërtimin e saj.

    “(Kulla) kishte nevojë për rindërtim, kështu që jemi tashmë në procedurë dhe në bisedë me bashkëpronarët e tjerë se si ta bëjmë këtë,” tha Baçiç.

    “Nga ajo që pashë në vend dhe brenda ndërtesës, dëmi është për fat të keq total, por besoj se shteti dhe pronarët e tjerë do të fillojnë rinovimin e ndërtesës në këtë vend të shquar të qytetit tonë sa më shpejt të jetë e mundur,” tha kryetari i bashkisë së Zagrebit, Tomislav Tomašević.

    Rreth 80 zjarrfikës u vunë në punë për të vënë flakët nën kontroll, tha transmetuesi publik HRT, duke shtuar se trafiku po devijohej ende nga kulla të martën.