ATV

Author: K.B.

  • Torino do ta blejë Asllanin nga Interi

    Torino do ta blejë Asllanin nga Interi

    Mesfushori i Kombëtares së Shqipërisë, Kristjan Asllani pritet të bëhet transferim i përhershëm te skuadra e Torinos brenda një periudhe të shkurtër.

    Asllani në fillim të këtij sezoni u huazua nga Interi te Torino, ekip që është i kënaqur me paraqitjen e tij dhe po synon ta shfrytëzoj opsionin e blerjes së 23-vjeçarit.

    Për huazimin njëvjeçar të Asllanit, Torino ka paguar 1.5 milionë euro kurse për blerjen e tij të plotë, duhet të paguajë edhe 13 milionë euro, gjë që pritet ta bëjë pa përfunduar sezoni aktual.

    Asllani ka kontratë deri në vitin 2028 me Interin, ekip të cilit iu bashkua nga Empoli dhe me të cilin ka fituar katër trofe, përfshirë titullin e kampionit të Italisë.
    Këtë sezon, Asllani ka 10 paraqitje me fanellën e skuadrës së Torinos në të gjitha garat.

  • Dhjetë vendet që duhet t’i vizitoni në Egjipt

    Dhjetë vendet që duhet t’i vizitoni në Egjipt

    Egjipti mbetet përherë një ndër destinacionet më unike për turistët, të cilët kanë etje për historinë dhe gjurmët e së shkuarës. Misteret që mbart ai vend në mozaikun e tij të gjerë të trashëgimisë kulturore, arkitekturës monumentale dhe arkeologjisë, i kthejnë momentet për vizituesit, në skena si ato të filmit “Death on the Nile”.

    Magjia e atij vendi nis me piramidat e Gizës dhe mijëra teoritë që ushqejnë kuriozitetin për to, vazhdon me legjendat e Nilit, tempujt Abu Simbel si edhe kompleksin e tempujve Karnak, i cili nisi të ndërtohej rreth katër mijë më parë.

    Nga Cairo, kryeqyteti kulturor dhe historik i Egjiptit, i njohur për “The Grand Egyptian Museum”, tek Aswan, “streha” elegante e tempujve “Philae”, dhe Luxor, i ndodhur në brigjet e lumit Nil, i quajtur ndryshe si muzeu i hapur me i madh në botë, Egjipti, si pasuri e botës, mbart ngado një vlerë të paçmueshme.

    Ndonëse tashmë me një frymë mjaft bashkëkohore dhe strehë për disa nga rrjetet e resorteve më të mira dhe më luksoze, si “Four Seasons”, “The Oberoi Group”, apo “Rixos”,

    Egjipti vazhdon të jetë një ndër zgjedhjet kryesore për ata të cilët kanë prioritet të mbushin arkivën e mendjes me dije dhe fakte interesante për periudhën faraonike dhe jo vetëm.

  • Kurti takon kongresistët amerikanë: Kosova, partner i besueshëm i ShBA-së

    Kurti takon kongresistët amerikanë: Kosova, partner i besueshëm i ShBA-së

    Kryeministri në detyrë, Albin Kurti priti sot një delegacion të Kongresit amerikan të përbërë nga kongresisti republikan Mike Turner dhe kongresisti demokrat Donald Norcross, të dy anëtarë të Asamblesë Parlamentare të NATO-s dhe të Komitetit të Shërbimeve të Armatosura të Dhomës së Përfaqësuesve.

    Sipas njoftimit pr media thuhet se gjatë takimit u diskutua thellimi i bashkëpunimit strategjik mes Kosovës dhe Shteteve të Bashkuara, me fokus në fushën e mbrojtjes.

    Kurti theksoi se “në katër vitet e fundit mbi 1000 pjesëtarë të FSK-së kanë marrë pjesë në trajnime në programe ushtarake të ShBA-së”, përfshirë akademitë prestigjioze ushtarake si West Point dhe U.S. Army War College.

    Ai kujtoi edhe ushtrimet e përbashkëta të mbajtura në vend, duke nënvizuar se “Kosova ka mirëpritur tre edicione radhazi të Defender Europe, ndërsa në Defender Europe 2025 Komanda e Divizionit të 28-të të Këmbësorisë së Ushtrisë së ShBA-së ka qenë e vendosur në aeroportin ushtarak në Gjakovë”.

    Në aspektin e investimeve në mbrojtje, Kurti veçoi pajisjet amerikane të prokuruara kohët e fundit, duke përfshirë armatimin modern.

    “Kemi prokuruar pajisje ushtarake amerikane, përfshirë edhe sistemet anti-tank Javelin”, tha ai, duke shtuar se Kosova tashmë ka nënshkruar Marrëveshjen për Mbrojtjen e Informacionit të Klasifikuar dhe CISMOA, gjë që e bën vendin tonë të 33-in në botë me këtë status të besueshëm.

    Bashkëpunimi ekonomik ishte një tjetër temë kyçe e takimit, me mundësi të reja në energji, teknologji dhe projekte të mëdha infrastrukturore, përfshirë transportin hekurudhor.

    Kryeministri theksoi gjithashtu progresin e brendshëm të vendit.

    “Kosova vijon të jetë shembull se përparimi demokratik dhe rritja ekonomike mund të ecin krah për krah”, tha Kurti.

    Ai u shpreh se orientimi euro-atlantik i Kosovës mbetet i palëkundur, duke synuar anëtarësimin në NATO dhe BE, jo vetëm si përfitues, por edhe si kontribuuese për paqen dhe sigurinë në kontinentin evropian.

    Në fund, Kurti shprehu falënderimin e tij për partneritetin e ngushtë me ShBA-të, duke thënë se ai përfaqëson “mirënjohjen e popullit të Kosovës për kontributin historik dhe mbështetjen e vazhdueshme të Shteteve të Bashkuara të Amerikës”.

  • Ndërprerje e përkohshme e furnizimit me ujë në Fushë Kosovë

    Ndërprerje e përkohshme e furnizimit me ujë në Fushë Kosovë

    KRU “Prishtina” njofton konsumatorët se, për shkak të punimeve në rrjetin e ujësjellësit, nesër, më 25 nëntor 2025, do të ketë ndërprerje të furnizimit me ujë të pijshëm në lagjet 028 dhe 029 në Fushë Kosovë.

    Ndërprerja e furnizimit pritet të zgjasë nga ora 08:00 deri në ora 17:00.

    KRU “Prishtina” kërkon mirëkuptimin e të gjithë konsumatorëve të prekur nga kjo ndërprerje e përkohshme dhe falënderon për bashkëpunimin.

  • Vazhdon seanca për vrasjen e Liridona Ademajt – Naim Murseli dhe të tjerët kthehen në sallën e gjyqit

    Vazhdon seanca për vrasjen e Liridona Ademajt – Naim Murseli dhe të tjerët kthehen në sallën e gjyqit

    Pas një pauze mbi një orë, ka vazhduar seanca për vrasjen e Liridona Ademajt. Në sallë janë kthyer të akuzuarit Naim Murseli, Granit Plava dhe Kushtrim Kokalla.

    Seanca u ndërpre për çështje teknike, pasi nuk po hapnin dot disa pamje që do shfaqeshin në sallë.

    Në këtë seancë pritej të dëshmonte edhe babai i Naim Murselit, Shaban Murseli, por që i njëjti mungoi.

    Kryetarja e trupit gjykues lexoi dëshminë që Shaban Murseli kishte dhënë në polici më 6 dhjetor të vitit 2023, pak ditë pasi kishte ndodhur vrasja e Liridona Ademajt.

  • “Presidente e Dejona Mihalit”, vjen reagimi i Osmanit ndaj deklaratës së Musliut

    “Presidente e Dejona Mihalit”, vjen reagimi i Osmanit ndaj deklaratës së Musliut

    Deputetja e PDK-së, Ganimete Musliu në një reagim të saj ditë më parë, kur dhe Presidentja Osmani caktoi datën e zgjedhjeve, e kishte quajtur atë “Presidente të Dejona Mihalit”

    Për këtë Osmani tha se as nuk ja vlen të merret me këtë deklaratë të deputetes së PDK-së.

    “As nuk ja vlen të merrem asnjë sekond me akuzat e Ganimete Musliut. Kemi gjëra shumë më të rëndësishme në udhëheqje të shtetit”, tha Osmani para gazetarëve.

    Lidhur me vendimin e Presidentes për caktimin e zgjedhjeve më 28 dhjetor, deputetja Musliu kishte thënë se me atë vendim Osmani sipas saj kishte nxjerrë sheshit se është kokë e këmbë nën urdhërat e Dejona Mihalit.

    “Vazhdimisht kemi pasur të drejtë. Sot përfundimisht e nxore sheshit që je këmbë e kokë nën urdhërat e Dejones. Presidente e Dejones”, kishte shkruar Musliu në një reagim të saj në Facebook.

  • Specialja s’i njeh festat zyrtare, Hashim Thaçi në seancë pikërisht më 28 Nëntor

    Specialja s’i njeh festat zyrtare, Hashim Thaçi në seancë pikërisht më 28 Nëntor

    Dhomat e Specializuara të Kosovës në Hagë, nuk e shohin si festë ditën e 28 nëntorit.

    Pasi ish-presidenti Hashim Thaçi do të marrë pjesë në një konferencë përgatitore për gjykim në Dhomat e Specializuara të Kosovës në Hagë më 28 Nëntor, ditë që në Kosovë shënohet si festë kombëtare.

    Ndryshe nga vendi, ku 28 Nëntori shënon Pavarësinë e Shqipërisë dhe është ditë pushimi, në Hagë kjo ditë do të konsiderohet ditë pune.

  • “Dita e Forcës”, kazermat e FSK-së të hapura për qytetarët me 27 nëntor

    “Dita e Forcës”, kazermat e FSK-së të hapura për qytetarët me 27 nëntor

    Kazermat e Forcës së Sigurisë së Kosovës (FSK) do të jenë të hapura për qytetarët me rastin e Ditës së Forcës që do të jetë me 27 Nëntor.

    “Forca e Sigurisë së Kosovës ju fton të merrni pjesë në “Ditën e Hapur”, që do të mbahet me rastin e Ditës së Forcës, më 27 Nëntor, nga ora 09:00 deri në ora 14:00. Në kazermën “Adem Jashari “ në Prishtinë nga ora 09:30 do të jenë të pranishëm udhëheqësit e lartë shtetërorë, mysafirë e ambasador të vendeve mike. Të gjithë qytetarët janë të mirëseardhur të vizitojnë kazermat e Forcës së Sigurisë së Kosovës në: Prishtinë, Prizren, Pomozotin, Istog, Ferizaj, Mitrovicë dhe Gjilan. Në të gjitha kazermat e Forcës së Sigurisë së Kosovës, qytetarët do të kenë mundësi të shohin kapacitetet ushtarake të cilat do të jenë të ekspozuara në këtë ditë feste”, thuhet në njoftim.

  • Osmani thotë se votimi i buxhetit pa pasur qeveri s’është i kundërligjshëm: U kërkova partive por s’ishin të pranishëm

    Osmani thotë se votimi i buxhetit pa pasur qeveri s’është i kundërligjshëm: U kërkova partive por s’ishin të pranishëm

    Presidentja e Kosovës, Vjosa Osmani sot është pyetur nga mediat në lidhje me buxhetin e tri komunave, Prishtinës, Gjilanit dhe Zubin Potokut.

    Ajo ka thënë se ka kërkuar nga partitë që të mblidhen dhe ta votojnë atë.

    “Kam kërku nga partitë të mblidhen dhe ta votojnë buxhetin, për këto komuna ka qenë pikë e veçantë, por kanë vendosur mos të jenë të pranishëm. Një gjë e tillë është e lejueshme, nuk është e kundërligjshme, pasi një gjë të tille e kemi votu edhe në Qeverinë Hoti”, ka thënë Osmani.

    Komuna e Prishtinës, Gjilanit dhe Zubin Potokut janë të zhytur në borxhe pasi që nuk e kanë votuar në Kuvende Komunale, buxhetin për vitin 2025

    Ky buxhet nuk është votuar as në Kuvendin e Kosovës, pasi që nga partitë opozitare është konsideruar e jashtëligjshme dhe nuk kanë marrë pjesë fare në seancën e thirrur nga deputetët e VV-së.

    Nga sot, në Komunën e Prishtinës është pezulluar puna e linjave të Trafikut Urban, kjo pasi punëtorët e këtyre kompanive kanë deklaruar se janë pa paga tash e gjashtë muaj.

    Të njëjtit kanë protestuar sot fillimisht para Komunës së Prishtinës, ndërsa me të parin e kësaj Komune, Përparim Ramën kanë protestuar edhe para Qeverisë së Kosovës.

    Rama i ka kërkuar takim kryeministrit në detyrë të Kosovës, Albin Kurtit dhe ministrit në detyrë të Financave, Hekuran Muratit që të bëhet një zgjidhje për qytetarët e Prishtinës.

  • Një makinë si lodër do të të çojë fëmijën në shkollë! Habit Toyota me prodhimin e ri “Kids Mobi”

    Një makinë si lodër do të të çojë fëmijën në shkollë! Habit Toyota me prodhimin e ri “Kids Mobi”

    A do t’i besoje një makine që duket si lodër të të çojë fëmijën në shkollë? Toyota po thotë “po, pse jo?”. Në Panairin e auto në Japoni 2025, kompania prezantoi Kids Mobi – një makinë elektrike e vogël, vetë-drejtuese, ndërtuar posaçërisht për fëmijë. Po flasim për një “pod” të rrumbullakët me sy LED që shprehin emocione dhe me sensorë në formë veshësh, tamam sikur të kishte dalë nga ndonjë film i animuar.

    Kids Mobi është menduar si “mjet i sigurt me inteligjencë artificiale për fëmijë”. Ka një kabinë të vetme për fëmijë deri në 130 cm, dhe një kupolë që hapet si në ndonjë film futuristik. Brenda, një asistent AI që quhet “UX Friend” bisedon e luan me udhëtarin e vogël gjatë rrugës, duke i dhënë ndjesinë sikur është vetë në timon – pa qenë vërtet në timon.

    Toyota thotë se qëllimi është t’u japë fëmijëve një ndjesi pavarësie, siç kanë të rriturit me makinat e tyre. Ide interesante, po edhe pak e frikshme: një fëmijë që lëviz vetëm me ndihmën e AI-së.

    Për momentin, Kids Mobi është vetëm koncept, por Toyota e quan “synimi përfundimtar” i qendrës së saj AI x Robotics. Me pak fjalë, kjo lodër me rrota mund të jetë hapi i parë drejt botës ku fëmijët shkojnë në shkollë… me shofer robot.