Author: K.B.

Doktori Adriatik Berisha që u kujdes për babain e Hashim Thaçit në spital, i është bashkuar Partisë Demokratike të Kosovës.

Kështu ka njoftuar kryetari i PDK-së, Bedri Hamza.

“Ekipit tonë iu bashkua një profesionist i jashtëzakonshëm: hematologu i njohur, Dr. Adriatik Berisha. Përveç ekspertizës së tij, ai ka treguar gjithmonë përkushtim, humanizëm dhe vlera të forta atdhetare. Kosova ka nevojë për profesionistë dhe PDK është shtëpia e tyre. Mirë se erdhe në familjen tonë politike, Dr. Adriatik!”, shkruan Hamza.

Berisha shoqëroi në spital edhe ish-presidentin Hashim Thaçi, i cili erdhi nga Haga për të vizituar babanë e tij, i cili ndodhej i shtruar në QKUK.

Presidenti amerikan Donald Trump i ka dalë në mbrojtje Steve Witkoff, kryenegociatorit amerikan që është në epiqendër të një skandali të madh kur u zbulua se në fshehtësi po këshillonte Kremlinin se si të bënte marrëveshje me Ukrainën.

Revista e njohur “Bloomberg” ka publikuar transkriptin e një thirrje telefonike mes Witkoff dhe këshilltarit rus për politik të jashtme, Yuri Ushakov.

Sipas thirrjes së dytë telefonike, Witkoff dhe Ushakov bisedojnë se si të bindet Shtëpia e Bardhë që të përkrah kushtet ideale të Moskës për fundin e luftës në Ukrainë.

Witkoff e realizoi thirrjen telefonike në Rusi më 14 tetor në kohën kur Shtëpia e Bardhë ishte plot optimizëm pas marrëveshjes për fundin e luftës në Gaza.

“Dëgjo. Do të të them diçka. Mendoj se mund t’i japim fund çështjes mes Rusisë dhe Ukrainës, të gjithë do të kërcejnë nga gëzimi”, i thotë Witkoff këshilltarit rus.

Gjatë telefonatës, Witkoff e këshillon Ushakovin që të ndihmojnë në realizimin e thirrjes telefonike mes Trumpit dhe presidentit rus Vladimir Putin. Gjithashtu e udhëzon se si të fitojë mendjen e liderit amerikan.

“Unë do të telefonoja dhe ju menjëherë urojeni presidentin për marrëveshjen në Gaza, se ju e përkrahni dhe se e respektoni si njeri të paqes dhe se jeni shumë krenar që ka ndodhur marrëveshja”, i thotë kryenegociatori amerikan.

Ushakov ndërhyn dhe pajtohet menjëherë me këshillat e amerikanit.

“Ok, ok, miku im. Mendoj se kjo çështje mund të diskutohet mes liderëve. O Steve, pajtohem me ty që ta urojë atë. Ai do të thotë se zotëri Trump është njeri i vërtetë i paqes e kështu me radhë. Këtë do të thotë”, ia kthen Ushakov.

Përfaqësuesi amerikan shton: “Sepse, më lejo të tregoj se çfarë i thash presidentit. I thash se ju, Federata Ruse gjithmonë ka dëshiruar marrëveshjen e paqes. Ky është besimi im. I thash presidentit se këtë e besoj. Unë besoj se çështja është se dy shtetet tona kanë kaluar kohë të vështirë për kompromis dhe kur e bëjmë, ne do të kemi marrëveshje të paqes”.

Kryenegociatori amerikan i thotë këshilltarit të jashtëm rus se marrëveshja do të kishte 20 e diçka pika. Ashtu si në Gaza.

Witkoff vazhdimisht ka nxitur pakënaqësi te Ukraina dhe aleatët evropianë, duke promovuar Kremlinin pas takimeve që pati në Moskë, përfshirë edhe me Putinin.

Julian Cumrraku dhe Erzen Uka, janë dy personat që qëndruan për 12 orë të ngujuar në banesë.

Policia ka publikuar pamje nga aksioni 12 orësh, që u përball me rezistencë të dy personave të dyshuar për kryerjen e veprimeve terroriste.

Blutë kanë reaguar rreth operacionit “Oroshi”, që u mbyll me vetëdorëzimin e Julian Cumrraku dhe Arben Uka.

Pas 12 orësh në rrethim, pamundësisë për t’u larguar dhe negociatave me të afërmit e tyre, ata vendosën të dorëzohen.

Në banesë iu gjetën 5 armë zjarri, municion luftarak, granata dore difensive, kapsolla detonatore dhe fitil zjarrpërcjellës, përfshirë flamurin e ISIS.

“Më datë 24.11.2025, rreth orës 09:00, shërbimet e Komisariatit të Policisë Pukë, gjatë kontrollit të territorit në fshatin Orosh, Fushë-Arrëz, kanë konstatuar një person i cili, sapo ka parë shërbimet e Policisë, është larguar me shpejtësi duke u futur në një banesë të braktisur, pronë e shtetasit P. C.

Shërbimet e Policisë i kanë bërë thirrje që të dilte nga banesa, por personi nuk i është bindur thirrjes së Policisë dhe ka kërcënuar punonjësit e Policisë, përcjell Periskopi.

Ndodhur në këtë situatë, bazuar edhe në informacionet e siguruara më parë për rrezikshmërinë e këtij personi, shërbimet e Policisë rrethuan banesën dhe kërkuan ndërhyrjen e forcave policore të specializuara, me qëllim sigurinë e jetës së punonjësve të Policisë.

Në vendngjarje shkuan Forcat Speciale Renea, të cilat morën në kontroll perimetrin e jashtëm të banesës që mbahej nga forcat e Komisariatit të Policisë Pukë dhe forcat “Shqiponja” të DVP Shkodër.

Në momentin që Forcat Speciale Renea i kanë bërë thirrje personit të dalë nga banesa, nga brenda banesës është qëlluar me armë zjarri në drejtim të forcave speciale Renea.

Pas 12 orësh në rrethim, ku Forcat Speciale Renea u bënë thirrje të vazhdueshme për t’u dorëzuar, pamundësisë për t’u larguar nga rrethimi dhe pas negociatave me të afërmit e tyre të cilët luajtën një rol të rëndësishëm në finalizimin e operacionit pa përdorur forcë dhe pa shkaktuar dëmtime, të dy personat që ndodheshin në brendësi të banesës u dorëzuan.

Në momentin e vetëdorëzimit, shtetasi E. U. kishte një dëmtim tejshpues në kofshën e djathtë, i cili menjëherë është transportuar me ambulancë për në Spitalin Rajonal Shkodër dhe ndodhet jashtë rrezikut për jetën.

Gjatë kontrollit të banesës janë sekuestruar, në cilësinë e provave materiale, 4 armë zjarri automatike dhe një armë zjarri pistoletë, një flamur i Organizatës Terroriste “Shteti Islamik” (ISIS), i vendosur në faqen e murit ndërmjet armëve të lartpërmendura, 17 copë granata dore difensive, municion luftarak, kapsolla detonatore elektrike për shpërthimin e lëndëve eksplozive, fitil zjarrpërcjellës që përdoret për shpërthimin e lëndëve plasëse, dy gëzhoja.

Në përfundim të veprimeve të para hetimore u bë arrestimi në flagrancë i shtetasve:

E. U., 35 vjeç, lindur në Gjorm-Kurbin, i dënuar për veprën penale “Nxitja e urrejtjes dhe grindjeve”.

J. C., 34 vjeç, lindur në Pukë, i dënuar për veprat penale “Vjedhje” dhe “Kanosje””, thuhet në reagimin e plotë të policisë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Nxitja, thirrja publike dhe propaganda për kryerjen e veprave me qëllime terroriste”, “Prodhimi i armëve luftarake”, “Kundërshtimi i punonjësit të policisë së rendit publik”, “Mbajtja pa leje dhe prodhimi i armëve shpërthyese dhe i municionit”./tch

Analisti politik, Agon Maliqi, ka demantuar raportimet e mediave të cilat kanë aluduar për një kalim të mundshëm të tij në Lidhjen Demokratike të Kosovës.

Maliqi ka thënë se nuk e ka në plan që të futet në politikë dhe se ka angazhime të tjera në të cilat ndihet i përmbushur.

“Angazhimi im publik dhe bindjet e mia politike gjithmonë kanë qenë transparente, shpesh ndoshta më shumë se sa që duhet. Prandaj si përgjigje ndaj një lajmi të publikuar mbi aderim në parti politike në këto zgjedhje (konkretisht në LDK) them: jo, nuk e kam në plan”, ka shkruar Maliqi.

Lidhja Demokratike e Kosovës, do të mbajë konferencë për media pasdite.

Më saktësisht, konferenca e LDK’së është paraparë të nis nga ora 14:00, dhe se e njëjta do të zhvillohet në selinë qendrore të kësaj partie.

Arsyet e konferencës s’janë bërë të ditura.

Tri vajza të mitura janë arrestuar të martën nën dyshimin se ishin përfshirë në një rrahje mes vete të hënën në Stacionin e Autobusëve në Drenas.

Sipas Policisë, rasti u iniciua si “Lëndim i lehtë trupor”.

“Stacioni i Autobusëve, Gllogoc 24.11.2025 – 12:50. Më 25.11.2025 janë identifikuar dhe janë arrestuar tri femra të mitura, si të dyshuara, pasi me datën e lartcekur janë përfshirë në rrahje në mes veti. Me vendim të prokurorit, të dyshuarat pas intervistimit, janë dërguar në mbajtje”, thuhet në njoftim.

“Betimi për Drejtësi” kishte publikuar pamjet nga kjo rrahje mes nxënësve tek Stacioni i Autobusëve.