Author: K.B.

Polonia ka mbështetur ofertën e SHBA-së për të transferuar rreth 250 automjete të blinduara Stryker për çmimin simbolik prej një dollari, me mjetet që do të vijnë nga njësite amerikane të vendosura tashmë në Evropë.

Ky hap i ndihmon forcat polake të plotësojnë boshllëqet e krijuara nga dërgesat drejt Ukrainës dhe programet e modernizimit të përshpejtuar, duke forcuar njëkohësisht bashkëpunimin mbrojtës SHBA–Poloni në krahun lindor të NATO-s.

Sipas deklaratave të ministrit polak të Mbrojtjes, Władysław Kosiniak-Kamysz dhe raportimeve të Polskie Radio, marrëveshja do të finalizohet pasi të miratohet plani teknik i inspektimit dhe rinovimit të çdo automjeti. Mjetet, të tërhequra nga formacionet amerikane që po zvogëlojnë praninë e Stryker-ave në Evropë, do t’i japin Varshavës një mënyrë të shpejtë për të rritur kapacitetet e brigadave të saj të mekanizuara.

Stryker M1126 (ICV) rrjedh nga platformat LAV III dhe Piranha III dhe është zgjedhur nga Ushtria Amerikane për aftësinë e saj të vendosjes së shpejtë strategjike. Automjeti transporton deri në nëntë ushtarë dhe është i pajtueshëm me avionët kryesorë të transportit ushtarak, duke ofruar fleksibilitet të lartë në operacione ndërkombëtare. Mbi 100 njësi të këtij modeli janë dorëzuar edhe në Ukrainë, raporton globaldefensenews.

Armatimi bazohet në stacionin e telekomanduar M151 Protector, i aftë të mbajë mitraloz të kalibrave të ndryshëm ose një granatëhedhës 40 mm. Versionet e reja me konfigurimin CROWS-J shtojnë aftësinë për të lëshuar raketën antitank Javelin, duke e bërë mjetin të vlefshëm në një gamë të gjerë operacionesh.

Mbrojtja përforcohet nga armaturë çeliku dhe qeramike kundër municioneve 14.5 mm dhe fragmenteve të artilerisë, ndërsa kompleti me trup në formë V rrit rezistencën ndaj minave dhe mjeteve shpërthyese të improvizuara. Sistemet CBRN dhe FBCB2 sigurojnë mbrojtje të ekuipazhit dhe integrim të plotë në rrjetet komanduese moderne.

Autoritetet polake theksojnë se çdo Stryker do të vlerësohet individualisht për t’u përcaktuar roli operacional. Vendimi përfundimtar pritet në gjysmën e dytë të vitit 2026, përveç nëse situata e sigurisë në rajon përshkallëzohet. Polonia po përballet me mungesë mjeteve moderne pas tërheqjes së platformave BWP-1 dhe dërgesave të shumta drejt Ukrainës.

Integrimi i Stryker-ave nuk do të zbehë rolin e industrisë vendase, pasi Rosomak dhe Borsuk mbeten dy shtyllat e modernizimit polak. Mbi 900 Rosomak janë tashmë në përdorim, ndërsa 15 mjetet e para Borsuk janë dorëzuar si pjesë e një programi që mund të arrijë në 1400 platforma në të ardhmen.

Kombinimi i Stryker, Rosomak dhe Borsuk krijon një arkitekturë të balancuar taktike që rrit aftësinë e brigadave polake për manovra në distanca të gjata në krahun lindor të NATO-s. Transferimi i 250 Stryker-ave thekson përputhjen strategjike mes SHBA-së dhe Polonisë dhe forcon rolin e Varshavës si shtylla tokësore e Aleancës në Evropën Qendrore.

Ish-kandidati i LDK-së për kryetar të Gjilanit, Arbër Ismajli, ka bërë të ditur se ka pranuar të jetë kandidat i partisë për Kuvendin e Kosovës.

Ai ka thënë se është shumë i vetëdijshëm që kandidimi kërkon seriozitet dhe se para qytetarëve është fati i kthesës historike për Kosovën.

Postimi i tij:

Të dashur qytetarë,

Në këtë moment të rëndësishëm për fatin e drejtimit të vendit tonë, dua t’ju njoftoj se kam pranuar të jem kandidat për deputet në Kuvendin e Republikës së Kosovës nga radhët e Lidhjes Demokratike të Kosovës. Ky vendim ka ardhur nga një reflektim i thellë për përgjegjësinë që kemi ndaj qytetit tonë, rajonit dhe mbarë Republikës.

Dua të shpreh mirënjohjen time të sinqertë për strukturat e LDK-së që më kanë besuar këtë detyrë, kryesinë, kryetarët e nëndegëve bashkë me strukturat e tyre. Një falënderim i veçantë shkon për kryetarin e Degës së Gjilanit, z. Lutfi Haziri, për mbështetjen dhe partneritetin e tij të vazhdueshëm, si dhe për kryetarin e LDK-së, Dr. Lumir Abdixhiku, për vizionin e qartë dhe besimin që ka vendosur tek unë dhe tek gjenerata që vjen.

Jam shumë vetëdijshëm se kjo rrugë kërkon seriozitet, përkushtim dhe ndershmëri. Këto janë vlerat me të cilat kam punuar deri sot dhe me të cilat do të vazhdoj, pa asnjë kompromis.

Qëllimi i kandidaturës sime është të përfaqësoj me dinjitet interesin e qytetarëve dhe të kontribuoj realisht në zhvillimin e Kosovës, në veçanti në fushat ku kam përvojë profesionale dhe përgjegjësi publike.

Para nesh është një etapë që kërkon mobilizim, angazhim dhe bashkëpunim. Është fati i kthesës historike për Republikën tonë. Prandaj, i ftoj të gjithë qytetarët, familjarët, miqtë dhe bashkëpunëtorët e shumë viteve, të qëndrojmë të bashkuar për një proces të drejtë, të qetë dhe të përkushtuar, ashtu siç meriton vendi ynë.

Besimin që ma keni dhënë deri sot e konsideroj obligim. Përkushtimi im ndaj jush do të jetë më i plotë dhe i pandarë.

Me konsideratë të thellë,

Arbër R. Ismajli

Analisti Viktor Buzhala i është bashkuar partisë Guxo, ku edhe do të jetë pjesë e listës së kandidatëve për deputetë.

Lajmin u bë e ditur në faqen zyrtare të partisë Guxo, ku e cilësuan Buzhalën si një nga zërat më të artikuluar të mendimit kritik dhe i analizës ekonomike e politike në Kosovë.

Postimi i plotë:

Sot, Partisë Guxo iu bashkua Viktor Buzhala, një nga zërat më të artikuluar të mendimit kritik dhe i analizës ekonomike e politike në Kosovë.

Viktor Buzhala është ekonomist i diplomuar, gazetar dhe analist politik me përvojë shumëvjeçare, i afirmuar për qëndrimet e tij parimore, argumentimin racional dhe guximin për të thënë të vërtetën pa ekuivoke, duke ruajtur integritet dhe pavarësi mendimi në çdo paraqitje publike.

Përmes paraqitjeve publike, debateve, shkrimeve dhe platformave digjitale, ai ka dhënë kontribut të rëndësishëm në formësimin e diskutimeve kombëtare mbi ekonominë, politikat publike dhe zhvillimin e vendit.

Me Viktor Buzhalën në listën e koalicionit tonë me Lëvizjen Vetëvendosje, Alternativën dhe PShDK-në për Zgjedhjet e 28 Dhjetorit, së bashku me profesionistë të tjerë të guximshëm dhe luftëtarë të pakompromis për të vërtetën, angazhimi ynë në shërbim të Kosovës dhe qytetarëve të saj do të jetë edhe më i fuqishëm, më dinamik dhe më i vendosur.

Me guxim, dije, vendosmëri dhe integritet, do ta vazhdojmë angazhimin tonë për një Kosovë të drejtë, të zhvilluar, demokratike dhe prosperuese.

Autoritetet iraniane kanë arrestuar dy organizatore të një maratone në ishullin Kish, pasi disa konkurrente femra morën pjesë pa hixhabin e detyrueshëm. Arrestimet erdhën pasi videot e grave që vraponin pa shami u përhapën në internet, duke shkaktuar një reagim të ashpër nga autoritetet, raporton BBC.

Në maratonën mbajtur veçmas për burra dhe gra përgjatë bregdetit jugor të Iranit, morën pjesë 2,000 gra dhe 3,000 burra. Fotot tregojnë disa nga garuesit, të veshur me bluza të kuqe, duke vrapuar pa asnjë mbulesë koke.

Skenat nga maratona shkaktuan reagime krejtësisht të kundërta. Shumë avokatë të ndryshimit në Iran i kanë mirëpritur pamjet filmike, duke e parë atë si provë të mëtejshme se gratë iraniane po e hedhin poshtë kodin e rreptë të veshjes që u është imponuar nga autoritetet. Nga të tjerat, gratë iraniane nuk kanë gjasa të përballojnë kodin e rreptë të veshjes që u është imponuar atyre.

Iran’s Athletics Federation tried to stop the marathon because women refused to wear hijab, and failed.
5,000 runners on Kish Island said “No” to forced veiling.
To Western media: this isn’t reform.
Khamenei just ordered a harsher crackdown, yet women keep resisting.
As one woman… pic.twitter.com/2cN531edrg

— Masih Alinejad 🏳️ (@AlinejadMasih) December 5, 2025

Organet gjyqësore reaguan menjëherë kundër organizatorëve.

Çështja e hixhabit të detyrueshëm mbetet në qendër të debatit rreth drejtimit në të cilin po lëviz Irani. Reagimet e qeverisë ndaj grave që shfaqen në publik pa shami ndryshojnë – ndonjëherë rregullat janë më të lehta, ndërsa në raste të tjera represioni është më i intensifikuar.

The Kish Island marathon was held Friday with 5,200 in separate men and women heats. A criminal case has been opened against organisers after many women ran without hijab. pic.twitter.com/YC45OYDvLk

— Iran International English (@IranIntl_En) December 5, 2025

Shoqëria e Zakynthos është e tronditur nga vdekja e një djali 2-vjeçar shqiptar në fshatin Agios Leontas, pasi u sulmua barbarisht nga qeni PitBull i familjes.

“Vajza ime e vogël më thirri dhe unë vrapova shpejt, kjo është e gjitha që mbaj mend. Djali im i vogël iku”, tha babai i djalit për Alpha me zërin që i dridhej.

Sipas informacioneve nga ERT, çifti, i cili ka edhe dy fëmijë të tjerë, ishte nisur për të blerë furnizime për shtëpinë dhe kur u kthyen pak pas mesditës, djali i vogël i shpëtoi vëmendjes dhe shkoi drejt pemës ku ishte lidhur qeni, i cila e sulmoi duke i shkaktuar lëndime të rënda.

“Qeni ishte endacak, e kishin lëshuar dhe e morëm sepse njerëzit në fshat bërtisnin se do t’i hante kafshët. E mora që të kishte një vend për të qëndruar dhe hëngri fëmijën tim . Fëmija më pa, më buzëqeshi dhe mbylli sytë”, shtoi babai i fëmijës.

Prindërit e fëmijës e çuan atë në Spitalin e Përgjithshëm të Zakynthos, ku mjekët luftuan për ta sjellë në jetë, por për fat të keq nuk ia dolën dot.

Autoritetet kompetente janë mobilizuar për të hetuar rrethanat e sulmit, ndërsa prindërit po mbahen në paraburgim.

19-vjeçari që u ther me thikë nga një 13-vjeçar sot në shkollën fillore “Emin Duraku” në Prizren, ndodhet jashtë rrezikut për jetën.

Këtë e konfirmoi për Klankosova, Hekuran Veçgishti, shef i emergjencës në Prizren.

Sipas tij, rreth orës 09:40, i lënduari u dërgua në Emergjencën e Spitalit të Përgjithshëm “Prim. Dr. Daut Mustafa” në Prizren. Janë kryer ekzaminime radiologjike dhe analiza laboratorike.

“Pacienti ka marrë terapinë e nevojshme dhe, pas konsultimit me kirurgun kujdestar, është pranuar në Repartin e Kirurgjisë për trajtim të mëtejshëm”, është përgjigjur ai

Njëherësh për rastin në fjalë kanë folur edhe nga Policia e Prizrenit.

Zëdhënësi i Policisë për rajonin e Prizrenit, Shaqir Bytyqi, ka deklaruar për Klankosova.tv se ngjarja ka ndodhur paraditen e sotme dhe se i dyshuar për rastin është një 13-vjeçar.

“Policia ka dalë menjëherë në vendngjarje dhe nga të dhënat e mbledhura është mësuar se pas një zënke ndërmjet dy të rinjve, njëri prej tyre, mashkull 13-vjeçar, e ka goditur me një mjet të mprehtë viktimën, mashkull 19-vjeçar”, tha ai.

Partia Demokratike e Kosovës, ka publikuar listën zyrtare të kandidatëve për deputetë nga qyteti i Ferizajt, që do të garojnë në zgjedhjet e 28 dhjetorit.

Sipas njoftimit të lëshuar në faqen zyrtare të PDK-Dega Ferizajt, janë gjashtë kandidatë për deputetë nga ky qytet.

Bëhet fjalë për Elmi Reçicën, Lulzim Aliun, Bekim Sopaj, Burim Bajramaj, Arbnora Salihu dhe Rashit Qalaj.

Kryeministri i Kosovës në detyrë, Albin Kurti ka njoftuar me anë të faqes zyrtare se do të investohet plotë 12 milionë euro në transformimin e tërësishëm të Stadiumit të Prizrenit, ndërsa në gjithë vendin do të investohen mbi 200 milionë euro në stadiume të futbollit.

Në njoftimin e bërë në profilin e tij në Facebook, Kurti ka njoftuar se tribunave në lindje dhe perëndim të stadiumit “Përparim Thaçit” do t’i shtohen edhe ato në veri e jug.

Sipas tij, ky stadium do të jetë një nga arenat sportive më moderne në vend, dhe do të ketë nga gati 7800 ulëse.

Përveç tij, Kurti ka njoftuar se do të investohet edhe mbi 200 milionë euro tjera në stadiume të futbollit gjithandej dhe Kosova do ta ketë infrastrukturën më të mirë sportive në rajon.