Qendra Kombëtare për Menaxhim Kufitar ka bërë një përditësim të ri mëngjesin e së martës mbi gjendjen aktuale në pikëkalimet kufitare për hyrje-dalje nga Kosova.
Sipas përditësimit të ri, pritjet më të gjata për dalje nga Kosova janë në Merdarë me rreth 30-40 minuta pritje, teksa te Dheu i Bardhë pritjet janë deri në 10 minuta e kolonat deri në 100 metra.
Më poshtë gjendja momentale e të gjitha pikëkalimeve kufitare.
Ministria e Punëve të Brendshme ka ndarë statistikat për incidentet e të shtënave me armë në ahengje gjatë muajit korrik.
Sipas njoftimit, Policia e Kosovës ka pranuar 53 raportime nga qytetarët, ka hapur 55 raste, ka konfiskuar 46 armë, ka konfiskuar 472 municione, ka arrestuar 42 persona dhe raporton se 1 person është plagosur.
“Bashkëpunimi është thelbësor në parandalimin e tragjedive që mund të shkaktohen nga gjuajtjet me armë zjarri.”, thuhet në njoftimin e ministrisë.
Gjinekologu Robert Welch u ka ndihmuar mijërave femrave me shtatzëni të rrezikshme t’i realizojnë ëndrrat e tyre për të lindur bebe të shëndetshme. Por, pavarësisht atyre sukseseve, ka një situatë që ende e frikëson atë: kur takohet me një shtatzëne që nuk mund ta lë duhanin!
Ai vet i ka parë komplikimet që pirja e duhanit gjatë shtatzënisë i shkakton, duke përfshirë lindjen e parakohshme, një peshë më të vogël të bebes, madje edhe rritjen e rrezikut për abort.
Madje, ai thotë se pirja e duhanit gjatë shtatzënisë është shprehi më e rrezikshme sesa sëmundjet serioze si diabeti dhe shtypja e lartë e gjakut.
Por, përse është gjë e rrezikshme pirja e duhanit gjatë shtatzënisë?
Tymi i cigares i përmban më shumë se 4,000 kimikale, ndërkaq të paktën 60 prej tyre janë përbërës që e shkaktojnë kancerin. Kur pini duhan gjatë shtatzënisë, ato toksina futen në qarkullimin tuaj të gjakut, i cili është burimi i vetëm i oksigjenit dhe vlerave ushqyese për bebet.
Ndonëse asnjëri prej atyre 4,000 kimikaleve nuk është i mirë për beben, dy prej tyre janë posaçërisht të dëmshëm: nikotina dhe monoksidi i karbonit. Këto dy toksina janë përgjegjëse për thuajse çdo komplikim që ndodh në shtatzëni si pasojë e çorjes së duhanit.
Komplikimet më serioze – që përfshijnë vdekjen e bebes, lindjen e parakohshme dhe peshën e vogël të bebes në lindje – mund t’i atribuohen faktit se nikotina dhe monoksidi i karbonit punojnë së bashku për ta reduktuar furnizimin e bebes me oksigjen.
Si ndikon pirja e duhanit te bebja?
Mungesa e furnizimit adekuat me oksigjen, ndikon jashtëzakonisht shumë në rritjen dhe zhvillimin e bebes. Mesatarisht, pirja e duhanit gjatë shtatzënisë i dyfishon shanset që një bebe të lind më herët ose të ketë peshë më të ulët sesa normalja në lindje. Pirja e duhanit po ashtu i dyfishon rreziqet e humbjes së jetës së bebes.
Çdo cigare që e pini jua rritë rreziqet e ndryshme.
Pirja e duhanit ndikon edhe në trupin dhe mushkëritë e bebes, në zemër dhe në funksion të trurit.
Komandanti i Forcës së Sigurisë së Kosovës, gjenerallejtënant Bashkim Jashari, dekoroi personelin mjekësor të Gardës Kombëtare të Ajovës.
Kjo si në shenjë mirënjohje për angazhimin dhe kontributin e jashtëzakonshëm në zhvillimin e kapaciteteve të mjekësisë ushtarake.
Forca e Sigurisë së Kosovës, përmes një postimi në Facebook, bën me dije se personeli i Gardës Kombëtare të Ajovës i ka ofruar mbështetje të vazhdueshme Regjimentit të Mjekësisë së FSK-së, përmes ofrimit të trajnimeve për personelin mjekësor, po ashtu edhe duke ofruar ekspertizë dhe mbështetje profesionale për Regjimentin e Mjekësisë. Ata kanë qenë gjithashtu thelbësor gjatë gjithë procesit të ngritjes se kapaciteteve mjekësore, deri në validimin e këtyre kapaciteteve për Role 1.
“KOMFSK vlerësoi lartë kontributin dhe ndihmën që Garda Kombëtare të Ajovës kanë dhënë në funksion të ngritjes së kapaciteteve mjekësore në Forcën e Sigurisë së Kosovës. Gjithashtu së bashku u dakorduan për bashkëpunim të mëtutjeshëm në zhvillim të mëtutjeshëm të këtyre kapaciteteve”, thuhet në njoftimin e FSK-së.
Presidentja e Kosovës, Vjosa Osmani ka bërë të ditur se e ka emëruar Edona Malokun, ambasadore të Kosovës në Portugali.
Në platformën X, Osmani ka thënë se është e kënaqur me emërimin që e ka bërë duke e quajtur Malokun një akademike dhe profesioniste e dalluar.
“Jam e bindur se njohurit dhe angazhimi i saj do të jenë të paçmueshme, ndërsa punojmë drejt thellimit të lidhjeve të miqësisë dhe bashkëpunimit ndërmjet Kosovës dhe aleatit tonë Portugalisë”, ka thënë Osmani.
Ministria e Shëndetësisë ka apeluar qytetarët që gjatë ditëve kur temperaturat janë të larta, të ndjekin rekomandimet e Institutit Kombëtar të Shëndetësisë Publike të Kosovës.
Në një postim në faqen zyrtare, MSh-ja thotë se kjo thirrje bëhet për të mbrojtur shëndetin e qytetarëve.
Po ashtu, kanë paralajmëruar se varësisht nga situata meteorologjike, nëse është e nevojshme MSh-ja do të ndërmarrë masa për kufizimin e orarit të punës.
“Të dashur qytetarë, për shkak të temperaturave të larta që po mbizotërojnë, ju lutemi të ndiqni rekomandimet e Ministrisë së Shëndetësisë dhe Institutit Kombëtar të Shëndetësisë Publike për të mbrojtur shëndetin tuaj.
Në varësi të zhvillimit të situatës meteorologjike, nëse është e nevojshme, Ministria e Shëndetësisë do të ndërmarrë masa për kufizimin e orarit të punës”, thuhet në njoftim.
Zëvendëskryeministri i Kosovës, Besnik Bislimi ka deklaruar se Qeveria mbështet shqiptarët e Luginës së Preshevës të cilët sipas tij, vijojnë të përballen me një situatë të papranueshme diskriminimi sistematik, që cenon të drejtat e tyre themelore.
Përmes një postimi në Facebook, Bislimi ka thënë se kërkesa e tyrë për respektimin e marrëveshjeve politike, ndalimin e pasivizimit të adresave, njohjen e diplomave të Kosovës dhe përfshirjen e drejtë në institucionet shtetërore janë plotësisht legjitime dhe të drejta.
“Qeveria e Republikës së Kosovës mbështet bashkëkombasit tanë në Preshevë, Bujanoc dhe Medvegjë si dhe mbetet e angazhuar për të ngritur këto çështje në nivelet më të larta ndërkombëtare dhe të kërkojë përkrahje për t’i dhënë fund diskriminimit të padrejtë”, ka thënë Bislimi.
Sipas tij, zgjidhja e këtyre çështjeve është dëshmi edhe për përkushtimin ndaj demokracisë dhe të drejtat e njeriut, e cila mungon nga fqinji ynë verior, që në vazhdimësi shkel të drejtat e komunitetit shqiptar.
Ministria e Mbrojtjes së Shqipërisë ka njoftuar se në të gjithë territorin e vendit janë identifikuar 47 vatra zjarri.
Pas një pune të pandërprerë të forcave operacionale në terren u bë i mundur izolimi i plotë dhe shuarja e 36 prej tyre, ndërsa 11 vatra vijojnë të mbeten aktive.
Në raportimin mbi situatën e zjarreve në vend, kjo ministri bëri të ditur se, sipas të dhënave nga Qendra Kombëtare Operacionale e Emergjencave Civile, në Parkun Kombëtar të Prespës në Malin e Thatë, strukturat vendore kanë punuar pa ndërprerje për izolimin e vatrës së zjarrit.
Zjarri vazhdon aktiv, për shkak të terrenit të vështirë, shkruan ATSH.
Kjo ministri njoftoi gjithashtu se nën bashkërendimin e Agjencisë Kombëtare të Mbrojtjes Civile, Forcat e Armatosura Shqiptare kanë përforcuar përpjekjet e ekipeve të pushtetit vendor, dhe kanë izoluar vatra të rrezikshme në terrene të vështira.
Të dielën mori fund edicioni i sivjetmë i Lojërave Olimpike, Parisi 2024.
Në ditën e fundit amerikanët arritën të dalin në krye të tabelës me 40 medalje të arta, po aq sa patën kinezët të cilët kishin udhëhequr pothuajse gjatë gjithë kohës.
Mirëpo, numri i medaljeve të argjendta, 44, bëri që ShBA-ja ta kalonte Kinën në renditje.
Ata gjithsej patën 126 medalje (përfshirë 42 të bronzit), teksa kinezët gjithsej 91, 27 të argjendta dhe 24 të bronzta.
Në vendin e tretë erdhi Japonia me 20 të arta, 12 të argjendta, 13 të bronzta, dhe 45 gjithsej.
Australia doli e katërta me 18 të arta, 19 të argjendta dhe 16 të bronzta – 53 gjithsej.
Nikoqirja, Franca, mblodhi 16 të arta, 26 të argjendta, 22 të bronzta – gjithsej 64.
Holanda pati 15 medalje të arta, shtatë të argjendta dhe 12 të bronzta – gjithsej 34.
Britania e Madhe numëroi 14 medalje të arta, 22 t argjendta dhe 29 të bronzta – gjithsej 65.
Koreja e Jugut fitoi 13 të arta, nëntë të argjendta dhe dhjet të bronzta – gjithsej 32.
Italia shkoi në shtëpi me 12 të arta e 132 të argjendta, e 215 ë bronzta – gjithsej 40.
Top dhjetëshen e mbylli Gjermania me 12 të arta, 13 të argjendta dhe tetë të bronzta – gjithsej 33.
Policia e Kosovës njofton se ka arrestuar një burrë në Han të Elezit nën dyshimin se ka sulmuar fizikisht dy zyrtarë policorë.
Sipas raportit 24-orësh të PK-së, rasti ka ndodhur të shtunën.
“Rr. UÇK, Hani i Elezit / 11.08.2024 – 19:35. Është arrestuar i dyshuari mashkull kosovar për shkak se i kishte sulmuar fizikisht dy zyrtarët policor meshkuj kosovarë të cilët kanë qenë në kryerje të detyrës zyrtare. I dyshuari pas intervistimit me urdhër të prokurorit është liruar në procedurë të rregullt”, thuhet në njoftimin e plotë të Policisë.