Author: G.O.

Hetuesit policorë nga Sektori Qendror për Hetimin me Narkotik në koordinim me agjenci tjera të sigurisë, në dalje të autostradës në fshatin Mazgit kanë ndaluar për kontroll një veturë dhe i kanë gjetur lëndë narkotike.

Hetuesit kanë gjetur rreth 9 kilogramë narkotikë që dyshohen të jenë marihuanë. Dy të dyshuar janë dërguar në mbajtje.

“Kurse gjatë kontrollit të dy personave që kanë qenë në veturë, janë gjetur dhe rreth 0.5 gr lëndë narkotike që dyshohet të jetë kokainë dhe te personi tjetër rreth 94 gr lëndë narkotike, dyshohet të jetë marihuanë”, ka njoftuar Policia.

Për rastin është njoftuar prokurori kujdestar dhe në koordinim me organet e drejtësisë janë kontrolluar dy lokacione. Gjatë kontrollit në njërin lokacion janë gjetur 16 gramë lëndë narkotike, dyshohet të jetë kokainë. Kurse, në lokacionin tjetër janë gjetur 418 gramë lëndë narkotike, dyshohet të jetë marihuanë.

“Në tërësi, gjatë këtij operacioni policor janë konfiskuar 9 kg e 512 gr lëndë narkotike që dyshohet të jetë marihuanë dhe 16.5 gr substancë që dyshohet të jetë kokainë. E tërë lënda narkotike e konfiskuar, mendohet se ka vlerë tregu rreth 15 mijë euro. Po ashtu, janë konfiskuar edhe një veturë dhe një telefon”, njoftoi tutje PK-ja.

Demokratët janë duke përgatitur një përgjigje të shpejtë për të mbushur rrjetet sociale dhe mediat me thirrje për qetësi dhe durim në numërimin e votave, nëse Donald Trump përpiqet të shpallë fitore para kohe, siç bëri në vitin 2020.

Këto komente i thanë për Reuters zyrtarë të fushatës së Harris dhe të partisë.

Trump shprehu shpresën se do të mund të shpallë fitore në Ditën e Zgjedhjeve, por ekspertët e zgjedhjeve paralajmërojnë se rezultatet përfundimtare mund të zgjatin disa ditë, sidomos nëse kërkohen ri-numerime votash në disa zona kyçe.

Ai është në një garë shumë të ngushtë me rivalen e tij demokratike, Kamala Harris.

Fituesit e zgjedhjeve zakonisht shpallen nga mediat kryesore që analizojnë numrat e votave të dhëna nga zyrtarët e zgjedhjeve.

Ndërsa kandidatët ndonjëherë shpallin fitore përpara se të bëhen këto njoftime, është e pazakontë ta bëjnë këtë përpara se të duket qartë kush është fituesi.

Harris tha se janë të gatshëm të reagojnë nëse Trump shpall fitore para kohe, duke shtuar se janë të përgatitur për të ndikuar në opinionin publik.

Zyrtarët demokratë planifikojnë të mbushin mediat me kërkesa për të numëruar të gjitha votat përpara se të shpallen fitoret.

Një zyrtar i lartë i Komitetit Kombëtar Demokratik tha se sa herë që Trump shpall fitore të pavërtetë, ata janë të gatshëm të dalin në televizion dhe të ofrojnë të vërtetën.

Një zyrtar i fushatës së Harris tha se ata presin që Trump të shpallë fitore të pavërtetë në mbrëmjen e zgjedhjeve.

Në vitin 2020, Trump shpalli veten fitues në orët e para pas Ditës së Zgjedhjeve, tri ditë përpara se televizionet të bënin njoftimin.

Ai përfundimisht humbi ndaj Joe Biden dhe nuk e pranoi kurrë rezultatin, duke vazhduar të thotë se zgjedhjet ishin vjedhur.

Një aleat i Trumpit, Steve Bannon, sugjeroi që Trump duhet të shpallë shpejt fitore, duke thënë se ai duhet të qëndrojë dhe të deklarojë, “Hej, kam fituar këtë.”

Fushata e Trumpit tha se ai do të luftojë për çdo votë deri në mbylljen e kutive, por nuk dha një përgjigje të drejtpërdrejtë nëse ai planifikon të shpallë fitore para se gara të përfundojë.

Një donator i Trumpit, Bill Bean, shpreson që ose Harris ose Trump të fitojnë me diferenca të mëdha, për të siguruar që rezultatet të pranohen nga sa më shumë njerëz, shkruan Reuters.

Qeveria e Kosovës i është kundërpërgjigjur Brukselit që së fundmi kërkuan që themelimi i Asociacionit të Komunave me shumicë Serbe të bëhet në bazë të propozimit të tyre.

Nga Zyra e Kryeministrit thanë sot se nuk munden që pas një viti takim, ku ishte refuzuar oferta e palës së Kosovës, të nxjerrin siç thanë ata, draft statutin e BE-së nga paketa e ta hedhin paketën e njohjes de facto reciproke.

Në deklaratën e Qeverisë thuhet se draft statuti i BE-së nuk e ka nënshkrimin as të Përfaqësuesit të Lartë të BE-së, Josep Borrell, as të emisarit të tij, Miroslav Lajçak dhe as të kryeministrit të Kosovës Albin Kurti, dhe se ai dokument është vetëm një non-paper.

“Kërkesat tona gjithmonë kanë për qëllim sigurimin dhe garantimin e zbatimit të plotë dhe të pakushtëzuar të marrëveshjeve të dakorduar. Andaj edhe ekziston insistimi ynë që të ketë nënshkrim të Marrëveshjes Bazike dhe Aneksit të saj të zbatimit. Qëndrimet dhe propozimet tona gjithmonë respektojnë një rend të gjërave. Prandaj, nuk mundemi që një vit pas takimit të tetorit të vitit të kaluar, në të cilin refuzohet oferta jonë për nënshkrimin e paketës, të nxjerrim draft statutin e BE-së nga paketa e ta hedhim paketën e njohjes se paku de facto reciproke. Rikujtojmë se draft statuti i BE-së nuk e ka nënshkrimin as të Përfaqësuesit të Lartë të BE-së, Borrell e as të emisarit të tij, Lajçak, aq më pak të Kryeministri Kurti. Statusi i draft statutit është ai i një non-paper, njëri ndër disa propozimet që janë bërë në vitet e kaluara”, thuhet në njoftim.

Reagimi i plotë i ZKM-së:

Në takimin e 26 tetorit 2023 në Bruksel me kancelarin gjerman Scholz, presidentin francez Macron, kryeministren italiane Meloni, presidentin e Këshillit Evropian, Michel, përfaqësuesin e lartë të BE-së, Borrell dhe emisarin e BE-së, Lajcak, Kryeministri Kurti kishte ofruar që të nënshkruhet paketa e Marrëveshjes Bazike, përfshirë draftin e ofruar nga BE-ja dhe ShBA-ja për zbatimin e nenit 7 në ndërlidhje të nenit 10 të Marrëveshjes Bazike. Një gjë e tillë u refuzua nga Serbia. Krahas refuzimit për të nënshkruan pakon, Serbia kishte kërkuar që t’i pranohet një letër anësore me të cilën praktikisht i zhbën tri parime të Marrëveshjes Bazë, të Aneksit të Zbatimit si dhe të draftit të propozuar nga pesë emisarët me 21 tetor 2023. Në fund të atij takimi Kryeministri kishte thënë: “Pranimi nënkupton nënshkrim, vetëm nënshkrimi nënkupton pranimin dhe garanton zbatimin”, siç edhe potencohet në komunikatën zyrtare të Qeverisë së Republikës së Kosovës në lidhje me atë takim që mund ta gjeni në këtë link: https://kryeministri.rks-gov.net/blog/komunikate-per-media-pas-takimit-ne-bruksel-me-kreret-e-bashkimit-evropian/. Meqenëse nuk pati nënshkrim, andaj nuk ka as pranim.

Kjo nuk është hera e parë që ofertat nga ana e Kryeministrit Kurti që kanë të bëjnë me zbatimin e nenit 7 në ndërlidhje të nenit 10 të Marrëveshjes Bazike, janë refuzuar. Një e tillë ishte refuzuar edhe në Ohër në mars 2023 kur Kryeministri Kurti kishte shprehur gatishmërinë për hartimin e draft statutit të Asociacionit të Komunave me Shumicë Serbe bazuar në vendimin e Gjykatës Kushtetuese të vitit 2015, Letrës së Përfaqësueses së Lartë të BE-së, Mogherini të vitit 2015 dhe opinionin e publikuar të emisarit amerikan Escobar dhe këshilltarit të Departamentit amerikan të Shtetit, Chollet në vitin 2023.

Kërkesat tona gjithmonë kanë për qëllim sigurimin dhe garantimin e zbatimit të plotë dhe të pakushtëzuar të marrëveshjeve të dakorduar. Andaj edhe ekziston insistimi ynë që të ketë nënshkrim të Marrëveshjes Bazike dhe Aneksit të saj të zbatimit. Qëndrimet dhe propozimet tona gjithmonë respektojnë një rend të gjërave. Prandaj, nuk mundemi që një vit pas takimit të tetorit të vitit të kaluar, në të cilin refuzohet oferta jonë për nënshkrimin e paketës, të nxjerrim draft statutin e BE-së nga paketa e ta hedhim paketën e njohjes se paku de facto reciproke. Rikujtojmë se draft statuti i BE-së nuk e ka nënshkrimin as të Përfaqësuesit të Lartë të BE-së, Borrell e as të emisarit të tij, Lajçak, aq më pak të Kryeministri Kurti. Statusi i draft statutit është ai i një non-paper, njëri ndër disa propozimet që janë bërë në vitet e kaluara.