ATV

Author: G.O.

  • Përgjimi i bisedave: Gjykata Kushtetuese në Hagë vlerëson se Thaçit nuk iu shkelën të drejtat e njeriut

    Përgjimi i bisedave: Gjykata Kushtetuese në Hagë vlerëson se Thaçit nuk iu shkelën të drejtat e njeriut

    Gjykata Kushtetuese me seli në Hagë ka nxjerrë vendim lidhur me ankesën e mbrojtjes së Hashim Thaçit, për shkelje të Ligjit dhe Kushtetutës nga Dhomat e Specializuara.

    Ankesa ndërlidhej me vendosjen e disa kushteve speciale në Qendrën e Paraburgimit, përgjimet e bisedave e të vizitave të ndryshme.

    Në dokumentin që e ka parë Nacionale, vendimi i Kushtetueses konstaton se nuk ka pasur shkelje.

    “Parashtruesi u ankua para Dhomës për dështimin e gjyqtarit të vetëm për të dhënë një mendim të arsyetuar për vendosjen e SIM. Si rezultat, parashtruesi pohoi se vendosja e SIM ishte pa bazë ligjore dhe, si e tillë, në shkelje të Neni 31(2) i Kushtetutës dhe neni 6(1) i Konventës. Më tej, parashtruesi u ankua se regjistrimi dhe monitorimi i bisedave të tij të paprivilegjuara ishte shkelje e së drejtës së tij për privatësi e mundur vetëm me bazë ligjore. Duke marrë parasysh sa më sipër, parashtruesi pretendoi shkelje të së drejtës së tij për privatësi sipas nenit 36 të Kushtetutës dhe nenit 8 të Konventës”, thuhet në këtë vendim, raporton Nacionale.

    Megjithatë, Gjykata Kushtetuese e Speciales ka konstatuar se ankesa e Thaçit nuk mund të pranohet.

    “Paneli, bazuar në të dhënat e mësipërme, gjen se ankesat në lidhje me Nenin 36 të Kushtetutës dhe Nenin 8 të Konventës nuk tregojnë një shkelje të mundshme të të drejtave për privatësi. Kjo do të thotë se kjo pjesë e referimit duhet shpallur e papranueshme në përputhje me Rregullin 14(f) të Rregullave të Gjykatës Kushtetuese të Shtetit (SCCC)”, thuhet më tutje.

    Ankesa u rrëzua edhe për të drejtën e prezantimit me avokat dhe të mbrojtjes në heshtje.

    “Bazuar në të dhënat e mësipërme, Paneli gjen se ankesat mbi Nenin 29(3) dhe Nenit 30(5) dhe (6) të Kushtetutës, si dhe Nenin 6 të Konventës, veçanërisht në lidhje me pretendimet për të drejtat për avokat dhe të drejtën për heshtje, duhet shpallur të papranueshme për shkak se janë të parakohshme pasi mjetet e disponueshme nuk janë shfrytëzuar ende në përputhje me Nenin 113(7) të Kushtetutës, Nenin 49(3) të Ligjit, si dhe Rregullin 14(f) të Rregullave të SCCC”, thotë vendimi.

    Si rezultat, mbi këtë bazë, ankesa e Thaçit u rrëzua nga Gjykata Kushtetuese.

    Aktakuza e dytë

    Zyra e Prokurorit të Specializuar ka ngritur akuzë të ndaj ish-presidentit Hashim Thaçi, nën pretendimin se ka penguar drejtësinë.

    Në një komunikatë për media, pas aksionit të së enjtes, ZPS ka bërë me dije se në këtë rast, ka arrestuar Bashkim Smakajn, Isni Kilajn dhe Fadil Fazliun.

    Po ashtu, në njoftim thuhet se është lëshuar fletëthirrje për paraqitje për Hajredin Kuçin, ish-ministër i Drejtësisë.

    “ZPS-ja ngre akuza ndaj Hashim THAÇIT për vepra penale të pengimit të drejtësisë; arreston Bashkim SMAKAJN, Isni KILAJN dhe Fadil FAZLIUN në Kosovë; dhe lëshon fletëthirrje për paraqitje për Hajredin KUÇIN

    Zyra e Prokurorit të Specializuar (ZPS) ka ngritur akuza ndaj Hashim THAÇIT për vepra penale të pengimit të drejtësisë, sipas një Aktpadie të konfirmuar.

    Z. Thaçi ndodhej në Objektin e Paraburgimit të Dhomave të Specializuara të Kosovës kur iu dorëzua një fletë-arrestim dhe ndaj tij janë ngritur tre akuza për pengim të personave zyrtarë në kryerjen e detyrave zyrtare, tre akuza për shkelje të fshehtësisë së procedurës, dhe katër akuza për mosbindje ndaj gjykatës.

  • Më shumë se 40 të vrarë nga sulmet pakistaneze në Afganistan

    Më shumë se 40 të vrarë nga sulmet pakistaneze në Afganistan

    Sulmet ajrore pakistaneze kanë lënë të vrarë 46 civilë në lindje të Afganistanit, tha qeveria në Kabul e udhëhequr nga talibanët, ndërkaq Islamabadi pretendoi se ka shënjestruar strehë të dyshuara militante në zonat kufitare.

    Zëdhënësi i talibanëve Zabihullah Mujahid, i tha Radios Evropa e Lirë se në mesin e viktimave ka shumë gra dhe fëmijë. Sulmet u kryen më 24 dhjetor në katër lokacione në qarkun Barmal të provincës Paktika.

    Ende nuk ka një koment nga autoritetet pakistaneze për sulmet brenda Afganistanit.

    Megjithatë, ushtria pakistaneze tha se forcat e sigurisë kanë vrarë 13 kryengritës në një operacion të kryer gjatë natës në Vaziristanin Jugor, një qark i Pakistanit që gjendet në kufi me provincën Paktika.

    Radio Evropa e Lirë nuk ka mundur të konfirmojë në mënyrë të pavarur këto pretendime.

    Sulmet me gjasë do të rrisin edhe më shumë tensionet mes dy shteteve fqinje.

    Pakistani tha se militantët nga grupi islamist Tehrik-e Taliban Pakistan (TTP) po fshihen përgjatë kufirit në Afganistan dhe Islamabadi vazhdimisht u ka kërkuar talibanëve afganë që të veprojnë kundër tyre. Por, talibanët afganë thonë se militantët e TTP-së janë në Pakistan.

    Sulmet e fundit ajrore pakistaneze vijnë disa ditë pasi militantët e TTP-së kryen një sulm në afërsi të kufirit veriperëndimor me Afganistanin, duke vrarë 16 zyrtarë të sigurisë dhe duke plagosur tetë të tjerë.

    Sulmi ndodhi kur militantët hapën zjarr në një pikë kontrolli në Vaziristanin Jugor në orët e para të 21 dhjetorit.

    TTP-ja, që kërkon të vendosë Ligjin e Sheriatit në Pakistan, mori përgjegjësinë për sulmin dhe pretendoi se ka vrarë 35 zyrtarë pakistanezë të sigurisë. Radio Evropa e Lirë nuk ka mundur të konfirmojë në mënyrë të pavarur numrin e viktimave. Asnjëra palë nuk ka treguar se sa militantë janë vrarë gjatë sulmit.

    Ka pasur një rritje të vazhdueshme të sulmeve të TTP-së në provincën Kiber Paktunkvas në veriperëndim të Pakistanit që kur talibanët u rikthyen në pushtet në Kabul në gusht të vitit 2021./REL

  • Kosova ndan 1.1 milion euro për bujqit e Luginës

    Kosova ndan 1.1 milion euro për bujqit e Luginës

    Qeveria e Republikës së Kosovës zhvilloi dje një mbledhje elektronike, ku miratoi disa vendime të rëndësishme për mbështetje financiare dhe avancimin e disa sektorëve.

    Gjatë mbledhjes, u miratua Rregullorja për Procedurat dhe Kushtet e Financimit të Organizatave Sportive, e cila do të krijojë mundësi për financimin e projekteve dhe aktiviteteve të organizatave sportive në vend.

    Po ashtu, Qeveria ndau një shumë prej 1,108,529 Euro për të mbështetur të gjitha familjet shqiptare nga Presheva, Medvegja dhe Bujanoci, të cilat janë aktivisht të angazhuara në bujqësi.

    Ky fond është ndarë në kuadër të thirrjes publike të Këshillit Kombëtar Shqiptar (KKSh) dhe përfshin gjithashtu financimin e programeve për avancimin dhe integrimin e fëmijëve me nevoja të veçanta.

    Në përfundim, u aprovua kërkesa e Ministrisë së Financave, Punës dhe Transfereve për kursime dhe ndarje financiare, që synon përmirësimin e menaxhimit të burimeve dhe efikasitetin e shpenzimeve në buxhetin e shtetit.

    Kujtojmë se kryetari i Këshillit Kombëtar Shqiptar, Nevzad Lutfiu kishte njoftuar se Ministria për të Drejtat e Njeriut dhe Minoriteteve në Beograd, kishte kërkuar që të anulohet konkursi për subvencionimin e kulturave bujqësore nga Fondi i Republikës së Kosovës.

    Në një postim në Facebook, Lutfiu kishte shkruar se nuk do ta shfuqizojnë vendimin.

    “Ministria në fjalë kërkon që konkursi të anulohet (të shfuqizohet vendimi i KKSH-s), nëse ne nuk e shfuqizojmë këtë vendim atëherë atë do ta bëj vet Ministria, me preteksin se vendimi është i jashtëligjshëm thuhet në kundërpërgjigjen e Ministrisë. Vendimin nuk e shfuqizojmë, ndërsa pas konsultimit me Qeverinë e Kosovës do të njoftoheni me hapat e mëtutjeshëm”, kishte shkruar Lutfiu. /Telegrafi/

  • ​Musliu: Pacolli, ministrat abuziv dhe kryeministri të japin llogari para qytetarëve

    ​Musliu: Pacolli, ministrat abuziv dhe kryeministri të japin llogari para qytetarëve

    Deputetja e Partisë Demokratike të Kosovës, Ganimete Musliu tha se deputetët e Lëvizjes Vetëvendosje kanë dëshmuar pasi sipas saj janë të papërgjegjshëm dhe abuziv me besimin që morën nga qytetarët e Kosovës.

    Në një konferencë për media, Musliu tha se tendenca kryesore e pushtetit aktual është eliminimi i kontrollit parlamentar demokratik.

    Derisa foli për rastin e ndarjes së subvencioneve nga Ministria Bujqësisë, Musliu tha se anëtarja e Komisionit për Mjedis dhe Bujqësi, Fitore Pacolli e vendosi servilizmin dhe përfitimet familjare mbi ligjin dhe përgjegjësinë e saj.

    “Përgjatë gjithë këtij mandati qeverisës ne e kemi ngritur vazhdimisht zërin për keqqeverisjen që u instalua nga Lëvizja Vetëvendosje. Bashkë me raportimet e mediave kemi bërë të mundur që të gjithë qytetarët e Kosovës të shohin qartë të vërtetën e keqqeverisjes dhe abuzimet me subvencione nga ana e ministrit Faton Peci. Me angazhim të vazhdueshëm kemi nxjerr në pah tendencën kryesore të pushtetit aktual që është eliminimi i kontrollit parlamentar demokratik. Metoda e degjenerimit të këtij instrumenti demokratik, kontrollues është elementi kryesor i pushteteve diktatoriale. Deputetet e Vetëvendosjes kanë dëshmuar që janë të pa përgjegjshëm dhe tejet abuziv me besimin që e morën nga qytetarët e këtij vendi. Njëra nga këta deputetë të papërgjegjshëm dhe skajshmërisht e dëmshme për funksionim institucional është kryetarja e Komisionit Parlamentar për Mjedis, Ushqim, Bujqësi, Planifikim dhe Zhvillim, Fitore Pacolli. Ajo servilizmin partiak dhe përfitimet familjare i vendosi mbi ligjin dhe mbi përgjegjësinë e saj si pjesë e organit më të lartë në vend, kuvendit të Republikës së Kosovës”, tha Musliu.

    Musliu e ka quajtur Pacollin marionetë të pushtetit, për çka kritikoi të njëjtën për mosftesë të ministrit të Bujqësisë, Faton Peci dhe atë të Mjedisit, Liburn Aliu në komisionin që ajo drejton.

    Sipas saj, Pacolli me këto veprime është munduar të mbajë larg vëmendjes publike abuzimet në ministri.

    “Dua të theksoj se Fitore Pacolli u tregua ekstremisht e papërgjegjshme dhe abuzive për sa i përket legjislacionit në fuqi përmes të cilit sigurohet funksionimi i sistemit tonë demokratik parlamentar. Gjatë gjithë vitit 2024 asnjëherë nuk e ka ftuar na raportim ministrin Peci përkundër faktit që ka pasur propozime dhe kërkesa të vazhdueshme nga anëtarët e tjerë të komisionit. Njëjtë ka vepruar edhe me ministrin e Mjedisit, Liburn Aliu…Fitore Pacolli është sinonim i përfaqësimit të pa përgjegjshëm dhe sinonim si abuzohet me besimin e qytetarëve. Ajo si marionetë e pushtetit e ka neglizhuar dhe përvetësuar punën e komisionit parlamentar sepse vetëm kështu ka menduar ta mbajë larg vëmendjes publike abuzimet në ministri që në realitet është i thirrur t’i mbikëqyrë dhe të kërkojë llogari”, potencoi Musliu.

    Ndër të tjera, deputetja e PDK-së, Ganimete Musliu tha se përveç Pacollit, as ministrat siç i quan ajo abuziv e as kryeministri i Kosovës, Albin Kurti nuk mund të jenë komod, sepse sipas saj duhet dhënë llogari para qytetarëve për çdo veprim.

    “As Fitore Pacolli, as ministrat abuziv dhe as kryeministri që ka instaluar një mendësi shkatërruese nuk mund të ndjehen komod sepse që të gjithë duhet dhe do të japin llogari para qytetarëve për çdo veprim dhe për çdo shpërndarje të fondeve të dedikuara për t’i subvencionuar bujqit dhe fermerët e Kosovës të cilët fitojnë me mund e djersë bukën e gojës…Kërkojmë nga organet kompetente t’i shqyrtojnë seriozisht dhe t’i hetojnë këto raste të nepotizmit, të konfliktit të interesit dhe shkeljeve ligjore”, theksoi Musliu.

  • Parashqevi Simaku uron shqiptarët për Krishtlindjet: Ju përqafoj, Zoti ju bekoftë

    Parashqevi Simaku uron shqiptarët për Krishtlindjet: Ju përqafoj, Zoti ju bekoftë

    Këngëtarja e njohur, Parashqevi Simaku, ka përçuar një mesazh të ngrohtë urimi për të gjithë shqiptarët me rastin e festës së Krishtlindjeve.

    Përmes një video teksa feston me bashkatdhetarët në Amerikë, ikona e muzikës ka shprehur dashuri dhe respekt për shqiptarët.

    “Ju uroj Krishtlindjet të gjithë shqiptarëve në mbarë botën, me shumë dashuri dhe respekt”, tha ajo.

    Ndër të tjerash theksoi: “Ju përqafoj, zoti ju faltë e ju bekoftë”.

    Parashqevi tashmë ka bërë një ndryshim falë biznesmenit Elton Ilirjani, i cili i ka siguruar edhe një vend për të jetuar.

    “Madona e Shqipërisë” – Abc7 i dedikon një artikull Parashqevi Simakut pas bujës që bëri me publikimin e videos
    Ajo ka filluar të bisedojë e të takohet edhe me familjarët, me të cilët i kishte zhdukur kontaktet prej vitesh.

    Gjithashtu, Simaku ka folur edhe me djalin e saj, Luka Nolfe, të cilin e priti në një stacion për më shumë se tetë vjet. /Telegrafi/

  • Suspendohen policët që dyshohet se keqtrajtuan një person që u iku me veturë në Ferizaj

    Suspendohen policët që dyshohet se keqtrajtuan një person që u iku me veturë në Ferizaj

    Inspektorati Policor i Kosovës ka njoftuar se ka suspenduar tre policë për tejkalim të autorizimeve për një rast të dy ditëve më parë në Ferizaj.

    Sipas njoftimit të IPK-së, policët në orët e vona të 23 dhjetorit ishin vënë në ndjekje ndaj një të dyshuari që u iku me veturë. Pasi e arrestuan, dyshohet se policët kryen veprën penale “lëndim i lehtë trupor”.

    “Inspektorati Policor i Kosovës respektivisht Departamenti i Hetimeve pas publikimit të një video në medie, sipas detyrës zyrtare ka filluar një hetim me dyshimin për tejkalim të autorizimeve policore gjatë përdorimit të forcës nga disa zyrtarë policorë në Ferizaj. Ngjarja është raportuar të ketë ndodhur më 23.12.2024 në Ferizaj në orët e vona të natës kur policia kishin ndaluar një të dyshuar i cili nuk ishte ndaluar me veturën e tij dhe policia i ishte vënë në ndjekje. Rasti është regjistruar në IPK dhe hetuesit janë angazhuar duke ndërmarrë veprime konkrete hetimore”, thuhet në njoftim.

    Veprimet e mëtutjeshme hetimore lidhur me këtë rast do të vazhdojnë nga hetuesit e IPK-së në konsultim të vazhdueshëm me prokurorin kompetent, vijon njoftimi.

  • Aeroplani që u rrëzua në Kazakistan, ishte përplasur me tufën e zogjve

    Aeroplani që u rrëzua në Kazakistan, ishte përplasur me tufën e zogjve

    Ministria e Emergjenca në Kazakistan që në momentet e para ka njoftuar se mund të ketë të mbijetuar nga rrëzimi i aeroplanit, brenda të cilit gjendeshin 67 persona.

    Bëhet fjalë për fluturaken e aviokompanisë Azerbaijan Airlines, e cila u rrëzuar në qytetin Aktau në Kazakistan, transmeton Telegrafi.

    Deri më tani është bërë e ditur se të paktën 28 persona kanë shpëtuar nga 67 sa ishin në total në aeroplanin Emraer 190, që do të thotë se mbi 30 kanë humbur jetën. Katër kufoma deri më tani janë nxjerrë nga rrënojat e aeroplanit.

    Aeroplani po udhëtonte nga Baku në Azerbajxhan dhe kishte për destinacion Grozny në Çeçeni të Rusisë – duke bërë ulje emergjente rreth tre kilometra larg Aktau, pasi ishte përplasur me tufën e zogjve.

    Në vendin e ngjarjes kanë dalë mbi 11 njësi të zjarrfikësve, kurse në FlightRadar24 tregohet se aeroplanit gjendej në afërsi të aeroportit në Aktau. /Telegrafi/

  • Ministria e Ekonomisë i bën thirrje qytetarëve të kursejnë energjinë elektrike: Sistemi ynë është ngarkuar tej mase

    Ministria e Ekonomisë i bën thirrje qytetarëve të kursejnë energjinë elektrike: Sistemi ynë është ngarkuar tej mase

    Ministria e Ekonomisë ka njoftuar se mbrëmë vonë ka mbajtur takim të përbashkët me KOSTT dhe KEDS për të trajtuar situatën e furnizimit me energji elektrike pasi që qytetarët e disa komunave të Kosovës kanë raportuar ankesa gjatë ditëve të fundit.

    Ministria e Ekonomisë përmes një komunikate për media, bën të ditur se, KOSTT dhe KEDS kanë raportuar se, “me uljen e temperaturave, konsumi i energjisë elektrike ka arritur nivele shumë të larta, mbi 1400 MW në kohë të caktuara. Si rezultat, sistemi ynë elektro-energjetik është ngarkuar tej mase, duke shkaktuar vështirësi teknike në furnizim dhe duke e rrezikuar rrjetin; kësisoj, ka qenë e domosdoshme që operatorët të bëjnë shkyçje në disa vendbanime ku ngarkesa ka qenë e papërballueshme për rrjetin”

    “Vështirësitë janë hasur veçanërisht në komunat e Ferizajt, Lipjanit, Gjakovës, Malishevës, Gjilanit, Shtimes, Istogut dhe Prizrenit, dhe si rrjedhojë mund të jenë ndikuar edhe disa nga vendbanimet të cilat furnizohen nga linjat e afektuara. Ndërsa, ekipet e KOSTT-it dhe KEDS-it janë duke punuar pandërprerë në terren për të minimizuar ndikimin në furnizim të qytetarëve”, thuhet në komunikatën e Ministrisë së Ekonomisë.

    Tutje kjo ministri njofton se gjatë javës në vijim pritet të përfundohet ndërtimi i nënstacionit të tretë në Ferizaj nga KOSTT, që sipas tyre, pritet të zgjidh problemet me energji elektrike në këtë komunë.

    “Probleme të ngjashme ka pasur në Fushë-Kosovë, por me energjizimin e nënstacionit të ri 110kV përgjatë javës së kaluar, është lehtësuar në masë të madhe barra dhe është adresuar problemi i furnizimit për banorët e kësaj komune.

    Gjatë javës në vijim pritet që të përfundojë ndërtimi i nënstacionit të tretë në Ferizaj nga KOSTT, gjë që do të zgjidhë problemet e furnizimit në këtë komunë, dhe do të lehtësojë ngarkesën edhe në vendbanimet të cilat furnizohen nga linjat e ndërlidhura me këtë nënstacion”, thotë Ministria.

    Gjithashtu thuhet se për ditët e festave të fundvitit janë më kritike sa i përket furnizimit me energji, ndërsa i bëjnë thirrje qytetarëve të jenë të kujdesshëm me konsumin e energjisë, paradite e pasdite në periudha të caktuara kohore.

    “Në tremujorin e parë të vitit 2025, investime të tjera planifikohen për komunat e Malishevës dhe Dragashit me qëllim të zgjidhjeve afatgjata për furnizimin e qëndrueshëm me energji.

    Zakonisht kohët e festave të fundvitit karakterizohen me rritje të madhe të konsumit të energjisë elektrike, prandaj janë kritike sa i përket sigurisë së furnizimit.

    Përgjatë javës në vijim, për të ndihmuar sistemin elektro-energjetik, lusim qytetarët që të jenë sa më të kujdesshëm në konsumin e energjisë, sidomos gjatë orëve të paradites nga ora 09:00-12.00 dhe pasdites nga ora18:00-00:00. Kursimi i energjisë në këto orë është thelbësor për të shmangur mbingarkesat dhe për të ruajtur funksionalitetin e sistemit për të gjithë.

    Lusim qytetarët që aty ku është e mundur të përdorin burime alternative për ngrohje si druri ose peleti, si dhe të zhvendosin konsumin e energjisë elektrike pas mesnatës”, thuhet në komunikatën e Ministrisë së Ekonomisë.

  • Komandanti i KFOR-it: Paqja e qëndrueshme mes Kosovës dhe Serbisë kërkon zgjidhje politike

    Komandanti i KFOR-it: Paqja e qëndrueshme mes Kosovës dhe Serbisë kërkon zgjidhje politike

    Komandanti i ri i KFOR-it, Enrico Barduani, ka deklaruar se paqja e qëndrueshme mes Kosovës dhe Serbisë kërkon zgjidhje politike.

    Barduani ka sqaruar se “zgjidhja mes Kosovës dhe Serbisë nuk duhet të jetë me mjete ushtarake, por me dialog”, nënkupton se alternativa për çështje thelbësore mes palëve është në duar të diplomacisë dhe politikës.

    “Ndërsa prania ushtarake e KFOR-it është e nevojshme për të përballuar sfidat aktuale të sigurisë, paqja e qëndrueshme kërkon një zgjidhje politike. Në fakt, pas një krize ndërkombëtare, forcat ushtarake janë funksionale për të krijuar një mjedis të sigurt, por është në duar të diplomacisë dhe politikës që të zgjidhin çështjet thelbësore që shkaktuan krizën dhe të arrijnë një zgjidhje të qëndrueshme. Kjo nuk mund të jetë një detyrë që i besohet personelit ushtarak”, deklaroi Barduani për AP.

    Barduani kishte shërbyer në Kosovë në vitin 2001 si oficer dhe më pas, në vitin 2015, si shef i kabinetit të komandantit të KFOR-it. Aktualisht, ai e konsideron situatën e sigurisë më stabile, por megjithatë ajo vazhdon të mbetet e brishtë edhe pas më shumë se dy dekadash.

    “Situata e sigurisë në Kosovë është përmirësuar ndjeshëm që nga viti 2001, ajo ka mbetur e qetë, por e brishtë prej vitesh. Kjo është kryesisht për shkak të mungesës së përparimit të dukshëm në dialogun e lehtësuar nga BE-ja ndërmjet Beogradit dhe Prishtinës, të cilin ne vazhdojmë ta mbështesim plotësisht”.

    Barduani, ka deklaruar se menjëherë pas sulmit terrorist në kanalin e ujit në Ibër-Lepenc, misioni paqeruajtës i NATO-s në Kosovë, të cilin aktualisht ai e udhëheqë, kanë siguruar zonën, por që ka theksuar se përgjegjës për sundimin e ligjit është Policia e Kosovës.

    Ushtaraku italian mori komandën e KFOR-it më 11 tetor, duke e zëvendësuar kështu ne këtë pozitë turkun, Ozkan Ulutas-in.

    Një muaj e gjysmë pasi mori detyrën, Kosova u përballe me një nga sulmet më të rënda në infrastrukturën kritike.

  • Ministria e Infrastrukturës: Të gjitha rrugët në Kosovë janë të kalueshme

    Ministria e Infrastrukturës: Të gjitha rrugët në Kosovë janë të kalueshme

    Reshjet e borës në vend po vazhdojnë edhe sot, e të cilat po ashtu gjatë natës kanë krijuar një shtresë të re.

    Nga Ministria e Infrastrukturës kanë thënë se të gjitha rrugët që janë përgjegjësi e ministrisë janë të hapura.

    Kështu ka njoftuar sot zëvendësministri i Mjedisit, Planifikimit Hapësinor dhe Infrastrukturës, Hysen Durmishi.

    “Reshjet e borës po vazhdojnë dhe pritet që të ketë reshje edhe në ditët në vazhdim. Ekipet e mirëmbajtjës janë në teren dhe janë duke intervenuar vazhdimisht në mënyrë që të gjitha rrugët të jenë të kalueshme. Sipas raportimeve nga tereni të gjitha rrugët që janë përgjegjësi e ministrisë janë të hapura. Ju lutemi që të keni kujdes gjatë vozitjes duke respektuar rregullat dhe përshtatur kushteve klimatike. Do të jemi vazhdimisht në gatishmëri që rrugët tona të jenë të hapura për lëvizjën sa më të lehtë për ju”, ka shkruar ai në ‘Facebook’.