Author: G.O.

Gjithsej 72 pacientë nga zjarri në klubin Puls në Koçan janë duke u trajtuar jashtë vendit, pasi dje janë dërguar edhe 21 pacientë të tjerë. Ndërkaq në Shkup janë në trajtim 98 pacientë.

Gjatë ditës së djeshme, sipas informacioneve të Ministrisë së Shëndetësisë, pacientët janë shpërndarë nëpër institucionet shëndetësore në mbarë vendin, përkatësisht në Qendrën Klinike në Shkup – 52 pacientë, në Spitalin e Përgjithshëm “8 Shtatori” – 17 pacientë, në Klinikën Universitare “Shën Naum Ohri” – 12 pacientë, në Klinikën e Toksikologjisë – 10 pacientë, Axhibadem Sistina – 7 pacientë, shkruan Alsat M.

Dje janë transferuar për trajtim jashtë vendit 21 pacientë, përkatësisht në Lituani – 4 pacientë, Austri – 2 pacientë, Slloveni – 2 pacientë, Serbisë – 12 pacientë dhe Bullgari – 1 pacient, përcjellë KosovaPress.

Të paktën 59 persona kanë vdekur në orët e hershme të mëngjesit të së dielës në Koçan, si pasojë e shpërthimit të zjarrit gjatë një koncerti me mbi 500 pjesëmarrës në një klub nate.

Qeveria e Maqedonisë së Veriut ka shpallur shtatë ditë zie.

Kryeministri maqedonas, Hristijan Mickoski ka paralajmëruar përgjegjësi penale për të gjithë të përfshirët.

Ministri i Brendshëm maqedonas, Pançe Toshkovski ka thënë se sipas informacioneve të marra, zjarri ka shpërthyer si pasojë e mjeteve piroteknike që janë përdorur për efekt ndriçimi në koncertin e bendit ADN.

Policia e Kosovës ka dhënë detaje lidhur me grabitjen e armatosur që ka ndodhur dje gjatë ditës në Prishtinë.

Sipas policisë katër persona të dyshuar kanë shtënë në drejtim të tre viktimave, punëtor të kompanisë për bartjen e parave, raporton KosovaPress.

Sipas policisë, njëri nga të dyshuarit dhe një nga viktimat si pasojë e të shtënave me armë kanë pësuar lëndime.

“Është raportuar për një rast grabitje në parkingun e një qendre tregtare, ku katër persona të dyshuar kanë shtënë me armë zjarri në drejtim të tre viktimave meshkuj kosovarë punëtorë të kompanisë për bartjen e parave. Si pasojë e të shtënave nga arma e zjarrit lëndime trupore kanë pësuar njëri nga viktimat i cili është dërguar për tretman mjekësor në QKUK Prishtinë, si dhe një i dyshuar. Të dyshuarit tjerë kanë ikur me një veturë në drejtim të panjohur”, thuhet në njoftim.

Në vendin e ngjarjes sipas policisë janë gjetur dhe sekuestruar një armë e zjarrit me një karikator dhe pesë fishekë.

“I dyshuari është arrestuar dhe është dërguar në QKUK për tretman mjekësor”, thuhet në njoftim.

Të paktën 330 njerëz janë vrarë nga sulmet ajrore izraelite në Gazë gjatë natës, sipas Ministrisë së Shëndetësisë të drejtuar nga Hamasi.

Ushtria izraelite tha se po kryente sulme “të gjera” pasi bisedimet për zgjatjen e armëpushimit nuk arritën një marrëveshje.

Kjo është vala më e madhe e sulmeve ajrore që nga 19 janari, kur hyri në fuqi armëpushimi, raporton BBC.

“Ata ndezën përsëri zjarrin e ferrit në Gazë,” tha një dëshmitar në qytetin e Gazës.

Zyra e kryeministrit Benjamin Netanyahu thotë se Izraeli “që tani e tutje do të veprojë kundër Hamasit me forcë ushtarake në rritje”, duke e akuzuar Hamasin për “refuzimin e përsëritur për të liruar pengjet tona” dhe për refuzimin e propozimeve për zgjatjen e armëpushimit.

Hamasi akuzon Izraelin se ka sulmuar “civilët e pambrojtur” dhe thotë se ndërmjetësit duhet ta mbajnë Izraelin “plotësisht përgjegjës” për “shkeljen dhe përmbysjen” e armëpushimit.

Deputetja e LDK-së, Hykmete Bajrami, deklaron se çmimi i energjisë elektrike është rritur për tri herë në tri vitet e fundit.

‘’Në tri vitet e fundit, çmimi i energjisë elektrike është rritur për herë të tretë dhe tashmë ka  kohë që është dyfishuar’’ thotë ajo.

“Zyra e Rregullatorit të Energjisë (ZRRE) ka propozuar një rritje të tarifave prej 15%, e cila do të hyjë në fuqi më 1 prill, por kjo nuk është rritja e vetme për këtë vit. Sipas vendimit të ZRRE-së, KESCO ka filluar procedurat për të detyruar daljen në treg të hapur të të gjitha ndërmarrjeve që punësojnë mbi 50 punëtorë ose që kanë qarkullim mbi 10 milionë euro’’ shprehet Bajrami.

Deputetja e LDK-së, deklaron se rritja e çmimit të rrymës do të çojë në rritjen e shumëfishtë të tarifave për kategoritë e konsumatorëve.

‘’Kjo do të çojë në një rritje të shumëfishtë të tarifave për këtë kategori konsumatorësh, pasi ata do të furnizohen kryesisht nga importi i energjisë. Kjo ndodh sepse KEK-u ka obligim që energjinë e prodhuar ta ofrojë fillimisht për KEDS dhe KESCO, duke i lënë bizneset e mesme dhe të mëdha në mëshirën e tregut të hapur dhe çmimeve më të larta’’, shprehet Bajrami për FrontOnline.

Ajo paralajmëron se do të ketë efekte të rënda për bizneset, punëtorët, punëdhënësit dhe konsumatorët.

‘’Çfarë do të thotë kjo për ekonominë? Rritja e shumëfishtë e çmimit të energjisë për bizneset e mesme dhe të mëdha do të ketë efekte të rënda për bizneset, punëtorët, punëdhënësit dhe konsumatorët. Për me tepër viteve të fundit të gjithë jemi dëshmitarë të një inflacioni galopant dhe gjithashtu të indiferencës së qeverisë ndaj këtij inflacioni, prandaj një rritje tjetër e çmimit të energjisë elektrike, qoftë për ekonomitë familjare, qoftë për bizneset, do të ishte e papërballueshme për qytetarët e vendit, prej të cilëve shumica mezi ia dalin deri në fund të muajit me shpenzime vetëm për artikuj të domosdoshëm’’, përfundoi Bajrami.

Haxhi Thaçi, babai i ish presidentit Hashim Thaçi, i cili u nga jeta të dielën e 16 marsit, në orët e vona, do të varroset sot.

Atij do t’i jepet lamtumira e fundit në varrezat e reja të fshatit Burojë në Skenderaj, nga ora 15:00.

Në ceremoninë mortore, ish presidenti Thaçi nuk u lejua nga Gjykata Speciale për të marrë pjesë.

Një ngjarje e rëndë ka ndodhur mëngjesin e djeshëm në fshatin Budrikë e Epërme në Viti, ku në orët e mëngjesit, një qytetar ka njoftuar Policinë për një trup të pajetë të gjetur në oborrin e një shtëpie.

Sinjali ka mësuar nga burimet brenda Emergjencës se bëhet fjalë për një 80-vjeçar, i cili u gjet i vdekur, jo fort larg shtëpisë së tij.

Vdekjen e të moshuarit e të ndjerit e ka konstatuar ekipi mjekësor në vendngjarje, ndërsa njësitet policore kanë kryer ekzaminimet e nevojshme në vendin e ngjarjes.

Bazuar në informacionet e para, në trupin e viktimës nuk janë gjetur shenja dhune. Megjithatë, për të zbuluar shkakun e vdekjes, me urdhër të prokurorit, trupi i pajetë është dërguar për obduksion në IML.

Me vendim të prokurorit, rasti është iniciuar si ‘Hetim i vdekjes’.

PËRGATITI: BENITA ZENELI

Pas kësaj telefonate, sipas procedurave në vend të ngjarjes do të duhej të arrinin për 10 minuta.

Po për shkak të lokacionit ku ndodhet Brigada e Zjarrfikësve në Prishtinë ndodh që në disa pjesë të kryeqytetit dhe jashtë tij minutazhi të tejkalohet.

“Janë zona që po ndërtohen po zhvillohen po ngarkohen me biznese me qytetarë dhe sigurisht që infrastruktura në Prishtine shkaku I komunikacionit ka raste kur në Velani kemi bo 12 minuta” nuk do të thotë që ne nuk mund të mbërrijmë edhe për 5 minuta por infrastruktura e kemi fshatin Marec që mund të bësh 1 or me shku.” deklaroi Malë Gashi, komandant i Brigadës së zjarrfikësve në Prishtinë.

Çështja do të zgjidhej nëse siç u premtua do të ndërtoheshin dy pika të reja të Zjarrfikësve në “Bregun e Diellit” dhe “Hajvali”.

Në efikasitetin e punës së zjarrfikësve përpos pikave të reja do të ndikonte edhe rritja e numrit të tyre ndonëse së fundi janë pranuar disa.

Në kryeqytet, pika kryesore e zjarrfikësve ndodhet në lagjen “Emshir”, kurse një pikë tjetër është në “Kodrën e Trimave”.