Kryetari i Odës Ekonomike të Kosovës Lulzim Rafuna, ka deklaruar se ngritja e çmimit të energjisë elektrike prej 15% ka një ndikim të drejtpërdrejt tek qytetarët dhe jo vetëm.
Në një lidhje direkte në emisionin “Libero”në ATV, Rafuna deklaroi se përveç që do të krijohet çrregullim i tregut dhe nxitje të një inflacioni, ai tha se do të ketë rënie të prodhimit vendor, për çka mund të çoi deri te mbyllja e disa bizneseve.
Sot është paralajmëruar se do të ndodh shtrenjtimi i tarifave të rrymës për 15 për qind, megjithatë, nga ZRrE-ja kanë thënë se vendimi pritet të merret më 11 prill.
Kryetari i Bordit të Zyrës së Rregullatorit të Energjisë, Ymer Fejzullahu ka mohuar se është marrë vendim lidhur me tarifat e energjisë elektrike, duke thënë se në fuqi mbesin tarifat ekzistuese.
“Vendimi pritet të merret më 11 prill. Varësisht se si vendos bordi, ato mund të hyjnë në fuqi retroaktivisht nga 1 prilli ose nga 1 maji, kur është edhe periudha e faturimit, pasi që s’ka kuptim që kjo të bëhet në gjysmë të muajit”, tha Fejzullahu, duke shtuar se aktualisht janë duke shqyrtuar komentet e dërguara nga institucionet dhe të tjerët.
“Kemi deklaruar se shqyrtimi do të zgjas deri në dy javë, por mund të zgjas edhe më shumë”, deklaroi ai.
Rritja e çmimit të rrymës, ka ngjallur reagime të mëdha dhe pakënaqësi te qytetarët dhe bizneset dhe presidenca, por deri tash Qeveria e Kosovës nuk ka komentuar dhe as reaguar lidhur për rritjen e paralajmëruar. Për shkak të pakënaqësive, më 5 prill është paralajmëruar edhe një protestë në Prishtinë.
Përndryshe, më 30 mars 2025, ka ndryshuar edhe orarin e tarifës së ulët të rrymës. KESCO ka bërë të ditur se ky orar do të vlejë nga sot e deri me 30 shtator.
Tarifa e ulët gjatë kësaj periudhe, do të jetë nga ora 23:00 deri në ora 08:00. Ky ndryshim vjen si pjesë e aplikimit të tarifës verore, duke u mundësuar konsumatorëve kursime më të mëdha gjatë orëve të caktuara të natës.
Paralajmërimi i Zyrës së Rregullatorit të Energjisë për shtrenjtim të energjisë elektrike, do t’i rrezikojë bizneset vendëse thotë përfaqësuesi i Shoqatës së Gastronomëve, Ragip Millaku.
Në një lidhje direkte në emisionin “Libero” në ATV, Millaku tha se përveç rrezikut që shumë biznese mund të falimentojnë, ai thotë se lokalet e gastronomisë do të detyrohet të rrisin çmimet e të largojnë punonjës.
‘Çdo rritje e çmimit të rrymës do të pamundësojë funksionimit e biznesit siç duhet, sepse me shtrenjtimin e rrymës do të krijohet pamundësia për të kryer obligimet që çdo biznes i ka dhe pastaj do të ketë rritje të çmimeve në restorante, largim të punëtorëve e deri te ajo më e keqja, falimentimi i biznesit’, tha ai.
Policia e Shtetit në Shqipëri ka arrestuar dy kosovarë në autostradën “Lezhë – Fushë Krujë” pasi gjatë kontrollit të automjetit të tyre janë gjetur dhe sekuestruar dy armë zjarri dhe municion luftarak.
Hetimet kanë treguar se dy kosovarët dyshohet se i kanë trafikuar armët nga Kosova, me qëllim shitjen e tyre në Tiranë për një vlerë prej afro 10,000 eurosh.
Sipas njoftimit të Policisë, të arrestuarit janë A. P., 23 vjeç dhe K. P., 53 vjeç, të dy banues në Kosovë.
Ky operacion i koduar “Suspend” është finalizuar pas hetimeve të kryera me metoda proaktive, për goditjen e veprimtarisë kriminale të shitjes së armëve të zjarrit.
Data 1 prill njihet në shumë vende si Dita e Gënjeshtrave.
1 Prilli, ose Dita e Gënjeshtrave, është një ditë që shënohet çdo vit më 1 prill dhe është një ditë ku njerëzit bëjnë shaka dhe gënjeshtra të pafajshme, shpesh për t’i bërë të tjerët të besojnë në diçka që nuk është e vërtetë.
Kjo ditë është e njohur në shumë kultura dhe shtete, dhe tradita e saj është shumë e popullarizuar, sidomos në media dhe në rrjetet sociale, ku shpesh publikohen lajme të gënjeshtra për të parë reagimet e njerëzve.
Një teori thotë se Dita e Gënjeshtrave ka lindur nga ndryshimi i kalendarit. Në vitin 1582, Papa Gregory XIII kaloi shumicën e vendeve nga kalendari Julian në kalendarin Gregorian, që shkaktoi një ndryshim në datat. Ata që vazhduan të festonin vitin e ri sipas kalendarit të vjetër (rreth datës 1 prill) konsideroheshin si “budallenj” dhe ishin shënjestra për shaka dhe gënjeshtra. Ky ishte një mënyrë për të ironizuar ata që nuk e kishin pranuar ndryshimin.
Një tjetër mundësi është lidhja me festat romake të pranverës, të tilla si Hilaria, që kremtohej më 25 mars dhe ishte një festë e karakterizuar nga gënjeshtrat, maskat dhe humoristike. Kjo mund të ketë ndikuar në zhvillimin e traditës së 1 prillit. Ka edhe teori që lidhen me festat dhe ritualet e lashta të natyrës, ku njerëzit organizonin festa pranverore me qëllim që të qeshnin dhe të bënin shaka, si një mënyrë për të pritur sezonin e ri dhe për të “çliruar” shpirtin nga dimri i ashpër.
Sipas shpjegimit të profesor Joseph Boskin, kjo ditë e kishte prejardhjen gjatë periudhës së sundimit të Kostantinit, kur një shakaxhi i quajtur Kugel i tha perandorit se ai mund ta drejtonte më mirë perandorinë. Kostantini e mori me të qeshur këtë gjë dhe e lejoi Kugel-in të bëhej perandor për një ditë, në datën 1 prill, të cilën Kugeli e shpalli ditën e gënjeshtrave. Ky shpjegim u publikua në vitin 1983 nga Associated Press, por kishte një problem, Boskin e kishte trilluar këtë gjë për të bërë një shaka për 1 prillin. Associated Press iu desh disa kohë që ta kuptonte që kjo ishte gënjeshtër dhe t`i kërkonte falje lexuesve.
Sot 1 prilli festohet në Europë si Dita e Gënjeshtrave dhe njerëzit bëjnë rrengje dhe shaka me njëri-tjetrin.
Cilat është gënjeshtra më e famshme e 1 Prillit?
BBC njihet për një nga këto. Në 1957, mijëra shikues besuan një raport të publikuar në gjigantin e informimit, sipas të cilit, shkencëtarët kishin zbuluar në Zvicër, pemë që prodhonin makarona. Në 2012 Louis Tomlinson i grupit muzikor One Direction, gënjeu fansat, duke u thënë se do të bëhej baba.
Shakaja më e çmendur konsiderohet ajo e një gruaje amerikane që u arrestua nga policia, pasi deklaroi se kishte vrarë burrin e saj.
Gënjeshtarët janë ata që thonë gënjeshtra, pra ata që japin informacione të rreme ose të pavërteta me qëllim të mashtrimit, shpesh për të arritur një qëllim të caktuar, si përfitim personal, për të manipuluar të tjerët, ose për të krijuar një ndikim të caktuar. Gënjeshtrat mund të jenë të vogla (si për shembull një shaka e pafajshme) ose mund të jenë më serioze dhe të dëmshme.
Një gënjeshtër mund të jetë një pretendim që nuk është i vërtetë, një deklaratë që është thënë për të krijuar një përshtypje të gabuar, ose një mashtrim që synon të fshehë të vërtetën.
Handikos është një organizatë e njohur në Prishtinë që ka për qëllim mbështetje dhe ndihmë për personat me aftësi të kufizuara.
Ajo ofron shërbime dhe mundësi për t’i integruar këta individë në shoqëri dhe për të siguruar kushte të barabarta për zhvillimin e tyre personal dhe profesional. Nëpërmjet aktiviteteve të ndryshme, Handikos ndihmon në përmirësimin e kushteve të jetesës së personave me nevoja speciale dhe lufton për drejtësinë sociale.
Qëllimi i Handikos është të rrisë ndërgjegjësimin për nevojat dhe të drejtat e personave me aftësi të kufizuara dhe të sigurojë mundësi arsimimi, punësimi dhe përfshirje në aktivitete shoqërore për këtë grup. Organizata gjithashtu angazhohet në ofrimin e ndihmës praktike, si pajisje të specializuara për mbështetje dhe mbrojtjen e të drejtave të tyre ligjore.
Në Prishtinë, Handikos është një nga zërat kryesorë për të promovuar barazinë dhe për të krijuar mundësi të barabarta për të gjithë qytetarët, duke luftuar kundër diskriminimit dhe duke krijuar një shoqëri më të ndjeshme dhe të kujdesshme ndaj nevojave të individëve me aftësi të kufizuara.
Në një botë ku teknologjia po zë gjithnjë e më shumë hapësirë në jetën e përditshme, leximi po humbet terren, sidomos te të rinjtë. Mungesa e hapësirave të dedikuara për lexim dhe aktivitete kulturore ka bërë që shumë fëmijë dhe të rinj të largohen nga librat. Për t’i dhënë zgjidhje kësaj sfide, Drejtoresha e Kulturës në Prishtinë, Sibel Halimi, po udhëheq iniciativa konkrete për të krijuar dhe rikthyer hapësira të reja leximi, duke e bërë librin më tërheqës dhe më të qasshëm për komunitetin.
Në fund të vitit të kaluar, nën udhëheqjen e Drejtorisë së Kulturës, në Llukar është promovuar një qendër kulturore e re dhe një degë e bibliotekës, e cila është pasuruar me titujt më të rinj për fëmijët dhe të rinjtë. Kjo hapësirë, që dikur ishte një vendtakim për poetët kosovarë, tani është transformuar në një ambient modern leximi. Ndërkohë, një tjetër projekt i madh që po realizohet me përkushtimin e Halimit është ndërtimi i një qendre kulturore dhe biblioteke në Kodrën e Trimave, një lagje që deri tani ka vuajtur nga mungesa e hapësirave të tilla.
Puna për krijimin e hapësirave të leximit nuk ndalet. Një degë e re e bibliotekës do të hapet në Ulpianë, duke zgjeruar mundësitë për lexuesit e rinj. Përveç kësaj, është planifikuar një projekt unik në bashkëpunim me UNDP, ku bunkerët e vjetër do të shndërrohen në hapësira për kulturë dhe art. Këto iniciativa synojnë jo vetëm të rrisin lexueshmërinë, por edhe të krijojnë një ambient ku të rinjtë mund të zhvillojnë mendimin kritik përmes librave dhe aktiviteteve kulturore.
Krijimi i këtyre hapësirave nuk është vetëm një investim në kulturë, por një domosdoshmëri për edukimin e brezave të rinj. Këto projekte duhet të merren si shembull edhe nga komunat e tjera, duke ndërmarrë hapa konkretë për të afruar fëmijët dhe të rinjtë me librin. Duke kombinuar teknologjinë me metodologji inovative të leximit, krijohet një mundësi që brezi i ri të zhvillojë një lidhje më të fortë me librin dhe dijen. Me planifikim të duhur dhe përkushtim, leximi mund të rikthehet si një pjesë e natyrshme e përditshmërisë.
Instagram ka sjellë një sërë përditësimesh të rëndësishme për funksionin e tij Reels, duke synuar të përmirësojë përvojën e përdoruesve dhe të konkurrojë më efektivisht me platforma të tjera si TikToku.
Një nga përditësimet më të fundit është mundësia për të shikuar videot Reels me shpejtësi të dyfishtë (2x). Kjo arrihet duke mbajtur shtypur skajin e djathtë ose të majtë të ekranit gjatë shikimit të një videoje. Për të rikthyer shpejtësinë normale, mjafton të hiqet gishti nga ekrani. Ky funksion është shpërndarë gradualisht për të gjithë përdoruesit, pas një periudhe testimi.
Në përgjigje të kërkesave të shumta nga përdoruesit, Instagram ka rritur kohëzgjatjen maksimale të videove Reels nga 90 sekonda në 3 minuta. Ky përditësim u bë për të lejuar krijuesit të shprehin më mirë kreativitetin e tyre dhe të ndajnë përmbajtje më të thelluara.
Instagram ka prezantuar një veçori të re të quajtur “Me Miqtë” në seksionin Reels, e cila lejon përdoruesit të shohin një listë të videove që miqtë e tyre kanë pëlqyer. Kjo synon të rrisë ndërveprimin dhe ndarjen e përmbajtjes mes miqve, duke ofruar një mënyrë më të lehtë për të zbuluar përmbajtje të reja të preferuara nga rrethi shoqëror.
Në përpjekje për të konkurruar me platforma të tjera si TikTok, Instagram po konsideron lançimin e një aplikacioni të veçantë për Reels. Kjo lëvizje synon të tërheqë më shumë krijues dhe të ofrojë një përvojë më të fokusuar për përdoruesit që preferojnë videot e shkurtra.
Për të ndihmuar përdoruesit në krijimin e përmbajtjes cilësore, Instagram ka lançuar një aplikacion të ri të quajtur “Edits”. Ky aplikacion ofron mjete të avancuara për redaktimin e videove, duke përfshirë animacione me inteligjencë artificiale, filtra dhe titra gjeneruese. Aplikacioni lejon krijimin e videove me rezolucion deri në 2K dhe videot e krijuara me këtë
aplikacion do të kenë etiketën “Made with Edits” kur postohen në Instagram.
Në përpjekje për të përmirësuar përvojën e shikimit, Instagram po teston një funksion që lejon pauzimin e videove Reels me një prekje të thjeshtë në ekran. Ky funksion është shumë i kërkuar nga përdoruesit dhe synon të bëjë navigimin më intuitiv dhe të ngjashëm me atë të platformave të tjera si TikTok.
Instagram po bën ndryshime në paraqitjen e profilit, duke kaluar nga raporti 1:1 në 4:5 për grilën e profilit. Kjo do të thotë që postimet tani do të shfaqen në një format më të gjatë vertikal.
Për më tepër, Highlights e Stories mund të zhvendosen në një faqe të veçantë, duke ofruar një mënyrë më të organizuar për të shfaqur përmbajtjen e ruajtur.
Një tjetër veçori e re është mundësia për të shtuar muzikë në profilin tuaj. Përdoruesit tani mund të zgjedhin një këngë që do të luhet kur dikush viziton profilin e tyre, duke ofruar një mënyrë unike për të shprehur personalitetin ose humorin e tyre aktual.
Instagram ka prezantuar gjithashtu mundësinë për të komentuar në Stories. Kjo veçori lejon përdoruesit të ndërveprojnë më drejtpërdrejt me përmbajtjen e përkohshme dhe të nxisin diskutime më të gjalla. Përdoruesit mund të zgjedhin të lejojnë komente nga të gjithë ndjekësit ose vetëm nga ata që ndjekin mbrapsht.
Gjithashtu është prezantuar “Trial Reels”, e cila lejon përdoruesit të publikojnë një Reel që fillimisht shfaqet vetëm për jondjekësit. Kjo u mundëson krijuesve të testojnë performancën e përmbajtjes së tyre para se ta ndajnë me audiencën e tyre kryesore.
Pas demonstratave të 11 marsit dhe 26 mars, më 1 e 2 prill 1981, në Prishtinë u organizua demonstrata më e madhe politike nga rinia e asaj kohe, demonstrata këto që shënuan edhe fillimin e shkatërrimit të Federatës Jugosllave.
Me kërkesat e demonstruesve: Kosova Republikë, Duam Liri, Barazi, Drejtësi, Duam Bashkim, të lirohen të burgosurit politikë e shumë kërkesa të tjera, u solidarizua i gjithë populli shqiptar i Kosovës e më gjerë, duke u organizuar më pas demonstrata nga rinia edhe në qytetet e tjera të Kosovës.
Këto demonstrata po ashtu konsiderohen një frymë nacionaliste për krijimin e shteteve të pavarura kombëtare, raporton KosovaPress.
Demonstratat e vitit 1981, më 11 mars, mandej më 24 mars, si dhe më 1 e 2 prill, ndodhën me tërë masivitetin, duke inkuadruar më në fund në mesin e studentëve edhe klasën punëtore atë kohë.
Inkuadrimi nisi së pari individualisht me studentët, e u bë masovikisht me punëtorët e Kombinatit Ndërtimor “Ramiz sadiku” në Prishtinë.
Në ato ngjarje të rënda por të lavdishme në historinë e popullit tonë, pushteti vrau 9 demonstrues, plagosi 15, e me qindra arrestoi e burgosi, ndëshkoi e dënoi me vite e vite burg të rëndë politik.
Një grua është arrestuar në Podujevë, pasi që e njëjta dyshohet se keqtrajtoi fëmijët e saj.
Policia përmes raportit 24-orwsh njoftoi se e dyshuara tashmë është dërguar në Klinikën e Psikiatrisë në QKUK.
“Lidhur me rastin në vendin e ngjarjes kanë dalë njësia policore si dhe ekipi mjekësor të cilët i kanë ofruar ndihmë mjekësore femrës kosovare dhe pastaj me autoambulancë e kanë dërguar në QKUK-Reparti i Psikiatrisë ku dhe është ndaluar për tretman të mëtutjeshëm mjekësor”, thuhet në raportin policor.
