Author: G.O.

Në takimin konsultativ mes kryesuesit të Kuvendit, Avni Dehari, dhe përfaqësuesve të partive politike, u arrit marrëveshja për votimin e raportit të Komisionit për verifikimin e mandateve.

Pak minuta më pas nisi seanca konstituive, ku 120 deputetët e pranishëm unanimisht votuan “pro” këtij raporti.

Me këtë rast, anëtarët e Komisionit për verifikimin e fakteve shkuan në një takim tjetër të ndarë, për të përpiluar raportin e ri të Komisionit për verifikimin e mandateve.

Tani, raporti i ri duhet të përpilohet dhe votohet edhe një herë përbrenda Komisionit, e më pas dhe në sallën e Kuvendit, nga të gjithë deputetët e zgjedhur më 9 shkurt.

Kryetari i Partisë Demokratike të Kosovës, Memli Krasniqi, ka bërë të ditur se është miratuar rekomandimi i deputetit Përparim Gruda që dorëheqjet e kryeministrit dhe të gjithë ministrave të evidentohen individualisht në procesverbalin zyrtar të Kuvendit.

Krasniqi tha se ky veprim ka hapur rrugën për zhbllokimin e situatës dhe për ecjen përpara të procesit parlamentar.

“Na është krijuar mundësia për ta votuar raportin dhe për të bërë betimin. Dorëheqja është evidentuar saktësisht dhe individualisht në procesverbal,” u shpreh Krasniqi para mediave.

Ky hap vlerësohet si vendimtar në tejkalimin e ngërçit institucional që kishte bllokuar konstituimin e Kuvendit dhe krijimin e institucioneve të reja.

Para pak minutash ka përfunduar protesta e tretë e organizuar nga grupi qytetar “Asnjë cent më shumë”, kundër shtrenjtimit të rrymës për 16.1 për qind.

Gazetarja e ATV-së e cila përcolli këtë ngjarje tha se protestuesit që në fakt nuk ishin të shumtë numër, protestën e nisën para Kuvendit për të vijuar para objektit të Ministrisë së Ekonomisë me brohoritje ‘nuk mund të përballojnë këto tarifa’, derisa patën edhe kritika ndaj Ministrisë së Ekonomisë se ata do të duhej të ishte në krah të tyre dhe jo që të bëhet bashkë me ata që e shtrenjtuan rrymën.

“Protestuesit u kthyen sërish para Kuvendit pasi që patën një kërkesë. Ata thanë se nëse arrihet që sot të bëhet konstituimi i Kuvendit, deputetë duhet të bëjnë shkarkimin e bordit të ZRrE-së”, shtoi tutje gazetarja e ATV-së, Krenare Mulliqi./atvlive.tv

Për më shumë ndiqni videon e mëposhtme:

Të 120 deputetët e Kuvendit të Kosovës, votuan që raporti i ri të Komisionit të përkohshëm për verifikimin e mandateve dhe kuorumit, ta hartohet nga përbërja paraprake e këtij komisioni, që u zgjodh më 15 prill.

Kryesuesi i seancës, Avni Dehari, tha se komisioni për 30 minuta duhet të takohet dhe të hartojë raportin e ri që më pas do të dërgohet në sallë plenare për votim.

Për të tretë herë me radhë, deputetët vazhdojnë seancën konstituive për legjislaturën e nëntë të Kuvendit të Kosovës.

Për të ndjekur mbulimin e drejtpërdrejtë të zhvillimeve në Kuvendin e Kosovës, klikoni në videon e mëposhtme:

Albulena Haxhiu ka thënë se në takimin e mbajtur me partitë politike është arritur pajtim unanim me të gjitha partitë për ta krijuar një Komision të ri, për ta riproceduar raportin në Kuvend.

Ajo thotë se raporti duhet të votohet nga të gjitha partitë në mënyrë unanime.

“Në seancën kemi përmendur që Komisioni i ri me autorizim të kuvendit të mblidhet edhe një herë, të shqyrtojë raportin që ka marrë në KQZ dhe ta procedojë në Kuvend për miratim. Ishte dakordim ta autorizojmë këtë komision për verifikim të mandatave, dhe të votohet unanimisht raporti”, ka deklaruar Haxhiu.

Ndonëse ka mbetur vetëm edhe pak deri në fillim të seancës konstituive të Kuvendit, Lëvizja Vetëvendosje, së cilës i takon posti i kryeparlamentarit, ende nuk e ka bërë publik emrin e kandidatit që pritet të votohet.

E pyetur nga gazetarët se kush do të jetë emri që do të propozohet për kryetar të Kuvendit Mimoza Kusari-Lila, u përgjigj shkurt.

“S’po e prishim befasinë, menjëherë pas betimit të deputetëve e merrni këtë informatë “, tha ajo.

Për të ndjekur mbulimin e drejtpërdrejtë të zhvillimeve në Kuvendin e Kosovës, klikoni në videon e mëposhtme:

Në të njëjtën orë me vazhdimin e seancës konstituive të Kuvendit të Kosovës, sot qytetarët e Prishtinës janë mbledhur në sheshin “Skënderbeu” për të protestuar kundër vendimit të ZRRE-së për rritjen e çmimit të energjisë elektrike.

Me mesazhe e thirrje të ndryshme, ata po marshojnë nga sheshi “Skënderbeu” në drejtim të objektit të Ministrisë së Ekonomisë.

Protesta e organizuar nga grupi i njohur “Asnjë cent më shumë”, po mbahet për të shprehur revoltën e qytetarëve ndaj një tjetër ngritje të çmimeve, që po konsiderohet e papërballueshme për shumicën e familjeve kosovare.

Ky vendim, i marrë nga ZRRE, parashikon një rritje të tarifave të energjisë elektrike për 16,1%, një vendim që ka shkaktuar pakënaqësi të thellë tek qytetarët, përfshirë ata të grupeve më të prekura sociale.

Protestuesit kërkojnë anulimin e kësaj rritjeje, duke argumentuar se shtimi i mëtejshëm i shpenzimeve për energjinë elektrike do të rëndojë edhe më shumë situatën e qytetarëve, që tashmë janë duke përballuar një krizë të fortë ekonomike.

Ministri në detyrë i Punëve të Brendshme, Xhelal Sveçla, refuzoi t’u përgjigjet pyetjeve të gazetarëve.

“Mirëmëngjesi, ditë e mirë sot”, tha Sveçla.

Kur gazetari e pyeti pse po e imitoni Kurtin duke ecur e duke folur, Sveçla tha: “Pse po folni budallak?”.

Për të ndjekur mbulimin e drejtpërdrejtë të zhvillimeve në Kuvendin e Kosovës, klikoni në videon e mëposhtme: