ATV

Author: G.O.

  • Putin dhe Xi nisin bisedimet dypalëshe në Pekin

    Putin dhe Xi nisin bisedimet dypalëshe në Pekin

    Presidenti kinez, Xi Jinping, dhe homologu i tij rus, Vladimir Putin, kanë nisur bisedimet dypalëshe në Pekin, në prag të paradës ushtarake që do të mbahet në kryeqytetin kinez. 

    Putini vlerësoi marrëdhëniet midis vendeve, duke thënë se ato ishin në një “nivel të paparë”.

    Putini do të marrë pjesë në paradën ushtarake të mërkurën në Pekin, e cila shënon 80-vjetorin e përfundimit të Luftës së Dytë Botërore, ka raportuar AP.

    Në paradë do të jenë të pranishëm udhëheqës të huaj nga vende të ndryshme, të cilët kërkojnë të përmirësojnë ose të ruajnë marrëdhëniet me qeverinë në Pekin.

    Në maj presidenti kinez vizitoi Moskën për festimet e Rusisë për të shënuar disfatën e nazistëve.

    Takimet e kësaj jave vijnë në një kohë kur Xi kërkon të projektojë fuqinë e Pekinit në skenën ndërkombëtare – jo vetëm si ekonomia e dytë më e madhe në botë, por edhe si një peshë e rëndë diplomatike.

  • Parandalohet hyrja e 7,500 produkteve të falsifikuara në Kosovë – Dogana sekuestron ngarkesën në Portin e Durrësit

    Parandalohet hyrja e 7,500 produkteve të falsifikuara në Kosovë – Dogana sekuestron ngarkesën në Portin e Durrësit

    Dogana e Kosovës ka parandaluar hyrjen në vend të një sasie të konsiderueshme mallrash të dyshuara si të falsifikuara, në kuadër të një kontrolli të kryer mbi një ngarkesë të paraqitur për import përmes Portit të Durrësit.

    Sipas njoftimit zyrtar, gjatë ekzaminimit të ngarkesës janë identifikuar gjithsej 7,500 produkte, të cilat mbanin shenja të një marke të njohur tregtare duke ngritur dyshime të forta për shkelje të të drejtave të pronësisë intelektuale.

    Produktet e sekuestruara përfshijnë: 1,250 mbushës telefoni, 5,750 koka mbushës telefoni dhe 500 kufje dhe dëgjues me bluetooth.

    Dogana bën të ditur se mallrat ishin të ambalazhuara në mënyrë që nuk tregonin përmbajtjen e saktë në paketimin e jashtëm, por pas hapjes u konstatua se ato përmbanin produkte të dyshuara si të falsifikuara.

    “Dogana e Kosovës mbetet e përkushtuar në mbrojtjen e tregut dhe konsumatorëve nga mallrat e falsifikuara dhe do të ndërmarrë të gjitha veprimet ligjore në përputhje me kompetencat e saj”, thuhet në komunikatë.

  • Shtyhet seanca gjyqësore për rastin e hedhjes së gazit lotsjellës në Kuvend

    Shtyhet seanca gjyqësore për rastin e hedhjes së gazit lotsjellës në Kuvend

    Seanca gjyqësore për rastin e hedhjes së gazit lotsjellës në hapësirat e Kuvendit të Kosovës ndaj të akuzuarve që ishin deputetë në atë kohë, Albulena Haxhiu, Donika Kadaj dhe Pal Lekaj, Besa Baftiu është shtyrë për një datë tjetër.

    Shtyrjen e seancës së sotme për rastin e gazit lotsjellës në Kuvendin e Kosovës e ka konfirmuar edhe avokati i Pal Lekaj, Musa Damati i cili tha se përmes telefonit janë njoftuar se seanca nuk mbahet sot.

    Ai theksoi se për këtë çështje gjyqësore deri në fund të vitit do të arrij parashkrimi i saj.

    “Seanca e sotme e planifikuar që të mbahet në rastin e njohur të gazit – lotsjellës është shtyrë për arsye të disa prej zyrtarëve të cilët kanë deklaruar me parashtresë me shkrim se janë të angazhuar me agjendën tyre të punës. Sa i përket klienti tim Pal Leka i njëjti gjendet në Kroaci dhe i njëjti ka prenotuar biletën e kthimit për të qenë pjesëmarrës në këtë seancë por që jemi njoftuar përmes telefonit që seanca për arsye të tjera është shtyrë. Ajo që është relevante në këtë çështje është te theksohet se nw raport me klientin tim por edhe të tjerët nuk ekzistojnë prova relevante që mund ta konfirmoj konsituimin e figurës së posaçme të veprës penale me të cilën ngarkohen. Një çështje them me interes është që të theksohet se instituti i të drejtës penale, instituti i parashkrimit absolut do të arrije në këtë çështje deri në fund të këtij viti”, tha ai.

    Siç mëson KosovaPress ish-deputetja, Besa Baftiu ka bërë kërkesë për shtyrje të seancës për shkak të një udhëtimi jashtë vendit.

    Albulena Haxhiu, Besa Baftiu, Donika Kadaj-Bujupi e Pal Lekaj akuzohen se në shkurt të 2016-tës kanë futur bombola të gazit lotsjellës në Kuvendin e Kosovës, kështu duke e kryer veprën penale “armëmbajtje pa leje”.

    Aktakuza ka të bëjë me kohën kur partitë atëherë në opozitë, Lëvizja Vetëvendosje, Aleanca për Ardhmërinë e Kosovës dhe Nisma Socialdemokrate, kundërshtonin marrëveshjen Kosovë-Mali i Zi për Demarkacionin e kufirit dhe marrëveshjen Kosovë-Serbi për themelimin e Asociacionit të Komunave me Shumicë Serbe./KP/

  • Biologët në ShBA po testojnë “armën” më të fundit kundër ujqërve – një këngë që i bën ata të largohen menjëherë

    Biologët në ShBA po testojnë “armën” më të fundit kundër ujqërve – një këngë që i bën ata të largohen menjëherë

    Biologët në kufirin mes Kalifornisë dhe Oregonit po përdorin drone për të trembur ujqërit larg bagëtive.

    Në vend të metodave tradicionale, ata kanë ngarkuar dronet me muzikë si “Thunderstruck” nga AC/DC, skena filmash dhe zëra njerëzorë që shpërndahen me altoparlantë.

    Eksperimenti ka treguar se ujqërit ndalen në gjueti kur dëgjojnë këto tinguj, duke mbrojtur kështu lopët dhe delet.

    Sipas USDA, teknika e re mund të ulë ndjeshëm “konfliktet” mes blegtorëve dhe grabitqarëve.

    Deri tani, dronet kanë pasur sukses në ndërprerjen e sulmeve, por mbetet e paqartë nëse ujqërit do të mësohen me to me kalimin e kohës.

    Ekspertët shpresojnë se kjo zgjidhje kreative do të lehtësojë “bashkëjetesën midis njerëzve dhe ujqërve”. /Telegrafi/

  • Punëtori humb jetën në vendin e punës në Suharekë, arrestohen dy persona

    Punëtori humb jetën në vendin e punës në Suharekë, arrestohen dy persona

    Dy persona janë arrestuar dhe dërguar në mbajtje pas vdekjes se një punëtori në vendin e punës, ditën e djeshme në Suharekë.

    Siç bën të ditur policia e Kosovës, rasti është iniciuar si “asgjësim dëmtim ose heqje e pajisjeve mbrojtëse dhe rrezikim i sigurisë në vendin e punës”.

    Viktima ka pësuar lëndime që kanë qenë vdekjeprurëse në rrethane ane të paqarta, thotë policia.

    “ASGJËSIM, DËMTIM OSE HEQJE E PAJISJEVE MBROJTËSE DHE RREZIKIM I SIGURISË NË VENDIN E PUNËS

    Suharekë 01.09.2025-14:30. Raportohet se në emergjencën e Suharekës është dërguar pa shenja jete viktima mashkull kosovar. Dyshohet se viktima në vendin e punës në rrethana ende të pa njohura ka pësuar lëndime trupore. Të gjitha njësitë përkatëse kanë dal në vendin e ngjarjes. Me vendim të prokurorit , dy të dyshuar meshkuj kosovarë janë arrestuar dhe pas intervistimit janë dërguar ne mbajtje, ndërsa trupi i pa jetë është dërguar në IML për obduksion”, thuhet në raportin 24 orësh të Policisë së Kosovës.

    Ndërkohë, siç u raportua ditën e djeshme, 35 vjeçari me inicialet P.O, dyshohet se është goditur nga një vinç në kokë derisa po punonte.

  • Pse duart e tua mbeten gjithmonë të ftohta, edhe në ditët e ngrohta: Pesë shpjegime që s’duhet t’i injorosh

    Pse duart e tua mbeten gjithmonë të ftohta, edhe në ditët e ngrohta: Pesë shpjegime që s’duhet t’i injorosh

    Mësoni pse ky shqetësim nuk lidhet gjithmonë me temperaturën e ajrit

    Shumë njerëz përjetojnë duar të ftohta vetëm kur temperaturat bien, por tek disa, ky shqetësim është i vazhdueshëm gjatë gjithë vitit. Në fakt, studimet tregojnë se deri në 10-15% të popullsisë (sidomos gratë dhe të rinjtë) kanë duar të ftohta pothuajse gjithë kohës. Arsyeja nuk është gjithmonë i ftohti i jashtëm: shpesh lidhet me qarkullimin e gjakut, sistemin nervor, statusin ushqimor ose gjendjen emocionale.

    Në shumicën e rasteve është një fenomen i padëmshëm, por ndonjëherë mund të sinjalizojë probleme të fshehura shëndetësore që duhen marrë seriozisht.

    Më poshtë gjeni 5 nga shkaqet më të zakonshme që duart të jenë gjithmonë të akullta, edhe kur moti është i ngrohtë, transmeton Telegrafi.

    1. Qarkullimi jo i mirë i gjakut

    Një prej shkaqeve kryesore është perfuzioni i ulët periferik. Kjo mund të jetë gjenetike, por shpesh lidhet me gjendje si diabeti dhe obeziteti, të cilat dëmtojnë enët e vogla të gjakut dhe nervat periferikë. Tek disa, episodet e ftohjes shoqërohen me Fenomenin Raynaud (spazma të enëve të gishtave të nxitura nga i ftohti/stresi): gishtat bëhen fillimisht të zbehtë, më pas blu, e në fund të skuqur, me mpirje ose therje. Trupi po ashtu mund të “kursejë” gjakun nga duart/këmbët për të furnizuar më mirë organet jetike (tru, mushkëri, zemër). Nëse shqetësimi është i vazhdueshëm, ka vlerë kontrolli i tensionit, glukozës dhe lipideve, si dhe vlerësimi mjekësor për qarkullim periferik.

    2. Stresi mund të shkaktojë duar të ftohta

    Stresi dhe ankthi aktivizojnë përgjigjen “lufto ose ik”: çlirohen katekolamina që ngushtojnë enët periferike, duke kufizuar rrjedhjen e gjakut në pëllëmbë dhe gishta. Kjo shfaqet si ftohtësi, ndonjëherë edhe djersitje e ftohtë. Menaxhimi i stresit (frymëmarrje diafragmatike, aktivitet fizik i rregullt, gjumë cilësor) mund të ulë episodet.

    3. Duhani dhe alkooli është një tjetër shkak

    Nikotinа ngushton enët, dëmton endotelin dhe rrit rrezikun e Raynaud dhe sëmundjes arteriale periferike, prandaj duart ftohen më shpesh. Alkooli, ndonëse zgjeron enët në fillim, rrit humbjen e nxehtësisë dhe me përdorim kronik lidhet me neuropati periferike, duke përkeqësuar ndjesinë e ftohtësisë.

    4. Niveli i lartë i kolesterolit

    LDL i lartë favorizon aterosklerozën: pllakat ngushtojnë arteriet dhe ulin qarkullimin në gjymtyrë. Me kalimin e kohës, kjo rrit rrezikun kardiovaskular dhe mund të japë ftohje, mpirje ose ngërçe në duar e këmbë (sidomos gjatë ushtrimit). Kontrolli periodik i profilit lipidik, ushqyerja mesdhetare, aktiviteti fizik dhe kur duhet terapia me statina janë masa me evidencë.

    5. Mungesa e vitaminave

    Mungesa e vitaminës B12 (shpesh te veganët, të moshuarit ose tek çrregullimet e përthithjes) mund të shkaktojë anemi megaloblastike dhe neuropati, që përkthehen në ftohtësi, mpirje dhe “thumbime” të duarve/këmbëve. Edhe folati dhe sidomos mangësia e hekurit (jo vitaminë, por thelbësor për hemoglobinën) ulin transportin e oksigjenit dhe përkeqësojnë ndjesinë e ftohtësisë. Analizat bazë si hemogramë, ferritinë, B12/folat ndihmojnë në sqarim dhe drejtim terapie.

    Këshillë: Nëse përveç ftohtësisë keni ndryshim ngjyre të gishtave, dhimbje, plagë që s’shërohen, dobësi, marramendje, palpitacione ose simptomat po përkeqësohen, konsultohuni me mjekun -kërkohet vlerësim i plotë.

  • Ministri gjerman i Mbrojtjes kritikon Ursula von der Leyen

    Ministri gjerman i Mbrojtjes kritikon Ursula von der Leyen

    Ministri gjerman i Mbrojtjes, Boris Pistorius, i kritikoi ashpër komentet e Presidentes së Komisionit Evropian, Ursula von der Leyen, në lidhje me garancitë për siguri ushtarake që kërkon Ukraina kundër sulmeve ruse si pjesë të një zgjidhjeje të mundshme për paqen.

    Sipas njoftimeve të mediave dhe deklarave të publikuar nga gazeta britanike Financial Times von der Leyen është shprehur, se po hartohen “plane të sakta” për dërgimin e një trupe shumëkombëshe në Ukrainë. von der Leyen i tha Financial Times se planet tashmë janë madje mjaft të detajuara.

    Pistorius tha se sipas tij diskutimi publik i temave të tilla përpara se Kievi dhe Moska të ulen në tryezën e negociatave është “krejtësisht i gabuar”.

    BE nuk ka kompetencë për dërgimin e trupave

    “Përveç faktit që Bashkimi Evropian nuk ka asnjë autoritet apo kompetencë në lidhje me pozicionimin e trupave – pavarësisht se për kë ose për çfarë – unë do të tregohesha i kujdesshëm dhe i përmbajtur sa i përket konfirmimit apo komentimit të planeve të tilla në çfarëdolloj mënyre”, tha Pistorius.

    Megjithatë, Pistorius aludoi se ka diskutime të vazhdueshme rreth asaj se “çfarë mund të jetë e mundur, çfarë jo dhe nën cilat kushte dhe apo me ç’rezerva diçka mund të jetë e imagjinueshme”. “Por të diskutosh publikisht për këto gjëra në këtë moment, mendoj se është krejtësisht e gabuar”, tha ai. DW

  • 9 situatat kur pirja e ujit është gabimi më fatal që mund të bëni

    9 situatat kur pirja e ujit është gabimi më fatal që mund të bëni

    Janë të paktë ata që shkojnë në palestër ose hanë darkë pa pirë ujë. Megjithatë, konsumimi i tepërt i ujit mund të çojë në disa probleme serioze të shëndetit.

    Është gjithmonë një ide e mirë për të shkurtuar marrjen e tepruar gjatë ditës sesa të kontrolloni efektet anësore të mundshme.

    Ne vendosëm të kuptojmë se në cilat raste uji i pijshëm në të vërtetë mund të jetë i dëmshëm. Si një bonus në fund të artikullit, ne do t’ju tregojmë se çfarë do të ndodhë me trupin tuaj nëse pini shumë lëngje gjatë ditës.

     9. Menjehërë përpara gjumit

    Ka të paktën 2 arsye pse duhet të shmangni pirjen e ujit para se të flini:

    Pirja e ujit para gjumit mund të rezultojë në gjumë të ndërprerë. Ka një shans të mirë që ju do të duhet të urinoni gjatë natës më shumë dhe mund t’ju marrë një kohë më të gjatë para se të jeni në gjendje të bini përsëri në gjumë.

    Veshkat tona punojnë më ngadalë natën në krahasim me ditën. Kjo është arsyeja pse ju mund të vëreni një ënjtje të fytyrës dhe gjymtyrëve në mëngjes. Uji i pijshëm mund t’i theksojë këto simptoma.

    8. Gjatë një stërvitjeje intensive

    Sipas shkencëtarëve, marrja e tepërt e ujit gjatë ushtrimive mund të ketë efekte anësore negative. Gjatë një stërvitjeje intensive, temperatura e trupit të një personi rritet duke i bërë ata të ndihen të nxehtë. Por pirja e shumtë e ujit për t’u freskuar gjatë një stërvitje mund të shkaktojë sosje elektrolitike.

    Si rezultat i kësaj, një person mund të vuajë nga:

    Dhimbjet e kokës
    Pështjellimet
    Marrje mendsh
    Për më tepër, marrja e tepruar e lëngjeve mund të jetë e rrezikshme për njerëzit me sëmundje të zemrës pasi rrit tensionin e zemrës.

    Kjo është arsyeja pse mjekët rekomandojnë pirjen e ujit vetëm pas stërvitjes.

    7. Nëse urina juaj nuk ka ngjyrë

    Urina plotësisht e qartë është një shenjë e mbi-hidratimit. Nëse keni urinë të pangjyrë, ju ndoshta pini shumë ujë gjatë ditës, madje edhe nëse nuk keni etje. Kjo mbi-pirje mund të çojë në nivele të ulëta të natriumit që rezultojnë në disa probleme serioze shëndetësore duke përfshirë një goditje të mundshme në zemër.

    6. Për të shuar djegën e specave

    Ju kurrë nuk duhet të pini ujë pasi hani speca djegës pasi ndjesia e djegies është shkaktuar nga një molekulë e quajtur kapsaicinë. Meqenëse kapsaicinë një molekulë jo polare, ajo mund të shpërbëhet vetëm në substanca të tjera jo polare, si qumështi.

    Nëse ju e shpëlani me ujë gojën, ky i përbërë nga molekula polare, do të lejojë kapsaicinën të përhapet në të gjithë gojën dhe fytin dhe do ta bëjë situatën edhe më keq.

    5. Menjëherë përpara, gjatë dhe pas ngrënies

    Pirja gjatë ngrënies mund të shkaktojë dispepsi. Kjo ndodh sepse gojët tona prodhojnë pështymë me enzima që janë esenciale për një proces të shëndetshëm të tretjes.

    Pirja gjatë ngrënies të çon në një rënie të pështymës dhe për këtë arsye, ushqimi i patretur gjendet në trupin tuaj dhe mund të bëhet toksik edhe nëse jeni duke ngrënë ushqime të shëndetshme. Mbani në mend se konsumimi i ujit të ftohtë ose pijeve alkoolike e bën situatën edhe më të keqe.

    4. Kur ai vjen nga një burim privat

    Edhe nëse një burim është e lidhur me një tub me një sistem të pastrimit të ujit, elementët nga tubi vetë mund të jenë të rrezikshme për shëndetin tuaj për arsyet e mëposhtme:

    -Organotina pengon sistemin endokrin
    -Antimoni është i lidhur me mëlçinë, veshkat dhe dëmtimet e tjera të organeve
    -Ftalatet mund të ulin inteligjencën dhe të shkaktojnë ndryshime të sjelljes

    3. Kur ai përmban ëmbëlsues artificial

    Kjo këshillë do të jetë në dispozicion për njerëzit që janë duke u përpjekur për të humbur peshë. Ëmbëlsuesit artificial janë aty që t’ju shtojnë oreksin dhe kjo mund të çojë në shtimin e peshës.

    2. Ujë që vjen nga deti

    Gjithkush e di se ju duhet të shmangni pirjen e ujit të detit, por pak njerëz e dinë pse është e dëmshme për shëndetin tuaj.

    Para së gjithash, shumica e ujërave bregdetare përmbajnë viruse patogjene njerëzore. Kjo është arsyeja pse nëse ju aksidentalisht merrni pak ujë në gojë teksa notoni, ju duhet ta pështyni menjëherë – domethënë nëse nuk dëshironi të kaloni gjithë pushimet duke vuajtur nga një rotavirus dhe nga të gjitha simptomat e tij të keqija.

    Së dyti, uji i detit përmban një sasi të madhe kripe dhe trupi ynë ka nevojë për shumë ujë të pastër për ta hequr qafe atë. Kjo mund të rezultojë në dehidratim serioz.

    1. Në rastin kur ju keni pirë mjaftueshëm ujë gjatë ditës

    Ne e kemi përmendur tashmë këtë këshillë, por dëshirojmë t’ju kujtojmë se konsumimi i tepërt i lëngjeve çon në nivele të ulëta të natriumit dhe efekteve anësore të pakëndshme.

    Përveç kësaj, pirja e shumtë, e kotë, e tepruar dhe pa kriter e ujit është e dëmshme për veshkat tuaja, pasi i pengon ato të bëjnë punën e tyre dhe të rregullojnë komponentët e rëndësishëm në gjak.

    Bonus: Çfarë do të ndodhë nëse pini shumë ujë?

    Pirja e ujit tjenorme mund të rezultojë në një sëmundje të quajtur hyponatremia. Mjekët rekomandojnë ta marrin këtë seriozisht, pasi mund ta rrezikojë jetën tuaj.

    Situatat e përmendura më sipër nuk duhet të jenë një arsye për të zvogëluar sasinë e marrjes së ujit apo lëngjeve në minimum, pasi uji është thelbësor për funksionet normale trupore. Sidoqoftë, është më mirë të mos shkoni në ekstremin dhe përpiquni ta mbani nën kontroll nën-hidratimin.

    Gjithmonë kujtoni rregullin e artë: Çdo gjë që bëhet me tepri jep efektin e kundërt të asaj që synon.

  • Rritje e manganit në liqenin e Badocit – këto janë zonat në Prishtinë e Graçanicë ku ndalohet pirja e ujit

    Rritje e manganit në liqenin e Badocit – këto janë zonat në Prishtinë e Graçanicë ku ndalohet pirja e ujit

    Qytetarët që jetojnë në disa zona të Prishtinës dhe Graçanicës janë udhëzuar të mos e përdorin ujin për pije, pas rritjes së përqendrimit të manganit në rrjetin shpërndarës që furnizohet nga liqeni akumulues i Badocit.

    Zonat e prekura përfshijnë: Graçanicën dhe fshatrat përreth, Hajvalinë, Veternikun, Lagjen 038, Lagjen Qëndresa, Qëndresa Home, Swiss Village, fshatin Preoc, Çagllavicën, rrugët Behar Begolli, Richard Holbrooke, Shkupi, Holger Petersen, Malush Kosova, Lagjen Qershia, Lagjen NIC, Matiçanin (drejtimi nga Pallati i Drejtësisë), fshatin ndërkombëtar, rrugën Muharrem Fejza, Enver Maloku, Lagjen Kodrina, objektet Tregtia, Iliria Building, Standardi, dhe zona të tjera si Bregu i Diellit (qendra dhe rreth Albi Mall), shkolla Ismail Qemali, rrugët Mehmet Gradica, Hyzri Talla, Qamil Bala, dhe pjesa “te Xhambazët”.

    Sipas komunikatës së përbashkët nga IKSHPK dhe KRU “Prishtina”, analizat e fundit laboratorike kanë treguar rritje të nivelit të manganit në ujin e liqenit Badoc dhe në rrjetin e furnizimit.

    Edhe pse kjo tejkalon kufijtë teknikë të cilësisë së ujit për konsum, deri tani niveli nuk ka arritur në pragun e rrezikshëm për shëndetin.

    Megjithatë, si masë parandaluese, qytetarët këshillohen që të mos e pijnë ujin deri në njoftimin e radhës.

    IKSHPK thekson se vlimi i ujit nuk e eliminon manganin, pasi bëhet fjalë për ndotje kimike.

    Uji mund të përdoret vetëm për pastrim dhe mirëmbajtjen e higjienës personale e ambientale. /Telegrafi/

  • Rasti i gazit lotsjellës në Kuvend – Haxhiu, Kadaj e Lekaj dalin para gjykatës

    Rasti i gazit lotsjellës në Kuvend – Haxhiu, Kadaj e Lekaj dalin para gjykatës

    Sot me fillim nga ora 09:30, në Gjykatën Themelore në Prishtinë do të zhvillohet seanca gjyqësore ndaj deputetes Albulena Haxhiu dhe ish-deputetëve Donika Kadaj dhe Pal Lekaj, të akuzuar për hedhjen e gazit lotsjellës në hapësirat e Kuvendit të Kosovës në vitin 2016.

    Të akuzuarit përballen me veprën penale “armëmbajtje pa leje”, pasi sipas aktakuzës në shkurt të vitit 2016 kishin futur bombola me gaz lotsjellës në sallën e Kuvendit, gjatë kohës sa ushtronin funksionin e deputetit.

    Në maj të vitit 2021, Gjykata Themelore në Prishtinë i kishte shpallur të pafajshëm për mungesë provash.

    Por pas ankesës së Prokurorisë, Gjykata e Apelit në tetor 2022 e rrëzoi vendimin dhe urdhëroi rigjykim të plotë të çështjes.

    Ky rast kishte nxitur reagime të mëdha publike dhe politike në atë kohë, pasi hedhja e gazit lotsjellës në Kuvend ishte bërë si formë proteste ndaj proceseve të brendshme politike, përfshirë marrëveshjen për demarkacionin me Malin e Zi dhe dialogun me Serbinë.

    Seanca e sotme pritet të mbahet në prani të të akuzuarve dhe përfaqësuesve të tyre ligjorë.