ATV

Author: G.O.

  • Rikthehet Jimmy Kimmel: S’kam pasur kurrë qëllim ta nënvlerësoj vrasjen e një të riu

    Rikthehet Jimmy Kimmel: S’kam pasur kurrë qëllim ta nënvlerësoj vrasjen e një të riu

    Prezantuesi amerikan i një talk-show-u, Jimmy Kimmel, tha, pasi u rikthye në emisionin që u anulua një javë më parë në televizionin ABC për shkak të komenteve të tij në lidhje me vrasjen e patriotit Charlie Kirk, se “nuk ka qenë kurrë qëllimi i tij të nënvlerësojë vrasjen e një të riu”.

    “Nuk mendoj se ka ndonjë gjë qesharake në lidhje me të. As nuk ishte qëllimi im të fajësoja ndonjë grup të veçantë për veprimet e dikujt që është qartësisht një person thellësisht i shqetësuar – kjo ishte në fakt e kundërta e pikës që po përpiqesha të theksoja”, tha Kimmel në një fjalim drejtuar audiencës së pranishme në shfaqjen e tij, e cila transmetohet drejtpërdrejt, raporton Reuters sot.

    Kimmel, prezantuesi katër herë i çmimeve Oscar, tha në përgjigje të kërcënimit për të anuluar shfaqjen e tij se Presidenti i SHBA-së Donald Trump jo vetëm që persekutoi komedianët që nuk i pëlqenin, por edhe gazetarët.

    “Ai po i padit, po i ngacmon. E di që nuk është aq interesante sa t’i heshtësh komedianët, por është shumë e rëndësishme të kesh një shtyp të lirë dhe është çmenduri që nuk i kushtojmë më shumë vëmendje kësaj”, tha Kimmel.

    Ai shtoi se ishte “thellësisht” i prekur nga lamtumira që e veja e Kirkut, Erica Kirk, i shprehu të akuzuarit për vrasjen e burrit të saj, një student 22-vjeçar i kolegjit teknik nga Utah.

  • Sindikata e Policisë: Sakrifica e Afrim Bunjakut, dëshmi e trimërisë dhe përkushtimit ndaj vendit

    Sindikata e Policisë: Sakrifica e Afrim Bunjakut, dëshmi e trimërisë dhe përkushtimit ndaj vendit

    Me rastin e dyvjetorit të rënies së rreshterit Afrim Bunjaku në krye të detyrës në sulmin terrorist në Banjskë të Zveçanit, Sindikata e Policisë e ka kujtuar Bunjakun duke e vlerësuar përkushtimin e tij ndaj vendit.

    Përmes një komunikate, Sindikata thotë se rreshteri Bunjaku ra duke mbrojtur ligjin, sigurinë dhe jetën e qytetarëve.

    “Sot, në dyvjetorin e rënies heroike të rreshterit të Policisë së Kosovës, Afrim Bunjaku, Sindikata e Policisë së Kosovës nderon me respekt dhe krenari kujtimin e tij. Ai ra në krye të detyrës, duke mbrojtur ligjin, sigurinë dhe jetën e qytetarëve tanë. Sakrifica e tij mbetet përjetësisht dëshmi e trimërisë dhe përkushtimit të policëve tanë ndaj vendit dhe popullit. Ngushëllime familjes së tij, kolegëve dhe gjithë qytetarëve të Kosovës. Kujtimi dhe vepra e tij do të mbeten gjithmonë në zemrat tona. Lavdi jetës dhe veprës së rreshterit Afrim Bunjaku! Sindikata e Policisë së Kosovës“”, thuhet në komunikatën e Sindikatës.

  • Kurti: Ndërkombëtarët mos ta konsiderojnë Serbinë shtet normal

    Kurti: Ndërkombëtarët mos ta konsiderojnë Serbinë shtet normal

    Kryeministri në detyrë i Kosovës, Albin Kurti, pas homazheve te varri i rreshterit të Policisë së Kosovës, Afrim Bunjaku, në përvjetorin e dytë të vrasjes së tij nga terroristët serbë në Banjskë të Zveçanit, vlerësoi lartë heroizmin dhe përkushtimin e tij për të mbrojtur vendin, duke dalë i pari në përballje me terroristët.

    “Ka mbrojtur qytetarët pa dallim duke e mirëmbajtur rendin publik dhe sundimin e ligjit të gjithë. Të bashkë ne jemi pjesë e familjes Bunjaku, sepse Afrim Bunjaku së përket Republikës së Kosovës. E theksoj guximin e dyfishtë, ai ia mësy i pari drejt bllokadës Banjskë së Zveçanit, këtë e bëri si polic me përvojë, ishte polic 22 vjet prej të cilëve 16 vjet rreshter. Tani e ka gradën heroi i Kosovës ku nuk mund t’ia marrë askush. Dua ta theksoj aspektin e guximit, ai nuk lejoi që policët tjerë që ishin më të rinj të saj t’ia mësyjnë bllokadës që ishte vendosur në rrugë nga kamionët nga grupi terrorist paramilitar i Serbisë të udhëhequr nga Radoiçiq. Nuk i la të rinjtë të vet sakrifikohen, të vetëflijohet dhe vet mohohen para tij.”, deklaroi Kurti.

    Kurti u bëri thirrje ndërkombëtarëve që të mos e konsiderojnë Serbinë si shtet normal përderisa nuk i dorëzon kriminelët që udhëhiqeshin nga Milan Radoiçiq.

    “I bëjmë thirrje faktorëve ndërkombëtarë që të mos e konsiderojnë Serbinë shtet normal përderisa nuk i dorëzon kriminelët e Serbisë të organizuar dhe të udhëhequr nga Milan Radoiçiq dhe të financuar nga presidenti Aleksandër Vuçiq. Aktakuza përfshinë 45 persona, këta duhet të dorëzohen menjëherë shtetit të Kosovës”, theksoi Kurti.

  • Ndalen shkallët elektrike derisa Trump po nisej drejt tyre, Shtëpia e Bardhë: Nëse dikush i fiku qëllimshëm, duhet të shkarkohet

    Ndalen shkallët elektrike derisa Trump po nisej drejt tyre, Shtëpia e Bardhë: Nëse dikush i fiku qëllimshëm, duhet të shkarkohet

    Sekretarja e shtypit e Shtëpisë së Bardhë, Karoline Leavitt, pretendon se shkallët lëvizëse u ndalën qëllimisht për të poshtëruar presidentin amerikan Donald Trump, por OKB thotë se funksioni i sigurisë mund të jetë “aktivizuar pa dashje”.

    Donald Trump duket se qeshi të martën kur një shkallë lëvizëse dhe një teleprompter u prishën gjatë vizitës së tij në Kombet e Bashkuara – por për zyrtarët amerikanë nuk ishte çështje qesharake, transmeton Telegrafi.

    Shtëpia e Bardhë tha se ishte nisur një hetim nëse shkallët lëvizëse u ndaluan qëllimisht për të poshtëruar presidentin e SHBA-së, i cili më vonë e kritikoi organin global në fjalimin e tij në asamblenë e përgjithshme të OKB-së në Nju Jork.

    “Nëse zbulojmë se këta ishin OKB dhe stafi që po përpiqeshin qëllimisht të pengonin, fjalë për fjalë të pengonin presidentin dhe zonjën e parë të Shteteve të Bashkuara, atëherë duhet të ketë përgjegjësi për këta njerëz. Dhe unë personalisht do të kujdesem për këtë”, tha sekretarja e shtypit e Shtëpisë së Bardhë Karoline Leavitt në Fox Neës të martën në mbrëmje.

    Leavitt gjithashtu postoi në X pas incidentit: “Nëse dikush në OKB e ka ndaluar qëllimisht shkallët lëvizëse, ai duhet të pushohet nga puna dhe të hetohet menjëherë”.

    Një zëdhënës i OKB-së tha se aksidenti ndodhi sepse dikush përpara Trumpit aktivizoi aksidentalisht një mekanizëm sigurie në shkallët lëvizëse, duke shkaktuar mbylljen e saj.

  • Riktheni pastërtinë e çorapeve të bardha me një përbërës të vetëm nga kuzhina

    Riktheni pastërtinë e çorapeve të bardha me një përbërës të vetëm nga kuzhina

    Çorapet e bardha janë të njohura për faktin se tregojnë çdo njollë apo papastërti, dhe pas vetëm disa përdorimesh, shpesh përfundojnë të njollosura, të pista dhe larg pamjes së freskët.

    Me kthimin e fëmijëve në shkollë, prindërit po kërkojnë mënyrat më të mira për t’i mbajtur çorapet e bardha të pastërta, dhe ndërsa shumica zgjedhin detergjentë të shtrenjtë ose zbardhues, në fakt ekziston një përbërës i thjeshtë kuzhine që mund t’i rikthejë bardhësinë me shumë pak përpjekje.

    Sipas ekspertëve të pastrimit te The Spruce, uthulla e bardhë është zgjidhja më e mirë për çorapet e bardha të pista. Ata shpjegojnë:

    “Uthulla e bardhë e distiluar përmban acid acetik dhe prodhohet përmes procesit të distilimit të alkoolit. Acidi i butë në uthull ndihmon në heqjen e disa njollave dhe në shpërbërjen e mbetjeve që lihen pas nga deodorantët për sqetull dhe produktet e lavanderisë”.

    Si t’i riktheni çorapet e bardha në gjendje të mirë

    “Shtoni një gotë uthull të bardhë të distiluar në një tenxhere të madhe me ujë, pastaj zieni ujin dhe shtoni çorapet apo veshjet e pista. Lërini të qëndrojnë në ujë gjatë natës dhe më pas lajini si zakonisht.”

    Nëse ende keni vështirësi me njollat e forta, ekspertët e pastrimit këshillojnë të mos e kombinoni uthullën e bardhë me një përbërës tjetër natyral të njohur – sodën e bukës (baking soda).

    Ata paralajmërojnë:

    “Mos e kombinoni sodën e bukës dhe uthullën në të njëjtën cikël larjeje. Nëse përzihen, efektet individuale anulohen gjatë larjes ose shpëlarjes dhe nuk ndikojnë në pastrimin e rrobave”.

    “Asnjëra prej tyre nuk është efektive e vetme si zëvendësuese e një detergjenti të balancuar mirë për lavanderi, por mund të jenë funksionale nëse përdoren siç duhet”.

    Kur duhet përdorur soda e bukës?

    Soda e bukës është më e përshtatshme për të hequr erërat e këqija nga çorapet e pista.

    Ajo neutralizon molekulat acide dhe bazike të erës, duke i lënë pa aromë.

    Gjithashtu vepron si një alkali i butë natyral që ndihmon në shpërbërjen e papastërtive dhe yndyrës në ujë, por duhet përdorur si alternativë vetëm kur uthulla e bardhë nuk funksionon.

    Sipas The Spruce, pastrimi i çorapeve të bardha me sodë buke është i thjeshtë:

    Në një enë ose kavanoz, shtoni një deri në dy gota sodë buke në ujë të ngrohtë;

    Përziejeni mirë që të tretet, pastaj mbushni lavamanin me ujë të ftohtë dhe shtoni sodën e tretur;

    Shtoni çorapet me erë të keqe dhe lërini të qëndrojnë në ujë gjatë natës;

    Pasi të kullohet uji, lajeni rrobat si zakonisht.

  • Ambasada amerikane shpërndan deklaratën e Trumpit ku përmendi sërish ndaljen e konfliktit Kosovë-Serbi

    Ambasada amerikane shpërndan deklaratën e Trumpit ku përmendi sërish ndaljen e konfliktit Kosovë-Serbi

    Presidenti amerikan, Donald Trump, në fjalimin e tij të djeshëm në OKB përmendi sërish shtatë konfliktet, përfshirë edhe konfliktin Kosovë-Serbi, për të cilët tha se u ka dhënë fund.

    Trump shtoi se asnjë president apo kryeministër më parë nuk ka “bërë kurrë diçka të tillë”.

    Këtë deklaratë të tij e shpërndau sot në mëngjes Ambasada e Shteteve të Bashkuara të Amerikës në Kosovë. Ambasada publikoi videon e fjalimit të Trumpit, si dhe një foto-grafikë nga Departamenti Amerikan i Shtetit, ku deklarata e tij është e ilustruar.

    Trump u drejtua edhe ndaj Kombeve të Bashkuara, duke thënë se vetë organizata duhej të ndalonte këto luftëra.

    “Unë i dhashë fund shtatë luftërave, dhe në të gjitha rastet ato po tërboheshin me mijëra njerëz të vrarë. Dhe e bëra vetëm në shtatë muaj. Nuk ka ndodhur kurrë më parë. Nuk ka ndodhur kurrë diçka e tillë. Jam shumë i nderuar që e kam bërë,” tha Trump.

    “Dhe, për fat të keq, në të gjitha rastet, Kombet e Bashkuara as nuk u përpoqën të ndihmonin në asnjërën prej tyre,” shtoi ai.

    Më poshtë lista e vendeve, ku Trump thotë se ka ndalur luftën:

    Kamboxhia dhe Tajlanda;

    Kosova dhe Serbia;

    Kongo dhe Ruanda;

    Pakistani dhe India;

    Izraeli dhe Irani;

    Egjipti dhe Etiopia;

    Armenia dhe Azerbajxhani.

  • Debati për Lindjen e Mesme në OKB, Macron: Trump duhet të ndalë luftën në Gaza për ta fituar çmimin Nobel

    Debati për Lindjen e Mesme në OKB, Macron: Trump duhet të ndalë luftën në Gaza për ta fituar çmimin Nobel

    Presidenti i Francës, Emmanuel Macron, i ka bërë thirrje presidentit amerikan Donald Trump që të shtrojë trysni ndaj Izraelit për t’i dhënë fund luftës. Duke folur nga Nju Jorku, ai tha se nëse Trump dëshiron vërtet ta fitojë Çmimin Nobel për Paqe, ai duhet së pari të ndërmjetësojë ndaljen e luftës në Rripin e Gazës.

    Sipas Macron, vetëm presidenti i Shteteve të Bashkuara të Amerikës ka fuqinë reale për të ushtruar trysni ndaj Izraelit për t’i dhënë fund konfliktit.

    Ai theksoi se ndryshe nga Evropa, janë Shtetet e Bashkuara ato që furnizojnë armatimin dhe pajisjet që mundësojnë vazhdimin e operacioneve ushtarake.

    Këto deklarata nga Macron vijnë pasi vetë presidenti Trump, gjatë fjalimit në Asamblenë e Përgjithshme të Organizatës së Kombeve të Bashkuara, deklaroi se ka zgjidhur shtatë konflikte ndërkombëtare.

    Ndonëse përmendi se shumë njerëz i thonë se meriton çmimin Nobel, presidenti amerikan theksoi se për të, shpërblimi i vërtetë nuk janë çmimet, por shpëtimi i jetëve.

  • Tri raste të dhunës në familje, dy të arrestuar dhe një në kërkim

    Tri raste të dhunës në familje, dy të arrestuar dhe një në kërkim

    Tri raste të ndara të dhunës në familje janë raportuar gjatë ditës së martë në rajonin e Prishtinës dhe Podujevës, ku në të gjitha incidentet viktimat ishin gra.

    Autoritetet policore kanë intervenuar në secilin rast pas raportimeve për dhunë fizike dhe psikologjike të ushtruar nga bashkëshortët.

    Në dy prej rasteve në Prishtinë, njëri nga të dyshuarit ka ushtruar dhunë fizike dhe psikike, ndërsa tjetri ka sulmuar bashkëshorten dhe është larguar nga vendi i ngjarjes. Ndërkaq, në Podujevë, i dyshuari ka ushtruar dhunë psikike ndaj gruas dhe fëmijëve të tij.

    Lidhur me këto raste, Policia ka arrestuar dy persona, ku njëri me urdhër të prokurorit është dërguar në mbajtje, kurse tjetri është liruar në procedurë të rregullt. Ndërkohë, i dyshuari i tretë ende nuk është arrestuar dhe mbetet në kërkim nga Policia.

  • Aksion i madh policor në Pejë, në shënjestër të dyshuar për trafikim me narkotikë

    Aksion i madh policor në Pejë, në shënjestër të dyshuar për trafikim me narkotikë

    Një aksion i gjerë policor është duke u zhvilluar në disa lokacione në rajonin e Pejës. Operacioni ka në shënjestër persona të dyshuar për përfshirje në veprimtari të organizuara kriminale, kryesisht të lidhura me lëndë narkotike.

    Sipas burimeve të Policisë, aksioni është i përqendruar në luftën kundër trafikimit të heroinës dhe po zbatohet nga njësi të shumta policore. Në terren janë angazhuar forca speciale dhe hetues të antidrogës, të cilët po kryejnë bastisje të koordinuara në disa pika të ndryshme

    . Objektiv i këtij operacioni mësohet të jenë dy të dyshuar kryesorë, babë e bir, të cilët hetoheshin prej kohësh nga autoritetet. Policia e Kosovës ende nuk ka dalë me një njoftim zyrtar, pasi aksioni është në zhvillim e sipër dhe priten informacione të reja gjatë ditës.

  • Bebe Rexha merr vëmendjen me dukjen e re me​ flokë rozë

    Bebe Rexha merr vëmendjen me dukjen e re me​ flokë rozë

    Këngëtarja shqiptaro-amerikane Bebe Rexha ka ndezur rrjetin me setin e saj të fundit fotografik të publikuar në Instagram, ku shfaqet me një pamje tërësisht të re, por me të njëjtin qëndrim të fortë e me vetëbesim.

    “Mos e shiko me sy, është e pahijshme”, shkroi artistja në mbishkrimin provokues që shoqëron fotot, duke tërhequr menjëherë vëmendjen e ndjekësve të saj.

    Në këtë seri fotosh, Bebe shfaqet me flokë rozë të gjatë, një stil që fansat e saj të vjetër mund ta kujtojnë nga viti 2019, kur ajo eksperimentoi për herë të parë me këtë ngjyrë.

    E kombinuar me një kapelë të stilit “acid wash denim” me detaje artistike dhe një xhup me kapuç të madh, pamja e saj është një përzierje mes stilit “streetwear” dhe qëndrimit të saj ikonik rebel.

    Detaje të tjera që bien në sy janë thonjtë elegantë me dizajn francez të zbukuruar me perla, dhe varësja “Bebe” e mbuluar me gurë që plotëson perfekt dukjen e saj. Ajo nuk i trembet aspak të tregojë individualitetin e saj, ashtu siç ka bërë gjithmonë gjatë karrierës.

    Përveç ndryshimit të pamjes, Bebe Rexha është në një fazë aktive të krijimtarisë muzikore.

    Ajo aktualisht është duke punuar në projekte të reja muzikore, ndërkohë që po shijon suksesin e bashkëpunimit të saj më të fundit me producentin belg Netsky, në këngën “Light That Leads Me”, një projekt që ka marrë vlerësime pozitive nga fansat dhe kritika.

    Me një stil gjithmonë të dallueshëm dhe një zë që vazhdon të magjepsë audiencën, Bebe Rexha vazhdon të jetë një nga emrat më të dashur dhe më të zhurmshëm në industrinë muzikore globale. /Telegrafi/