Komandanti i KFOR-it, Gjeneral Major Özkan Ulutash, priti Gjeneral Major Alexandros Koufopoulos nga Greqia në Prishtinë, duke vlerësuar kontributin e Greqisë në misionin e KFOR-it.
Ulutaş riafirmoi përkushtimin për të garantuar një ambient të sigurt dhe të qetë për qytetarët e Kosovës, në bashkëpunim me Policinë e Kosovës dhe EULEX.
Kryeministri i Kosoëvs, Albin Kurti është dekalruar për media pas takimit me kryetarin e LDK-së, Lumir Abdixhikun, raporton Ekonomia Online.
Edhe Kurti e konfirmoi që s’ka lëvizje të reja, por u shpreh optimist se do të arrihet një marrëveshje me opozitën, me takimet që do të zhvillohen në vijim
“Ndërkohë që ne nuk e kemi sfidë numrin prej 61 deputeteve për formimin e qeverisë por është sfidë tejet gjigante që një parti ti ketë 81 deputetë dhe ta zgjedhë vetë presidentin. Ju e dini që jemi përpjekur edhe më herët dhe e dini që kandidati ynë është zyrtarizuar e po ashtu edhe kundërkandidati i saj Fatmir Mulhaxha-Kolçaku, dhe ndodhemi tani ku ndodhemi. Unë vazhdoj të jem optimist se me takime dhe biseda të tilla mund të arrijmë marrëveshje”, ka thënë Kurti
“Tash ne jemi udhëheqës të subjekteve që janë demokratike dhe jemi tarsnparent sa i përket procesit dhe duhet ta ruajmë konfidencialitetin e takimeve. Përderisa jemi në këtë fazë gjithmonë do të ju njoftojmë për takimet por nuk do të iu tregojmë për emrat konkret që nuk është arritur ndonjë marrëveshje”, ka shtuar ai.
Ai ka deklaruar se do të përpiqet që të ketë takim edhe me kryetarin e PDK-së, Bedri Hamzën.
UEFA ka bërë të ditur se gjyqtari rumun, Istvan Kovacs, do të jetë përgjegjës për drejtësinë në ndeshjen e çerekfinales së Ligës së Kampionëve mes Barcelonës dhe Atletico Madridit.
Takimi i parë midis dy skuadrave spanjolle zhvillohet të mërkurën në stadiumin “Camp Nou” nga ora 21:00.
Kovacs do të shoqërohet nga një ekip gjyqtarësh anësorë dhe VAR, për të garantuar që ndeshja të zhvillohet sipas rregullave ndërkombëtare dhe në mënyrë të drejtë.
Ky takim pritet të jetë vendimtar për kualifikimin në gjysmëfinale, duke e bërë rolin e gjyqtarit vendimtar për ekuilibrin e lojës.
Pas mbylljes së Ngushticës së Hormuzit, Irani paralajmëron bllokimin e Bab el-Mandeb, një rrugë kyçe për tregtinë globale të naftës.
Ky veprim rrit shqetësimet për sulme të mundshme nga rebelët Huthi në Detin e Kuq, duke rrezikuar transportin detar dhe ekonominë globale.
Ministri i Jashtëm i Shqipërisë, Ferit Hoxha, ka vlerësuar si të drejtë dhe legjitime protestën e studentëve shqiptarë në Maqedoninë e Veriut lidhur me provimin në gjuhën shqipe.
Ai theksoi se përdorimi i gjuhës amtare është një e drejtë themelore e garantuar me kushtetutë dhe ligj, duke kërkuar që çështja të trajtohet me seriozitet institucional.
Hoxha apeloi që kjo temë të mos politizohet, por të zgjidhet përmes dialogut konstruktiv dhe respektimit të plotë të të drejtave të studentëve.
Kryetari i Lidhjes Demokratike të Kosovës (LDK), Lumir Abdixhiku ka thënë të hënën se nuk është arritur ndonjë marrëveshje me kryeministrin e Kosovës, Albin Kurti lidhur me çështjen e presidentit të vendit, por që takimet po vazhdojnë dhe se palët po përpiqen të arrijnë deri te një zgjidhje.
“Po provojmë të gjejmë zgjidhje të përbashkët, konsensuale, me takime. Kjo është rruga që duhet ndjekur përpara. Do ta ndjekim këtë rrugë sa herë që mundemi për t’i shmangur zgjedhjet”, ka thënë ai pas një takimi pothuajse dyorësh me Kurtin në ambientet e Kuvendit.
Takimi është zhvilluar pas përfundimit të mandatit presidencial të Vjosa Osmanit më 4 prill. Të njëjtën ditë, pozitën e ushtrueses së detyrës e ka marrë Albulena Haxhiu, kryetare e Kuvendit, ashtu siç parashihet me Kushtetutë.
Ka muaj që partitë kryesore nuk arrijnë pajtueshmëri për këtë çështje.
Partia e Kurtit, Lëvizja Vetëvendosje (LVV) i ka fituar bindshëm zgjedhjet e parakohshme të 28 dhjetorit dhe gëzon 57 ulëse në Kuvend, por ato janë të pamjaftueshme për zgjedhjen e presidentit, meqë për të finalizuar këtë proces nevojiten të paktën 80 vota./REL
Presidenti ukrainas, Volodymyr Zelensky, deklaroi se Ukraina mund të kontribuojë në mbrojtjen e rrugëve detare nëse ftohet, duke përmendur përvojën e fituar nga mbajtja e hapur e korridoreve të transportit në Detin e Zi nën sulme të vazhdueshme ruse, raporton AP.
“Nëse ftohemi, do të ndihmojmë”, tha Zelensky, pa dhënë detaje të mëtejshme.
“Ngushtica duhet të zhbllokohet”.
Oferta e Kievit vjen në një kohë kur ai po thellon bashkëpunimin me vendet e Gjirit si Katari, Arabia Saudite dhe Emiratet e Bashkuara Arabe duke u orientuar drejt një roli afatgjatë si partner sigurie.
Ekipet ukrainase janë tashmë të dislokuara në rajon për të këshilluar mbi mbrojtjen ajrore, mbrojtjen e infrastrukturës dhe sigurinë detare.
Një ngjarje e rëndë dhe e papritur ka tronditur qytetin e Durrësit pasditen e sotme. Një nxënës 17-vjeçar ka ndërruar jetë në mënyrë tragjike teksa ndodhej në ambientet e shkollës së mesme ku studionte.
Sipas njoftimit paraprak të Policisë së Shtetit, ngjarja u regjistrua rreth orës 15:15. Adoleshenti ishte në palestrën e shkollës kur ka shfaqur probleme të papritura shëndetësore. Ai është ndjerë keq dhe, për pasojë, ka humbur ndjenjat në sy të të pranishmëve.
Reagimi mjekësor dhe shkaqet e dyshuara
Pas rënies pa ndjenja, është njoftuar menjëherë shërbimi i urgjencës. I riu është transportuar me autoambulancë drejt spitalit për të marrë ndihmën e specializuar mjekësore. Fatkeqësisht, pavarësisht ndërhyrjes së shpejtë, 17-vjeçari nuk ka mundur të mbijetojë dhe ka ndërruar jetë.
Të dhënat e para nga bluzat e bardha dhe autoritetet sugjerojnë se vdekja e të riut nuk ka lidhje me faktorë të jashtëm ose trauma. Paraprakisht dyshohet se humbja e jetës ka ardhur për shkaqe natyrale, konkretisht si pasojë e një arresti kardiak të papritur.
Për të hedhur dritë mbi këtë ngjarje tragjike, një grup i posaçëm hetimor ka mbërritur në vendin e ngjarjes. Ekspertët po kryejnë të gjitha veprimet e nevojshme procedurale, duke mbledhur dëshmitë e stafit pedagogjik dhe të pranishmëve në palestër, për të zbardhur dhe dokumentuar plotësisht rrethanat e këtij rasti të rëndë. Pritej gjithashtu ekspertiza mjeko-ligjore për të konfirmuar shkakun përfundimtar të vdekjes.
Gjykata Supreme ka vendosur të ndërpresë masën e paraburgimit ndaj Florent Sylejmanit, i dyshuar në skandalin milionësh në Byroën Kosovare të Sigurimeve, pas kërkesës për mbrojtje të ligjshmërisë të ushtruar nga mbrojtja e tij.
Ky vendim vjen pas ankimit kundër aktvendimeve të Gjykatës Themelore në Prizren dhe Gjykatës së Apelit të Kosovës.
“Çështja penale ka të bëjë me disa të pandehur, përfshirë S.M., V.B. dhe të tjerë, të akuzuar për vepra penale si: keqpërdorimi i besimit, keqpërdorimi i autorizimeve ekonomike, falsifikimi i dokumenteve dhe vepra të tjera penale, të kryera në bashkëkryerje dhe në forma të ndryshme të ndihmës,” thuhet në njoftim.
Gjykata Supreme ka aprovuar kërkesën e mbrojtësit të Sylejmanit dhe ka ndryshuar aktvendimet e gjykatave të instancave të mëparshme. Ndaj të pandehurit F.S. është ndërprerë masa e paraburgimit dhe është caktuar masa e arrestit shtëpiak, e cila do të zgjasë deri më 8 prill 2026.
Në njoftim, Supremja ka theksuar se paraburgimi duhet të përdoret vetëm kur masat më të lehta nuk janë të mjaftueshme për sigurimin e pranisë së të pandehurit në procedurë.
“Në këtë rast, Gjykata ka vlerësuar se nuk ekzistojnë rrethana konkrete që justifikojnë vazhdimin e paraburgimit, si rreziku i arratisjes, ndikimi në prova apo përsëritja e veprës penale,” theksohet në aktvendim.
Gjykata e Apelit e Kosovës ka lënë në fuqi dënimin me burgim të përjetshëm për dy vëllezërit Jeton dhe Nexhat Vllasaliu, të cilët u shpallën fajtorë për vrasjen makabre të biznesmenit Bedri Rexhepi dhe për dëmtim të varreve. Vendimi i Apelit refuzoi të gjitha ankesat e mbrojtësve të të akuzuarve, duke konfirmuar aktgjykimin e Gjykatës Themelore në Prishtinë, PKR.nr.533/2022, të datës 28 maj 2025.
Kolegji i Apelit ka vlerësuar se gjykata e shkallës së parë ka paraqitur arsye të qarta dhe të plota duke dhënë arsye të duhura se cilat fakte konsiderohen të vërtetuara në këtë çështje penale, përkitazi me veprat penale të cilat i vihen në barrë të akuzuarve, e po ashtu ka paraqitur saktësinë e provave nga shkresat e lëndës, ka dhënë arsye të qarta për vendin, kohën, mënyrën e kryerjes së veprës penale, mënyrën se si ka ardhur deri të kryerja e kësaj vepre penale të cilat janë vërtetuar nga provat personale dhe ato materiale.
Sipas vendimit të Apelit dënimi me burgim të përjetshëm do të parandalojë personat tjerë nga kryerja e veprave penale dhe do të shpreh gjykimin shoqëror për veprën penale.
“Sa i përket pretendimeve ankimore lidhur me shkeljen e ligjit penal, Gjykata e Apelit vlerëson se shkalla e parë në mënyrë të plotë dhe të drejtë ka vërtetuar ekzistimin e secilës vepër penale, pasi që ka vlerësuar të gjitha provat sikurse ato personale e po ashtu edhe ato materiale, andaj kolegji gjykues vlerëson se gjykata e shkallës së parë në mënyrë të drejtë dhe të plotë ka vërtetuar gjendjen faktike kur të akuzuarit i ka shpallur fajtor , pasi që nuk ekzistojnë rrethana që e përjashtojnë përgjegjësinë penale dhe ndjekjen penale nga të akuzuarit.”, thuhet në njoftim.
“Duke i vlerësuar të gjitha rrethanat e përshkruara si në këtë aktgjykim, kolegji gjykues është i bindur se me dënimin e shqiptuar me burgim të përjetshëm do të arrihet efekti dhe qëllimi i tij, që të parandalojë kryerësit nga kryerja e veprave penale në të ardhmen dhe të bëjë rehabilitimin e tij, të parandalojë personat e tjerë nga kryerja e veprave penale, të bëjë kompensimin e viktimave ose të komunitetit për humbjet ose dëmet e shkaktuara dhe të shprehë gjykimin shoqëror për veprën penale, ngritjen e moralit dhe forcimin e detyrimit për respektimin e ligjit”, thuhet tutje.
Jeton e Nexhat Vllasaliu akuzoheshin nga Prokuroria Themelore në Prishtinë për veprën penale Vrasje e rëndë në bashkëkryerje dhe Dëmtimi i varreve apo kufomave.