Author: G.O.

Një dron i marinës amerikane është parë duke ndjekur fluturimet mbi Ngushticën e Hormuzit sot.

Northrop Grumman MQ-4C Triton shkoi nga baza ajrore Sigonella në Siçili. Marina amerikane ka një prani në bazën ajrore italiane.

Të dhënat në Flightradar24 tregojnë se ai kaloi më shumë se dy orë mbi Gjirin Persik dhe Ngushticën e Hormuzit.

Trump paralajmëron Iranin: Sulmet e ardhshme do të jenë më të fortat që keni parë ndonjëherë

Siç raportohet, Irani ka ndaluar trafikun detar në ngushticë në shenjë hakmarrjeje për sulmet ajrore të Izraelit në Liban dje.

Organizata detare e Iranit ka paralajmëruar gjithashtu për “përplasje të mundshme me mina detare”.

Ndërkohë, pesë transportues mallrash me shumicë dhe asnjë cisternë nafte ose gazi kaluan nëpër ngushticë dje, sipas të dhënave të gjurmimit detar nga Kpler. /Telegrafi/

Kryetari i Lidhjes Demokratike të Kosovës, Lumir Abdixhiku ka uruar Ditën e Kushtetutës.

Përmes, një postimi në profilin e tij në rrjetin social Facebook, Abdixhiku ka shkruar se Kushtetuta është dokumentit themelor që vulosi shtetësinë, sovranitetin dhe rendin demokratik të vendit tonë.

Sipas tij Kushtetuta e Republikës së Kosovës nuk është vetëm akti më i lartë juridik, por është udhërrëfyesi ynë në rrugën e shtetndërtimit, në përforcimin e sundimit të ligjit dhe në mbrojtjen e të drejtave dhe lirive të njeriut.

Me rastin e 18 vjetorit të Ditës së Kushtetutës së Republikës së Kosovës, kryetari i LDK-së Lumir Abdixhiku dërgon këtë mesazh:

“Sot, bëhen 18 vite nga miratimi i Kushtetutës së Republikës së Kosovës, dokumentit themelor që vulosi shtetësinë, sovranitetin dhe rendin demokratik të vendit tonë. Kushtetuta e Republikës së Kosovës nuk është vetëm akti më i lartë juridik, por është udhërrëfyesi ynë në rrugën e shtetndërtimit, në përforcimin e sundimit të ligjit dhe në mbrojtjen e të drejtave dhe lirive të njeriut. E po ashtu është zotimi ynë kolektiv për një të ardhme më të mirë, për një shtet të drejtë e të barabartë për të gjithë”, tha ai.

Tutje kreu i LDK-së në këtë 18 vjetor, kujtojë sakrificën dhe vendosmërinë e popullit tonë që i hapi rrugë krijimit të këtij dokumenti historik, si dhe të gjithë qytetarëve tanë që me përkushtim punuan dhe kontribuuan në ndërtimin e institucioneve dhe forcimin e shtetit tonë, mbi vlerat demokratike.

“Le të shërbejë kjo ditë si frymëzim për të vazhduar angazhimin tonë për një Kosovë demokratike, të zhvilluar dhe euroatlantike. Urime, Dita e Kushtetutës”, u shpreh Abdixhiku tutje.

Presidenti i Serbisë, Aleksandar Vuçiq, priti të dërguarin e posaçëm të Bashkimit Evropian për dialogun Kosovë-Serbi, Peter Sorensen, me të cilin, siç tha, diskutoi për çështjet që rëndojnë marrëdhëniet në rajon.

“Në fokus të bisedës ishte situata në ‘Kosovë dhe Metohi’, veçanërisht siguria e popullsisë serbe dhe pasiguria e madhe që ajo përjeton, për shkak të aplikimit selektiv të ligjeve dhe diskriminimit të dukshëm në shumë fusha të jetës”, shkroi Vuçiq në Facebook.

Ai tha se masat e njëanshme të Prishtinës dhe zbatimi i ligjeve pa marrëveshje në Bruksel, krijojnë presion serioz mbi popullin serb dhe “institucionet jetike serbe” në Kosovë.

Vuçiq, mësa duket, iu referua Ligjit për të huajt dhe atij për automjete, që nisën të zbatohen në Kosovë nga 15 marsi, transmeton Radio Evropa e Lirë.

Vuçiq shtoi se Serbia mbetet e përkushtuar ndaj dialogut për normalizimin e marrëdhënieve me Kosovën, si rruga e vetme e qëndrueshme për zgjidhjen e çështjeve të hapura.

Ai tha se ka kërkuar angazhimin konkret të aktorëve në Prishtinë për zbatimin e marrëveshjeve të arritura, përfshirë formimin e Asociacionit të komunave me shumicë serbe.

Ai, po ashtu, paralajmëroi se “veprimet e njëanshme nga Prishtina” rrisin tensionet dhe cenojnë stabilitetin e brishtë në terren, duke dëmtuar procesin e dialogut.

“Kam përsëritur se angazhimi i fortë dhe i vazhdueshëm i BE-së është thelbësor për të parandaluar aktivitete të tilla dhe për të siguruar që asnjë veprim të mos ketë për qëllim pengimin e dialogut, por, përkundrazi, krijimin e kushteve për zhvillimin e tij të qetë dhe konstruktiv”, shkroi Vuçiq në rrjetet sociale.

Muajin e kaluar, Sorensen u prit nga kryeministri i Kosovës, Albin Kurti, në Prishtinë.

Pas atij takimi, Qeveria e tij u ofroi disa lehtësira të përkohshme qytetarëve serbë në Ligjin për të huajt.

Një ditë më herët, gjatë një vizite në Mitrovicë të Veriut, Kurti tha se institucionet e shtetit funksionojnë në shërbim të të gjithë qytetarëve pa dallim.

Sorensen takoi së voni edhe zyrtarë të Departamentit amerikan të Shtetit, me të cilët tha se ka siguruar harmonizim për hapat e ardhshëm në dialogun mes Kosovës dhe Serbisë.

Një takim të nivelit të lartë mes përfaqësuesve të këtyre dy vendeve nuk ka pasur që nga shtatori i vitit 2023, edhe pse BE-ja ka shprehur gatishmërinë për të organizuar një të tillë./REL

Kryetari i AAK-së, Ramush Haradinaj, ka reaguar në shënimin e Ditës së Kushtetutës, duke ngritur shqetësime për shkelje të shpeshta të saj gjatë viteve të fundit.

Përmes një postimi në facebook, Haradinaj është shprehur se Kushtetuta e Kosovës, si dokument themelor i shtetit, përfaqëson idealet e luftës për liri dhe shtetësi, duke garantuar të drejtat e qytetarëve dhe barazinë para ligjit.

Ai ka theksuar se në pesë vitet e fundit janë regjistruar shkelje të shumta përmes vendimeve dhe veprimeve që i cilësoi si antikushtetuese.

“Sot, Republika e Kosovës shënon Ditën e Kushtetutës, dokumentin themelor që mishëron idealet e luftës çlirimtare për liri dhe shtetësi. Kjo Kushtetutë moderne është gardiani që mbron arritjen më të madhe të shqiptarëve, shtetin e pavarur të Kosovës, duke garantuar të drejtat e njeriut, barazinë para ligjit dhe mbrojtjen e qytetarëve pa dallim.

Në 5 vitet e fundit, kemi parë shkelje të panumërta të Kushtetutës, përmes vendimeve dhe veprimeve antikushtetuese duke anashkaluar qëllimisht parimet e saj. Kjo praktikë duhet të ndalet urgjentisht”, ka shkruar Haradinaj

Kosova është e varur nga importi i derivateve të naftës, duke u furnizuar nga vende të ndryshme të botës, kjo duke reflektuar edhe në çmimet si pasojë e lëvizjeve në tregjet ndërkombëtare dhe situatës së tensionuar globale, përfshirë ndikimet nga lufta në disa rajone prodhuese.

Bazuar në të dhënat e Doganës së Kosovës për periudhën janar-prill 2026, vendi ka importuar gjithsej rreth 199.4 milionë litra naftë nga këto vende:

Emiratet e Bashkuara Arabe: 14,198,637 litra
Gjermania: 300 litra
Algjeria : 65,100 litra
Egjipti: 128,825 litra
Greqia : 37,852,732 litra
India: 36,927,681 litra
Maqedonia e Veriut : 3,839,824 litra
Rumania : 2,174,772 litra
Arabia Saudite : 85,584,456 litra
Shtetet e Bashkuara të Amerikës: 18,635,831 litra
Ky varësim i lartë nga importi bën që çmimet e derivateve të jenë të ndjeshme ndaj luhatjeve ndërkombëtare.

Sot, Ministria e Industrisë, Ndërmarrësisë, Tregtisë dhe Inovacionit (MINT) ka njoftuar çmimet maksimale për tregun vendor: nafta shitet me 1.91 euro për një litër, ndërsa benzina me 1.47 euro për një litër.

Situata tregon qartë se pavarësisht diversifikimit të furnizimit nga dhjetëra vende, çmimet mbeten të larta, duke ndikuar drejtpërdrejt në tregun vendor dhe në koston e jetesës për qytetarët e Kosovës./Indeksonline/

Autoritetet meksikane kanë shpëtuar një minator që kishte mbetur i bllokuar për gati 14 ditë pas një shembjeje në një minierë në shtetin verior të Sinaloas.

Ngjarja ndodhi më 25 mars në minierën El Rosario, ku struktura u shkatërrua dhe një digë u ça, duke sjellë përmbytjen e galerisë.

Nga 25 minatorë që ndodheshin në momentin e aksidentit, 21 arritën të dilnin menjëherë. Tre të tjerë mbetën të bllokuar në thellësi. Sipas raportimeve, njëri prej tyre u shpëtua më herët nga rreth 300 metra thellësi, ndërsa një tjetër ende rezulton i zhdukur dhe një është gjetur i pajetë, siç konfirmoi presidentja Claudia Sheinbaum.

Minatori i shpëtuar së fundmi, i identifikuar si Francisco Zapata Nájera, u gjet nga ekipet e emergjencës pas zhytjeve të shumta në pjesët e përmbytura të minierës. Pamjet e publikuara tregojnë momentin kur ai gjendet në ujë deri në mes, i lodhur por i vetëdijshëm, shkruan A2CNN.

Ekipet e shpëtimit i siguruan ushqim, ujë dhe oksigjen përpara se ta nxirrnin nga hyrja e minierës një ditë më pas. Sipas autoriteteve, ai kishte vetëm shenja dehidratimi dhe u dërgua në spital për trajtim dhe vëzhgim të mëtejshëm.

Një person është arrestuar në Prizren nën dyshimin për disa raste të vjedhjeve. Ai gjatë intervistimit ka pranuar kryerjen e disa vjedhjeve.

Sipas Policisë, i dyshuari u arrestua të mërkurën dhe se gjatë ndalimit tëv tij, në trup iu gjet kokainë, raporton “Betimi për Drejtësi“.

“Ju njoftojmë se pas një pune operative-hetimore në terren dhe grumbullimit të dëshmive, sot më datë 08.04.2026, hetuesit policorë nga Sektori i Hetimeve të Stacionit Policor në Prizren kanë arritur të identifikojnë të dyshuarin M.G., i cili dyshohet se është i përfshirë në disa vepra penale, si: “Vjedhja” dhe “Vjedhja e rëndë”. Gjatë ndalimit të tij nga hetuesit policorë, në trupin e të dyshuarit, është gjetur një substancë e dyshuar narkotike e llojit “Kokainë”, thuhet në njoftim.

Lidhur me rastin, Policia bën të ditur se në koordinim me prokurorin kujdestar, është kryer bastisje në banesën e të dyshuarit, ku janë gjetur dhe sekuestruar dëshmi materiale që ndërlidhen me rastet në fjalë.

“I dyshuari, gjatë intervistimit në prezencë të avokatit mbrojtës, ka pranuar se ka kryer disa vjedhje në markete dhe vetura. Ndaj tij, me vendim të prokurorit kujdestar, është caktuar masa e ndalimit për 48 orë. Policia po punon me përkushtim në identifikimin dhe arrestimin e personave të tjerë të përfshirë në veprat penale të vjedhjes”, thuhet në njoftim.

Sipas Policisë, në të njëjtën ditë u arrestuan në flagrancë tre të dyshuar për vjedhje të rëndë.

“Gjithashtu, ju rikujtojmë se po sot, në orët e hershme të mëngjesit, policia ka arritur të arrestojë në flagrancë tre të dyshuar në një rast të vjedhjes së rëndë. Të dyshuarve u është sekuestruar një sasi e bizhuterive të arit të vjedhura, si dhe një automjet i përdorur në kryerjen e veprës. Pas përfundimit të procedurave, stolitë e arit i janë kthyer pronarit të ligjshëm, ndërsa tre të dyshuarit, me aktvendim të prokurorit, janë ndaluar për 48 orë”, thuhet në njoftim.

Presidenti amerikan, Donald Trump, ka thënë se ushtria amerikane do të mbetet në Lindjen e Mesme dhe ka paralajmëruar se nëse nuk arrihet një marrëveshje me Iranin, “fillojnë të shtënat”, më të mëdha, më të mira dhe më të forta se kushdo që ka parë ndonjëherë më parë”.

Në një postim në Truth Social, Trump tha se prania ushtarake amerikane ishte “e përshtatshme dhe e nevojshme për ndjekjen penale vdekjeprurëse dhe shkatërrimin e një armiku tashmë të degraduar në mënyrë të konsiderueshme”.

Ai e përfundoi mesazhin duke pretenduar se SHBA-të po “ngarkohen” dhe “presin me padurim” “sulmin” e radhës.

Ndryshe, një nga kushtet e planit 10-pikësh të publikuar të Iranit ishte largimi i forcave amerikane nga rajoni.

Shtëpia e Bardhë tha se plani ishte “hedhur poshtë nga presidenti Trump” dhe ishte “në thelb joserioz”.

Në 24 orët që kur Trump njoftoi se SHBA-të do të pezullonin sulmet ndaj Iranit, është rritur pasiguria nëse armëpushimi i përkohshëm do të qëndrojë.

Izraeli nisi një valë të madhe sulmesh në Liban dje, duke vrarë më shumë se 250 persona.

Si Izraeli ashtu edhe SHBA-ja këmbëngulin që Libani nuk është i përfshirë në marrëveshjen e armëpushimit, ndërsa Irani dhe Pakistani nuk janë dakord.

Në hakmarrje ndaj sulmeve izraelite, Hezbollahu – grupi i mbështetur nga Irani me bazë në Liban – tha se kishte qëlluar me raketa në Izraelin verior, duke përmendur “shkelje të armëpushimit”. /Telegrafi/

Izraeli ka sulmuar një uzinë të rëndësishme petrokimike në fushën masive të gazit natyror të Iranit, Pars Jugor, duke vënë në pikëpyetje negociatat që synojnë arritjen e një armëpushimi midis SHBA-së dhe Teheranit.

Ministri i mbrojtjes i Izraelit, Israel Katz, konfirmoi atë që e quajti “një sulm i fuqishëm ndaj objektit më të madh petrokimik në Iran”, i cili është përgjegjës për gjysmën e prodhimit petrokimik të vendit.

Zëdhënësi ushtarak i Izraelit, Nadav Shoshani, tha se nuk do të ketë “imunitet” për Iranin ndërsa bisedimet përparojnë.

Fusha e gazit e ndarë me Katarin është më e madhja në botë dhe ndodhet nën ujërat e Gjirit Persik.

Pas sulmit të Izraelit në mars në Parsin Jugor, Donald Trump tha se Izraeli nuk do ta sulmonte përsëri, por paralajmëroi se nëse Irani vazhdonte të godiste infrastrukturën energjetike të Katarit, Shtetet e Bashkuara do të hakmerreshin dhe do ta “shkatërronin masivisht të gjithë” fushën bërthamore.

Afati i fundit i Trump që Teherani të rihapë Ngushticën e Hormuzit po afron, ndërsa ndërmjetësuesit përpiqen të bindin SHBA-në dhe Iranin të bien dakord për një propozim të ri për armëpushim.

Greqia nisi një skemë “fuel pass” për të ndihmuar në kompensimin e kostove në rritje të energjisë të nxitura nga lufta në vazhdim SHBA-Izrael-Iran.

Sipas programit, pronarët e makinave që plotësojnë kushtet në territorin kontinental do të marrin 50 euro, ndërsa banorët e zonave ishullore do të marrin 60 euro, raportoi “Kathimerini”.

Pronarët e motoçikletave do të marrin 30 euro, ose 35 euro në ishuj.

Masa zbatohet për individë, përfshirë të vetëpunësuarit, me të ardhura vjetore të deklaruara deri në 25.000 euro për aplikantët beqarë dhe 35.000 euro për çiftet e martuara.

Autoritetet vlerësojnë se skema do të mbulojë rreth 75 për qind të drejtuesve të mjeteve në vend, sipas gazetës.

Çmimet e karburantit janë rritur pas sulmeve izraelito-amerikane dhe kundërsulmeve të Iranit.

Çmimet e benzinës në territorin kontinental janë rritur mbi 2 euro për litër nga rreth 1,7 euro para luftës, duke arritur deri në 2,35 euro në disa zona ishullore.

Greqia ka varësinë më të lartë nga energjia e Gjirit Persik ndër vendet evropiane, me rreth 36 për qind të importeve që vijnë nga rajoni. /AA/

Telegrafi author profile image
Nga Telegrafi
2 hours ago

Top Lajme
Artemis II do të përdorë manovrën që shpëtoi Apollo 13 për kthimin në Tokë
Artemis II do të përdorë manovrën që shpëtoi Apollo 13 për kthimin në Tokë
Shkencë
“Rama në ndjekje penale”, Berisha bën akuza të reja për dosjen “Partizani”
“Rama në ndjekje penale”, Berisha bën akuza të reja për dosjen “Partizani”
Shqipëri
Kosova publikon listën e të ftuarve për paraeliminueset e Kampionatit Botëror
Kosova publikon listën e të ftuarve për paraeliminueset e Kampionatit Botëror
Futsall
Kurti optimist pas takimit me Abdixhikun: Ka vullnet për të shmangur zgjedhjet, marrëveshja mund të ndodh
Kurti optimist pas takimit me Abdixhikun: Ka vullnet për të shmangur zgjedhjet, marrëveshja mund të ndodh
Politikë
“Fillkov dorëheqje”, “Gjuha shqipe nuk negociohet” – protestojnë studentët shqiptarë në Shkup
“Fillkov dorëheqje”, “Gjuha shqipe nuk negociohet” – protestojnë studentët shqiptarë në Shkup
Maqedonia e Veriut