Author: G.O.

Shefja e Grupit Parlamentar të Lëvizjes Vetëvendosje, Mimoza Kusari-Lila, ka kërkuar unitet mes spektrit politik në Kosovë, në raport me Serbinë.

Në seancën e Kuvendit, Kusari-Lila ka thënë se para agresionit serb në Kosovë, me rastin e kidnapimit të tre zyrtarëve policorë, legjislativi duhet të përçojë mesazhin e unitetit.

“Sot ky Kuvend me të drejtë e përçon mesazhin e unitetit dhe mesazhin se para agresionit të Serbisë të gjithë jemi bashkë, por mbi të gjitha jemi në krye të detyrës sonë si deputetë. Unë ndaj një mendim tjetër nga kolegët në raport me punën tonë sot. Po, pajtohem plotësisht dhe tashmë i kemi bërë ftesë kryeministrit që kur e ka kohen e përshtatshme të vijë dhe të diskutojmë temën me rëndësi të lartë për Kuvendin”, ka thënë ajo.

Ajo ka përmendur edhe fjalimin e presidentes së Kosovës, Vjosa Osmani, të mbajtur dje në Parlamentin Evropian, derisa ka thënë se në të njëjtën ditë presidenti i Serbisë, Aleksander Vuçiq ishte krah për krah me ambasadorin e Rusisë.

“Dje presidentja e Kosovës mbajti fjalimin historik në Parlamentin Evropian, duke u thirrur në të gjitha vlerat ku secila parti që ka kaluar në këtë Kuvend ka përfaqësuar ndër vite, po ashtu duke e prezantuar Kosovën në ngjyra dhe mënyrën më të mirë të mundshme. Në të njëjtën ditë, presidenti i Serbisë është krah për krah me ambasadorin e Rusisë për të festuar ditën e Rusisë. Kjo është ndarja që Serbisë iu bë nga Rusia, gjithmonë në thonjëza”, ka deklaruar ajo.

Presidentja e Republikës së Kosovës, Vjosa Osmani gjatë vizitës në Luksemburg është pritur në takim nga Lartmadhëria e tij, Duka i Madh i Luksemburgut Henri.

Në takim janë rikonfirmuar marrëdhëniet e mira ndërmjet të dy shteteve dhe janë diskutuar mundësitë për thellimin e mëtejmë të marrëdhënieve bilaterale.

Në të njëjtën kohë, Presidentja Osmani ka falënderuar Dukën e Madh për mbështetje e vazhdueshme ndaj Kosovës.

U diskutua edhe për zhvillimet e fundit politike dhe të sigurisë në Kosovë, me ç`rast Presidentja Osmani rikonformoi përkushtimin e Kosovës për sundimin e rendit dhe ligjit në gjithë territorin e vendit.

Në takim, Presidentja Osmani i ka bërë ftesë Dukës së Madh të Luksemburgut Henri për një vizitë në Kosovë në një kohë të përshtatshme për të dy palët.

Shefi i Grupit Parlamentar të Aleancës për Ardhmërinë e Kosovës(AAK), Besnik Tahiri, ka kritikuar kryeministrin Albin Kurti se veprimet e tij në veri dhe sipas tij shpërfillja e ndërkombëtarëve ka sjell në këtë situatë, ku kidnapohen tre policë të Kosovës, brenda territorit të vendit.

Tahiri, në Kuvendin e Kosovës, ka thënë se reagimi i ndërkombëtarëve për këtë rast ishte i butë për shkak të pabesisë së Qeverisë ndaj tyre.

“Ajo që duhet të thuhet sot këtu është se veprimet amatoreske në veri të Kosovës dhe shpërfillja e ndërkombëtarëve ka sjellë në përshkallëzim të situatës dhe jemi në kërcënim të sanksioneve të një vendi i cili është më properëndimor dhe proamerikan. Reagimi me vonesë i kryeministrit në çdo situatë të krijuar u pa si një pabesi e qeverisë ndaj partnerëve dhe rrjedhimisht reagimi i tyre ishte i butë”, ka thënë Tahiri.

Ai ka theksuar nevojën për bashkërendim me faktorin ndërkombëtar në lidhje me de-përshkallzimin e situatës në veri.

“Edhe nëse Qeveria harron, populli nuk harron. Kjo porosi që e kemi vendosur është për SHBA-në, NATO-n dhe BE-në. Po shihini të nderuar deputetë ku jemi sot, dje kemi thënë se po marrim veprime sovrane, ndërsa sot pas mbledhjes së (Këshillit të Sigurimit, kryeministri flet për nevojën për koordinim dhe habitet pse po rri në heshtje faktori ndërkombëtar. A po e shihni se sa zgjat qëndrueshmëria e qeverisë në raport me një sitautë tepër të rëndë. Andaj nga faktori ndërkombëtar, veçmas ShBA-ja kërkojmë që të bëjë presionin e duhur dhe të lirojë menjëherë tre policët që janë kidnapuar”, ka thënë ai.

Të mërkurën, Policia e Kosovës, ka deklaruar se tre zyrtarë kufitarë janë kidnapuar nga forcat serbe gjatë një patrullimi në vijën kufitare në veri të Kosovës.

Policia ka bërë të ditur se njësia policore ka qenë në detyrë thellë brenda territorit të Kosovës për të parandaluar shfrytëzimin e rrugëve ilegale.

Shefi i Grupit Parlamentar të Lidhjes Demokratike të Kosovës, Arben Gashi kërkoi sot nga kryeministri Albin Kurti të raportojë në Kuvend, në lidhje me kidnapimin e tre zyrtarëve policorë dhe marrëdhëniet me Shtetet e Bashkuara të Amerikës dhe vendet e Bashkimit Evropian.

Gashi, në seancën e sotme plenare të Kuvendit, tha se kidnapimi i tre zyrtarëve policor brenda territorit të vendit është agresion luftënxitës i Serbisë.

“Në emër të LDK e dënojmë fuqishëm agresionin luftënxitës të Serbisë, duke kidnapuar tre zyrtarë policorë kufitarë, brenda territorit të Kosovës. Ky është një veprim agresioni, i dënueshëm politikisht dhe ndërkombëtarësh dhe një veprim, i cili në asnjë rrethanë nuk duhet të përsëritet. Në emër të LDK-së kërkoj nga Qeveria dhe partnerët ndërkombëtarë që të bëjnë të pamundurën që në një kohë sa më të shkurt të bëhet kthimi i zyrtarëve policor dhe merrja e veprimeve të tjera të duhura”, tha ai.

Krahas kësaj, shefi i deputetëve të LDK-së u shpreh se Kurti duhet urgjentisht të raportojë para Kuvendit në lidhje me qëndrimet për masat sanksionuese për Kosovën nga ShBA dhe BE.

“Po ashtu, kërkoj që kryeministri të vjen në një seancë raportuese para Kuvendit të Kosovës. Të raportojë për situatën në veri, gjendjen e zyrtarëve policor për aq sa ka informacion, për veprimet dhe masat që janë marrë. Për arsyeshmërinë e masave dhe veprimeve, po ashtu të jemi të gatshëm të marrin masa dhe veprime nga Kuvendi në lidhje me këtë çështje. Si pjesë e dytë të raportimit, ne kërkojmë që kryeministri t’i raportojë Kuvendit mbi raportet me ShBA-në dhe vendet e BE-së, pasi kemi pa qëndrime zyrtare të ShBA-së dhe përfaqësuesit të BE-së në lidhje me masat sanksionuese për institucionet e Kosovës. Kjo është një ngjarje shumë shqetësuese dhe nëse ndodh është e patejkalueshme për Kuvendin e Kosovës”, tha ai.

Policia e Kosovës ka deklaruar dje (14 qershor) se tre zyrtarë kufitarë janë rrëmbyer nga forcat serbe gjatë një patrullimi në vijën kufitare në veri të Kosovës. Policia ka bërë të ditur se njësia policore ka qenë duke patrulluar thellë brenda territorit të Kosovës për të parandaluar shfrytëzimin e rrugëve ilegale.

Prishtine, 15 qershor -Me shtimin e provokimeve dhe kërcënime serbe ndaj Kosovës, sikur rastin e fundit me barrikada, rrahje te KFOR-it nga bandat serbe te Vuçiqit, kidnapimi i tre policeve kosovar, maltretimet dhe arrestimet e mërgimtarëve ne Merdare nga policia serbe edhe shoqatat kosovare kane shpejtuar aktivitetet dhe aksionet e tyre kundër produkteve serbe qe shiten ne Kosovë duke kërkuar nga qytetaret t’i bojkotojnë ato!, njofton nga Prishtina korrespondenti i gazetës zvicerane në shqip Le Canton27.ch.

Edhe kjo ndodhë në marketet kosovare: Maskohen produktet serbe duke i vënë flamurin e Zvicrës, të Kosovës apo Shqipërisë?!

Që nga shpallja e pavarësisë së Kosovës (viti 2008), importi i produkteve serbe në Kosovë ka shënuar rritje. Në vitet 2008-2016, Kosova ka importuar nga Serbia produkte në vlerë prej dy miliardë e 638 milionë euro.

Ne këto aksione me sloganin « mos blini mallra serbe » janë inkuadruar përveç shoqatave edhe shume artiste, yje futbolli dhe nga muzike si personalitete nga kultura dhe politika bashke me mediat kosovare.

Por ne këtë drejtim ka abuzime nga tregtaret dhe disa biznesmen matrapazë ne Kosovë te cilët vazhdojnë te shesin prodhimet serbe duke vene flamuj jo vetëm te Kosovës dhe Shqipërisë por edhe vendeve mike si atë te Zvicrës, Kroacisë etj..mbi produktet serbe?!, shkruan gazeta zvicerane në shqip Le Canton27.ch

Ministrisë së Tregtisë dhe Industrisë ka gjobitur disa markete kosovare qe shesin mallrat serbe, duke abuzuar me flamujt e Kosovës apo te Zvcres mbi në produktet serbe.

« Bojkotoni produktet e Serbisë » është motoja e organizatave joqeveritare (ONG) ne Kosovë ku kërkojnë qe « politika nacionaliste deh shovensite serbe, t’i vuajë pasojat në ekonomi!.. »

Veç kësaj, obstruksionet e vazhdueshme të krijuara nga shteti serb kundër Republikës së Kosovës duke lobuar kundër integrimeve dhe pengesave njohjeve te reja te Kosovës qe viteve te fundit kane bere 4-5 c’njohje e pavarësisë nga disa shtete, pastaj kane penguar integrimet pro evropiane si dhe anëtarësimet në institucionet ndërkombëtare… dhe qytetarët ne shenje revolte, me një organizim spontan dhe unik në rrjetet sociale ditëve te fundit po ju bëhet thirrje popullatës që të bojkotojnë produktet serbe.
Blej Shqip !!!.. » thuhet në njoftim të shoqatave kosovare

Madje dhe studentët e Universitetet e Kosovës, kane protestuar me te vetëm kërkesë: Stop mallrave serbe ne Kosovë! duke kërkuar nga qytetarët qe të bojkotohen mallrat serbe!

Zëdhënësi i Doganave të Kosovës ka thënë se vlera e importeve nga Serbia, gjate vitit 2016, ishte 389 milionë euro, por kjo gjendje ka rene me vetëdijesimin qytetarëve ne Kosovë. Sipas statistikave të publikuara nga Agjencia e Statistikave të Kosovës, brenda një muaji Kosova ka importuar nga Serbia mallra në vlerë të rreth 40 milionë euro.

Nëse SHBA-të, Evropa kane arsyet e veta pse i vjen sanksione Rusisë së Putinit, te je regjimit diktatorial, pre shkak inovazionit rus ne Ukraine, atëherë edhe shqiptarët kane një mijë arsye të veta të vejnë sanksionet Serbisë se Vucicit duke bojkotuar mallra e tyre. Serbia ne vitet 1999 vrau mbi 13 mije shqiptare ne Kosovë, beri mijëra krime dhe 400 masakra, duke dhunuar mbi 20.000 femra shqiptare duket poshtërim për kosovarët te vazhdojnë t’i blejnë mallrat sere në Kosovë?!

Jo vetëm ne Kosovë, Serbia ka provuar te fusin hundët me produkte edhe ne Zvicër, por këtu nuk ju shkoi gjatë, sepse ne Zvcer, funksionon shteti juridik dhe se janë disa ligje dhe rregulla ne Zvicër ne raport me tregjet dhe bizneset me vendet e huaja, qe janë te rezervuar sidomos me ato nga Ballkanin jo vetëm per shkak konkurrencës, por edhe për shkak kualitetit te prodhimeve. Një rast ishte kur ne qershorin e vitit 2021 kur u provua te hynin ne Zvicër mallrat nga Serbia duke e filluar me « Coca Coles ». Kështu, një shishe me tiketë me mbishkrimin serb ngjitur (mbi Coca Colla) përkohësisht me listën e përbërësve në gjuhën gjermane është parë ne Coop në Zvicër, për çka kane reaguar autoritetet sidomos kompania e Coca Coles në Zvicer, për çka « Coca Cola » serbe nuk është parë më.. »Coca Cola » serbe ne Zvicër është kapitulli i fundit në mosmarrëveshjen mes Coca-Cola Zvicrës, shkruan gazeta zvicerane ne shqip Le Canton27.ch
Kryetari i Shoqatës “Miqtë e Amerikës”, Agim Rexhepi u ka bërë thirrje qytetarëve të Kosovës që pas kërkesës së SHBA-së për suspendim të taksës doganore ndaj produkteve të Serbisë dhe Bosnjës e Hercegovinës, ta ndihmojnë qeverinë dhe kryeministrin me bojkotimin e produkteve serbe.

Bojkotoni produktet serbe ?! (besa Besë) Apo me mire të themi: Prodhoni produktet tona më të mira se te serbëve. Dhe automatikisht ato do te bojkotohen se njeriu si njeri shkon gjithë kah me e mira, apo?

« Biskotat serbe që shiten me shumice ne Zvicër, emri lanë nuk është produkt zviceran, por serb, mos shkelni mbi gjakun e dëshmorëve, shume shqiptar ne Zvicër e blejnë ketë produkt, me vetëdije apo pa vetëdije. Mos e furnizo ushtrinë e Serbisë, bojkotojë barkodin 860!!!

Në marketet nëpër Kosovë, vazhdon të ketë një numër të lartë të produkteve serbe. Por së fundi, një produkti të tillë duket se i është vendosur flamuri i një shteti tjetër, më përkatësisht Shqipërisë e here i Kosovës, madje edhe i Zvicrës?!

Bernë-Prishtine, 15 qershor -Pas kidnapimit të tre policëve shqiptar në Kosovë nga policia serbe dhe pas arrestimit të 3 kosovarëve tjerë në Merdare bashkë me provokimet tjera të bandave kriminale serbe në rrugët e Serbisë duke u paraqitur here si « police » e here si « wagner », ka shkaktuar panik dhe pasiguri tek mërgimtarët shqiptare, sidomos ata kosovaret qe gjate pushimeve i bien tranzit nëpër Serbi, njofton nga Prishtina, korrespodenti i gazetës zvicerane ne shqip Le Canton27.ch

Për çdo vit tranzit përmes Serbisë kalojnë mbi dy milionë shqiptarë. Rrisin buxhetin e Serbise për një miliard.

Analistët: Me paret e shqiptarëve Serbia blen armatim kundër Kosovës

Një numër i madh i diasporës shqiptare janë edhe ata nga Zvicra te cilët e kalojnë këtë rruge me fëmije me plote panik. Sipas gazetës zvicerane ne shqip për çdo vit rrugëve te Serbisë kalojnë mbi 2 milionë shqiptarë te Ballkanit (Kosova, Shqipëria, Maqedonia Veriore, Lugina e Preshevës, Malit të Zi si dhe Greqia). Mësohet se buxheti i Serbisë rritjet për një miliardë euro ne vit nga diaspora shqiptare. Sipas analisteve kosovar, është konstatuar se Serbia, me ato mjete blen armim luftarake kundër Kosovës.

Ministria e Punëve të Jashtme dhe Diasporës ka ftuar qytetarët e Kosovës të shmangin kalimin nëpër Serbi

“MPJD, gjatë ditës ka pranuar raportime për arrestime të qytetarëve të Republikës së Kosovës nga autoritetet serbe përgjatë kalimit të tyre nëpër Serbi, dhe po merret nga afër me rastet nëpërmjet Zyrës Ndërlidhëse në Beograd.

Teksa u bëhet thirrje qytetarëve që të përdorin rrugë alternative për udhëtim.

Marrë parasysh zhvillimet e fundit, dhe duke e njohur qasjen jo korrekte të autoriteteve serbe, me qëllim të shmangies të çfarëdo incidenti, MPJD fton qytetarët që të përdorin rrugë alternative për udhëtim”, thuhet në njoftim, citon gazeta zvicerane Le Canton27.ch

Një apel te ngjashëm e kane dhënë edhe ish-presidenti i Kosovës, biznesmen i njohur zviceran Behgjet Pacolli, aktualisht kryetar i Aleancës për Kosovë të Re (AKR). Zotëri Pacolli i është lutur bashkatdhetarëve të zgjedhin rrugë alternative, e të mos kalojnë përmes Serbisë.

“I lusë gjithë bashkatdhetarët të zgjedhin rrugë alternative, e të mos kalojnë përmes Serbisë. Provokimet serbe nuk kanë të ndalur! Ju uroj mirëseardhje në Kosovë!”, ka thënë z. Pacolli për gazetën zvicerane ne shqip Le Canton27.ch. Redaksia jone ka kontaktuar edhe ambasadën zvicerane ne Prishtine dhe Beograd për te marr një deklarate rreth kësaj gjendje dhe provokimeve serbe ndaj diasporës kosovare rrugëve te Serbisë.

Deputeti Haki Abazi ka reaguar në lidhje me rastin e fundit që ka ndodhur dje në Kosovë, ku u kidnapuan tre policë të Kosovës nga ata serbë.

Abazi përmes një postimi në Facebook, ka thënë se Serbia ka aleat Rusinë për të vazhduar në kursin e saj të destabilizimit të Ballkanit me qëllim të vendosjes së hegjemonisë dhe dominancës rajonale dhe shtimin e pazarit për Rusinë kundrejt Evropës dhe SHBA-ve. Sipas tij Kosova duhet që të dalë nga kurthi i Serbisë ku kemi rënë.

“Përbrenda Kosovës nuk po shihet që ka as seriozitet, as gatishmëri por as edhe kapacitet për të kuptuar dhe për te sinkronizuar interesat afatgjata e strategjike të vendit tonë me shtetet dhe institucionet e botës demokratike. Kurti ka zgjedhur rrugën e gabuar për të realizuar të drejtën e Kosovës për veprim institucional”, ka shkruar Abazi.

Deputeti Abazi ka përmendur disa nga prioritetet që  duhet të jenë në Kosovë, përfshirë këtu garantimi i integritetit territorial dhe funksionimi i institucioneve vitale përfshirë edhe një diplomaci aktive për të rivendosur kanalet e komunikimit me kryeqytetet e vendeve demokratike

“Kthimi i policëve të kidnapuar, Lirimi i qytetarëve Kosovar të arrestuar në Serbi, Ndërtimi i konsensusit dhe kohezionit gjithë partiak, Koordinimi i afërt dhe i rregullt me Shqipërinë, Shtendosja e situatës në veri, Kthimi normalitetit në jetën e përditshme, Luftimi i krimit dhe korrupsionit në gjithë territorin e republikës”, ka thënë Abazi.

Tutje, siç thotë ai, dëmi i shkaktuar  është shumë i madh tanimë, mirëpo sipas tij kjo nuk do të thotë që duhet thelluar dimensionet e këtij dëmi dhe afatin e rikthimit në procese integruese e bashkërenduese.

“Kosova e zhvilluar dhe e ardhmja saj si pjesë e familjes euroatlantike është më e rëndësishme se çfarëdo arsyetimi dhe diskursi i momentit apo fati i individëve që kanë edhe përgjegjësi të veshur me votë. Me kokë të ftohët duhet reflektuar dhe vepruar në këtë fazë të realitetit që na rrethon, pa humbur fokusin nga e ardhmja dhe qëllimet tona si komb Evropian. Dëmi i shkaktuar  është shumë i madh tanimë por kjo nuk do të thotë që duhet thelluar dimensionet e këtij dëmi dhe afatin e rikthimit në procese integruese e bashkërenduese”, përfundon statusi i tij.

Ministri i Punëve të Brendshëm, Xhelal Sveçla, ka bërë të ditur pas mbledhjes së Këshillit të Sigurisë se menaxhmenti i Policisë ka kontaktuar me familjet e policëve të kidnapuar.

Ai u shpreh se edhe gjatë ditë do të kontaktojnë me familjarët për të shprehur solidaritetin dhe për të parë për nevoja eventuale.

lidhur me tre policët e rrëmbyer se cili është plani i Qeverisë që këta policë të nxirren nga Serbia, Sveçla tha se po punojnë me bashkësinë ndërkombëtare që ti bëhet presion Serbisë për lirimin e tyre.

“Në momentin që është ditur pak a shumë se çfarë ka ndodhur, menaxhmenti i policisë ka kontaktuar me familjet dhe është në kontakt të vazhdueshëm. Ne gjatë ditës do të kontaktojmë me familjarët për të shprehur solidaritetin normalisht me ta edhe për të parë për nevoja eventuale”.

“Sa i takon lirimit të tyre, Qeveria e Kosovës, është mobilizuar që të punojë edhe me bashkësinë ndërkombëtare që të kemi presionin e nevojshëm ndaj Serbisë që këta tre zyrtare te kthehen në Kosovë sa më parë, të kthehen te familjet e tyre është pune intensive, dhe unë besoj qe shume shpejt edhe do të sjell rezultate”.