Fituesi i zgjedhjeve në Hungari, Peter Magyar, ka thënë sot se Presidenti Tamas Sulyok do t’i kërkojë atij në seancën inauguruese të parlamentit të formojë qeverinë e ardhshme, e cila mund të betohet në detyrë nga mesi i muajit të ardhshëm ose disi më herët.
“Presidenti më ka informuar se do të më kërkojë në seancën inauguruese të parlamentit të ri të bëhem Kryeministër dhe të formoj një qeveri, si lider i partisë që mori më shumë vota”, tha Magyar pas takimit me Sulyok, raporton Reuters.
Ministri i Bujqësisë, Pylltarisë dhe Zhvillimit Rural, Armend Muja, priti në takim Ambasadorin e Francës në Kosovë, Olivier Guérot, me të cilin diskutoi për avancimin e bashkëpunimit në sektorin e bujqësisë.
Në këtë takim u diskutua për krijimin e marrëveshjeve të reja me kompani franceze, veçanërisht në zhvillimin e bujqësisë dhe përmirësimin e sistemit të ujitjes në Kosovë.
Ministri Muja theksoi rëndësinë e rritjes së sigurisë ushqimore, për çka mori mbështetje nga ambasadori francez.Po ashtu, u diskutua edhe për pjesëmarrjen në Panairin Ndërkombëtar të Bujqësisë në Paris, si mundësi për thellimin e bashkëpunimit.
“Ministri i Bujqësisë, Pylltarisë dhe Zhvillimit Rural, Armend Muja, priti në takim Ambasadorin e Francës në Kosovë, Olivier Guérot, me të cilin diskutoi për avancimin e bashkëpunimit në sektorin e bujqësisë.
Në takim u diskutua për mundësitë e krijimit të marrëveshjeve të ardhshme me kompani franceze, me fokus në zhvillimin e bujqësisë dhe avancimin e sistemit të ujitjes në Kosovë”.
Kryeministri i Kosovës, Albin Kurti, deklaroi sot në seancën solemne të Kuvendit të Kosovës, e organizuar në shënim të Ditës Memoriale për të Mbijetuarit e Dhunës Seksuale të Luftës “Ma kthe dritën”, se kjo ditë është një thirrje për mbarë shoqërinë.
Ai theksoi se heshtja dhe stigma që rëndojnë mbi viktimat e këtij krimi lufte vazhdojnë të pengojnë mijëra të mbijetuar, siç u shpreh, që të kërkojnë drejtësi dhe mbështetje.
“Kjo ditë është edhe thirrje për mbarë shoqërinë, që të mbështesë edhe gratë e burrat e tjerë të mbijetuar që vazhdojnë të përballen me paragjykime, në kërkim të të drejtave që atyre u takojnë. Heshtja dhe stigma që ende rëndojnë mbi viktimat e këtij krimi lufte vazhdojnë të pengojnë mijëra të mbijetuar që të kërkojnë drejtësi dhe mbështetje”.
“Kjo heshtje nuk duhet të jetë më barrë e juaja, ajo është përgjegjësi e jona si shoqëri për ta thyer atë. Është detyra jonë si shtet e shoqëri që të ofrojmë përkrahjen tonë maksimale me empati dhe respekt të thellë njerëzor”, tha ai.
Kurti u shpreh se derisa Kosova nderon viktimat e krimeve të luftës, Serbia vazhdon të shërbejë si strehë për fshehjen e kriminelëve.
“Kosova nderon viktimat e krimeve të luftës, e Serbia vazhdon të shërbejë si strehë për fshehjen e kriminelëve dhe mohimin e krimeve. Sot Kuvendi ynë i Republikës së Kosovës nderon viktimat e dhunës seksuale të përdorur si armë lufte, e Kuvendi i Serbisë, pak ditë më parë u shndërrua në hapësirë për falsifikim institucional të së vërtetës dhe glorifikim të njësive përgjegjëse për krime lufte në Kosovë”, tha ai.
Delegacionet izraelite dhe libaneze sapo kanë hyrë në bisedime me dyer të mbyllura, së bashku me Sekretarin amerikan të Shtetit Marco Rubio.
Sekretari i Shtetit i SHBA-së, Marco Rubio, do të ndërmjetësojë bisedimet në Uashington mes ambasadorit izraelit në SHBA, Yechiel Leiter, dhe ambasadores libaneze në SHBA, Nada Hamadeh Moaëad.
Hezbollahu kundërshton bisedimet e drejtpërdrejta dhe nuk do të përfaqësohet. Ëafiq Safa, një anëtar i lartë i këshillit politik të grupit militant, i ka thënë Associated Press se grupi nuk do t’i përmbahet asnjë marrëveshjeje të arritur në bisedime.
Me qirinj të ndezur ka nisur seanca solemne në Kuvendin e Kosovës, me rastin e Ditës memoriale të të mbijetuarve të dhunës seksuale gjatë luftës së fundit në Kosovë.
Kryetarja e Kuvendit, Albulena Haxhiu, bëri të ditur se secili deputet ka para vetes një qiri, i cili është kërkuar të ndizet në shenjë nderimi.
Qendra Kombëtare për Menaxhim Kufitar ka njoftuar se nga sot, 14.04.2026 në ora 10:00, do të bllokohet për qarkullim rruga Pejë–Rozhajë, por vetëm për kamionë.
Njoftimi është bërë i ditur përmes një postimi në rrjetin social Facebook, ku thuhet se masa është e përkohshme dhe lidhet me kufizimet e shoferëve të kamionëve në Bashkimin Evropian, si dhe me disa kërkesa të tyre të brendshme.
Sipas njoftimit, bllokimi do të zgjasë deri më 17.04.2026 në ora 10:00, ndërsa për automjetet e vogla rruga do të mbetet e hapur.
“Ju njoftojmë se në komunikim me Policinë e Malit të Zi, kemi pranuar informatën se rruga Pejë–Rozhajë, saktësisht në vendin Dacaj në territorin e Malit të Zi, do të bllokohet nga sot datë, 14.04.2026 prej orës 10:00 deri më datë, 17.04.2026 në ora 10:00. Bllokimi i rrugës është vetëm për kamionë dhe ka të bëjë me kufizimet e shoferëve të kamionëve në Bashkimin Evropian, si dhe me disa kërkesa të brendshme të tyre. Për automjete të vogla rruga do të jetë e hapur”, thuhet në njoftim.
Policia Rajonale e Ferizajt ka intensifikuar kontrollet në trafik gjatë periudhës 1–13 prill 2026, duke u fokusuar veçanërisht tek drejtuesit e motoçikletave dhe skuterëve. Si rezultat i këtyre aktiviteteve, janë shqiptuar gjithsej 96 gjoba ndaj drejtuesve që kanë shkelur rregullat e komunikacionit rrugor.
Sipas njoftimit policor, gjatë kësaj periudhe janë konfiskuar edhe 48 motoçikleta, kryesisht për mungesë të dokumentacionit të rregullt.
Kontrollet janë realizuar në kuadër të planit operativ “Kontrolli i shtuar i qarkullimit të motoçikletave dhe skuterëve”, i cili synon rritjen e sigurisë në trafik dhe parandalimin e aksidenteve.
Llojet e kundërvajtjeve të evidentuara:
Policia u ka bërë apel qytetarëve që të respektojnë rregullat e trafikut, duke theksuar se ngasja e papërgjegjshme rrezikon jetën e drejtuesve dhe të pjesëmarrësve të tjerë në komunikacion.
“Respektoni kufizimet e shpejtësisë, përshtatni ngasjen me kushtet e rrugës dhe gjithmonë vendosni helmetën mbrojtëse. Një moment pakujdesie mund të ketë pasoja të rënda për jetën,” thuhet në apel.
Policia ka paralajmëruar se kontrollet do të vazhdojnë edhe në ditët në vijim. Ndërkohë, qytetarët inkurajohen të raportojnë çdo shkelje përmes aplikacionit “Lajmëro Policinë” ose përmes numrave 192, 0290/326-250 dhe 0290/322-406, duke garantuar ruajtjen e plotë të konfidencialitetit.
Presidenti i SHBA, Donald Trump ka kritikuar Italinë për faktin se nuk e ka ndihmuar në situatën me Iranin si dhe Papa Leone XIV pas komenteve të tij për luftën.
Në një intervistë për Corriere della Sera, Trump shprehu kryeministres Giorgia Meloni, duke theksuar se e mendonte tëguximshme për të vepruar.
“A u pëlqen italianëve fakti që kryeministrja juaj nuk po na jep asnjë ndihmë për të siguruar naftë?”, shtroi pyetjen Trump, duke shtuar “A u pëlqen njerëzve ajo? Nuk mund ta imagjinoj. Jam i shokuar prej saj. Mendova se ishte e guximshme, por gabohesha.”
I pyetur nëse ka folur me Melonin, ai tha: “Jo. Ajo thjesht thotë se Italia nuk dëshiron të përfshihet. Edhe pse Italia e merr naftën nga atje, edhe pse Amerika është shumë e rëndësishme për Italinë, ai nuk mendon se Italia duhet të përfshihet. Ai mendon se Amerika duhet ta bëjë punën për të.”
Sipas tij, është e papranueshme që asaj nuk i intereson fakti se Irani ka armë bërthamore, dhe se mund ta hidhte Italinë në erë për dy minuta.
“Është ajo që është e papranueshme, sepse nuk i intereson nëse Irani ka një armë bërthamore dhe do ta hidhte në erë Italinë brenda dy minutash nëse do të kishte mundësi. Ajo nuk është më i njëjti person dhe Italia nuk do të jetë më kurrë e njëjta vend. Imigracioni po e vret Italinë dhe të gjithë Evropën.”
Trump përsëriti gjithashtu se Evropa po “shkatërron veten nga brenda” me politikat e saj të imigracionit dhe energjisë.
“Ata paguajnë kostot më të larta të energjisë në botë dhe as nuk janë të përgatitur të luftojnë për Ngushticën e Hormuzit, nga ku e marrin atë. Ata varen nga Donald Trump për ta mbajtur atë të hapur.” , shtoi Trump.
Kur u pyet nëse i kishte kërkuar Italisë të përdorte minahedhës, presidenti amerikan tha: “U kërkova të dërgonin çfarë të donin, por ata nuk duan sepse NATO është një tigër letre.”
Lidhur me Papa Leo dhe thirrjen e tij për paqe, Trump pretendon se Papa nuk e kupton që Irani përbën një kërcënim bërthamor.
“Ai nuk e kupton dhe nuk duhet të flasë për luftë, sepse nuk ka idenë se çfarë po ndodh. Ai nuk e kupton që 42,000 protestues u vranë në Iran muajin e kaluar.”
Ai u pyet edhe nëse është i zhgënjyer nga humbja e Orbanit:
“Ai ishte një mik i imi. Nuk ishte zgjedhja ime, por ishte miku im, një njeri i mirë. Ai bëri një punë të mirë me imigracionin. Ai nuk i la njerëzit të vinin dhe ta shkatërronin vendin e tij siç bëri Italia.”
E Ngarkuara me Punë në Ambasadën e ShBA-së në Kosovë, Anu Prattipati vizitoi sot Graçanicën për të hapur Zyrën e Inovacionit, një iniciativë që synon të ofrojë mundësi të reja për të rinjtë në fushën e Teknologjisë së Informacionit dhe Komunikimit (ICT).
“Jemi krenarë që shfaqim përsosmërinë amerikane në teknologji, duke ofruar njëkohësisht mundësi më të mëdha për të rinjtë në Graçanicë për të ndërtuar aftësi dhe për të ndjekur karriera në fushën e Teknologjisë së Informacionit dhe Komunikimit”, shkruhet në reagim.
Në këtë ngjarje, u theksua angazhimi i Shteteve të Bashkuara për të mbështetur zhvillimin e kapaciteteve lokale dhe rritjen e mundësive për rininë e Graçanicës.
Për muajin mars 2026, Ministria e Punëve të Brendshme e Kosovës ka publikuar raportin statistikor lidhur me shtetësinë, migracionin dhe mbrojtjen ndërkombëtare, duke dhënë një pasqyrë të zhvillimeve kryesore në këtë fushë. Sipas të dhënave, në Qendrën e Përkohshme të Pritjes për migrantë kanë qenë të akomoduar 75 persona, ndërsa në Qendrën e Mbajtjes për të Huaj janë ndaluar 5 persona. Ndërkohë, në Qendrën e Azilit janë regjistruar gjithsej 20 aplikime për mbrojtje ndërkombëtare.
Sa i përket shtetësisë, gjatë këtij muaji 50 persona kanë fituar shtetësinë e Kosovës, 333 persona kanë ri-fituar atë, ndërsa 55 persona janë liruar nga shtetësia. Në fushën e migracionit dhe kthimeve, janë regjistruar 55 persona të ripranuar në vend, si dhe janë lëshuar vendime për kthim në vendin e origjinës, një pjesë e të cilave janë edhe ekzekutuar.
Raporti tregon gjithashtu një numër të lartë të lejeqëndrimeve të përkohshme, me 857 të tilla të lëshuara gjatë marsit, krahasuar me 30 lejeqëndrime të përhershme. Po ashtu, janë regjistruar 95 kërkesa për verifikim të vizave.
Këto të dhëna pasqyrojnë një aktivitet të shtuar në menaxhimin e migracionit dhe shtetësisë në Kosovë, duke përfshirë trajtimin e aplikimeve për azil, rregullimin e statusit të të huajve dhe proceset e kthimit në vendet e origjinës.
