Author: G.O.

Kryeministri i Kosovës, Albin Kurti, ka pritur në takim zëvendëskryeministrin dhe ministrin e Punëve të Jashtme të Belgjikës, Maxime Prévot, ku është diskutuar procesi i integrimit evropian të Kosovës.

Kurti e ka falënderuar Belgjikën për mbështetjen e vazhdueshme para dhe pas pavarësisë, duke veçuar edhe kontributin gjatë luftës dhe pjesëmarrjen në KFOR.

Në takim u diskutua edhe thellimi i bashkëpunimit ekonomik, ndërsa Kurti theksoi se anëtarësimi në Bashkimin Evropian mbetet prioritet strategjik i Kosovës.

Tre persona, dy prej tyre fëmijë, kanë humbur jetën si pasojë e një zjarri që ka përfshirë një banesë në Malishevë.

Rreth kësaj tragjedie ka folur edhe një familjare e viktimave, e cila ka përshkruar momentet e rënda kur u përpoq t’i ndihmonte.

Mes dhimbjes së thellë dhe zërit që i dridhej, një familjare e viktimave përshkroi momentin tragjik: “I preka fëmijët me kqyr a kanë puls… aq sa di, e pashë që s’kanë shenja jete. I kapa shpejt dhe i çova në ambulantë, ishin pa shenja jete, të dy ishin të djegur krejt… s’mujta as me i puth, as me i përqaf. I kam pas si fëmijë të mi”.

U.D. Presidentja e Kosovës, njëherit kryetarja e Kuvendit, Albulena Haxhiu ka reaguar pas tragjedisë së trefishtë në Malishevë, ku humbë jetën një burrë dhe dy fëmijë.

Përmes, një postimi në profilin e saj në rrjetin social Facebook, Haxhiu ka shprehur dhimbje të thellë për humbjen e jetëve dhe ka ngushëlluar familjen e viktimave.

“Me dhimbje të thellë mora lajmin për humbjen tragjike të një babai dhe dy fëmijëve nga zjarri që ndodhi sot në Malishevë.

Në këto çaste të rënda, shpreh ngushëllimet më të sinqerta për familjen dhe të afërmit e viktimave. Ndajmë dhimbjen me ta dhe lutemi që të gjejnë forcë për ta përballuar këtë humbje të rëndë”, ka shkruar Haxhiu.

Duke i dhënë fund fjalimit, Sekretari i Mbrojtjes i SHBA-së, Pete Hegseth, u zotua se SHBA-të janë “të përgatitura dhe të mbushura me energji”.Më pas, gjenerali Dan Caine njoftoi se ushtria amerikane është “e gatshme të rifillojë operacionet e mëdha luftarake në çdo moment”.

Raportohet se ekziston një armëpushim në fuqi midis SHBA-së dhe Iranit, por ai do të skadojë më 22 prill, pa ndonjë zgjatje të qartë të përcaktuar ende.Sipas Caine, përpjekjet e Operacionit Epic Fury, emri amerikan për luftën kundër Iranit, vendosën kushtet për këtë armëpushim.

SHBA-të, dhe veçanërisht presidenti i SHBA-së, Donald Trump, kanë lëshuar shpesh kërcënime ndaj Iranit gjatë gjithë luftimeve.

Ndryshe, Hegseth i ka dërguar një paralajmërim të fortë Iranit, duke thënë “po ju vëzhgojmë”.

Ai shtoi se ushtria e Iranit duhet të “zgjedhë me mençuri”, përpara se t’i kujtojë Teheranit se “aftësitë tona nuk janë të njëjta”.

Sekretari amerikan i Mbrojtjes, Pete Hegseth, vazhdon duke thënë se ShBA-ja do të sigurohet që Irani “kurrë” të mos ketë një armë bërthamore.

Ai thotë se ata do të preferonin ta bënin këtë në “mënyrën e mirë”, përmes një marrëveshjeje të udhëhequr nga Zëvendëspresidenti JD Vance dhe ekipi negociues. Hegseth thotë se kjo mund të bëhet edhe në “mënyrën e vështirë”.

Ai i thotë përsëri regjimit të “zgjidhë me mençuri”, shkruan BBC.

Nëse “zgjedh keq”, do të ketë një bllokadë dhe bomba që do të bien mbi infrastrukturën, energjinë dhe energjinë, thotë Hegseth.

Kryeministri i Republikës së Kosovës, Albin Kurti, ka pritur në takim zëvendëskryeministrin dhe ministrin e Punëve të Jashtme të Belgjikës, Maxime Prévot, raporton Ekonomia Online.

Pas takimit me Kurtin, gjatë pasdites, diplomati belg pritet të zhvillojë takime edhe me udhëheqës të tjerë institucionalë në Kosovë.

Në orën 15:15, zëvendëskryeministri i parë dhe ministri i Punëve të Jashtme dhe Diasporës, Glauk Konjufca, pret në takim homologun e tij nga Belgjika, Maxime Prévot, ndërsa pas takimit është paralajmëruar konferencë për media.

Më pas, në orën 16:00, ushtruesja e detyrës së Presidentes së Kosovës, Albulena Haxhiu, do të presë në takim zëvendëskryeministrin dhe ministrin e Punëve të Jashtme, Çështjeve Evropiane dhe Bashkëpunimit për Zhvillim të Belgjikës, Maxime Prévot.

Guvernatori i Bankës së Anglisë, Andrew Bailey ka paralajmëruar se kriza e energjisë e shkaktuar nga lufta me Iranin do të rrisë çmimet në shumë vende dhe ka të ngjarë të heqë dorë nga ulja e normave të interesit në Mbretërinë e Bashkuar.

“Ky është një tronditje shumë e madhe energjetike”, i tha ai BBC-së në një intervistë të transmetuar të mërkurën, në kuadër të Takimeve vjetore të Pranverës së Fondit Monetar Ndërkombëtar dhe Bankës Botërore në Uashington.

Për shumë pjesë të botës, inflacioni do të jetë më i lartë dhe lufta do të ketë një efekt negativ në aktivitetin ekonomik.

Përpara luftës, ai kishte pritur një ose dy ulje të normave të interesit këtë vit në Mbretërinë e Bashkuar, por ky nuk ishte më parashikimi qendror i Bankës së Anglisë.

Nga ana tjetër, banka qendrore nuk do të nxitohet të rrisë normat e interesit, por do të preferonte të priste për të parë se si do të ndikojë lufta në ekonominë dhe inflacionin e Mbretërisë së Bashkuar.

“Është shumë herët për të formuar gjykime të forta për këtë”, tha ai .

Ndërkohë, ministrja e financave të Mbretërisë së Bashkuar, Rachel Reeves, tha se ishte një “gabim” që Shtetet e Bashkuara i dhanë fund bisedimeve me Iranin dhe nisën luftën që në fillim, shkruan Euronews.al.

“Nuk jam e bindur se jemi më të sigurt sot sesa ishim disa javë më parë”, tha ajo të mërkurën në Forumin Invest In America në Uashington, DC.

Inspektorati Policor i Kosovës, përmes Departamentit të Hetimeve, ka rekomanduar suspendimin e dy zyrtarëve të Policisë së Kosovës në dy raste të ndara, të cilët dyshohen për kryerje të veprave penale gjatë ushtrimit të detyrës.

Sipas njoftimit të IPK-së, rasti i parë ka ndodhur më 15 prill 2026 në rajonin e Gjilanit, ku një zyrtar policor me gradën rreshter dyshohet se ka kryer veprën penale “Keqpërdorim i pozitës apo autoritetit zyrtar”.

“Pas hetimeve fillestare, me urdhër të Prokurorit të Shtetit nga Prokuroria Themelore në Gjilan, ndaj tij është iniciuar rast penal”, ka thënë IPK-ja.

Ndërkaq, rasti i dytë është raportuar më 16 prill 2026 dhe ka të bëjë me një zyrtar policor me gradën toger në rajonin e Prishtinës. Sipas IPK-së, gjatë intervistimit në ambientet e Inspektoratit Policor të Kosovës, ai është hasur duke incizuar pa autorizim hetuesit dhe procesin e intervistimit.

Në lidhje me këtë rast, me urdhër të Prokurorit të Shtetit nga Prokuroria Themelore në Prishtinë është iniciuar procedurë penale për veprën “Fotografimi dhe incizimet tjera të paautorizuara”.

IPK ka rekomanduar suspendimin e të dy zyrtarëve policorë, ndërsa hetimet lidhur me këto raste janë në vazhdim.