ATV

Author: G.O.

  • Nga 2019-ta tetë burra u dënuan me burgim të përjetshëm, ende asnjë dënim s’ka marrë epilog përfundimtar

    Nga 2019-ta tetë burra u dënuan me burgim të përjetshëm, ende asnjë dënim s’ka marrë epilog përfundimtar

    Gjykatat e Republikës së Kosovës, brenda viteve 2019-2023, kanë shpallur tetë aktgjykime me burgim të përjetshëm ndaj tetë personave, ku asnjë dënim i shqiptuar i kësaj natyre nuk ka marrë epilog.

    Sipas Kodit Penal të Republikës së Kosovës dënimi me burgim të përjetshëm shqiptohet për veprat penale më të rënda të kryera në rrethana rënduese ose për veprat penale që kanë shkaktuar pasoja shumë të rënda.

    Sipas Kodit, burgimi i përjetshëm nuk mund t’i shqiptohet personit i cili në kohën e kryerjes së veprës penale nuk i ka mbushë njëzetenjë vjet dhe personit i cili në kohën e kryerjes së veprës penale ka pasur aftësi esenciale të zvogëluara mendore.

    Këtë dënim maksimal, gjykatat e Kosovës e kanë shqiptuar ndaj të akuzuarve Shefki Spahiu, Bajram Velija, Pjetër Ndrecaj, Trimor Lalinovci, Naser Pajazitaj, Gani Kriezi, Nuhi Mavroqani dhe Dardan Krivaqa, që të gjithë të akuzuar për vrasje të rëndë,  raporton “Betimi për Drejtësi”.

    Dënimet me burgim të përjetshëm në Kosovë të shqiptuar ndaj të akuzuarve të lartcekur, asnjëherë nuk kanë arritur të marrin epilog. Të gjitha aktgjykimet e shpallura me këtë dënim maksimal nuk kanë marrë vendimin e formës së prerë, pasi të njëjtat janë shfuqizuar nga Gjykata e Apelit dhe Gjykata Supreme e Kosovës.

    Supremja ka liruar nga akuza njëri nga rastet kur ky dënim është shqiptuar, kurse në rastet tjera nga Apeli dhe Supremja dënimi është zbutur në 25-30 vite burgim.

    Vrasja e punëtorit J.A nga ish-polici Shefki Spahiu në një kazino në Suharekë

    Punëtori i kazinosë në Suharekë, J.A, nga ish-polici Shefki Spahiu ishte qëlluar nga një distancë 1 metër në pjesën ballore të kokës, duke shkaktuar vdekjen e të njëjtit.

    Për këtë, Gjykata Themelore në Prizren më 24 shtator 2020, Spahiun e kishte shpallur fajtor dhe e kishte dënuar me burgim të përjetshëm.

    Ndërsa më 2 prill 2021, Gjykata e Apelit e kishte refuzuar ankesën e mbrojtjes së Spahiut dhe kishte vërtetuar aktgjykimin e shkallës së parë.

    Mirëpo, dënimin me burgim të përjetshëm e kishte ndryshuar Gjykata Supreme e Kosovës, e cila ndaj Spahiut kishte shqiptuar dënimin prej 25 vitesh.

    Sipas Supremes, gjykata e shkallës së parë me rastin e vendosjes për llojin dhe lartësinë e dënimit ka marrë për bazë vetëm rrethanat rënduese dhe disa prej tyre gabimisht i ka cilësuar si të tilla. E njëjta kishte  vlerësuar se nuk bëhet fjalë për rrethana veçanërisht të rënda nën të cilat është kryer vepra penale e vrasjes së rëndë.

    Bajram Velija vrau bashkëshorten me 14 plumba në Prizren

    Ngjarja e 6 gushtit 2020 kishte tronditur qytetin e Prizrenit, kur Bajram Velija kishte shtënë 15 herë në drejtim të bashkëshortes së tij, V.A-V. duke e goditur të njëjtën 14 herë në pjesë të ndryshme të trupit. Pas kryerjes së këtij veprimi, i njëjti trupin e të ndjerës e kishte mbuluar me një fustan të saj duke pritur ardhjen e Policisë.

    Gjykata Themelore në Prizren, më 1 tetor 2021, ndaj të akuzuarit Velija ka marrë vendim me burgim të përjetshëm.

    Ndërsa, Apeli me aprovimin e ankesës së mbrojtjes, dënimin me burgim të përjetshëm e kishte zbutur në 25 vite burgim

    Të njëjtin vendim, e ka vërtetuar Gjykata Supreme e Kosovës, në aktgjykimin e së cilës thuhej se Apeli ka arsyetuar mjaftueshëm zbutjen e dënimit.

     Vrasja e gruas dhe vajzës në Gjakovë nga Pjetër Ndrecaj

    Pjetër Ndrecaj akuzohej se më 7 gusht 2018, në Gjakovë, kishte qëlluar me armë bashkëshorten, V.N dhe vajzën e tij, K.N., ku të njëjtat nga plagët e marra kanë ndërruar jetë në shtëpinë e familjes së viktimës V.N.

    Në seancën e 31 tetorit 2018, Ndrecaj kishte pranuar fajësinë, me ç’rast ai kishte deklaruar se vajzën e tij nëntë vjeçare e ka vrarë në mënyrë aksidentale.

    Gjykata Themelore në Gjakovë, më 2 nëntor 2018, Ndrecajn e kishte dënuar me 24 vite burgim për vrasje të  dyfishtë dhe me dy vjet burgim për armëmbajtje pa leje. Mirëpo, Gjykata e Apelit në mars të vitit 2019, kishte ndryshuar dënimin e Themelores duke i shqiptuar dënim me burgim të përjetshëm.

    Kundër vendimit të Apelit, ankesë kishte parashtruar mbrojtësi i të akuzuarit Ndrecaj në Gjykatën Supreme e cila me aprovimin e ankesës rastin e kishte kthyer në rigjykim.

    Në rigjykim, më 10 shkurt 2020, Gjykata e Gjakovës, Ndrecajn e kishte dënuar me 24 vite e gjashtë muaj burgim. Për herë të dytë, Gjykata e Apelit kishte ndryshuar vendimin e Themelores, e cila kishte ashpërsuar dënimin, ku nga 24 vite e gjashtë muaj, Ndrecajn e kishte dënuar me 30 vite burgim.

    Trimor Lalinovci e kishte vrarë dhe djegur trupin e shokut të tij në Ferizaj

    Trimor Lanilovci më 18 dhjetor 2019 kishte vrarë Sh.B. në fshatin Surqinë të Ferizajt duke e qëlluar në pjesën e pasme të kokës dhe trupin e të ndjerit e kishte hudhur në një përrockë në fshatin Kishnapole të Komunës së Gjilanit. E gjithë kjo kishte ndodhur, pasi që Lanilovci ditën kritike nuk kishte mundur të sigurojë pagesën prej 14 mijë euro për parcelën që kishte blerë nga i ndjeri Bytyqi në shumën prej 157 mijë euro.

    Në gjykimin e zhvilluar pranë Gjykatës Themelore në Ferizaj, në shqyrtimin fillestar, Lalinovci kishte pranuar fajësinë për veprën penale vrasje e rëndë dhe armëmbajtje pa leje.

    Për të njëjtin, gjykata e shkallës së parë, më 26 tetor 2020 kishte shqiptuar dënimin me burgim të përjetshëm.

    Këtë dënim, e kishte ndryshuar Gjykata e Apelit, e cila dënimin me burgim të përjetshëm e kishte shëndrruar në dënim me burgim në kohëzgjatje prej 30 vitesh.

    Sipas shkallës së dytë, dënimi më burgim të përjetshëm, është dënim i ashpër, duke pasur parasysh rrethanat posaçërisht lehtësuese, si pranimi i fajësisë, mosha e re e të akuzuarit si dhe keqardhja e shprehur nga ana e tij.

    Naser Pajazitaj akuzohej se kishte privuar nga jeta 24-vjeçaren, D.P., Supremja e liroi nga akuza

    Sipas aktit akuzues, më 9 nëntor 2015, në bjeshkët e Strellcit, Komuna Deçan, e pikërisht në vendin e quajtur te “Kroni i Lajthisë”, Pajazitaj akuzohej se me armë në mënyrë mizore e ka privuar nga jeta viktimën D.P. nga po i njëjti fshat.

    Ky rast kishte marrë epilog dy herë në Gjykatën Themelore në Pejë, ku pas gjykimit të parë Pajazitaj ishte shpallur i pafajshëm, kurse pas gjykimit të dytë, ai ishte dënuar me burgim të përjetshëm. Por, në të dy rastet, aktgjykimet ishin anuluar nga Gjykata e Apelit, përkatësisht Gjykata Supreme dhe lënda ishte kthyer në rigjykim.

    Më 23 qershor 2022, Gjykata Themelore në Ferizaj, në rigjykim e ka dënuar me dënim të përjetshëm Naser Pajazitajn, i akuzuar për vrasjen e D.P në nëntor të 2015-ës.

    Mirëpo, të njëjtin më 6 prill 2023, Gjykata Supreme e Kosovës e ka liruar nga akuza. Sipas arsyetimit të aktgjykimit të Supremes, nuk është provuar fajësia se i dënuari Pajazitaj ka kryer veprën për të cilën akuzohej.

    Nuhi Mavroqani kishte vrarë bashkëshorten e tij, S.M me shufër metalike

    Nuhi Mavroqani, nga Gjykata Themelore e Gjilanit më 4 dhjetor 2020 ishte dënuar me burgim të përjetshëm për akuzën për vrasje të rëndë, mirëpo Gjykata e Apelit e kishte kthyer rastin në rigjykim.

    Në rigjykim, gjykata e shkallës së parë e kishte dënuar me 25 vite burgim të akuzuarin Mavroqani, ndërsa të njëjtin vendim më 16 shkurt 2022 e ka vërtetuar Gjykata e Apelit.

    Gani Kriezi ka vrarë dhe djegur trupin e vëllait të tij në fshatin Bërnjak të Rahovecit

    Gani Kriezi kishte privuar nga jeta vëllain e tij, B.K., në shtëpinë e të ndjerit e cila gjendet larg shtëpisë së tij rreth 40 metra. I njëjti kishte shtënë me armë 3-4 herë në drejtim të ndjerit duke e goditur me predha në gjoks duke e lënë të vdekur në vend. Sipas aktit akuzues, Kriezi e kishte marrë kufomën dhe duke e tërhequr zvarrë me një batanije, e vendos në oborr të shtëpisë dhe e mbulon me materiale të ndryshme si: dru, plastika, thasë letre, dërrasa, letër të zezë, e gjëra tjera, të cilat më pas i ndez duke krijuar një zjarr të madhe i cili qëndron i ndezur 2-3 ditë dhe më pas mbeturinat se bashku me disa mbetje kockore të tani të ndjerit i hedh jashtë shtëpisë në një vend deri tani të pa identifikuar më qëllim për t’i zhdukur gjurmët krimit.

    Për këto veprime, Gjykata Themelore në Gjakovë më 8 shkurt të këtij viti ka shpallur aktgjykim dënues duke e dënuar me burgim të përjetshëm për vrasje të rëndë dhe armëmbajtje pa leje.

    Kundër këtij aktgjykimi, palët e kanë të drejtën e ankesës në Gjykatën e Apelit.

     Dardan Krivaqa u dënua me burgim të përjetshëm për vrasjes e M.O.

    18 vjeçarja M.O. u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt.

    Sipas aktakuzës, Dardan Krivaqa akuzohet se më 21 gusht 2021, rreth orës 10:14, në banesën e tij, pa pëlqimin e tani të ndjerës Marigona Osmani, e kishte detyruar atë të kryente marrëdhënie seksuale dhe e kishte abuzuar e maltretuar në forma të ndryshme.

    Gjykata Themelore në Ferizaj, pas 9 seancave të zhvilluara, të akuzuarin Krivaqa më 4 gusht 2023 e ka dënuar me burgim të përjetshëm.

    Kundër këtij aktgjykimi, palët e kanë të drejtën e ankesës në Gjykatën e Apelit.

  • Përse i harrojmë shpejt ëndrrat?

    Përse i harrojmë shpejt ëndrrat?

    Njerëzit kalojnë një të tretën e jetës së tyre duke fjetur, që është një copëz mjaft e madhe e shpenzuar në gjumë. Përgjatë kësaj kohe të gjithë ne ëndërrojmë, disa më shumë e disa më pak.

    Ndoshta secili prej nesh ka një histori për një ëndërr, ku ndodhin gjëra të çuditshme që na duken si marrëzi totale pas zgjimit e disa të tjerë fare nuk i kujtojnë.

    Sipas studiuesëve, njerëzit që mbajnë mend ëndrrat kanë një aktivitet të ndryshëm të trurit dhe janë më të përgjegjshëm
    krahasuar me njerëzit që nuk i mbajnë mend. Pavarësisht që akoma psikologët nuk kanë arritur të kuptojnë qëllimin e vërtetë të ëndrrave.

    Në jetën normale, nëse harroni diçka kaq shpejt, do ishte një problem serioz për të cilin duhet të shihni një doktor, por sa i përket ëndrrave, kjo është shumë normale.

    Njerëzit i harrojnë menjëherë ëndrrat, prandaj të gjithë ata që thonë se nuk shohin ëndrra kurrë, në fakt thjeshtë po i harrojnë shumë shpejtë.

    Mund të jetë e pabesueshme që ju ëndërroni por e harroni menjëherë, por testime që janë bërë tregojnë se ka shumë njerëz që nuk mbajnë mend të kenë ëndërruar ndonjëherë në jetën e tyre, por nëse i zgjon në momentin e duhur, ata do të mbajnë mend ëndrrën.

    Kur ju flini, jo i gjithë truri juaj ndalon aktivitetin në të njëjtën kohë. Një prej regjioneve të trurit që ndalon aktivitetin i fundit është hipokampusi, pjesa e cila i bartë kujtimet nga memoria afatshkurtër në atë afatgjatë.

    Meqenëse hipokampusi fle e fundit, edhe zgjohet e fundit. Prandaj ëndrrat mbeten në memorien afatshkurtër sepse hipokampusi nuk është plotësisht i zgjuar kur ju zgjoheni.

    Sipas një studimit bërë në Francë, personat që mbajnë mend ëndrrat më shumë, zgjohen më shpesh gjatë natës. Ata rrinë zgjuar mesatarisht për 2 minuta, para se të kthehen në gjumë.

    Një tjetër studim thotë se, fakti që ne nuk i mbajmë mend ëndrrat kur zgjohemi, lidhet edhe me faktin se, kemi rënë shumë shpejt për të fjetur. Ata persona që flenë shpejt, bëjnë gjumë të rehatshëm dhe zgjohen direkt nga alarmi, kanë më shumë gjasë të mos mbajnë mend asnjë ëndërr që kanë parë.

    Për një gjumë më të mirë dhe aftësinë për të mësuar, shmangni zhurmën në dhomën e gjumit, të tilla si TV e radio para gjumit./atvlive.tv/

  • Studimi: Pagjumësia rrit rrezikun e goditjes në tru

    Studimi: Pagjumësia rrit rrezikun e goditjes në tru

    Gjumi cilësor luan një rol të rëndësishëm në mirëqenien e përgjithshme të njeriut. Nëse nuk bëni orët e mjaftueshme të gjumit që ju nevojiten, kjo gjë mund të ketë një ndikim mjaft negativ në shëndetin tuaj mendor dhe fizik.

    Pagjumësia jo vetëm ndikon nivelin tuaj të energjisë, por ndikon edhe në performancën e punës dhe cilësinë e jetës.

    Ekspertët e përshkruajnë pagjumësinë në disa mënyra të ndryshme, në varësi të karakteristikave të saj specifike.

    Lloji i pagjumësisë akute i referohet vështirësive afatshkurtra që keni me gjumin të cilat në përgjithësi zgjasin jo më shumë se disa javë.

    Pagjumësia kronike i referohet pagjumësisë që ndikon në gjumin tuaj për 3 ose më shumë ditë çdo javë, zakonisht për një periudhë prej 3 muajsh ose më gjatë.

    Pagjumësia fillestare përshkruan vështirësinë që keni për të rënë në gjumë. Problemet me gjumin mund të vijne dhe si rezultat i përdorimit të kafeinës apo problemeve me shëndetin mendor.

    Por sipas një studimi të fundit të bërë nga Universitetit të Miçiganit del se njerëzit që vuaj nga insomnia kanë një rrezik më të madh për goditje në tru, krahasuar me njerëzit pa që flenë më mire.
    Wendemi Sawadogo, shefi i ekipit hulumtues, theksoi se njerëzit me pagjumësi kanë gjithashtu diabet, hipertension, sëmundje të zemrës dhe depresion, gjë që rrit më tej rrezikun e goditjes në tru. Pavarësisht që nga studimet e mëparshme del se nga pagjumësia njerëzit mund të vuajnë edhe nga astma e kanceri.

    Wendemi Sawadogo, shefi i ekipit hulumtues i Universitetit të Miçiganit nga viti 2002 deri në vitin 2020 vëzhguan njerëz “të cilët nuk kishin pësuar asnjë goditje në tru”, ku 57% e atyre në grupin e studimit ishin gra të moshës 61 vjeçe.

    Studimi zbuloi se rreziku i goditjes në tru është më i lartë tek njerëzit me pagjumësi nën 50 vjeç.

    Ka shumë terapi për të ndihmuar në përmirësimin e cilësisë së gjumit, vuri në dukje Sawadogo, duke theksuar rëndësinë e diagnostikimit dhe trajtimit të hershëm për të zvogëluar rrezikun e goditjes në të ardhmen.

    Duke theksuar se njerëzit me pagjumësi nuk e shohin atë si një sëmundje, Sawadogo theksoi se është e rëndësishme të rritet ndërgjegjësimi për pagjumësinë./atvlive.tv/

     

  • Neonatologjia kalon përkohësisht sfidën me mungesën e Surfaktantit

    Neonatologjia kalon përkohësisht sfidën me mungesën e Surfaktantit

    Klinika e Neonatologjisë në QKUK, pas kërkesës emergjente për t’u pajisur me Surfaktant, medikament esencial për foshnjat e lindura para kohe, ka siguruar 50 ampula. Ky ilaç kushton deri në 700 euro për t’u blerë.

    Drejtoresha e Klinikës së Neonatologjisë, Hajrie Ismajli deklaroi për KosovaPress, se furnizimi është bërë nga Ministria e Shëndetësisë, duke theksuar se është hera e parë që kanë bërë kërkesë emergjente për sigurim të Surfaktantit dhe që sipas saj, menjëherë kanë pasur mbështetje institucionale.

    Deri më tani ky ilaç është siguruar nga donatori “Aksioni për nëna dhe fëmijë”, por Ismajli thotë se ka pasur jostabilitet me furnizim.

    Ajo pranon se në tre vitet e fundit ka pasur periudha të tjera kur ky ilaç ka munguar në Klinikën e Neonatologjisë.

    “Ky furnizim, është bërë si plan mbështetës me kërkesë emergjente nga ana jonë, pasi që ndër vite Klinika është furnizuar nga donatori ‘Aksioni për nëna dhe fëmijë’ me Surfaktant për çka u jemi jashtëzakonisht shumë mirënjohës dhe falënderues. Duke pasur radhazi gjatë këtij viti jostabilitet në furnizim nga ana e donatorit kemi bërë kërkesën e lartcekur. Për informatën tuaj, edhe vitet paraprake, pas mbi dy ose tre vite, ka pasur periudha jo të shpeshta me mungesë të Surfaktantit dhe është hera e parë që kemi bërë kërkesë emergjente për sigurim të Surfaktantit dhe kemi pasur menjëherë mbështetje institucionale vendore”, tha Ismajli.

    Lidhur me atë se për sa kohë do të mjaftojë kjo sasi e ilaçit Klinikës së Neonatoligjisë, Ismajli tha se varet nga numri i lindjeve prematurë.

    Ajo tutje potencon se ky ilaç është në listën esenciale dhe se janë në bashkëbisedim me institucionet shëndetësore vendore për furnizim të vazhdueshëm, për të cilën thotë se kanë mbështetje.

    Ndërkaq, për mungesën e Surfaktantit kohë pas kohe, nga Shoqata e të Drejtave të Pacientëve thonë se është një problem serioz sepse rrezikohet jeta e fëmijëve dhe rëndohet buxheti familjar.

    Besim Kodra nga kjo shoqatë bëri thirrje institucioneve që të angazhohen më sigurimin e vazhdueshëm të këtij bari.

    Ndërsa, për KosovaPress, organizata “Aksioni për nëna dhe fëmijë”, treguan që në mënyrë vullnetare deri më tani i ka siguruar Surfaktant Klinikës së Neonatoligjisë, por theksuan se kanë mungesë tek donatori i tyre, prandaj nuk kanë mundur që ta sjellin prapë, por që sipas tyre janë në proces që sa më shpejtë të pajisin Neonatologjinë me këtë ilaç.

  • Kurti do ta vizitojë Maqedoninë e Veriut, promovon idenë për rrugën Tetovë-Prizren

    Kurti do ta vizitojë Maqedoninë e Veriut, promovon idenë për rrugën Tetovë-Prizren

    Prizreni, shumë shpejt pritet të lidhet me komunën e Tetovës përmes një rruge e cila pritet t`i shërbejë turizmit malor mes dy vendeve.

    Me ndërtimin e këtij aksi, rruga Tetovë-Prizren, nga rreth 3 orë sa është aktualisht, do të mund të kalohet vetëm për 30 minuta. Për këtë do të qëndrojë edhe në një vizitë në Tetovë të premten, kryeministri i Kosovës Albin Kurti. Përveç Tetovës, Kurti pritet ta vizitojë edhe Çairin e Shkupit.

    “Pas emërtimit të një rruge me emrin e veprimtarit Adem Demaçi në Komunën e Çairit, kryeministri Kurti do të niset për në Komunën e Tetovës ku do të pritet nga kryetari i Komunës, Bilall Kasami. Menjëherë pas takimit do të vazhdojnë për në rrugën që lidh fshatin Sellcë me Vejcë, për të promovuar një ide që do të lidhë turizmin malor mes Tetovës dhe Prizrenit”, tha Albi Qamili, zëdhënës i Komunës së Tetovës. Hapja e rrugës që do ta lidhte Tetovën me Prizrenin po mirëpritet nga banorët duke u konsideruar si projekt me rëndësi të veçantë.

  • Moti për sot dhe nesër

    Moti për sot dhe nesër

    Në Kosovë sot do të mbajë mot me diell dhe vranësira gjatë pasdites , derisa priten edhe reshje shiu.

    Temperaturën minimale për ditën e sotme e ka shënuar Peja me 14 gradë Celsius, ndërsa atë maksimale Prizreni me 30 gradë Celsius.

    Edhe dita e nesërme pritet të jetë me kushte të njëjta atmosferike.

    Temperaturën minimale, për ditën e nesërme do ta mbajë qyteti i Pejës me 12 gradë Celsius, ndërsa atë maksimale Prizreni me 30 gradë Celsius.

    Ndërkohë, në Shqipëri do të ketë mot me temperatura të larta dhe kthjellime. Temperaturën minimale do e ketë Korça me 14 gradë Celsius, ndërsa ajo maksimale do të jetë në Gjirokastër me 36 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme:

  • “Jam gjykuar shumë, askush nuk mendoi për shëndetin tim” – Adelina Tahiri flet për periudhën më të vështirë në jetë

    “Jam gjykuar shumë, askush nuk mendoi për shëndetin tim” – Adelina Tahiri flet për periudhën më të vështirë në jetë

    Adelina Tahiri ka folur në lidhje me jetën e saj personale dhe për vështirësitë që është përballur në lidhje me famën, në një intervistë për “Pushime on Top”.

    Ajo përmendi martesën, si një nga periudhat e saj më të errëta dhe tha se e ka përjetuar shumë keq mënyrën se si u trajtua në media.

    “Jam penduar për shumë gjëra në jetë, jam gjykuar për shumë gjëra në jetë. Dhe realisht i kam përjetuar shumë rëndë, për shembull, martesën. Ka qenë një bujë shumë e madhe, që unë e kam përjetuar shumë keq, sepse të gjithë mediat, e bënin për interes. Nuk e menduan që më bënin dëm, dhe askush nuk mendoi për shëndetin tim. Askush nuk mendoi për familjarët e mi, për shëndetin tim”, tha Adelina.

  • Krasniqi në çerekfinale të Mastersit të xhudos

    Krasniqi në çerekfinale të Mastersit të xhudos

    Distria Krasniqi e ka siguruar biletën drejt çerekfinales së Wolrd Judo Masters, që po mbahet në Budapest të Hungarisë.

    Në kuadër të kategorisë deri në 52 kilogramë, Krasniqi në raundin e tretë të kësaj gare e mposhti xhudisten gjermane, Mascha Ballhaus, raporton KosovaPress.

    E arta jonë olimpike e nisi pa luftë këtë Masters të xhudos, ndërsa në raundin e dytë e mposhti belgen Amber Ryheul.

    Fitorja ndaj Ryheul e dërgoi Distrian në raundin e tretë, ku atje e mposhti gjermanen Ballhaus.

  • Vrasja e Marigona Osmanit: Dardan Krivaqa dënohet me burgim të përjetshëm, ndërsa Arbër Sejdiu me 15 vjet burgim

    Vrasja e Marigona Osmanit: Dardan Krivaqa dënohet me burgim të përjetshëm, ndërsa Arbër Sejdiu me 15 vjet burgim

    Me burgim të përjetshëm është dënuar Dardan Krivaqa, i akuzuar për vrasjen e 18-vjeçares Marigona Osmani, ndërsa Arbër Sejdiu me 15 vjet burgim, për ndihmë në vrasje.

    Kështu ka vendosur sot Gjykata Themelore në Ferizaj, duke i shpallur ata fajtor për veprën penale “Vrasje”, ndërsa i ka liruar ata nga akuza për dhunim, meqë nuk është provuar se është kryer vepra penale.

    Kur gjykatësi ia shqiptoi dënimin Krivaqës u dëgjuan thirrje nga të pranishmit, derisa vendimi u duartrokit.

    Marigona Osmani ishte vrarë në gusht të vitit 2021.

    Ndërkohë, para fillimit të seancës gjyqësore ku pritet të shpallet aktgjykimi ndaj Dardan Krivaqës dhe Arbër Sejdiut, Kolektivi për Mendim dhe Veprim Feminist, mbajti aksion simbolik para Gjykatës së Ferizajt.

    Protestues me pankarta në duar, kërkuan dënim maksimal për të akuzuarit për vrasjen e Marigona Osmanit.

    Përfaqësuesja e Kolektivit për Mendim dhe Veprim Feminist, Bjeshkë Guri, deklaroi se nuk mund të lejojnë që Marigona të vritet për herë të dytë nga shteti.

    “Jemi mbledhur këtu në ditën e shpalljes së aktgjykimit ndaj Dardan Krivaqës dhe Arbër Sejdiut për vrasjen e Marigona Osmanit. Për të mos lejuar që padrejtësia për Marigonën të vazhdojë edhe për së vdekuri. Jemi mbledhur këtu meqë jemi dëshmitarë që gjykatat në Kosovë kanë amnistuar vazhdimisht burrat që kanë vrarë gratë, duke i lënë të lirë e me dënime shumë të ulëta. Krivaqa dhe Sejdiu e vranë Marigonën me 22 gusht 2021, e sot kur po i afrohemi dy vjetorit të vrasjes së saj nuk mund të lejojmë që ajo të vritet nga shteti për herë të dytë, nuk mund të qëndrojmë të qeta derisa kjo gjykatë e çdo institucion tjetër shtetëror të rreshtohet në anën e grave”, tha ajo.

    Ajo shtoi se nga vendimi i sotëm presim dënim maksimal, ani pse janë skeptik për një gjë të tillë.

    “Ne kemi theksuar që nga kjo gjykatë duam asgjë më pak së dënime maksimale për Krivaqën e Sejdiun. E nga këtu qojmë mesazhe për çdo institucion që t’i mbrojë gratë para se të jetë shumë vonë edhe prap theksojmë se shteti duhet ta trajtojë femicidin si urgjencë shtetërore”, shtoi ajo.

  • Arrestohen dy persona, dyshohet se e dhunuan një grua

    Arrestohen dy persona, dyshohet se e dhunuan një grua

    Dy persona janë arrestuar në Istog pasi dyshohet të kenë dhunuar një grua.

    Rasti raportohet të ketë ndodhur të mërkurën e 2 gushtit.

    Të dyshuarit me vendim të prokurorit janë dërguar në mbajtje.

    “Dy të dyshuar meshkuj kosovarë janë arrestuar për shkak se të njëjti dyshohet se e kanë kryer vepren e dhunimit ndaj viktimës femër kosovare. Te dyshuarit me vendim të prokurorit janë dërguar në mbajtje”, thuhet në raportin 24-orësh.