Author: G.O.

Spanja është duke u përballur me valën e katërt të të nxehtit këtë verë, pasi të mërkurën ka regjistruar temperaturën 44 gradë Celsius.

Televizioni spanjoll RTVE, ka raportuar për të nxehtë “ngufatës”, derisa në ballinën e të përditshmes spanjolle El Mundo titulli kryesor ka qenë: “Neuronet po shkrihen si gjalpi”.

Për gjithë territorin, ose pjesë të mëdha të rajoneve të Andaluzisë, Kastillës, Leonit, Madridit dhe Kastille-La Mançës, shërbimi shtetëror i motit e ka vendosur nivelin më të lartë të alarmit.

Në Madrid, ku temperatura është regjistruar 40 gradë Celsius pak para orës 19:00, shumë rrugë janë boshatisur.

Sipas meteorologëve, vala e të nxehtit do të nisë të dobësohet të premten.

Shërbimi shtetëror i motit ka paralajmëruar për rritje të rrezikut për zjarre pyjore në Spanjë, për shkak të thatësisë së madhe dhe erërave të fuqishme.

Në fillim të muajit korrik, bota është përballur me temperatura tejet të larta.

Në disa studime është thënë se një mot i tillë do të ishte gati i pamundshëm pa ndryshimet klimatike të nxitura nga njeriu./REL/

Vendi sërish u trondit nga një tjetër vrasje, në orët e hershme të ditës së sotme në Runik të Skënderajt. Në vendngjarje mbetën të plagosur edhe tre persona. Por dy të dyshuarit, që sipas policisë hynë të maskuar në kafiteri për të kryer krimin ndodhen në arrati.

Policia ka konfirmuar se të shtënat me armë zajrri ndodhën rreth orës 01:21 në një kafiteri në fshatin Runik të Skenderajt.

“Bazuar në hetimet fillestare, nga arma e zjarrit lëndime kanë pësuar katër persona, njëri nga të lënduarit viktima N. L., 39 vjeçar, ka ndërruar jetë në vendngjarje, ndërsa, tre persona të tjerë të lënduar ( po ashtu nga arma e zjarrit ) janë dërguar për tretman mjekësor në QKUK”, konfirmoi policia.

Në vendin e ngjarjes u gjetën gëzhoja plumbash, teksa të dyshuarit kanë hyrë të maskuar në kafiteri.

“Nga hetimet  e para dhe këqyrja e vendit të ngjarjes,  dyshohet  se dy persona të dyshuar e të maskuar kanë hyrë brenda në kafiteri  kanë shtënë  me armë dhe  janë larguar në drejtim të panjohur. Në cilësi të provave materiale në vendin e ngjarjes janë  gjetur dhe konfiskuar disa gëzhoja”, informon policia.

“Gjitha veprimet e ndërmarra policore, janë udhëhequr nga prokurori i rastit i  cili ka dalë në vend të ngjarjes ndërsa i njëjti ka autorizuar që trupi i  pajetë i viktimës të dërgohet në Institutin e Mjekësisë Ligjore”, tha policia.

Policia po punon për identifikimin dhe arrestimin e personave të dyshuar.

“Hetuesit e Sektorit Rajonal , janë duke punuar intensivisht për identifikimin dhe arrestimin e kryesit/ve  të veprës si dhe zbardhjen e kësaj vepre penale”, ka njoftuar policia.

LEXONI EDHE:

Një person është vrarë dhe 3 të tjerë janë plagosur në një kafene në Skenderaj

Polonia është duke planifikuar që të dërgojë rreth 10.000 ushtarë shtesë në kufi me Bjellorusinë, për ta mbështetur Gardën Kufitare, ka thënë ministri polak i Mbrojtjes, Mariusz Blaszczak.

“Rreth 10.000 ushtarë do të jenë në kufi, prej të cilëve 4.000 do ta mbështesin Gardën Kufitare dhe 6.000 do të jenë rezervë”, ka thënë ministri në një intervistë për radion publike.

“Ne do ta afrojmë ushtrinë më afër kufirit me Bjellorusinë për ta dëbuar agresorin, ashtu që të mos guxojë të na sulmojë”, ka thënë Blaszczak.

Zëvendësministri i Brendshëm, Maciej Wasik, ka thënë të mërkurën se Polonia do t’i dërgojë 2.000 trupa shtesë në kufi me Bjellorusinë.

Polonia është e shqetësuar për kufirin e saj, prej kur qindra pjesëtarë të grupit mercenar rus Wagner, kanë arritur në Bjellorusi muajin e kaluar, me ftesë të liderit të shtetit, Alexander Lukashenko.

Bjellorusia është duke i vazhduar stërvitjet ushtarake afër kufirit këtë javë, derisa presidenti Lukashenko ka thënë disa herë se po frenon pjesëtarë e Wagnerit që po synojnë sulm ndaj Polonisë.

Polonia është përballur së fundi edhe më rritje të numrit të migrantëve nga Lindja e Mesme dhe Afrika.

Shefi i Gardës Kufitare të Polonisë, Tomasz Praga, ka thënë më herët gjatë javës se 19.000 persona kanë tentuar të kalojnë kufirin polako-bjellorus këtë vit, për dallim prej 16.000 personave, sa janë regjistruar vitin e kaluar.

Policia e Kosovës ka arrestuar një person të dyshuar për grabitje të armatosur në Ferizaj.

Në një komunikatë për media bëhet e ditur se i dyshuari është arrestuar mbrëmjen e së mërkurës rreth orës 22:00 në banesën e tij.

Bëhet e ditur po ashtu se në banesën e tij është gjetur e më pas është konfiskuar një armë të zjarrit automatike, me të cilën dyshohet se ka kryer grabitjen.

Ndërkaq aty janë dhënë edhe detaje lidhur me rastin të cilin i arrestuari dyshohet se ka kryer.

“Me datën 22.03.2023 rreth orës 19:10 policia rajonale e Ferizajt kishte pranuar një informacion, se në fshatin Bablak të Ferizajt ishte një rast i grabitjes së armatosur. Fillimisht policët e rendit, e më pas krimteknikët dhe hetuesit rajonal kanë ndalë në vendin e ngjarjes dhe nën autorizim te prokurorit kujdestar nga Prokuroria Themelore në Ferizaj i kanë nisur hetimet. Nga hetimet e para dyshohej se tre persona nën kërcënimin e armës kanë ndaluar një veturë të postës së shpejtë dhe nga drejtuesi i veturës i kanë grabitur para në vlerë prej 770 eurove dhe janë larguar në drejtim të panjohur”, thuhet në komunikatë.

I dyshuari është shoqëruar në Sektorin Rajonal të Hetimeve dhe pas intervistimit nga policët hetues, në prani edhe të avokatit mbrojtës, me vendim të prokurorit të rastit është ndaluar në mbajtje për 48 orë, për procedura tjera hetimore.

Kandidati në zgjedhjet e ardhshme presidenciale të Ekuadorit, i cili ka bërë fushatë kundër korrupsionit dhe bandave, është qëlluar për vdekje në një tubim elektoral.

Fernando Villavicencio, anëtar i asamblesë kombëtare të vendit, u sulmua teksa po largohej nga ngjarja në kryeqytetin, Quito, të mërkurën.

Ai është një nga kandidatët e paktë që pretendon lidhje mes krimit të organizuar dhe zyrtarëve qeveritarë në Ekuador.

Pas atentatit është shpallur gjendja e jashtëzakonshme.

Ekuador ka qenë historikisht një vend relativisht i sigurt dhe i qëndrueshëm në Amerikën Latine, por një rritje e kohëve të fundit e krimit të dhunshëm – e nxitur nga prania në rritje e karteleve të drogës – ka qenë një çështje qendrore në fushatën presidenciale të këtij viti, raporton BBC, transmeton Klankosova.tv.

Dëshmitarët thanë se Villavicencio, një kongresmen në detyrë dhe ish-gazetar, u qëllua tre herë.

Një anëtar i ekipit të tij të fushatës tha për mediat lokale se 59-vjeçari po hipte në një makinë kur një burrë doli përpara dhe e qëlloi në kokë.

Vera sjellë fluks të madh në pikat kufitare.

Kjo për shkak të ardhjes së bashkatdhetarëve në Kosovë.

Në veçanti më të ngarkuarat janë ato me Serbinë.

Sipas Qendres për Menaxhim Kufitar të Ministrisë së Punëve të Brendshme, tek Dheu i Bardhë dhe Merdarja, vërehet qarkullim më i madh.

Në përditësimin e fundit që kjo qendër ka bërë, shihet se për të dalë nga Kosova, nga pika e Dheut të Bardhë, pritjet janë nga 60 e deri në 90 minuta.

Gjatësia e kolonave aty shkon deri në 300 metra.

Kurse, për të hyrë në vendin tonë, pritjet nuk shkojnë më shumë se 10 minuta.

Pritjet të gjata për të dalë nga Kosova, ka edhe në Merdare.

Aty mërgimtarët duhet të presin deri në një orë e 20 minuta.

Një ngjarje rëndë ka ndodhur në Fushë Arrëz, ku një 6-vjeçar ka humbur jetën pasi rrëshqiti dhe ra në rezervuar.

Dyshohet se i mituri O.K. ka rrëshqitur aksidentalisht në rezervuarin e fshatit Iballë. Ai është nxjerrë nga uji nga familjarët dhe i është dhënë ndihma e parë, por nuk ka arritur të mbijetojë.

Sipas policisë, grupi hetimor ndodhet në vendngjarje dhe vijon punën për dokumentimin e plotë të rrethanave.

“Rreth orës 21:25, në sallën operative të stacionit të Policisë Fushë Arrëz, ka mbërritur një telefonatë se një i mitur i moshës 6 vjeç, dyshohet se aksidentalisht ka rrëshkitur në rezervuarin e Iballës, Fushë Arrëz. I mituri është nxjerrë nga uji nga familjarët dhe i është dhënë ndihma e parë, por nuk ka arritur të mbijetojë. Grupi hetimor ndodhet në vendngjarje dhe vijon punën për dokumentimin e plotë të rrethanave të ngjarjes”, sipas policisë.

Kujtojmë se këtë mërkurë, një tjetër ngjarje e rëndë ndodhim ku një 41-vjeçar u mbyt në liqenin e Belshit.

Forcat e policisë dhe ato zjarrfikëse arritën të nxirrnin nga liqeni trupin e pajetë të shtetasit me iniciale F.Xh. Nga këqyrja paraprake, në trupin e tij nuk u gjetën shenja dhuna, ndërsa sipas familjarëve, viktima vuante nga probleme të shëndetit mendor.

Ndërsa dy javë më parë, katër anëtarë të familjes Zogu u mbytën në liqenin e Hidrocentralit të Banjës. Gazment Zogu, dy djemtë e tij 14 dhe 19-vjeç si dhe nipi 20-vjeçar të gjithë nga fshati Cingar kishin ndaluar në fshatin Drizë dhe u futën në liqen për t’u larë, por nuk dolën më. Të katërt humbën jetën, pasi u lanë në një zonë ku nuk lejohet noti.

Top Channel