Author: G.O.

Fushata e nisur nga Qeveria e Kosovës për mbështetjen e konsumatorëve familjarë në investimin në pajisje shtëpiake efiçiente dhe sistemin diellor për ngrohjen e ujit sanitar, dikasteri i saj Ministria e Ekonomisë ka bërë të ditur se që nga nesër do të filloj lansimi publik.

Sipas agjendës që është dërguar nga ME, prezent dhe fjalim do të mbaj kryeministri i Kosovës, Albin Kurti, ndërsa pas tij do të flas ministria e kësaj ministrie, Artane Rizvanolli, më pas edhe nga zyra e Bashkimit Evropian, Alessandro Bianciardi.

Në fund, do të prezantohen edhe disa video ku do të paraqesin disa nga idetë e këtij projekti.

Ish-drejtori i Odës Ekonomike të Kosovës, Safet Gërxhaliu, ka thënë se njëra ndër problemet më të mëdha me të cilat do të përballet sektori privat në të ardhmen është mungesa e fuqisë punëtore, kjo pas ikjes së të rinjve nga vendi, raporton Ekonomia Online.

Ai tha se ikja e të rinjve është bërë një fenomen shqetësues, që sipas tij, është duke ndodhur si shkak i mungesës së stabilitetit politik, pagat e ulëta dhe mosmarrja e masave për të parandaluar, siç e quan ai, këtë pandemi demografike e cila mund ta zbrazë Kosovën.

Gërxhaliu tha se për sektorin privat në të ardhmen nuk do të jenë sfida tregu, prodhimi, çmimet e larta të energjisë elektrike e derivateve, por sipas tij, problem i madh do të jetë mungesa e fuqisë punëtore, duke shtuar këtu edhe faktin që nga janari do të bëhet edhe liberalizimi i vizave.

“Në rend të parë mendoj se njëra ndër sfidat më të mëdha për sektorin privat në të ardhme nuk do të jetë tregu, nuk do të jetë prodhimi, nuk do të jetë çmimi i lartë i energjisë elektrike dhe i derivateve po do të jetë mungesa e fuqisë punëtore. Ne kemi paralajmëruar që do të jetë mjaftë sfiduese dhe kemi menduar që do të merren masa që ky problem të zgjidhet, kur krejt kësaj i shtohet fakti që nga janari do të kemi edhe liberalizimin. Besoj që do të jetë një tentativë e madhe e të rinjve për të ikur”, tha ai.

Gërxhaliu tha se në vend mungojnë kampanja vëtëdijesuese e motivuese për të rinjtë që ata të mbesin në Kosovë, ai shtoi se në ikjen e tyre ka ndikuar stabiliteti ekonomik.

“Mungojnë kampanja vetëdijesuese, mungojnë kampanja motivuese që të rinjtë të mbesin në Kosovë, definitivisht vitet e ardhme sidomos në aspektin kohorë afat shkurt, në dy-tri vitet e para duhet të jetë mjaftë shqetësuese një pjesë dërrmuese e këtyre të rinjve që pretendojnë të dalin jashtë Kosovës nuk e kanë parë Evropën dhe një farë forme e kanë si mollë të ndalura që dëshirojnë që ta shohin. Në rend të dytë aspekti politik dhe mungesa e stabilitetit politikë në Kosovë është një problem i cili çdo ditë me tepër po dramatizohet dhe të rinjtë po e humbin shpresën se në Kosovë do ta behët mirë, apo do të ketë prespektiv dhe ardhmëri”, tha ai.

Ish-drejtori i OEK-ut, tha se situata me largimin e të rinjve nga vendi është një situatë alarmante, prandaj sipas tij, është momenti i fundit kur Qeveri duhet që të veproj në këtë drejtim.

Ai me këtë rast ka bërë edhe disa pyetje se si mund të jetohet me një rrogë nga 190 deri në 350 euro në këtë kohë inflacioni e me ngritje të çmimeve.

“Vërtet për mua situata është mjaftë alarmante, nuk i duhet Kosovës një pandemi demografike, se çfarë pandemie më të rrezikshme mund ta kaploj një shtet të ri çfarë është Kosova se sa zbrazja e saj. Prandaj besoj që është momenti i fundit kur duhet të veprohet në këtë drejtim, duhet të kthehet një perspektiv e humbur dhe një shpresë e humbur që këtu mund të jetohet. Lind pyetja se si mund të jetohet në Kosovë në këtë kohë të inflacionit, të ngritjes së çmimeve me një pagë 190 euro, sot paguhen punëtorët e sigurimit të pasurive dhe objekteve. Si mund të jetohet më një pagë 230 euro për të punësuarit dhe të punësuarat nëpër markete. Si mund te jetohet me kompani të sigurimeve, në kalkuime të dëmeve me 300 deri 350 euro dhe si mund të ndërtohet perspektiva në Kosovë në qoftë se më tepër se 80 mijë të punësuar kanë pagën me të vogël se 350 euro. Prandaj a nuk janë këta indikatorë shqetësues që duhet ti prekin institucionet vendore”, tha ai.

Gërxhaliu tha se nga vendi nuk janë duke ikur vetëm të varfëritë, por edhe studentët edhe familjet që kanë edhe një stabilitet material, kjo sipas tij është duke ndodhur për shkak se ata janë duke kërkuar arsim më kualitativ, siguri më të lartë, shëndetësi më të mirë etj.

“Në aspektin ekonomik duhet që të bëhet me tepër sepse me këtë nivel të zhvillimit ekonomik, me këtë qasje të qeverisë përball biznesit, me këtë mungesë të një dialogu të mirëfillte, në qoftë se bizneset tentohet gjithmonë vetëm për tu ndëshkuar dhe jo për t’u motivuar vërtet shqetësues në aspektin integrues deri sa Kosova nuk do të ketë një zgjidhje politike apo një marrëveshje mesë Serbisë dhe Kosovë ankthi do të jetë gjithmonë prezent. Të rinjtë e kanë kuptuar se jeta nuk e ka jetën e dytë rezervë, në këtë drejtim ata tentojnë ta sigurojnë vetën atje ku e kanë më mirë. Nga Kosova nuk janë duke ikur vetëm të varfëritë, janë duke ikur student, janë duke ikur familje që kanë një stabilitet material sepse kërkojnë arsim më kualitativ, kërkojnë siguri më të lartë, kërkojnë shëndetësi më të mirë dhe kërkojnë integrim modern”, tha ai.

Mbi gjysma e shtetasve të Kosovës nuk kanë ndërmend të shkojnë në BE as pas liberalizimit të vizave, tregon anketa.

Një studim i kohëve të fundit nga SchengenVisaInfo.com zbulon se 62.3 për qind e të anketuarve, të cilët janë kryesisht nga mosha 25 deri në 34 vjeç, thanë se nuk po mendojnë të transferohen në BE, krahasuar me 37.7 për qind që zbuluan planet e tyre, për t’u larguar një ditë nga Kosova.

Numri i vogël i punonjësve, mos kompensimi për ndërrimet e natës, orët jashtë orarit, mos kompensimi i rrezikshmërisë gjatë orarit të punës vazhdojnë të jenë disa nga problemet me të cilat ballafaqohen zjarrfikësit në Kosovë. Nga Sindikata e Zjarrfikësve thonë se me pagën prej 120 euro nuk mund të mbulojnë as shpenzimet personale.

Kryetari i kësaj sindikate, Muharrem Beka shprehet se gjendja në të cilën është shërbimi i zjarrfikësve nuk i konvenon as shtetit.

Ai thekson se edhe numri i vogël i zjarrfikësve në nivel vendi dhe kushtet e mjerueshme të punës ndikojnë që shërbimi i zjarrfikësve të mos jetë me kapacitet të mjaftueshëm. Derisa thotë se veç Prishtinës i mungojnë 35 zjarrëfikës, Beka alarmon se numri i tyre është duke rënë.

“Gjendja nuk është duke lëvizur, kemi mbetur në një pozitë mjaft të palakmueshme, gjendja është duke u përkeqësuar… Është duke u zvogëluar numri i zjarrfikëseve, është duke u shtuar në moshë d.m.th. nga viti 2024 në përjashtim në tri, katër komuna as konkurse të reja, as punëtorë të rinj nuk kanë pranuar… Ne jemi të befasuar me qëndrimin indiferent të institucioneve karshi shërbimit të zjarrfikësve po edhe problemeve në veçanti të cilat janë grumbulluar, dhe institucionet janë të obliguara t’i zgjidhin… Zjarrfikësit as sot nuk kompensohen për ndërrimet e natës për festat shtetërore dhe fetare, orët jashtë orarit. Siç thash, rasti i mobilizimit në veri ende nuk janë kompensuar… Kjo gjendje nuk i konvenon askujt, as zjarrfikësve, as qytetarëve, as shtetit. Ky shërbim kjo forcë për mbrojtje në shpëtim është e brishtë, është një numër jashtëzakonisht i vogël në nivel vendi”, thotë Beka.

Edhe komandanti i Brigadës së Zjarrfikësve të Mitrovicës, Tahir Mikullovci, deklaron për KosovaPress se shqetësimi më i madh për këtë njësi zjarrfikëse është mungesa e personelit. Sipas ligjit, në Mitrovicë do të duhej të ishin edhe 15 zjarrfikës të tjerë pasi numri është i pakët.

“Është fakt se kemi mungesë të stafit të zjarrfikësve, por i kemi ndaluar pothuajse të gjitha pushimet vjetore në këtë sezon të pjesëtarëve të Njësisë Zjarrfikëse… Numri i zjarrfikësve është 32, dhe ky është problemi më i madh jo vetëm në Mitrovicë, por në krejt Kosovën, sepse në bazë të ligjit për mbrojtjen e zjarrit duhet që në çdo 1 mijë e 500 banorë të ketë një zjarrfikës. Krahasuar me numrin e banorëve në Mitrovicë, kemi afër 15 pjesëtarë të Njësisë Zjarrfikëse më pak. Kështu që kjo është sfida ose problemi më i madh mungesa e stafit të Njësisë Zjarrfikëse’, thotë Mikullovci.

Se shteti nuk po bën asgjë ëpr zjarrfikësit thotë Abdusamed Shkodra nga Brigada e Zjarrfikësve në Prishtinë.

“Zjarrfikësit janë staf i Ministrisë së Punëve të Brendshme, menaxhohen nga AME në koordinim me komunat, këtu do të thotë nuk është bashkëpunimi aq sa duhet. Sa i përket për hapjen e konkursit, nuk është diçka në rregull, këtu është e mirë të bëhet një zgjidhje dhe të pranohen zjarrfikësit e rinj, kërkesa është kamotshme duke e marrë për bazë nevojën për punëtorë të rinjë… Konkursi i fundit ka qenë 2019, ndërsa kërkesat kanë qenë në vazhdimësi… Zjarrfikësit tashmë marrin pagë 120 euro aty diku, nëse konsiderojmë se a është i mjaftueshëm koeficienti aty ku kemi dëshiruar ne”, shprehet Shkodra.

E kryetari i sindikatës thotë se gjendja po përkeqësohet dhe se zjarrfikësit e kanë humbur durimin.

Ai paralajmëron se është alarmi i fundit për Qeverinë dhe institucionet për përmbushjen e kërkesave të tyre.

“Gjendja që nuk është duke marrë askush me neve jemi mbet në mëshirën e askujt mirëpo zjarrfikësit e kanë humb durimin, i jemi drejtuar Qeverisë. Në rast të lëndimit eventual në vendin e punës në intervenim nëse lëndohet një zjarrfikës gjitha shpenzime t i kryen prej mjeteve vetanake, d.m.th është ngarkesë, ne po presim unë po shpresoj është alarmi i fundit… 09:04 Ne ju kemi kërkuar takim urgjent të diskutojmë për problemet tona, atëherë le të dalin para ndërtesës së Qeverisë dhe lë të tregojnë pse është kjo gjendje. Unë konsideroj se mundësitë për dialog janë shtjerrë, nuk kemi diçka, nuk mundemi me u bind se dikur do të bëhet mirë… Do të kërkojmë zgjidhje të problemeve asgjë nuk po kërkojmë. Momentin që policisë në veri po i kompensohen kanë qenë të angazhuar janë kompensuar, zjarrfikësit po ndihen të diskriminuar, nuk po trajtohen njësoj, nuk është qasja ndaj zjarrfikësve dhe policëve njëjtë, për çfarë arsyeje?”, thekson ai.

Kryetari i Prishtinës, Përparim Rama, ka njoftuar se bashkë me drejtorin e Inspektoratit, Florian Dushi, ka vizituar sot dhomën e monitorimit të ndotjes akustike në Inspektoratin e Kryqytetit.

Rama, tregoi se nga e hëna do të fillojnë edhe zyrtarisht punën teksa pati një paralajmërim për gastronomët e Prishtinës.

Ai tha se të gjitha lokalet e gastronomisë do të gjobiten, nëse nuk respektojnë decibelët e lejuar.

“Vizituam sot Dhomën e Monitorimit të Ndotjes Akustike në Inspektoriatin e Kryeqytetit”, ka shkruar Rama në Facebook.

“Nga e hëna fillojmë edhe zyrtarisht punën dhe duke u bazuar në rregulloren e miratuar në Kuvend, të gjitha lokalet e gastronomisë në Kryeqytet, të cilat nuk respektojnë decibelët e lejuar do të gjobiten”.

Gjenerali rus Gennady Zhidko, 58 vjeç, është gjetur i vdekur këtë të mërkurë. Lajmi është bërë i ditur nga media ruse Readovka.

Sipas Daily Mail, ai është njeriu që udhëhoqi ofensivën ruse për pushtimin e Ukrainës si komandant i Grupit Jugor të Forcave ruse, ndërsa në tetor të vitit të kaluar ai u shkarkua dhe vendin e tij e mori Sergei ‘Armageddon’ Surovikin.

58-vjeçari shërbeu edhe si Shef i Shtabit të Forcave të Armatosura Ruse në Siri në vitin 2016 dhe në vitin 2018 u emërua Komandant i Qarkut Ushtarak Lindor.

Gjeneralit Zhidko iu dha edhe titulli më i lartë “Hero i Rusisë”, ndërsa ishte për një periudhë kohe edhe zëvendësministër i Mbrojtjes në vitin 2021.

Vdekja e Gennady Zhidko është konfirmuar edhe nga guvernatori i rajonit të Khabarovsk, Mikhail Degtyarev, por nuk dha asnjë detaj më tepër.

Ministri i Financave, Hekuran Murati ka deklaruar se buxheti i komunave për vitin 2024 arrin në 742 milionë euro.

Ai tha se dje ka dorëzuar qarkoren e dytë për buxhetin komunal për vitin 2024, e cila parasheh që buxheti i komunave të rritet në 742.3 milionë euro.

“Po bëhet tashmë viti i dytë radhazi që rritja e buxhetit është në përqindje dyshifrore krahasuar me vitin paraprak. Në vlerë absolute, buxheti i vitit 2024 rritet për gati 90 milionë euro krahasuar me vitin 2023. Kurse nga fillimi i mandatit, për tri vite, buxheti vjetor i komunave është rritur për 195 milionë euro më shumë. Suksesi Qeverisë në menaxhimin më të mirë të financave publike dhe në mbledhjen e të hyrave përkthehet në buxhet më të lartë për komunat”, ka shkruar Murati në Facebook.

Në gjysmën e parë të 2023, kërkesa e fortë në tregun e punës dhe papunësia e ulët patën gjithashtu ndikim në imigracionin në Zvicër.

Emigracioni neto në popullsinë rezidente të huaj të përhershme u rrit nga 9,384 në 47,200 krahasuar me gjysmën e parë të vitit 2022.

Në fund të qershorit të këtij viti në Zvicër jetojnë 2,275,965 të huaj këtu përfshire edhe mijëra shqiptarë kryesisht nga Kosova (por jo numër masiv sikur ne Gjermani), njofton gazeta zvicerane nga Berna Le Canton27.ch duke ju referuar burimeve të autoriteteve helvetike.

Midis janarit dhe fundit të qershorit 2023, imigrimi në popullsinë e huaj rezidente të përhershme arriti në 85,732 persona, pra 10,634 persona (+14,2%) më shumë se në të njëjtën periudhë të vitit 2022. 61 808 persona emigruan në Zvicër nga BE/EFTA , që korrespondon me një rritje prej 8736 personash (+16,5%) krahasuar me të njëjtën periudhë të një viti më parë. Sa i përket shtetasve të vendeve të treta, kishte 23,924 persona, ose 1,898 persona (+8,6%) më shumë se në gjysmën e parë të 2022.

Emigrimi i popullsisë rezidente të huaj të përhershme arrin në 34452 persona (+651 persona krahasuar me vitin 2022). Gjithsej 26,350 shtetas të BE/EFTA (+339 persona) dhe 8,102 shtetas të vendeve të treta (+312 persona) u larguan nga Zvicra.

Pas një periudhe paqëndrueshmërie të shkaktuar nga pandemia Covid-19, imigracioni ka vazhduar të rritet që nga viti 2022 në gjashtë muajt e parë të këtij viti. Ky zhvillim është për shkak të fuqisë së tregut të punës. Në fund të qershorit 2023, 95,242 punëtorë të huaj kishin emigruar në Zvicër. 43.180 persona (+14.8% krahasuar me fundin e qershorit 2022) kanë ardhur për punë afatshkurtër, 52.062 persona (+17.3%) kanë filluar një punë afatgjatë. Nga kuotat e lejeve të qëndrimit për punëtorët e vendeve të treta, 41% e lejeve të qëndrimit afatshkurtër (leje 1,632 L) dhe 41% e lejeve të qëndrimit (1,838 leje B) janë ezauruar në fund të qershorit 2023. Gjermane, Frëngjisht,

Situata ekonomike dhe ndërkombëtarizimi i ekonomisë dhe shoqërisë janë shtytës të kërkesës për punë të biznesit. Papunësia është në nivelin më të ulët në 20 vjet. Në shumë profesione, nevoja demografike për zëvendësime (pensione) është thithur nga punëtorët e rekrutuar në Zvicër dhe jashtë saj. Imigrimi për punësim afatgjatë ishte më i fortë në sektorët dytësorë dhe të shërbimeve në hoteleri, planifikim, konsulencë dhe IT, tregti dhe kujdes shëndetësor.

Në periudhën janar-qershor 2023 janë dhënë edhe 41.747 leje të reja kufitare. Në gjashtëmujorin e parë të vitit 2022 kishte 38547 leje. Numri i qëndrimeve të shkurtra që kërkonin një deklaratë ishte 168,896 (viti i kaluar: 155,570). Banorët afatshkurtër janë personat që kanë një punë afatshkurtër me një punëdhënës zviceran (60%), si dhe punonjës të transferuar (31%) dhe ofrues shërbimesh të vetëpunësuar (9%) që qëndrojnë në Zvicër për një kohëzgjatje maksimale prej tre muaj ose 90 ditë pune për ndalesë në vitin kalendarik.

Përmbytjet në pistë bënë që disa njerëz të mos ishin në gjendje të zbrisnin nga avionët që kishin mbërritur tashmë në Frankfurt. Rreth 70 fluturime u anuluan në total, pasi Gjermania qendrore pati shira të dendur dhe rrufe të shumta të mërkurën.

Në orët e vona të mbrëmjes, në zonat e pistës ishin mbledhur sasi të mëdha uji, duke lënë pasagjerët të ngecur në avionët që ishin ulur, shkruan dw, transmeton KosovaPress.

Një video nga aeroporti qarkulloi në rrjetet sociale, ku shiheshin avionë të parkuar në ujë, ndërsa në sfond shiheshin rrufetë.

Sipas faqes së internetit të Aeroportit të Frankfurtit, rreth 70 fluturime ishin anuluar si pasojë e motit të keq.

Për sa i përket ngritjeve dhe uljeve, Aeroporti i Frankfurtit mbyllet në orën 23:00 me kohë lokale (2100 UTC) por në rrethana të jashtëzakonshme si ajo e së mërkurës, kjo mund të zgjatet deri në mesnatë për të lehtësuar vonesat, anulimet dhe mbingarkesën ditën tjetër.

Midis orës 20.00 dhe 23:00 Sipas kohës lokale, zyra e motit kishte raportuar reshje deri në 60 litra për metër katror në disa pjesë të rajonit.