ATV

Author: G.O.

  • Këto janë pajisjet shtëpiake efiçiente që do të subvencionohen nga ME

    Këto janë pajisjet shtëpiake efiçiente që do të subvencionohen nga ME

    Sistemet diellore për ngrohjen e ujit, rrobalarëset, enëlarëset dhe frigoriferët, janë pajisjet shtëpiake efiçiente të radhës të cilat do të subvencionohen për të gjithë qytetarët nga Ministria e Ekonomisë. Megjithatë, lehtësira, do të ketë për familjet nën asistencë sociale dhe për prindërit vetushqyes.

    Kështu u tha në lansimin e “Thirrjes publike për mbështetjen e konsumatorëve familjarë në investimin në pajisje shtëpiake efiçiente dhe sistemin diellor për ngrohjen e ujit sanitar”.

    Kryeministri i Kosovës, Albin Kurti tha se fokusi i Qeverisë është edhe rritja e efiçencës së energjisë.

    “Fokusi ynë nuk është vetëm rritja e kapaciteteve prodhuese, ne paralelisht jemi duke bërë punë edhe në rritjen e efiçencës së energjisë. E Kjo nuk është veç ulje e konsumit, efiçrenca e energjisë përveç që ndikon në uljen e kostos financiare për familjet dhe ekonominë tonë, ajo gjithashtu ndikon në reduktimit e emetimit të gazrave dhe uljen e importit të energjisë elektrike, pra mjedisë më të shëndetshëm për të gjithë dhe kursim të buxhetit të shtetit që është i të gjithëve. Këtë qëllim e ndajmë me miqtë dhe partnerët tanë të cilët kanë ndarë 75 milionë euro për Republikën e Kosovës, në përballje me pasojat me pasojat e krizës energjetike evropiane. Kjo pako ka vlerën më të lartë për kokë banori në rajon”, tha ai.

    Kurti tha se një javë më parë është lansuar thirrja e dytë e Fondit të Kosovës për Efiçencë të Energjisë për subvencionimin e qytetarëve për investimin në efiçencë të energjisë, e që është ende e hapur dhe synon t’i mbështes rreth 2 mijë qytetarë.

    “Sot po lansojmë masën e tretë me radhë, subvencionimin e pajisjeve shtëpiake për familje me fokus në përkrahjen e qytetarëve në mbështetje të asistencës sociale dhe të prindërve vetushqyes. Këto masa vinë si vazhdimësi e punës që kemi bërë si qeveri për të rritur investimet në efiçencë të energjisë, krahas punës që kemi bërë për vendosje të objektivave ambicioze në strategjinë tonë të energjisë…kjo skemë që po lanësojmë sot e me ato që do të prezantojmë në javët në vijim, do të mbështesim edhe 20 mijë familje e do të rrisim edhe më tej efiçencën e energjisë në vendin tonë”, tha ai, duke shtuar se vitin e kaluar kanë mbështetur mbi 9 mijë familje për paisje të efiçencës së energjisë.

    Ministrja e Ekonomisë, Artane Rizvanolli tha se këtë vit ministria që drejton do të zbatojë programin e efiçencës i cili kap shifrën prej 15 milionë euro, përmes së cilës synohet të përfitojnë së paku 20 mijë qytetarë, derisa sa dha detaje edhe për dy thirrjet e para që lansuan sot.

    “Për pajisje shtëpiake, rrobalarëse, enëlarëse, frigorifer dhe sisteme diellore për ngrohjen e ujit. Ndërsa me të tjera do të vazhdojmë gjatë javëve në vijim…. sivjet për herë të parë në Kosovë, do të investohen rreth 30 milionë euro në investime në sektorin rezidencial, që është shuma më e madhe që është investuar ndonjëherë në këtë sektor“,tha ajo.

    Kurse, Alessandro Bianciardi nga zyra e BE-së në Kosovë, inkurajoi familjet e Kosovës që t’i adaptojnë masat kursyese, pasi benifitet janë të shumfishta.

    “BE mbetet e përkushtuar që ta mbështes Kosovën në rrugën për një energji të pastër, dekarbonizimin dhe një sigurime më të mirë me energji të ripërtrishme që janë esenciale për një zhvillim të qëndrueshëm“, tha ai.

    Përndryshe, në këtë konferencë u tha se ME do t’i mbështes familjet me pajisje ngrohëse efiçente, pajisjeve elektor shtëpiake me efiçente të lartë dhe instalimin e sistemeve të energjisë së ripërtrishem.

    Masa e pesetë do ta vazhdojmë me mbështetjen e ndërmarrjeve mikro të vogla dhe të mesme dhe përfshinë vlerën prej 5 milionë euro.

    Për rrobalarëse, ME do të subvencionojë gjithë qytetarët në vlerë prej 200 euro. Kurse, për prindërit vet ushqyes subvencionimi bëhet në vlerën 300 euro. Ndërsa, për familjet nën asistencë sociale subvencionimi bëhet deri në 400 euro. Kriter për aplikim që duhet të përmbushet për të gjitha pajisjet, është që konsumi mujor i energjisë elektrike të jetë 250 kilovat orë për 10 muajt e fundit.

    Për enëlarëse, ME për të gjithë qytetarët do të subvencionojë 150 euro. Për prindërit vetushqyes 250 euro dhe për familjet nën asistencë sociale 300 euro.

    Për frigorifer, ME do të subvencionojë është 100 euro për qytetarët, 150 për prindërit vetushqyes dhe 200 euro për familjet nën asistencë sociale.

    Për sistemin diellor, ME do të subvencionojë 40 % të vlerës së investimit, por jo më shumë se sa 1000 euro.

  • Tahiri: Sot do të duhej të kishim shkarkimin e ministres Hajdari

    Tahiri: Sot do të duhej të kishim shkarkimin e ministres Hajdari

    Shefi i Grupit Parlamentar të Aleancës për Ardhmërinë e Kosovës, Besnik Tahiri, ka reaguar pas arrestimeve në Ministrinë e Industrisë, Ndërmarrësisë dhe Tregtisë, nën dyshimin për keqpërdorim me rezerva shtetërore. Ai ka thënë se ministrja Rozeta Hajdari duhet të shkarkohet në mënyrë që të mundësohet një hetim i plotë.

    Tahiri ka shkruar se arrestimet e sotme janë rezultat i punës së mediave dhe Policisë së Kosovës.

    “Arrestimet e sotme vijnë si rezultat i punës së mediave dhe policisë së Kosovës. Andaj, në funksion të mundësimit të një hetimi të plotë dhe ku Qeveria nuk shihet si pengesë, po sot do të duhej të kishim shkarkim të ministres, Hajdari. Fundja, i gjithë ky rast i abuzimit me mjete shtetërore dhe me ligjin, asocohet me emrin dhe nënshkrimin e saj, përderisa sekseri për këtë skandal korruptiv u lidh drejtpërdrejt me emrin e kryeministrit Kurtit”, ka thënë Tahiri.

    Drejtori i Divizionit për Rezervat Shtetërore të Mallrave, Hafiz Gara, dhe drejtori i Departamentit për Integrim Evropian dhe Koordinim të Politikave, Irfan Lipovica, janë arrestuar gjatë një aksioni në Ministrinë e Industrisë, Ndërmarrësisë dhe Tregtisë.

    Policia e Kosovës ka arrestuar edhe Ridvan Muharremin në restorantin e tij “Bukë e Zemër”, pas bastisjes që ka filluar në mëngjes.

  • Jep dorëheqje shefi për emergjenca në Maui pas kritikave për menaxhim të zjarreve

    Jep dorëheqje shefi për emergjenca në Maui pas kritikave për menaxhim të zjarreve

    Shefi për menaxhim të emergjencave në Maui të Havait, Herman Andaya, ka thënë dorëheqje, një ditë pasi e ka mbrojtur dështimin e agjencisë për të aktivizuar sistemin e alarmit në javën fatale të zjarreve pyjore.

    Andaya, i cili nuk ka pasur përvojë paraprake në menaxhim të emergjencave, i ka përmendur “arsyet shëndetësore” si përgjigje për dorëheqje.

    Disa banorë të zonës kanë thënë për mediat se një përgjigje më e fuqishme e autoriteteve do të mund të shpëtonte më shumë jetë.

    Deri më tani, të paktën 111 persona janë shpallur të vdekur, dhe qindra tjerë janë të zhdukur.

    Sistemi i sofistikuar i Mauit, i cili përfshin 80 sirena në ishull, është testuar në ditën të parë të secilit muaj, por zhurma nuk është dëgjuar edhe në ditën e përhapjes së madhe të zjarreve.

    Të mërkurën, Andaya ka insistuar se nuk pendohet për vendimin.

    Ai ka thënë se është frikësuar se sirenat – që zakonisht dëgjohen kur paralajmërohet cunami – ndoshta do t’i shtynin njerëzit që të iknin në zona më thella, potencialisht më afër zjarreve.

    Presidenti amerikan, Joe Biden, ka thënë të enjten se Qeveria amerikane është e përkushtuar për të ofruar sa më shumë ndihma në Maui për rindërtim dhe rimëkëmbje të zonës.

  • Shirat e dendura shkaktojnë përmbytje në Gjermaninë jugore

    Shirat e dendura shkaktojnë përmbytje në Gjermaninë jugore

    Shirat e dendura në Gjermaninë jugore kanë shkaktuar përmbytje të mëdha në shtetin e Bavarisë.

    Reshjet intensive dhe erërat e forta në qytetin e Nurembergut dhe rajonin e tij përreth kanë shkaktuar dëme të konsiderueshme, duke përfshirë rrëzimin e pemëve dhe zhvendosjen e tjegullave të çative, sipas një deklarate nga Departamenti i Policisë Mittelfranken.

    Bodrumet, garazhet nëntokësore, rrugët dhe nënkalimet e shumta janë zhytur nga ujërat në rritje, shkruan AA, transmeton KosovaPress.

    Disa automjete kanë mbetur të bllokuara në nënkalimet e përmbytura, ndërsa shumë makina janë bllokuar në rrugët e përmbytura nga uji.

    Fotot e publikuara në mediat lokale shfaqin ekipet e shpëtimit që operojnë me varka të fryra për të ndihmuar në përpjekjet emergjente.

    Ndërprerje të mëdha të energjisë elektrike kanë ndodhur gjithashtu në pjesë të ndryshme të Nurembergut dhe janë zbatuar mbylljet e pjesshme të autostradës A73.

    Kompania gjermane hekurudhore Deutsche Bahn ka raportuar ndërprerje në shërbimet e trenave për shkak të kushteve të pafavorshme të motit, me trenat që nuk ndalojnë më në stacionet Ulm dhe Gunzburg.

  • “Ishalla more Zot vitin tjetër jo” shpërthejnë të qeshurat me lutjen e Shota Baraliut

    “Ishalla more Zot vitin tjetër jo” shpërthejnë të qeshurat me lutjen e Shota Baraliut

    Emisioni veror i ATV-së, “n’mal A n’det”, vazhdon të sjellë për shikuesit argëtim, intervista dhe eksplorim kulturor.

    Në edicionin e mbrëmshëm, mysafire në këtë emision ishte edhe artistja Shota Baraliu, e cila përveç angazhimeve të tashme, ajo tregoi edhe planet për të ardhmen, duke përmendur këtu edhe për pushimet që planifikon t’i bëjë gjatë këtij muaji, porse shtoi këtu edhe një lutje me të cilën shkaktoi të qeshura në studio.

    “Deri tash kom shku me shoqe, se kur je single s’ki me kon me shku përveç me shoqe, e në vitin tjetër s’i dihet, veç ishalla more Zot, me shoqe jo. Kam qenë në qershor për 5 ditë pushim dhe punë, mirëpo edhe tash planifikoj me shku në deti. Unë them se mali me jep më shumë qetësia ndërsa në deti kom qejf ma shumë veç me dalë ashtu por edhe fatkeqësia është se unë nuk guxoj as me notu, se kur kam qenë e vogël, kom ra në bunar edhe tash e kom fobi, sado që jom mundu me largu këtë fobi”, tha ajo./atvlive.tv/

    Për më shumë ndiqni videon e mëposhtme:

  • “Kur jom kon e vogël jom ra në bunar”, Shota Baraliu tregon ngjarjen që sot qesh me të

    “Kur jom kon e vogël jom ra në bunar”, Shota Baraliu tregon ngjarjen që sot qesh me të

    Emisioni veror i ATV-së, “n’mal A n’det”, vazhdon të sjellë për shikuesit argëtim, intervista dhe eksplorim kulturor.

    Në edicionin e mbrëmshëm, mysafire në këtë emision ishte edhe artistja Shota Baraliu, e cila përveç angazhimeve e planeve për të ardhmen, ajo tregoi edhe një ngjarje interesante nga fëmijëria e saj.

    “Kam qenë në qershor për 5 ditë pushim dhe punë, mirëpo edhe tash planifikoj me shku në deti. Unë them se mali me jep më shumë qetësia ndërsa në deti kom qejf ma shumë veç me dalë ashtu por edhe fatkeqësia është se unë nuk guxoj as me notu, se kur kam qenë e vogël, kom ra në bunar edhe tash e kom fobi, sado që jom mundu me largu këtë fobi”, tha ajo./atvlive.tv/

    Për më shumë ndiqni videon e mëposhtme:

  • Raportohet se Policia po kryen aksion në lokalin dhe shtëpinë e Ridvan Muharremit, i përfshirë në skandalin e vajit

    Raportohet se Policia po kryen aksion në lokalin dhe shtëpinë e Ridvan Muharremit, i përfshirë në skandalin e vajit

    Policia e Kosovës ka bastisur banesën që është në pronësi të Ridvan Muharremit, i njohur si “Ridi”, pronar i furrës të shndërruar në restorant “Bukë e Zemër”, raporton Ekonomia Online.

    Bastisja e policisë ka filluar në orën 06:00 të mëngjesit të së premtes.

    Kjo bastisje vjen pas publikimit të përgjimeve rreth aferës së vajit, ku dyshohet për keqpërdorimin e 300 mijë eurove.

    Pas banesës dhe restaurantit të Ridvan Muharremit, Policia ka kryer bastisje edhe në Ministrinë e Tregtisë dhe Industrisë.

  • Situata e sigurisë në Prishtinë, mbledhet Këshillin Komunal i Sigurisë në Bashkësi

    Situata e sigurisë në Prishtinë, mbledhet Këshillin Komunal i Sigurisë në Bashkësi

    Në sallën e Kuvendit Komunal të Prishtinës, sot do të mbahet mbledhja e jashtëzakonshme e Këshillit Komunal të Sigurisë në Bashkësi.

    Siç ka njoftuar komuna, jashtëzakonshmëria e kësaj mbledhjeje ka të bëjë me gjendjen e sigurisë në kryeqytet.

    “Më datë 18.08.2023 në ora 10:00 në objektin e vjetër të Kryeqytetit në Sallën e Kuvendit do të mbahet mbledhje e jashtëzakonshme e Këshillit Komunal të Sigurisë në Bashkësi. Duke u bazuar në Situatën e sigurisë në Kryeqytet dhe pas shumë takimeve nga Kryetari z. Përparim Rama me përgjegjësit e sigurisë në nivel lokal, mbledhja do ta ketë vetëm një pikë të rendit të ditës: Gjendja e Sigurisë në Kryeqytet”, thuhet në njoftim.

    Kujtojmë se pas të shtënave me armë zjarri në një lokal në Prishtinë më 4 gusht, një person mbeti i vrarë, ndërsa shumë të tjerë mbetën të lënduar.

  • William Walker: Vuçiqi do duhej të ishte në Hagë, jo Thaçi

    William Walker: Vuçiqi do duhej të ishte në Hagë, jo Thaçi

    Ish-shefi i Misionit Verifikues të OSBE-së në Kosovë, ambasadori  William Walker, masat ndëshkuese ndaj Kosovës po i cilëson si të padrejta.

    Madje, diplomatin amerikan është e pazakonshme që një vendi demokratik t’i vihen sanksione nga Bashkimi Evropian dhe Shtetet e Bashkuara të Amerikës.

    “Konsideroj që masat ndëshkuese apo sanksionet, sido që t’i quani ato, janë të padrejta ndaj Kosovës. Masa ndëshkuese u vihen atyre shteteve që i shkelin ligjet ndërkombëtare, siç është rasti me Rusinë. Nuk është normale që BE-ja dhe SHBA-të ta sanksionojnë një vend demokratik siç është Kosova. Kjo është me të vërtetë diçka e pazakonshme”, tha Walker.

    Walker shprehet pesimist për të ardhmen e procesit të dialogut mes Kosovës dhe Serbisë.

    Sipas tij, kjo e fundit nuk është akoma e gatshme të ndryshoj dhe ta njoh pavarësinë e Kosovës.

    “Për çfarë dialogu jemi duke folur? Krerët shtetërorë serbë e kanë bërë të qartë se nuk do ta njohin pavarësinë e Kosovës. Si mund të jesh optimist për të ardhmen e dialogut kur Serbia nuk është e gatshme të ndryshoj. Tani shikoni se çfarë qasje destruktive ka Serbia, ndërsa Perëndimi i bënë presionin vendit më demokratik në rajon”, u shpreh Walker.

    Diplomati amerikan në pension thotë se disa prej vendimmarrësve aktual në Uashington janë shumë të painformuar për historinë e Kosovës, dhe për këtë, ai shprehet shumë i shqetësuar.

    “Ka ndryshime të mëdha gjeopolitike dhe SHBA-të tani e shohin më ndryshe rajonin e Ballkanit Perëndimor. Mos harroni se kanë kaluar 23 vjet që nga përfundimi i luftës në Kosovë. Duhet ta dini që në vendimmarrjen amerikane nuk janë më personat e njëjtë dhe tani jam shumë i shqetësuar se sa të painformuar janë disa prej tyre për të kaluarën e Kosovës. Prandaj do t’u sugjeroja që të lexonin më shumë histori”, shtoi ai.

    Walker i ka disa fjalë edhe për presidentin aktual serb, Aleksandar Vuçiq.

    “Po ta kishim një situatë normale, sot në bankën e të akuzuarve në Hagë do duhej të ishte ish-ministri i propagandës në kohën e Millosheviqit, Aleksandar Vuçiq, e jo Hashim Thaçi, Rexhep Selimi, Jakup Krasniqi e Kadri Veseli. Të gjithë e dimë se çfarë roli ka pasur gjatë viteve të 90-ta Aleksandër Vuçiqi, dhe sot imagjinoni ai është President i Serbisë dhe për më tepër respektohet nga partnerët ndërkombëtar. Këtu e keni vetëm një shembull se sa shumë ka ndryshuar komuniteti ndërkombëtar në raport me Kosovën”, tha Walker.

    Ndryshe, emisari i SHBA-së për Ballkanin Perëndimor, Gabriel Escobar, ka mohuar të ketë qenë i ashpër me Kosovën dhe i butë me Serbinë.

  • Merdarë, pritje deri në katër orë për të dalë nga Kosova

    Merdarë, pritje deri në katër orë për të dalë nga Kosova

    Bashkatdhetarët po presin deri në katër orë në pikë kalimin në Merdarë për të dalë nga Kosova, duke bërë që kolona të jetë deri në 1 mijë e 500 metra. Ndërsa për të hyrë pritjet janë vetëm 3 deri 5 minuta.

    Ndërsa për të hyrë, pritjet janë vetëm 3 deri në 5 minuta.

    Sipas Qendrës Kombëtare të Menaxhimit kufitar, kolona ka edhe tek Dheu i Bardhë ku pritjet janë deri gati dy orë.

    Ndërsa në Muçibabë qytetarët po presin deri në 40 minuta.