ATV

Author: G.O.

  • ​Dëshmitarja në gjykimin kundër Thaçit dhe të tjerëve, thotë se që nga koha e luftës nuk e pa më bashkëshortin dhe djalin

    ​Dëshmitarja në gjykimin kundër Thaçit dhe të tjerëve, thotë se që nga koha e luftës nuk e pa më bashkëshortin dhe djalin

    Në Gjykatën Speciale në Hagë po vazhdon intervistimi i dëshmitarit të shtatëmbëdhjetë i Zyrës së Prokurorit të Specializuar. Ajo është Dragica Bozhaniq dhe po dëshmon pa masa mbrojtëse në seancë publike.

    Trupi gjykues ka bërë të ditur se synojnë që dëshmia e saj të përfundojë sot.

    Dragica Bozhariq është dëshmitarja e radhës në rastin e krerëve të UÇK-së. Prokurori e ka paraqitur një përmbledhje të dëshmisë së dëshmitares, ku pjesëtarë të UÇK-së, sipas dëshmitares, i kishin marrë burrat duke i ndaluar.

    Dëshmitarja kushëririn dhe djalin i kishte pasur pjesë të Ushtrisë së Serbisë.

    Ajo pretendon se që nga koha e luftës nuk i kishte parë më bashkëshortin dhe djalin.

    Përmbledhja e prokurorit:

    Në korrik 1998 Dragica Bozhariq jetonte në komunën e Rahovecit me familje. Gjatë natës duke u gdhirë 18 korriku i 1998, dëshmitarja anëtarët e familjes dhe anëtarë të tjerë serbë u sulmuan nga UÇK-ja në banesat e tyre. Në mëngjesin e 18 korrikut 1998, serbët u dorëzuan. Dhe i dërguan me veturë në një fshat afër. Aty UÇK-ja i ndau burrat nga gratë, te burrat ishin djali dhe bashkëshorti i dëshmitares. Gratë qëndruan në të njëjtën banesë. Ajo dëgjonte që burrat serbë i rrihnin. Dëshmitarët e morën në pyetje për kushëririn dhe djalin që kishin shërbyer në ushtrinë serbe.

    Me atë rast, kur e pa bashkëshortin e pa se edhe ai kishte mavijosje në fytyrë. Të gjitha gratë serbe në të njëjtën ditë, u dërguan për në Zoqishtë ku dëshmitarja ua dha letrën që ia kishte dhënë bashkëshorti. Ata i mbajtën të ndaluar burrat serbë. Gratë i dërguan në Manastir ku qëndruan për dy ditë. Më pas UÇK-ja i zhvendosi civilët në Semetishtë dhe i mbajti të ndaluar për një natë në shkollën e fshatit. Disa prej serbëve u morën në pyetje. Dëshmitarja dhe të ndaluarit e tjerë më pas u liruan nga Kryqi i Kuq.Dëshmitarja nuk e pa më kurrë bashkëshortin dhe djalin.

    Këtë dëshmi, Hashim Thaçi dhe Jakup Krasniqi po e përcjellin përmes video lidhjes nga qendra e paraburgimit, ndërsa Kadri Veseli dhe Rexhep Selimi janë të pranishëm në sallën e gjyqit.

    Në këtë proces gjyqësor deri tani janë dëgjuar gjashtëmbëdhjetë dëshmitarë të ZPS-së, vetëm dy prej tyre pa masa mbrojtëse dhe në seanca të hapura për publikun.

    Gjykimi ndaj Thaçit dhe të tjerëve ka nisur me 3 prill me deklaratat hyrëse ku të gjithë janë deklaruar të pafajshëm për akuzat për krime të pretenduara të luftës.

    Ndërsa ndodhen në qendrën e paraburgimit në Hagë prej nëntorit të vitit 2020.

  • “Gruja duhet me dit me gatu e me qit flija”, mërgimtari ka këtë kriter për nuse të Kosovës

    “Gruja duhet me dit me gatu e me qit flija”, mërgimtari ka këtë kriter për nuse të Kosovës

    Emisioni veror i ATV-së, “n’mal A n’det”, po vazhdon të sjellë për shikuesit argëtim, intervista dhe eksplorim kulturor.

    Një prej rubrikave që u kushtohet mërgimtarëve është rubrika “A më mirë këtu a atje”.

    Kësaj radhe gazetarja e ATV-së i pyeti qytetarët në Prizren se ” A ju pëlqen jeta në mërgim apo në Kosovë”, derisa përgjigjet ishin nga më të ndryshmet.

    Një mërgimtar, i cili jeton në Cyrih të Zvicrës tha se ndihet më mirë kur vjen në Kosovë, derisa nuk la anash pa përmendur se në të ardhmen planifikon të kthehet në Kosovë.

    “Kam qejf me u kthye në Kosovë dikur, se ma mirë k’tu, por edhe me u martu me një nuse nga Kosova, gruaja duhet me dit me gatu e me qit flija” tha ai./atvlive.tv/

    Për më shumë ndiqni videon e mëposhtme:

  • 33 aktakuza kundër 49 personave, për kryerjen e veprave të ndryshme penale

    33 aktakuza kundër 49 personave, për kryerjen e veprave të ndryshme penale

    Prokurori i Shtetit ju njofton se gjatë 24 orëve të fundit janë ngritur 33 aktakuza kundër 49 personave, për kryerjen e veprave të ndryshme penale.

    Po ashtu, me urdhër të Prokurorit të Shtetit janë ndaluar 17 persona dhe janë paraqitur 12 kërkesa për caktimin e masës së paraburgimit ndaj 12 personave dhe një kërkesë për caktimin e masës së ndalimit për t’iu ofruar personit apo vendit të caktuar ndaj një personi.

    Prokuroria Speciale e Republikës së Kosovës (PSRK), ka ngritur një (1) aktakuzë kundër katër (4) të pandehurve.

    Prokuroria Themelore në Prishtinë, gjatë 24 orëve të fundit, me urdhër të prokurorit ka ndaluar katër (4) persona, ka paraqitur gjashtë (6) kërkesa për caktimin e masës së paraburgimit ndaj gjashtë (6) personave, një (1) kërkesë për caktimin e masës së ndalimit për t’iu ofruar personit apo vendit të caktuar ndaj një (1) personi, si dhe ka ngritur katërmbëdhjetë (14) aktakuza kundër gjashtëmbëdhjetë (16) personave për vepra të ndryshme penale.

    Prokuroria Themelore në Prizren, gjatë 24 orëve të fundit, me urdhër të prokurorit ka ndaluar tre (3) persona të dyshuar, si dhe pranë gjykatës kompetente ka parashtruar dy (2) kërkesa për caktim të paraburgimit dy (2) personave. Ndërsa, nga kjo prokurori janë ngritur dhjetë (10) aktakuza kundër nëntëmbëdhjetë (19) personave, për vepra të ndryshme penale.

    Prokuroria Themelore në Pejë, me urdhër të prokurorit ka ndaluar një (1) person dhe ka parashtruar një (1) kërkesë për caktimin e masës së paraburgimit kundër një (1) personi.

    Prokuroria Themelore në Gjilan, me urdhër të prokurorit ka ndaluar një (1) person në kohëzgjatje prej 48 orëve, ka parashtruar një (1) kërkesë për caktimin e masës së paraburgimit kundër një (1) personi dhe ka ngritur një (1) aktakuzë kundër një (1) personi.

    Prokuroria Themelore në Gjakovë, gjatë 24 orëve të fundit, me urdhër të prokurorit kujdestar, ka ndaluar dy (2) persona në kohëzgjatje prej 48 orësh.

    Prokuroria Themelore në Mitrovicë, ka ndaluar katër (4) persona, ka bërë një (1) kërkesë për caktimin e paraburgimit për një (1) person, si dhe ka ngritur pesë (5) aktakuza kundër pesë (5) personave.

    Prokuroria Themelore në Ferizaj, gjatë 24 orëve të fundit, ka ndaluar dy (2) persona të dyshuar, ka parashtruar një (1) kërkesë për caktimin e masës së paraburgimit kundër një (1) personi, si dhe ka ngritur dy (2) aktakuza kundër katër (4) personave, për vepra të ndryshme penale.

  • Arrestohet 18-vjeçari në Kaçanik, dyshohet se ekspozoi armën në “Snapchat”

    Arrestohet 18-vjeçari në Kaçanik, dyshohet se ekspozoi armën në “Snapchat”

    Policia e Kosovës (PK) njofton se është arrestuar V.Sh (18-vjeçar) në Kaçanik, pasi dyshohet se e postoi armën e zjarrit në rrjetin social Snapchat.

    Në njoftimin e Policisë, thuhet se të mërkurën, Sektori Rajonal i Hetimeve, kishte pranuar informacionin për rastin në fjalë.

    “Hetuesit rajonal në bashkëpunim me policët hetues të stacionit në Kaçanik i kanë marrë veprimet e menjëhershme dhe nën autorizim të prokurorit kujdestar nga Prokuroria Themelore në Ferizaj i kanë nisur hetimet, ndërsa kanë arritur që të identifikojnë personin e dyshuar V.SH (M/K) i moshës 18 vjeçar, i cili është shoqëruar në stacionin e policisë në Kaçanik dhe pas intervistimit nga policët hetues, me vendim të prokurorit është liruar për procedurë të rregullt të mëtejme hetimore, ndërsa arma ( pistoletë) është konfiskuar”, thuhet në njoftim.

    Bëhet e ditur se rasti është cilësuar si “Armëmbajtje pa leje”.

  • Vetëplagoset një person në Suharekë

    Vetëplagoset një person në Suharekë

    Është vetëplagosur me armë zjarri mbrëmë një burrë në Suharekë.

    Për rastin kanë dhënë detaje nga policia e Kosovës.

    “Suharekë 16.08.2023-23:30. Është raportuar se viktima mashkull kosovar është duke u trajtuar në spitalin e Prizrenit, pasi që i njëjti dyshohet se derisa ka qenë duke manovruar me pistoletë është vet-plagosur”, thuhet në njoftimin e Policisë.

    Tutje, Policia njoftoi se në vendngjarje kanë dalë njësitë përkatëse policore me ç’rast janë gjetur dhe konfiskuar një pistoletë dhe një predhë, ndërsa rasti po vazhdon të hetohet.

  • Merdarë, pritjet e bashkatdhetarëve për të dalë nga Kosova deri në pesë orë

    Merdarë, pritjet e bashkatdhetarëve për të dalë nga Kosova deri në pesë orë

    Bashkatdhetarët po presin deri në pesë orë në pikë kalimin në Merdarë për të dalë nga Kosova, duke bërë që kolona të jetë deri në 2 mijë e 400 metra. Ndërsa për të hyrë pritjet janë vetëm 3 deri 5 minuta.

    Ndërsa për të hyrë, pritjet janë vetëm 3 deri në 5 minuta.

    Sipas Qendrës Kombëtare të Menaxhimit kufitar, kolona ka edhe në pikat kufitare Mutivodë, Dheu i Bardhë dhe Muçibabë.

    Në Mutivodë pritjet për të dalë nga Kosova janë deri në një orë, ndërsa kolona arrin deri në 150 metra.

    Tek Dheu i Bardhë bashkatdhetarët po presin deri në 50 minuta, derisa në Muçibabë raportohet për pritje deri në 25 minuta.

  • Varianti i ri i COVID-19, shkencëtarët bëjnë thirrje që të vendosën përsëri maskat

    Varianti i ri i COVID-19, shkencëtarët bëjnë thirrje që të vendosën përsëri maskat

    Shkencëtarët u kanë bërë thirrje njerëzve në Mbretërinë e Bashkuar që të mbajnë përsëri maska pas një “mutacioni” të ri shqetësues të variantit të COVID-19.

    Ata shprehën shqetësimin për një nënvariant të Omicron, “Eris”, i cili tani përbën një në 10 raste në MB.

    Numri i njerëzve të diagnostikuar me virus mbërriti nga rreth 3.3 për 100,000 në 7.2 në më pak se një muaj, raportoi Mirror të mërkurën, shkruan AA.

    Një variant i ri i referuar si “BA.6” gjithashtu ka shkaktuar shqetësim, megjithëse për momentin është paraqitur vetëm në Danimarkë dhe Izrael, transmeton KosovaPress.

    Trisha Greenhalgh, një eksperte e kujdesit parësor shëndetësor në Universitetin e Oksfordit, u bëri thirrje njerëzve që të mbajnë maska përsëri.

    Prof. Christina Pagel nga Kolegji Universitar i Londrës tha gjithashtu se varianti i ri ka potencialin të shkaktoj “një valë të madhe”.

    Varianti ka një “SHUME mutacione të reja që e bëjnë atë (shumë) të ndryshëm nga llojet e mëparshme të Omicron,” tha ajo në X.

    Për më tepër, në një opinion të botuar këtë javë në British Medical Journal, Pagel tha “është mjaft e sigurt që ne kemi hyrë në një valë tjetër COVID-19”.

  • Një grua gjendet e vdekur në Lipjan, Policia fillon hetimet

    Një grua gjendet e vdekur në Lipjan, Policia fillon hetimet

    Një grua është gjetur pa shenja jete në Lipjan, njoftoi Policia e Kosovës.

    “Lipjan 16.08.2023 – 07:22. Është raportuar se viktima femër kosovare ishte gjetur pa shenja jete”, thuhet në raportin 24-orësh të Policisë.

    Sipas raportit të Policisë thuhet se në vendin e ngjarjes kanë dalë njësitë relevante të Policisë dhe ekipi mjekësor, me ç’rast edhe është konstatuar vdekja e viktimës.

    Tutje, Policia njoftoi se trupi i pajetë është dërguar në Institutin e Mjekësisë Ligjore, për obduksion, ndërsa rasti po vazhdon të hetohet.

     

     

  • Rriten çmimet – qytetarët ankohen, shitësit e prodhuesit ai hedhin fajin njëri-tjetrit

    Rriten çmimet – qytetarët ankohen, shitësit e prodhuesit ai hedhin fajin njëri-tjetrit

    Çmimet e pemëve dhe perimeve në tregun e kryeqytetit janë shtrenjtuar ditëve të fundit. Për këtë po ankohen qytetarët, përderisa shitësit e prodhuesit ai hedhin fajin njëri-tjetrit, raporton Ekonomia Online.

    Brahim Xhemajli, qytetarë nga Prishtina që kishte dal në treg të funrizohen, u ankua se çdo gjë ka pësuar ngritje në çmim, si dhe se sipas tij, është e vështirë të mbijetohet kur as rrogat e as pensionet nuk janë rritur.

    “Të gjitha çmimet në krahasim me vitet e kaluara janë rritur, çdo gjë, të gjitha çmimet janë rritur, të gjitha gjërat ushqimore, gjithkund”.

    “Rrogat nuk janë rritur, pensionet nuk janë rritur. Është vështirë të mbijetohet me këto pensione. Si nuk janë shtrenjtë? Një kilogram spinaq është bërë pesë euro, gjashtë euro. Shumë shtrenjtë”, u shpreh Xhemajli.

    Shitësi, Beqir Avdiu, duke pranuar se rritje e çmimeve ka ndodhur, fajin për këtë ia la rritjes së çmimeve në përgjithësi, ndonëse theksoi se prodhuesit kanë ngritur çmimet.

    Ai tha se çmimi për prodhim është rritur gjithashtu duke përmendur këtu koston e shpenzimeve për prodhim të produkteve që ai shet në treg.

    “Çmimet pak janë rritur, duke marrë shembull vitin e kaluar, kanë qenë pak më lirë, por jashtë shtrenjtuar të gjitha gjërat dhe prodhuesit i kanë çmimet e larta pasi i kanë prodhuar vetë. Është shtrenjtuar nafta, është shtrenjtuar punëtori, janë shtrenjtuar të gjitha, janë shtrenjtuar farat, dhe kanë arsye që t’i shtrenjtojnë edhe ata”.

    “Për këto arsye janë më të shtrenjta. Klientët pak po ankohen sepse janë pak më shtrenjtë, por s’kanë faj edhe prodhuesit sepse ka punë të prodhohet një spec, një domate”, tha Avdiu

    Prodhuesi Idriz Hajdari shkak për rritjen e çmimeve i bëri të reshurat, duke thënë se pas dëmtimit të produkteve, prodhuesve u është dashur t’i mbjellin për së dyti duke pësuar kështu shumë humbje.

    Ai shtoi se çmimet mund të jenë pak më shtrenjtë, por se kjo sipas tij, nuk duhet të përbëjë shqetësim kaq të madh, raporton EO.

    “Çmimet janë rritur shkaku që ka pasur shira shumë dhe prodhuesit e kanë humbur komplet një verë, kanë mbjella për herë të dytë prodhimet e tyre, nuk ka qenë lehtë që të mbajnë dhe procesi ka shkuar shumë mbrapa”.

    “Është dashur përshembull të merren pesë mijë, dy mijë ose 10 mijë euro, nuk kanë mundur t’i marrin, e kanë mbjella tokën për së dyti, e akoma nuk i kanë dal produktet në shitje. Është mungesë dhe nuk ka mall sa duhet. Mund të jenë pak më shtrenjtë, por nuk duhet bërë tragjike sipas mendimit tim”, u shpreh Hajdari.

  • Afër 38 për qind të rinjve kosovarë e presin liberalizimin për t’u larguar nga Kosova

    Afër 38 për qind të rinjve kosovarë e presin liberalizimin për t’u larguar nga Kosova

    Një studim i kohëve të fundit nga SchengenVisaInfo.com zbulon se 62.3 për qind e të anketuarve, të cilët janë kryesisht nga mosha 25 deri në 34 vjeç, thanë se nuk po mendojnë të transferohen në BE, krahasuar me 37.7 për qind që zbuluan planet e tyre, për t’u larguar një ditë nga Kosova.

    Gjetjet e sondazhit tregojnë se dëshira për të kaluar në BE është shumë e fortë në mesin e atyre që nuk e kishin vizituar bllokun më parë, ndërsa të gjithë të anketuarit që kanë vizituar BE-në pohuan se nuk mendojnë të lëvizin atje së shpejti, transmeton RTK.

    Në mënyrë të detajuar, 50.9 për qind e të anketuarve kanë përvojë udhëtimi në BE, ndërsa për të tjerët, kjo do të ishte hera e parë.

    Në mesin e të anketuarve që kanë konfirmuar lëvizjen e tyre në BE, shumica kanë të ardhura mujore ndërmjet 500 dollarë dhe 1,000 dollarë, me 15 për qind të të gjithë të anketuarve që bëjnë shumë para në një muaj.

    Për më tepër, përqindja e të anketuarve që planifikojnë të largohen nga Kosova pas liberalizimit të vizave dhe që gjenerojnë më pak se 300 euro në muaj, si dhe të atyre që arrijnë nga 300 deri në 500 euro në muaj, është 18.4 për qind, që tregon se niveli më i ulët sa të ardhura mujore janë, aq më i lartë është numri i personave që duan të largohen.

    Ky pretendim mbështetet më tej, pasi vetëm 2.6 për qind e të gjithë të anketuarve kanë plane të udhëtojnë në BE dhe të fitojnë rreth 1000 euro në muaj, që konsiderohet mbi pagën mesatare në Kosovë.

    Shumica e të anketuarve ishin gra (61.4 për qind), dhe statusi i tyre i profesionit ishte kryesisht i punësuar, siç pohonin 88.5 për qind, ndërsa 59.6 për qind e të anketuarve kishin arsim të lartë ose më të lartë.

    Për më tepër, profesioni më i zakonshëm është TI, Teknologjia dhe Mediat e Komunikimit, me 46.5 për qind të të anketuarve që kanë një profesion të tillë.