Author: G.O.

Ish-kryetarja e Komisionit Qendror të Zgjedhjeve, Valdete Daka deklaron se zgjedhjet në veri të vendit mund të mbahen vetëm pas dorëheqjeve të kryetarëve aktual. Kjo çështje, sipas saj, mund të zgjidhet vetëm me një marrëveshje politike, por jo edhe me udhëzimin administrativ për largimin e kryetarëve nga funksioni i tyre. Për këtë dokument, Daka në intervistën për KosovaPress, shprehet se nuk është kushtetues dhe që KQZ, nuk mund të organizojë diçka që nuk ka mandat.

Udhëzimi administrativ që iu mundëson qytetarëve të veriut shkarkimin e kryetarëve përmes një peticioni, u hartua nga qeveria për shtensionimin e plot të situatës në veri të Kosovës.

Ish-kryetarja e KQZ-së, konsideron se ky dokument nuk do të ofrojë zgjidhje.

“Unë konsideroj që meqenëse tanimë i kemi katër kryetarë në katër komunat veriore, të cilët janë të zgjedhur në mënyrë të ligjshme, zgjedhjet mund të mbahen vetëm në qoftë se ata japin dorëheqje, apo bëhen ato procedurat ashtu siç është menduar me një peticion nga ana e qytetarëve, ku unë mendoj se ai udhëzim administrativ, megjithatë, nuk është kushtetues, sepse prek disa çështje të cilat janë adresuar në këtë udhëzim dhe të cilat prekin edhe në të drejtat e njeriut dhe ajo është fakti që këta kryetarë të cilët janë të zgjedhur në mënyrë të ligjshme, nuk mund të detyrohen që të japin dorëheqje apo kjo dorëheqje duhet të bëhet për arsye të caktuara dhe me vullnetin e tyre. Vetëm atëherë ato dorëheqje mund të konsiderohen ligjore dhe mund të prodhojnë pastaj zgjedhje të reja në ato komuna”, deklaron Daka për KosovaPress.

Daka konsideron se Komisioni Qendror i Zgjedhjeve nuk mund të organizojë referendum, meqë nuk është në mandatin e saj.

“Ky udhëzim administrativ së pari i referohet referendumit, i cili duhet të organizohet nga KQZ-ja. KQZ nuk e ka atë mandat për momentin, sepse një ligj për referendumin nuk ekziston. Dhe meqenëse KQZ është institucion kushtetues, kjo do të thotë që KQZ organizon diçka që nuk e ka mandat. Pra, është çështje ligjore dhe si e tillë do të rezultonte me shkelje, aq më tepër që zgjedhjet mund t’i shpall vetëm presidenti i shtetit, apo presidentja, dhe nuk mundet KQZ të organizojë zgjedhje pa pasur një dekret të nënshkruar nga presidentja e Kosovës”, shprehet Daka.

Megjithatë, ajo konsideron se duhet të ekzistojë një marrëveshje politike, meqë më shumë është çështje e tillë.

“Gjithsesi marrëveshja politike, e cila duhet të ekzistojë për atë pjesë të Kosovës është ajo e cila mund të çojë në zgjedhje tjera, të cilat zgjedhje me siguri që do të përfshinin edhe pjesëtarët e qytetarëve të kombësisë serbe apo jo-shumicë të cilët jetojnë në atë pjesë. Dhe të cilët pastaj do të marrin pjesë dhe do të votojnë për ata të cilët mendojnë se duhet të zgjedhën. Pra, gjithsesi kjo çështje nuk është çështje ligjore, por është çështje me tepër politike e cila edhe mund të zgjidhet në mënyrë politike dhe me marrëveshje politike”, shton Daka.

Serbët e veriut kishin bojkotuar zgjedhjet e 23 prillit dhe më pas kanë kundërshtuar edhe kryetarët e zgjedhur në katër komuna.

Më pas, Kosova kishte arritur marrëveshje me Bashkimin Evropian për ulje të tensioneve dhe në është ishte përfshirë edhe mbajtja e zgjedhjeve të reja në veri.

Një shtetase e huaj ka raportuar se derisa ka qenë në shtëpinë e saj, kanë hyrë disa persona të panjohur dhe nën kërcënimin e armës i kanë grabitur një shumë parash në vlerë të konsiderueshme dhe janë larguar në drejtim të panjohur.

Sipas Policisë, rasti ka ndodhur dje dhe vazhdon të hetohet.

Dritan Rexhepi, kreu i kartelit të drogës ‘Kompanio Bello’, i cili kërkohej, u kap në një bastisje droge në Stamboll, tha të premten ministri i brendshëm turk.

Rexhepi po kërkohej nga autoritetet në Itali dhe Shqipëri për akuza që përfshijnë “vrasje me qëllim, trafik droge, rrëmbim, heqje lirie, falsifikim dokumentesh udhëtimi, dhe sigurim (të paligjshëm) të armëve dhe municioneve”, shkroi Ali Yerlikaya në X.

Rexhepi ishte vënë nën mbikëqyrje ndërkombëtare nga forcat e sigurisë dhe hyri në Turqi përmes aeroportit të Stambollit me një pasaportë kolumbiane me pseudonimin Benjamin Omar Perez Garcia.

Kreu i kartelit u gjet falë ndarjes së informacionit me policinë italiane dhe më pas u kap gjatë një operacioni në lagjen Beylikduzu të Stambollit.

Rrjeti ‘Kompanio Bello’ njihet si një rrjet i madh në kontrabandën e drogës nga Amerika e Jugut në Evropë.

Që nga marrja e detyrës këtë qershor, Yerlikaya ka theksuar përpjekjet më të forta për të luftuar krimin e organizuar në Turqi./AA

Erërat e forta të së dielës kishin hequr një pjesën më të madhe të kulmit të Shkollës Fillore “Shaban Idrizi”, në Zhabar të Mitrovicës, megjithatë pas një pune me dinamikë të madhe, nxënësit do të kthehen në shkollë të hënën, me datë 13 nëntor.

Sot është dita e pesë që nxënësit e kësaj shkolle nuk zhvilluan mësimin për shkak të këtij dëmi.

Drejtoresha e arsimit në Komunën e Mitrovicës, ka njoftuar se për sanimin e dëmeve, po punohet me dinamikë të madhe.

“Sipas planit nxënësit do të kthehen në shkollë të hënën, me datë 13 nëntor”, ka shkruar ajo në Facebook.

Sekretari i Përgjithshëm i NATO-s, Jens Stoltenberg nuk sheh problem për aleancën, në rastet kur presidenti turk, Recep Tayyip Erdogan shpreh mbështetje për grupin palestinez Hamas, – i shpallur organizatë terroriste nga SHBA-ja dhe BE-ja – i cili aktualisht është në luftë me Izraelin.

“Nuk është asnjëherë e lehtë kur kemi pikëpamje të ndryshme brenda aleancës”, ka thënë Stoltenberg, në një intervistë për agjencinë e lajmeve dpa.

Shefi i aleancës ka thënë se, megjithatë, “kjo nuk ndikon në ndonjë mënyrë në atë që bëjmë, sepse ne nuk jemi duke luajtur rol në atë konflikt specifik”.

Pas sulmeve brutale të Hamasit në komunitetet izraelite më 7 tetor, në të cilat janë vrarë mbi 1.400 njerëz, Erdogani e ka përshkruar Hamasin si “grup çlirimtar”.

Si rezultat i luftës në Gazë, Erdogan i ka shkëputur kontaktet me kryeministrin e Izraelit, Benjamin Netanyahu.

“Netanyahu nuk është më bashkëbisedues për ne në asnjë mënyrë. Ne e kemi fshirë atë, e kemi kryqëzuar”, ka thënë Erdogan.

Presidenti turk e ka përshkruar me raste Izraelin si “shtet terrorist” për shkak të trajtimit të palestinezëve dhe vazhdimisht e ka prezantuar veten si kampion të kauzës palestineze.

Deri më tani, liderët tjerë të NATO-s nuk janë dëgjuar duke e kritikuar Erdoganin.

Stoltenberg i ka hedhur poshtë spekulimet se heshtja e anëtarëve të NATO-s mund të lidhet me mbajtjen peng të anëtarësimit të Suedisë në aleancë, nga ana e Turqisë.

“Këto janë dy çështje të ndara”, ka thënë ai.

Turqia dhe Hungaria janë dy vendet e vetme që ende nuk e kanë ratifikuar marrëveshjen për anëtarësim të Suedisë në NATO.

Turqia ankohet se Suedia nuk ka bërë mjaftueshëm për luftim të atyre që i quan militantë kurdë, një organizatë të të cilëve Ankaraja e konsideron terroriste./REL/

Qeveria e Kosovës ka mbajtur takim konsultativ të nivelit të lartë “Angazhimi i Kosovës drejt integrimit evropian nga perspektiva gjinore”.

Zëvendëskryeministri i parë për Integrim Evropian, Zhvillim dhe Dialog të Republikës së Kosovës, Besnik Bislimi, tha se trajtimi i drejtë i perspektivës gjinore është parakusht për integrimin të suksesshëm evropian, raporton RTKlive.

“Perspektiva gjinore nuk është trajtuar sa duhet e rrjedhimisht shihet si problem dhe kemi nevojë për të adresuar perspektivën gjinore në rrugëtimin tonë drejtë Bashkimit Evropian”, tha ai.

Sipas tij, kemi problem në barazinë gjinore dhe për këtë duhet të ketë vetëdijësim për këtë./rtk

Ministri izraelit për Komunikime, Shlomo Karhi, i ka akuzuar katër gazetarë me bazë në Gazë, që kanë punuar me mediat perëndimore, se kanë pasur informacione për sulmin e Hamasit në Izrael.

Karhi u ka thënë mediave si Reuters, AP, CNN dhe New York Times se “individë brenda organizatave tuaja kanë pasur njohuri paraprake për këto veprime të tmerrshme”.

Reuters, AP, CNN dhe New York Times e kanë mohuar një pretendim të tillë.

New York Times ka thënë se “akuza të tilla të pabaza” i rrezikojnë bashkëpunëtorët e jashtëm.

Hamasi ka nisur sulme shkatërruese dhe të pashembullta në jug të Izraelit më 7 tetor, duke i vrarë më shumë se 1.400 civilë dhe ushtarë izraelitë, dhe i ka kidnapuar më shumë se 240 persona tjerë.

Në imazhet e shkrepura prej fotografëve janë parë: një tank i djegur izraelit, palestinezët duke e thyer barrierën në komunitetin Kfar Aza dhe skena tjera të sulmit.

Karhi ka thënë se sulmet kanë ndodhur në vendin ku kanë qenë prezentë gazetarët “teksa i kanë dokumentuar këto tmerre, dhe kështu janë bërë pjesëmarrës në këto ngjarje të tmerrshme”.

Ministri izraelit i ka bërë këto deklarata pas sugjerimeve të faqes pro-Izraelit Honest Reporting, se prezenca e gazetarëve mund të ketë qenë “pjesë e planit”.

Mirëpo katër agjencitë e akuzuara kanë lëshuar deklarata duke thënë se nuk kanë pasur marrëveshje paraprake me asnjërin prej gazetarëve për të dërguar fotografi.

“Asnjë pjesëtar i stafit të AP-së nuk ka qenë në kufi në kohën e sulmeve dhe asnjë pjesëtar i stafit të AP-së nuk e ka kaluar kufirin në atë kohë”, është thënë në deklaratën e agjencisë.

“Kur pranojmë fotografi prej bashkëpunëtorëve të jashtëm, ne marrin shumë hapa për ta verifikuar vërtetësinë”.

Agjencia ka thënë se nuk është duke punuar më me njërin prej gazetarëve, Hassan Eslaiah, i cili është parë në një fotografi me liderin e Gazës, pjesëtarin e Hamasit, Yahya Sinwar.

Edhe CNN ka thënë se i ka pezulluar të gjitha kontaktet me një tjetër bashkëpunëtor të jashtëm.

New York Times e ka mbrojtur punën e disa bashkëpunëtorëve të saj për mbulim të luftës, dhe akuzat i ka cilësuar si të pavërteta.

Edhe Reuters e ka mohuar të ketë pasur dijeni paraprakisht për planet.

Komiteti për Mbrojtje të Gazetarëve ka thënë se të paktën 39 gazetarë dhe punëtorë mediash janë vrarë prej nisjes së luftës, përfshirë 34 palestinezë, katër izraelitë dhe një libanez./REL/

Kryeministri izraelit, Benjamin Netanyahu ka dhënë një intervistë tjetër për median amerikane, në të cilën ka hedhur poshtë pretendimet e Shtëpisë së Bardhë se Izraeli do të pauzonte katër orë në ditë luftën.

Ka pasuar shumë konfuzion natën e kaluar pas raportimeve të ndryshme të zyrtarëve amerikanë dhe izraelitë rreth asaj se a do të ketë pauza disa orëshe të luftës së Izraelit kundër Hamasit në Gaza.

Kur u pyet nga Fox News në lidhje me këtë çështje, lideri izraelit ka sqaruar se “jo, lufta vazhdon kundër armikut Hamas… por në vende të caktuara për një periudhë të caktuar – disa orë këtu, disa orë atje – ne dëshirojmë të lehtësojmë një kalim të sigurt të qytetarëve larg zonës së luftës”.

Ai nuk e tha në mënyrë eksplicite, por ka të ngjarë t’i referohej rrugës Salah al Din, të cilën Izraeli e ka hapur si një “korridor humanitar” disa herë gjatë kësaj jave, për të lejuar qytetarët e Gazës të largohen nga jugu.

Netanyahu tha gjithashtu se nuk kishte një plan kohor për luftën, por se ajo do të përfundonte pasi të mposhtet Hamasi.

Kryeministri e bëri të qartë se megjithëse Izraeli nuk kishte ndërmend të pushtonte apo qeveriste Gazën, ai parashikonte një territor të riformuar rrënjësisht dhe një rajon më të gjerë.

“Ne nuk duam të kërkojmë të qeverisim Gazën, nuk kërkojmë të pushtojmë, por kërkojmë t’i japim asaj dhe neve një të ardhme më të mirë në të gjithë Lindjen e Mesme”, tha ai.