ATV

Author: G.O.

  • Nga një muaj paraburgim ndaj pesë të dyshuarve se vodhën dy herë në një market mbi 30 mijë euro

    Nga një muaj paraburgim ndaj pesë të dyshuarve se vodhën dy herë në një market mbi 30 mijë euro

    Gjykata Themelore në Gjilan ua ka caktuar masën e paraburgimit në kohëzgjatje prej 30 ditësh (secilit veç e veç), pesë të dyshuarve M. B., G. S., A. M., M. M. dhe Z. M., për “Vjedhje të rëndë” dhe “Grabitje”.

    Lajmi u bë i ditur përmes një komunikate për medie nga kjo Gjykatë, raporton “Betimi për Drejtësi”.

    Ata dyshohen se kanë vjedhur 28 mijë euro në një market në Viti më 1 qershor 2023.

    “Me datën 01.06.2023, rreth orës 02:00, në rrugën “Dëshmorët e Kombit”, në Viti, marketin “B….”, me qëllim të përfitimit të kundërligjshëm pasuror për vete të pandehurit kanë kryer vjedhje të rëndë në dëm të të dëmtuarit A. H., në atë mënyrë që me përgatitje paraprake dhe planifikim të veprimeve, të njëjtit kanë shkuar në marketin e lartcekur, ashtu që fillimisht të pandehurit M. B. dhe G. S. hapin me forcë dyert e marketit, depërtojnë në brendi dhe në zyre të marketit marrin shumë prej 28.000€, e më pas largohen në drejtim të parkingut ku ishin duke i pritur të pandehurit M.M., A.M. dhe Z.M., të cilët ishin duke e siguruar terrenin”, thuhet në njoftim.

    Të njëjtit dyshohen se më 5 tetor 2023, në marketin e njëjtë grabitën 2 mijë e 500 euro.

    “Po ashtu me datë 05.10.2023, rreth orës 23:00, në Viti pikërisht në marketin e njëjtë me qëllim që ti sjellin vetës dobi pasurore të kundërligjshme kryejnë grabitje në dëm të dëmtuarit A. H., në atë mënyrë që me përgatitje paraprake dhe duke i ndarë rolet, ashtu që të pandehurit M. B. dhe G. S., të maskuar e me përdorim të forcës apo kanosjes serioze duke mbajtur armë në dorë, ndaj të dëmtuarit H. H., ashtu që derisa i dëmtuari i kishte mbyllur dyert kryesore të marketit, të pandehuri i dalin para, në afërsi të marketit, në errësirë me ngjitës i’a mbyllin gojën të njëjtit… e më pas me forcë hapin dyert e marketit, depërtojnë në brendësi dhe aty marrin shumë prej 2500 €, e më pas dalin nga marketi dhe bëhen bashkë me të pandehurit M.M, A.M. dhe Z.M. të cilit ishin duke i pritur me veturë”, thuhet më tej.

    Më këto veprime, të pandehurit dyshohen se kanë kryer veprat penale “Vjedhje e rëndë” dhe “Grabitje”, vepra të sanksionuara me Kodin Penal të Republikës së Kosovës (KPRK).

    Në njoftim thuhet se gjyqtari i procedurës paraprake ka vlerësuar se qëndrojnë arsyet ligjore për caktimin e paraburgimit ndaj të pandehurve, duke i marrë për bazë të gjitha ato që u thanë më lart, masat tjera alternative do të ishin të pamjaftueshme për zhvillimin me sukses të procedurës penale.

    “Palët e pakënaqura kanë të drejtën e ankesës ndaj të këtij Aktvendimi, pas pranimit të të njëjtit në Gjykatën e Apelit”, thuhet në fund. /BetimipërDrejtësi

  • Çrregullimet e të ngrënit

    Çrregullimet e të ngrënit

    Çrregullimet e të ngrënit karakterizohen nga shqetësime të rënda dhe të vazhdueshme që shkaktohen nga mendimet dhe emocionet shqetësuese, sa që të gjitha këto, mund të ndikojnë në funksionin fizik, psikologjik dhe social.

    Çrregullimet e të ngrënit prekin deri në 5% të popullsisë, më së shpeshti zhvillohen në adoleshencë.

    Disa, veçanërisht anoreksia nervore dhe bulimia nervore janë më të zakonshme tek gratë, por të gjitha ato mund të ndodhin në çdo moshë dhe të prekin çdo gjini.

    Anoreksia është një çrregullim i sjelljes ndaj ushqimit, që prek kryesisht adoleshentët dhe femrat me moshë nga 15-25 vjeç. Në pjesën më të madhe të rasteve, personat që vuajnë nga anoreksia i përmbahen një regjimi ushqimor tepër të kufizuar, madje duke refuzuar çdo lloj ushqimi.

    Anoreksia është një sëmundje serioze që lidhet me një perceptim të çuditshëm të peshës dhe trupit. Në shumicën e rasteve, personat me anoreksi mendon se janë të trashë kur në realitet janë shumë të dobët
    Më së shpeshti kjo sëmundje fillon para ose gjatë pubertetit.

    Anoreksia ka pasoja serioze për shëndetin fizik dhe mendor të personit, duke përfshirë rrezikun për dëmtim të organeve, dobësi ekstreme, lodhje dhe probleme me zemrën.
    Në shumë raste, personat me anoreksi, përveç çrregullimeve të sjelljes ndaj ushqimit, paraqesin edhe probleme të tjera të fushës psikiatrike, të tilla si: çrregullimet e ankthit, çrregullimet obsesive (manitë), ose depresion.

    50-60% e anoreksikëve shërohen, 20-30% e tyre vuajnë për shumë vite nga kjo.

    Neuroza bulimike është një çregullim psikologjik i të ngrënit, që karakterizohet me intervale të të ngrënit të pakontrolluar.

    Faza e kënaqësisë është intervali kur një individ ha sasi shumë më të mëdha të ushqimit se shumica e njerëzve në situata të ngjashme.
    Zakonisht është rezultat i depresionit, stresit apo çështjes së vetëbesimit.

    Njerëzit që vuajnë nga bulimia nervore mund të kenë faktorë gjenetike apo stil jetese që i bënë të predispozuar të jenë mbipeshë.

    Ndryshe nga anoreksikët që e refuzojnë ushqimin, ai që është me bulimi i drejtohet ushqimit në situata kritike apo stresi. Pothuajse 50 % të rasteve me bulimi, vuajnë nga depresioni. Psikologët e shpjegojnë me paaftësinë e tyre për të kontrolluar impulset dhe dëshirat.

    Anoreksia dhe bulimia, shpesh janë “sinjale” të një depresioni apo neuroze të fshehur.

    Përqëndrohuni në vetëdijen emocionale sepse duhet të kuptoni emocionet tuaja në lidhje me ushqimin dhe trupin tuaj. Identifikimi i këtyre ndjenjave mund të ndihmojë në kontrollin e impulsit dhe në menaxhimin e tyre më efektiv.

    Konsultimi me një psikolog mund të jetë një hap i rëndësishëm për të kuptuar rrënjët e problemeve të shëndetit mendor që mund të lidhen me çrregullimet e të ngrënit

    Disa hulumtime sugjerojnë se stresi kronik dhe traumë emocionale kanë një ndikim të rëndësishëm në zhvillimin e çrregullimeve të të ngrënit. Trajtimi i këtyre çështjeve psikologjike mund të ketë një rol të rëndësishëm në trajtimin e tyre./atvlive.tv/

    Për më shumë ndiqni videon e mëposhtme:

  • Kosovarja synon rekord të ri në Guiness me flamurin gjigant kuqezi në origami

    Kosovarja synon rekord të ri në Guiness me flamurin gjigant kuqezi në origami

    Flamuri gjigant kuqezi, i punuar në detajin më të vogël nga Arbnora Fejza-Idrizi synon të hyjë në librin e rekordeve botërore Guiness.

    Me 120 mijë letra origami e shtrirë në 130 metra katror Arbnora, finalizoi për një muaj njërin ndër projektet më të rëndësishëm për jetën e saj.

    Derisa, dëshira e madhe e Arbnorës ishte që ky flamur të shtrihet në kryeqytetin e Kosovës.

    Kujtojmë se në të kaluarën, me artin e letrës origami, Arbnora Fejza-Idrizi ka hyrë në librin Guinness për herë të parë në vitin 2018 me lulen më të madhe në botë prej 8,7 metrash, derisa vazhdojë me rekorde edhe në vitin 2019 me vazon më të madhe prej letre, me një lartësi 2,73 metrash dhe gjerësi 2,38 metra, në të cilën paraqiti në miniaturë flamujt e shteteve që e kanë njohur pavarësinë e Kosovës. Kurse për herë të tretë, pjesë e rekordit botëror me artin origami u bë në 2021 me flamurin shtetëror të Kosovës në përmasa prej 1 mijë e 216 metrash katrorë, ndërsa në muajin nëntor ajo në vendlindjen e saj synon një rekord tjetër me flamurin kombëtar shqipëtar./atvlive.tv/

    Për më shumë ndiqni videon e mëposhtme:

     

  • Hill: Çështja kryesore është se çfarë marrëdhënie do të ketë Serbia me Rusinë

    Hill: Çështja kryesore është se çfarë marrëdhënie do të ketë Serbia me Rusinë

    Ambasadori amerikan në Beograd, Christopher Hill, ka deklaruar se negociatat ndërmjet Kosovës dhe Serbisë janë shumë më komplekse sesa mund të imagjinohet, por se ndërkohë, pyetja më e madhe me të cilën përballet Serbia është ajo që ka të bëjë me Ukrainën, pra çfarë marrëdhëniet që do të ketë me Rusinë.

    Hill në hapjen e Forumit Ekonomik të Beogradit ka thënë se procesi i Brukselit i ka të gjitha elementet e nevojshme, se dihet se çfarë duhet bërë.

    Ambasadori amerikan ka thënë se nuk ka dyshim se serbët në Serbi janë shumë të pasionuar pas serbëve në Kosovë dhe kujtoi sulmin terrorist në Banjskë, duke bërë të qartë se kjo nuk guxon më të përsëritet.

    Ai ka thënë se është e mundur të diskutohet se çfarë mund të bëjë KFOR-i për Kosovën, por njëkohësisht ka përkujtuar se Serbia më në fund duhet të kuptojë se nuk ka rrugëdalje tjetër përveç zgjidhjes politike.

  • Arrestohet në Zveçan një shtetas serb, ishte në kërkim nga INTERPOL-i

    Arrestohet në Zveçan një shtetas serb, ishte në kërkim nga INTERPOL-i

    Është arrestuar dje në Zveçan një shtetas i Serbisë nën dyshimin se ka kryer veprën penale kontrabandim me mallra, heqje apo dëmtim i vulave zyrtare.

    Sipas policisë pas verifikimit ai ka rezultuar se është person i kërkuar nga INTERPOL-i.

    I njëjti me urdhër të prokurorit është dërguar në mbajtje.

    “Fsh. Zhetkovc, Zveçan 10-11.11.2023 – 10:45. Më 28.11.2023 është arrestuar i dyshuari serb shtetas i Serbisë si i dyshuar lidhur me rastin. I njëjti lidhur me rastin pas intervistimit është liruar. Pas verifikimit i dyshuari ka rezultuar si person i kërkuar nga INTERPOL-i (nga autoritetet e Serbisë) dhe me urdhër të prokurorit i njëjti është dërguar në mbajtje”, thuhet në njoftim.

  • Policia jep detaje për aksidentin me fatalitet në rrugën “C”

    Policia jep detaje për aksidentin me fatalitet në rrugën “C”

    Mbrëmë ka ndodhur një aksident me fatalitet në rrugën “C”, e ku një grua është goditur me veturë nga një person.

    Sipas policisë, deri tek aksidenti ka ardhur si pasojë e mospërshtatjes së shpejtësisë.

    Me vendim të prokurorit trupi i pajetë i viktimës është dërguar në obduksion ndërsa i dyshuari është arrestuar dhe pas intervistimit është dërguar në mbajtje.

    “Rruga C, Prishtinë 28.11.2023 – 18:49. Një femër kosovare – këmbësore ka vdekur pasi është goditur nga një veturë që drejtohej nga i dyshuari mashkull kosovar. Vdekjen e viktimës e ka konstatuar ekipi mjekësor. Aksidenti dyshohet se ka ndodhur për shkak të mospërshtatjes së shpejtësisë. Me vendim të prokurorit trupi i pajetë i viktimës është dërguar në obduksion ndërsa i dyshuari është arrestuar dhe pas intervistimit është dërguar në mbajtje”, thuhet në njoftimin e policisë.

  • Aksidentohet një veturë e Policisë në Lipjan

    Aksidentohet një veturë e Policisë në Lipjan

    Është aksidentuar dje një veturë e policisë në Lipjan.

    Përveç dëmeve materiale nuk raportohet për lëndime në njerëz.

    “Lipjan 28.11.2023 – 16:40. Raportohet për një aksident trafiku në mes dy automjeteve, njëra civile dhe tjetra veturë e PK-së. Përveç dëmeve materiale nuk raportohet për lëndime në njerëz”, thuhet në njoftim.

  • Arrestohen gjashtë persona për falsifikim të parasë, prodhimi dhe vënia në qarkullim

    Arrestohen gjashtë persona për falsifikim të parasë, prodhimi dhe vënia në qarkullim

    Prokuroria Speciale njoftoi se janë arrestuar në flagrancë gjashtë persona të dyshuar, tre shtetas nga Maqedonia e Veriut, dhe tre të tjerë shtetas të Kosovës, për veprat penale ‘’Falsifikimi i parasë (prodhimi dhe vënia në qarkullim), pasi që të njëjtit kanë qenë shpërndarësit e parave të falsifikuara, konkretisht monedhave metalike dy (2) €uro të falsifikuara. 

    ”Prokuroria Speciale e Republikës së Kosovës (PSRK), dhe Policia e Kosovës, Drejtoria për Hetimin e Krimeve Ekonomike dhe Korrupsionit, ka realizuar një operacion gjatë të cilit është identifikuar një grup i cili merrej me prodhimin/shpërndarjen dhe futjen në treg të parave të falsifikuara, të cilat dyshohet se janë prodhuar në një shtet fqinj me Kosovën, dhe me pastaj nga grupe kriminale shpërndahen në shtetet e rajonit”, njoftoi Prokuroria.

    Tutje bëhet e ditir se nga ky operacion janë sekuestruar thasë me nga 2 €uro metalike në vlerë prej tetëdhjetë e pesëmijë e dhjetë (85.010.00) euro, të cilat dyshohen se janë të falsifikuara. Po ashtu, janë sekuestruar katër (4) vetura të cilat janë përdorur nga personat e arrestuar dhe shtatë (7) telefona celularë.

    “Personat e arrestuar me aktvendim të Prokurorit të Shtetit, janë dërguar në mbajtje për 48 orë, si dhe brena afateve kohore ligjore do të bëhet kërkesë për caktimin e masës së paraburgimit”, thuhet mes tjerash në njoftim.

  • Qeveria e Maqedonisë së Veriut miraton marrëveshjen për projektimin e rrugës Tetovë – Prizren

    Qeveria e Maqedonisë së Veriut miraton marrëveshjen për projektimin e rrugës Tetovë – Prizren

    Qeveria e Maqedonisë së Veriut në mbledhjen e së martës e ka miratuar marrëveshjen për projektimin e rrugës Tetovë – Prizren.

    Njoftimi u bë nga zëvendëskryeministri i parë, Artan Grubi.

    Grubi tha se me këtë edhe zyrtarisht fillojnë procedurat për realizimin e këtij projekti madhor që do të jetë një shteg i ri cilësor komunikimi me Republikën e Kosovës.

    “Në ditën e sotme festive të 28 nëntorit, vazhdojmë punën në drejtim të përforcimit të lidhjeve tona kombëtare!”, tha ai.

  • ​Shqipëria feston sot Ditën e Çlirimit

    ​Shqipëria feston sot Ditën e Çlirimit

    Shqiptarët festojnë sot 29 Nëntorin – Ditën e Çlirimit të vendit nga pushtuesit nazifashistë.

    Politika shqiptare e feston sërish e ndarë Ditën e Çlirimit të vendit, edhe pse 29 Nëntori është data zyrtare e kujtimit të kësaj dite.

    Të majtët respektojnë 28 Nëntorin si Ditën e Pavarësisë dhe 29 Nëntorin si Ditën e Çlirimit, ndërkohë që të djathtët i përkujtojnë të dy festat më 28 Nëntor.

    Me rastin e shënimit të 79-vjetorit të çlirimit, sot do të zhvillohen ceremoni përkujtimore në një atmosferë solemne në mbarë vendin, në respekt dhe mirënjohje të veprës të dëshmorëve. Autoritetet më të larta të shtetit, Presidenti i Republikës, përfaqësues të Partisë Socialiste dhe aleatëve të saj dhe veteranë do të nderojnë dëshmorët e rënë për liri, duke bërë homazhe pranë Varrezave të Dëshmorëve.

    Ndërsa, kryetari i Partisë Demokratike të Shqipërisë Lulzim Basha, një ditë në herët, më 28 nëntor, ka bërë homazhe në Boletin dhe Prekaz në Kosovë.

    Debati për Festën e Çlirimit mbetet ende i ndezur në politikën shqiptare, ku e djathta ndjek të njëjtin model si gjatë mandatit të saj të parë qeverisës, kur ndryshoi datën e Çlirimit, nga 29 Nëntori më 28 Nëntor, pasi sipas saj, kjo e fundit ishte zgjedhur nga regjimi komunist duke falsifikuar historinë.

    Por 29 Nëntori e fitoi sërish statusin e Ditës së Çlirimit kur e majta erdhi në pushtet, në verën e vitit 1997, kur me një ligj të posaçëm u kthye në festë zyrtare.