ATV

Author: G.O.

  • “Çdo sulm mbi Kosovën, është sulm mbi Shqipërinë”- Vuçiq i përgjigjet Ramës

    “Çdo sulm mbi Kosovën, është sulm mbi Shqipërinë”- Vuçiq i përgjigjet Ramës

    Presidenti i Serbisë, Aleksandër Vuçiq, ka reaguar ndaj deklaratës së kryeministrit shqiptar Edi Rama, i cili në emisionin “Context”, në ATV deklaroi se “çdo sulm ndaj Kosovës është sulm ndaj Shqipërisë”.

    Vuçiq tha se Serbia nuk ka ndërmend të sulmojë askënd.

    “Sot u dëgjua nga një shtet fqinj se nëse dikush sulmon Kosovën, edhe pse nuk e di kush do të sulmonte, Shqipëria nuk do ta lejojë dhe do të jetë në atë anë. Pas një deklarate kaq të tmerrshme, dëgjohej vetëm një heshtje e madhe, aq e fortë saqë heshtja ishte e pakëndshme. Për sa i përket neve, nuk kemi nevojë të sulmojmë askënd dhe nuk do ta bëjmë”, tha Vuçiq gjatë ceremonisë së Ditës së Shtetit.

    Vuçiq shtoi se Serbia do të mbrojë marrëdhëniet e saj me Evropën, por edhe se “nuk do t’i shkelë marrëdhëniet e saj me Rusinë, Kinën dhe askënd tjetër”./ATVLIVE.TV/

  • Deponohen 732 monedha metalike në një bankë në Fushë Kosovë dyshohen se janë të falsifikuara

    Deponohen 732 monedha metalike në një bankë në Fushë Kosovë dyshohen se janë të falsifikuara

    Menaxherja e një banke në Fushë Kosovë ka raportuar në Policinë e Kosovës se në bankomatin e tyre janë deponuar 732 monedha prej dy euro në vlerë prej 1464 euro, që dyshohen të jenë të falsifikuara.

    Sipas raportit 24-orësh të Policisë së Kosovës, paratë e dyshuara janë konfiskuar, teksa rasti vazhdon të hetohet.

    Rasti raportohet se ka ndodhur gjatë ditës së enjte.

  • Nesër finalja e madhe e Kupës së Kosovës në basketboll

    Nesër finalja e madhe e Kupës së Kosovës në basketboll

    Sigal Prishtina u kualifikua në finale të Kupës së Kosovës pas fitores ndaj Bashkimit me rezultat 66:71 (19:23, 17:21, 14:16, 16:11).

    Çereku i parë ishte i baraspeshuar dhe i luftuar në parket, ku asnjëra skuadër nuk arrinte të shkëputej, duke përfunduar 19:23, derisa edhe periudha e dytë ishte e ngjashme me bardhekaltrit që për një nuancë ishin më të mirë, për të shkuar në pushim me rezultat 36:44.

    Lojë e barabartë u zhvillua edhe në periodën e tretë, me prizrenasit që tentonin të afrohen në rezultat, por bardhekaltrit menaxhuan lojën mirë, ku shifrat pas 30 minutash ishin 50:60. Edhe pse Bashkimi afroi shifrat, nuk arriti përmbysjen dhe Sigal Prishtina triumfoi 66:71 dhe u kualifikua në finale.

    MVP i gjysmëfinales së dytë është shpallur Shaheed Davis i Sigal Prishtinës, i cili e mbylli ndeshjen me 21 pikë e pesë kërcime.

    Finalja e madhe zhvillohet të shtunën në Gjakovë nga ora 17:00.

  • Abazi për deklaratën e ambasadorit amerikan: Kurti po shihet si cenues i sigurisë

    Abazi për deklaratën e ambasadorit amerikan: Kurti po shihet si cenues i sigurisë

    Ish-deputeti i Vetëvendosjes, Haki Abazi komentuar deklaratat e ambasadorit të SHBA-së në Prishtinë, Jeff Hovenier se marrëdhëniet ndërmjet Kosovës dhe SHBA-së janë lëkundur, për shkak të çështjes së dinarit.

    Ai ka thënë se sot kryeministri Albin Kurti nga ShBA-ja dhe aleatët shihet si cenues i sigurisë dhe provokator i interesave të ShBA-së.

    “Nuk ka asnjë dyshim, ShBA-ja po thotë ne jemi këtu për të iu dhënë të gjithë ndihën e mbrojtjes së sovranitetit dhe integritetit territorial dhe këtë gjë e kemi dëshmuar shumë herë. Por në të njëjtën kohë me shumë qartësi ambasadori e tha se marrëdhëniet tona janë të dëmtuara, marrëdhëniet tona nuk janë të mira dhe deklarata e kryeministrit në Prizren se nuk kemi asnjë lajthitje në marrëdhënie sot nuk është e vërtetë. Unë mendoj që sot Kurti shihet si kryeministër i Kosovës, i cili e cenon sigurinë dhe shihet si provokator i interesave të SHBA dhe BE-së. Shumë e rëndë por ky është realiteti”, ka thënë deputeti Abazi.

    Në emisionin e ATV-së, ‘DPT te Fidani’, ai është pyetur edhe nëse kryeministri Kurti mund të futet në listën e zezë të SHBA-së.

    “Unë nuk mund të spekuloj nëse ka listë të zezë. Mua do të më vinte keq që kryeministri i Kosovës të vendoset në listën e zezë”, ka thënë ai.

  • Pak pasi njoftoi se i ka vdekur halla, Bebe Rexha anulon koncertin në Dubai: Për shkak të rrethanave nuk jam në gjendje të performoj

    Pak pasi njoftoi se i ka vdekur halla, Bebe Rexha anulon koncertin në Dubai: Për shkak të rrethanave nuk jam në gjendje të performoj

    Bebe Rexha, këngëtarja shqiptare që ka arritur sukses të madh në skenën ndërkombëtare, ka dhënë një lajm të papritur për fansat e saj.

    Ajo ka njoftuar përmes një postimi në InstaStory se për shkak të rrethanave të paparashikuara, nuk do të jetë në gjendje të marrë pjesë dhe të këndojë në festivalin e madh UnTold që mbahet në Dubai.

    Në njoftimin e saj, Bebe Rexha shprehu dashurinë dhe përkushtimin ndaj fansave të saj në Lindjen e Mesme, duke shkruar: “Për shkak të rrethanave të paparashikuara, nuk do të jem në gjendje të performoj në festivalin UnTold. I dua të gjithë fansat e mi në Dubai dhe shpresoj të rikthehem së shpejti për t’u performuar aty”.

    Arsyeja e saktë e anulimit të performancës së saj megjithatë mbetet e paqartë, por ky lajm vjen vetëm një ditë pasi Bebe Rexha ndau me ndjekësit e saj lajmin e hidhur se halla e saj, e cila ka qenë një person shumë i dashur për të, ka ndërruar jetë.

    Një humbje e tillë personale mund të jetë një nga arsyet kryesore që ka ndikuar në vendimin e saj për të mos marrë pjesë në ngjarje.

    Fansat e Bebe Rexhës në Dubai dhe në të gjithë botën kanë shprehur mbështetjen e tyre për artisten në këto momente të vështira, duke i dërguar mesazhe ngushëllimi dhe dashurie. /Telegrafi/

  • Arkivi i Kosovës hap ekspozitë kushtuar jetës dhe veprës së Adem Demaçit

    Arkivi i Kosovës hap ekspozitë kushtuar jetës dhe veprës së Adem Demaçit

    Në kuadër të shënimit të 16-vjetorit të Pavarësisë, Agjencia Shtetërore e Arkivave të Kosovës organizon ekspozitë me dokumente arkivore “Adem Demaçi: Vdes kur dua vetë”.

    Ekspozita, e cila do të mbahet sot në Bibliotekën Kombëtare të Kosovës nga ora 12:00, do t’i kushtohet jetës dhe veprës së veprimtarit Demaçi.

  • Sulmoi fizikisht nënën dhe motrën e tij, arrestohet i dyshuari në Prizren

    Sulmoi fizikisht nënën dhe motrën e tij, arrestohet i dyshuari në Prizren

    Një burrë është arrestuar mbrëmë nën dyshimin se ka kryer veprën penale “Dhunë në familje”.

    Siç njofton Policia, i dyshuari ka sulmuar fizikisht nënën dhe motrën e tij.

    “Viktimat kanë pranuar tretman mjekësor, ndërsa me vendim të prokurorit i dyshuari dërgohet në mbajtje”, thuhet mes tjerash në raportin 24-orësh të Policisë./atvlive.tv/

     

  • Katër të vdekur nga zjarri në Tivar të Malit të Zi, mes tyre tre të mitur

    Katër të vdekur nga zjarri në Tivar të Malit të Zi, mes tyre tre të mitur

    Tre të mitur dhe një i person i moshës madhore kanë vdekur nga zjarri që shpërtheu mëngjesin e 15 shkurtit në një vendbanim rreth orës katër në një lagje të banuar me romë në Tivar, në Mal të Zi.

    Zjarri, që shpërtheu rreth orës 04:00, përfshiu disa objekte dhe më pas u njoftua zjarrfikësja.

    Siç tha prokurorja Mirjana Tankosiq Vuçiniq për Radion Evropa e Lirë, katër trupat e pajetë u gjetën në vendngjarje.

    “Kemi gjetur katër baraka të djegura dhe katër trupa të djegur në to. Shkaku i zjarrit do të dihet pas vlerësimit të ekspertëve”, tha ajo.

    Zjarri përfshiu një lagje të improvizuar ku jetojnë kryesisht romë. Këshilli i Romëve në Mal të Zi tha se kjo tragjedi tregon se sa është e nevojshme shpërngulja e familjeve rome nga lagje të tilla.

    “Fakti që shumë familje detyrohen të jetojnë në baraka të parafabrikuara, pa kushte dhe siguri adekuate, është një problem serioz social. Pa mbështetjen dhe masat e duhura mbrojtëse, këto familje janë të ekspozuara ndaj një rreziku më të madh të aksidenteve siç është ky zjarr”, tha këshilli.

    Këshilli i Romëve u bëri thirrje autoriteteve shtetërore që të përmirësojnë kushtet e banimit për popullatën rome në Tivar dhe në mbarë Malin e Zi./REL/

  • Liga e Evropës rikthehet sot me ndeshjet ‘play-off’

    Liga e Evropës rikthehet sot me ndeshjet ‘play-off’

    Sot janë në orar për t’u zhvilluar ndeshjen e fazës ‘play-off’ në Ligën e Evropës, ku fituesit do t’i bashkohen në fazën e 1/8-tës, tetë ekipeve të para të grupeve.

    Pas ndeshjeve të 1/8-tës në Ligën e Kampionëve gjatë të martës dhe mërkurës, e enjtja është e rezervuar për garën e dytë elitare evropiane të klubeve.

    Në këtë fazë të njohur si ‘play-off’ luajnë ekipet që kanë përfunduar në vendin e tretë të grupeve të Ligës së Kampionëve kundër ekipeve që kanë përfunduar në vendin e dytë në grupet e Ligës së Evropës.

    Fituesit e këtyre ndeshjeve ‘play-off’ do të ballafaqohen me fituesit apo vendet e para të grupeve në një short të ri për ndeshjen e fazës së 1/8-tës.
    Feyenoord-Roma, Galatasaray-Sparta Praga, Shakhtar Donetsk-Marseille dhe Young Boys-

    Sporting Lisbona janë katër ndeshjet e para të ditës, pasi do të zhvillohen nga ora 18:45.

    Nga ora 21:00 do të zhvillohen edhe katër ndeshjet tjera: Milan-Rennes, Benfica-Toulouse, Braga-Qarabag dhe Lens-Freiburg.

  • Zyrtare: Lirim Kastrati kthehet në Kroaci, nënshkruan me ish-klubin e tij

    Zyrtare: Lirim Kastrati kthehet në Kroaci, nënshkruan me ish-klubin e tij

    Lirim Kastrati është kthyer në Lokomotiva Zagreb pas tri vitesh e gjashtë muajsh, ku kishte shkëlqyer me klubin kroat.

    Sulmuesi anësori nga Kosova thuhet se kishte një ofertë edhe nga klubi i njohur hungarez, Ujpest, por e refuzoi.

    “Pas 3 vitesh e 6 muajsh, Lirim Kastrati kthehet në NK Lokomotiva! Lirimi vjen tek ne në formë huazimi nga hungarezët e FC Fehervar deri në fund të sezonit aktual. Mirë se erdhe Lirim!”, ka shkruar Lokomotiva në rrjetet sociale.

    Kastrati këtë sezon ka bërë 19 paraqitje, ku ka shënuar katër gola dhe ka dhuruar dy asistime për klubin hungarez të ligës së parë, por më së shumti ka dalë nga stoli dhe ka grumbulluar vetëm 693 minuta në fushë. Kontrata e tij është e vlefshme deri në verën e vitit 2025, ndërsa Transfermarkt e vlerëson vlerën e tij në 500 mijë euro.

    Kastrati mbërriti në Lokomotivë në vitin 2017, ku luajti 89 ndeshje për të, shënoi 21 dhe asistoi 11 gola. Dinamo e pagoi atë 2 milionë euro në shkurt të 2020 dhe ai bëri 51 paraqitje me fanellën blu ku kishte katër gola dhe nëntë asistime.

    Gjatë asaj kohe, ai fitoi dy tituj kampioni dhe një Kupë të Kroacisë. Dinamo e shiti te Legia e Varshavës për 1.3 milionë euro vetëm një vit pas ardhjes së tij.

    Ai ishte gjithashtu në Poloni për një vit, ku pas nënshkroi për Fehervarin si lojtar i lirë në verën e vitit 2022.

    Kastrati ka 17 paraqitje dhe një gol për Kosovën.