ATV

Author: G.O.

  • Rama para varrit të ish-presidentit Rugova: Arkitekti i Republikës së Kosovës

    Rama para varrit të ish-presidentit Rugova: Arkitekti i Republikës së Kosovës

    Kryetari i Prishtinës, Përparim Rama, me bashkëpunëtorë ka bërë homazhe pranë varrit të ish-presidentit Ibrahim Rugova në 16-vjetorin e Pavarësisë së Kosovës.

    I pari i Kryeqytetit tha për Ekonomia Online se ish-presidenti Rugova ishte arkitekti i Pavarësisë.

    “Jemi këtu për 16 vjetorin e pavarësisë së Kosovës për të bërë homazhe tek varri i ish-presidentit Ibrahim Rugovës, arkitektit të Kosovës për me nderu figurën e tij, për me nderu të gjithë ata që kane dhënë jetën e tyre, që kanë marr pjesë ne transformimin e këtij vendi në shtet të pavarur, në një shtet demokratik”, u shpreh Rama.

  • Von Cramon: Shpallja e Pavarësisë, testament i përpjekjeve të palodhshme të presidentit Rugova

    Von Cramon: Shpallja e Pavarësisë, testament i përpjekjeve të palodhshme të presidentit Rugova

    Eurodeputetja Vioa von Cramon, njëherësh raportuese për Kosovën në PE, ka uruar 16 vjetorin e Pavarësisë së Kosovës.

    Në urimin e saj, ajo ka veçuar përpjekjet e presidentit Ibrahim Rugova në rrugën drejt arritjes së mëvetësisë.

    “Më 17 shkurt, kujtoj edhe presidentin e ndjerë Rugova dhe lidershipin e tij vizionar. Deklarata e pavarësisë në 2008 është testament i përpjekjeve të palodhshme të Rugovës dhe shpirt e qëndrueshëm të popullit të Kosovës”.

    “Vizioni i tij për një Kosovë demokratike dhe përfshirëse, për një Kosovë multietnike, ku të gjithë qytetarët jetojnë të lirë nga frika dhe diskriminimi, shtruan themelet për kombin që festojmë sot”, tha von Cramon, mes tjerash.

  • Krerët institucionalë urojnë 16-vjetorin e Pavarësisë: Republikën e ndërtuam me ndihmën e aleatëve

    Krerët institucionalë urojnë 16-vjetorin e Pavarësisë: Republikën e ndërtuam me ndihmën e aleatëve

    Presidentja Vjosa Osmani, kryeministri Albin Kurti dhe kryeparlamentari Glauk Konjufca kanë uruar 16-vjetorin e Pavarësisë së Kosovës.

    Ndërsa vlerësuan përpjekjet rezistente për një Kosovë të pavarur, krerët shtetëror u shprehën falënderues edhe ndaj aleatëve ndërkombëtarë “që ndihmuan në ndërtimin e shtëpisë sonë të përbashkët – Republikë e Kosovës”.

    “Sot shënojmë të arriturën më të madhe historike të popullit tonë, shënojmë ditën kur shteti ynë u shpall i pavarur, sovran, i lirë e demokratik dhe këto 16 vite të shtetit tonë Kosova ka bërë hapa të rëndësishëm përpara dhe të vendosur natyrisht për të treguar para botës jo vetëm që e ka merituar lirinë dhe pavarësinë e saj por është edhe kontribuuese e paqes, stabilitetit dhe sigurisë edhe përtej kufirit të saj. Dua t’i kujtoj të gjithë ata që dhanë më të shtrenjtën e tyre që ne sot jetojmë të lirë, të gjithë dëshmorët e kombit të gjithë martirët e republikës sonë. Në këtë ditë sërish e kujtojmë vizionin e arkitektin e pavarësisë, presidentin Ibrahim Rugova dhe sakrificën e pashembullt, trimërinë dhe guximin e familjes Jashari dhe gjithë ushtarëve të UÇK-së në krye me kryekomandantin legjendar Adem Jashari”, ka thënë Osmani gjatë ngritjes së flamurit.

    Kryeministri Albin Kurti, shprehu mirënjohje të veçantë për partnerët dhe aleatët ndërkombëtarë, për të cilët tha se do t’u jenë përgjithmonë falënderues.

    “U jemi falënderues të gjithë atyre që kanë kontribuar në luftën tonë çlirimtare dhe në procesin tonë të pavarësisë. Mirënjohje e veçantë partnerëve dhe aleatëve tanë ndërkombëtarë për rrugëtimin tonë të përbashkët të konsolidimit të shtetit dhe të subjektivitetit ndërkombëtar të Republikës sonë. Gjithnjë dhe përgjithmonë u jemi falënderues”, tha Kurti.

    Urime ka pasur edhe kryetari i Kuvendit, Glauk Konjufca, i cili ka falënderuar ushtarët që dhanë jetën për lirinë e Kosovës, “veprimtarët politikë e miqtë ndërkombëtarët që dhanë gjithçka për Pavarësinë e Kosovë”.

  • Krerët shtetëror bëjnë homazhe te Monumenti i të Pagjeturve

    Krerët shtetëror bëjnë homazhe te Monumenti i të Pagjeturve

    Me rastin e ditës së Pavarësisë së Kosovës, krerët e shtetit kanë bërë homazhe tek monumenti i të pagjeturve, duke i nderuar ata për sakrificën e tyre ndaj shtetit tonë.

    Pjesëmarrës ishin Presidentja e Republikës së Kosovës Vjosa Osmani, kryeministri Albin Kurti dhe kryetari i kuvendit të Kosovës Glauk Konjufca.

    Gjithashtu në oborrin e Qeverisë është ngritur flamuri i Republikës së Kosovës.

  • Kurti: Ne qëndrojmë krenarë, përkundër sfidave shteti jonë po zhvillohet

    Kurti: Ne qëndrojmë krenarë, përkundër sfidave shteti jonë po zhvillohet

    Qeveria ka mbajtur mbledhje festive për nderë të 16-vjetorit të Pavarësisë së Kosovës.

    Nga aty, kryeministri Albin Kurti, tha se Kosova do të jetë shtëpi e të gjithë qytetarëve pa dallim, ndërsa kërkoi më shumë angazhim për siç tha idealin dhe programin qeverisës.

    “Ne qëndrojmë krenar sepse përkundër sfidave shteti jonë po zhvillohet. Kosova është shtet i pavarur dhe sovran, demokratik dhe i pandashëm. Ashtu sikurse u shpallë 16 vjet më parë, Kosova është dhe do të jetë shtëpi e të gjithë qytetarëve pa dallim, andaj ne urojmë jo vetëm shqiptarët por të gjithë komunitetet që jetojnë në Kosovë”, tha Kurti.

    “Sot është ditë feste por çdo ditë tjetër duhet të punojmë për idealin dhe programin tonë qeverisës. Të angazhohemi dhe të përkushtohemi përditë që të marrim forcë nga paraardhësit tanë e duke u frymëzuar  nga brezat e rinj të lirisë”, u shpreh ai.

  • Ky është vendi i parë që e kishte njohur pavarësinë e Kosovës

    Ky është vendi i parë që e kishte njohur pavarësinë e Kosovës

    Kosova feston sot 16-vjetorin e shpalljes së pavarësisë. Por, cili ishte vendi i parë që e njohu Kosovën si shtet?

    Bazuar në listën e njohjeve të publikuar nga Ministria e Punëve të Jashtme, vendi i parë që e ka njohur Kosovën si shtet është Republika e Kosta Rikës. Njohja nga ky shtet erdhi pikërisht ditën që Kosova e shpalli pavarësinë.

    Një ditë më pas, pavarësinë e Kosovës e njohën edhe Shtetet e Bashkuara të Amerikës, Franca, Shqipëria, Turqia, Britania e Madhe, Afganistani, Australia, Senegali, Gjermania, Letonia, Danimarka, Estonia, Italia, Luksemburgu, Peruja, Belgjika, Polonia, Zvicra, Austria, Iralnda, Suedia, Islanda, Sllovenia, Finlanda, Japonia dhe Kanadaja.

    Ndërkohë, shteti i fundit që e ka njohur pavarësinë e Kosovës është Izraeli.

  • Macron letër Osmanit: Vendi i Kosovës është në BE

    Macron letër Osmanit: Vendi i Kosovës është në BE

    Presidenti francez, Emmanuel Macron, i ka dërguar presidentes së Republikës së Kosovës, Vjosa Osmani, një telegram urimi me rastin e 16-vjetorit të pavarësisë.

    Zyra e Presidencës përmes një komunikate për media ka zbardhur detaje nga përmbajtja e letrës, ku Macron ndër të tjera flet edhe për sfidat për Evropën në vitin 2024.

    Presidenti francez ka theksuar se javët e ardhshme do të jenë vendimtare për zbatimin e të gjitha dispozitave të marrëveshjes Bruksel-Ohër, përfshirë themelimin e Asociacionit të Komunave me shumicë serbe dhe organizimin e zgjedhjeve të reja lokale në veri.

    Ai ka shtuar se vendi i Kosovës do të jetë brenda Bashkimit Evropian dhe ka inkurajuar që të vazhdohen reformat për forcimin e sundimit të ligjit dhe zhvillimin ekonomik të vendit.

    “Javët e ardhshme do të jenë vendimtare për zbatimin e të gjitha dispozitave të marrëveshjes Bruksel-Ohër, duke përfshirë themelimin e Asociacionit të komunave me shumicë serbe, e cila në veçanti përfshin organizimin e zgjedhjeve të reja lokale me pjesëmarrjen e serbëve. Unë shpresoj që Kosova të marrë veprimet e guximshme që janë të nevojshme dhe që do t’iu mundësojnë të përparojë në trajektoren e saj evropiane”, thuhet në telegramin e Macron.

  • Kosova feston sot 16-vjetorin e Pavarësisë

    Kosova feston sot 16-vjetorin e Pavarësisë

    Kosova feston sot 16-vjetorin e Pavarësisë. Më 17 shkurt 2008, ditë e diel, në Kuvendin e Kosovës u lexua Deklarata e Pavarësisë dhe Kosova u shpall shtet i pavarur e demokratik.

    Ky përvjetor do të përcillet me shumë aktivitete institucionale.

    Krerët e shtetit do të bëjnë ngritjen e flamurit shtetëror në mëngjes, do të bëjnë homazhe te varri i ish-presidentit Ibrahim Rugova e ai i veprimtarit Adem Demaçi dhe në Kompleksin “Adem Jashari” në Prekaz.

    Ndërkohë, Kuvendi do të mblidhet në seancë solemne. Më vonë, krerët e shtetit do të mbajnë edhe pritjen shtetërore.

    Deri tani, pavarësinë e Kosovës e kanë njohur 117 vende. Shteti i fundit që ka njohur është Izraeli.

    Programi i plotë i manifestimeve shtetërore për shënimin e 16-vjetorit të Pavarësisë:

    Në orën 08:00, Qeveria e Kosovës do të mbajë Mbledhje Festive. Në orën 08:20, do të bëhet ngritja e Flamurit të Republikës së Kosovës.

    Më pas do të bëhen nderime te Monumenti i të Pagjeturve, nga ora 08:30. Në 08:45, do të bëhen homazhe te varri i ish-Presidentit Dr.Ibrahim Rugova, e më pas te varri i veprimtarit Adem Demaçi.

    Në 09:50, do të bëhen homazhe në Kompleksin Memorial “Adem Jashari” në Prekaz.

    Do të bëhen edhe nderime te Monumenti “Heroinat”, te Monumenti i Policëve të rënë në detyrë, si dhe te pllaka e fëmijëve të vrarë gjatë luftës, që ndodhet në oborrin e Kuvendit.

    Ndërkohë, seanca solemne e Kuvendit do të mbahet me fillim nga ora 12:00. Nga ora 17:00, mbahet pritja shtetërore nga Presidentja Vjosa Osmani, Kryeparlamentari Glauk Konjufca dhe Kryeministri Albin Kurti.

    Dy aktivitetet e fundit të kësaj dite janë Koncerti i Pavarësisë që do të mbahet në orën 18:00 në shesh, si dhe Koncerti solem i Filharmonisë së Kosovës.

    Më pas do të bëhen nderime te Monumenti i të Pagjeturve, nga ora 08:30. Në 08:45, do të bëhen homazhe te varri i ish-Presidentit Dr.Ibrahim Rugova, e më pas te varri i veprimtarit Adem Demaçi.

    Në 09:50, do të bëhen homazhe në Kompleksin Memorial “Adem Jashari” në Prekaz.

    Do të bëhen edhe nderime te Monumenti “Heroinat”, te Monumenti i Policëve të rënë në detyrë, si dhe te pllaka e fëmijëve të vrarë gjatë luftës, që ndodhet në oborrin e Kuvendit.

    Ndërkohë, seanca solemne e Kuvendit do të mbahet me fillim nga ora 12:00. Nga ora 17:00, mbahet pritja shtetërore nga Presidentja Vjosa Osmani, Kryeparlamentari Glauk Konjufca dhe Kryeministri Albin Kurti.

    Dy aktivitetet e fundit të kësaj dite janë Koncerti i Pavarësisë që do të mbahet në orën 18:00 në shesh, si dhe Koncerti solem i Filharmonisë së Kosovës.

  • Kosova shënon 16-vjetorin e Pavarësisë, Begaj uron Osmanin: Shqipëria do të jetë gjithmonë krah Kosovës

    Kosova shënon 16-vjetorin e Pavarësisë, Begaj uron Osmanin: Shqipëria do të jetë gjithmonë krah Kosovës

    Presidenti i Shqipërisë, Bajram Begaj, e ka uruar Kosovën për 16 vjetorin e Pavarësisë së saj përmes një telegrami, dërguar presidentes së vendit, Vjosa Osmani.

    Begaj tha se Kosova sot është jo vetëm realitet i pakundërshtueshëm por edhe një shembull se si shqiptarët janë kontribuues aktivë për paqen dhe sigurinë në rajon e më gjerë.

    “E vlerësoj intensifikimin dhe zgjerimin e marrëdhënieve tona, sidomos në kuadër të bashkëpunimit të natyrshëm strategjik, si dy republika të një kombi, fatet e të cilit janë të lidhura pashmangshmërit me qytetërimin euroatlantik”, tha Begaj në letrën e tij.

    Më tej, presidenti shqiptar tha se Shqipëria do të jetë gjithmonë krah Kosovës, në çdo hap të saj, për përballimin e çdo kërcënimi a sfide si dhe për anëtarësimet e reja në organizata ndërkombëtare dhe rajonale.

  • Sot emërohet trajneri i ri i Kosovës

    Sot emërohet trajneri i ri i Kosovës

    Federata e Futbollit të Kosovës (FFK) e ka konfirmuar se sot do të bëhet emërimi i trajnerit të ri të Kosovës.

    Burime brenda FFK-së konfirmuan dje se trajneri i ri i “Dardanëve” veçse ka arritur në Kosovë, dhe gjendet në Prishtinë.

    “ Ju njoftojmë se nesër, Federata e Futbollit e Kosovës do të bëjë prezantimin e përzgjedhësit të ri të Kombëtares”, shkruhej në njoftimin e FFK-së.

    Prezantimi i trajnerit të ri do të bëhet me fillim nga ora 14:00 në hotel “Emerald”.