Author: G.O.

Gjashtë raste të dhunës në familje janë raportuar nga data 18 deri më 24 mars në drejtorinë rajonale të policisë në Ferizaj.

Sipas njoftimit nga policia, katër raste janë raportuar në Ferizaj, një në Shtime dhe një rast në Han të Elezit.

Ndërsa me vendim nga Prokuroria Themelore në Ferizaj, një person pasi është intërvistuar nga policët hetues të dhunës në familje është ndaluar në mbajtje, ndërsa pesë persona tjerë janë liruar në procedurë të rregullt hetimore.

“Policia Rajonale e Ferizajt rastet e dhunës në familje i ka trajtuar në mënyrë profesionale nga policë primarë të stacioneve dhe hetues rajonal të Njësisë së Dhunës në Familje”, thuhet në njoftim.

Gjykata e Qarkut Basmanny të Moskës të dielën miratoi kërkesën e hetuesve për paraburgim, si masë e zgjedhur parandaluese, për të katër të pandehurit në rastin e sulmit në bashkinë e qytetit Crocus.

Presidentja e Kosovës, Vjosa Osmani ka përkujtuar avokatin Bajram Kelmendin dhe dy djemtë e tij, Kastriotin dhe Kushtrimin 25 vjet pas vrasjes së tyre.

Osmani u shpreh se në këtë përvjetorë të tyre, riafirmohet përkushtimi për vëninen e autorëve të krimit para drejtësisë.

“Njëzet e pesë vjet më parë, Kosova humbi luftëtarin për të drejta të njeriut, avokatin Bajram Kelmendi dhe dy djemtë e tij, Kastriotin dhe Kushtrimin. Një ditë pasi që u rrëmbyen nga shtëpia e tyre nga forca të regjimit gjenocidal të Millosheviqit, u ekzekutuan mizorisht”, është shprehur Osmani.

“Në këtë përvjetor, riafirmojmë përkushtimin tonë për vënien e autorëve të krimit para drejtësisë për vrasjen e avokatit Kelmendi dhe djemve të tij. Ai bëri një jetë të tërë në mbrojtje dhe kërkim të drejtësisë, ndaj i detyrohemi vendosjes së drejtësisë”.

“Veprimtaria e avokatit Kelmendi mbetet trashëgimi e çmuar për ne dhe për brezat. Qoftë i përhershëm kujtimi për Bajram Kelmendin dhe dy djemtë e tij!”.

Policia ka dhënë detaje për rastin e vdekjes së Triumf Feratit.

Në raportin policor, bëhet e ditur se në vendin e ngjarjes është gjetur një armë zjarri me 11 fishekë dhe një gëzhojë.

“Lidhur me rastin pas pranimit të informatës, në vendin e ngjarjes kanë dal njësitë policore dhe ekipi mjekësor të cilët kanë konstatuar vdekjen e viktimës mashkull kosovar. Në vendin e ngjarjes po ashtu është gjetur dhe konfiskuar edhe një armë zjarri me 11-fishekë dhe një gëzhojë. Ndërsa me urdhër të prokurorit, trupi i pajetë është dërguar në IML për obduksion. Rasti duke u hetuar”, thuhet në raport.

Djali i ish-kryetarit të Istogut, Fadil Ferati dhe vëllai i kryetarit aktual, Ilir Feratit, u gjet i vdekur pranë varrit të babait të tij gjatë ditës së djeshme.

Një aksident me lëndime të rënda trupore ka ndodhur dje në Prizren, ku janë përfshirë një veturë dhe një këmbësor.

Policia njoftoi se këmbësori ka pësuar lëndime trupore dhe është dërguar në QKUK, ndërsa shoferi është arrestuar dhe është dërguar në mbajtje.

“AKSIDENT TRAFIKU ME LËNDIME TË RËNDA TRUPORE- Prizren / 24.03.2024-21:50. Është arrestuar i dyshuari mashkull kosovar pasi që i njëjti duke drejtuar veturën, ka goditur këmbësorin –viktimë mashkull kosovar duke i shkaktuar kështu lëndime trupore. Viktima është dërguar në QKUK për tretman mjekësor, ndërsa i dyshuari me vendim të prokurorit është dërguar në mbajtje. Rasti në procedurë hetimore.”

Kryeministri i Republikës së Kosovës, Albin Kurti duke u bazuar në raportin e organizatës Transparency International ka treguar se si qeveri kanë arritur të renditen më lartë për 21 vende sa i përket luftimit të korrupsionit.

“Ka më shumë sundim të ligjit. Korrupsioni po luftohet. Në indeksin e Transparency International mbi Perceptimin e Korrupsionit jemi përmirësuar për 21 vende në tri vjet dhe qëndrojmë në renditjen më të lartë ndonjëherë. Eliminimi i tij varet nga prokuroria dhe gjyqësori”, ka shkruar kryeministri i vendit Albin Kurti në një shkrim të tij në rrjetin social Facebook.

Kurti ka shtuar se mbi 2.4 ton substanca narkotike janë konfiskuar nga Policia e Kosovës. Afër 37 milionë euro mall dhe asete të sekuestruara dhe konfiskuara nga operacionet e Doganës së Kosovës. Numri i inspektimeve nga Inspektorati Qendror i Mbikëqyrjes së Tregut është rritur për rreth 63% në krahasim me vitin 2019 – shifër kjo rekord e inspektimeve. Paraja publike shpenzohet me përgjegjësi dhe ruhet e mbrohet gjithashtu. Mbi 145 milionë euro i janë kursyer buxhetit të Kosovës nga tri procese të fituara në arbitrazhin ndërkombëtar.

“Në veri të vendit është ulur ilegaliteti, e po shtohet ligjshmëria dhe siguria. Janë mbyllur 27 rrugë ilegale, dhe janë shkatërruar 9 laboratore droge, 6 të kriptovalutave dhe 4 depo të armatimit. Janë sekuestruar alarme e kamera të strukturave ilegale, dhe armatim e asete në vlerë rreth 15 milionë euro nga hetimet mbi sulmin terrorist dhe paramilitar të 24 shtatorit, ku humbëm rreshterin shembullor Afrim Bunjaku por fituam një Hero të Kosovës dhe dolëm fitues e faqebardhë. Atje tash janë ngritur 9 stacione policore për mbikëqyrjen dhe kontrollin e kufirit, e nuk kishte asnjë deri në vitin 2021”, ka shkruar Kurti mes tjerash.

Dy persona humbën jetën dhe dhjetëra u plagosën në një seri përplasjesh në autobanin A3 në shtetin jugor të Gjermanisë të Bavarisë pasditen e së dielës. 

Autoritetet thonë se rreth 40 automjete u përfshinë drejtpërdrejt në një zinxhir aksidentesh që filluan rreth orës 16:00 në shi të dendur pranë qytetit të Würzburg.

Kryqi i Kuq i Bavarisë raportoi se 31 persona u plagosën në incident, katër në gjendje të rëndë.

Autoritetet thonë se ngjarja ishte rezultat i tre përplasjeve të veçanta që përfundimisht çuan në mbylljen e A3 drejt Nurembergut.

Një zëdhënës i policisë tha se disa automjete ishin përfshirë në aksidentin fillestar dhe menjëherë pas kësaj makina të tjera filluan të grumbulloheshin në automjetet e ndaluara pasi trafiku filloi të rikthehej shpejt, raporton Deutche Welle.

Aksidenti i dytë ka bërë që tre automjete të marrin flakë.

Aksidenti i tretë ndodhi rreth 30 minuta më vonë, kur disa makina të tjera u futën me shpejtësi në trafik të ndaluar.

Policia Rajonale e Ferizajt ka ndërmarrë një sërë aktivitetesh në identifikimin e kundërvajtësve të ndryshëm në komunikacion me qëllim parandalimin e aksidenteve. Në kuadër të këtyre aktiviteteve policia rajonale e Ferizajt gjatë javës që shkoi, ka shqiptuar 1153 gjoba kundërvajtëse, ndërsa ka hequr edhe 15 patentë shoferë për drejtuesit që kanë shkaktuar kundërvajtje më të rënda në komunikacion.

Ndërsa, janë raportuar 39 aksidente, prej tyre 17 aksidente me lëndime, 21 persona të lënduar, 22 aksidente me dëme materiale.

“Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor. Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘Lajmëro Policinë’ dhe në numrat kujdestarë : 192,0290/326-250 & 0290/322-406”, thuhet në komunikatë.