ATV

Author: G.O.

  • Ueb-faqet e papërditësuara të institucioneve, rrezik nga sulmet

    Ueb-faqet e papërditësuara të institucioneve, rrezik nga sulmet

    PËRGATITI: HARIS ADEMI

    Ueb-faqja e Policisë së Kosovës nuk është përditësuar nga viti 2021. Ajo e qeverisë dhe e Ministrisë së Punëve të jashtme, nga 2022-ta, ndërsa e Presidencës dhe e Prokurorit të Shtetit, nga viti i kaluar.

    Kjo është njëra nga çështjet për të cilën edhe vetë Ministria e Punëve të Brendshme e pranon se ka mangësi. Por thotë se ka plan.

    “Ueb-faqet e institucioneve shtetërore janë zhvilluar nga institucionet përkatëse dhe disa prej tyre kanë pasur mangësi në mirëmbajtjen e tyre, duke mos u përmirësuar në përputhje me trendet e fundit të zhvillimit të teknologjisë informative. ASHI/MPB ka planifikuar një platformë të re të ueb-faqeve për të gjitha institucionet e Republikës së Kosovës, për t’i adresuar këto probleme. Projekti është në proces të implementimit”, thuhet në përgjigjen e MPB-së.

    Eksperti i sigurisë kibernetike, Kastriot Fetahaj, thotë se mospërditësimi i uebfaqeve i bën ato fragjile ndaj sulmeve.

    “Teknikisht, çdo ueb-faqe që nuk është update për ma pak se tre muaj, ajo ka potencial dhe rrezik të madh që të ketë rrezik të sigurisë”, tha Fetahaj.

    Përmes një analize pasive në dhjetë faqe të institucioneve kryesore, Fetahaj thotë se ka vërejtur edhe defekte të tjera. Sidomos në mbrojtje nga ndalimi i shërbimit dhe përdorimi i identiteteve të rreme.

    “Nuk kanë mekanizma mbrojtës ndaj Denial Service dhe nuk e kanë të siguruar vjedhjen e identitetit, gjithkush mundet me dërgu emaile sikur ata”, shtoi tutje ai.

    Gjithashtu, shton se këto faqe nuk i posedojnë edhe disa certifikata tjera të sigurisë. Megjithatë, vlerëson se më së miri nga to qëndron platforma E-Kosova.

    Në MPB thanë për ATV-në se gjatë vitit të kaluar janë përballur me disa sulme të vogla kibernetike.

    “Ka pasur sulme kibernetike të përmasave të vogla në infrastrukturën shtetërore, duke përfshirë sulmet “phishing” dhe “DDoS”. Parandalimi i këtyre sulmeve kërkon një përgjigje të përhershme dhe të specializuar për të mbrojtur infrastrukturën kibernetike nga këto rreziqe”, u përgjigjën nga MPB-ja për ATV-në.

    Më 2022, Kosova u përball me sulme të vazhdueshme të llojit DDoS, që bllokuan disa herë shërbimet online. Për këtë arsye, qeveria hartoi Projektligjin për Siguri Kibernetike.

    Më keq kishte pësuar Shqipëria. Pas sulmeve kibernetike në këtë shtet, ishte konfirmuar se qëndroi Republika Islamike e Iranit./atvlive.tv/

    Për më shumë ndiqni videon e mëposhtme:

    https://www.youtube.com/watch?v=GJMwFUzwefw

  • Fushë-Kosova ende pa shesh, premtimi i kryetarit larg realizimit

    Fushë-Kosova ende pa shesh, premtimi i kryetarit larg realizimit

    PËRGATITI: DRITON SADIKU 

    Kalimin nëpër këtë rrugë iu duhet ta bëjnë me kujdes të shtuar, se mos goditen nga ndonjë veturë.

    Por më lirshëm do të mund të ecnin nëse komuna e Fushë-Kosovës do ta realizonte premtimin, që rrugën Dardania ta shndërronte në shëtitore.

    Megjithatë, kur jemi në vitin e tretë të qeverisjes, realizimi i këtij projekti duket ende larg.
    Komuna arsyetohet se ka arsye për këtë.

    “Arsye pse nuk kemi kontratë ende për realizimin e këtij premtimi ka qenë buxheti, siç e dini ne jemi të penalizuar për shkak të regjistrimit të popullsisë. Ne i humbim 6 milionë euro në vit, për shkak se banorët rezidentë janë të regjistruar vetëm 33 mijë, derisa në të vërtetë janë mbi 60 mijë. Arsyeja e dytë ka qenë sepse intensiteti i lartë i ndërtimeve ka qenë në kulminacion gjatë këtyre viteve”, deklaroi drejtori i shërbimeve publike në këtë komunë, Ardit Sekiraça.

    Me gjithë arsyetimet e komunës, qytetarët e shohin si mjaft të nevojshëm një investim të tillë, ndonëse kanë fare pak shpresa.

    Shesh jo, por disa investime tjera në këtë rrugë thonë se do t’i bëjnë së shpejti.

    “Ne tash e kemi një kontratë e cila ka të bëjë me rregullimin e mjedisit. Kjo nënkupton mbjelljen e drunjve dekorativë, kanë me u mbjellë diku 1500 trupa të cilët kanë me ndiku në rregullimin e mjedisit për banorët e lagjes Dardania dhe atyre përreth”, tha tute drejtori Sekiraça.

    Për mbjelljen e këtyre drunjve komuna do të shpenzojë afro 700 mijë euro, derisa projekti për rregullimin e sheshit sipas komunës do të kushtonte rreth 2 milionë euro./atvlive.tv/

    Për më shumë ndiqni videon e mëposhtme:

    https://www.youtube.com/watch?v=dtegGd5tlTE

  • 25 vjet nga masakra e Mejës, kujtohen 376 civlët e vrarë

    25 vjet nga masakra e Mejës, kujtohen 376 civlët e vrarë

    PËRGATITI: BENITA ZENELI

    Kujtesa për 27 prillin e 25 viteve më parë është ende efreskët për Kacoli Igrisha.

    Dhimbja vazhdon edhe pas këtyre viteve, derisa kujton dy djemtë e saj të vrarë.

    Malli për djalin nuk shuhet as për Xhafer Ramën e bashkëshorten e tij.

    Për të përkujtuar masakrën e Mejës në “Lëndinën e Pikëllimit” u mblodhën edhe krerët institucional.

    Masakrën e Mejës, e kanë përkujtuar edhe liderët e partive opozitare. Edhe ata kërkojnë drejtësi, duke thënë se Meja flet për viktimën dhe agresorin më fuqishëm dhe më drejtë se cilado gjykatë.

    Atë ditë u vranë 376 civilë, në mesin e tyre nxënës e arsimtarë.

    Ndërkaq, trupat e 13 viktimave të kësaj masakre ende nuk janë gjetur.

    Për më shumë klikoni në linkun e mëposhtëm:

    https://www.youtube.com/watch?v=ntIvLsCprUI

  • 13 komuna aplikojnë për ndërtimin e objekteve për banim të përballueshëm

    13 komuna aplikojnë për ndërtimin e objekteve për banim të përballueshëm

    PËRGATITI: ARTON HAMITI  

    Vetëm 13 komuna kanë aplikuar në thirrjen e Qeverisë për përcaktimin e lokacionit për ndërtimin e objekteve për banim të përballueshëm.

    Thirrjes publike që qëndroi hapur një muaj i janë përgjigjur komunat: Podujeva, Kamenica, Peja, Malisheva, Rahoveci, Lipjani, Drenasi, Ferizaj, Gjilani, Obiliqi, Vushtrria, Istogu dhe Komuna e Shtimes.

    Megjithatë, jo në të gjitha mund të fillojë implementimi i projektit.

    “Komunat që i plotësojnë kriteret dhe janë të gatshme do të jenë përfituese të programit, ndërkaq zhvillimi dhe implementimi i programit do të bëhet me faza. Fillimisht startohet me tri komuna dhe më pas vazhdohet me komunat tjera të cilat janë të gatshme dhe gjatë kësaj kohe i kanë plotësuar kushtet e parapara. Duhet pasur parasysh se ka Komuna të cilat janë në procese të hartimit dhe aprovimit të dokumenteve te planifikimit dhe në momentin që ato janë të gatshëm, vazhdohet edhe me ato komuna me Programin e Banimit të Përballueshëm dhe Social”

    Njëra nga komunat që shpreson të jetë fituese e programit qeveritar për banim të përballueshëm është edhe komuna e Lipjanit.

    Fshati Magure është paraparë si vend adekuat për ndërtimin e objektit.

    Derisa Qeveria iu bëri thirrje komunave të aplikojnë për përcaktimin e lokacionit, projektligji për banimin social dhe të përballueshëm nuk është votuar akoma nga ekzekutivi. Madje, ky projektligj ishte në konsultim publik deri para një jave. /atvlive.tv/

    Për më shumë klikoni në linkun e mëposhtëm:

    https://www.youtube.com/watch?v=7IFsKgmK_To

  • Arrestohet një person i dyshuar për krime lufte kundër popullatës civile

    Arrestohet një person i dyshuar për krime lufte kundër popullatës civile

    Prokuroria Speciale njoftoi se në pikën kufitare të Republikës së Kosovës me Serbinë, konkretisht në Bërnjak, është ndaluar një person me inicialet J.Š., i dyshuar se gjatë viteve 1998 – 1999, në Komunën e Gjakovës, ka kryer veprën penale “Krime lufte kundër popullatës civile”.

    Me aktvendim të Prokurorisë Speciale, i njëjti është ndaluar për 48 orë, dhe brenda afateve kohore ligjore ndaj të njëjtit kjo prokurori do të bëjë kërkesë për caktimin e masës së paraburgimit nën dyshimin se ka kryer veprën penale “Krime lufte kundër popullatës civile”.

  • Policia identifikon 76 lëmoshë kërkues nga Kosova dhe Shqipëria

    Policia identifikon 76 lëmoshë kërkues nga Kosova dhe Shqipëria

    Policia e Kosovës ka identifikuar gjithsej 54 lëmoshëkërkues nga Republika e Kosovës, prej të cilëve 22 të moshës madhore, dhe 32 fëmijë. Janë identifikuar gjithsej 22 lëmoshë kërkues nga Republika e Shqipërisë, prej te cilëve 15 persona te moshës madhe dhe 07 fëmijë”.

    Policia e Kosovës, në vazhdën e aktiviteteve për parandalimin e trafikimit të qenieve njerëzore e në veçanti fëmijëve, ka hartuar Planin Operativ “Identifikimi i fëmijëve në situatë rruge si viktima të mundshme të trafikimit Prill 2024”.

    Ky plan operativ është zbatuar në të gjithë territorin e RKS-së, në periudhën kohore 15.04.2024 deri me datë 27.04.2024 nga të gjitha Njësitet Rajonale të DHTQNJ-së dhe akterët tjerë relevant si: Prokuroritë ne rajonet përkatëse, Qendrën për punë sociale, Drejtorinë për Migrim dhe të Huaj etj.

    “Aktiviteti përmbyllës është zhvilluar më datë 27.04.2021 ku edhe janë realizuar aktivitetet si në vijim: Janë identifikuar gjithsejtë 54 lëmoshë kërkues nga Republika e Kosovës, prej të cilëve 22 të moshës madhore, dhe 32 fëmijë. Janë identifikuar gjithsejtë 22 lëmoshë kërkues nga Republika e Shqipërisë, prej te cilëve 15 persona te moshës madhe dhe 07 fëmijë”.

    Gjatë implementimit të këtij plani janë iniciuar gjithsejtë 18 raste penale, me 16 persona të dyshuar, si dhe një person te dëbuar.

  • Zbulohet pllaka “Shtëpia e Durimit” në Shtëpinë Tradicionale të Familjes Qerkezi

    Zbulohet pllaka “Shtëpia e Durimit” në Shtëpinë Tradicionale të Familjes Qerkezi

    Në Gjakovë sot është zbuluar pllaka “Shtëpia e Durimit” në Shtëpinë Tradicionale të Familjes Qerkezi – Muzeu Historik 1999.

    Të pranishëm në shtëpinë e nënës Ferdonije Qerkezi, ishin nënkryetari i komunës, Flamur Fetahaj, drejtori për Mjedis dhe Urbanizëm Arben Bakalli, drejtoresha për Arsim Eranda Kumnova Baçi, Drejtoresha për Kulturë, Rini dhe Sport Adea Roka Pylla dhe Këshilltari Xhavit Alijaj.

    Në fjalën e tij, Nënkryetari Fetahaj, u shpreh se kjo pllakë simbolizon shembullin më konkret të durimit dhe sakrificës së popullit tonë, Nënën Ferdonije.

    “Kjo nënë dhe të gjitha familjet e dëshmorëve dhe martirëve, do të kenë gjithmonë mbështetjen tonë si institucion”,  tha ndër të tjera ai.

    Ky projekt është financuar nga Komuna e Gjakovës.

    Ndryshe, Ferdonije Qerkezi, vazhdon të mbaj shprese që fati i të gjithë të pagjeturve të zbardhët.

    Ajo deri tash ka varrosur dy nga djemtë e sajë, përderisa trupat e dy të tjerëve dhe bashkëshortit nuk janë identifikuar ende.

  • Zelensky u lutet sërish aleatëve të Ukrainës për kundërajrorë dhe furnizim të shpejtë me armë

    Zelensky u lutet sërish aleatëve të Ukrainës për kundërajrorë dhe furnizim të shpejtë me armë

    Presidenti i Ukrainës, Volodymyr Zelensky, u është lutur sërish të shtunën aleatëve të Kievit për kundërajrorë dhe për furnizim të shpejtë me armë, pas sulmit të ri masiv rus ndaj sektorit ukrainas të energjisë.

    Zelensky tha se Ukraina ka nevojë për sasi një sasi të mjaftueshme të kundërajrorëve dhe të armëve të tjera për mbrojtjen e qyteteve të veta dhe për të triumfuar kundër pushtuesit rus.

    “Terrori duhet të humbë gjithmonë dhe, kushdo që na ndihmon t’i bëjmë ballë terrorit rus, është mbrojtës i vërtetë i jetës”, tha Zelensky të shtunën.

    Kievi tha të shtunën në mëngjes se Rusia ka kryer sulme të mëdha kundër termocentraleve të saj gjatë natës.

    DTEK, kompania më e madhe energjetike e Ukrainës, tha se katër termocentrale të saj janë goditur.

    “Armiku përsëri i bombardoi fuqishëm objektet energjetike ukrainase”, tha DTEK në një komunikatë. “Pajisjet e kompanisë janë dëmtuar rëndë. Punëtorët e energjisë janë duke punuar tani për eliminimin e pasojave të sulmit”.

    Ministri ukrainas i Energjisë, Herman Halushchenko, tha se sulmet ruse cak e kishin rajonin Dnipropetrovsk në Ukrainën qendrore dhe rajonet perëndimore Lviv dhe Ivano-Frankivsk.

    Kundërajrorët ukrainas i rrëzuan 21 prej 34 raketave ruse gjatë natës, tha komandanti i Forcës Ajrore të Ukrainës të shtunën.

    Të premten, sekretari amerikan i Mbrojtjes, Lloyd Austin, tha se Shtetet e Bashkuara do t’i dërgojë me nxitim Ukrainës raketa të sistemit kundërajror Patriot dhe municione të artilerisë.

    Megjithatë, kundërajrorët Patriotë për shkrepjen e raketave nuk do t’i dërgohen Kievit, tha Austin.

    Duke folur të premten, Austin tha se SHBA-ja është duke e përmbushur zotimin për ndihmën me pakon më të madhe ushtarake për Ukrainën deri më sot, në vlerë rreth 6 miliardë dollarë, dhe se do të veprojë shpejt për ta furnizuar atë.

    Përveç raketave Patriotë, pakoja 6 miliardë dollarë përfshirë më shumë municione për sistemet e avancuara kombëtare raketore ajër-tokë (NASAMS), pajisje shtesë për integrimin e kundërajrorëve perëndimorë, raketave dhe radarëve në armatimin ekzistues të Ukrainës.

    Të premten, Zelensky tha se vetëm këtë vit, avionët luftarakë rusë i përdorën më shumë se 9.000 bomba ajrore kundër Ukrainës.

    Nevojitën së paku shtatë kundërajrorë Patriotë për t’i mbrojtur qytetet ukrainase, shtoi ai./REL/

  • Dita e të Pagjeturve dhe Masakra e Mejës, Haradinaj: Kurrë nuk do të ndalemi së kërkuari drejtësi

    Dita e të Pagjeturve dhe Masakra e Mejës, Haradinaj: Kurrë nuk do të ndalemi së kërkuari drejtësi

    Kryetari i Aleancës për Ardhmërinë e Kosovës, Ramush Haradinaj ka përkujtuar Ditën Kombëtare të të Zhdukurve të luftës së fundit në Kosovë si dhe Masakrën e Mejës.

    Ish-kryeministri u shpreh se kurrë nuk do të ndalet kërkimi për drejtësi të tyre, njofton Klankosova.tv.

    “Sot, Kosova shënon Ditën e të Pagjeturve, njëkohësisht edhe ditën e masakrës së Mejës”, ka shkruar Haradinaj në Facebook.

    “Nuk është rastësi, që Dita e të Pagjeturve, shënohet pikërisht në ditën e masakrës së Mejës. Në këtë datë forcat okupatore kryen njërën ndër masakrat më të mëdha në Kosovë, duke vrarë 377 motra e vëllezër tanë shqiptarë, një pjesë e tyre ende të pagjetur. Shqiptarë të pambrojtur të dy besimeve fetare që kishin vetëm një ëndërr, lirinë e Kosovës”.

    “Kurrë nuk do të harrojmë kujtimin për ta. Kurrë nuk do të ndalemi së kërkuari drejtësi.  Pushofshin të qetë në tokën e Kosovës!”.

  • Tajvani thotë se Kina dërgoi avionë ushtarakë në territorin e saj

    Tajvani thotë se Kina dërgoi avionë ushtarakë në territorin e saj

    Tajvani ka thënë se 12 avionë ushtarakë të Kinës janë futur në territorin e saj duke e kaluar kufirin e ndjeshëm të Ngushticës së Tajvanit të shtunën, vetëm një ditë pasi sekretari amerikan i Shtetit, Antony Blinken, e përfundoi një vizitë në Pekin.

    Amerika është mbështetësja më e rëndësishme ndërkombëtare dhe furnizuesja me armë e Tajvanit, pavarësisht se këto dy vende nuk kanë marrëdhënie diplomatike.

    Blinken tha se gjatë vizitës në Kinë e theksoi “rëndësinë jetike” për ruajtjen e paqes dhe stabilitetit përgjatë Ngushticës së Tajvanit.

    Tajvani demokratik është përballur me trysni të madhe ushtarake nga Kina, sepse ajo cilëson këtë ishull si pjesë të territorit të vet. Qeveria e Tajvanit i kundërshton këto pretendime.

    Ministria e Mbrojtjes e Tajvanit tha se i vërejti mëngjesin e së shtunës 22 avionë ushtarakë kinezë, përfshirë avionë Su-30, prej të cilëve 12 e kaluan vijën kufitare verior dhe qendror të Tajvanit.

    Kjo vijë dikur shërbente si kufi jozyrtar mes këtyre dy vendeve, mbi të cilën nuk kalonte ushtria e asnjërës palë, por tani forcat ajrore kineze dërgojnë avionë luftarakë përtej saj rregullisht.

    Kina thotë se nuk e njeh një vijë të tillë kufitare.

    Forcat e Armatosura të Tajvanit janë të pajisura dhe të trajnuara mirë, por ato të Kinës janë më të forta, posaçërisht marina dhe forcat ajrore, të cilat u përgjigjen pothuajse përditë misioneve kineze.

    Kina e konsideron Tajvanin si çështjen më të rëndësishme në marrëdhëniet e veta me Shtetet e Bashkuara, dhe i ka kërkuar vazhdimisht Uashingtonit të mos i shesë më armë Tajvanit./REL/