ATV

Author: G.O.

  • Një tornado e fuqishme shkakton shumë viktima dhe dëme në Ajova

    Një tornado e fuqishme shkakton shumë viktima dhe dëme në Ajova

    Një tornado e fuqishme e ka shkatërruar një qytezë të vogël në Ajova të Shteteve të Bashkuara të Amerikës të martën, duke vrarë shumë njerëz dhe duke lënduar dhjetëra të tjerë, thanë autoritetet të martën.

    Pamjet nga qyteza Greenfield shfaqin rrënimin e madh që ka shkaktuar tornadoja; shtëpi të bëra rrafsh me tokën dhe rrënoja gjithandej.

    Disa turbina të mëdha të erës u rrëzuan gjithashtu.

    “Kjo tornado e ka shkatërruar një pjesë të madhe të kësaj qyteze”, tha Alex Dinkla, zëdhënës i policisë në Ajova.

    “Mund të konfirmojmë se ka shumë viktima nga kjo tornado”, shtoi ai.

    Dinkla nuk tregoi numrin e saktë të viktimave, dhe tha se numri nuk mund të dihet para të mërkurës.

    Së paku dhjetëra njerëz në Greenfield, një qytezë me rreth 2.000 banorë, u lënduan nga stuhia, tha Dinkla.

    Për shkak se spitali i qytezës kishte pësuar dëme nga stuhia, të lënduarit u dërguan në spitalet e qytezave në afërsi për shërim.

    Guvernatorja e Ajovës, Kim Reynolds, tha se do ta vizitojë Greenfieldin të mërkurën.

    “Derisa është shumë herët të dihet ndikimi i stuhisë, përgjigjet do të vijnë orët dhe në ditët në vijim”, tha ajo.

    Shërbimi Kombëtar i Motit i SHBA-së kishte bërë disa paralajmërime për tornado për shumicën e Ajovës dhe për disa shtete në afërsi të martën./REL/

  • Pallati Kensington ndan detaje për gjendjen shëndetësore të Kate Middleton

    Pallati Kensington ndan detaje për gjendjen shëndetësore të Kate Middleton

    Që kur Kate Middleton njoftoi se, ashtu si Mbreti Charles III, ajo vuan nga kanceri dhe po i nënshtrohet trajtimit mjekësor, ka pasur pak përditësime për gjendjen e saj shëndetësore.

    Tani, Kensington Palace ka bërë një njoftim dhe ka dhënë detaje të projekteve në të cilat Princesha e Uellsit mbetet e përfshirë.

    Përfshirja e Middleton në projektet sociale është tashmë e mirë-publikuar, me mbretërinë që mban qëllimin e saj për të ndihmuar ata në shoqërinë britanike që janë më në nevojë.

    Një nga çështjet që ajo shqetëson më shumë është shëndeti mendor i fëmijëve, veçanërisht atyre nën moshën pesë vjeç.

    Sipas deklaratës së Pallatit Kensington, një investim i tillë në fëmijërinë e hershme mund të ketë një ndikim në ekonominë britanike në masën rreth 45 miliardë funte.

    Familja mbretërore britanike është euforike me gjetjet, dhe veçanërisht Middleton, sipas deklaratës, e cila pohoi: “Ajo është e emocionuar nga rezultatet e arritura”.

    Përveç kësaj, thuhet se Princesha e Uellsit është ende duke u trajtuar për sëmundjen e saj dhe si rezultat ajo do të qëndrojë larg vijës së parë për një kohë.

    Middleton do të vazhdojë të mbajë një profil të ulët për sa i përket çështjeve zyrtare, me bashkëshortin Princi William që do të vazhdojë të udhëheqë rrugën në atë front.

    Mediat angleze kanë raportuar se burimet më të afërta me familjen mbretërore thonë se Middleton do t’i kthehet detyrave publike “kur ekspertët të japin dritën jeshile”.

    Ata gjithashtu pretendojnë se, për momentin, Middleton ka nevojë për “privatësi” ndërsa ajo i nënshtrohet kimioterapisë.

  • Deputetja e PDK-së: Kemi kërkuar shpërndarjen e Kuvendit por kundër janë LDK-ja dhe AAK-ja

    Deputetja e PDK-së: Kemi kërkuar shpërndarjen e Kuvendit por kundër janë LDK-ja dhe AAK-ja

    Deputetja e Partisë Demokratike të Kosovës (PDK), Ariana Musliu-Shoshi ka thënë për Ekonomia Online se partia e saj ka kërkuar shpërndarjen e Kuvendit por që kundër kësaj ideje kanë dalë dy partitë tjera opozitare, LDK-ja e AAK-ja.

    Musliu-Shoshi nuk është shumë e sigurt se mocioni mund të kalojë, marrë parasysh votat që kërkohen për të shkarkuar Qeverinë. Andaj, kërkon që kjo çështje të diskutohet nga liderët e partive opozitare.

    “Si PDK ne kemi kërkuar shpërndarjen e Kuvendit, kemi kërkuar votat nga partitë opozitare që të jemi të gjitha bashkë drejt pra, votës për shpërndarjen e Kuvendit. Tu marrë parasysh faktin që dy partitë opozitare me qëndrimet e tyre LDK-ja dhe AAK-ja janë kundër një vendimi të tillë, atëherë nuk jam e sigurt se a i kemi votat sepse e dimë që kërkohen 80 vota që të bëhet shpërndarja e Kuvendit. Prandaj mendoj që është pjesë e liderëve të partive opozitare që të konkretizojnë se si do të ecim përpara. Mirëpo nëse arrijmë si parti opozitare që t’i kemi votat, patjetër që ka mundësi të shkojmë edhe në zgjedhje, mirëpo nëse nuk ka dakordim në mes partive opozitare e liderëve, atëherë nuk e shoh se si do të jenë votat që të ecin përpara”, ka thënë Shoshi për Ekonomia Online.

    Deputetja e PDK-së ka thënë se janë të vetmit parti që nuk kanë vendosur vija të kuqe me partitë shqiptare dhe se këtë nuk do ta bëjnë as këtë herë.

    “Ne kemi thënë se jemi e vetmja parti e cila asnjëherë në asnjë palë zgjedhje nuk ka pas vija të kuqe me asnjë parti shqiptare. Prandaj është ende shumë herët të diskutohet për një çështje të tillë. Prapë se prapë ne si PDK i kemi organet tona, është Kryesia, është Këshilli Drejtues që paraprakisht e diskutojmë, marrim mendimin dhe opinionin, votën e secilit ashtu siç mendon dhe varësisht nga opinionet e ndryshme, vendimet merren në shumicë e nuk merren vendimet me individë”, ka thënë ajo.

  • Pacolli: Presim opozitën të koordinohet për datën e zgjedhjeve, në të kundërtën e vazhdojmë mandatin

    Pacolli: Presim opozitën të koordinohet për datën e zgjedhjeve, në të kundërtën e vazhdojmë mandatin

    Deputetja e Lëvizjes Vetëvendosje, Fitore Pacolli, ka thënë për Ekonomia Online se partia e saj është e gatshme për zgjedhje dhe se janë në pritje të një koordinimi me partitë opozitare.

    Pacolli ka deklaruar se nëse opozita dështon ta caktojë datën e zgjedhjeve, partia në pushtet do ta dërgojë mandatin deri në fund.

    “Tani ne e kemi treguar qe jemi të gatshëm kurdo që ka nevojë me shku në zgjedhje, ose kur do që don opozita me shku në zgjedhje, ne jemi të gatshëm dhe mund të shkojmë në zgjedhje. Ne po presim qe të kemi koordinim bashkë me opozitën në mënyrë që të caktohet data e zgjedhjeve, nëse nuk ka koordinim ne e vazhdojmë mandatin deri në fund, sepse është opozita ajo që po kërkon zgjedhje dhe nëse opozita po kërkon zgjedhje të reja, ne jemi në gatshëm të shkojmë në zgjedhje të reja e nëse ata dështojnë që të koordinohen për një datë të caktuar, ne jemi të gatshëm të shkojmë deri në fund të mandatit”, ka thënë Pacolli.

    Të martën, shefi i GP të PDK-së, Abelard Tahiri ka deklaruar se kërkojnë mocion për shpërbërjen  e Kuvendit.

  • ​Ballkani dhe Prishtina luftojnë sot për trofeun e Kupës së Kosovës

    ​Ballkani dhe Prishtina luftojnë sot për trofeun e Kupës së Kosovës

    Pasi fitoi titullin e kampionit, Ballkani do të synoj që ta pasurojë sezonin edhe me një trofe tjetër. Skuadra e Ilir Dajës do të ballafaqohet me Prishtinën në finalen e Kupës së Kosovës.

    Para ndeshjes, trajneri i Prishtinës, Emanuel Ogbo, ka deklaruar se kjo është një finale që Prishtina duhet të shkojë me synimin e vetëm për ta fituar atë, përcjellë KosovaPress.

    “Finale për të arritur objektivin që është vendosur nga të gjithë, ekipi dhe klubi. Besoj se është finale që duhet ta fitojmë, sepse Prishtina është klubi më i madh në Kosovë dhe nuk mund të ngelë pa e ngritur një trofe në sezon. Është e vetmja rrugë që Prishtina siguron Evropën dhe Prishtina e meriton të jetë në Evropë. Unë jam gjithmonë optimist në çdo betejë, në çdo luftë që futem dua të jem fitimtar. Nesër duam të shohim diçka interesante, të bëjmë mrekullinë, duke besuar në aftësitë tona dhe gjithmonë duke besuar në Hirin e Zotit, ka thënë Egbo për faqen zyrtare të klubit.

    Ndeshja do të zhvillohet në stadiumin “Rexhep Rexhepi” në Drenas me fillim nga ora 15:00.

  • Ky është parashikimi i motit për sot

    Ky është parashikimi i motit për sot

    Moti në Kosovë sot pritet të jetë me diell por edhe vranësira kalimtare.

    Sipas parashikimit të Institutit Hidrometeorologjik, në Kosovë pritet të ketë mot me diell dhe vranësira të herë pas hershme.

    Temperaturat minimale kanë shënuar 12 gradë Celsius, ndërsa maksimalja e ditës pritet të arrij në 22 gradë Celsius.

  • Vazhdon procesi gjyqësor ndaj ish-krerëve të UÇK-së

    Vazhdon procesi gjyqësor ndaj ish-krerëve të UÇK-së

    Në Dhomat e Specializuara të Kosovës në Hagë sot do të vazhdojë procesi gjyqësor ndaj ish-krerëve të Ushtrisë Çlirimtare të Kosovës, Hashim Thaçit, Kadri Veselit, Rexhep Selimit dhe Jakup Krasniqit.

    Në seancën e sotme pritet të dëshmoi dëshmitari i 64-të i Zyrës së Prokurorit të Specializuar Johan Fritsch, i cili ka filluar dëshmonë të martën në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

    Pyetjet për atë i ka filluar përfaqësuesja e ZPS-së, prokurorja Vega Iodice.

    Dëshmitari ka theksuar dje se pjesët e ditarit të tij i kishte shkruar çdo mbrëmje dhe ishin të vërteta ato se çfarë përmbante ai.

    Dëshmitarit iu prezantuan disa fotografi që sipas dëshmitarit paraqiteshin lëndimet e personave që ishin gjetur si të ndaluar në godinën e MUP-it e cila ishte nën zotërimin e UÇK-së, disa ishin nga ndërhyrjet në ndërtesën e MUP-it ku ishe gjetur edhe personi i vdekur.

    Ai ka thënë se kishin dokumentuar edhe mjete të torturimit të cilat ishin përdorur nga MUP-i dhe UÇK-ja më pas në këtë ndërtesë.

  • Escobar: Kosova e ShBA-ja kishin raporte më të mira në të kaluarën

    Escobar: Kosova e ShBA-ja kishin raporte më të mira në të kaluarën

    Zyrtarë të lartë amerikan vazhdojnë të theksojnë se Kosova aktualisht nuk i ka raportet në nivelin me të mirë me ShBA-në, raporton Ekonomia Online.

    Emisari i SHBA-së për rajonin dhe për dialogun Kosovë-Serbi, Gabriel Escobar, në një intervistë për Atlantic Council, ka deklaruar se në të kaluarën, Kosova kishte raporte me të mira me Amerikën në të kaluarën, se sa tani.

    Megjithatë, ai shpreson që këto raporte do të përmirësohen sepse SHBA-ja dhe QUINT-i kanë vullnet për një gjë të tillë.

    “Do të thosha që Kosova ka pasur një raport të mirë me SHBA-në në të kaluarën. Është një raport sfidues. Siç kam thënë më parë, ShBA-ja është e përkushtuar plotësisht për pavarësinë, integritetin territorial, sovranitetin dhe sigurinë e Kosovës, kjo s’do të ndryshojë kurrë. Kemi një raport tepër të thellë me popullin e Kosovës, dhe kjo s’do të ndryshojë kurrë. ShBA-ja mbetet shumë pro-Kosovës. Kudo që udhëtojë unë e kam atë ndjenjën reciproke që ata janë shumë pro-amerikan. Kjo i jep një forcë dhe stabilitet raportit. Por thënë këtë, s’është sekret që kemi pasur sfida në të pasurit një vizion të përbashkët për rajonin dhe se si mund të punojmë bashkë për të avancuar projektin kombëtar të Kosovës. Unë shpresoj që do të vazhdojmë të përmirësojmë këtë raport. Dhe mund të them që ka veçse vullnet të mirë, jo vetëm në ShBA, por në gjithë QUINT-in për të përmirësuar raportin”, ka thënë Escobar.

  • KGJK suspendon gjyqtarin që e la të lirë Enver Sekiraqën

    KGJK suspendon gjyqtarin që e la të lirë Enver Sekiraqën

    Këshilli Gjyqësor i Kosovës, në mbledhjen e sotme të jashtëzakonshme e cila u zhvillua me dyer të mbyllura, ka marrë vendin për suspendim të gjyqtarit Agim Kuqi, pasi ky i fundit kishte lënë të lirë Enver Sekiraqën, raporton ATV.

    Ky vendim i KGJK-së, të cilin e ka siguruar ATV, do të mbetet në fuqi deri në një vendim tjetër të Këshillit.

    “Këshilli, pas shqyrtimit dhe analizimit të dy rasteve disiplinore ka themeluar panelet hetimore. Sa i përket rastit AD/KGJK/04/2024/GJTHPR-AD/GJTHPR/8/24, Këshilli bazuar në kërkesën e autoritetit kompetent me shumicë të votave vendosi për suspendimin e gjyqtarit që është subjekt i hetimit, deri në një vendim tjetër të Këshillit. Këshilli vlerësoi se suspendimi i subjektit të hetimit, në këtë fazë të procedurës, do të krijojë parakushte që paneli hetimor të hetoj në tërësi çështjen në mënyrë të pavarur, objektive dhe të pa “ndikuar”, thuhet në vendimin e KGJK-së.

    ATV raportoi dje se Vendimi i Gjykatës Themelore të Prishtinës që Enver Sekiraqa të mbrohet në liri, është duke u analizuar nga Këshilli Gjyqësor i Kosovës dhe kryetarja e Gjykatës.

    Në një përgjigje me shkrim këto dy institucione i thanë televizionit se për veprimet e ndërmarra do të njoftohemi me kohë, duke e bashkëngjitur edhe vendimin e gjyqtarit Agim Kuqi, i cili, sipas këtij vendimi, ka vlerësuar se kanë pushuar shkaqet për masën e arrestit shtëpiak, meqenëse është arritur sigurimi i tij në procedurë.

    Kuqi, kryetari i trupi gjykues që udhëhoqi gjykimin ndaj tij, e la të lirë Sekiraqën dy herë.

    Në gjykim e dy rigjykime më pas, Enver Sekiraqa për herë të tretë është dënuar për nxitje në vrasjen e Triumf Rizës, kësaj here me 25 vjet burgim.

    Ai po mbahej në arrest shtëpiak, ndërsa nga 3 maji kur u shpall aktgjykim, u la në liri.

    Pas ankesës së Prokurorisë Speciale, Apeli e ndryshoi masën e sigurisë në paraburgim, por Sekiraqa deri tash ka qenë i paarritshëm për Policinë./atvlive.tv

  • ​Laura Fazliu lufton për medaljen e bronztë në Botërorin e xhudos

    ​Laura Fazliu lufton për medaljen e bronztë në Botërorin e xhudos

    Laura Fazliu do të luftojë për medalje të bronztë në Kampionatin Botëror të xhudos që po mbahet në Abu Dhabi, ku fitoi tri ndeshje dhe humbi një, atë të çerekfinales.

    Fazliu në xhiron e parë ishte e lirë, në xhiron e dytë ajo mposhti me Ëazaari, kroaten Katarina Kristo, transmeton KosovaPress.

    Garuesja kosovare në xhiron e tretë mposhti me Ëazaari dhe Ippon, garuesen ruse Dali Liluashvili.

    Laura në çerekfinale humbi me Ëazaari, nga garuesja e Sllovenisë Andreja Leski.

    Pas asaj ndeshje ajo u kualifikua të garoj në repasazh, ku mposhti me Ippon australianen Katharina Haecker. Për medalje të bronztë ajo takohet me kanadezen Catherine Beauchemin-Pinard.