Author: G.O.

Sindikata e Pavarur e Minatorëve të “Trepçës” ka njoftuar se janë bërë më shumë se dy javë prej kur është dashur të bëhej ekzekutimi i pagave për minatorët.

Sipas tyre, një realizim i tillë është bërë në mënyrë selektive dhe diskriminuese, duke ekzekutuar pagat vetëm për disa kategori dhe pozita të punës.

“Kanë kaluar tashmë e dy javë nga dita kur është dashur të bëhej ekzekutimi i plotë i pagave për minatorët. Por një realizim i tillë është bërë në mënyrë selektive dhe diskriminuese, duke ekzekutuar pagat vetëm për disa kategori dhe pozita të punës.

Një qasje të tillë e konsiderojmë diskriminuese, të kundërligjshme dhe të papërgjegjshëm. Ne kërkojmë ekzekutimin e pagave menjëherë, për të gjithë minatorët( të gjithë të punësuarit nëTrepça Sh.a) pa dallim dhe diskriminim. Kësaj qasje arbitrare ndaj minatorëve duhet ti vie fundi”, është thënë në reagim.

Tutje, nga kjo Sindikatë kanë kërkuar që menjëherë të bëhet ekzekutimi i pagave.

Aleanca për Ardhmërinë e Kosovës e ka akuzuar Qeverinë Kurti se nuk ka punuar në lehtësim të procesit të votimit nga diaspora, siç parashihet me Ligjin për Zgjedhjet e Përgjithshme, raporton Ekonomia Online.

Në një konferencë për media të mërkurën, shefi i Grupit Parlamentar të AAK-së, Besnik Tahiri, e ka cilësuar “skandal” gjendjen në këtë aspekt.

Ndonëse ka hyrë në fuqi ky ligj nëntë muaj më parë, Tahiri ka thënë se në vend të 50 centëve për votë, sërish diaspora duhet të paguajë nga 70-80 euro.

“Votimi jashtë vendit për vëllezërit dhe motrat tona nga diaspora vazhdon të manipulohet duke e penguar zbatimin e Ligjit për Zgjedhje të Përgjithshme i cili ka hyrë në fuqi në korrik të vitit të kaluar. Janë bërë 9 muaj që kur ky ligj ka hyrë në fuqi e nuk është ndërmarrë asnjë veprim për të mundësuar votimin e vëllezërve dhe motrave tona sipas këtij ligjit. Deri më tani nuk ka asnjë informatë asnjë marrëveshje ndërshtetërore për të mundësuar votimin e qytetarëve të Kosovës në Ambasada siç thotë ligji. Ligji i ri kërkon që të krijohet një kuti postare ku diaspora do të mund të votojë dhe pastaj këto vota që do të paguheshin me 50 centë të shkonin në atë kuti që do të ambalazhohej nga Ambasada e do të menaxhohej nga KQZ-ja në mënyrë që vota të vijë në Kosovë”, ka thënë Tahiri.

Kritika ka edhe deputetja tjetër e AAK-së, Time Kadriaj. Ajo ka thënë se “është shqetësuese sepse Kurti e ka marrë votën popullore e mbi 90 mijë vota nga diaspora”.

“Për neve është shqetësuese sepse ka marr votën popullit, ka marre 90 mijë vota për diaspora duke thënë që kemi mbajt premtime, qoftë për Ligjin për Diasporën, qoftë rregullimin e votimit të diasporës dhe e dim ne që mënyra deri tashme është e komplikuar. Kjo qeveri deri sot nuk ka bërë asgjë, i ka kaluar tri vjet në çdo vit kalendarik e kemi ligjin për diasporë dhe çdo vit nuk vjen edhe këtë vit nuk sjellet”.

Kundërajrorët ukrainas i rrëzuan të gjithë 24 dronët me të cilët Rusia e sulmoi Ukrainën mëngjesin e së mërkurës, thanë Forcat Ajrore të Ukrainës në një komunikatë.

Dronët u shkatërruan mbi rajonet Mikolaiv, Dnipropetrovsk, Zaporizhja, Donjeck, Sumi dhe Odesa, thuhet në komunikatë.

Ndërkohë, këshilli i qytetit Sumi tha se linjat e rrymës dhe tubacionet e ujit u dëmtuan nga mbetjet e dronëve të rrëzuar dhe se kishte ndërprerje të furnizimit me rrymë në qytet.

Ai tha se ka nisur puna për kthimin e furnizimit me ujë dhe rrymë për banorët.

Këtë pranverë, Rusia i ka rritur sulmet me dronë dhe raketa nëpër Ukrainë, duke i shkaktuar dëme të mëdha infrastrukturës së saj energjetike.

Forcat ukrainase i rrëzuan të gjithë 90 dronët e llojit Shahed që Rusia i lëshoi në javën e fundit, tha më 20 maj zëdhënësi i ushtrisë ukrainase, Dmytro Lykhoviy./REL/

Në kuadër të zbatimit të strategjisë nacionale për parandalimin dhe luftimin e Etheve Hemorragjike Krime Kongo (EHKK), sot, Komuna e Malishevës, ka filluar me dezinsektimin e zonave endemike, kundër rriqrave, si bartës të virusit të EHKK.

Fillimin e kësaj fushate, e ka parë nga afër edhe kryetari i Komunës së Malishevës, Ekrem Kastrati dhe drejtorët e drejtorive përkatëse, përgjegjëse për realizimin e dezinfektimit dhe zbatimit të masave parandaluese kundër EHKK.

“Pavarësisht numrit të rasteve të thumbimeve nga rriqrat, është fat i mirë se tani e një dekadë nuk kemi raste të infektimit me këtë virus vdekjeprurës, por ne si komunë, brenda përgjegjësive dhe kompetencave, jemi duke bërë të pamundurën për mbrojtjen e shëndetit të qytetarëve. Shfrytëzoj rastin ti falënderoj të gjithë që janë të angazhuar në luftimin dhe parandalimin e kësaj sëmundje, duke filluar nga punëtorët shëndetësor, zyrtarët përgjegjës komunal, si dhe të gjithë qytetarët, të cilët po tregohen shumë të kujdesshëm”, ka thënë kryetari Kastrati, me rastin e fillimit të dezinsektimit të zonave endemike.

Po ashtu, kryetari i Kastrati, ka apeluar tek organet përgjegjëse shtetërore, që të marrin masat e nevojshme për luftimin e EHKK, siç janë Këshilli Ndërministror, pastaj realizimi i repelimit të kafshëve, si masa më efektive në luftimin e EHKK dhe të gjitha përgjegjësitë tjera, të cilat duhet të fillojnë nga Ministria e Shëndetësisë, IKSHPK, Ministria e Bujqësisë, AUV, në mënyrë që luftimi dhe parandalimi i EHKK, të ketë rezultate dhe të mbrohet jeta dhe shëndeti i qytetarëve.

“Në fillimin e fushatës së dezinfektimit të zonave endemike, ishin të pranishëm edhe drejtorët e drejtorive përkatëse, Hajdin Berisha, drejtor i shëndetësisë, Sylë Dukolli, drejtor i bujqësisë dhe drejtori për mbrojtje dhe shpëtim, Shqipron Shala. Ky dezinsektim, bëhet në koordinim në mes të drejtorive përgjegjëse në Komunën e Malishevës dhe Institutit Rajonal të Shëndetit Publik (IRSHP) në Prizren.Kjo fushatë e dezinsektimit, tregon përkushtimin e Komunës së Malishevës në raport me ruajtjen dhe mbrojtjen e shëndetit të qytetarëve nga rreziku i EHKK”, thuhet në njoftim.

Është shënuar 25 vjetori i njërës prej masakrave me të mëdha në Kosovë, ajo e burgut të Dubravës, brenda të cili janë vrarë 160 të burgosur shqiptarë dhe janë plagosur më shumë se 300 të tjerë, raporton Ekonomia Online.

Ministrja e Drejtësisë Albulena Haxhiu, këtë masakër e ka quajtur projekt të Serbisë për zhdukjen e shqiptarëve.

“Projekti gjenocidal i Serbisë për zhdukjen e shqiptarëve në Kosovë hyri edhe brenda Burgut të Dubarvës. Kjo ndërtesë u kthye në kamp të përqendrimit politik me mbi 980 politik shqiptarë vetëm për shkak të bindjeve të tyre politike”, tha Haxhiu.

Për këtë masakër, sikurse edhe për shumë të tjera, ende nuk është vendosur drejtësia, për t’i dënuar kriminelët që i kryen ato.

Por, ministrja Haxhiu, u zotua se do të bëjnë gjithçka që të ketë drejtësi.

“Deri më tani as drejtësi vendore e aq më pak ajo ndërkombëtare nuk kanë arritur t’i dënojnë kriminelët që e organizuan planin e kësaj masakre. Masakra e Dubravës është trajtuar vetëm në procedurën gjyqësore kundër Sllobodan Millosheviit, i cili vdiq pa u dënuar. Me lejoni që të ju informoj që në lidhje me masakrën e Dubravës tashmë po zhvillohen hetime nga Prokurori Speciale dhe në këtë moment janë 40 të pandehur dhe në fund të vitit të kaluar Prokuroria Special ka ngritur aktakuzë kundër një të dyshuari. Nga këtu do të zotohemi që të ketë drejtësi”, theksoi ajo.

Ish-kryeministri britanik David Cameron, tashmë sekretar shteti për çështjet e jashtme në qeverinë e kryeministrit Rishi Sunak, ka mbërritur në Tiranë ditën e sotme.

Ai është mirëpritur nga ministri për Evropën dhe Punët e Jashtme Igli Hasani në aeroport.

Ministri Hasani ka ndarë një foto nga takimi në aeroport me Cameron dhe shpreh kënaqësinë e tij për këtë vizitë.
“Kënaqësi e madhe për të mirëpritur Sekretarin e Shtetit të Mbretërisë së Bashkuar për Çështjet e Jashtme, Komonuelthit dhe Zhvillimit David Cameron për në Tiranë. Ruajtja e unitetit euroatlantik është thelbësore, në dritën e kërcënimeve aktuale për sigurinë evropiane, duke përfshirë maksimizimin e mbështetjes për Ukrainën dhe adresimin e sfidave ndaj stabilitetit në Ballkanin Perëndimor”, shkruan Hasani.

Cameron fillimisht do të zhvillojë një takim me kryeministrin Edi Rama. Pas takimit, kryeministri Rama dhe sekretari Cameron do të zhvillojnë konferencë për shtyp në orën 12:50 te biblioteka, Cod.

Sekretari i Jashtëm i Britanisë së Madhe pritet të takohet më pas me Presidentin Bajram Begaj në orën 14:30.

Sa herë vjen 22 maji, Jakup Rexhepi kujton tmerrin e përjetuar në masakrën e Burgut të Dubravës, në të cilin u vranë 160 të burgosur, e u plagosën mbi 300 të tjerë.

25 vjet pas atij akti makabër, Rexhepi ka rrëfyer për Ekonomia Online, se si ka arritur të shpëtojë nga kjo masakër e forcave serbe, që kishin shfrytëzuar bombaridimet e NATO-s që t’i ekzekutonin gjithë të burgosurit.

Rexhepi tregon se si gjatë tentimit për të vizituar familjen e tij, ishte kidnapuar nga forcat serbe për t’u maltretuar nga serbët në burgjet ku e kishin dërguar.

“Gjatë rrugëtimit për ta vizituar familjen pas ofensivës së gushtit, jam kidnapuar nga forcat serbe me ndihmën e ca kolaboracionistëve shqiptarë në afërsi të Blinajës. Prej aty më kanë dërguar në sigurimin shtetëror në Prishtinë. Aty kam pas shtatë ditë vuajtje, maltretime në buzë të vdekjes e pastaj më kanë dërguar në qelinë numër 1 në Prishtinë dhe aty kam qëndruar një kohë të gjatë deri në fillimin e bombardimeve të NATO-s, e më pastaj na kanë sjellë këtu në burgun e Dubravës”, thotë Rexhepi, teksa tregon edhe për qëllimin që forcat paramilitare serbe kishin mbi shqiptarët.

Ai thotë se nga bombardimet e NATO-s janë vrarë 24 shqiptarë, ndërsa serbët kanë vazhduar me pushkatim.

“Qëllimi ka qenë i ditur për ekzekutimin tonë dhe këtu më 19 maj ka filluar bombardimi i NATO-s dhe nga ato bombardime të NATO-s janë vrarë 24 persona të cilët i kam parë edhe vetë me sy të mi, e më pastaj serbët e kanë shfrytëzuar rastin dhe kanë vrarë qindra shqiptarë tjerë me qëllim t’i lihet faji NATO-s. Më 22 maj na kanë rreshtuar aty pranë murit, ku isha edhe unë në mesin e atyre të gjithëve dhe papritmas kam qenë në pozicion drejtë, i kam parë granatat kur kanë ardhë dhe fati im që kam rënë në tokë se kam pas pak përvojë lufte dhe nuk kam lëvizur më. Kur kam rënë në tokë, jakna më ka mbetur paksa naltë dhe të gjitha pjesët e jaknës janë shpuar nga plumbat. Kam qëndruar gjysmë ore dhe pas gjysmë ore është qetësuar situata dhe jam ngritur dhe aty kanë mbetur disa që numri i saktë nuk dihet sepse ne jemi munduar t’iu shkruajmë emrat atyre që i kemi njohur dhe aty kanë mbetur afër 200 të vrarë siç është numri dhe mbi 600 të plagosur”, u shpreh Rexhepi.

Rexhepi përmend edhe një gabim që sipas tij e kanë bërë serbët atë kohë.

“Serbët e kanë bërë një gabim të vogël që shumë nuk e dinë. Më 23 maj i kanë sjellë disa gazetarë të huaj në mesin e tyre ka qenë një gazetare nga BBC, ka ardhur me një shok të saj nga Beogradi, sepse ideja e tyre ishte propaganda se kinse shqiptarët janë vrarë nga bombardimet e NATO-s e kur vijnë gazetarët prej Beogradit dhe i shohin njerëzit e vrarë me plumba dhe në atë moment i urdhërojnë që t’i ndërprenë xhirimet se u zbulua e vërteta dhe kjo është arsye përse ne kemi shpëtuar”, u shpreh Rexhepi, teksa tregon se pas katër ditësh forcat serbe në mënyrë të organizuar i kishin larguar nga Dubrava. Thotë se gjatë largimit ka arritur të shohë shumë të vrarë në oborre, puesata e çdo pjesë të Dubravës.

“Kjo (masakër) ka zgjat katër ditë, kjo është masakër e tmerrshme për arsye se ka zgjat gjatë, ne katër ditë as nuk kemi ngrënë e as pirë, veç jemi munduar ta shpëtojmë kokën nëpër puseta e ku kemi mundur. Pas katër ditësh kanë organizuar autobusët. Neve na kanë futur nëpër autobusë, të plagosurit në kamionë e të vrarit kanë mbetur ashtu shtrirë në gjithë oborrin, pusetat, podrumi”, thotë Rexhepi.

Edhe i mbijetuari tjetër i kësaj masakre, Valdet Rama, në një rrëfim për Ekonomia Online, tregon për ato që përjetuan 25 vite më parë, kur kishin filluar bombardimet me 19 maj 1999.

“Unë kam qenë në pavijonin B dhe kemi dalë jashtë, kemi përjetuar ato tmerre, ka pasur të vrarë, të plagosur, siç thash të mbijetuar. Ka vazhduar ajo seri nga 19 maj deri me 24. Me 22 maj na kanë rreshtuar këtu forcat serbe dhe na kanë thënë se këtu më nuk ka siguri dhe duam t’iu transferojmë për Nish, edhe atëherë kanë filluar bombardimet nga ana e serbëve këtu në këtë fushë dhe kemi mbetur afër 300 të plagosur, diku 170 janë të vrarë dhe të tjerët kanë ikur, janë fshehur sepse kanë gjuajtur në çdo kohë, ka zgjatur tri apo katër orë. Unë kam mbetur i plagosur, shtatë plagë i kam në trup dhe pas tri apo katër orëve është qetësuar pak situata, pastaj të burgosurit kanë bartur na kanë dërguar në pavijonin C dhe aty i kam marrë disa trajtime me çarçafë, ku kanë qenë edhe Bislim Zogaj e shumë tjerë, na kanë ndihmuar, na i kanë lidh plagët me çarçafë. Pastaj me 24 maj na kanë transferuar në burgun e Lupjanit, e kështu ka vazhduar në burgun e Pozharevcit dhe jemi liruar me 16 mars 2001”, ka thënë Rama për Ekonomia Online.

Rama ka shprehur zhgënjimin e tij për mos sjelljen e atyre kriminelëve që e kanë shkaktuar këtë masakër, para drejtësisë.

Madje, thotë se pas 25 viteve është intervistuar nga Prokuroria për këtë masakës.

“Pas 24 vjetëve nga kjo ngjarje janë bërë shumë të arritura, por në këtë drejtim, rreth drejtësisë është pak, fare mund të them, nuk ka pasur kurrfarë iniciative që t’i kapë ata kriminelë të kësaj masakre, askush nuk është përgjigjur për këtë masakër dhe ka mbetur si në hije. Në fakt ne e dimë çka ka ndodhur këtu, si të mbijetuar. Prej shtetit qysh me datën 17 po këtij muaji, janë ardhur prokuroria speciale me kanë intervistuar në shtëpi, i kanë marrë shënimet, pas 25 viteve do të thotë ka ndodhur kjo me 17 maj të këtij muaji me kanë intervistuar”, theksoi Rama.