ATV

Author: ATVLive

  • Personat me nevoja të veçanta të neglizhuar nga shteti, thonë se e mendojnë edhe më të keqën

    Personat me nevoja të veçanta të neglizhuar nga shteti, thonë se e mendojnë edhe më të keqën

    Personat me nevoja të veçanta sa herë që dalin në Prishtinë e kanë të vështirë lëvizjen, për shkak të kaosit dhe mungesës së rrugëve për këta persona. Vështirësi hasin edhe në trotuaret e bllokuara nga veturat, raporton Ekonomia Online.

    Personat me nevoja të veçanta, konsiderojnë se janë të neglizhuar nga shtetit, ndërsa ka raste kur e mendojnë edhe më të keqën. E pensionin që ata e marrin nga shtetit është i vogël krahasuar me nevojat që i kanë.

    Drejtori i HANDIKOS-it në Komunën e Prishtinës, Faruk Kukaj, thotë për Ekonomia Online se gjysmën e pensionit, e japin për asistentë, ndërsa shuma tjetër shkon për nevojat të tyre ditore.

    “Jetoj në Prishtinë së paku në këtë qytet, para lufte ka qenë bukur vështirë lëvizja e personave me përdorues të karrocës, ku nuk ka pasur as rrugë as trotuare. Ku ka qenë vendi për trotuare e kanë zënë veturat po edhe objektet publike nuk ka pasur qasje. Ke mundur me gishta me i numëruar, mbas luftës mund të them se ka pasur diçka lëvizje për të mirë por shuma pak. Në institucionet publike apo shëndetësore vonë e kanë filluar me i rregulluar rampat, diku në disa shkolla por jo në të gjitha. Është një progres por shumë i vogël, Këtu jam rrit dhe jam duke e plakur më duhet të lëviz në rrugë, zakonisht janë të zëna trotuaret me vetura. Por qasje nëpër trotuare ka vetën në kryeqytet ndërsa më larg nuk ka, shumë pak ka qasje”, thotë Kukaj.

    Përveç kësaj, Kukaj thotë se nuk kanë qasje as në tualetet e krijuara për ta për shkak se janë shndërruar në depo.

    “Edhe atje ku i kanë përshtat tualetet më vonë i kanë shndërruar në depo, e kanë pamundësuar qasjen nëpër tualete. Ne jemi shumë larg standardit evropian apo qasjes të plotë të qytetit për personat përdorues të karrocës. Pensionet kur është hyrë në vendim dhe është implementuar ka qenë e mirë tani ka stagnuar dhe ka mbetur aty. Për mua është një nevojë vetëm në tërësi. Ne përdoruesit e karrocës kemi edhe nevoja të tjera shëndetësore, por ka edhe nevoja të tjera të shërbimit ditor, madje edhe për asistim personal”, u shpreh ai.

    Ai ka folur edhe për pagesën pensionale, të cilën e quan qesharake krahasuar me shpenzimet për nevojat ditore.

    “Asistenti personal është i llogaritur në pagesën pensionale por është tmerr me tregu shumën. Një asistent personal duhet t’i japësh 150 euro, kush vjen me të ndihmuar me t’i kryer shërbimet ditore me këtë shumë në muaj. 300 euro është pensioni, 150 euro i marr unë dhe 150 euro asistenti. Çka janë 150 euro pension në muaj këto janë absolut qesharake. Për shtetin kemi pasur shumë herë kërkesa, le të mendojnë që edhe ne jemi pjesë e shoqërisë së Kosovës, nuk jemi alien apo si dikush i ardhur prej tjetër planet”, tregoi Kukaj.

    Ai kërkon nga Qeveria që të mendojnë më shumë për këta persona për të pasur qasje më të lehtë si të gjithë qytetarët e tjerë.

    “Edhe ne i kemi të drejtat e barabarta që janë të pranuar edhe të njoftuar me deklaratën të Kombeve të Bashkuara për të drejtat e njeriut. Le të mendojnë më shumë dhe më tepër për neve. Të kemi qasje fizike si në transport publik, në shëndetësi por edhe në punësim. Është e kot që thonë kërkojnë punëtor për një person me aftësi të kufizuar kur për shembull ato kompani e kanë në katin e katër, dhe nuk ke si të shkosh deri lart”, përfundoi ai.

    Ndërsa Drejtoresha e Komitetit të Grave të Verbër, Bajrumshahe Jetullahu, për Ekonomia Online ka thënë se janë të diskriminuar dhe se shteti nuk po ofron asnjë kusht për ta.

    Sipas saj, pension ka mjaftueshëm për ta blerë “një konop me vu një guri dhe me mbyt vetën në Badovc”

    “Kushte jo që po ofron por s’po ofron fare edhe as që po interesohet asnjëherë për jetën dhe kushtet për diskriminimet tona. Vetëm me të urdhëru me vdek para kohës se përndryshe diskriminim ma të madh nuk ka. Çdo gjë që ka të bëjë me personat me nevoja të veçanta është diskriminuese. Qoftë punësimi, qoftë arsimim, kondensim çdo gjë në jetë tek ne është zero. Pension ka mjaftueshëm sa me e ‘ble një konop me vu një guri në qafë dhe me shku në Badoc’. Me 125 euro pa marrë parasysh cili mundet me jetu nga autoritet me atë pagesë, qoftë vetëm për veti atëherë unë jam gjendje me ja fal 125 euro. Vetëm kafja e mëngjesit iu kushton aq”, u shpreh ajo.

    Pensioni i personave të verbër është 250 euro, ku 125 prej tyre duhet ta paguaj asistentët personal për ta ndihmuar.

    “Janë të parapara pllakat taktike në qytet, po edhe ato që janë tek mensa e studentëve janë pllaka të cilat të ndihmojnë personit të verbër me dal drejtë në semafor edhe me ardh ndonjë veturë dhe me zhduk nga faqja e dheut. Për shtetin na kanë humbur edhe mesazhet se çdoherë dërgojmë kërkesa, lutje por hasim në vesh të shurdhër. Po jetojmë ashtu deri kur të shkon kështu, për neve nuk ka shtet, nuk ka njerëz që mendojnë për këtë kategori. Me të dhënat e tona dhe dëshirat e tyre ne nuk ekzistojmë”, përfundoi ajo.

  • EURO 2024: A do të shkojnë tutje Spanja dhe Anglia?

    EURO 2024: A do të shkojnë tutje Spanja dhe Anglia?

    Dy lojë tejet interesante do të zhvillohen sot në fazën e 1/16-tës së Kampionatit Evropian.

    E para do të jetë në mes të Anglisë dhe Sllovakisë, e cila zhvillohet “Veltins Arena” në Gelsenkirchen, nga ora 18:00.

    Derisa loja e dytë luhet në mes të Spanjës dhe Gjeorgjisë.

    Kjo përballje zhvillohet në “RheinEnergieSTADION”, në Koln.

    Mbetet të shihet nëse në çerekfinale do të shkojnë dy favoritët Anglia dhe Spanja, apo do të ketë befasi.

  • Nëna e raporton në polici vajzën e mitur, thotë se e ofendoi dhe e sulmon herë pas here

    Nëna e raporton në polici vajzën e mitur, thotë se e ofendoi dhe e sulmon herë pas here

    Një grua ka raportuar se vajza e saj e ka ofenduar dhe herë pas herë e sulmon fizikisht.

    Palët janë intervistuar dhe rasti shkon në procedurë të rregullt.

    “Prishtinë 29.06.2024 – 00:30. Ankuesja femër shtetase e Malit të Zi, ka njoftuar se vajza e saj e moshës se mitur, e ka ofenduar dhe herë pas here e sulmon edhe fizikisht. Të dy palët janë intervistuar dhe me vendim te prokurorit rasti shkon në procedurë të rregullt.”

  • Katër rreziqet e shëndetit gjatë stinës së verës

    Katër rreziqet e shëndetit gjatë stinës së verës

    Edhe pse kjo është periudha më e ngrohtë e vitit, për shumë njerëz relaksuese, pasi njerëzit janë më komod, të rastësishëm dhe të pangarkuar me shumë rroba, megjithatë duhet pasur kujdes pasi kushtet e vështira të motit dhe ushqimi monoton mund të çojnë në shumë probleme shëndetësore

    Ekspozimi ndaj diellit dhe rrezitja, dehidratimi, pickimi i insekteve dhe helmimi nga ushqimi janë disa nga rreziqet më të zakonshme për shëndetin e njeriut gjatë periudhës së verës, për të cilat duhet pasur kujdes për të minimizuar efektet anësore. Edhe pse kjo është periudha më e ngrohtë e vitit, për shumë njerëz relaksuese, pasi njerëzit janë më komod, të rastësishëm dhe të pangarkuar me shumë rroba, megjithatë duhet pasur kujdes pasi kushtet e vështira të motit dhe ushqimi monoton mund të çojnë në shumë probleme shëndetësore, paralajmërojnë shkencëtarët dhe qarqet mjekësore në mbarë botën.

    EKSPOZIMI NË DIELL DHE RREZITJA

    Si burim i vërtetë i jetës, dielli ka shumë përfitime për trupin dhe shpirtin e njeriut, pasi stimulon qarkullimin dhe metabolizmin, siguron krijimin e vitaminës D dhe shfrytëzimin maksimal të saj, dhe në këtë mënyrë ndikon në mënyrë mjaft antidepresive. Por në këtë aspekt është mirë të keni kujdes sepse ekspozimi i tepërt ndaj rrezeve UV sjell plakje më të shpejtë të lëkurës, alergji të shumta, deri në shfaqjen e kancerit të lëkurës, si dhe mund të jetë një nga shkaqet e dëmtimit të kornesë dhe rrjetit të syrit. Prandaj, është e nevojshme t’i kushtohet vëmendje mbrojtjes së duhur nga dielli. Përdorni kremra me faktor mbrojtës të lartë (30/50), si dhe kushtoni vëmendje sa dhe në cilën orë gjatë ditës jeni të ekspozuar në diell. Njëkohësisht duhet kujdes shtesë për personat që kanë nishane apo rritje të lëkurës, për të mos irrituar apo krijuar inflamacion, sepse në të kundërtën është e nevojshme një vizitë urgjente te dermatologu.

    DEHIDRIMI

    Gjatë vapës së verës ekziston rreziku i dehidrimit, ndaj të cilit janë veçanërisht të prirur të moshuarit, fëmijët, gratë shtatzëna, sportistët dhe personat rekreativ. Duke qenë se njerëzit djersiten dukshëm më shumë gjatë verës, më shumë lëngje humbin përmes lëkurës se zakonisht, ndaj është e nevojshme të zëvendësohet ai lëng. Prandaj, këshillohet të pini të paktën dy litra lëngje në ditë, nëse është e nevojshme edhe më shumë. Nga pranimi total i lëngjeve në ditë, dy të tretat duhet të jenë ujë i thjeshtë, dhe gjithë pjesa tjetër, për shembull, lëngjet, çajërat, supat dhe ushqimi i lëngshëm, mund të jenë një shtesë, por jo një zëvendësim i ujit. Çaji, kafeja dhe disa pije përmbajnë kafeinë dhe kanë një efekt diuretik me ç’rast nxisin dehidrimin. Gjithashtu është mirë të konsumoni supë të lehtë perimesh, fruta dhe perime me lëng, si dhe sallata të ndryshme.

    PICKIMET E INSEKTEVE

    Në periudhën e verës, njerëzit kalojnë më shumë kohë jashtë, prandaj kafshimet e llojeve të ndryshme të insekteve janë të pashmangshme. Kjo është arsyeja pse është mirë të keni në dorë një krem ose mjet mbrojtës kundër pickimit të insekteve. Aromaterapistët këshillojnë të aplikoni vaj esencial të livandës në pjesët e ekspozuara të trupit. Ai vaj ka veti antiseptike, dezinfektuese dhe shëruese dhe mund të aplikohet në lëkurë, por në sasi minimale. Nëse simptomat pas pickimit të mushkonjave ose insekteve janë më të theksuara, mund të përdoret një antihistamine në formën e pomadës, kremit ose xhelit, i cili do të ketë një efekt të dobishëm. Situatat pas pickimit të bletës ose grerëzës janë veçanërisht të rrezikshme në pjesët e zgavrës së gojës, qafës dhe fytit, për shkak të zhvillimit të shpejtë të edemës dhe mbytjes së mundshme. Nuk duhet të harrojmë gjithashtu rrezikun e rriqrave, të cilat me pickimin e tyre mund të transmetojnë meningoencefalitin viral të rriqrave, prandaj është e rëndësishme që pas çdo shëtitjeje në natyrë të ekzaminohet në detaje i gjithë trupi dhe të largohen rriqrat nëse ka.

    HELMIMI NGA USHQIMI

    Temperaturat e larta janë të përshtatshme për zhvillimin e mikroorganizmave në produktet ushqimore, veçanërisht nëse ato nuk janë të paketuara dhe të ruajtura siç duhet. Ushqimet me origjinë proteinike, si mishi, vezët, produktet e qumështit, peshku, butakët etj., janë veçanërisht të ndjeshme ndaj prishjes, pasi janë një bazë e shkëlqyer ushqyese për rritjen e mikroorganizmave. Gjatë verës, helmimet më të shpeshta shkaktohen nga bakteret salmonela dhe në këtë kontekst më të shpeshtat janë ushqimet që nuk janë përpunuar termikisht, si ëmbëlsirat apo ëmbëlsirat me krem, si dhe akulloret. Me rastin e blerjes së produkteve të qumështit është veçanërisht e rëndësishme të shikohet data e prodhimit, sepse në periudhën e verës, për shkak të temperaturave të larta, afati mund të shkurtohet në krahasim me atë të shënuar në deklaratë.

  • Torakalja pa listë të pritjes për kancer të gjirit dhe mushkërisë

    Torakalja pa listë të pritjes për kancer të gjirit dhe mushkërisë

    Mbi 260 operacione janë kryer në sallën e madhe të Kirurgjisë Torakale në QKUK, ndërsa janë kryer rreth 120 vizita. Punë të madhe janë bërë edhe në ambulanten specialistike me gjithsej 1700 sosh. Këto të dhëna i ka bërë të ditur për Ekonomia Online, drejtori i klinikës, Nazmi Kolgeci.

    Kolgeci ka thënë se në klinikën që udhëheq ai, ka larguar listën e pritjes me kancer të gjirit dhe kancer në mushkri.

    Ndonëse ka kohë që operojnë me vetëm një sallë operative, Kolgeci është i bindur se javën e ardhshme do të lëshohet në funksion edhe salla e dytë. Kjo sipas tij do ta ulë ndjeshëm numrin e listës së pritjes, që kryesisht është për tumore.

    “Gjatë gjashtë muajt e kaluar i kemi pasur 260 operacione në sallën e madhe, kemi pasur vizita diku rreth 120, kemi pasur vizita në ambulanten specialistike 1700, EHO 80, drenazhet torakale që është intervenim kirurgjik invaziv është diku rreth 200 dhe diagnostikimi i gjirit që është bërë me metoda më të reja është diku rreth 70 me metodë jo invazive, është e thjeshtë por faktikisht edhe e shkurton kohën e pritjes për pacientet që presin për operacion. Një sallë të vogël që e kemi që është renim me anestezion të shkurtër janë bërë diku 150 operacione”, ka thënë Kolgeci.

    Kolgeci u shpreh me renovimin e sallës së dy operative, do të ndikojë ndjeshëm numri i pacientëve që presin. Këtë dukuri e konsideron normale pasi edhe në shtet perëndimore pritet për intervenime kirurgjike.

    “Deri tani ne kemi qenë me një sallë operacioni edhe kjo ka shërbyer për krejt qytetarët e Kosovës, tani vetëm javën që vjen do të lëshohet edhe salla e dytë që do ta zbusë dukshëm numrin e pritjes se pacienteve që presin për ndërhyrje kirurgjike. Një sallë operacioni deri tani që ka qenë ka qenë e pa mjaftueshme për këtë numër të popullatës që kemi po me sallën e dytë besoj që ka më qenë edhe ne do të ndihemi komod edhe pacientë nuk kanë me pas që të presin shumë gjatë. Sallat për intervenime kirurgjik çdo kund pritet, edhe në Gjermani edhe në Amerikë, çdo kund është lista e pritjes, edhe atje presin 5-6 muaj në listë të pritjes”, u shpreh Kolgeci.

    Sfidë si çdo klinikë është mungesa e stafit, ndërsa më e theksuar vërehet mungesa e anesteziologëve.

    “Kirurgjia është punë ekipore dhe normalisht edhe ka sfidat edhe problemet e veta. Normalisht stafi i mesëm mendoj që duhet me qenë një numër edhe më i madh i infermiereve po më se shumti probleme kemi me anesteziolog, për shkak se numri sipas të dhënave që i kemi numri i anesteziologëve është i pamjaftueshëm aktualisht. Ne përballemi me mungesa të anesteziologëve për arsye se ka ndodhur do raste kur s’kemi pasur edhe operator për shkak të mungese së tyre”, ka deklaruar Kolgeci.

    Ai u shpreh se krahas operacioneve tjera, kanë larguar listën e pritjes për pacientët që vuajnë nga kanceri i gjirit dhe mushkërive. Ndërsa pak më e gjatë është për tumore.

    “Me kancer të gjirit nuk kemi listë të pritjes, ne e kemi bërë si prioritet edhe kanceri i gjirit edhe kanceri në mushkri, por edhe kancerat e regjionit torakal ne nuk kemi listë të pritjes. Lista e pritjes është shumë e shkurtër, aq sa është e mjaftueshme për një pacient që të përgatitet, bile mund të them se shumë më shpejt hynë pacientët të ne në Kosovë se sa hynë në shtet tjera për kancer të gjirit. Lista e pritjes është për pacientët që janë me tumoret që presin që shkon goxha gjatë, që mund të shkon pese muaj, gjashtë muaj, deri në një vit shkon me listë të pritjes për pacientet që edhe mund të presin. Por kjo listë edhe në Gjermani edhe në shtet e tjera presin”, u shpreh Kolgeci.

  • Lobimi i Gërvallës për njohje të reja, përplasë pozitën e opozitën: Qeveria i ka lënduar raportet me vendet mike

    Lobimi i Gërvallës për njohje të reja, përplasë pozitën e opozitën: Qeveria i ka lënduar raportet me vendet mike

    Vizitat e ministres së Punëve të Jashtme dhe Diasporë, Donika Gërvalla, në vende të ndryshme, po shihen pa rezultate nga partitë opozitare për shkak të “lëndimit të raporteve” me ndërkombëtarët. Ndërsa të kundërtën e mendon partia në pushtet, Lëvizja Vetëvendosje, raporton Ekonomia Online.

    Ndonëse kanë kaluar mbi tri vite qeverisje, pushteti i Albin Kurtit nuk ka arritur ta sigurojë një njohje. Njohja e fundit për Republikën e Kosovës është ajo e Izraelit, nën drejtimin e ish-kryeministrit Avdullah Hoti.

    Deputetja e Aleancës për Ardhmërinë e Kosovës, Time Kadriaj, ka thënë për Ekonomia Online se Qeveria Kurti i ka lënduar raportet me Shtetet e Bashkuara të Amerikës dhe Bashkimin Evropian, kjo si pasojë e mungesës së bashkëpunimit dhe dakordimeve me ta.

    “Nuk e ka një performancë të mirë, nuk e kemi asnjë njohje nuk e kemi asnjë anëtarësim në organizata ndërkombëtare, përkundrazi i kanë lënduar raportet me vendet mike dhe sa herë që kanë marrë një veprim të pa dakorduar, ne kemi ardhë në situata të tilla. Asnjëherë në këto situata nuk e amnistojë Serbinë sepse Serbia kuptohet që ka pretendime territoriale ndaj Kosovës, po Kosova duhet ta shohë rrugëtimin e vetë dhe rrugëtimi i Kosovës është drejt anëtarësimit në BE në familjen e madhe evropiane”, ka thënë Kadrijaj.

    Deputetja nga AAK, ka fajësuar Qeverinë për mos shtimin e numrit të njohjeve të Kosovës, duke shtuar se shteti i ka humbur aleatët.

    “Vendet mike, që ndoshta vendet e kanë përkrahë këtë qeveri për me ardh në pushtet sepse kanë menduar në sistemin e njëjtë me mashtrime, qysh kanë ardh në pushtet që nuk do të dialogojnë që nuk do ketë dialog fare veç me serbët kanë menduar se me të njëjtin kut do të trajtohen edhe me ndërkombëtarët do i mashtrojnë ndërkombëtarët por po shifet së i ka hup aleatët”, u shpreh Kadrijaj.

    Por ndryshe nga Kadriaj, mendon deputetja nga Lëvizja Vetëvendosje, Arbëreshë Kryeziu-Hyseni.

    Sipas saj, ministrja Gërvalla, angazhohet çdo ditë për rezultate pozitive në diplomaci. Kontributin e saj, e ndërlidh me vizitën e fundit të kryediplomatës në Luksemburg me ftesë të Përfaqësuesit të Lartë të Bashkimit Evropian për Politikë të Jashtme dhe Siguri, Josep Borrell.

    “Unë besoj që ajo këto i bën kurdo që i jepet mundësia, jo vetëm në takime specifike me ta, por kurdo që ka pjesëmarrje në secilëndo konferencë dhe ka homologë të saj aty ajo e bën këtë gjë ajo lobon për Republikën e Kosovës dhe lobon bën thirrje që të merren këto vendime të cilat do duhej tashmë të merreshin pa pasur nevojë që të bëhej një lobim kaq i madh prej anës së Republikës së Kosovës”, ka thënë Kryeziu për Ekonomia Online.

    Ajo ka shtuar se krahas lobimit për njohje, Gërvalla vazhdimisht punon edhe për heqjen e masave nga BE-ja ndaj Kosovës.

    “Ajo lobon për Republikën e Kosovës dhe lobon bën thirrje që të merren këto vendime të cilat do duhej tashmë të merreshin, pa pasur nevojë që të bëhej një lobim kaq i madh prej anës së Republikës së Kosovës dhe unë nuk pres diçka ndryshe prej ministres sepse ministrja e bën punën e saj në mënyrën më të mirë të mundshme dhe lobimi i saj është i atillë që gjithmonë shkon në favor të Republikës së Kosovës. Prandaj si besoj se si ministrja e punëve të jashtme si përfaqësues tjera institucional do ta japin maksimumin e tyre që një vendim pozitiv të vjen edhe pas kësaj faze apo pas këtij procesi”, ka thënë Kryeziu-Hyseni.

    Ndërsa, deputeti nga radhët e Lidhjes Demokratike të Kosovës, Driton Selmanaj, tha për Ekonomia Online se nga ministrja e jashtme nuk ka diplomaci funksionale.

    “Fatkeqësisht nga kjo ministrja e jashtme unë nuk pres asgjë, ne gati thuajse nuk kemi fare ministri të jashtme nuk kemi fare diplomaci funksionale për shkak të sjelljes së saj i mbani mend sa kritika në Kuvend të Kosovës pse e vendosen një moratorium njëvjeçar pse nuk ka njohje, njohja e Izraelit nuk është e plotë e krejt e krejt ato erdhën këta mburren tash me njohjen e Izraelit dhe heqjen e vizave ndërkohë asnjë njohje të vetme dhe nuk ka asnjë përkushtim dorën në zemër e kemi kriju bindjen se këta nuk dinë as të lobojnë nuk dinë as të negociojnë nuk dinë të bëjnë as politikë në fakt, e patë dështimin për anëtarësim në Këshill të Evropës”, tha deputeti.

    Ai shton se Kosova në aspektin e diplomacisë së jashtme është në izolim total si dhe në vetëdëmtim e vetëshkatërrim të perspektives së shtetit të Kosovës.

    “Jemi në ditën e 367 të sanksioneve të vendosura nga BE-ja dhe sot Kuvendi i Kosovës i vendos në agjendë dhe nuk i pranon vërejtjet dhe rekomandimet e qarta dhe shumë konkrete të vetë BE-së që i bie nëse këtë nuk janë në rrugë me standardet e BE-së nuk kanë komunikim të rregullt dhe miqësor me shtetin e BE-së nëse nuk janë në gjendje që t’i bindin ata se Kosovës duhet t’i hiqen masat se jemi në rrugën e drejtë çfarë njohje mundëson kjo kjo është diplomaci, diplomaci vetëizoluese, vetëshkatërruese dhe vetëdëmtuese e perspektivës së shtetit të Kosovës dhe si të tillë këta që nga 2021 në kontekstin e rolit të Kosovës pozitës së Kosovës në skenën ndërkombëtare e kanë degraduar skajshmërisht. Këta e kanë ulë nivelin për tokë të imazhit të Kosovës në perëndim fatkeqësisht e vërteta është kjo kemi mendu ndoshta mund të kenë vullnet për me i përmirësua gjërat mirëpo kanë tregu që vullneti është i mbrapsht dhe e dyta kompetenca nuk ka dije kjo qeveri, ministria e jashtme është e padijshme është mediokriteti këmbëkryq me këtë qeveri përfshirë edhe në çdo agjenci ku këta po i vendosin njerëzit e vetë fatkeqësisht”, tha ai.

    Ndryshe, Kosova është e njohur në mbi 100 shtete të Bashkimit Evropian, ndërsa shteti i fundit që e njohu Kosovën është Izraeli me 1 shkurt të vitit 2021.

  • Të dielën parashihet të mbajë mot me diell, maksimalja 33 gradë Celsius

    Të dielën parashihet të mbajë mot me diell, maksimalja 33 gradë Celsius

    Vazhdojnë temperaturat e larta në Kosovë edhe këtë vikend.

    Instituti Hidrometeorologjik i Kosovës bën të ditur se temperaturat minimale do të lëvizin ndërmjet 14-18 gradë celsius, ndërsa maksimalet e ditës parashihen të lëvizin ndërmjet 28-33 gradë Celsius.

    Do të fryjë erë e lehtë deri mesatare nga drejtimi i juglindjes.

  • Në SHBA botohet romani “Hojet” i shkrimtarit Fahredin Shehu në gjuhën angleze

    Në SHBA botohet romani “Hojet” i shkrimtarit Fahredin Shehu në gjuhën angleze

    Këto ditë në ShBA, u botua romani “Hojet”, nga autori kosovar Fahredin Shehu.

    Shtëpia botuese Inner Child Press LTD, me bazë në New Jersey njoftoi se bashkëpunimin me Shehun e kanë që nga viti 2012, kur botuan përmvledhjet me poezi, Pleroma’s dew, Bonds, Umami, Herenow etj.

    Ky roman shënon veprë e tetë të Shehut të botuar nga kjo shtëpi botuese.

    Redaktorja e specializuar pranë Inner Child Press International LTD, prof. E Penn State Unibersity, PhD Hülya Yılmaz ndër të tjera shkruan:
    “Honeycomb nga Fahredin Shehu është një roman fantazie me përmasa të jashtëzakonshme, duke ndriçuar referenca mitike dhe mistike, dhe elemente novatore në fushën e të shkruarit krijues. Në traditën e stilit të tij letrar të njohur globalisht, autori paraqet një tjetër vepër unike në fushën e letërsisë së prozës. Përmes shfrytëzimit të tij të shkathët të platformave kulturore të ndryshme, Shehu i ofron audiencës së tij një pamje të gjerë të ngjarjeve të pasura historikisht nga shumë rajone të botës. Të gjithë lexuesit duhet të bëjnë është të pranojnë ftesën bujare të autorit për të marrë pjesë në udhëtimin e tij.

    Hülya n. Yılmaz, Ph.D.

    Për botimin në gjuhën shqipe te vitit 2013, Akademik Ali Podrimja shkroi:

    “Libri i Fahredin Shehut hap portat e krijimit mistik, prandaj krijuesit e ardhshëm dhe interpretuesit e teksteve të tilla do të ndeshen me diçka të panjohur me herët në letërsinë shqipe.
    Teksti i tij na kujton kohen e Naim Frashrit dhe krijuesve të tjerë, të cilët ishin edukuar dhe kultivuar në filozofinë e Lindjes, prandaj unë si krijues ju heq kapuçin krijueseve te këtillë, sepse hapin porta te një artikulimi që vështire do t’i hapin të tjerët”.

    Kurse shkrimtari Daut Denaku tha si në vijim:

    “Kënaqësia e rileximeve të dorëshkrimit “Hojet”, një ditë, u dashtë të përfundojë. Por, ky përfundim është i përkohshëm, vetëm deri në ditën kur dorëshkrimi të shndërrohet në libër. Pasi të ndërrojë trajtën” teknike, rileximet do të vazhdojnë. Sepse: kënaqësia e përjetimit të jehonës nuk mund të përmbyllet, përjetimi vazhdon.
    “Hojet” janë JEHONË! Pse? Të gjithë të përndriturit e botës së madhe janë maje të larta. Secila maje është origjinale dhe e përkryer, pa asnjë krahasim tjetër. Dhe: secila maje është e vetmuar. Sa më e lartë maja, aq mëte thellë vetmia. Por, këto maje të larta, këto drita të përjetshme – njerëzimit ia kanë transmetuar të vërtetat e amshueshme dhe, ne të vdekshmit e rëndomtë, mezi arrijmë t’i kuptojmë.

    Mes majeve të larta dhe luginës së rëndomësisë – të vërtetat na vijnë në formë të jehonës, dhe kështu, duke qenë të lumtur që kemi një “urë” në mes të majeve dhe luginës, nuk na vret etja dhe nuk na harron drita. Të faleminderit Fahredin Shehu!”

    Ndërkaq për krijimtarinë e Fahredin Shehut, poeti Xhenc Bezhi konkludon:

    “Poezia e Fahredin Shehut paraqet zërin më origjinal, më inventiv dhe më pionier në letërsinë bashkëkohore shqipe.

    Ajo e ridimensionon poezinë tonë konvencionale dhe na përfaqëson duke dalë fuqishëm në skenën botërore”

    Fahredin Shehu është një nga autorët tanë më të përkthyer në gjuhë të huaja.

  • Dragashi kërkon gjysmë milioni euro ndihmë nga qeveria

    Dragashi kërkon gjysmë milioni euro ndihmë nga qeveria

    Përgatiti: Krenare Mulliqi

    Gjysmë milioni euro po i kërkon komuna e Dragashit nga Qeveria si fond emergjent, pas dëmeve që u shkaktuan nga reshjet e shiut në disa fshatra të Opojës.

    Kryetari i komunës thotë se rregullimi infrastrukturës rrugore duhet të bëhet menjëherë, sepse gjendja është alarmante dhe nuk mund të pritet derisa komisioni përkatës të bëjë vlerësimin e dëmeve.

    Por, në këtë shumë nuk është përfshirë edhe ndihma për banorët, shtëpitë e të cilëve u bënë të pabanueshme.

    Në këtë situatë në të cilën është Dragashi, infektologët bëjnë thirrje për kujdes në ujin e pijshëm.

    Pas reshjeve të shiut, shumë fshatra në Dragash u përmbytën nga uji, duke iu shkaktuar dëme mijëra euro shumë banorëve të cilët mbetën edhe pa banim.

  • Kurti i ashpër ndaj kushtetutës për rrëzimin e ligjit për byronë shtetërore

    Kurti i ashpër ndaj kushtetutës për rrëzimin e ligjit për byronë shtetërore

    Përgatiti: Krenare Mulliqi

    Dy ditë pasi Gjykata Kushtetuese rrëzoi Ligjin për Byronë Shtetërore për Verifikimin dhe Konfiskimin e Pasurisë së Pajustifikueshme, ka reaguar kryeministri Albin Kurti.

    Shefi i ekzekutivit ishte i ashpër karshi Kushtetueses duke thënë se kjo gjykatë po e vonon ndjekjen e krimit.

    Kurti kërkoi nga Ministria e Drejtësisë që me emergjencë të miratohet Projektligji me ndryshime eventuale që do t’i ketë.

    Gjatë mbledhjes së Qeverisë, Kurti përsëriti kërkesat që i ka paraqitur në Bruksel gjatë takimit që e ka mbajtur të mërkurën me presidentin serb, Aleksandar
    Vuçiq, ku tha se nuk ka mirëbesim në dialogun për normalizim, derisa Serbia nuk e dorëzon Milan Radoiçiqin.

    Në mbledhjen e së premtes u miratua edhe strategjia shtetërore kundër drogave e udhëzimi për kadastër.

    Qeveria miratoi edhe ndalimin e rrjetit social “Tik-Tok” në rrjetet shtetërore të komunikimit dhe pajisjet zyrtare, me qëllim të rritjes së sigurisë kibernetike.