ATV

Author: ATVLive

  • Mbahet samiti i Procesit të Berlinit, Kosova përfaqësohet nga kryeministri Kurti

    Mbahet samiti i Procesit të Berlinit, Kosova përfaqësohet nga kryeministri Kurti

    Sot në kryeqendren gjermane, do të mbahet samiti i radhës i Procesit të Berlinit.

    Kosova, aty do të përfaqësohet nga kryeministri i Kosovës, Albin Kurti.

    Ky vit do të jetë jubilar i 10-ti me radhë, kumbara e së cilës ishte kancelarja Angela Merkel.

    Qëllimi i kësaj nisme ishte nxitja e bashkëpunimin rajonal, pajtimin dhe integrimin në BE ndërmjet vendeve të Ballkanit Perëndimor përmes mbështetjes ekonomike, politike dhe infrastrukturore.

    Në kuadër të kësaj deri më tani janë nënshkruar rreth 15 marrëveshje, që mbulojnë aspekte të ndryshme siç janë tregtia, lëvizja e lire, transformimi digjital, bashkëpunimi në infrastrukturë dhe energji.

    Marrëveshjet zakonisht nënshkruhen në nivel të liderëve, të cilët në kuadër të kësaj iniciative takohen një herë në vit.

    Në mungesë të përparimit të dukshëm shteteve të rajonit në proceset e integrimeve evropiane, ku shtete e rajonit janë në faza të pabarabarta, procesi i Berlinit ka ndihmuar që zgjerimi i Bashkimit Evropian të mbahet lart në agjendë të Brukselit.

    Procesi i Berlinit vazhdon të luajë një rol vendimtar në nxitjen e bashkëpunimit dhe zhvillimit në Ballkanin Perëndimor.

    Këtë vit, Kosovës iu mundësua pjesëmarrja falë zhbllokimit të CEFTA-s, gjë që e parandaloi përjashtimin e vendit tonë nga ky samitm të vetmes platformë ku Kosova përfaqësohet e barabartë.

    Pjesëmarrja e Kosovës në Procesin e Berlinit ka ofruar një platformë për dialog dhe bashkëpunim me vendet e tjera të Ballkanit Perëndimor, përfshirë edhe ato që nuk e njohin pavarësinë e saj.

  • Ushqimi në FSK, Kuvendi me seancë të jashtëzakonshme

    Ushqimi në FSK, Kuvendi me seancë të jashtëzakonshme

    Kuvendi i Kosovës sot do të mbajë seancë të jashtëzakonshme.

    Në rend dite do të jetë trajtimi i problemit të furnizimit me ushqim në Forcën e Sigurisë së Kosovës.

    Seanca nis nga ora 12:00.

    Deputetët sot do të mblidhen me iniciativën e AAK-së.

  • Moti sot: Me diell dhe vranësira, temperatura deri në 21 gradë Celsius

    Moti sot: Me diell dhe vranësira, temperatura deri në 21 gradë Celsius

    Ditën e sotme moti do të jetë me diell dhe vranësira të shpërndara.

    Temperaturat minimale do të lëvizin ndërmjet 3 dhe 7 gradë Celsius, ndërsa maksimalet e ditës parashihen të lëvizin ndërmjet 18 dhe 21 gradë Celsius, njofton Instituti Hidrometeorologjik i Kosovës.

    Do të fryjë erë kryesisht nga drejtimi i veriperëndimit e lehtë deri mesatare.

  • NATO fillon një stërvitje bërthamore: Ne jemi gati të mbrohemi

    NATO fillon një stërvitje bërthamore: Ne jemi gati të mbrohemi

    NATO fillon stërvitjen e saj vjetore bërthamore, në të cilën do të marrin pjesë rreth 2000 personel ushtarak nga tetë baza ajrore gjatë dy javëve të ardhshme, me theksimin se nuk është një përgjigje ndaj pushtimit rus të Ukrainës, por me një sinjal të qartë për Moskën, se NATO është gati të mbrohet.

    Në stërvitjen “Steadfast Noon”, 60 avionë do të marrin pjesë në fluturime stërvitore mbi Evropën Perëndimore. Këto përfshijnë avionë luftarakë të aftë për të mbajtur bomba bërthamore amerikane të stacionuara në Evropë dhe bombardues me rreze të gjatë, si dhe aeroplanë vëzhgimi dhe furnizimi me karburant.

    “Asnjë nga stërvitjet nuk do të përfshijë armë luftarake”, tha NATO.

    Stërvitja e këtij viti do të zhvillohet në bazat ajrore në Belgjikë dhe Holandë, si dhe në hapësirën ajrore mbi Britaninë, Danimarkën dhe Detin e Veriut. Avionët pjesëmarrës vijnë nga gjithsej 13 vende të aleancës.

    NATO thekson se Mesdita e palëkundur është një “aktivitet stërvitor rutinë dhe i përsëritur” dhe jo një përgjigje ndaj pushtimit rus të Ukrainës. Megjithatë, synohet t’i dërgohet një sinjal i qartë Moskës se NATO është e gatshme të mbrohet me armë bërthamore nëse është e nevojshme.

    “Parandalimi bërthamor është një gur themeli i sigurisë aleate,” tha Sekretari i Përgjithshëm i NATO-s Mark Rutte.

    Dhe Mesdita e palëkundur, shtoi ai, është një provë e rëndësishme e parandalimit bërthamor të Aleancës dhe i dërgon një mesazh të qartë çdo kundërshtari se NATO do të mbrojë dhe mbrojë të gjithë aleatët.

  • Maqedonci ia kthen Serbisë: Prej kur keni filluar t’a ruani prerjen e pyllit me ushtarë të armatosur?

    Maqedonci ia kthen Serbisë: Prej kur keni filluar t’a ruani prerjen e pyllit me ushtarë të armatosur?

    Kryeministri Albin Kurti, mbrëmë tha se forcat e ushtrisë serbe janë afruar rreth 50 metra afër kufirit në ditën e shtunë, duke thënë se trupat ushtarake serbe janë larguar pasi kanë vërejtur se autoritetet e Kosovës i kanë incizuar veprimet e tyre.

    Por, ndaj këtij deklarimi të Kurtit, reagoi Ministria serbe e Mbrojtjes e cila ka akuzuar Kurtin për “vazhdim të fushatës dezinformuese kundër ushtrisë dhe forcave serbe të sigurisë”, duke thënë se “autoritetet e sigurisë me aktivitetet e tyre kanë ndalur aktivitetet ilegale të bartjes së lëndëve drunore në territorin e Kosovës, me ç ‘rast hajdutët e drunjve kanë ikur në Kosovë”.

    Ndaj kësaj deklarate të autoriteteve serbe ka reaguar ministri i Mbrojtjes i Republikës së Kosovës, Ejup Maqedonci i cili ka thënë se Serbia pas rasteve të tilla gjithmonë mundohet të arsyetohet.

    “Prej kur paska filluar ushtria serbe të kryej detyra të ruajtjes së pyjeve dhe për më tepër me ushtarë të armatosur me armë dhe pajisje taktike si dhe me automjete të blinduara ushtarake? Sepse sipas ligjit të pyjeve të Republikës së Serbisë, konkretisht në nenin 40 të tij, është përcaktuar qartë se rojet e pyjeve në kuadër të Ministrisë së Bujqësisë, Pylltarisë dhe Ujërave janë të vetmit zyrtarë për ruajtjen e pyjeve dhe pengimin e prerjes ilegale të tyre brenda territorit të Serbisë. Në vazhdimësi, Ministria e Mbrojtjes e Republikës së Serbisë përpiqet që prezencën e shtuar ushtarake të ushtarëve serbë në afërsi të territorit të Republikës së Kosovës, ta arsyetoj duke përdorur justifikime tërësisht të paqëndrushme, siç përpiqet që edhe ushtrimet me avionë luftarakë sulmues dhe dronë vetvrasës sulmues, siç ishte ushtrimi “Vihor 2024” në Peshter, t’i paraqes si përgatitje ushtarake për mbrojtje të territorit”, ka shkruar Maqedonci.

    Ai ka thënë se veprime të tilla të Serbisë janë tregues të qasjes hegjemoniste dhe agresive të Serbisë në raport me Kosovën dhe fqinjët e tjerë.

    “Militarizimi i vazhdueshëm i Serbisë dhe veçanërisht vendosja e shumë kapaciteteve ushtarake në jug të territorit të saj, është një tregues për vazhdimësinë e qasjes hegjemoniste dhe agresive të Serbisë në raport me Kosovën dhe fqinjët e tjerë. Gjithsesi, Republika e Kosovës qëndron e palëkundur në rrugëtimin e saj për integrime euro-atlantike dhe do të mbetet gjithmonë e vendosur që të zhvilloj kapacitete ushtarake sipas standardeve të NATO-s, të afta për të mbrojtur territorin dhe sovranitetin e vendit dhe për të kontribuar për paqe dhe siguri në botë”, ka shkruar Maqedonci.

  • Murati: Raporti i ASK-së konfirmon edhe rritjen e pagave

    Murati: Raporti i ASK-së konfirmon edhe rritjen e pagave

    Ministri i Financave Hekuarn Murati ka thënë se raporti i publikuar i ASK-së konfirmon rritjen e pagave në sektorin publik.

    Murati ka shkruar në Facebook se sipas raportit, në vitin 2023, paga mesatare ishte rritur me 18% krahasuar me nivelin e vitit paraprak, si rezultat i hyrjes në fuqi të Ligjit të Pagave ne Sektorin Publik.

    “Edhe njëherë, si çdoherë tjetër, demantohen të pavërtetat e opozitës sa i përket rritjes së pagave. Pra, vetëm i duhet lënë kohës”, ka shkruar Murati.

  • Haziri: Një shtet pretendent për të hyrë në NATO, nuk po mundet t’ia sigurojë ‘pasulin’ ushtrisë

    Haziri: Një shtet pretendent për të hyrë në NATO, nuk po mundet t’ia sigurojë ‘pasulin’ ushtrisë

    Nënkryetari i Lidhjes Demokratike të Kosovës, Lufti Haziri ka thënë se një shtet pretendent për të hyrë në NATO, nuk po mundet të ia sigurojë ushqimin ushtrisë së vet.

    Për këtë, Haziri fajtor e lë kryeministrin Albin Kurti.

    “Me u mundu të zgjidhësh problemin e ushtrisë me mensën e studentëve, është diçka krejt tjetër. E ka kthyer krejt prapë. Është një njeri që e ka kundërshtuar dhe 17 shkurtin, e ai sot po e izolon si kryeministër, po ia shkakton dhimbjen më të madhe. Një shtet pretendent për të hyrë në NATO, nuk po mundet të ia garantojë pasulin ushtrisë”, u shpreh Haziri, Klankosova.tv.

    “Ministri Maqedonci ka imunitet, është i përgatitur, dhe mendoj se po bëhet goditje ndaj tij”, u shpreh Haziri sa i përket ministrit të Mbrojtjes, Ejup Maqedoncit.

  • Gjobiten dy shoferë në Ferizaj, tejkaluan shpejtësinë

    Gjobiten dy shoferë në Ferizaj, tejkaluan shpejtësinë

    Policia e Komunikacionit Rrugor në rrugën transitore në mes të fshatrave Varosh-Gërlicë të Ferizajt, ka ndaluar dy shoferët: B.M (F/K), e moshës 22-vjeçare, e cila zhvilloi shpejtësi 149 km/h në zonën e kufizimit 60 km/h dhe A.S (M/K) i moshës 22-vjeçar, i cili zhvilloi shpejtësi 135, në zonën e kufizimit 60 km/h.

    Krahas gjobës, atyre i janë shqiptuar edhe nga tri pikë negative dhe u është marrë leja për tre muaj.

    Njoftimi i plotë:

    Policia e Komunikacionit Rrugor me datën 12.10.2024 rreth orës 00:30 në rrugën transitore në mes të fshatrave Varosh-Gërlicë të Ferizajt, ka ndaluar dy shoferët: B.M (F/K), e moshës 22 vjeçare, e cila zhvilloi shpejtësi 149 km/h në zonën e kufizimit 60 km/h dhe A.S (M/K) i moshës 22 vjeçar, i cili zhvilloi shpejtësi 135, në zonën e kufizimit 60 km/h.

    Ndaj tyre policia u shqiptoi nga një gjobë kundërvajtëse prej treqind (300) euro, 3 pikë negative dhe masë mbrojtëse prej tre (3) muajve.

    Policia Rajonale e Ferizajt do të vazhdojë me aktivitete të shtuara,me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes, të respektojnë shenjat e trafikut.

    Ndërsa, ftojmë qytetarët që të bashkëpunojnë më policinë.

    Për të gjitha kundërvajtjet që shkaktohen në komunikacion, të njoftojnë menjëherë stacionin më të afërt të policisë, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406.

  • Yakin: Granit Xhaka e drejtoi lojën, luajtëm mirë për 40 minuta

    Yakin: Granit Xhaka e drejtoi lojën, luajtëm mirë për 40 minuta

    Trajneri i Zvicrës, Murat Yakin ka folur pas humbjes ndaj Serbisë 2:0 në Ligën e Kombeve.

    Yakin u shpreh i pakënaqur, teksa tha se Serbia u tregua më e zgjuar se ata.

    Tutje, ai foli edhe për paraqitjen e Granit Xhakës.

    “Granit ishte i pranishëm si gjithmonë. Ai e drejtoi lojën. Nuk ishte vetëm ai. Luajtëm mirë për 40 minuta. Bëmë një ose dy gabime të pafalshme në mbrojtje, duke lejuar goditje standarde. Ata po prisnin për këtë. Ishte më e zgjuar nga ana e tyre”, tha Yakin.

  • Haziri për Hysenin: Jemi të gatshëm ta ndihmojmë që të dalë nga kjo situatë

    Haziri për Hysenin: Jemi të gatshëm ta ndihmojmë që të dalë nga kjo situatë

    Ish-kryetari i Gjilanit, Lutfi Haziri, ka mbajtur një konferencë për media ku ka folur rreth qeverisjes aktuale të kësaj komune.

    Ai pati një varg kritikash për punën e kryetarit aktual të komunës Alban Hyseni.

    Haziri tha se LDK është e gatshme ta ndihmojë Hysenin të dalë nga kjo situatë.

    “Ne mundemi me i huazu kuadrot tona. Ne i lusim njerëzit tonë, i thojmë për plan ekonomik, zhvillimor, urban, çfarëdo nëse komuna ka edhe këshilltarët komunal edhe profesionistë, unë jam i gatshëm që me i lutë kolegët e mi, 5, 10 apo 50 me i ulë edhe me thirrë z. Hyseni dhe t’i diskutojmë 2 ditë apo 3 ditë edhe me i ndihmu në menaxhimin e projekteve, edhe të planifikimit edhe të zbatimit, duke e përfshirë edhe vetën time”, tha Haziri.

    Nënkryetari i LDK-së tha se në moshën e Alban Hysenit, ai ka qenë pjesë e vendimarrjeve të mëdha që e kanë sjellur pavarësinë.

    “Në moshën e tij unë kam menaxhu me ekipin e unitetit dhe ësht shkaktuar 17 shkurti”, tha Haziri gjatë konferencës.