ATV

Author: ATVLive

  • Milos Pleskoviq përballë dëshmitarëve për krime lufte në Prizren

    Milos Pleskoviq përballë dëshmitarëve për krime lufte në Prizren

    Përgatiti: Nora Luta

    Millosh Pleskovic, i akuzuar për krime lufte në rajonin e Prizrenit, këtë të mërkurë u ballafaqua me dëshmitë e Mehmet Gashit, e Isa Berishës.

    Gashi, pasi tha se e njeh mirë Pleskoviqin sepse ishin rritur në një lagje, tregoi se 44 vjeçarin e kishte parë të armatosur, në uniformë e pa maskë në fund të ’98.

    Ai u ballafaqua me deklaratën e dhënë në polici, ku kishte deklaruar se i akuzuari kishte qenë pjesë e paramilitarëve serbë që kishin operuar në rajonin e Prizrenit.

    Me atë se çfarë kishte pohuar para hetueseve, ndryshe nga çfarë tha në gjykatë u ballafaqua edhe dëshmitari Isa Berisha.

    Mbrojtja e PSRK-ja shpesh gjatë kësaj seance patën kundërshtime për mënyrën e parashtrimit të pyetjeve.

    I njohur me nofkën “Miki”, Millosh Pleksovic, në bashkëkryerje akuzohet për
    vrasjen e dy pjesëtarëve të familjes Daçaj, dhe Fatmir Bojaxhiut më 1 shtator të 1998-s në afërsi të lagjes “Hoqa Mahalla”, në Prizren.

    Dëshmitari i fundit që do të dëgjohet në këtë gjykim është anonim.

    Ndërkohë të mërkurën është zhvilluar edhe gjykimi për krime lufte në Vushtrri ndaj Sllagjan Trajkovicit.

    Më shumë detaje i gjeni në Edicionin Qendror të lajmeve në videon më poshtë:

  • S’ka kërkesë të re për bastisje të institucioneve paralele, dëmtohen dy vula

    S’ka kërkesë të re për bastisje të institucioneve paralele, dëmtohen dy vula

    Përgatiti: Fatlum Jashari

    Ministria për Punë të Brendshme, ajo për Pushtetin Lokal, dhe ajo për Industri, Ndërmarrësi dhe Tregti, nuk dhanë njoftim të ri për hapat e mëtejmë ligjor lidhur me mbylljen e përhershme të institucioneve paralele-ilegale serbe.

    Madje, Inspektorati Qendror i Mbikëqyrjes së Tregut vendosi vula të njëjta në të ashtuquajturat zyra komunale, sikur te postat.

    Derisa në fshatin Uglarë, ku shërbente zyra për Fushë Kosovën, nuk kishte shenja në vulat e vendosura.

    Ndërsa, te posta e mbyllur në Graçanicë, më 22 Janar u vërejtën dëmtime të pjesshme të vulave në dy dyer.

    Largimi i paautorizuar i tyre përben vepër penale.

    Përkundër pritjes njëjavore, Të tri ministritë nuk u përgjigjën në pyetjet e ATV-së për veprimet e mëtejme ligjore, si dhe mundësinë e kryerjes së bastisjeve me qëllim grumbullimin materialeve në cilësinë e dëshmive.

    Për diçka të tillë, deri tani, nuk ka kërkesë të re në organet e drejtësisë.

    “Ju njoftojmë se Prokuroria Themelore në Prishtinë nuk ka pranuar ndonjë kërkesë apo provë të re lidhur me këtë çështje, ndërsa në momentin që do të pranojmë ndonjë kërkesë apo provë lidhur me ndonjë vepër penale, do të veprojmë konform dispozitave të Kodit të Procedurës Penale”, thuhet në përgjigjen e Prokurorisë Themelorë në Prishtinë.

    Duke konfirmuar se nuk ka kërkesë të re, në Prokurorinë Themelore në Mitrovicë thanë se i janë drejtuar Gjykatës për atë fillestare.

    “Nuk ka pasur ndonjë kërkesë për hetime të mëtejme ose bastisje. Sa i përket rastit të fundit, kemi paraqitur kërkesë nga gjykata për aprovim retroaktiv të urdhër kontrollit dhe sekuestrimit të sendeve” thuhet në përgjigjen e Prokurorisë Themelorë në Mitrovicë.

    Mes tjerash, Ligji për Inspektoratin dhe Mbikëqyrjen e Tregut parasheh bashkëpunimin ndërmjet inspektorit dhe prokurorit për marrjen e urdhrit gjyqësor për kontrollimin e objekteve apo hapësirave në të cilat zhvillohet veprimtari e palejuar.

    Të mërkurën e 15 Janarit, ministritë dhe policia mbyllën institucionet paralele, pa kryer bastisje.

    Më shumë detaje i gjeni në Edicionin Qendror të lajmeve në videon më poshtë:

  • Inspektorët sanitarë në Mitrovicë mbesin pa zyra

    Inspektorët sanitarë në Mitrovicë mbesin pa zyra

    Përgatiti: Driton Sadiku

    Brenda këtij objekti në Mitrovicë, deri para pak ditësh, ishin të sistemuar inspektorët sanitarë që mbulonin këtë rajon.

    Por, rishtazi atyre u është kërkuar t’i lirojnë zyrat meqë aty ishin me qira.

    Në zyrat e reja ku tash është vendosur Agjencia e Ushqimit dhe Veterinarisë, nuk janë pranuar, pasi inspektorati sanitar, tashmë i takon Ministrisë së Shëndetësie.

    ATV-ja po ashtu kupton se ky dikaster Qeveritar, ka vendosur t’i largojë inspektorët nga zyrat regjionale sepse të gjithë duhet të sistemohen në qendër.

    Pak a shumë kjo u konfirmua edhe nga vet Ministria e Shëndetësisë e cila përmes një përgjigje, njoftoi se inspektorati sanitar është vetëm qendror dhe jo rajonal.

    “Nuk ka ndonjë refleksion ligjor që Inspektorati Sanitar të ketë inspektor komunal apo regjional, por vetëm inspektor të nivelit qendror. Projektligji për Inspektoratin Qendror Shëndetësor është aprovuar në mbledhjen e Qeverisë, dhe pas kalimit të këtij projektligji në Kuvendin e Republikës së Kosovës, do të definohen qartë dispozitat, numri i inspektorëve, detyrat dhe përgjegjësitë e tyre, si dhe akomodimi i tyre. Mirëpo, aktualisht kjo çështje ka mbetur si historik, i cili duhet të menaxhohet deri në definimin e qartë me ligjin”, thuhet në përgjigjen nga Ministria e Shëndetësisë.

    Por derisa ligji të bëhet i plotfuqishëm, nuk dihet se çfarë do të ndodhë me inspektorët në fjalë apo si do të menaxhohet situata.

    Veçse mungesa eventuale e inspektimeve sanitare vlerësohet se krijon pasiguri në ushqimin që konsumohet rrjedhimisht ndikon edhe në shëndetin e qytetarëve.

    Sidoqoftë, Ministria e Shëndetësisë, aktualisht paguan 20.700 euro qira në muaj, vetëm për objektin në të cilin ndodhën Inspektorati Sanitar, Shëndetësor dhe Farmaceutik.

    Më shumë detaje i gjeni në Edicionin Qendror të lajmeve në videon më poshtë:

  • Qendra e Studentëve e rrethuar nga qentë endacak

    Qendra e Studentëve e rrethuar nga qentë endacak

    Përgatiti: Ardiana Jashari

    Prania e qenve endacak rreth Qendrës së Studentëve në Prishtinë tash e një kohë po ngjallë shqetësim të vazhdueshëm tek studentët e punëtorët të cilët druajnë nga sulmet e tyre.

    “Unë banojë në qendrën e studentëve prej vitit të kaluar fatkeqësisht gati për çdo ditë hasi qen endacak edhe rreziku normal që është”, tha Elmedina Kastrati, banuse në QS.

    “Është problemi që jemi të rrezikuar në çdo moment janë qenë pa kontrollë por nuk di se kush ka përgjegjësi për ta”, tha Hysni Gashi, punëtor në QS.

    Sipas punëtorëve të qendrës së Studentëve, numri i qenve është shqetësues në orët e hershme të mëngjesit.

    Qendra e Studentëve ditë më parë ka reaguar në Facebook duke shprehur shqetësim për problemin por askush nuk deshi të fliste për ATV-në për këtë.

    Ndër të tjera në reagim thuhet se Qendra e Studentëve i është drejtuar Komunës për ndihmë. E në anën tjetër nga Komuna e mohuan këtë. Megjithatë ATV-ja e posedon kopjen e kërkesës që Qendra e Studentëve i dërgoi komunës e cila mban datën e 9 dhjetorit 2024.

    “Sa i përket qendrës së studentëve kemi pasur dje një thirrje dikush ndoshta banues por jo drejt për së drejti nga menaxhimet i qendrës”, tha drejtori i Shërbimeve Publike në Prishtinë, Bekim Brestovci.

    Sidoqoftë komuna është e gatshme të intervenojë edhe pse nuk është direkt përgjegjëse.

    “Përkundër faktit që ne nuk jemi përgjegjës por menaxhohen drejtpërsëdrejti nga menaxhmenti i atyre qendrave por kur bëhet fjalë për kanosje natyrisht që jemi të gatshëm për të dal në ndihmë dhe për ti evituar problemet”, tha Brestovci.

    Komuna është në pritje të lejes nga menaxhmenti i Qendrës për të pasur qasje në hapësirë.

    Më shumë detaje i gjeni në Edicionin Qendror të lajmeve në videon më poshtë:

  • Katër nxënës të lënduar nga sulmi i qenit brenda një shkolle në Suharekë

    Katër nxënës të lënduar nga sulmi i qenit brenda një shkolle në Suharekë

    Përgatiti: Egzona Mema

    Në panik, këta nxënës të shkollës “17 shkurti” në Shirokë të Suharekës, po vrapojnë të hyjnë nëpër klasa, të mërkurën.

    Ata po ikin nga një qen që në oborr i sulmoi katër nxënëse, ndërsa më pas hyri edhe brenda shkollës.

    Dy prej tyre kanë pësuar plagë, dhe janë trajtuar në emergjencën e spitalit të Prizrenit.

    ‘’Nga Suhareka kanë ardhur dy nxënëse, njëra 6 vjec e tjetra 8. Të dyja kanë pasur plagë të ndryshme në trup, pas përpunimit të plagëve njëra është dërguar për trajtim në repartin e infektivës, ndërsa tjetra është liruar për në shtëpi’’, tha shefi Emergjencës në Spitalin Prizren, Hekuran Vecgishti.

    Për shkak të situatës, policia e neutralizoi qenin brenda shkollës.

    ‘’Patrullat policore iu kanë përgjigjur rastit me urgjencë, kur kanë arritur në shkolle kanë vërejtur një qen brenda shkollës i cili dyshohej se kishte sulmuar nxënësit e shkollës dhe paraqiste rrezik potencial ende. Qeni ka sulmuar edhe policët mirëpo në shpejtësi është asgjësuar duke e mënjanuar rrezikun e mëtutjeshëm’’, thuhet në njoftimin e Policisë së Kosovës.

    Drejtoresha e shkollës, Hidajete Bytyqi, thotë se kafsha mund të kishte sulmuar edhe më shumë fëmijë, nëse nuk do të ndërhynin të rriturit.

    ‘’Gjatë kohës së pushimit kur fëmijët dalin për të ngrënë, ndërkohë duke u kthye te telat e shkollës vjen një qen i madh, i rrezikshëm, por fatmirësisht aty qëllon një punëtor fizik dhe arsimtari i muzikës dhe ata intervenojnë se gjendja kish qenë edhe me e keqe”, tha Bytyqi.

    Policia gjithashtu ka bërë të ditur se e ka arrestuar pronarin e qenit.

    Më shumë detaje i gjeni në Edicionin Qendror të lajmeve në videon më poshtë:

  • ​Grenell ka dy fjalë për Kosovën pas inaugurimit të Trump

    ​Grenell ka dy fjalë për Kosovën pas inaugurimit të Trump

    Emisari special i SHBA-së për Misione të Posaçme, Richard Grenell ka folur për herë të parë për Kosovën pas inaugurimit të Donald Trump si president i ri në Shtëpinë e Bardhë.

    Ai një postim në X ka folur mbi një koment të kryeparlamentarit Glauk Konjufca për mediat për tashmë ish-administratën Joe Biden dhe Barack Obama.

    “Ata shpenzuan katër vjet duke komplimentuar Joe Biden dhe duke marrë pjesë në konventa dhe festa të tyre. Pse nuk u ankuan më parë?”, ka shkruar Grenell.

    “Administrata e presidentit Biden, ma merr mendja, që kjo rrjedh prej administratës së presidentit Obama, këto në relacion me Kosovën, këta dy presidentë të shumë respektuar të Amerikës, prej vitit 2011, e kanë pasur një qasje ndaj Kosovës, e cila me thënë të drejtën, Kosovën e ka vendosur në situatë të disfavorshme ndaj Serbisë, këtë jemi dëshmitarë të gjithë. Pikërisht, administrata e presidentit Obama dhe Biden, dhe neve gjatë kësaj kohe, na kanë ndodhur disa çështje që i ka shty Serbia, që shumë e kanë dëmtuar reputacionin e Kosovës”, ka thënë Konjufca.

  • Pjesëtaret e stafit të presidentes takohen me Kasanofin, flasin për dialogun strategjik Kosovë – ShBA

    Pjesëtaret e stafit të presidentes takohen me Kasanofin, flasin për dialogun strategjik Kosovë – ShBA

    Një delegacion nga presidenca e Kosovës po qëndron për një vizitë zyrtare në Shtetet e Bashkuara të Amerikës.

    Pasi morën pjesë në inaugurimin e presidentit të 47-të Donald Trump, dy pjesëtarët e stafit Learta Hollaj dhe Rejhane Vuniqi, kanë takuar Zëvendës Ndihmëssekretarin për Ballkanin Perëndimor Alexander Kasanof.

    Theksi i veçantë i takimi ishte dialogu strategjik Kosovë – ShBA, i cili u arrit me iniciativë të Presidentes, fushat që do të mbulohen nga ky dialog strategjik si dhe pritshmëritë nga ky proces, e poashtu çështje të tjera të interesit të përbashkët.

    “Gjithashtu, duke qenë dita e parë e punës e administratës së re të udhëhequr nga Presidenti Trump, Presidenca konfirmoi përkushtimin e saj të plotë për thellimin e vazhdueshëm të marrëdhënieve dhe zgjerimin e bashkëpunimit, duke potencuar rëndësinë e ruajtjes dhe avancimit të sigurisë si dhe fuqizimit dhe afirmimit ndërkombëtar të Republikës së Kosovës”, thuhet në njoftim.

    Ndërkaq, Alekxander Kasanof, theksoi rëndësinë e vazhdimit të procesit të dialogut Kosovë-Serbi, ndërsa nga Presidenca u ritheksua nevoja që Dialogu të përqendrohet në njohjen reciproke.

  • ​Kapen sërish armë e pajisje për kriptovaluta në veri të Mitrovicës

    ​Kapen sërish armë e pajisje për kriptovaluta në veri të Mitrovicës

    Policia e Kosovës ka realizuar sot një aksion kontrolli në një shtëpi dhe objektet e saj përcjellëse në rrugën “Kollashini” në Mitrovicën Veriore, ku janë gjetur dhe sekuestruar disa armë dhe pajisje për kriptovaluta.

    Me këtë rast janë konfiskuar një armë e gjatë, pushkë ajrore, pesë kartela grafike për prodhimin e kriptovalutave me pajisje përcjellëse, 42 minera për prodhim të kriptovalutave me pajisje përcjellëse, një shtëpizë e kompjuterit, një karikator i revoles, 14 fishekë të revoles kalibri 9 mm, një radiolidhje, një kamerë vëzhgimi, një DVR, një vulë metalike dhe një letërnjoftim.

    Aparatet për prodhimin e kriptovalutave do t’i dorëzohen Doganës së Kosovës.

    Në vendin e ngjarjes nuk është hasur ndonjë person i dyshuar, por është identifikuar një person dhe i cili është me interes për policinë që të intervistohet.

    Në lidhje me rastin është njoftuar Prokurori i Shtetit, i cili ka urdhëruar inicimin e rastit mbajtja në pronësi, kontroll ose posedim i pa autorizuar të armëve.

  • Kosova nënshkruan Marrëveshje për Tregti të Lirë me EFTA-n

    Kosova nënshkruan Marrëveshje për Tregti të Lirë me EFTA-n

    Kosova ka nënshkruar Marrëveshje për Tregti të Lirë me shtetet e Asociacionit Evropian për Tregti të Lirë (EFTA), ku bëjnë pjesë Islanda, Lihtenshtajni, Norvegjia dhe Zvicra.

    Në ceremoninë e nënshkrimit në Davos të Zvicrës, anëtarët e EFTA-s dhe kryeministri i Kosovës, Albin Kurti, thanë se kjo marrëveshje do të sjellë përfitime të dyanshme.

    Marrëveshja u arrit pas më shumë se dy vjetësh negociata dhe sipas kryesueses së EFTA-s, Cecilie Myrseth, Kosova është vendi i parë në rajonin e Ballkanit Perëndimor që në këtë marrëveshje, me kërkesë të saj, ka përfshirë edhe shërbimet.

    Kryeministri i Kosovës, Albin Kurti, tha se me këtë marrëveshje hapet kapitulli i përforcimit i raporteve ekonomike, por edhe i avancimit të raporteve tregtare mes shtetit të tij dhe anëtarëve të EFTA-s.

    “Marrëveshja që nënshkruajmë sot themelon një kornizë për marrëdhënie tregtare midis shteteve të EFTA-s dhe Kosovës si dhe do të krijojë mundësi të reja duke i dhënë Kosovës qasje në tregjet e EFTA-s. Këtu hapen mundësi të reja eksporti për bizneset tona dhe integrim më i thellë në kornizën ekonomike evropiane, duke na mundësuar që të garojmë në një shkallë të gjerë”, tha Kurti gjatë ceremonisë së nënshkrimit.

    Kryeministri kosovar tha se është i bindur se kjo marrëveshje do të sjellë përfitime për bizneset, industritë dhe qytetarët.

    Kryesuesja e EFTA-s, Cecilie Myrseth, tha se kjo marrëveshje është arritje e madhe për integrimin e Kosovës në sistemin global.

    “Jam e bindur se kjo do të shtyjë përpara rritjen ekonomike, duke krijuar mundësi për bizneset e reja dhe qytetarët në të dyja palët”, tha ajo.

    Vitin e kaluar, Kosova ka shënuar rritje ekonomike prej rreth 4 për qind dhe rënie të inflacionit. Por, shteti përballet me nivel të lartë të importit, krahasuar me atë të eksportit.

    Myrseth nga EFTA tha se viteve të fundit, tregtia mes shteteve të EFTA-s është rritur shumë dhe ka arritur në mbi 176 milionë euro.

    “Me lidhjen e Marrëveshjes për Tregti të Lirë mund të presim që tregtia të rritet edhe më shumë”, theksoi ajo.

    EFTA tha se përveç shërbimeve financiare janë përfshirë edhe të drejtat e pronësisë intelektuale.

    Kosova tha se me marrëveshja të tilla synon të tërheqë investitorët e huaj që të investojnë në vend.

    EFTA është krijuar më 1960 me synimin që të promovojë tregtinë e lirë.

    Marrëveshja për Tregti të Lirë, që Kosova nënshkroi me EFTA-n, ofron mundësi të shumta, përfshirë për importimin dhe eksportimin e mallrave.

    Konsumatorët dhe kompanitë mund të përfitojnë nga çmime më të lira, ndërkaq kompanitë vendore mund t’i shesin produktet e tyre në tregjet e huaja me më shumë lehtësi.

    Marrëveshje për Tregti të Lirë Kosova ka nënshkruar edhe me vendet e Evropës Qendrore (CEFTA). Kjo marrëveshje, ku bëjnë pjesë shtetet e Ballkanit Perëndimor dhe Moldavia, synon rritjen e tregtisë së mallrave dhe shërbimeve, eliminimin e barrierave tregtare mes palëve dhe tërheqjen e investimeve.

  • Kurti bashkëbisedoi me ekonomistin nga Universiteti i Harvardit, Ricardo Hausmann, në Shtëpinë e Kosovës në Davos

    Kurti bashkëbisedoi me ekonomistin nga Universiteti i Harvardit, Ricardo Hausmann, në Shtëpinë e Kosovës në Davos

    Shtëpia e Kosovës në Davos u bë shtëpi edhe e bashkëbisedimeve të paneleve të diskutimit të gjithë këtyre ditëve, e sot Kryeministria e Republikës së Kosovës, Albin Kurti, mirëpriti në një diskutim të ekonomisë nga universiteti i Harvardit, Ricardo Hausmann.

    Kryeministri Kurti theksoi gjatë bisedës se katër vitet e qeverisjes sonë kanë qenë pozitive, paçka se jemi përballur me kriza të pamundshme si pandemia Covid 19, e ato energjike e të inflacionit. Ai shtoi se brenda vitit të parë u punua në sigurimin e vaksinave të vaksinimit të sukssesshëm të familjeve, gjersa me Pakon e Ringjalljes Ekonomike, u subvencion.

    “Në vitin 2025, buxheti i shtetit është 50 për qind më i madh se në vitin 2021, dhe kjo vjen si rrjedhojë e rritjes sonë impresive, e cila ishte mesatarisht 6 për qind e BPV-së, duke mos rënë si një herë 4 për qind të BPV-së. Ekonomia e Kosovës ka kaluar për herë të parë i kapërcyer 10 miliardë euro, eksporti i viteve 1 miliard euro, dhe të ardhurat e taksave dhe 3 miliardë euro.”

    Ai shtoi se ekonomia jonë u zgjerua dhe niveli i papunësisë u zvogëlua duke rënë nga rreth 26 për qind në rreth 11 për qind, e ku në pranverën e vitit 2021 i patëm 350 mijë të punësuar në Kosovë e tash i kemi më shumë se 430 mijë. , duke nënvizuar e punësimit të punësimit për të rinjtë dhe punëtorët.

    “Kosova është një shembull i mirë se rritja e ekonomisë dhe zhvillimi i ekonomisë është krah për me demokracinë dhe sundimin e ligjit” u shpreh kryeministri duke kaluar luftën kundër korrupsionit kështu që rritja dhe liria solli zhvillim: liria e luftës dhe bizneseve.

    Kryeministri foli edhe mbi rëndësinë e Marrëveshjes për Tregtinë e Lirë me EFTA-s e cila do të nënshkruhet shteti, aspiratat e vendit tonë për anëtarët e organizatave sot, si dhe rëndësinë e rolit të madh të diasporës në jetën e jetës atje. , por edhe në Kosovën.

    Nga ana e tij, ekonomisti Ricardo Hausmann u shpreh i nderuar me ftesën dhe i lumtur që ishte pjesë e diskutimit sot. Ekonomisti Hausmann theksoi se progresi ekonomik mbështetet në një popullatë të fuqizuar dhe me të drejtë, sepse të drejtat janë ato që nuk mund të kenë ëndrra, paçka nuk mund të ketë dinamizëm ekonomik. Ai gjithashtu nënvizoi rëndësinë e përvojave dhe ekspertizës së diasporës në punën ekonomike të një vendi.