ATV

Author: ATVLive

  • Walker: Askush nga anëtarët e OSBE-së nuk më pyeti për misionin tim në Kosovë

    Walker: Askush nga anëtarët e OSBE-së nuk më pyeti për misionin tim në Kosovë

    Të shtunën, në ambientet e “Reporting House”, u zhvillua një diskutim publik me ish-ambasadorin e OSBE-së, William Walker. Ai ndau përvojat e tij nga misioni verifikues në Kosovë, duke vënë në pah momentet kyçe të punës së tij dhe reagimet e institucioneve ndërkombëtare pas përfundimit të mandatit të tij, raporton Ekonomia Online.

    Walker tha se detyra e misionit të OSBE-së ishte përcaktuar qartë, të punohej me ndershmëri dhe sinqeritet. Ai kujtoi një bisedë me ish-sekretaren amerikane të Shtetit, Madeleine Albright, e cila e kishte vlerësuar lart punën e tij.

    Sipas Walker-it, asnjëherë pas përfundimit të misionit nuk iu kërkua ndonjë raport apo opinion mbi atë që kishte ndodhur në Kosovë.

    “Sa i përket detyrës të misionit verifikues të Kosovës detyra na ishte dhënë qartë që ta bëjmë punën me ndershmëri dhe sinqeritet. Ajo (Madeline Albright) me tha “Zotëri Walker mendojmë që në Kroaci keni bërë punë të mirë, personalisht mendoj që ke bëre punë të shkëlqyeshme në Kosovë dhe mos të kesh merak do të kesh detyra të tjera jo në Amerikë Qendrore, jo në Afrikë Jugore, por do të kesh misione të tjera”. Por, kjo nuk ndodhi. Gjashtë muaj më vonë mua më erdhi koha e pensionimit dhe u pensioneve”.

    “Kur përfundova misionin në Kosovë shkova në Vjen, shkova në zyrat e OSBE-së, shkova në Uashington dhe asnjëherë, asnjë anëtarë i OSBE-së, i selisë kryesore, asnjëherë të vetme, askush në Departamentin e Shtetit Amerikan, në asnjë nivel nuk më pyeti asgjë lidhur me misionin tim në Kosovë. Nëse unë ndihesha se kisha bërë punë të mirë apo jo. Ishte shumë e çuditshme”, tregoi ai.

    Duke folur për masakrën e Reçakut, Walker tha se mbërriti në vendngjarje vetëm pak orë pas krimit dhe e pa situatën me sytë e tij.

    “Ngjarja sa po kishte ndodhur, pak orë më parë dhe nuk pasur kohë që as një ra palë të bënte ndryshime në vendin e ngjarjes. Në skenën e krimit në atë çka pash dukej si masakër, verifikuesit e mi ata po mbledhin gëzhoja plumbash, po i shikonin kufomat, shihej e qartë se të shtënat kishin ardhur nga sipër luginës. Ishte e qartë ajo që kishte ndodhur, pse e deklarova atë që deklarova, është sepse unë erdha nga shërbimi i jashtëm amerikane nga 35 vite përvojë në Amerikën Latine. Në Evrope diplomacia menagjohet disi me ndryshe prej asaj se si behet në Amerikën Latine”, ” tha ai, duke shtuar se përvoja e tij e gjatë në shërbimin diplomatik amerikan e ndihmoi të kuptonte situatën dhe të deklaronte atë që kishte parë.

    Walker foli edhe për mënyrën se si diplomacia amerikane ndryshon nga ajo evropiane.

    “Në shërbimin tim diplomatik, ka dallime prej atyre zyrtarëve që kanë shërbyer nëpër Londër, Paris e Tokio. Diplomacia është mjaftë formale, ka protokolle të cilat nuk mund të shkelën. Në Amerikën Latine unë isha i përfshire në shumë situata më shumë rrëmuja, ku ambasada amerikane shpesh ishte nënë sulem. Ngjarjet që edhe unë i kam përshkrua në libër, shpesh në një farë mënyre deklarata ndaj mediave janë më të hapura më të sinqerta. Sepse nëse kemi parë dhe dëgjuar diçka e ajo është thënë tekë mediat”, ka thënë ai.

  • Tërmet me magnitudë 2.5 rihter u shënua në Shkup

    Tërmet me magnitudë 2.5 rihter u shënua në Shkup

    Në mëngjesin e sotëm në Maqedoni të Veriut u shënua një tërmet me magnitudë 2.5 Rihter.

    Alsat M shkruan se kështu bëri të ditur në një njoftim Observatori sizmologjik pranë Fakultetit të shkencave Matematiko-Natyrore në Shkup.

    Ndër tjera, thuhet se tërmeti ka ndodhur rreth orës 01:00 pas mesnate.

    Sipas të dhënave të deritanishme që ka observatori, tërmeti është ndjerë në qytetin e Shkupit dhe rrethinë me intensitet prej tre gradësh sipas shkallës makrosizmike evropiane.

  • Shefi i Zyrës së BE-së takohet me emisarin e ri të dialogut: Përvoja e tij do të ndihmojë në avancimin e marrëdhënieve

    Shefi i Zyrës së BE-së takohet me emisarin e ri të dialogut: Përvoja e tij do të ndihmojë në avancimin e marrëdhënieve

    Shefi i Zyrës së BE-së në Kosovë, Aivo Orav, është takuar me emisarin e ri të dialogut Kosovë-Serbi, Peter Sorensen.

    Orav tha se është i bindur që përvoja e tij do të ndihmojë në avancimin e procesit të dialogut, ndërsa tha se ai bashkë me ekipin do ta mbështesin në punën e tij.

    “Takim i parë i shkëlqyer me Peter Sorensen, të sapoemëruarin Përfaqësues Special të BE-së për Dialogun Beograd-Prishtinë. Jam i bindur se përvoja e tij e gjerë diplomatike do të ndihmojë në avancimin e normalizimit të marrëdhënieve ndërmjet Serbisë dhe Kosovës. Ekipi im dhe unë do ta mbështesim plotësisht!”, tha ai.

    Sorensen nga sot është zyrtarisht emisar për dialogun me një mandat fillestar prej prej 13 muajsh.

    Në njoftimin zyrtar të Këshillit të Bashkimit Europian për emërimin e tij u tha që detyra e tij do të jetë kontributi në normalizimin gjithëpërfshirës të marrëdhënieve mes dy fqinjëve, por veçanërisht fokusin duhet ta ketë në zbatimin e Marrëveshjes së Ohrit dhe aneksin e saj.

  • Nga sot diplomati danez Peter Sorensen është zyrtarisht emisar i dialogut Kosovë – Serbi

    Nga sot diplomati danez Peter Sorensen është zyrtarisht emisar i dialogut Kosovë – Serbi

    Nga sot zyrtarisht në krye të dialogut Kosovë – Serbi do të jetë diplomati nga Danimarka, Peter Sorensen.

    Sorensen ka shërbyer si shef i delegacionit të BE-së në Bosnjë e Hercegovinë dhe Maqedoninë e Veriut.

    Ndërsa në Kosovë ai mes viteve 2002 deri në vitin 2006, Sørensen shërbeu si Zëvendës Shef i Shtyllës IV të BE-së të UNMIK-ut si dhe drejtor i Zyrës Evropiane

    Ndryshe, Miroslav Lajçak, diplomati sllovak, ka dorëzuar të premten zyrtarisht detyrën e emisarit të dialogut Kosovë-Serbi te pasardhësi i tij, Peter Sorensen.

    Ai ka thënë se kjo ka qenë detyrë sfiduese, por pati mision shpërblyes me arritjen e marrëveshjes së Ohrit.

    “Dhe përfundon. Pas 4 viteve dhe 10 muajve si emisar i dialogut, po ia dorëzoj zyrtarisht detyrën pasardhësit tim, Peter Sorensen. Ka qenë sfiduese, megjithatë, një mision shpërblyes dhe Kosova e Serbia mund të jenë krenare që arritën Marrëveshjen e Ohrit” – ka shkruar ai në platformën “X”.

  • OFK: Vendimi për përcaktimin e çmimeve të barnave, çon në falimentim të bizneseve farmaceutike

    OFK: Vendimi për përcaktimin e çmimeve të barnave, çon në falimentim të bizneseve farmaceutike

    Oda e Farmacistëve të Kosovës ka paditur në Gjykatën Komerciale, Ministrinë e Shëndetësisë për vendimin për përcaktimin e çmimeve të barnave, me theks të veçante pikën gjashtë të këtij vendimi, që sipas Odës, rrezikon falimentimin e shumë farmacive në vend.

    Kryetari i Odës së Farmacistëve, Kadri Bytyçi, në një intervistë për Ekonomia Online ka deklaruar se ky vendim është në kundërshtim me ligjin, si dhe dëmton rëndë farmacistët në gjithë territorin e Kosovës.

    Sipas tij, ky vendim mund të krijojë humbje deri në 20 milion euro për farmacitë, për shkak të stokut ekzistuese të barnave, i cili mund të çojë në falimentim të bizneseve.

    “Është e vërtet që e kemi atakuar në Gjykatën Komerciale pranë Departamenti për çështje Administrative vendimin e ministrit në lidhje me çmimet, kryesisht pikën gjashtë, ajo pikë e cila i prek farmacistët tanë që punojnë dhe veprojnë në tërë territorin e Republikës. E them këtë sepse me anë të këtij vendimi në mënyrë anti-ligjore ministri është munduar që të vendos një pikë, e cila i obligon farmacistët që të vendosin çmime në barna, a dihet që me udhëzimin administrativ për banderola çmimi vendoset në banderola. Por edhe në ligjin për përcaktimin e çmimeve, gjithashtu potencohet se çmimi vendoset në banderola. Kjo shto edhe faktin sepse stoqet të cilat ata i kanë mund t’u krijohet një humbje aq e madh sa që mund të rrezikojnë edhe falimentimin e bizneseve të tyre e që me një përllogaritje tonë nëpërmjet diskutimit me kolegët tanë ka dal se ky dëm mund të jetë rreth 20 milion euro në gjitha barnatoret e Republikës”, ka thënë ai për Ekonomia Online.

    Bytyçi ka kritikuar Ministrinë e Shëndetësisë për mungesën e komunikimit dhe për injorimin e shqetësimeve të komunitetit të farmacistëve.

    Ai ka shtuar se pret që Gjykata Komerciale të merr vendimin për pezullimin e pikës gjashtë, duke kërkuar një zgjidhje që mbron interesat e farmacistëve dhe të sektorit farmaceutik në vend.

    “Jo që kemi kërkuar por ka emaile të pafundme që janë dërguar në adresë e Ministrisë së Shëndetësisë e janë hasur në vesh të shurdhër, nuk kemi pasur takime. Kemi paraqitur shqetësimet tona të komunitetit tonë që si derë të vetme e kanë Odën e Farmacistëve, por prapë se prapë ministri nuk u është përgjigjur kërkesave tona. Ka disa emaile të dërguara në adresë të tyre. Në qoftë se vendimi i përket drejtësisë dhe është meritokratik besoj që gjykata duhet të vendos në lidhje me pikën gjashtë të vendimit që të marr masa të sigurisë apo pezullim të saj sepse po dëmtohen kryekëput farmacistët nëpër barnatore”, ka thënë ai.

    Ai ka theksuar se MSH-ja nuk ka diskutuar fare me Odën para marrjes së këtij vendimi, duke shtuar se si Odë kanë insistuar vazhdimisht që kur të bëhet një ligj të bëhet, i aplikueshëm, i qëndrueshëm dhe i zbatueshëm për të gjithë.

    “Absolutisht jo, përkundrazi ne kemi insistuar vazhdimisht që kur të ndërtohet diçka, kur të behet një ligj të bëhet, i aplikueshëm, i qëndrueshëm dhe i zbatueshëm për komunitetin”, ka thënë ai.

    Konfirmimin e padisë e kanë konfirmuar edhe nga Gjykata Komerciale e Kosovës. “Gjykata Komerciale – përkatësisht Departamenti për Çështje Administrative, padinë në fjalë e ka pranuar më 21.01.2025”, thuhet në përgjigjen e Gjykatës për EO.

    Prej sot në Kosovë do të hyjë në fuqi dhe do të nisë së zbatuari Lista e Çmimeve të Barnave në vend.

    Ministria e Shëndetësisë, më 23.12.2024, kishte publikuar Listën e Çmimeve të Barnave me detyrim të zbatimit në tregun e Kosovës, nga data 01.02.2025.

    Ministri i Shëndetësisë, Arben Vitia tha se pret një “tronditje të lehtë” të tregut, por që tha se janë të vendosur në zbatimin e Ligjit.

    Vitia përmendi se është një pjesë e kompanive, distributorëve dhe bartësve të Autorizim Marketingut të cilët nuk kanë paraqitur çmimet e barnave të tyre, për të cilët Ministri tha se do të ketë sanksione.

    “E kuptoj që është sfidë dhe se në fillim do të ketë tronditje të lehtë të tregut, por ne jemi të vendosur që të zbatojmë këtë Ligj, muajt e parë pres tronditje të lehtë deri në stabilizimin e plotë”, tha ai në konferencë për media të premten, pas mbledhjes së Qeverisë.

  • Sot nis zbatimi i Listës Zyrtare të Çmimeve të Barnave

    Sot nis zbatimi i Listës Zyrtare të Çmimeve të Barnave

    Ministria e Shëndetësisë ka njoftuar se që nga sot (1 shkurt) do të fillojë së zbatuari vendimi për listën zyrtare të çmimeve të barnave.

    Në njoftimin e bërë për media nga Ministria e Shëndetësisë thuhet se nga ky vendim, përfituesit më të mëdhenj do të jenë qytetarët.

    “Ministria e Shëndetësisë ju njofton se po shënohet një hap i rëndësishëm në reformimin e sektorit farmaceutik, fillimin e zbatimit të listës zyrtare të çmimeve të barnave, nga data 1 shkurt 2025.

    Me këtë po garantojmë rregull dhe transparencë në tregun farmaceutik, në të cilin përfitues më të mëdhenj do të jenë qytetarët e Republikës së Kosovës. Jemi të vetëdijshëm se fillimi nuk do të jetë i lehtë, do të ketë sfida, por jemi të përkushtuar që ky ndryshim të sjellë përfitime afatgjata për të gjithë, me theks të veçantë për qytetarët tanë”, thuhet në njoftim.

    MSH po ashtu, ka deklaruar se për të siguruar respektimin e ligjit, si dhe mbrojtjen e interesave të pacientëve, por edhe palëve tjera të përfshira, Inspektorati Farmaceutik do të jetë plotësisht i angazhuar, për të monitoruar dhe zbatuar këtë reformë legjislative.

    “Nga java tjetër do fillojnë afatet për deklarim të çmimeve të produkteve medicinale, përfshirë edhe produktet medicinale që janë regjistruar për herë të parë. Andaj, ftojmë të gjitha palët e interesuara të bashkëpunojnë në këtë proces, për një treg farmaceutik më të drejtë dhe më të qëndrueshëm për të gjithë. Ministria e Shëndetësisë, do të jetë e angazhuar maksimalisht që zbatimi i këtij ndryshimi legjislativ të jetë më i lehtë dhe të tejkalohen sfidat eventuale që mund t’i hasim gjatë zbatimit”, thuhet mes tjerash në komunikatë.

    Pakënaqësi ndaj vendimit të Ministrisë së Shëndetësisë kanë shprehur Oda e Farmacistëve të Kosovës dhe po ashtu Shoqata e Distributorëve të Produkteve Farmaceutike dhe Medicinale të Kosovës.

    Për shkak të pakënaqësive ndaj këtij vendimi, Oda e Farmacistëve ka dorëzuar këtë ligj në Gjykatën Komerciale, por që këta të fundit ende nuk kanë marrë ndonjë vendim lidhur me këtë çështje.

    Kadri Bytyçi, kryetar i Odës së Farmacistëve, ka konfirmuar se janë në pritje të vendimit të Gjykatës Komerciale, për të vendosur më tutje se si do të veprojnë.

    Gjithashtu, Bytyçi tha për Telegrafin se kanë realizuar edhe një pyetësor për vendimin e ministrit.

    “Pyetësorin e kemi bërë, dhe kemi atakuar vendimin e ministrit si odë. Kërkesa e komunitetit tonë ka qenë se është vendim jo në përputhje me ligjin, ku neni gjashtë i obligon farmacitë me qit çmime për barna, e që është në kundërshtim me udhëzimin administrative për banderola, sepse vetëm në banderola del çmimi. Njëkohësisht ne kemi ataku edhe në aspektin juridik, në Gjykatën Komerciale në departamentin për çështje administrative vendimin e ministrit. E kemi atakuar ku kemi kërkuar masë sigurie apo pezullim, por kryesisht ka të bëjë me pikën e gjashtë, ku i dëmton shumë kolegët tanë farmacistë”, ka theksuar ai.

  • Deficiti tregtar rritet me 17 për qind, OEK kërkon masa urgjente për mbështetje të prodhimit dhe eksportit

    Deficiti tregtar rritet me 17 për qind, OEK kërkon masa urgjente për mbështetje të prodhimit dhe eksportit

    Deficiti tregtar i Kosovës është rritur me 17.5% në dhjetor 2024, krahasuar me të njëjtin muaj të vitit të kaluar, duke arritur në 561,5 milionë euro, sipas të dhënave të fundit të publikuara nga Agjencia e Statistikave të Kosovës (ASK), raporton EO.

    Në lidhje me këtë çështje, kryetari i Odës Ekonomike të Kosovës (OEK), Lulzim Rafuna, në një intervistë për Ekonomia Online ka ngritur shqetësime për bilancin negativ tregtar dhe ka bërë thirrje për ndërhyrje urgjente nga Qeveria e re, e cila do të dal nga zgjedhjet e 9 shkurtit, për të mbështetur prodhuesit vendor dhe për të rritur eksportet.

    Sipas Rafunës, të dhënat e ASK-së konfirmojnë atë që OEK ka paralajmëruar prej kohësh, që eksportet mbulojnë vetëm 17% të deficitit tregtar, ndërsa importet janë në rritje.

    “Kemi kërkuar nga ana e qeverisë që të merren masa konkrete që të ndihmohet prodhimi që ta rrisim eksportin dhe ta ulim këtë deficitin tregtar. Këto të dhëna të ASK-së që përputhen plotësisht edhe me të dhënat që i ka OEK-u është që ne e mbulojmë vetëm 17 për qind deficitin tregtar me eksport, që nënkupton që importi është duke u rritur dhe është rritur në vlerë. Kurse, eksporti madje këtë vitin e fundit, sipas të dhënave preliminare, kemi një rënie të lehtë të eksportit kundrejt viti paraprak. Kjo është shqetësuese dhe ne e përsërisim kërkesat tona edhe qeveria e re që do të formohet pas zgjedhjeve të reja, pavarësisht cila parti politike do të jetë në qeveri ose pjesë e saj, kërkojmë që me urgjencë të merren masa konkrete që të ndihmohet prodhimi vendor, ta rrisim prodhimin vendor”, ka thënë ai.

    Një tjetër faktor shqetësues, sipas Rafunës, është mungesa e investimeve të huaja cilësore në sektorin e prodhimit dhe ulja e shpenzimeve kapitale nga ana e Qeverisë. Për më tepër, ai tha se masat ndëshkuese të BE-së, të cilat kanë bllokuar projekte me vlerë mbi 300 milionë euro, kanë përkeqësuar edhe më shumë situatën ekonomike.

    “Shto kësaj që ne jemi edhe duke vuajtur edhe për investime të huaja kualitative në kuptimin e hapjes së fabrikave ose sjelljen e brendeve të njohura botërore për të punësuar rininë tonë. Si dhe mos shpenzimin nga qeveria e Kosovës edhe të shpenzimeve kapitale si mjeteve në buxhetin e shtetit të paraparë për shpenzime kapitale. Po ashtu që jemi nën masa ndëshkuese të BE-së që janë projekt që nuk kanë mundur të implementohen që tejkalon vlera e tyre mbi 300 milion euro dhe gjitha këto kur akumulohen ta jepni këtë shifër që ky eksport, jo që është rritur por ka filluar që të ketë një rënie kundrejt vitit paraprak dhe importi po të rritet si rezultat i uljes së prodhimit vendor, kjo është shumë e keqe për ekonominë tonë, për standardit jetësor qytetareve të Kosovës është shumë e keqe dh duhet me urgjencë të merren veprime konkrete, masa konkrete, duke filluar nga politikat fiskale, duke filluar nga veprimet administrative, duke filluar te çështja e interesave të kredive për prodhuesit për eksportuesit. Por, edhe veprime të sundimi i ligjit edhe veprime të reforma e arsimit”, ka thënë Rafuna për Ekonomia Online.

    Rafuna tha se përderisa sektori i shërbimeve ka treguar suficit fal politikave të kaluara që kanë ndihmuar të rinjtë të punojnë për tregun ndërkombëtar pa lëvizur jashtë vendit, sektori i prodhimit ende mbetet i pazhvilluar dhe pa mbështetje të mjaftueshme.

    Ai për këtë theksoi se duhet që me urgjencë të shihet se në cilët sektor, si vend jemi konkurrues dhe në ata sektor të përqendrohen subvencionet në mënyrë që të shtohet prodhimi vendor.

    “Meqenëse vlera ju ka ofruar 6 miliard kjo tregon, ndërsa ne tani për herë të parë sillemi rreth 900 e pak milionë në eksport dhe kjo e tregon çfarë diference kemi mes importit dhe eksportit. Shikoje tani te shërbimet ne kemi suficit, pse, fal masave që janë marrë më herët nga qeveritë në të kaluarën që e kanë ndihmuar të rinjtë dhe të rejat që të ofrojnë shërbime pa qenë nevoja që të jenë fizikisht jashtë. E njëjta situatë duhet me ndodh edhe te prodhimi, te produktet e konsumit. Duhet me urgjencë të ndihmojmë prodhimin tonë dhe ta shohim cilët sektor jemi konkurrues, në ata sektor t’i përqendrojmë subvencionet dhe ta ndihmojmë që të shtohen prodhimi vendor, të ulet papunësia dhe ta ndryshojmë bilancin tregtar ku menjëherë do të vërehet edhe një rritje e zhvillimit ekonomik të vendit dhe ngritje të mirëqenies sociale për qytetarët tanë”, ka thënë ai.

    Rafuna, gjithashtu ka bërë thirrje që edhe politikat fiskale të rishikohen, pasi ka gjashtë vite që nuk janë ndryshuar, duke eliminuar barrierat administrative dhe duke krijuar më shumë lehtësi për prodhuesit.

    “Nuk janë të mjaftueshme, ka nevojë ende për mbështetje nëpërmjet politikave fiskale, ky është viti i gjashtë që nuk është bërë freskimi i politikave fiskale. Ka hapësirë dhe mundësi shumë më shumë për të eliminuar shumë barriera që ekzistojnë sot, qoftë administrative ose jo administrative. Që ndoshta në një periudhë të caktuar kanë qenë të mira e efektive, mirëpo koha tani ka ardhur që ato duhet që të eliminohen sepse janë bërë pengesë për prodhuesit tanë. Më pas duhet të ndihmohet nëpërmjet subvencioneve të ndryshëm, prodhuesi jonë, ta zgjeroj veprimtarin e vetë, por edhe sipas mundësisë, ose t’i gjejmë hapësirë se shumë kërkesa ka nga bizneset që të ofrohet hapësire në prona publike të merren me qira ose t’u mundësohet që të merren në shfrytëzim për të arritur veprimtarinë. Qoftë se nuk ka hapësirë, nuk ka mundësi të dhënies në shfrytëzim të ndonjë prone që është publike, atëherë të shihet mundësia sidomos për start-up që të subvencionohet një pjesë e qirasë për një periudhë të caktuara deri sa ai star-up të bëhet i vet qëndrueshëm”, ka thënë ai.

  • Neziri: Investimi i 70% të mërgatës në patundshmëri është definitivisht gabim

    Neziri: Investimi i 70% të mërgatës në patundshmëri është definitivisht gabim

    Kandidati për deputet nga PDK, Isak Neziri, në emisionin COMPASS në ATV, deklaroi se shumica e investimeve të jashtme që shkojnë në pasuri të ngurtë (patundshmëri) përbën një gabim. Ai theksoi nevojën për përcaktimin e një strategjie më produktive.

    Sipas tij, kontributi i mërgatës dhe i investitorëve të huaj duhet të orientohet drejt projekteve afatgjata, dhe jo vetëm në blerje pronash.

    “Investime të huaja në këtë vlerë, për shembull, që janë në të fokusum mbi 70 për qind në pasuri të ngurtë, ajo është definitivisht gabim. Mundem me thanë me plot kuptimin e fjalës, është gabim. Çka ne mendojmë me bë, çka ne mendojmë me institucionalizu rrugën e investimeve të huaja kapitale, po edhe të mërgatës tonë, është ajo të cilën vërtet ne e kemi bë tash e katërmbëdhjetë vite në Kosovë”, tha Neziri.

    Deklaratën e plotë të Isak Nezirit në COMPASS, e gjeni në videon më poshtë:

  • Gjini: Vota e mërgatës është kryekëput emocionale, partitë s’kanë projekte konkrete për ta

    Gjini: Vota e mërgatës është kryekëput emocionale, partitë s’kanë projekte konkrete për ta

    Kandidati për deputet nga AAK-NISMA, Labinot Gjini, në emisionin COMPASS në ATV, deklaroi se mërgata voton më shumë në bazë emocionesh, pasi në Kosovë nuk ekziston ndonjë plan konkret që të përfshijë projektet e qyteteve ku ata jetojnë.

    Ai tha se partitë politike formojnë degë jashtë vendit, por nuk hartojnë strategji për të bashkëpunuar efektivisht me mërgimtarët në vendbanimet e tyre.

    “Ne formojmë për shembull degë në Gjenevë, AAK-ja, Lëvizja Vetëvendosje e tjerë. Ne duhet t’ua kurrkujtojmë partive politike dhe bashkërisht të gjejmë format e reja të votimit apo të ndërlidhjes politike të mërgatës me vendin tonë, sepse ne nuk kemi asnjë projekt për Gjenevën, as për Lionin, as për Hamburgun, as Shtutgardin, e tjerë. Nuk kemi projekte ne AAK-ja, as Lëvizja Vetëvendosje, as tjerë. Dhe ne nuk kemi asgjë të bëjmë faktikisht me ato qytete ku ata jetojnë”, deklaroi Gjini.

    Sipas tij, vota e mërgatës s’ka bazë konkrete për zhvillim lokal, por mbetet veçse një akt simbolik ose emocional ndaj Kosovës.

    “Do të thotë që vota e mërgatës nuk është e territorializuar, do të thotë nuk ka prekshmëri, ajo është vetëm votë emocionale dhe votë emocionale në kuptimin, për zonën e Kosovës” tha Gjini.

    Deklaratën e plotë të Labinot Gjinit në COMPASS, e gjeni në videon më poshtë:

  • Sherifi: Diaspora është keqpërdorur dhe ka rënë pre e propagandës së Vetëvendosjes

    Sherifi: Diaspora është keqpërdorur dhe ka rënë pre e propagandës së Vetëvendosjes

    Kandidati për deputet nga Koalicioni për Familje, Naser Sherifi, në emisionin COMPASS në ATV, deklaroi se qeverisja aktuale ka shfrytëzuar vakumin politik për ta manipuluar diasporën, e cila sipas tij mbetet kontribuese e jashtëzakonshme për Kosovën.

    Ai tha se marrëveshja xhentëlmene e partive që ishin në pushtet me mërgatën kishte synimin që ta linte atë të qetë, por u keqpërdor nga Vetëvendosja për përfitime elektorale.
    “Unë mendoj që diaspora është keqpërdorur dhe ka rënë pre e propagandës. Pushteti i Vetëvendosjes e ka keqpërdorë këtë frymë, sepse ka pasë nevojë shteti me pasë rifreskimet e veta, mirëpo ata e kanë shfrytëzuar vakumin e marrëveshjes xhentëlmene që partitë në pushtet kanë pasë me mërgatën”, deklaroi Sherifi.

    Deklaratën e plotë të Naser Sherifit në COMPASS, e gjeni në videon më poshtë: