ATV

Author: ATVLive

  • Policia njofton për dy vdekje në Istog e Klinë

    Policia njofton për dy vdekje në Istog e Klinë

    Policia ka hapur dy raste të vdekjes në Klinë e Istog.

    Të dielën një grua ka kërkuar ndihmë mjekësore për një burrë, i cili sipas policisë kishte qenë në gjendje të rëndë shëndetësore.

    Mjeku kujdestar ka konfirmuar vdekjen e tij.

    “Në vendin e ngjarjes kanë dal njësia policore si dhe një autoambulancë. Nga mjeku kujdestar është konstatuar vdekja e viktimës. Me vendim të prokurorit kujdestar, trupi i pajetë dërgohet në IML për obduksion. Rasti është duke u hetuar”, njofton policia.

    Ndërsa në Klinë raportohet se viktima mashkull kosovar nga familjarët e tij ishte dërguar për tretman mjekësor me ç’rast nga mjeku është konstatuar se ai kishte ndërruar jetë.

    “Njësitë policore janë duke e hetuar rastin, ndërsa trupi i pajetë i viktimës me urdhër të prokurorit është dërguar në IML për obduksion”, thuhet në raportin 24-orësh të policisë.

  • Erden Atiq nis zyrtarisht punën si kryetar i Mitrovicës së Veriut

    Erden Atiq nis zyrtarisht punën si kryetar i Mitrovicës së Veriut

    Erden Atiq, e ka nisur punën si kryetar i komunës së Mitrovicës së Veriut.

    Ai tha se tashmë ka filluar edhe më emërimin e drejtorëve të rinj teksa shoti se do t’i vizitoj edhe punëtorët e administratës së komunës.

    “Këto ditë kemi shumë punë për të bërë. Kam nisur me emërimin e drejtorëve dhe sot gjatë ditës do t’i vizitoj edhe punëtorët e administratës. Përveç mediave sot pres edhe shumë mysafir të tjerë”, ka thënë ai.

    Atiq përmendi edhe çështjen e Urës së Ibrit, për të cilën tha se tashmë është në dorën e Ministrisë së Administrimit dhe Pushtetit Lokal.

    “Për Urën e Ibrit tashmë kemi një vendim të asamblesë komunale dhe tani është në dorën e MAPL-së”, ka thënë ai.

  • Dëshmitari 5 flet për vrasjen e një personi nga disa burra të maskuar

    Dëshmitari 5 flet për vrasjen e një personi nga disa burra të maskuar

    Dëshmitari numër 5 po e vazhdon dëshminë e tij në Gjykatën Speciale.

    Kësaj radhe ai po merret në pyetje nga avokati i Rexhep Selimit. Dëshmitari 5 ka folur për largimin e tij fillimisht nga UÇK-ja e më pas ribashkimin.

    Por pyetjet kryesore u bënë lidhur me kidnapimin e më pas vrasjen e një personi me numër 1, raporton Nacionale.

    Dëshmitari ka thënë se kanë qenë burrat e maskuar me uniforma të UÇK-së që e morën këtë person, të cilin ai e gjeti të vrarë.

    Megjithatë, dëshmitari 5 e ka pranuar se nuk ka qenë aty kur pretendohet se është kryer ky krim.

    Biseda e dëshmitarit 5 me avokatin e Rexhep Selimit:

    Avokati: Kjo ka lidhje me ditën konkrete ku personi numër 1 u kidnapua. Të jemi të qartë do të flasim edhe më vonë. Ne nuk po e vëmë në dyshim se kanë ardhur burra të maskuar kanë hyrë në fshat dhe e kanë kidnapuar personin në fjalë. Duam të dijmë çfarë dëshmie ke dhënë ti për këtë ngjarje. Kishin maska të plota komplet fytyrën?

    Dëshmitari: Po.

    Avokati: Pra kishin marrë masa ekstreme që të mos i njihnit?

    Dëshmitari: Sigurisht.

    Avokati: Edhe pse ishte pak metra larg tyre, më duket se e kape një prej tyre ti nuk e identifikove se maskat ishin të plota?

    Dëshmitari: Nuk dëgjohet.

    Avokati: The se kishin uniforma të zeza. Dua të jem i qartë. Uniformat ishin thjesht tesha të zeza?

    Dëshmitari: Nuk dëgjohet.

    Avokati: Ishin identike apo thjesht tesha të zeza?

    Dëshmitari: Çka kam parë unë kanë qenë identike.

    Avokati: Mund të bliheshin thjeshtë edhe nga të tjerët, se vetëm tesha të zeza ishin?

    Dëshmitari: Nuk e di ku i kanë marrë.

    Dëshmitari: Policia ushtarake mbante uniforma identike.

    Avokati: Duke pasur parasysh faktin se ishin uniforma të zeza. Ti nuk mund të thuash se ata ishin individë të Policisë ushtarake?

    Dëshmitari: I kam parë me tesha të zeza, me uniformë të UÇK-së e me maska. Nuk e di çfarë pozicioni kanë pasur.

    Avokati: Në thelb e pranon se mund të kishte qenë kushdo me uniformë të zezë?

    Dëshmitari: Nuk dëgjohet.

    Avokati: Ti nuk e di me siguri pse këta burra donin të flisnin me personin 6?

    Dëshmitari: E kanë kërkuar personin 6 edhe nuk e kanë lënë me dalë, edhe më andej nuk e di pse e kanë kërkuar dhe pse e kanë marrë numrin 1. Me zbutë situatën, ka thënë hajde shkojmë te unë edhe ua bi numrin 6, bisedojmë në odë. Çkado që kërkoni bisedojmë aty.

    Avokati: Ti nuk ishte i pranishëm vetë fizikisht, pasi u bë ky muhabet. Dhe informacionet që more në këtë bisedë, të erdhën nga bisedat me bashkëfshatarët?

    Dëshmitari: Nuk dëgjohet.

    Avokati: Gjatë 20 viteve a ke biseduar me bashkëfshatarët rregullisht lidhur me këtë ngjarje?

    Dëshmitari: Kena bisedu gjatë. Veç rreth vrasjeve kena bisedu. Qysh ka ndodhë rasti, qysh e kanë marrë. Për këto kena bisedu. Pas vrasjes kena diskutu, se para vrasjes nuk kena mujt.

    Avokati: Nëse e pranon se nuk mund të thuash konkretisht se çfarë ka ndodhur atë ditë, sepse kanë kaluar 20 vjet. A e pranon që nuk e bëni një ndarje të qartë me atë që di ti, dhe atë që kanë treguar?

    Dëshmitari: Nuk di si ta shpjegoj.

    Avokati: Sa i takon kidnapimit, ti e di se burrat e maskuar që morën numrin 1 e morën nga fshati por nuk e di nëse janë të njëjtët persona përgjegjës për vrasjen e këtij personi?

    Dëshmitari: Njerëzit me maska e kanë marrë numrin 1, 2 dhe 3. 2 dhe 3 i kanë zbrit, dhe e kanë bërë vrasjen e personit 1.

    Avokati: Ti nuk e di 100% se kjo që mori personin 1 janë të njëjtit që e kanë vrarë?

    Dëshmitari: Nuk kam qenë prezentë. Kur jam shku e kam gjetur të vrarë, edhe letrën e kam gjetur aty.

    Avokati: Por ti e di që këto kanë ndodhur, por nuk e di që burrat e maskuar ishin përgjegjës për të dyja këto gjëra?

    Dëshmitari: Vetë nuk kam qenë prezentë, por përpos tyne nuk besoj që ka pasur të tjerë.

  • ​Pasaportat e Kosovës dhe Shqipërisë më të pafuqishmet në rajon

    ​Pasaportat e Kosovës dhe Shqipërisë më të pafuqishmet në rajon

    Pasaportat më të mira për ta mbajtur në vitin 2023, janë zbuluar në një indeks të ri global. Emiratet e Bashkuara Arabe kanë zënë vendin e parë për vitin 2023. Kurse, në rajonin tonë, Kosova ka dal e fundit, duke u renditur e 175.

    Megjithatë, nga 199 shtete, vendi jonë ka lënë prapa vetëm 24 shtete të tjera të botës. Kosova ka 40 pikë të përgjithshme dhe të drejt udhëtimi në 56 vende.

    Derisa, Luksemburgu u konsiderua si vendi me pasaportën më të fuqishme për dy vitet e fundit me radhë – viza e rangut më të lartë të këtij viti mund të jetë surprizë. Nga 199 kombet në listë, të përpiluar nga firma konsulente në det të hapur Nomad Capitalist, Emiratet e Bashkuara Arabe kanë zënë vendin e parë për vitin 2023.

    Të gjitha vendet u renditën sipas pesë kritereve: mundësitë e udhëtimit pa viza, taksimi i qytetarëve, mundësitë e dyshtetësisë, perceptimi dhe liria personale.

    Pasaporta e Emirateve është ngjitur në listë sepse ka privilegje udhëtimi pa viza në shumicën e vendeve – 181 në total -, pa taksa mbi të ardhurat dhe një prani gjithnjë në rritje në skenën botërore.

    Këta faktorë, ndër shumë të tjerë, e bëjnë atë një vend tërheqës për qytetarët aspirues globalë.

    Sipas listës, Serbia është në vendin e 66, Mali i Zi në vendin e 76, Maqedonia e Veriut në vendin e 81, Shqipëria në vendin e 91 dhe Kosova në vendin e 175.

    Shqipëria ka marrë 75 pikë në total dhe ka mundësi udhëtimi në 115 shtete.

    https://nomadcapitalist.com/nomad-passport-index/

  • Osmani: Drejtësia për masakrën e Dubravës do të jetë triumf i së vërtetës

    Osmani: Drejtësia për masakrën e Dubravës do të jetë triumf i së vërtetës

    Presidentja e Kosovës, Vjosa Osmani ka përkujtuar 24-vjetorin e masakrës së Dubravës, ku makineria e pushtetit gjenocidal të Serbisë vrau brenda burgut 160 të burgosur shqiptarë dhe plagosi 300 të tjerë. Sipas saj, drejtësia për ta do të jetë triumf i së vërtetës.

    Osmani ka thënë se kjo masakër ishte manifestim i egërsisë së Serbisë ndaj të burgosurve shqiptarë, të cilët po mbaheshin në burg si pengje të luftës.

    “Masakra e Dubravës është një nga krimet me të tmerrshme të regjimit kriminal serb gjatë vitit 1999, prandaj drejtësia për të gjitha viktimat dhe të mbijetuarit do të jetë triumf i së vërtetës. Në këtë përvjetor, kujtojmë sakrificat, vuajtjet dhe mundimet e këtyre të burgosurve që kontribuuan për çështjen kombëtare, të cilët qëndruan stoikisht e nuk u thyen deri në frymën e fundit. Kujtim dhe nderim i përhershëm për ta, sikurse edhe angazhim i pareshtur për ndëshkimin e këtij krimi duke sjellë autorët para drejtësisë”, ka thënë Osmani.

  • Prizrenasi rrihet nga një grua, bëhet për spital

    Prizrenasi rrihet nga një grua, bëhet për spital

    Një prizrenas ka raportuar në Policinë e Kosovës se një grua e ka sulmuar fizikisht, fyer dhe kërcënuar teksa ka qenë në shtëpinë e tij.

    I njëjti, sipas raportit të policisë, është dërguar për tretman mjekësor.

    “Viktima mashkull kosovar ka raportuar se derisa ka qenë në shtëpinë e tij, e dyshuara femër kosovare kishte shkuar dhe e kishte sulmuar fizikisht, fyer dhe kërcënuar. Viktimës i është ofruar ndihmë mjekësore”, thuhet në njoftim.

    Rasti është proceduar në procedurë të rregullt, sipas PK-së.

  • Gruaja nga Prishtina që krijon kukulla për fëmijë

    Gruaja nga Prishtina që krijon kukulla për fëmijë

    Lidhja e veçantë që ka me fëmijët, e ka shtyrë Bedrije Beqirin nga Prishtina të krijoj kukulla për ta.

    Ndërsa, pasioni për punët e dorës, i lindi qysh kur ishte në bankat shkollore.

    “Punën e dorës më kukulla e kamë fillu shumë vonë tani para disa muajve me thanë ndoshta. Inspirimi ka qenë nga kjo kukulla këtu e madhja dhe t’u i pa që është një punë që un mundem me e bë, kështu që me shumë dëshirë kam filllu me punu, me ja dediku disa fëmijëve si dhurata e pse jo dhe pastaj me e bë si një biznes të vogël”, tregon ajo.

    Ajo këshillon që çdo grua të shfrytëzoj kohën për të punuar diçka pasi sipas saj, gjithmonë ka diçka për të bërë.

    Për më shumë ndiqeni kronikën e transmetuar në emisionin E Diela Vlen:

    Emisionin e plotë e gjeni në videon më poshtë:

  • Ia vranë babanë dhe vëllain 16 vjeç në luftë, ishte vetëm 17 vjeçe kur e mori rolin e kryefamiljares

    Ia vranë babanë dhe vëllain 16 vjeç në luftë, ishte vetëm 17 vjeçe kur e mori rolin e kryefamiljares

    Në vitin 1998 gjithçka ndryshoi në jetën e saj. Nga pesë anëtarë sa ishin, mbetën vetëm tre. Sepse lufta ia mori babanë dhe vëllain e vogël.

    Pas kësaj tragjedie, e gjithë përgjegjësia kaloi në supet e saj.

    Por, këto vështirë e lidhën edhe më shumë me nënën, duke u bërë një krah i fortë për të.

    Albina Hoxha – Lokaj, nga fshati Sllup i Deçanit, për ATV-në rrëfen sfidat dhe forcën që e shtyn të ecë përpara.

    “Deri në vitin 1998 jeta ka qenë shumë e lumtur, shumë e mirë. Jam rrit me familje të mirë, si për çdo njeri është familja e shenjt. Atëherë babën e kam pas biznesmen ka qenë i njohur në Rahovec edhe në Kosovë, mandej në luftë e kanë vra atë, edhe vëllain 16 vjeç. E vështirë ka qenë shumë se si një 17 vjeçare më është dashtë me majtë familjen , mandej nëna ka qenë në depresion për 4 sepse vëllai ka shkel në mina u dashtë me nenën me ja qelë vet varrin shumë sende që për këtë pjesë nuk mundem me fol sepse e kam shumë të vështire”, rrëfeu Albina.

    Pasi u martua, ajo la punën, për t’u kujdesur për bletët dhe për t’i ndihmuar burrit të saj.

    Për më shumë ndiqeni rrëfimin e saj rrëqethës, në emisionin E Diela Vlen:

    Emisionin e plotë e gjeni në videon më poshtë:

  • Dy motrat Shala përloten, teksa flasin për kujdesin e shtuar që ka nëna e tyre për to

    Dy motrat Shala përloten, teksa flasin për kujdesin e shtuar që ka nëna e tyre për to

    Në rubrikën ‘Brenda Botës së fëmijëve’, këtë të diel protagoniste ishin dy motrat Shala nga komuna e Klinës.

    Dionesa dhe Ornela gjatë intervistës që realizuan me gazetaren Brenda Nebihu, treguan për pasionin që kanë për muzikën, por edhe për lidhjen e ngushtë me prindërit.
    Madje, ato gjersa po flisnin për nënë e tyre, sakrificën dhe kujdesin që ka për to, nga emocionet që kishin u përlotën.

    ‘Mami dhe babi për janë dy persona shumë të rëndësishëm në jetën time, ku pa përkrahjen e tyre unë nuk do të arrija këtu ku jam si një këngëtare e vogël. Unë i falënderojë shumë përzemërsisht që na ndihmojnë neve vazhdimisht. Është shumë e vështirë me fol për ta sepse i dua shumë ata, nuk dua të qaj por gjithmonë kanë bërë për neve’, thanë motrat Shala.

    Por në fund të intervistës, gazetarja zhvilloi edhe një bisedë me babanë dhe nënën e Dionesës dhe Ornelës, ku mund të njoftoheni po ashtu edhe me lidhjen që ata kanë për fëmijët e tyre. /atvlive.tv

    Emisionin e plotë e gjeni në videon më poshtë:

  • Historia frymëzuese e Diana Kajtazit që po korrë suksese të jashtëzakonshme në turnetë e karatesë

    Historia frymëzuese e Diana Kajtazit që po korrë suksese të jashtëzakonshme në turnetë e karatesë

    Diana Kajtazi, nxënëse 15 vjeçare e Shkollës së Mesme të Mjekësisë “Dr.Xheladin Deda” në Mitrovicë, ka arritur sukses të jashtëzakonshëm në turnetë e karatesë që nga mosha 8 vjeçare.

    Ajo siguroi vendin e tretë në ligën e të rinjve të mbajtur në Umag të Kroacisë në vitin 2019, duke mundur kundërshtarët nga Malta, Kroacia dhe Serbia në betejat e saj.
    Diana ka shkëlqyer vazhdimisht në gara të ndryshme, duke fituar medalje të arta në garën “Mustafë Blakaj” dhe turneun “Ditët e Agimit”, si dhe ka marrë mirënjohje nga Federata e Karatesë e Kosovës dhe klubet e karatesë me diplomë.

    Në një intervistë në emisionin e mëngjesit ALARM në ATV, ajo tregoi se në këtë sport kishte hyrë krejt rastësisht, pasi që në fëmijërinë e saj të hershme kishte qenë në shkollën e baletit.

    “Më së pari kam fillu me balet nga 5 vjet deri në moshën 7 vjeçare, më pas krejt spontanisht, daja i im fëmijët i ka çu në karate edhe pata shku veç me i shiku, e pash që po më pëlqen edhe fillova në moshën 8-vjeçare. Menjëherë në garën e parë ka qenë kampionati shtetëror, ka qenë shumë interesant sepse ka qenë hera e parë që kam marrë pjesë në gara, kam pasur emocione shumë të mira, sepse vendin e tretë e pata zënë për herë të parë”, tregon Diana.

    Ajo tregoi se në vitin 2022 kishte munguar në gara për shkak të një lëndimi që e kishte pasur, ndërsa në vitin 2023 është rikthyer, duke marrë shumë trofe, si në garat e vendore ashtu edhe në ato rajonale.

    “Sivjet kam marrë pjesë në katër gara, e para ka qenë në Ulqin me rreth 900 garues kanë qenë, e mora vendin e tretë. Ka pas problem sepse kam pasur lëndim në 2022-tën, nuk kam mundur të marrë pjesë në gara hiç, më është dashur të shkoj në rehabilitim. Tani, në 2023-tën shkova me fillu me gara, vendin e tretë e zura. Në Kosovë, ka qenë mësuesin Mustafë Blakaj, aty e zura vendin e parë, tri lufta i kam bërë, pas kësaj përsëri ka qenë “Ditët e Agimit” që e kam marrë kupën, medaljen edhe mirënjohjen, vendin e parë edhe këtu, ka qenë edhe gara e fundit me 13 maj, që e kam zënë edhe aty vendin e parë”, tha Diana. /atvlive.tv