Ka diplomuar gjenerata 01-2023 në kazermën “Skënderbeu” në Ferizaj, ku 302 rekrutë të rinj iu shtuan Forcës së Sigurisë së Kosovës.
Ministri i Mbrojtjes, Ejup Maqedonci, me rastin e ceremonisë së diplomimit të rekrutëve të Forcës së Sigurisë së Kosovës, ka thënë se formësimi i tyre si ushtarak fillon sot, dhe nuk duhet të përfundojë asnjëherë.
Maqedonci, theksoi se duhet shërbyer me vullnet dhe gatishmëri për atdheun dhe qytetarët e Kosovës.
“Pesha e uniformës që mbani sot veshur është e rëndë, se të shumë rënda e të vështira ishin vitet kur Ademi e Hamza, Zahiri e Luani, Agim Ramadani, e mijëra dëshmorë të tjerë sfidonin vdekjen duke përqafur luftën për jetë dhe liri”, u shpreh Maqedonci.
“Formësimi i juaj si ushtarak fillon këtu, dhe nuk duhet të përfundojë asnjëherë, siç nuk duhet të përfundojë vullneti dhe gatishmëria e juaj për t’i shërbyer atdheut dhe qytetarëve të vendin tonë”.
Njësitë policore kanë ndaluar një veturë me targa të Serbisë me drejtues të dyshuarin mashkull kosovar, ku dyshohet se vetura është futur në territorin e Republikës së Kosovës, duke iu shmangur pikë kalimeve të rregullta kufitare.
Rasti ka ndodhur në Bërnjak. Lidhur me rastin është konsultuar prokurori i shtetit i cili ka rekomanduar që ndaj të dyshuarit të iniciohet rasti kalim i paautorizuar i vendkalimeve kufitare apo vijës kufitare dhe të procedohet në procedurë të rregullt.
Kurse, në fshatin Bistricë të Leposaviqit, njësitë policore gjatë një pike kontrolli kanë ndaluar një motoçikletë me drejtues mashkull kosovar, ku dyshohet se ka hyrë në Republikën e Kosovës, duke iu shmangur pikë kalimeve kufitare.
I dyshuari është arrestuar dhe pas intervistimit me vendim të prokurorit është liruar dhe rasti procedohet në procedurë të rregullt.
Presidentja Vjosa Osmani me ftesë të Shteteve të Bashkuara të Amerikës, mori pjesë në takimin e nivelit të lartë dedikuar agjendes për Gratë Paqen dhe Sigurinë (ËPS)
Në organizimin e mbajtur në selinë e OKB-së, Presidentja Osmani, në emër të Republikës së Kosovës, shpalosi të arriturat dhe objektivat e Kosovës për sa i përket zbatimit të Agjendës për Gratë, Paqen dhe Sigurinë.
Presidentja vuri në pah rolin e jashtëzakonshëm që gratë e Kosovës kanë luajtur në procese të paqes dhe sigurisë përgjatë etapave të ndryshme të historisë. Ajo potencoi se Kosova tashmë po i udhëheq përpjekjet në rajon për zbatimin e kësaj agjende.
Për më tepër, Presidentja tha po ashtu se Kosova është e gatshme të japë kontribut në nivel ndërkombëtar për zbatimin e kësaj agjende, me ç’rast vuri në pah përpjekjet e Kosovës për të ndihmuar gratë në Ukrainë, Afganistan dhe në çdo vend ku po ndodhin shkelje të rënda të të drejtave të njeriut.
Më këtë rast, Osmani foli edhe për Forumin global për Gratë, Paqen dhe Sigurinë, i cili mbahet këtë vit për herë të dytë në Kosovë, si dhe paralajmëroi që Kosova do të bëhet së shpejti vendi nikoqir i qendrës rajonale të ekselencës për Gratë, Paqen dhe Sigurinë.
Sipas një komunikate të Presidencës, Zyra e Sekretarit Blinken vuri në pah arritjet e Kosovës në këtë drejtim dhe punën e Presidentes dedikuar kësaj agjende, duke e quajtur Kosovën si një ndër shembujt më të mirë të këtij angazhimi.
Komuna e Prishtinës sot do të shënojë aktivitetin ‘Ditën pa makina’ në kryeqytet, raporton Gazeta Sinjali.
Sipas njoftimit, nga ora 10:00 deri në orën 15:00 do të mbyllet për qarkullim të veturave rruga ‘Dëshmorët e kombit’ [nga bulevardi ‘Xhorxh Bush’ deri te Rrethi i Flamurit.
“Ndërsa, ju qytetarë të dashur mund të merrni me qera, pa pagesë, njërën nga 160 biçikletat ose 60 trotinetët për qarkullim nga fillimi i kësaj rruge deri në fund (rrethi i Flamurit). Pavarësisht se çfarë zgjedhje bëni, kujdesuni për mjedisin dhe bëni ndryshime të vogla në jetën tuaj për të ndihmuar në mbrojtjen e planetit tonë”, thuhet në njoftim.
‘Dita pa makina’, një ngjarje ndërkombëtare, e cila organizohet në 2000 qytete të botës, dhe që ka për qëllim inkurajimin e qytetarëve që t’i përdorin sa më pak makinat për transport, e në vend të tyre të shfrytëzojnë transportin publik apo biçikletat.
Në kuadër të punimeve të Sesionit të 78-të të Asamblesë së OKB-së, sekretari i përgjithshëm i Kombeve të Bashkuara z.Antonio Guterres ka pritur presidentin e Republikës së Shqipërinë z.Bajram Begaj, njoftoi nga selia e OKB-së, raporton gazeta zvicerane në shqip Le Cantin27.ch.
Sekretari i Përgjithshëm i OKB-së dhe presidenti shqiptar diskutuan për luftën në Ukrainë, si dhe për zhvillimet në Ballkanin Perëndimor.
Sipas gazetës zvicerane Le Canton27.ch, Guterres dhe Begaj gjatë këtij takimi gjithashtu shkëmbyen mendime mbi përpjekjet për të çuar përpara Objektivat e Zhvillimit të Qëndrueshëm dhe mbështetjen e reformës së Kombeve të Bashkuara, si dhe arkitekturën financiare ndërkombëtare.
Nënkryetar i LDK-së, Lutfi Haziri, në emisionin CONTEXT në ATV, tha se modelin kroat për Asociacionin e ka sjellë Qeveria e Kosovës qysh në vitin 2006.
“Ne, modelin kroat, prej vitit 2006 e kemi pru në Prishtinë”, tha Haziri.
Ai tregoi se kanë qenë disa modele për organizimin e pakicave në Kosovë, një prej të cilëve ka qenë edhe modeli i Serbisë.
“Janë disa modele që kanë qenë. E kanë ofruar së pari modelin serb, modelin e organizimit të minoriteteve në Serbi, këshilli kombëtarë i pakicave. Ju e dini që Serbia e ka mbyllur kapitullin e pakicave në mënyrë të suksesshme në Bruksel, sa i përket pakicave në Serbi është e mbyllur. Më së pari ua ka përmend pakicat në Serbi, si model, mandej ka kalu te modeli kroat i organizimit të pakicave. Modeli kroat i organizimit të pakicave është pas operacionit OLUJA në Knin, pasi e ka rikthy sovranitetin e plotë Kroacia në Slavoninë Lindore, kur e ka marrë nën kontrollë gjithë territorin e vet dhe natyrisht krejt bota e di që është bërë në koordinim të plotë me gjermanët dhe Amerikën ai operacion ushtarak”, tha Haziri. /atvlive.tv
Përgatiti: Nefail Maliqi, Bernë, 21 shtator – Zvicra aktualisht numëron 9 milionë banorë, prej të cilëve 26% janë të huaj apo 2 milionë e 200 mijë, ne mesin e tyre edhe 3% shqiptarë.
Në vitin 1999, invazioni i Serbisë në Kosovë rriti dukshëm numrin e shqiptarëve, sikur në vendet e tjera evropiane, ashtu edhe në Zvicër. Në ato vite, Zvicra kishte 150.000 shqiptarë, kuptohet një pjesë e madhe e tyre ishin të përndjekur nga regjimi serbe. Ndërsa sot autoritetet zvicerane flasin për një dyfishim të numrit të tyre.
Christoph Freymond nga Zyra Federale e Statistikave në Bernë, për ATV-në ka deklaruar se “numri i shqiptareve në Zvicër është shtuar dukshëm, më së shumti nga të gjitha komunitet e tjera. Për çdo vit, qindra prej tyre natyralizohen, pra marrin pasaporta zvicerane”.
Sipas Bernës zyrtare, shqiptarët sot në Zvicër përbejnë komunitetin më të madh dhe më të rëndësishëm në këtë vend dhe janë shembull suksesi dhe integrimi. Këtë e thonë, pos mediave edhe personalitetet helvetike, siç deklaroi ditë më parë edhe shefi i diplomacisë zvicerane z. Cassis në një bisedë për ATV-në.
Kështu, sipas z.Freymond nga Zyra Federale, sot në Zvicër jetojnë dhe veprojnë mbi 300.000 shqiptarë, qe këtu njihen si albannofon, dmth që flasin gjuhen shqipe, ku pjesa dërmuese janë nga Kosova. Këtu bëhet falë për 200 mijë, kurse nga Maqedonia e Veriut rreth 70 mije, nga Lugina e Preshevës 20 mijë dhe të tjerët janë nga Shqipëria dhe Mali i Zi.
Sipas Zyrës Federale të Statistikave rreth 90 mije shqiptare të tjerë posedojnë pasaportat e kuqe me kryq të bardhë.
Ne Zvicër aktualisht janë regjistruar 114 mije qytetarë nga Kosova, me pasaporta të Republikës së Kosovës. Sipas një hulumtimi të gazetës zvicerane në shqip Le Canton27.ch edhe pas 15 vitesh nga pavarësia e Kosovës, në Zvicër ka ende shqiptarë me pasaporta serbe, numri i të cilëve sillet rreth 50 mijë.
Këtu do theksuar se çdo vit bie numri i serbëve në Zvicër dhe rritet numri i shqiptareve. Jo pse këta të fundit vijnë nga Kosova, por behet fjalë këtu, se numri i shqiptarëve me pasaporta të shtetit te Kosovës, po vazhdon të ngitet vazhdimisht për shkak të transformimit të pasaportave, duke lënë ato të Serbisë dhe duke marrë ato të Republikës së Kosovës.
Besohet se numri i qytetarëve me pasaporta nga Serbia në Zvicër do të vazhdojë të bie dukshëm pas 1 janarit të vitit te ardhshëm, kur do të ndodhë liberalizimi e vizave, atëherë kur kosovarët nuk do të kenë më nevoje për pasaportat e Serbisë.
Nënkryetar i LDK-së, Lutfi Haziri, në emisionin CONTEXT në ATV, tha se masat ndëshkuese ndaj Kosovës, nuk do të jenë dënim kolektiv, por sipas tij, ato do t’i vuajnë eksponentët politikë të Lëvizjes Vetëvendosje të Listës Guxo, si dhe partnerëvë të tyre politikë nga pakicat.
“Nuk po presim me pasë rikonfigurim të dialogut sepse situata e tillë kur kemi ngërçe të tilla të shkaktuara, ajo që po quhet pabarazi në dialog nga ana e kryeministrit në përfaqësim edhe në gjithçka që deri tash e kemi identifiku, sepse janë mbajtë tetë runde të takimeve në mes të Serbisë dhe Kosovës dhe nuk kanë sjellë asnjë rezultat, përkundrazi Kosova tani është në masa ndëshkimi, me efekte në Qeveri, në ekzekutiv, por çmimin e kanë paguar FSK-ja e para dhe tani kufizimi i lëvizjes së lirë dhe takimeve sipas një agjende të programuar, shumë ministrave të Qeverisë që lidhen me MSA, marrëdhënia e parë që ne si Qeveri e kemi sjellë, LDK-ja. Paralajmërim tek masa e vizave dhe liberalizimi, por ky është dënim kolektiv. Duhet me e falënderua shumë Berlinin sa që nuk lejoi me u zgjeru drejt një dënimi kolektiv, por masat ndëshkuese do të jenë ndaj zyrtarëve, eksponentëve politikë që i bjen Vetëvendosja e GUXO në këtë qeverisje të koalicionit si dhe pakicave të partnerëve të koalicionit”, tha Haziri.
Sipas tij, nëse nuk do të përballohet kjo situatë, masat ndaj Kosovës do të zgjerohen. /atvlive.tv
Nënkryetar i LDK-së, Lutfi Haziri, në emisionin CONTEXT në ATV, ka shpalosur detaje rreth programit të ri të LDK-së “Rruga e re”.
Ai tha se “Rruga e Re” është opsion qeverisës i projektuar mbi bazë fillimisht një projeksioni buxhetor dhe mandej identifikimi i të gjitha programeve, e cilat janë sistemore në Republikën e Kosovës.
“Ne kemi identifikuar probleme serioze në politikën e brendshme, kemi bo një projeksion buxhetor që me vendosë mbi parime të drejta. I kemi identifikuar burimet financiare, përveç buxhetit të Republikës, i cili do të shkon në 4.5 miliardë, burime tjera alternative financiare ndërkombëtare që lejojnë dhe Kosova ka mundësi me marrë, mandej kemi listu këto 100 projekte”, tha Haziri.
Për këtë program, Haziri tha se kanë punuar mbi 200 njerëz të profileve të ndryshme.
“Kanë punu mbi 200 njerëz, ekspertë, lokalë, teknokratë, profesorë të institucioneve të arsimit dhe institucioneve tjera shkencore në vendin tonë. Njerëz që kanë zierë politika brenda LDK-së për disa muaj dhe në fund, ne në një punim dyditor kemi arritë një grup më të vogël të koordinatorësh kryesisht, të politikave e sektoriale me i debatu dhe me i zbardhë, sepse është në interes me ditë cila është politika ndaj energjisë, cili ka qenë opsioni i parë i para disa viteve. LDK-ja ka qenë bartëse e projektit në qeverisjen me AAK-në për Kosovën C. Kemi bo një projekt detaj, kemi identifiku nevojat e energjisë, kemi propozu politika e qarta në energji, kemi pa sfida dhe natyrisht ky projeksion mandej nuk është vazhdu nga Qeveria pasuese është reduktu, është revidu dhe sot asaj dite jemi pa projeksion”, tha Haziri.
Ai tha se programi “Rruga e Re” ka shkaktu debat dhe ka dalë dalë përtej LDK-së.
“Edhe në politikat e reformave të domosdoshme në sistem edhe në investime publike në të veçanti dhe e kemi nxjerrë në publik. Tani çka nënkupton kjo? Deri në Kuvendin, Konventën që e kemi quajtur programore, kemi shkaktu debat. Është dalë përtej LDK-së programi, është dalë te grupet e interesit, të dalë te odat ekonomike, është dalë te shoqatat, shoqëria civile, te ambientalistët, te grupet e interesit, kushdo që janë edhe munden me e gjetë veten. Kemi marrë komente shumë të mira, për disa nga politikat kemi marrë komente shtesë kritika dhe natyrisht ky është qëllim. Ne kemi dashtë me shkaktu pjesëmarrje më të madhe dhe deri atëherë jemi të kënaqur që t’i japim më shumë, që të prodhojmë debati, jo zhurmë”, theksoi Haziri. /atvlive.tv
Gjatë ditës së enjte është mbajtur kuvendi I jashtë zakonshëm I klubit FC Prishtina, ku janë zgjedhur aksionarët e rinj.
Remzi Ejupi është larguar nga posti I presidentit pas plot 20 vitesh qëndrim, si aksionari kryesor te klubi më I trofeshëm në vend, derisa posti e tij do ta pasojë Rrahman Haradini.
Anëtarë te bordit, do të jenë Ragip Mustafa, Hashim Deshishku, Beqir Çerkezi dhe Fatos Hoxha, derisa drejtor i përgjithshëm vazhdon të jetë Artan Osmani.
Ejupi menjëherë pas përfundimit të mbledhjes, u prononcua për media, ku tregoj arsyen pse vendosi të largohet nga klubi bardh e kaltër pas plot 20 vitesh.
I pyetur se a mund të jete arsyeja protestat e vazhdueshme të tifo grupit ‘’Plisat’’, Ejupi mohoj një gjë të tillë, si dhe potencoj se do të vazhdojë të përkrahë Prishtinën dhe Kosovën.
Derisa presidenti I ri I sapo zgjedhur, Rrahman Haradini nuk dha shumë detaje, mirëpo kishte një thirrje për tifozët e Prishtinës.
Ejupi ishte në krye të Prishtinës prej vitit 2004, ku nën udhëheqjen e tij Prishtina ka fituar gjashtë tituj kampioni, pesë kupa të Kosovës, si dhe për pesë vjet ka garuar në Evropë.
