ATV

Author: ATVLive

  • Tentohet edhe sërish konstituimi i Komisionit hetimor për rezervat shtetërore

    Tentohet edhe sërish konstituimi i Komisionit hetimor për rezervat shtetërore

    Sot për të katërtën herë me radhë do të tentohet të bëhet konstituimi i Komisionit Hetimor Parlamentar në lidhje me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore nëpërmjet kualifikimit të procedurës si sekret shtetëror për furnizime të tilla.

    Ideja për një komision hetimor lidhur me procedurat për furnizimin dhe menaxhimin me rezervat shtetërore, keqpërdorimet dhe abuzimet e mundshme me rezervat shtetërore ka ardhur nga Lidhja Demokratike e Kosovës.

    Por, kundër këtij komisioni hetimor ka dalë lëvizja Vetëvendosje.

    Shefja e këtij grupi parlamentar, Mimoza Kusari-Lila, ka thënë në njërën nga seancat e Kuvendit se peticioni i iniciuar nga Lidhja Demokratike e Kosovës e i nënshkruar nga 41 deputetë, është hap i ngutshëm.

    “LDK-ja ka ndërmarr një hap i cili është hap i ngutshëm sipas Grupit Parlamentar të LVV-së duke dorëzuar në Kuvend kërkesën për themelimin e Komisionit Hetimor Parlamentar lidhur me procedurat për furnizimin dhe menaxhimin me rezervat shtetërore. Megjithatë, disa muaj ma herët në Kuvend dhe në media janë përmendur dyshimet se mund të ketë keqpërdorime me rezervat shtetërore”, ka deklaruar Kusari-Lila.

    Sipas saj, ky hetim parlamentar synon të bëjë paralelizëm për diçka që organet e rendit janë të përfshira, ndërsa ka pyetur deputetët nënshkrues të peticionit “A nuk po i besoni Prokurorisë apo e konsideroni veten hetues më të aftë se Prokuroria dhe Policia?”.

    Ndërkaq, Eugen Cakolli nga Instituti Demokratik i Kosovës ka treguar përmes një video mesazhi se kush janë gjashtë deputetët e pozitës të cilët e kanë sabotuar punën e Komisionit hetimor për “rezervat shtetërore”.

    Ai tha se vetëm duke mundësuar konstituimin e këtij komisioni, deputetët do të mund të kontribuojnë në heqjen e të gjithave dilemave mbi aferat potenciale korruptive.

  • ​Dita Ndërkombëtare për Reduktimin e Katastrofave

    ​Dita Ndërkombëtare për Reduktimin e Katastrofave

    Dita Ndërkombëtare për Reduktimin e Katastrofave shënohet më 13 tetor.

    Shënimi i kësaj dite ka filluar të shënohet nga viti 1989, pas një thirrje nga Asambleja e Përgjithshme të OKB-së, për të pasur një ditë për të promovuar një kulturë globale të reduktimit të rrezikut nga katastrofat.

    Kjo ditë ka për qëllim ndërgjegjësimin për një mjedis të gjelbër dhe reduktimin e ekspozimit ndaj katastrofave./KP

  • ​Migjeni, model i jashtëzakonshëm i prozës moderne shqiptare

    ​Migjeni, model i jashtëzakonshëm i prozës moderne shqiptare

    Millosh Gjergj Nikolla ose siç njihej me pseudonimin e tij të shkrimit Migjeni, ishte poet dhe prozator i shquar shqiptar i viteve 1930.

    Migjeni konsiderohet si një ndër shkrimtarët më të lexuar e më të rëndësishëm të letërsisë shqipe të shekullit të 20-të. Për epokën ishte një zë krejtësisht novator nga brendia dhe forma dhe ndikimi mbi letërsinë shqipe të kohës ishte i madh.

    Migjeni u lind më 13 tetor 1911 në Shkodër në një familje ortodokse. Mbiemri i Millosh Gjergj Nikollës vjen nga gjyshi i tij Nikolla Dibrani, një shqiptar i ardhur nga krahina e Rekës (sot në Maqedoni), ku ishte pjesë i komunitetit ortodoks që lindi një emër tjetër në lëmin e poezisë, Josif Jovan Begerin.

    Migjeni kishte bindje të përparuara për kohën e tij, me të cilat filloi të brumoset që në bankat e shkollës nën ndikimin e veprave të autorëve përparimtarë. Punën si shkrimtar e nisi kur në letërsinë shqiptare po forcohej rryma demokratike me shkrimet e tij realiste, thellësisht novatore nga brendia dhe forma, dha ndihmë të madhe në zhvillimin e saj të mëtejshëm.

    Konsiderohet që Migjeni kaloi nga një romantizëm revolucionar në realizëm kritik gjatë jetës së tij. Ai pasqyroi varfërinë e thellë të viteve kur jetoi, dhe duke u dalë zot heronjve të krijimeve të tij si “Bukën tonë të përditshme falna sot”, “Bukuria që vret”, “Mollë e ndalueme”, “Legjenda e misrit”, “A don qymyr zotni ?”, etj. fshikulloi ashpër indiferentizmin e klasave të kamura ndaj vuajtjeve të popullit.

    Ndikimi i Migjenit mbi rrethet e rinisë antiçifligare ishte i ndjeshëm në vitet kur shkroi. Një shtysë të posaçme mori përhapja e krijimtarisë së tij pas Luftës së Dytë Botërore, kur regjimi komunist mori përsipër botimin e plotë të veprave, të cilat në vitet 1930 kishin qenë pjesërisht të pabotuara.

    Ai ka vdekur më 26 gusht 1938. Me interesimin e Republikës Popullore të Shqipërisë, eshtrat e Migjenit u sollën në atdhe në vitin 1956. Po ashtu, Migjenit iu nda titulli “Mësues i Popullit” post-mortem në vitin 1957.

  • ​Ndryshimi i Himnit në Parlamentin Evropian

    ​Ndryshimi i Himnit në Parlamentin Evropian

    Parlamenti Evropian më 13 tetor 2008, ndryshon procedurën e përdorimit të Himnit të Bashkimit Evropian dhe vendosi për t’u luajtur vetëm në hapjen e Parlamentit pas zgjedhjeve dhe në seancat formale.

    Melodia Ode to Joy (nga Simfonia No. 9 e Bethovenit) u adoptua si Himni i Evropës nga Këshilli i Evropës në vitin 1972 dhe pastaj Komuniteti Evropian – që nga viti 1983 Bashkimi Evropian – në vitin 1995, kjo Melodi u bë Himni kombëtar i Rodezisë.

    Në vitin 2008, Ode to Joy u përdor nga Kosova si Himn Kombëtar derisa u miratua himni i Kosovës. Ode to Joy u luajt në shpalljen e pavarësisë së Kosovës, edhe si shenjë mirënjohje për rolin e BE-së në pavarësinë e saj nga Serbia.

    “Nxitoni, o vëllezër, në rrugën tuaj

    Të ngazëllyer si kalorës në fitore.”

    (Ode to Joy)

  • Dy senatorë amerikanë sot takojnë Osmanin dhe Kurtin

    Dy senatorë amerikanë sot takojnë Osmanin dhe Kurtin

    Dy senatorët amerikanë, Jeanne Shaheen dhe Peter Welch sot do të takohen me presidenten e Republikës së Kosovës, Vjosa Osmani dhe kryeministrin Albin Kurti.

    Sipas njoftimit të Presidencës, Osmani, do t’i presë dy senatorët nga ora 9:15. Ndërkaq, në ora 10:00, Shaheen dhe Welch do të takohen me kryeministrin Kurti.

    Është bërë e ditur se në të dy rastet do të ketë deklarim për media.

    E për vizitën e senatorëve amerikanë në Kosovë, njoftoi vetë Shaheen.

    “Senatori Peter Welch dhe unë jam në Ballkanin Perëndimor për të siguruar aleatët tanë se SHBA-ja është e angazhuar në mënyrë aktive dhe mbështet aspiratat demokratike të kombeve të tyre. Pres me padurim që të kem biseda thelbësore me drejtues dhe zyrtarë lokalë gjatë gjithë vizitës”, ka shkruar ajo në “X”.

  • Duka i bindur: Shqipëria në Evropian

    Duka i bindur: Shqipëria në Evropian

    Kreu i Federatës shqiptare të futbollit, Armand Duka, ka folur pas fitores vendimtare të Shqipërisë ndaj Çekisë.

    Shqipëria ka shënuar një fitore mbresëlënëse me rezultat 3:0, përballë Çekisë.

    Sipas tij, Shqipëria tani është me dy është në “Euro 2024”.

    “Të gjithë jemi të lumtur për këtë trepikësh. Jemi me dy këmbë në Evropian. Jam i bindur që do bëjmë edhe më shumë. Këtë fitore sot e kam shijuar më shumë. I kisha lënë të gjitha për fitoren e sotme. Na takon që të festojmë gjatë. Dua të përqafoj gjithë stadiumin sot. Tani kemi më shumë eksperiencë, do bëjmë më mirë në Evropian. Është e vështirë të fle sot”, tha ndër të tjera Duka.

    Pas kësaj fitore Shqipëria mbetet në vendin e parë me 13 pikë dhe i duhen vetëm dy pikë nga dy ndeshjet e fundit për të siguruar kualifikimin në Euro 2024.

    Polonia fitoi ndaj Ishujve Faroe dhe merr vendin e dytë me nëntë pikë kurse, Çekia mbetet në vendin e tretë.

  • Asani: Nuk na mundin as kombëtare më të forta me këtë grup që kemi

    Asani: Nuk na mundin as kombëtare më të forta me këtë grup që kemi

    Kombëtarja e Shqipërisë ka regjistruar një fitore të madhe ndaj Republikës Çeke dhe tani me një këmbë është në Kampionatin Evropianin e dytë në histori.

    Kombëtarja shqiptare shkëlqeu në të gjitha aspektet dhe në fund me meritë mori një fitore të pastër. Ndeshja e zhvilluar në “Air Albania” u mbyll me rezultatin 3:0, shkruan Gazeta Express.

    Jasir Asani (9’) dhe Taulant Seferi (51’, 73’) shënuan golat e fitores për “Kuqezinjtë”.

    Sulmuesi shkupjan pas ndeshjes rreth suksesit të Shqipërisë tha: “Unë mendoj se që ditën e parë kemi ardhur për një qëllim. Kemi lojtarë shumë të mirë, që po bëjmë shumë mirë. Kemi një staf mjaft profesionist dhe një meritë ka edhe presidenti, që ka bërë një punë shumë të madhe. Kemi ardhur këtu me qëllimin për të shkuar në Evropian dhe me këtë grup, jo vetëm Çekia, por nuk na mundin as kombëtare më të forta”.

    Asani la gjithashtu të hapur mundësinë që të largohet nga Gwangju.

    “Kam edhe 4 ndeshje në Korenë e Jugut dhe menaxheri po punon, ndaj besoj se do të bëhet diçka. Presim surpriza në fund”, deklaroi 28-vjeçari.

  • Seferi: Kritikëve ua dhashë përgjigjen në fushë, ndjehem shumë i lumtur

    Seferi: Kritikëve ua dhashë përgjigjen në fushë, ndjehem shumë i lumtur

    Kombëtarja e Shqipërisë ka regjistruar një fitore të madhe ndaj Republikës Çeke dhe tani me një këmbë është në Kampionatin Evropianin e dytë në histori.

    Kombëtarja shqiptare shkëlqeu në të gjitha aspektet dhe në fund me meritë mori një fitore të pastër. Ndeshja e zhvilluar në “Air Albania” u mbyll me rezultatin 3:0, shkruan Gazeta Express.

    Jasir Asani (9’) dhe Taulant Seferi (51’, 73’) shënuan golat e fitores për “Kuqezinjtë”.

    Seferi fillimisht pas ndeshjes tha: “Jam shumë i lumtur për fitoren, pasi ishte një fitore fantastike e mbi të gjitha para gjithë shqiptarëve, por edhe shumë e rëndësishme për Kombëtaren tonë. Jam shumë i lumtur edhe sepse gjeta golin pas shumë kohës me Kombëtaren”.

    “Shumica nuk kanë besuar te unë, por falënderoj trajnerin për besimin dhe me ndihmë e zotit ia shpërbleva atij, familjes sime dhe të gjithë shqiptarëve. Unë jam një njeri i thjesht, që i kam parë të gjitha komentet dhe kritikat, por përgjigja ime ishte në fushën e lojës dhe falënderoj Zotin, trajnerin e familjen time”, shtoi futbollisti nga Kumanova.

  • Renditja në Grupin E: Shqipëria rrit distancën e pikëve me Çekinë

    Renditja në Grupin E: Shqipëria rrit distancën e pikëve me Çekinë

    Kombëtarja e Shqipërisë ka regjistruar një fitore të madhe ndaj Republikës Çeke dhe tani me një këmbë është në Kampionatin Evropianin e dytë në histori.

    Kombëtarja shqiptare shkëlqeu në të gjitha aspektet dhe në fund me meritë mori një fitore të pastër. Ndeshja e zhvilluar në “Air Albania” u mbyll me rezultatin 3:0, shkruan Gazeta Express.

    Jasir Asani (9’) dhe Taulant Seferi (51’, 73’) shënuan golat e fitores për “Kuqezinjtë”.

    Shqipëria pas kësaj fitore ka 13 pikë dhe vazhdon kryesimin në Grupin E.

    Çekia është e dyta me 9 pikë dhe me një ndeshje më pak.

    Renditja në grup:

  • Kosova “shfryhet” në Andorrën, shënon fitoren e parë të vonshme

    Kosova “shfryhet” në Andorrën, shënon fitoren e parë të vonshme

    Kombëtarja e Kosovës në futboll shkëlqen vonë. “Dardanët” arritën fitore të bukur sonte ndaj Andorrës, por erdhi vonë. Shumë vonë.

    Kosova triumfoi në udhëtim 0:3 ndaj Andorrës, duke e shijuar vetëm fitoren e parë pas shtatë ndeshjeve në eliminatoret për Kampionatin Evropian 2024.

    Nga një grup i kalueshëm u shndërrua në një grup të pamundur për Kosovën në pak ndeshje, ndërsa tani gjasat për kualifikim janë shuar pothuajse tërësisht.

    Ishte minuta e 25-të kur Milot Rashica realizoi për ta kaluar Kosovën në epërsi.

    Me epërsinë minimale, dy ekipet shkuan në pushimin mes pjesëve.

    Ishte sërish Milot Rashica që shënoi një gol të lehtë për ta dyfishuar epërsinë e tanëve në minutën e 71-të.

    E në të 83-tën, Altin Zeqiri realizoi golin e parë me fanellën dardane për ta vulosur një mbrëmje të bukur të ekipit kosovar.

    Lajm i keq ishte lëndimi i sulmuesit Albion Rrahmani, i cili u largua me barelë nga fusha e lojës.

    Kjo fitore e ngrit Kosovën në vendin e katërt në grup me shtatë pikë të grumbulluara, por shumë larg pozitës së dytë në tabelë.

    Në anën tjetër, Andorra mbetet e fundit me vetëm dy pikë të grumbulluara.