Kryeministri Albin Kurti ka takuar senatorët amerikanë, Jeanne Shaheen dhe Peter Welch, raporton Ekonomia Online.
I pranishëm ka qenë edhe ambasadori i Shteteve të Bashkuara të Amerikës në Kosovës, Jeffrey Hovenier. Pas takimi pritet të ketë deklarim për medie.
Senatorët janë pritur edhe nga presidentja Vjosa Osmani.
Presidentja e Kosovës, Vjosa Osmani, ka kërkuar nga Shtetet e Bashkuara të Amerikës të mbajnë përgjegjëse Serbinë për agresionin e 24 shtatorit ndaj Kosovës.
Pas takimit me senatorët amerikanë, Jeanne Shaheen dhe Peter Welch, Osmani ka theksuar nevojën për të rritur garancat e sigurisë ndaj Kosovës, sidomos në kufirin me Serbinë.
Në anën tjetër, senatorja amerikane, Jeanne Shaheen, ka thënë se kanë ardhur për të shprehur mbështetjen ndaj Kosovës, sidomos pas incidentit në veri më 24 shtator.
Ajo ka theksuar se përgjegjësit e sulmit të 24 shtatorit ku mbeti i vrarë rreshteri i Policisë së Kosovës, Afrim Bunjaku, duhet të japin llogari para drejtësisë. /kp
Një person është arrestuar dje në Pejë, pasi i njëjti dyshohet se ka kryer veprën dhunim seksual.
Policia nuk ka dhënë më shumë informata, por thekson se me vendim të prokurorit i dyshuari është dërguar në mbajtje.
Një person derisa kishte qenë në vendin e punës është rrezuar dhe si pasojë kishte pësuar lëndime të rënda trupore. Ai është dërguar në QKUK dhe nga mjeku është konstatuar vdekja e tij.
Ngjarja ka ndodhur dje në Prishtinë. Në vendin e ngjarjes përveç njësive relevante policore, kanë dalë inspektorët e punës dhe prokurori i shtetit, i cili e ka cilësuar rastin.
Me urdhër të prokurorit trupi i pajetë i viktimës është dërguar në IML për obduksion.
Një person është arrestuar dje në Prishtinë, pasi që i njëjti përmes rrjeteve sociale ka shpërndarë disa video me përmbajtje të abuzimit seksual me fëmijë.
Me vendim të prokurorit i dyshuari pas intervistimit është liruar, rasti vazhdon në procedurë të rregullt.
Presidentja e Kosovës, Vjosa Osmani ka pritur në takim dy senatorët amerikan, Jeanne Shaheen dhe Peter Welch.
Pas takimit të përbashkët, Osmani dhe senatorët do të ketë një deklarim për medie.
Pas takimit me Osmanin, senatorët amerikan do të takohen edhe me kryeministrin, Albin Kurti.
Kjo është vizita e parë e përfaqësuesve të lartë të ShBA-së në Kosovë, pas aktit të agresionit të Serbisë në Kosovë më 24 shtator.
Gazetari i njohur shqiptar, Blendi Fevziu, në një intervistë për Demokracia.com, i ka komentuar ngjarjet e 24 shtatorit 2023, ku në Banjskë të Zveçanit u sulmua Policia e Kosovës dhe për pasojë mbeti i vrarë polici Afrim Bunjaku.
Fevziu beson që Vuçiq nuk është i interesuar për një marrëveshje me Kosovën, pasi situata aktuale ia mundëson Serbisë të jetë më e faktorizuar dhe më pak e kontrolluar.
Sa i përket reagimit të Policisë së Kosovës në ditën e 24 shtatorit në Banjskë, Fevziu thotë se trajnimi dhe reagimi i tyre nuk ka lidhje me standardet e zakonshme të policive në shtetet ballkanike.
Fevziu ka komentuar edhe raportet e dy kryeministrave, Ramës dhe Kurtit, duke thënë se raportet mes Shqipërisë e Kosovës në nivelin më të lartë të ekzekutivit janë në ditët më të këqija që ai i mban në mend gjatë karrierës së tij.
“Raportet mes Edi Ramës dhe Albin Kurtit s’më interesojnë fare. Puthen a shahen është problem i tyre. Çështja është se raportet mes Shqipërisë e Kosovës, në nivelin më të lartë të ekzekutivit, janë në ditët më të këqija që unë mbaj mend në karrierën time. Kurrë s’kanë qenë kështu. Unë mendoj se thelbi është në atë që janë të dy protagonistë dhe personazhe shumë të ndryshëm. Deri në atë pikë, sa kokëfortësia, nuk i lejon as të ulin protagonizmin personal dhe të kuptojnë se aty nuk janë si individë, por si përfaqësues të dy pjesëve të një kombi”, tha Fevziu.
Më 13 tetor 1792, presidenti George Washington vendosi në mënyrë ceremoniale gurin e parë në themelin e ndërtesës, e cila do të bëhej rezidenca zyrtare e presidentëve të Shteteve të Bashkuara.
Arkitekt i ndërtesës, e cila u quajt ”Pallati i Presidentit”, ishte emigranti irlandez James Hoban, ndihmësi tij ishte Benjamin Latrobe nga Pensilvania.
Projekti ishte i ngjashëm me Pallatin e Dukës së Leinsterit, në Irlandë. Presidenti i dytë i Shteteve të Bashkuara, John Adams, ishte banori i parë i Shtëpisë së Presidentit në vitin 1800.
Që nga ajo kohë, të gjithë presidentët amerikanë kanë jetuar në këtë rezidencë. Ndërtesa origjinale u dogj nga trupat britanike gjatë luftës së vitit 1818.
Pasi u rindërtua dhe James Hoban urdhëroi që ndërtesa të lyhej me të bardhë, asaj iu dha emri që ka sot, ”Shtëpia e Bardhë”.
Shtëpia e Bardhë është ndërtesa më e lashtë publike e Uashingtonit.
Ajo shërben jo vetëm si shtëpi banimi dhe zyrë e presidentit, por edhe si muze i presidentëve amerikanë. Çdo vit Shtëpia e Bardhë vizitohet nga rreth një milion e gjysmë turistë.
Grup i specializantëve vazhdon edhe sot protestën për mospagesën e kujdestarive prej muajit shkurt dhe kundër detyrimit për të paguar vitin e shkollimit specialistik 500 euro për një vit.
Kjo është dita e katërt që mantelbardhët protestojnë para ndërtesës së Ministrisë së Shëndetësisë.
Të enjten ata bllokuan hyrjen e kësaj ndërtesë.
Sot mbahet seanca e radhës lidhur me rastin e aksidentin me veturë të të miturës nga ministrja e Industrisë, Ndërmarrësisë dhe Tregtisë, Rozeta Hajdari.
Seanca pritet të fillojë në orën 14:00, në Gjykatën Themelore në Prishtinë.