ATV

Author: ATVLive

  • SHBA-ja, Gjermania dhe Britania: Presim nga Qeveria e re e Kosovës koordinim dhe përparim në dialog

    SHBA-ja, Gjermania dhe Britania: Presim nga Qeveria e re e Kosovës koordinim dhe përparim në dialog

    Besimi i ndërsjellë, koordinimi dhe bashkëpunimi, si dhe përparimi në dialogun me Serbinë janë disa nga pritjet e Shteteve të Bashkuara të Amerikës, Gjermanisë dhe Mbretërisë së Bashkuar nga Qeveria e re e Kosovës.

    Këto tri shtete, së bashku me Italinë dhe Francën, bëjnë pjesë e grupit të shteteve që njihen si QUINT. Radio Evropa e Lirë ka pyetur edhe Ambasadën e Italisë dhe Francës lidhur me pritjet e tyre nga ekzekutivi i ri i Kosovës, por këto institucione nuk kanë kthyer përgjigje.

    Më 15 prill do të mblidhet përbërja e re e Kuvendit të Kosovës, gjatë së cilës deputetët do të japin betimin. Në rendin e ditës, në seancën konstituive të legjislaturës së nëntë, është edhe zgjedhja e kryetarit dhe nënkryetarëve të Kuvendit të Kosovës.

    Konstituimi i Kuvendit do t’i hapë rrugën për zgjedhjen e Qeverisë së re të Kosovës. Partia fituese e zgjedhjeve të 9 shkurtit, Lëvizja Vetëvendosje e kryeministrit në detyrë, Albin Kurti, është e para që ka të drejtë të tentojë ta formojë ekzekutivin e ri. Megjithatë, Kurti ende nuk i ka siguruar 61 votat e nevojshme për formimin e qeverisë.

    Departamenti amerikan i Shtetit tha për Radion Evropa e Lirë se SHBA-ja për një kohë të gjatë e ka mbështetur Kosovën në rrugën e ndërtimit të një shteti sovran, demokratik, multientik dhe prosperues.

    “Presim të punojmë me Qeverinë e re të Kosovës për të mbështetur stabilitetin dhe sigurinë rajonale”, tha një zëdhënës i DASH-it për Radion Evropa e Lirë.

    Ambasada e Gjermanisë në Prishtinë tha se pret që më 15 prill të zgjidhen kryetari dhe nënkryetarët e Kuvendit, duke hapur kështu rrugën për formimin e Qeverisë së re të Kosovës.

    Në një deklaratë për Radion Evropa e Lirë, Ambasada gjermane deklaroi se pret gjithashtu “vazhdimin e bashkëpunimit të ngushtë me Kosovën dhe qeverinë e saj të ardhshme”, duke shtuar se do të vazhdojë të angazhohet në mënyrë aktive për integrimin e Kosovës në strukturat euroatlantike.

    “Për ta arritur këtë, nevojitet besim i ndërsjellë dhe bashkëpunim i vazhdueshëm. Gjermania mbetet e bindur se qeveria e ardhshme do të forcojë koordinimin e ngushtë me partnerët ndërkombëtarë dhe do të punojë për përparim të dukshëm në dialogun e lehtësuar nga Bashkimi Evropian, duke ndihmuar në realizimin, sa më shpejt, të perspektivës evropiane të Kosovës”, tha Ambasada gjermane.

    Gjermania shtoi se afrimi i mëtejmë i Kosovës me BE-në është “qëllimi ynë i përbashkët, forcimi i demokracisë, sundimi i ligjit si dhe përparimi thelbësor në dialogun për normalizim me Serbinë, përfshirë zbatimin e Marrëveshjes së Brukselit dhe asaj të Ohrit me anekset përkatëse, janë çështje që duhen arritur”.

    Ambasada britanike në Prishtinë deklaroi se shpreson që Qeveria e ardhshme e Kosovës të adresojë nevojat e të gjithë qytetarëve, përfshirë edhe përparimin sa i përket integrimit të serbëve dhe angazhimin e fuqishëm në dialogun për normalizimin e raporteve me Serbinë.

    “Mbretëria e Bashkuar e mbështet pa asnjë rezervë anëtarësimin e Kosovës në Këshillin e Evropës dhe shpreson që ajo të mund t’i përmbushë sa më shpejt kërkesat e të tjerëve”, tha Ambasada britanike në një përgjigje dërguar Radios Evropa e Lirë.

    Krijimi i Asociacionit të komunave me shumicë serbe ka qenë pengesa kryesore për Kosovën në rrugën e saj drejt anëtarësimit në Këshillin e Evropës. Qeveria Kurti ka qenë hezituese për formimin e Asociacionit, duke shprehur frikën se mund të minojë sovranitetin dhe funksionalitetin e shtetit të Kosovës.

    Thirrje për përparim në dialog u bënë edhe në mbledhjen e 8 prillit të Këshillit të Sigurimit të Kombeve të Bashkuara, kur Kosova dhe Serbia shkëmbyen akuza ndaj.

    Kosova e akuzoi Serbinë për përpjekje të vazhdueshme për destabilizimin e demokracisë në vend, “jo vetëm përmes retorikës, por edhe përmes veprimeve konkrete dhe të dhunshme që rrezikojnë paqen dhe sigurinë në rajon”.

    Ndërsa Serbia e akuzoi Kosovën se situata e serbëve në Kosovë po “përkeqësohet” pasi sipas saj, “është përshkallëzuar fushata për shkatërrimin sistematik të institucioneve serbe në gjithë Kosovën”.

    Edhe shtetet aleate të Kosovës kanë qenë kritike ndaj Qeverisë së Kosovës për, siç kanë thënë, veprimet e njëanshme dhe të pakoordinuara në veri të vendit, ku autoritetet kanë mbyllur institucionet serbe.

    Autoritetet e Kosovës filloi mbylljen e institucioneve serbe për Kosovën në fillim të vitit 2024, me arsyetimin se ato nuk kanë leje për të vepruar dhe se funksionimi i tyre është i paligjshëm.

  • Kurti darkoi me deputetë francezë dhe ambasadorin Guérot, i njoftoi mbi zhvillimet pas zgjedhjeve

    Kurti darkoi me deputetë francezë dhe ambasadorin Guérot, i njoftoi mbi zhvillimet pas zgjedhjeve

    Kryeministri në detyrë i Kosovës, Albin Kurti mbrëmë pati një darkë pune me deputetët e Komisionit për Punë të Jashtme të Asamblesë Parlamentare të Francës, Marine Hamelet, Frédéric Petit, Pierre Pribetich, Jean-dhe Louis Roumégas, shtruar nga ambasadori i Francës në Kosovë, Olivier Guérot.

    Sipas njoftimit ata diskutuan për marrëdhëniet bilaterale ndërmjet Kosovës dhe Francës dhe për rëndësinë e diplomacisë parlamentare për thellimin e mëtejmë të tyre dhe zgjerimin e bashkëpunimit ndërshtetëror, transmeton klankosova.tv.

    Ndër tjera biseduan edhe për raportet me Serbinë, procesin e dialogut të ndërmjetësuar nga Brukseli dhe Marrëveshjen Bazike të arritur atje dhe aneksin e saj të zbatimit.

    Kurti ka falënderuar deputetët për vizitën që po i bëjnë Kosovës dhe shtetin francez për ndihmën dhe mbështetjen e vazhdueshme.

    Ai thet t’i ketë njoftuar ata me zhvillimet e fundit në vend dhe me rezultatet e qeverisjes dhe siç pretendon qeveria, përparimin e arritur në katër vitet e fundit si në rrafshin ekonomik ashtu edhe në atë demokratik dhe të të drejtave të njeriut.

    Gjatë darkës që u zhvillua në rezidencën e ambasadorit francez në Kosovë, gjithashtu u diskutua edhe për hapat dhe rrugën përpara drejt formimit të institucioneve të legjislaturës së nëntë pas certifikimit të rezultateve të zgjedhjeve të 9 shkurtit dhe seancës së thirrur nga presidentja e vendit për datën 15 prill.

  • Osmani: Kushtetuta është kontrata jonë e përbashkët për një shoqëri demokratike, të drejtë dhe të barabartë

    Osmani: Kushtetuta është kontrata jonë e përbashkët për një shoqëri demokratike, të drejtë dhe të barabartë

    Presidentja e Kosovës ka dekalruar se sot 17 vite më parë është shënuar një nga momentet më të rëndësishme në historinë shtetërore të vendit, miratimin e Kushtetutës më 9 prill 2008.

    Ajo theksoi se Kushtetuta është kontrata e përbashkët për një shoqëri demokratike, të drejtë dhe të barabartë, që garanton liritë dhe të drejtat themelore të çdo qytetari, pa dallim etnie, gjinie apo përkatësie.

    Presidentja riafirmoi përkushtimin për ta mbrojtur dhe zbatuar Kushtetutën me përpikëri, duke theksuar rëndësinë e forcimit të sundimit të ligjit dhe respektimit të rendit kushtetues për ndërtimin e një shteti që shërben me dinjitet dhe drejtësi për qytetarët e tij.

  • Miratohet draft-rezoluta për Kosovën, kërkohet heqja e masave të BE-së

    Miratohet draft-rezoluta për Kosovën, kërkohet heqja e masave të BE-së

    Komiteti për Politikë të Jashtme i Parlamentit Evropian ka votuar draft rezolutën për Kosovën në të cilën mes tjerash kërkohet heqja e menjëhershme e masave të BE-së.

    Autor i raportit është Riho Terras raportues i këtij institucioni për Kosovën, i cili tashmë i ka porositur se vendi i Kosovës është në BE.

    Në këtë dokument mbështetet aplikimi i Kosovës për anëtarësim në BE dhe ftohen vendet anëtare, të cilat nuk e kanë njohur Kosovën, që ta bëjnë një gjë të tillë pa vonesa të tjera.

    Parlamenti Evropian mbështet edhe kërkesën e Kosovës për anëtarësim në Këshillin e Evropës dhe planin për t’iu bashkuar programit të Partneritetit për Paqe të NATO-s.

    Nënvizohet gjithashtu progresi domethënës në fushën e drejtësisë, të sigurisë dhe lirive, të luftës kundër krimit të organizuar dhe të funksionimit të ekonomisë së tregut, por shpreh keqardhje për përparimin e limituar në sundimin e ligjit.

    Shqetësim serioz shprehet edhe për dobësitë sistematike të sistemit të drejtësisë në Kosovë, sidomos sa i përket pavarësisë dhe respektimit të ndarjeve të pushteteve.

    Shqetësim shprehet, gjithashtu, për situatën e sigurisë në veri të Kosovës, posaçërisht pas sulmit të armatosur në Banjskë dhe atë në Ibër Lepenc. Kërkohet sjellja para drejtësisë e autorëve të këtyre sulmeve.

    Keqardhje e veçantë shprehet përse Serbia nuk i ka nxjerrë para drejtësisë kryesit e sulmit terrorist në Banjskë, përfshirë ish-nënkryetarin e Listës Serbe, Millan Radoiçiq.

    Dokumenti shpreh, gjithashtu, mbështetje për procesin e dialogut për normalizimin e raporteve mes Kosovës dhe Serbisë dhe përshëndet emërimin e Peter Sorensenit në postin e emisarit për këtë dialog.

    Pas aprovimit në Komitetin për Politikë të Jashtme ky dokument gjatë muajve të verës do të votohet në seancë plenare kur do e merr edhe versionin e Rezolutës së Parlamentit Evropian./RTK/

  • Haradinaj bëri homazhe në Koshare: Heronj që bënë historinë, thyen kufirin shqiptaro-shqiptar

    Haradinaj bëri homazhe në Koshare: Heronj që bënë historinë, thyen kufirin shqiptaro-shqiptar

    Në përvjetorin e 26-të të Betejës së lavdishme të Koshares, kryetari i AKK-së, Ramush Haradinaj, bëri homazhe në Kompleksin Memorial në Koshare, raporton EO.Miratohet draft-rezoluta për Kosovën, kërkohet heqja e masave të BE-së

    “Jemi në vendin ku pushojnë heronjtë e Kosovës: Agim Ramadani, Sali Çeku, Xhemail Fetahu e plot të tjerë heronj që bënë historinë, që e thyen kufirin shqiptaro-shqiptar. Ata që mposhtën regjimin e Millosheviqit, forcat e tij. Ata që i dhanë shpresë lirisë së Kosovës, edhe ata që janë themel të lirisë sonë. Besoj që për të gjithë ne është nder të jemi këtu, t’i kujtojmë, t’i nderojmë dhe t’i përjetësojmë jo vetëm në kujtime, por edhe në punët që bëjmë që të forcojmë lirinë, që të forcojmë kombin”, tha Haradinaj

  • Piramida 25 metra nën ujë mund të rishkruajë historinë e botës

    Piramida 25 metra nën ujë mund të rishkruajë historinë e botës

    Një strukturë misterioze nënujore pranë ishujve Ryukyu të Japonisë po sfidon njohuritë tona për historinë e qytetërimeve të lashta. E njohur si Monumenti Yonaguni, kjo masë e madhe shkëmbore e vendosur vetëm 25 metra nën sipërfaqe u zbulua në vitin 1986 dhe ka tronditur studiuesit me formën e saj të ngjashme me një piramidë me shkallë.

    Me një lartësi prej rreth 27 metrash dhe e ndërtuar tërësisht prej guri, Yonaguni ngjan si një strukturë e ndërtuar me dorë nga një qytetërim i lashtë. Testet mbi shkëmbin sugjerojnë një moshë prej mbi 10,000 vjetësh – që do të thotë se nëse është ndërtuar nga njerëzit, ajo ekzistonte para se deti të mbulonte zonën, mbi 12,000 vite më parë.

    Kjo do ta bënte më të vjetër se çdo piramidë egjiptiane apo edhe se Stonehenge, duke hapur derën për teorinë e ekzistencës së një qytetërimi të humbur, ndoshta të ngjashëm me mitin e Atlantidës.

    Autori Graham Hancock, i njohur për teoritë mbi qytetërimet e humbura, dhe arkeologu Flint Dibble debatuan kohët e fundit në podcast-in e Joe Rogan mbi origjinën e Yonagunit. Dibble mbrojti idenë se formacioni është natyror, ndërsa Hancock kundërshtoi me fotografi që, sipas tij, tregojnë qartë struktura të krijuara nga dora e njeriut: shkallë, tarraca, harqe dhe një fytyrë e gdhendur në gur.

    Pavarësisht skepticizmit të disa studiuesve si Dr. Robert Schoch, i cili thekson se karakteristikat gjeologjike të rajonit mund të shpjegojnë formën e Yonagunit, teoria e një ndërtese të lashtë të ndërtuar nga njerëzit nuk është përjashtuar. Ai pranoi se pamjet fotografike mund të krijojnë përshtypjen e një ndërtese për shkak të simetrisë dhe këndeve të mprehta.

    Nëse vërtetohet se Yonaguni është ndërtohet nga njeriu, ajo do t’i bashkohej strukturave të tjera misterioze si Göbekli Tepe në Turqi (daton rreth vitit 9500 p.e.s.) dhe Gunung Padang në Indonezi, e cila mund të jetë më e vjetër se 16,000 vjet.

    Deri më tani, Monumenti Yonaguni mbetet një mister i pazgjidhur. Por një gjë është e sigurt: nëse është vërtet një piramidë e ndërtuar nga një qytetërim i harruar, historia njerëzore mund të ketë nisur shumë më herët – dhe në mënyrë shumë më të sofistikuar – sesa kemi besuar deri më sot.

  • Kacafytje mes prindërve në një kënd lodrash në Prishtinë, rasti përfundon në polici

    Kacafytje mes prindërve në një kënd lodrash në Prishtinë, rasti përfundon në polici

    Një ngjarje e pazakontë ka ndodhur në një kënd të lojërave në Prishtinë.

    Dy prindër janë kanosur pasi fëmiu i njërit prind e ka goditur nga pakujdesia femiun e prindit tjetër.

    “Prishtinë / 08.04.2025 – 20:15. Ankuesi mashkull kosovar ka raportuar se derisa ka qenë me fëmijët e tij te këndi i lojërave, një fëmijë tjetër gjatë vrapimit dyshohet nga pakujdesia ka goditur fëmijën e tij, ndërkohë prindi i atij fëmiu e ka shtyrë me dorë ankuesin dhe është largua nga vendi i ngjarjes”, thuhet në raportin e policisë.

  • Reali ka mposhtur 111 skuadra në historinë e Ligës së Kampionëve, por Arsenali mbetet i pathyeshëm

    Reali ka mposhtur 111 skuadra në historinë e Ligës së Kampionëve, por Arsenali mbetet i pathyeshëm

    Arsenal– Reali i Madridit ka mposhtur më shumë kundërshtarë të ndryshëm se çdo skuadër tjetër në historinë e Ligës së Kampioneve (111), duke përfshirë shtatë ekipe të ndryshme angleze. Por Arsenali vazhdon të mos jetë një prej tyre.

    – E vetmja skuadër angleze që ka shmangur humbjen në katër ndeshjet e tyre të para kundër Realit të Madridit në Ligën e Kampioneve, është Arsenali. Ata thyen rekordin e Liverpulit kundër “galaktikëve” (3 ndeshjet e para pa humbje).

    – Majls Ljuis-Skeli u bë futbollisti i dytë më i ri anglez në histori, i cili startoi një ndeshje çerekfinale të Ligës së Kampioneve. Mbrëmë kundër Realit, mbrojtësi i Arsenalit ishte 18 vjeç e 194 ditë, duke lënë pas Trent Aleksander-Arnoldin e Liverpulit në ndeshjen kundër Mançester Sitit (04/04/18). Talenti i Artetës ka përpara vetëm Xhud Bellingamin, i cili e vendosi rekordin në moshën 17 vjeç e 281 ditë në ndeshjen e Dortmundit kundër Mançester Sitit më 06/04/21.

    – Luka Modriç luajti ndeshjen e tij të 133-të për Realin e Madridit në Champions. Legjenda kroate barazoi numrin e prezencave të Karim Benzemasë në listën e të gjitha kohërave, ndërsa përpara ka vetëm Iker Kasijasin (150 ndeshje). 20 nga këto ndeshje Modriç i ka luajtur në çerekfinale, më shumë se çdo lojtar tjetër i klubit madrilen në epokën e Champions-it, ndërsa Karim Benzema renditet në vendin e dytë (18 ndeshje çerekfinale).

    -Deklan Rajs u bë lojtari i pestë që shënon dy gola nga goditjet e dënimit në një ndeshje të vetme të Ligës së Kampioneve, pas Rivaldos, Kristiano Ronaldos, Nejmarit dhe Zijehut dhe i pari që e bën këtë kundër Realit të Madridit në një ndeshje me eliminim direkt.

    – Arsenali ka fituar gjashtë nga tetë ndeshjet e tyre të fundit në Ligën e Kampioneve kundër ekipeve spanjolle: 1 barazim, 1 humbje. Ata kanë humbur vetëm një nga 14 ndeshjet e tyre të fundit në shtëpi përballë ekipeve iberike: 8 fitore, 5 barazime.

  • Arbër Rexhaj: Kurti po e analizon mundësinë e formimit të Qeverisë me koalicion

    Arbër Rexhaj: Kurti po e analizon mundësinë e formimit të Qeverisë me koalicion

    Deputeti i VV’së, Arbër Rexhaj, ka thënë se shumica e deputetëve nga minoritetet do të jenë pjesë e Qeverisë.

    “Unë mendoj se në shumësi pra pothuajse të gjithë që do i përfaqësojnë interesat e minoriteteve, do jenë pjesë e Qeverisë,” ka thënë ai.

    Rexhaj ka thënë se është e rëndësishme krijimi i Kuvendit dhe zgjedhja e kryetarit, duke shtuar se shpreson që deri më 15 prill të arrihet edhe votimi i Qeverisë.

    “Të zgjidhet Kuvendi, kryetari i Kuvendit dhe në afatin 15 ditor pra të votohet edhe Qeveria,” ka thënë Rexhaj për FrontOnline, duke theksuar angazhimin e partisë për të përmbyllur këtë proces në një kohë të shkurtër.

    Rexhaj ka shtuar se, megjithëse qëllimi është të arrihet formimi i Qeverisë deri më 15 prill, ka ende kohë për analizuar mundësitë.

    “Ne do donim që me 15 prill të votohet edhe Qeveria, por deri atëherë ka kohë dhe Kurti si kryetar i VV-së, do e analizoj numrat e Qeverisë dhe në këtë mënyrë mendoj se po analizon edhe mundësinë e qeverisjes,” ka shtuar ai.

    Ai ka përfunduar duke theksuar se, përveç mundësisë së krijimit të një shumice të qëndrueshme, VV po shqyrton edhe mundësinë për një bashkëpunim me parti të tjera, duke nënvizuar se kjo do të bëhet vetëm nëse është e lavdërueshme për vendin.

    “Apo do kemi ndonjë bashkëpunim me ndonjë subjekt politik,” ka thënë Rexhaj.

  • Abdixhiku nderon të rënët në Koshare: Dhanë jetën, më të shtrenjtën, për lirinë tonë dhe për brezat e ardhshëm

    Abdixhiku nderon të rënët në Koshare: Dhanë jetën, më të shtrenjtën, për lirinë tonë dhe për brezat e ardhshëm

    Në përvjetorin e 26-të të Betejës së lavdishme të Koshares, kryetari i LDK, Lumir Abdixhiku, bëri homazhe në Kompleksin Memorial në Koshare, raporton Ekonomia Online. Ai tha se nderojnë të gjithë që dhanë jetën për liri.

    “Sot me bashkëpunëtorët e mi të LDK-së, por mbi të gjitha me heronjtë e gjallë të Betejës së Koshares nderuam një ndër betejat më madhështore të UÇK-së, atë të Koshares, 26 vjet më parë. Djemtë dhe vajzat më të mira të vendit nisën thyerjen e kufirit shqiptaro-shqiptar dhe me këtë nxitën dritën e parë të triumfit të luftës çlirimtare të popullit të Kosovës për liri, pavarësi dhe demokraci. Sot nderojmë 130 martirët dhe heronjtë e rënë, Agim Ramadanin, Sali Çekajn dhe gjithë të tjerët që dhanë jetën, më të shtrenjtën, për lirinë tonë dhe për brezat e ardhshëm”, tha Abdixhiku.