Author: ATVLive

Zyra e Rregullatorit të Energjisë në Kosovë (ZRrE) njoftoi gjatë ditës së djeshme se ka vendosur ta rris çmimin e energjisë elektrike për të gjitha kategoritë e konsumatorëve për 16.1 %.

ZRrE ka miratuar kërkesat e tre operatorëve energjetikë (KEDS, KESCO dhe KOSTT) për shtrenjtimin e tarifave. Megjithatë, Kjo ka shkaktuar pakënaqësi të madhe te qytetarët të cilët pas disa aksioneve, dje protestuan për të dytën herë.

Gjatë protestës është paralajmëruar padi kundër vendimit këtij vendimi.

Ndërkohë, Ardian Bajraktari, avokati i angazhuar për të ngritur padinë nga grupi protestues “Asnjë cent më shumë”, tha se po punojnë intensivisht që sa më parë ta dorëzojnë padinë në gjykatë për anulimin e vendimit të zyrës së rregullatorit të energjisë.

Bajraktari tha për KosovaPress, se përveç padisë, do ta paraqesin edhe propozimin për shtyrjen e vendimit.

Ai duke u bazuar në nenin 100 të ligjit për konflikt administrative, thotë se gjykata në rastin kur merr vendim për shqyrtim të propozimit, duhet të shtyjë ekzekutimin e vendimit.

“Ne po punojmë jashtëzakonisht shumë dhe intensivisht në mënyrë që sa më parë të jetë e mundur të paraqesim, ta dorëzojmë padinë në gjykatë me ç’rast do të kërkojmë anulimin e vendimit të Zyrës së Rregullatorit të Energjisë. Në bindjen tonë është marrë në shpërputhje me dispozitat respektive të ligjit. Sa i përket procesit të konsultimeve, mirëpo edhe sa i përket respektimit të parimit mbi bazën e të cilave duhet të vendoset çështja e kësaj natyre. Për më tepër krahas padisë, do ta paraqesim edhe propozimin e shtyrjes së vendimit për faktin se jemi të bindur që plotësohen kriteret ligjore të përcaktuara në nenin 100 të ligjit për konflikte administrative që në raste të tilla, dëmi është jashtëzakonisht i madh që i bëhet palëve ndaj të cilave afektohen, por njëkohësisht pezullimi i një vendimi nuk paraqet ndonjë dëm të madh për interesin publik. Këto dy kushte në referencë të nenit 100 të ligjit për konflikt administrativ, kërkohet që gjykata në rastin e marrjes përkatësisht shqyrtimit të propozimit për shtyrje e ekzekutimit të vendimit”, potencoi Bajraktari.

Ai shprehet optimist se do të bindin gjykatën për një shkelje të tillë ligjore.

Rregullatori i energjisë propozoi muajin e kaluar shtrenjtimin e çmimit të energjisë elektrike në vend për rreth 15 për qind, duke argumentuar se rritja e tarifave këtë vit është e domosdoshme, për shkak të uljes së prodhimit të energjisë, rritjes së konsumit dhe varësisë së madhe nga importet me çmime të larta.

Kundër këtij vendimi qytetarët kanë zhvilluar disa aksione dhe kanë protestuar disa ditë, madje kanë paralajmëruar se protestat nuk do të ndalen.

Gjithashtu, edhe OJQ, komuniteti i biznesit dhe presidentja Vjosa Osmani kanë dal kundër shtrenjtimit të rrymës. Ndërkohë, kryeministri Albin Kurit nuk ka dhënë ndonjë koment lidhur me këtë çështje. E vetmja nga qeveria ka qen ministrja e Ekonomisë, Artane Rizvanolli, e cila kërkoi që mos t’i lëviz çmimi konsumatorëve që harxhojnë më pak se 800 kë në muaj. Kurse, për të tjerët kërkoi një ngritje të lehtë.

Organizata “Shqiptaria” nga Prishtina pati nderin të vizitojë qytetin historik të Lushnjes, me ftesë të kryetarit të Shoqatës Kulturore Bektashiane “Miqtë e Naimit”, Kujtim Baze, i cili organizoi një pritje të ngrohtë e vëllazërore për delegacionin e kësaj organizate.

Sipas njoftimit, ky takim ishte një dëshmi e qartë e përkushtimit të tij të palëkundur ndaj vlerave atdhetare dhe bashkëpunimit kulturor mbarëkombëtar.

“Pjesë e veçantë e kësaj vizite ishte pritja zyrtare nga kryetarja e Bashkisë së Lushnjes, Eriselda Sefa, e cila na nderoi me një mikpritje të ngrohtë dhe me mbështetjen e saj për iniciativat që lidhen me ruajtjen dhe promovimin e trashëgimisë sonë të përbashkët. Sefa përcolli me krenari vlerat që e karakterizojnë qytetin e Kongresit – qytet i unitetit, kulturës dhe krenarisë kombëtare. Kjo vizitë u zhvillua në kuadër të bashkërendimit të aktiviteteve për shënimin e 620-vjetorit të lindjes së Gjergj Kastriotit – Skënderbeut, që do të mbahet më 6 maj 2025 në Prishtinë, me pjesëmarrjen e Shoqatës “Miqtë e Naimit” dhe grupeve të tjera kulturore nga trevat shqiptare”, thuhet në njoftim.

Kjo organizatë një mirënjohje të veçantë ka bërë për atdhetarin Gramoz Cjapi, për mbështetjen e tij të pandërprerë dhe kontributin në forcimin e bashkëpunimit kulturor ndërshqiptar.

“Të frymëzuar nga vepra e Frashërllinjve dhe ideali rilindas i Naimit, ne vijojmë përkushtimin tonë ndaj forcimit të vetëdijes kombëtare dhe bashkimit shpirtëror të shqiptarëve. “Dielli për shqiptarinë lind nga Perëndimi.” – Naim Frashëri”, thuhet në njoftimin e organizatës.

Ministri në detyrë i Mbrojtjes, Ejup Maqedonci, është takuar me homologun e tij turk, Yashar Gyler, në margjinat e forumit të Diplomacisë që po mbahet në Antalya.

Maqedonci tha se me Gylerin folën për thellimin dhe zgjerimin e bashkëpunimit në fushën e mbrojtjes.

“Aleanca mes Republikës së Kosovës dhe Republikës së Turqisë e ndërtuar me mirëbesim do të ketë rol kyç në ndërtimin dhe ruajtjen e paqes në rajon”, shkroi Maqedonci.

Tutje, Maqedonci shkroi se blerjet ushtarake, zhvillimi dhe fuqizimi i industrisë së mbrojtjes dhe trajnimet e përbashkët, janë disa nga fushat që kanë hyrë në fazë të re të zhvillimeve.

“Blerjet ushtarake, zhvillimi dhe fuqizimi i industrisë së mbrojtjes, trajnimet e përbashkëta si dhe bashkëzbarkimet dhe misionet ushtarake janë vetëm disa nga fushat të cilat tashmë kanë hyrë në fazë të re të zhvillimeve”, tha ai.

Kongresistët amerikanë përmes një rezolute të propozuar kanë kërkuar drejtësi për të mbijetuarit e dhunës seksuale gjatë luftës së fundit në Kosovë.

Në tesktin e kësaj propozim-rezolute përshkruhet rasti i dhunimit ndaj ish-deputetes së Kosovës, Vasfije Krasniqi-Goodman, e cila është edhe shtetase amerikane, për të cilën krahas të tjerëve kërkohet drejtësi.

Në këtë propozim-rezolutë i bëhet thirrje Qeverisë së Serbisë të sjellë para drejtësisë individët që janë përgjegjës për krimet seksuale të luftës, përfshirë edhe rastin e 14 prillit 1999 të Vasfije Krasniqit.

Ndërkaq, kongresistët i bëjnë thirrje qeverisë së SHBA-së që të ngrisë rastin e Vasfije Krasniqi Goodman në angazhimet e ardhshme bilaterale me Qeverinë e Serbisë, veçanërisht në aspektin e llogaridhënies për krimet e luftës të kryera kundër grave dhe të rinjve.

Për këtë rezolutë të propozuar ka shkruar presidentja Vjosa Osmani, e cila tha se pret që ajo të miratohet.

“Falënderoj ligjvënësit amerikanë që kërkuan drejtësi për të mbijetuarit e dhunës seksuale gjatë luftës gjenocidale të Serbisë kundër popullit të Kosovës. Zërat e të mbijetuarve tanë – si ai i Vasfijes dhe i Shyhretes – thyen heshtjen dhe u dhanë forcë mijëra të tjerëve. Për të gjithë ata, drejtësia nuk është një zgjedhje – ajo është një e drejtë e mohuar prej kohësh. Derisa i afrohemi 14 Prillit – Ditës Kombëtare të Kosovës për të Mbijetuarit e Dhunës Seksuale gjatë Luftës – kjo njohje është një hap i fuqishëm përpara. Pres me padurim miratimin e kësaj rezolute”, tha ajo.

Teksti i plotë i rezolutës:

Duke bërë thirrje për t’i dhënë fund mosndëshkimit të krimeve të pandëshkuara të luftës seksuale serbe gjatë luftës së vitit 1999 në Kosovë në rastin e shtetases së Shteteve të Bashkuara dhe të mbijetuarës së krimeve seksuale të luftës Vasfije Krasniqi Goodman dhe të mbijetuarve të tjerë të dhunës seksuale dhe me bazë gjinore.

Derisa Vasfije Krasniqi ishte 16 vjeçare gjatë luftës së vitit 1999 në Kosovë dhe jetonte në Stanofc të Poshtëm, Kosovë, atëherë nën kontrollin e Republikës së Serbisë, e cila ishte pjesë e Republikës Federale të Jugosllavisë dhe e udhëhequr nga presidenti Slobodan Millosheviq;

Derisa, më 14 prill 1999, një polic serb hyri në shtëpinë e familjes së znj. Krasniqi në Stanofc të Poshtëm, Kosovë, duke kërkuar të gjithë banorët meshkuj dhe e urdhëroi znj. Krasniqi të shkonte në stacionin policor për të dhënë deklaratë për babanë dhe vëllezërit e saj, të cilët nuk ishin të pranishëm;

Derisa oficeri i policisë serbe kërcënoi se do të qëllonte të gjithë të pranishmit, duke përfshirë edhe znj. Krasniqi dhe nënën e saj, para se ta largonte me forcë znj. Krasniqin nga shtëpia dhe ta çonte në një fshat serb aty pranë;

Derisa oficeri i policisë serbe e detyroi znj. Krasniqi në një shtëpi të zbrazët jashtë rrugës kryesore dhe e hodhi në pirgje misri të tharë para se ta çonte në veturën e tij, ku ai filloi ta përdhunonte, pavarësisht se ajo bërtiste që të ndalonte;

Derisa znj. Krasniqi u mbajt nën kërcënimin e armëve dhe u përdhunua vazhdimisht para se të humbiste vetëdijen;

Derisa, kur znj. Krasniqi i erdhi vetëdija, ajo iu lut policit serb që ta vriste, dhe polici serb iu përgjigj duke thënë: “Jo, nuk do ta bëj sepse do të vuash më shumë në këtë mënyrë”, dhe e kërcënoi se do ta çonte në një zonë plot me forca serbe ku do ta përdhunonin më shumë njerëz;

Derisa oficeri i policisë serbe më vonë hyri në një dyqan në të njëjtin fshat, nga ku doli një serb i moshuar, i gjymtuar dhe e detyroi znj. Krasniqi të dilte nga makina dhe e çoi në një shtëpi të papërfunduar ku e përdhunoi;

Derisa, disa orë më vonë, znj. Krasniqi u kthye në fshatin e saj ku e lanë jashtë në rrugë dhe i thanë të mos i tregonte askujt për atë që kishte ndodhur;

Derisa znj. Krasniqi nuk donte të shkonte në shtëpi për t’i shpjeguar askujt se çfarë i kishte ndodhur, por përkundrazi ecte nëpër varrezat e fshatit dhe shpresonte se jeta e saj do të merrte fund aty-këtu;

Derisa, pas mbërritjes në shtëpinë e xhaxhait të saj disa orë pas sulmit, zonja Krasniqi nuk kishte nevojë të thoshte asnjë fjalë, pasi të gjithë e dinin se çfarë kishte ndodhur, duke parë gërvishtjet, mavijosjet, prerjet dhe rrobat e grisura të saj;

Derisa znj. Krasniqi e raportoi rastin e saj në Ushtrinë Çlirimtare të Kosovës (UÇK) një ditë pasi ishte dhunuar më 15 prill 1999;

Derisa, në mars të vitit 1999, me mbështetjen e Shteteve të Bashkuara, NATO filloi një fushatë ajrore 78-ditore kundër forcave serbe në Kosovë pasi përpjekjet për të negociuar përfundimin e luftës së Kosovës dështuan, duke çuar në marrëveshjen e Serbisë për të ndërprerë të gjithë aktivitetin ushtarak në Kosovë dhe për të lehtësuar tërheqjen e forcave serbe nga Kosova dhe vendosjen e një Force Kosovare të udhëhequr nga NATO (FORK);

Derisa Këshilli i Sigurimit i Kombeve të Bashkuara më pas miratoi Rezolutën 1244 më 10 qershor 1999, e cila themeloi Misionin e Administratës së Përkohshme të Kombeve të Bashkuara në Kosovë (UNMIK) si një qeveri të përkohshme derisa institucionet e Kosovës të kishin zhvilluar dhe demonstruar kapacitetin për të vetëqeverisur, i cili përfshinte kompetenca të ndryshme, si autoriteti për të administruar drejtësinë e kryera në krime të rënda të luftës dhe kryerjen e krimeve të rënda në Kosovë dhe

Derisa znj. Krasniqi e raportoi rastin e saj në UNMIK më 10 shtator 1999, pa asnjë rezultat, si dhe në KFOR-in francez më 21 prill 2004, por mosveprimi i të dy këtyre organeve shkaktoi vështirësi dhe vonesa shtesë në rastin e saj;

Derisa Kosova shpalli pavarësinë më 17 shkurt 2008 dhe që atëherë ka marrë njohjen e mbi 100 shteteve, duke përfshirë Shtetet e Bashkuara dhe 23 nga 28 shtetet anëtare të Bashkimit Evropian, megjithëse Serbia ende e refuzon një pretendim të tillë;

Derisa Misioni i Bashkimit Europian për Sundimin e Ligjit në Kosovë (EULEX) u lançua në vitin 2008 si një mision civil për të mbështetur institucionet e sundimit të ligjit, llogaridhënien dhe pajtueshmërinë me standardet ndërkombëtare të të drejtave të njeriut në Kosovë në kuadër të Rezolutës 1244 të Këshillit të Sigurimit të Kombeve të Bashkuara, si dhe për të mbështetur Dhomat e Specializuara dhe Zyrën e Specializuar të Prokurorit në përputhje me legjislacionin përkatës të Kosovës;

Derisa znj. Krasniqi u shpërngul në Shtetet e Bashkuara në vitin 2001, u natyralizua si shtetase në vitin 2006 dhe tani jeton në Roëlett të Teksasit, me bashkëshortin dhe dy fëmijët e saj, secili prej të cilëve janë gjithashtu shtetas të Shteteve të Bashkuara, dhe ka marrë edhe mbiemrin Goodman;

Derisa znj. Krasniqi Goodman raportoi rastin e saj tek autoritetet e EULEX-it dhe dha pesë intervista nga gushti 2010 deri në korrik 2012, dhe dëshmitarët dhanë disa dëshmi nga shkurti 2011 deri në gusht 2012;

Derisa, më 12 nëntor 2012, Prokuroria Speciale e Republikës së Kosovës (PSRK) ka ngritur aktakuzën PPS nr. 89/2012 kundër autorëve Jovica Dejanoviq (DOB 09/11/1954), oficerit të policisë serbe, dhe Djordje Bojkovic (DOB 13.11.1940), serb i moshuar dhe i gjymtuar, me Gjykatën e atëhershme të Qarkut të Mitrovicës, e cila u ndryshua më 30 nëntor 2012;

Derisa shqyrtimi kryesor është mbajtur nga 4 deri më 15 prill 2013 dhe më 17 prill 2013, Gjykata Themelore e Mitrovicës ka shpallur aktgjykimin se të dy autorët janë liruar nga akuza për krime lufte kundër popullatës civile (përdhunim), e dënueshme sipas neneve 22 dhe 142 të KP të RSFJ-së;

Derisa, më 31 tetor 2013, prokurorët e PSRK-së kanë paraqitur ankesë të përbashkët me të cilën propozohet që aktgjykimi i gjykatës së shkallës së parë të ndryshohet dhe Jovica Dejanoviq dhe Gjorgje Bojkoviq të dënohen për veprën penale të krimit të luftës kundër popullatës civile, ose në alternativë t’i kthehet lënda gjykatës së shkallës së parë;

Derisa Prokurori Publik i Apelit e shtyu Gjykatën e Apelit që të pranojë ankesën e prokurorëve specialë, dhe Gjykata e Apelit mori aktgjykimin e saj më 27 maj 2014 dhe i shpalli fajtorë Jovica Dejanoviqin dhe Djordje Bojkoviqin dhe i dënoi ata për krimin e luftës kundër civilëve sipas nenit 14 të KPFJ-së (KKPFJ). ata përkatësisht me 12 vjet dhe 10 vjet burgim;

Derisa, në korrik 2014, Jovica Dejanoviç dhe Djordje Bojkovic parashtruan ankesat e tyre kundër aktgjykimit të Gjykatës së Apelit PaKr 503/13 të datës 27 maj 2014, dhe Gjykata Supreme e Kosovës mori aktvendim për lirimin e menjëhershëm të Jovica Dejanoviq dhe Djordovic;

Derisa Jovica Dejanoviq dhe Djordje Bojkovic u liruan, dhe askush nuk është mbajtur përgjegjës për krimet seksuale të luftës të kryera kundër Vasfije Krasniqi Goodman;

Duke pasur parasysh se të gjithë mekanizmat e mëparshëm për ndjekjen e përgjegjësisë për krimet e luftës në Kosovë kanë dështuar në sjelljen e autorëve të dhunës seksuale para drejtësisë, duke përfshirë Tribunalin Penal Ndërkombëtar për ish-Jugosllavinë, UNMIK-un, EULEX-in dhe sistemin gjyqësor të Kosovës;

Derisa Qendra për Kontrollin dhe Parandalimin e Sëmundjeve (CDC) raporton se rreth 20,000 individë ishin viktima të dhunës seksuale të lidhur me konfliktin gjatë luftës së Kosovës, dhe Human Rights Ëatch raporton se përdhunimi është përdorur si armë lufte dhe instrument i spastrimit etnik nga forcat serbe gjatë luftës së Kosovës;

Derisa 20 vjet më vonë dhe pas përdhunimit të përafërsisht 20,000 individëve, vetëm një autor është sjellë para drejtësisë, Zoran Vukotiç, nga Gjykata Themelore e Prishtinës më 5 korrik 2021;

Derisa Rezoluta 1820 e Këshillit të Sigurimit të Kombeve të Bashkuara u miratua unanimisht më 19 qershor 2008, duke dënuar përdorimin e dhunës seksuale si mjet lufte dhe deklaroi se “përdhunimi dhe forma të tjera të dhunës seksuale mund të përbëjnë krime lufte, krime kundër njerëzimit ose një akt konstituiv në lidhje me gjenocidin”;

Derisa Rezoluta 2467 e Këshillit të Sigurimit të Kombeve të Bashkuara u miratua më 23 prill 2019, “duke rikujtuar përgjegjësitë e shteteve për t’i dhënë fund pandëshkueshmërisë dhe për të ndjekur penalisht ata që janë përgjegjës për krimet e gjenocidit, krimet kundër njerëzimit dhe krimet e luftës, të kryera kundër civilëve”;

Derisa Vasfije Krasniqi Goodman dëshmoi para Komisionit për Punë të Jashtme të Dhomës së Përfaqësuesve më 30 prill 2019, në një seancë dëgjimore të titulluar “Viktimat e Luftës së Kosovës: Kërkimi për Drejtësi”, duke dëshmuar për drejtësi në emër të rastit të saj dhe 20,000 individëve të dhunuar gjatë luftës në Kosovë;

Derisa Republika e Kosovës shënoi për herë të parë më 14 prill 2023, Ditën e të mbijetuarve të dhunës seksuale gjatë luftës në Kosovë që përkon me datën kur Vasfije Krasniqi Goodman u rrëmbye nga policia serbe dhe më pas u sulmua seksualisht; dhe

Derisa Shtetet e Bashkuara pranojnë se parandalimi dhe reagimi ndaj dhunës me bazë gjinore në mbarë botën nuk është vetëm një çështje e të drejtave të njeriut, drejtësisë, barazisë dhe barazisë, por është gjithashtu një imperativ moral dhe interesi kombëtar strategjik i Shteteve të Bashkuara dhe partnerëve të saj globalë: Tani, pra, bëhet ajo:

E vendosur nga Dhoma e Përfaqësuesve (me pajtimin e Senatit), që Kongresi:

(1) e gjen të dënueshme që asnjë individ nuk është shpallur fajtor për krimet seksuale të luftës kundër znj. Krasniqi Goodman;

(2) dënon fuqishëm përdorimin e përdhunimit dhe formave të tjera të dhunës seksuale dhe të dhunës me bazë gjinore si armë lufte;

(3) nënvizon rëndësinë e hetimeve transparente, të përgjegjshme dhe të pavarura për krimet e luftës dhe mizoritë me bazë gjinore;

(4) lavdëron Qeverinë e Republikës së Kosovës për marrjen e një qasjeje të prekshme dhe multisektoriale për adresimin e dhunës seksuale gjatë luftës në vend;

(5) i bën thirrje Qeverisë së Republikës së Kosovës që të mbajë zotimet e shprehura dhe të pranuara në “Protokollin për Trajtimin e Rasteve të Dhunës Seksuale në Kosovë”, dhe t’i japë përparësi dhe përshpejtojë rastet e përdhunimeve dhe sulmeve seksuale nga Lufta e Kosovës e vitit 1999;

(6) i bën thirrje Qeverisë së Republikës së Serbisë që—

(A) të sjellë para drejtësisë individët që janë përgjegjës për krimet seksuale të luftës më 14 prill 1999, të shtetases së Shteteve të Bashkuara Vasfije Krasniqi Goodman në Kosovë, në përputhje me Rezolutat 1820 dhe 2467 të Këshillit të Sigurimit të Kombeve të Bashkuara;

(B) të ndalojë mbrojtjen dhe glorifikimin e çdo individi që ka qenë i përfshirë në krimet e luftës gjatë konfliktit të Kosovës dhe ta bëjë prioritet hetimin dhe ndjekjen penale të çdo individi të tillë;

(C) të zbatojë ligjet për të siguruar që autorët e njohur të dhunës me bazë gjinore të mbahen përgjegjës dhe të sillen para drejtësisë; dhe

(D) t’i jepet përparësi krijimit dhe mbështetjes së mekanizmave të duhur të gjurmimit dhe hetimit për të ekstraduar në Kosovë autorë të njohur dhe autorë të dënuar të dhunës me bazë gjinore gjatë luftës së Kosovës në vitin 1999, për t’u sjellë para drejtësisë sipas të gjitha konventave; dhe

(7) i bën thirrje qeverisë së Shteteve të Bashkuara që—

(A) të mbështesë dhe forcojë angazhimet e saj për të kundërshtuar dhe parandaluar praktikën e dhunës me bazë gjinore;

(B) ngritja e rastit të Vasfije Krasniqi Goodman në angazhimet e ardhshme bilaterale me Qeverinë e Serbisë, veçanërisht në aspektin e llogaridhënies për krimet e luftës të kryera kundër grave dhe të rinjve;

(C) identifikojnë faktorët specifikë që rrisin rreziqet e dhunës me bazë gjinore dhe minojnë qasjen në shërbime dhe siguri;

(D) monitorojë përpjekjet e Qeverisë së Serbisë dhe ministrive dhe zyrave të saj përkatëse për të hetuar dhe ndjekur penalisht rastet e dhunës seksuale gjatë luftës së Kosovës; dhe

(E) të ndajë fonde të mjaftueshme për të zbatuar një sërë projektesh arsimore, kërkimore dhe avokuese në Kosovë, duke përfshirë trajnimin e gjyqësorit dhe të zbatimit të ligjit, si dhe financimin për një qendër rehabilitimi që fokusohet në rehabilitimin fizik dhe psikologjik nga traumat e luftës dhe dhuna seksuale dhe në familje, si dhe aftësimin profesional dhe mundësitë për integrimin e punës.

Kryetari i Aleancës për Ardhmërinë e Kosovës, Ramush Haradinaj, ka nderuar Brigadën 133 “Adrian Krasniqi” dhe kujtimin e dëshmorit Ekrem Dili, në përvjetorin e rënies së tij.

Haradinaj theksoi se Brigada 133 ishte një shtyllë e fortë e luftës për liri, duke nderuar emrin e heroit Adrian Krasniqi dhe të gjithë Ushtrinë Çlirimtare të Kosovës.

Po ashtu, ai përkujtoi masakrën e Lubishdës në prillin e vitit 1999, ku mbi 40 shqiptarë u ekzekutuan mizorisht nga forcat serbe.

“Sakrifica e të rënëve na motivon të punojmë për një Kosovë të fortë dhe të mirëqenë,” tha Haradinaj. Lavdi e përjetshme atyre që dhanë jetën për lirinë!

Edhe tre ditë kanë mbetur nga dita kur pritet të mbahet seanca konstituive e Kuvendit, me 15 prill.

Kryetari i Lëvizjes Vetëvendosje Albin Kurti, njëherësh kryeministër në detyrë, disa ditë më parë i ka dërguar një letër për takim për konsultime paraprake për formimin e Qeverisë kryetarit të Lidhjes Demokratike të Kosovës, Lumir Abdixhiku.

Kryetari i LDK-së i tha jo kategorikisht një takimi të tillë. Por nëse një ftesë e tillë i dërgohet edhe Partisë Demokratike të Kosovës (PDK-së), si duhet të veprojnë tutje?

Në lidhje me këtë çështje ka folur zyrtari i lartë i PDK-së njëherësh ish-deputeti i këtij subjekti politik, Xhavit Haliti.Haliti tha se është vështirë të dilet në një përfundim se si duhet vepruar por thekson se paraprakisht duhet të analizohen interesat e Kosovës e pastaj ato të PDK-së.

Çështje të tjera sipas Halitit janë edhe zotimi i PDK-së se ‘nuk bëjnë marrëveshje me asnjë parti pa e pas të garantuar postin e Kryeministrit’ dhe programi zbatues në një marrëveshje eventuale që mund të bëhet.

“Është e vështirë me u deklaru dhe me ia qëllua se çfarë duhet bërë, të mbajë qëndrimin e deklaruar gjatë fushatës apo ta ulë pjacen. Paraprakisht duhet analizuar interesat e Kosovës e pastaj ato të PDK-së. Por është një situatë me shumë të panjohura, publikisht kemi qëndrimin e PDK-së, por s’kemi asnjë deklarim të Kurtit, i cili pas përfundimit të zgjedhjeve na quajti “Hajvanë” (kafshë), deklaratë e cila iritoj gjithë opoziten”, ka deklaruar ai.

“Çështja e dytë është zotimi i PDK, se PDK, nuk bënë marrëveshje me asnjë parti pa e pas të garantuar postin e Kryeministrit’ çështja e tretë është se në një marrëveshtje eventuale a do të miratohet program zbatues i obligueshëm për të dyja palët, siç janë lufta kundër krimit të organizuar e kundër korrupsionit, zbatimi i marrëveshjev me BE-në lidhur me dialogun, politika e jashtme, politika e brendshme, politikat fiskale , zhvillimi ekonomik, arsimi, shëndetësia, sigurimet shëndetësore, energjitika, liberalizimi i investimeve, paga minimale etj. Apo do bisedohet vetëm për ndarjet e ministrive” deklaroi Haliti për Blic.

Por sipas Halitit, kryetari i VV-së Albin Kurti, më së paku është i interesuar për një koalicion me PDK-në.

Ai thotë se interesi prioritar i tij është LDK, dhe pastaj NISMA.

“Mendoj që Albini më së pakti është i interesuar të bëj koalicion me PDK-në. Interesi prioritar i tij është LDK, dhe pastaj NISMA. Prandaj po hesht, sepse në pyetje është edhe zgjedhja e Presidentit dhe pa marrëveshje me njërën nga partitë e mëdha vendi mund të shkoj në zgjedhje, nëse jo gjatë proçesit të formimit të qeverisë atëherë momenti kur zgjedhet Presidenti, mund të jetë kritik, nëse partitë e mëdha opozitare sdo marrin pjesë në seancen kur bëhet votimi”, thotë Haliti.

Qeveria në detyrë e Kosovës dhe Qeveria e Maqedonisë së Veriut kanë përuruar të shtunën pikëkalimin e përbashkët kufitar të njohur si “One Stop Shop”, në pikën e Bllacës, që lidh Maqedoninë e Veriut me Kosovën, raporton EO.

Ministri i Punëve të Brendshme të Republikës së Maqedonisë së Veriut, Pançe Toshkovski, tha se qëllimi i këtij bashkëpunimi është i qartë: kalim më i lehtë, më i sigurt dhe më i shpejtë i kufijve për udhëtarët.

“Për më pak se një vit në ndërtimin e infrastrukturës së re individuale – fizike, tani kemi një sistem funksional i cili mundëson vetëm një ndalesë dhe kontroll të dokumenteve të udhëtimit. Qëllimi është i qartë: kalim më i lehtë, më i sigurt dhe më i shpejtë i kufijve për udhëtarët. Kjo do të thotë një kontroll në vend të dy kontrolleve, pritje më të shkurtra, një përvojë më të mirë dhe, nga ana tjetër, efikasitet më të lartë, koordinim më të mirë dhe luftë më të fortë kundër aktiviteteve të paligjshme,” tha Toshkovski.

Ministri i Punëve të Brendshme të Republikës së Kosovës, Xhelal Sveçla, tha se kjo është një pasqyrim i aspiratave të përbashkëta për kufij të hapur, por të sigurt.

“Takimi ynë i përbashkët këtu shënon një hap të rëndësishëm mes Kosovës dhe Maqedonisë së Veriut, me një rezultat konkret që kontribuon në lehtësimin e qarkullimit kufitar dhe ndërveprimit të qytetarëve të dy vendeve tona. Sot po kurorëzojmë një marrëveshje të suksesshme mes ministrive të Brendshme të qeverive tona, e cila mundëson kalimin kufitar me një ndalesë dhe një kontroll. Ky është pa dyshim një pasqyrim i aspiratave tona të përbashkëta për kufij të hapur, por të sigurt,” tha Sveçla.

Kongresistët amerikanë përmes një rezolute të propozuar kanë kërkuar drejtësi për të mbijetuarit e dhunës seksuale gjatë luftës së fundit në Kosovë.

Për këtë rezolutë të propozuar ka shkruar presidentja Vjosa Osmani, e cila tha se pret që ajo të miratohet.

Kongresistët amerikanë përmes një rezolute të propozuar kanë kërkuar drejtësi për të mbijetuarit e dhunës seksuale gjatë luftës së fundit në Kosovë.

Presidentja Vjosa Osmani tha se e pret “me padurim” miratimin e kësaj rezolute, ndërsa ka falënderuar kongresistët amerikanë.

“Falënderoj ligjvënësit amerikanë që kërkuan drejtësi për të mbijetuarit e dhunës seksuale gjatë luftës gjenocidale të Serbisë kundër popullit të Kosovës. Zërat e të mbijetuarve tanë – si ai i Vasfijes dhe i Shyhretes – thyen heshtjen dhe u dhanë forcë mijëra të tjerëve. Për të gjithë ata, drejtësia nuk është një zgjedhje – ajo është një e drejtë e mohuar prej kohësh. Derisa i afrohemi 14 Prillit – Ditës Kombëtare të Kosovës për të Mbijetuarit e Dhunës Seksuale gjatë Luftës – kjo njohje është një hap i fuqishëm përpara. Pres me padurim miratimin e kësaj rezolute”, tha ajo në një postim në X.

Avokati Ardian Bajraktari ka reaguar ndaj vendimit të ZRrE-së për shtrenjtimin e energjisë elektrike, duke theksuar pasojat serioze që po shkakton te bizneset. Ai ka bërë publike një rast konkret, atë të kompanisë Mineral L.L.C, e cila për vitin 2024 do të paguajë rreth 34,574.04 euro më shumë për energji, për shkak të një rritjeje prej 16% në çdo muaj.

Sipas avokatit, kjo shumë shtesë e rëndon ndjeshëm kompaninë, duke e detyruar të rishikojë intensitetin e punës dhe të marrë masa si reduktimi i stafit. “Këto janë dëme të mëdha dhe të pariparueshme”, tha Bajraktari, i cili është autorizuar nga kompania për të ndjekur rastin ndaj ZRrE-së.