Author: ATVLive

Eksperti amerikan për Ballkanin Perëndimor, Edward Joseph, e ka komentuar seancën e Këshillit të Sigurimit të OKB-së, në të cilën u ballafaquan Albin Kurti, kryeministër i Kosovës dhe Aleksandar Vuçiq, president i Serbisë.

Në llogarinw e tij në X, Joseph thekson se kjo seancë duhet të jetë një pikë kthese në politikën e Kosovës.

“Kjo seancë e KS të OKB-së duhet të shënojë një pikë kthese në politikën e Prishtinës”.

“Albin Kurti dhe bashkëpunëtorët e tij të ngushtë partiakë duhet të kuptojnë dëmin e vetëshkaktuar ndaj interesave kombëtare të Kosovës nga populizmi i pandërprerë. Tani është koha për të ndryshuar kursin”, ka shkuar Joseph.

Shkrimi i plotë:

Në vend të presionit ndërkombëtar të fokusuar drejtpërsëdrejti në Beograd – falë votave masive të shumicës së Parlamentit Evropian për zgjedhjet serbe të supozuara të mbushura me mashtrime – Kurti po zvarritet në Këshillin e Sigurimit të OKB-së për një tjetër tejkalim të pakoordinuar (në Euro/Dinar.)

Pra, në vend që t’u shpjegojë qytetarëve serbë pse vendi i tyre kërcënohet me ndërprerje të fondeve të BE-së për shkeljet zgjedhore, Vuçiq mund të luajë mbrojtësin e madh të serbëve të Kosovës. Rusia dhe Kina – të cilat secila e izolojnë Kosovën në mënyrë aktive – do të ndihmojnë cirkun e sontëm krejtësisht të panevojshëm të KS të OKB-së.

Kjo seancë e KS të OKB-së duhet të shënojë një pikë kthese në politikën e Prishtinës. Albin Kurti dhe bashkëpunëtorët e tij të ngushtë partiakë duhet të kuptojnë dëmin e vetëshkaktuar ndaj interesave kombëtare të Kosovës nga populizmi i pandërprerë. Tani është koha për të ndryshuar rrjedhën.

Së pari, për euro/dinarin, Kurti duhet të prodhojë një plan, jo një ndalim. Kjo është një çështje komplekse, që përfshin taksimin e dyfishtë dhe tema të tjera. Por një element është i thjeshtë: serbët e Kosovës që varen nga transferimet nuk duhet të dëmtohen.

Së dyti, mënyra e vetme për t’u rikuperuar nga një autogol është të shënosh një në rrjetën tjetër. Kurti mund të ekspozojë sharjen e Vuçiqit me një kontakt të ri, të udhëhequr nga Prishtina me serbët e Kosovës. Ulni presionet e sigurisë. Zbatohet vendimi i Deçanit. Punoni seriozisht me Ambasadën Amerikane për zbatimin e marrëveshjes së Ohrit.

Shkurtimisht, tregojini të gjithëve ndryshimin midis mënyrës se si një demokraci i trajton qytetarët e saj pakicë – dhe një autokracie të dëshpëruar për t’u kapur pas pushtetit. Godite topin përpara, Albin, jo prapa.

Gazetari serb Bratislav Kërstiq për çështjen e dinarit ka lënë fajtor Listën Serbe për këtë situatë dhe për takimin i cili u mbajt dje.

Tutje Kërstiq është shprehur se Serbia është në depresion dhe ai është bërë viktimë e politikës së Beogradit.

“Si pasoj e anulimit të dinarit unë në atë drejtim fajtor shoh Listën Serbe.

E kam mendur që anulimi i dinarit vjen si pasoj easociacionit dhe Serbët janë tepër të shqetësuar për këtë situatë dhe ata janë më doket në një depresion kolektive kur ministrat e vendit jane duke shkuar të vendosin flamujt e Kosovës për të hequr atë të Serbëve”, ka thënë ai.

Deputeti i Lëvizjes Vetëvendosje, Adnan Rrustemi, thotë për Ekonomia Online se Banka Qendrore e Kosovës është duke e zbatuar Kushtetutën për sa i përket Rregullore së re mbi dinarin serb.

E sa i përket kundërshtive të faktorit ndërkombëtar, Rrustemi e ndërlidh edhe me tabletat serbe, me ç’rast thotë se tashmë shumica e qytetarëve serb i kanë konvertuar ato.

Qarkullimin e dinarit deri tani, Rrustemi e konsideron se ka qenë veprim ilegal.

“Kushtetuta e Republikës së Kosovës në nenin 11 e përcakton që në territorin e Kosovës mund të përdoret dhe duhet të përdoret vetëm një valutë zyrtare. BQK po përmbush dhe po zbaton këto dispozita, në anën tjetër ky vendim është një interes të sundimit të ligjit të gjithë qytetarëve pa dallim, kuptohet nëse eventualisht ka nevojë për informim me të gjatë dhe sqarime shtesë për ndonjë kategori të caktuar duhet ta bëjmë me profesionalizëm e përgjithësi dhe për një gjë jam i bindur që në fund të fundit pavarësisht le të themi dallimeve që mund të ekzistojnë për kohën e zbatimit të këtij vendimi, nuk ka alternativ zbatimi i BQK dhe vendimi për përdorimin vetëm të euros si valutë zyrtare në Kosovë”, thotë Rrustemi, duke ndërlidh këtë rregullore me vendimin e Qeverisë për t’i mos lejuar qarkullimin e targave ilegale në Kosovë.

Ai thotë se përdorimi i deritashëm i dinarit ka qenë veprim ilegal.

“… edhe vendimi për targat e makinave kishin ngjallur debate e kishte kërkesa të tilla për të shtyrë zbatimin por që në fund të fundit erdhëm në pikën kur të gjitha makinat sidomos të komunitetit serb në veri të Kosovës i konvertuan tabelat në RKS pa asnjë vështirësi, pa asnjë problem. Mandej me lehtësi të ofruara nga shteti dhe sot nuk i kemi asnjë telashe në qarkullimin e tyre, domethënë nuk kemi pse të ngjallemi dilema për diçka që nuk ka alternativ tjetër. Përdorimi i euros është bërë veprim kushtetues dhe ligjor dhe përdorimi i deritashëm i dinarit ka qenë veprim ilegal”, u shpreh Rrustemi për EO.

Qytetarët janë shprehur të frustruar me moskalimin e Rezolutës për anulimin e vendimit për shtrenjtimin e energjisë elektrike. Disa të intervistuar nga Ekonomia Online, kanë deklaruar se shtrenjtimi i energjisë nuk është dashur të ndodhë asnjëherë.

Ata thanë se çmimet e rrymës aktualisht janë të papërballueshme, teksa kërkojnë veprime nga Qeveria.

Agim Berisha thotë se çështja e rrymës do duhej diskutuar dhe votuar në kuvend, teksa e quan këtë Qeveri si diktaturë. Thotë se ata që e “kanë votuar le t’i vuajnë pasojat”.

“Faturat e rrymës në radhë të parë nuk ish dashur me u ngrit fare rryma, sepse nuk janë ngritur as një pension, pagë apo edhe ndihma sociale… kjo është tmerr. Nuk është dashtë të ngritët rryma fare, se në kuvend ish dashtë të votohet gjithsesi, i dinë hallet, është dashur mirëpo kjo në mënyrë është një lloj diktature që nuk i pyet qytetarët, megjithatë mirë ua bën sepse i ka marrë mbi 50 për qind, ata që e kanë votuar le ta vuajnë sot”, thotë ai.

Të njëjtin mendim ka edhe Osman Gashi i cili thotë se faturat e rrymës më të larta nga rajoni janë në Kosovë dhe se gjendje e rëndë mbetet për pensionistët.

“Qeveria kish mujt me bë diçka dallime në faturat e rrymës, sepse më së larti është në Kosovë, nuk po dihet një herë, por që tri herë po ngritët rryma, shumë e lartë është sepse populli me të vërtetë janë në skamje dikush është më i fortë dikush më i dobët , sidomos për pensionistët është e tepërt, veç ndoshta bëhet diçka, patjetër që është dashtë me u ndërmarr diçka në kuvend se kështu është shumë e lartë fatura e rrymës”, u shpreh ai.

Mendim ndryshe mban qytetari Zymer maxharra, i cili tha se rryma ka qenë problem gjithmonë , duke thënë se nga kuvendi janë miratuar benefite nga viti i kaluar.

“Rryma ka qenë problem gjithmonë, edhe para lufte kur Serbia na ka ngarkuar me refugjatë dhe e kemi përballuar, por edhe tash unë deri në vitin 2017 kur e diktuam që ishin duke ua paguar edhe veriorëve verës ka ardhur 257 -260 tash rryma zakonisht më vjen 25- 30, 28 -30, nuk luan as dimër as verë, sepse tash kemi ngrohëset qendrore dhe jemi stabil, disa njerëz po mundohen edhe oborrin me nxeh me rrymë mandej është një shqetësim më tepër sa më fol se sa me qëllua”.

“Është zyra e rregullatorit, ata i rregullojnë këto gjëra, kuvendi duhet me miratu ose mos me miratu, këta edhe e kanë beneficue vitin e kaluar, disave ju kanë dhënë edhe më tepër, unë nuk mundem me hy tek çështjet e profesionalistëve, ata e dinë, rryma është në nivel të Ballkanit perëndimor, nuk e kemi aspak më shtrenjtë se që e ka Maqedonia ose Mali i Zi apo Serbia”.

Policia e Kosovës ka njoftuar për një rast të therjes me thikë.

Në raportin 24-orësh thuhet se një i mitur në Lipjan, pas një mosmarrëveshje ka therur me thikë dy viktima kosovarë poashtu të mitur.

Viktimat dhe i dyshuari janë dërguar në QKUK për tretman mjekësor.

“Rr. Avdi Kelmendi, Lipjan 08.02.2024, NN. Është arrestuar i dyshuari mashkull kosovar-i mitur, pasi që i njëjti pas një mosmarrëveshje ka sulmuar me një armë te ftohtë (thikë) dy viktimat meshkuj kosovarë të mitur. Viktimat dhe i dyshuari janë dërguar në QKUK, Prishtinë për tretman mjekësor, ndërsa i dyshuari pas trajtimit mjekësor me vendim të prokurorit pas intervistimit është dërguar në mbajtje”, njofton policia.

Presidenti Volodymyr Zelensky tha se ka emëruar Oleksandr Syrskiy në postin e komandantit të përgjithshëm të Ushtrisë së Ukrainës. Këtë njoftim Zelensky e bëri disa minuta pasi njoftoi se ishte koha për një “udhëheqje të ripërtërirë” të Forcave të Armatosura të shtetit.

Zelensky u takua me ish-komandantin e përgjithshëm, gjeneralin Valeriy Zaluzhniy, më herët gjatë 8 shkurtit dhe tha se i ka kërkuar që të qëndrojë “në ekipin e tij”, edhe pse nuk specifikoi se në çfarë kapaciteti.

Për javë të tëra ka pasur spekulime se Zelensky po e shqyrtonte mundësinë e largimit të Zaluzniyit, për shkak të dallimeve që kishin në strategji në kohën kur Ukraina po vazhdon luftën kundër forcave pushtuese ruse.

Tensionet mes presidentit Zelensky dhe gjeneralit Zalunzhniy u vunë re në nëntorin e vitit të kaluar, pasi gjenerali kishte publikuar një ediorial në The Economist, ku deklaroi se lufta kishte hyrë në një ngërç dhe se vetëm përparimi teknologjik do t’i mundësonte Ukrainës që të përmbushë qëllimin e saj për të çliruar territoret e pushtuara.

Pas publikimit të editorialit, Zyra e Zelenskyt menjëherë kishte hedhur poshtë vlerësimet e gjeneralit lidhur me situatën në fushëbetejë.

Ndërrimi i udhëheqësit të ushtrisë ukrainase u bë teksa pushtimi i paprovokuar rus i Ukrainës është afër dyvjetorit të nisjes së tij.

Kancelari gjerman Olaf Scholz ka nisur dje vizitën në Shtetet e Bashkuara, me takime me ligjvënës amerikanë ndërsa sot pasdite pritet të takohet me Presidentin Joe Biden.

Scholz tha se bisedimet me Presidentin Biden do të përqëndrohen tek rrugët e mundshme për forcimin e mbështetjes ndaj Ukrainës, përballë agresionit rus.

Ndër lufta po hyn në vitin e tretë, Ukraina po përballet më mungesë armatimesh në betejen e luftës dhe varet shumë nga aleatët e saj perëndimorë për mbështetjen ushtarake dhe financiare.

Shtetet e Bashkuara kanë qenë deri më sot mbështetësi më i madh i Kievit, por vizita e kancelarit gjerman në Uashington vjen në një kohë që po shtohen shqetësimet për angazhimin amerikan ndaj Ukrainës, ndërsa një paketë financiare e propozuar nga Presidenti Biden që përfshin ndër të tjera ndihmën në Ukrainën, është bllokuar në Kongres, për shkak të mosmarrëveshjeve politike.

Disa politikanë evropianë janë të shqetësuar se kthimi i mundshëm i ish-Presidentit Donald Trump në Shtëpinë e Bardhë mund ta dëmtojë më tej angazhimin amerikan.

“Ajo për të cilën është rënë dakord në Europë dhe në Kongresin e Shteteve të Bashkuara nuk është e mjaftueshme dhe duhet të gjehen rrugë të tjera që të gjithë bashkë të mund të bëjmë më tepër”, tha zoti Scholtz në aeroportin e Berlinit, para se të udhëtonte drejt Uashingtonit.

Javën e kaluar Bashkimi Europian miratoi një paketë ndihme 4-vjeçare prej 54 miliardë dollarësh për Ukrainën.

Zyrtarët gjermanë thonë se deri më tani Berlini ka furnizuar apo është zotuar për një ndihmë prej 28 miliardë eurosh për Ukrainën./VOA