Author: ATVLive

Çmimet e naftës u ulën të hënën për shkak të presionit të fortë të dollarit amerikan, ndërsa investitorët presin publikimin të enjten të indeksit të çmimeve të Shpenzimeve të Konsumit Personal (PCE), matës i preferuar i Fed-it të SHBA-së për luhatjet e çmimeve.

Standardi ndërkombëtar i papërpunuar Brent u tregtua me 80.60 dollarë për fuçi në orën 10:33 të mëngjesit me orën lokale për një rënie prej 0.25% nga çmimi i mbylljes prej 80.80 dollarë për fuçi në seancën e mëparshme tregtare.

Standardi amerikan West Texas Intermediate (WTI) u tregtua me 76.24 dollarë për fuçi në të njëjtën kohë për një humbje prej 0.33% pasi seanca e mëparshme u mbyll me 76.49 dollarë për fuçi.

Rritja e vlerës së dollarit amerikan, i cili po e bën naftën më të shtrenjtë për mbajtësit e valutave të huaja dhe mundësisht duke reduktuar kërkesën, ishte faktori kryesor prapa rënies së tregut në fillim të javës për të dy standardet./AA

Për shkak të mungesës së anëtarit të kolegjit, Vaton Dërguti, ka dështuar të mbahet seanca në Gjykatën e Apelit, në rastin ku ish-ministri i Ministrisë së Bujqësisë, Pylltarisë dhe Zhvillimit Rural (MBPZHR), Nenad Rikalo, sekretari i përgjithshëm i kësaj ministrie, Kapllan Halimi dhe gjashtë zyrtarët tjerë, Shefki Zeqiri, Ekrem Gjoka, Shkelzen Morina, Leon Thaçi, Lindar Krasniqi dhe Albana Zeqiri, po akuzohen për korrupsion.

Për mungesën e gjyktësit Dërguti, kryetarja e kolegjit, gjyktësja Afërdita Bytyqi ka njoftuar se gjyqtari Vaton Dërguti për shkak të angazhimeve familjare nuk është prezent në sallë, andaj si pasojë e mungesës së tij e njëjta konstatoi se nuk ka kushte për mbajtjen e kësaj seance, raporton “Betimi për Drejtësi”.

Ndryshe, me 1 qershor 2023, Gjykata Themelore në Prishtinë kishte bërë shpalljen e aktgjykimit, ku ish-ministri Rikallo ishte dënuar me 3 vjet burgim, Kapllan Halimi me 2 vjet e 6 muaj burgim kurse gjashtë zyrtarët tjerë, Shefki Zeqiri, Ekrem Gjoka, Shkelzen Morina, Leon Thaçi, Lindar Krasniqi dhe Albana Zeqiri, të cilët u liruan nga akuza.

Sipas aktakuzës së përpiluar nga Prokuroria Speciale e Republikës së Kosovës (PSRK) më 26 dhjetor 2019, të pandehurit Nenad Rikalo, Kapllan Halimi, Shefki Zeqiri dhe Ekrem Gjoka, në bashkëveprim, gjatë vitit 2018, me qëllim që t’iu mundësojnë përfitim në mënyrë të kundërligjshëm kompanive si: konzorciumit “Novus” SH.P.K, për fitimin e grantit “Ndërtimi i tregut modern për prodhime bujqësore” në Prishtinë, konzorciumit “Dhemetra” SH.P.K për fitimin e grantit “Ndërtimi i fabrikës për prodhimin e plehut organit” (duke mos qenë fare në listën e projekteve të cilat mbulohen me financim përmes granteve), koncorziumit “DOO Zubin Potok” për fitimin e grantit “Projekti për ndërtimin e investimeve në objektin për magazinimin dhe ruajtjen e frutave”, si dhe konzorciumit NTP “Arena Engineering” në Pejë, për fitimin e grantit “Prodhimi dhe përpunimi i mishit” në Pejë, me qëllim kanë vepruar në kundërshtim me Ligjin 04/L-090 për ndryshimin dhe plotësimin e Ligjit 03/L-098 për Bujqësi dhe Zhvillim Rural neni 5.1, neni 8, neni 13 paragrafi 1.2, neni 4, neni 14.2 Ligji 03/L098 për Bujqësi dhe Zhvillim Rural, neni 8 dhe 9, rregullores ( QRK) nr. 37/2013, neni 7.1, paragrafi 1.1, Udhëzuesi dhe Doracaku për hartimin e konceptit të dokumenteve nga Zyra e Kryeministrit.

Një aksident i rëndë trafiku ka ndodhur para pak minutash në afërsi të Ministrisë së Arsimit në Prishtinë.

Një veturë dyshohet se i ka rënë semaforit dhe i njëjti pastaj ka goditur një qytetarë, i cili ka vdekur.

Ekipet e Forenzikes kanë larguar trupin e pajetë të të aksidentuarit para Ministrisë së Arsimit, Shkencës, Teknologjisë dhe Inovacionit.

Kryeministri i Kosovës, Albin Kurti ka kujtuar në ditëlindjen e tyre Adem Demaçin e Astrit Deharin.

Kurti ka uruar ditëlindjen e të dyve duke thënë se të dy burrat ishin dhe do të jenë personalitete unike dhe shembull për Kosovën si komb.

“Kur u lirua Adem Demaçi nga burgu i tretë më 21 prill 1990, Astrit Dehari ishte foshnje as dymuajshe. Atë kohë Adem Demaçi ishte 54 vjeçar dhe me Astrit Deharin nuk do ta lidhte kurrë asgjë, sikur Astriti të mos bëhej aktivist politik kur të rritej. Por përveç kësaj, Adem Demaçi dhe Astrit Dehari kanë një të përbashkët rastësore, për çfarë dhe po i kujtojmë sot të dy së bashku. Ata e kanë ditëlindjen në të njëjtën datë, më 26 shkurt. Nëse ende do të ishin mes nesh, sot Baca Adem do të bëhej 88 vjeç, kurse Astriti do t’i mbushte 34 vite jetë. Por fati i tyre ishte i atillë që Adem Demaçi i kaloi 28 vite në burg, kurse Astrit Dehari ishte ende vetëm 26 vjeçar kur u mbyt në burg”, shkroi Kurti në Facebook.

“Në të vërtetë, siç i kishte treguar nëna e tij, Nazife Lahu, Adem Demaçi kishte lindur diku në fund të verës së vitit 1935, në gusht ose në shtator, por babai i tij Zeqiri e kishte regjistruar në regjistrat civilë rreth gjashtë muaj më vonë, me datëlindje 26 shkurt 1936. Kur babai i tij Zeqiri vdiq, Ademi ishte vetëm 7 vjeçar dhe nga ajo kohë e fëmijërisë Ademi qëndroi i lidhur me nënën e tij. Por para se ta braktiste edhe ajo kur të largohej nga jeta, nëna Nazife e paralajmëroi të birin Ademin duke e këshilluar që të lidhej me nënën Shqipëri, sepse siç e kujtonte vet Baca Adem: “Nëna më thoshte, unë do të vdes një ditë, andaj duaje nënën Shqipëri se ajo nuk vdes kurrë”.

“Dhe Adem Demaçi e ndoqi këshillën e nënës së tij, duke qëndruar i lidhur pashkëputshëm me nënën Shqipëri edhe gjatë proceseve gjyqësore politike, edhe gjatë 28 viteve të kaluara nëpër burgjet jugosllave, edhe kur e mori Çmimin “Sakharov”, edhe kur e drejtoi Zyrën Politike të Ushtrisë Çlirimtare të Kosovës në Prishtinë, ku pata fatin të punoja bashkë me të. Një disident i pathyeshëm, një adhurues i Hegelit që leximet i shoqëroi me praxis politik, një shkrimtar shumë origjinal dhe një simbol i rezistencës dhe i përpjekjes për liri, Adem Demaçi është një personalitet krejt unik në historinë politike të Kosovës dhe të shqiptarëve”.

“Nën shembullin e Bacit Adem dhe shpesh e përkrahur prej vet tij, që nga viti 2005, Lëvizja VETËVENDOSJE! ishte organizata politike që prodhoi një gjeneratë të re aktivistësh politikë, mes të cilëve ishte edhe Astrit Dehari. Student i shkëlqyer i mjekësisë, aktivist me vetëdije të qartë politike dhe shok shembullor, Astrit Dehari vdiq në rrethana ende të pasqaruara dhe të paadresuara plotësisht nga drejtësia, në një kohë kur regjimi politik që qeveriste me vendin tonë, nuk zgjedhte metodë për ta penguar afrimimin politik të Lëvizjes VETËVENDOSJE! dhe jetësimit të ideve tona politike në Republikën e Kosovës. Astrit Deharin do ta kujtojmë në çdo ditëlindje, për ta mbajtur të gjallë shembullin e jetës së tij prej aktivisti të kulluar politik dhe për ta kujtuar të kaluarën që na ka sjellur deri këtu”.

“Urime ditëlindja e disidentit të pathyeshëm Adem Demaçit dhe e aktivistit shembullor Astrit Deharit!”.

Presidentja e Bankës Evropiane për Rimëkëmbje dhe Zhvillim (BERZH), Odil Reno-Baso, sot në Samitin për Investime në Ballkanin Perëndimor ka folur për shtetet e këtij rajoni.

Presidentja në fjalimin e saj ka thënë se ky samit është një mundësi e mirë për të njohur pikat e forta të shteteve të Ballkanit Perëndimor.

Ajo tha se BERZH është dhe ka qenë partner i përkushtuar i vendeve të Ballkanit Perëndimor.

“BERZH ka qenë dhe do të jetë një partner i fortë për të gjitha vendet e Ballkanit Perëndimor dhe partnerët tanë të BE-së në këtë agjendë reformash”, tha Odil ndër të tjera.

“Vendet e Ballkanit Perëndimor kanë qenë pjesë e historisë së suksesit të BERZH-it pothuajse që nga lindja e Bankës. Ne kemi udhëhequr rrugën për investime në Ballkanin Perëndimor”.

“Dhe ne jemi të vendosur të ndihmojmë në krijimin e klimës dhe kushteve më të mira. Sot është një mundësi tjetër për ne që të njohim pikat e shumta të forta të rajonit”, tha Odil.

“Dhe më pas, së bashku me investitorët, t’i kthejë ato pika të forta në përparim të vërtetë për ekonomitë e saj dhe, më e rëndësishmja, për njerëzit e saj”.

Një aksident i rëndë trafiku ka ndodhur para pak minutash në afërsi të Ministrisë së Arsimit në Prishtinë.

Një veturë dyshohet se i ka rënë semaforit dhe i njëjti pastaj ka goditur një qytetarë, i cili sipas dëshmitarëve thuhet se ka ndërruar jetë.

Në vendin e ngjarjes ka dalë policia dhe emergjenca.

Zona ku na ndodhur aksidenti është siguruar nga policia.