ATV

Author: ATVLive

  • “Serbia është agresive e nevrike, por Kosova nuk frikësohet”

    “Serbia është agresive e nevrike, por Kosova nuk frikësohet”

    Përgatiti: Arton Hamiti

    Kryeministri Albin Kurti ka thënë se konfliktet në rajon nuk ndodhin për shkak të dallimeve etnike, por për shkak të qasjes së Serbisë dhe Rusisë. Teksa e ka quajtur agresive e nevrike Serbinë, kryeministri kosovar u shpreh se kjo e bën Kosovën më të kujdesshme e jo të frikësuar.

    “Konfliktet nuk janë ndër-etnike, nuk është dallimi etnik ai që shkakton konflikt, por është autokracia në Beograd e ndërlidhur me despotin në Moskë. Ne kemi paralajmëruar kaherë që shtetet jodemokratike edhe në rajonin tonë, jo vetëm në lindje të Evropës, janë në rrezik për sigurinë dhe paqen, por natyrisht që këtë gjë hollësisht dhe thellësisht, sikurse SHBA-ja nuk mund ta dijë askush”, tha Kurti.

    Duke marrë parasysh këtë fakt, Kurti tha se Kosova vazhdimisht po përgatitet maksimalisht për t’u mbrojtur.

    “Ajo çfarë bëjmë ne është që ne përgatitemi maksimalisht atë çka mundemi dhe dimë, andaj përuruam këtë Qendër Shtetërore për Siguri Kibernetike për trajnime, të cilat do të merren dhe do të ofrohen aty”, tha Kurti.

    Kryeministri foli pas inaugurimit të Qendrës Shtetërore Trajnuese për Siguri Kibernetike. Në ambientin gjithnjë e më të brishtë online, Ministri i Mbrojtjes, Ejup Maqedonci, tha se qendra do të ofrojë trajnime me qëllim të ngritjes së ndërgjegjësimit për rreziqet në fushën e sigurisë kibernetike.

    “Synimi ynë është që përmes kësaj qendre të trajnojmë institucionet e sigurisë t’i bëjnë ballë çdo sulmi të kësaj natyre, qendra shtetërore trajnuese për siguri kibernetike do të ofrojë trajnime me qëllim të ngritjes së ndërgjegjësimit për rreziqet në fushën e sigurisë kibernetike, të përmirësojë aftësitë profesionale dhe të ndihmojë në ngritjen e niveleve të sigurisë kibernetike të institucioneve qeveritare, operatorëve të shërbimeve esenciale dhe ofruesve të shërbimeve digjitale, për të arritur kapacitetin për mbrojtjen e infrastrukturës kritike në vend”, tha Maqedonci.

    Kryeministri dhe ministri i Mbrojtjes panë nga afër edhe 15 kamionë të cilët iu shtuan Forcës së Sigurisë. 10 prej tyre janë blerë nga kuleta e shtetit, ndërkohë 5 të tjerë janë donacion.

  • Ushtarët e rinj gjerman, Rohde: Gjermania vazhdon të marrë përgjegjësitë e saj në kuadër të KFOR-it në Kosovë

    Ushtarët e rinj gjerman, Rohde: Gjermania vazhdon të marrë përgjegjësitë e saj në kuadër të KFOR-it në Kosovë

    Ambasadori gjerman në Kosovë, Jorn Rohde përmes një postimi të bërë në platformën “X”, ka bërë të ditur se gjatë ditës së djeshme kanë zbarkuar trupa të rinj gjerman në Kosovë.

    Siç tha Rohde, Gjermania vazhdon të marrë përgjegjësin në kuadër të KFOR-it në Kosovë.

    “Gjermania🇩🇪 vazhdon të marrë përgjegjësinë në kuadër të KFOR-it në Kosovë. Si hap i parë drejt pranisë më të madhe ushtarake në terren, pionierët nga
    @bundeswehrInfo mbërritën dje në Kosovë për të përgatitur terrenin për kontingjentin gjerman të KFOR-it – përsëri – në rritje”, ka shkruar Rohde në platformën “X”.

  • Arritja e kamionëve ushtarakë, Kurti: 10 janë blerë me buxhet të shtetit, 5 janë donacion

    Arritja e kamionëve ushtarakë, Kurti: 10 janë blerë me buxhet të shtetit, 5 janë donacion

    Kryeministri i Kosovës, Albin Kurti, ka thënë se bashkë me komandantin e FSK’së, Bashkim Jashari, dhe ministrin e Mbrojtjes, Ejup Maqedonci, kanë parë nga afër flotën e kamionëve ushtarakë.

    Kurti ka thënë se këta kamionë janë prodhim gjerman dhe se 10 janë blerë me buxhet të shtetit e 5 janë donacion.

    Ai ka shtuar se modernizimi dhe fuqizimi i ushtrisë janë qenësore drejt objektivit për anëtarësim në NATO.

    “Mbrojtje e siguri për shtetin tonë. Pas inaugurimit të Qendrës Shtetërore Trajnuese për Siguri Kibernetike, bashkë me ministrin e Mbrojtjes, Ejup Maqedonci dhe komandantin e Forcës së Sigurisë së Kosovës, Gjeneral Lejtënant Bashkim Jashari pamë nga afër flotën e kamionëve ushtarakë multifunksional RheinMetall MAN HX2, 8X8 të cilët i janë shtuar arsenalit të ushtrisë. Kamionët ushtarakë RheinMetall MAN HX2 janë prodhim gjerman, ku nga 15 gjithsej, 10 janë blerë me buxhet të shtetit, ndërkaq pesë janë donacion. Modernizimi dhe fuqizimi i ushtrisë sonë, janë qenësore drejt objektivit për anëtarësim në NATO”, ka shkruar Kurti.

  • ​Shorti i formatit të ri të Ligës së Kampionëve do të bëhet me kompjuter

    ​Shorti i formatit të ri të Ligës së Kampionëve do të bëhet me kompjuter

    Formati i ri i Ligës së Kampionëve nga sezoni i ardhshëm nënkupton se kompjuterët do të përdoren për të tërhequr shortin.

    Simulimet e shortit të UEFA-s kanë treguar se një short manual për formatin e ri do të merrte tri deri në katër orë, dhe do të duheshin 900 topa për të, raporton KP.

    Në vend të kësaj, një metodë hibride do të përdoret, ku klubet do të pozicionohen në mënyrë manuale e më pas kompjuteri do ta marrë përsipër punën dhe të zgjedhë kundërshtarët në tetë grupe.

    Shorti i ri hibrid pritet të zgjas deri në 35 minuta, e njëjta kohë që i duhet shortit aktual për formatin aktual që e ka Liga e Kampionëve.

  • ​Alpet dhe Apeninet gjithnjë e më shumë të goditura nga mungesa e borës

    ​Alpet dhe Apeninet gjithnjë e më shumë të goditura nga mungesa e borës

    Kriza klimatike dhe rritja e temperaturave globale nënkuptojnë se malet e Italisë kanë gjithnjë e më pak borë dhe kjo tashmë ka një ndikim të madh në vendpushimet e skive të vendit, sipas një raporti të publikuar të martën nga shoqata mjedisore Legambiente.

    Raporti i Nevediversa i vitit 2024 tha se këtë sezon 177 ashensorë të skive u mbyllën përkohësisht në Itali – 92 në Alpe dhe 85 në Apenine – 39 më shumë se vitin e kaluar.

    Raporti shtoi se 93 ishin herë në funksion herë jo, ndërsa 260 kishin rënë plotësisht në mospërdorim, nga 249 sipas raportit të fundit./ANSA

  • Ambasadorët e shteteve të QUINT-it priten nga presidentja Osmani

    Ambasadorët e shteteve të QUINT-it priten nga presidentja Osmani

    Presidentja e Kosovës, Vjosa Osmani, ka pritur në takim ambasadorët e shteteve të Quint-it, me ç’rast është diskutuar për situatën aktuale në vend.

    Gjatë javës është paralajmëruar vizita e emisarit të Shteteve të Bashkuara të Amerikës, Gabriel Escobar në Kosovë për të diskutuar për dialogun dhe për çështjen e dinarit.

  • Barbie 2 merr një përditësim pozitiv

    Barbie 2 merr një përditësim pozitiv

    Barbie 2 merr një përditësim pozitiv pasi Greta Gerwig ndryshon qëndrimin e saj për një vazhdim të mundshëm.

    Me regji të Gerwig, me një skenar që ajo shkroi bashkë me Noah Baumbach, filmi Barbie u bë suksesi më i madh në arkë dhe një nga filmat më të vlerësuar nga kritikët e vitit 2023, duke fituar tetë nominime për Oscar dhe duke fituar një për Këngën më të Mirë origjinale. Ky sukses ka nxitur diskutimin për një vazhdim të mundshëm, megjithëse, në të kaluarën, Gerwig dhe producentja Margot Robbie e kanë hedhur poshtë idenë.

    Tani, Gerwig po ndryshon qëndrimin e saj në një përditësim të ri të Barbie 2. Gjatë një interviste me Baz Bamigboye të Deadline në festën pas festës së Oscars të Vanity Fair, Gerwig tha se nuk ka “asnjë rezistencë” nga ajo ndaj potencialit të Barbie 2, përcjell KultPlus.

    Edhe pse fillimisht nuk e “ndjeu” idenë e një vazhdimi, ajo tani është ngrohur. deri tek ajo. “Nuk po e hedh poshtë, dua ta bëj”, thotë ajo. Megjithatë, Gerwig mbetet i pasigurt se si t’i qaset një vazhdimi.

    Barbie 2 nuk është shpallur zyrtarisht nga Warner Bros.

  • KMDLNj: Pas vendimit të gjykatës kushtetuese, prokuroria e shtetit urgjenisht ta hetojë ZRRE-në

    KMDLNj: Pas vendimit të gjykatës kushtetuese, prokuroria e shtetit urgjenisht ta hetojë ZRRE-në

    Këshilli për Mbrojtjen e të Drejtave dhe Lirive të Njeriut, po e konsideron si drejtësi të pjesshme vendimin e Gjykatës Kushtetuese të Kosovës, sa i përket faturave të fryra më 2012- 2017.

    Në një reagim të tyre, ky këshill, kërkon hetime urgjente ndaj ZRrE-së, dhe ministrave Hekuran Murati, Elbert Krasniqi, Artane Rizvanolli dhe Rozeta Hajdari për vazhdimin e trajtimit diskriminues të qyetarëve.

    ”Gjykata Kushtetuese e Kosovës mori vendim që qytetarët – konsumatorët e Kosovës që nuk janë serbë apo që nuk kanë jetuar në komunat me shumicë serbe të kompensohen me 40 milionë euro që me vetëdije të plotë janë plaçkitur nga ZRrE përmes fryejes së faturave në periudhën 2012- 2017, mjete që pastaj janë keqpërdorur për t’ua paguar faturat serbëve dhe të tjerëve në me shumicë serbe.

    KMDLNJ- ë, që nga përfundimi i luftës ka ngritur zërin për këtë diskriminim flagrant në baza etnike dhe politike të konsumatorëve të energjisë elektrike e që Avokati i Popullit, në përputhje me mandatin kushtetues e ka adresuar këtë shkelje në gjykatat kompetente të cilat fillimisht kanë kërkuar që të ndërpritet me pagesën diskriminiuese të faturave dhe, në të njëjtën kohë që të kompensohen qytetarët e Kosovës nga ZRrE që në mënyrë kriminale i ka plaçkitur 95 % të qytetarëve për dobi të 5 % të qytetarëve.

    Vendimi i Gjykatës Kushtetuese të Kosovës siguron vetëm drejtësi të pjesshme (nëse ata do të kompensohen për plaçkitjet nga ZRrE) ndërsa ndjekja penale e plaçkitësve do ta bënte të plotë mozaikun e kompensimit.

    Në kohën e kryeministrit Haradinaj, pas një takimi të KMDLNj- së dhe kërkesës për kompensim ishte bërë një kompensim i papërfillshëm që zgjati dy – tre muaj, me shumë simbolike 2-3 euro dhe aty përfundoi sepse nuk kishte një vendim të formës së prerë (detyruese) për kompensim. Pas vendimit të Gjykatës Kushtetuese për kompensim, qytetarët – konsumatorët e plaçkitur nga ZRrE nuk duhet të pranojnë të kompensohen përmes faturave por duhet të kërkojnë të kompensohen me euro përfshirë këtu kamatat e rregullta dhe ndëshkuese që i përcakton autoriteti kompetent, në përputhje me shkallën e inflacionit dhe çmimin e energjisë elektrike.

    Si mbikëqyrës i procesit të zhdëmtimit të qytetarëve – konsumatorëve të plaçkitur nga ZRrE duhet të jetë një komision i pavarur nga Kuvendi i Kosovës që do të udhëhiqej nga opozita dhe një përfaqësues i shoqërisë civile. ZRrE do të bëjë përpjekje që të bishtënojë në zbatimin e vendimit të Gjykatës Kushtetuese të Kosovës por se duhet të caktohet një afat kohor, maksimumi 3 muaj që të përfundojë ky kompensim. KMDLNj thërret publikisht Prokurorin e Shtetit ta hetojë bazën ligjore në bazë të së cilës, që nga përfundimi i luftës iu janë paguar faturat e rrymës një 5 % të qytetarëve duke dëmtuar 95 %, në baza etnike dhe politike që përbënë shkelje të rëndë të drejtave të njeriut dhe që të merren masa ligjore ndaj shkelësve eventualë pavarësisht cilës qeveri i kanë takuar apo i takojnë. KMDLNj kërkon hetime urgjente ndaj ZRrE, ministrave Hekuran Murati, Elbert Krasniqi, Artane Rizvanolli dhe Rozeta Hajdari për vazhdimin e trajtimit diskriminues të qyetarëve – konsumatorëve të Kosovës në baza etnike dhe politike, qoftë duke paguar fatura, qoftë edhe duke shpërndarë fatura fiktive lineare pre 21ceutosh pavarësisht se mund të kenë shpenzuar rrymë disa qindra euro gjatë periudhës së faturimit”.

  • Ambasadorët e QUINT-it i shkojnë në zyrë Kurtit

    Ambasadorët e QUINT-it i shkojnë në zyrë Kurtit

    Veturat e diplomatëve ndërkombëtarë janë parë të parkuara para ndërtesës së Qeverisë, raporton EO.

    Ndërsa nga ana e qeverisë ende nuk është lëshuar ndonjë njoftim sa i përket këtij takimi.

    Ndërkohë është paralajmëruar gjatë javës vizita në Kosovë e Emisarit të ShBA-së për Ballkanin, Gabriel Escobar.

    Escobar do ta vizitojë Prishtinën këtë javë për të biseduar me liderët e Qeverisë së Kosovës për dialogun mes saj dhe Serbisë, si dhe për dinarin e ndalur serb në Kosovë, njoftoi Departamenti amerikan i Shtetit të dielën.

  • Përplasje e ofendime ndërmjet pozitës e opozitës, shkak gjetjet e ZKA-së

    Përplasje e ofendime ndërmjet pozitës e opozitës, shkak gjetjet e ZKA-së

    Raportimi i auditores së përgjithshme, Vlora Spanca në Komisionin për Mbikëqyrjen e Financave Publike, u përcoll me përplasje e akuza mes deputetëve, raporton Ekonomia Online.

    Në këtë mbledhje nuk munguan as ofendimet nga deputetja e VV-së, Mirlinda Tishukaj-Sadiku e ajo e AAK-së, Albana Bytyqi.

    “Sa e pafytyrë”, iu drejtua Tishukaj-Sadiku. “Shikoje fytyrën tënde”, iu përgjigj Bytyqi.

    Spanca ka thënë se sa i përket raporteve që kanë dërguar për sezonën 2022/23, kanë pranuar të gjitha planet e veprimit për organizatat buxhetore, për auditimet financiare dhe të pajtueshmërisë, porse shton se 19 organizata buxhetore i kanë dërguar këto plane të veprimit me vonesë.

    “Ministria e Financave nuk e mbikëqyr zyrën kombëtare të auditimit, e ndan buxhetin tavanin, por auditori i përgjithshëm e mbikëqyr edhe Ministrinë e Financave. Sa i përket auditimeve të ndërmarrjeve publike, nuk ka të bëjë kjo me Qeverinë Kurti apo Haradinaj, është vendim i auditorit të përgjithshëm”, tha Spanca.

    Ndërkaq, deputetja nga Lëvizja Vetëvendosje, Mirlinda Tishukaj-Sadiku ka kundërshtuar deklaratën e deputetes Bajrami. Sipas saj opozita është duke munduar të nxjerr debate parlamentare prej hiçit, siç tha ajo, për fushatë elektorale.

    “Ne këtu si deputetë nuk e kemi kryer as detyrën tonë. Falënderim për Zyrën Kombëtare se nuk ka qenë obligim i juaji t’i vendosni edhe rekomandimet tona, por ne si deputetë është dashur t’i vizitojmë institucionet dhe t’i mbajmë përgjegjës për ato rekomandime. Në përqindje rreth 80 për qind të këtyre rekomandimeve i kam dhënë unë, asnjë nuk e ka dhënë deputeti Beqa, prandaj nuk është e drejtë të lëshohet një mal me akuza dhe ën fund ta sheh më të arsyeshme të shkojë në një varrim dhe mos ta kryej detyrën që është i thirrur si deputet”, tha Tishukaj-Sadiku.

    Ndërkaq, për këtë, deputetja Bajrami ka thënë se 102 milionë të KEK-ut me kontrata njëburimore do t’i nxjerrin në rezolutë në Kuvend dhe që sipas saj, janë rekomandime që duhet të auditohen.

    Anën tjetër, deputeti tjetër nga partia në pushtet, Halil Thaçi i ka bërë thirrje prokurorit të shtetit që të marrë në pyetje deputeten Bajrami për deklaratat e bëra.

    “Drejtoju prokurorit të shtetit dhe të dëshmosh këto që po i deklaron këtu. Javën e kaluar the Liburn Aliu me telefon po injoron operatorët për me marr tenderit unë i bëj thirrje që ty te intervistojë që ke telefonata të tilla. Është një lloj patriotizmi edhe nëse shkon te prokurori dhe dëshmon”, tha deputeti i VV-së, Halil Thaçi.