ATV

Author: ATVLive

  • Boksieri Besar Nimani do të varroset të enjten në Gjermani

    Boksieri Besar Nimani do të varroset të enjten në Gjermani

    Boksieri shqiptar që u vra në Gjermani, Besar Nimani do të varroset të enjten në Bielefeld tek varrezat e myslimaneve.

    Lajmi është bëri i ditur nga vëllai i tij, Berat Nimani.

    Varrimi i tij do të bëhet në orën 10:00.

    Njoftimi i plotë:

    Te dashur Miqë, te dashur Shokë

    Vorrimi i Besar Nimani bëhet te Ejten me 14.03.24 ne Bielefeld nga Ora 10:00 e mëngjesit ne Vorresat e Muslimanëve (Sennefriedhof)

    Adresa: Windelsbleicher Straße Bielefeld (Hyrja kryesore e Varrezavë)

    Prania juajë e Nderon te ndjerin, ne dhe ju

    Zoti e bekoftë me Xhenet, Babin, Burrin, Birin, Vllaun, Shokun tonë Besar Nimani.

  • Zbulohet se kush janë pesë lojtarët, për të cilët Franco Foda shkoi ta shikojë ndeshjen Ballkani – Malisheva në stadiumin e Suharekës

    Zbulohet se kush janë pesë lojtarët, për të cilët Franco Foda shkoi ta shikojë ndeshjen Ballkani – Malisheva në stadiumin e Suharekës

    Në ndeshjen në mes Ballkanit dhe Malishevës i pranishëm në tribunat e stadiumit në Suharekë ka qenë edhe përzgjedhësi i kombëtares së Kosovës, Franco Foda.

    Në emisionin ‘EKIPI A’ është diskutuar se cilët janë ata lojtarët e monitoruar nga gjermani.

    Analistët Alban Lumi dhe Arsim Prepolli kanë zbuluar emrat e rinj, të cilët me gjasë mund të jenë pjesë e kombëtares për ndeshjet e ardhshme.

    “Lumbardh Dellova, Lindon Emerllahu, Drilon Hazrollaj, mendoj që janë ata emrat që janë në listë. Unë mendoj që janë edhe dy futbollistë tjerë nga Superliga” tha Lumi.

    Kurse Arsim Prepolli, tha që, mendon se ftesa mund t`i shkojë mesfushorit edhe Drilon Islami të Prishtinës.

    Kujtojmë që në ndeshjet e marsit, Kosova do të luajë me Armeninë dhe Hungarinë si mysafir.

     

  • DASH: Radoiçiqi është kriminel që duhet të mbahet përgjegjës për sulmin në Banjskë

    DASH: Radoiçiqi është kriminel që duhet të mbahet përgjegjës për sulmin në Banjskë

    Departamenti Amerikan i Shtetit tha se është në dijeni të raportimeve të mediave për takimin mes Marko Gjuriq, ambasadorit serb në Shtetet e Bashkuara dhe Milan Radoiçiq, i cili është në listën e zezë të SHBA-së për përfshirje në krimin e organizuar ndërkombëtar.

    “Ne kemi një qëndrim të qartë për zotin Radoiçiq. Ai ka marrë përgjegjësinë për sulmin në Banjskë, përmes avokatëve të tij. Ai është një kriminel që duhet të mbahet përgjegjës”, thuhet në përgjigjen e zëdhënësit të Departamentit Amerikan të Shtetit, për Radion Evropa e Lirë.

    Shtohet se Serbia duhet të nxjerrë para drejtësisë përgjegjësit për sulmin “e kryer nga strukturat paraushtarake në Banjskë të Kosovës, që rezultoi me vdekjen tragjike të një rreshteri të Policisë së Kosovës”.

    Në rrjetin social X është publikuar më 9 mars një fotografi ku shihet Marko Gjuriq, ambasadori aktual i Serbisë në Uashington dhe Milan Radoiçiq, ish-nënkryetari i Listës Serbe, i cili është në listën e sanksioneve amerikane.

    Në foto Gjuriq dhe Radoiçiq shfaqen së bashku në një restorant. Nuk dihet se kur dhe ku është bërë fotografia, si dhe kush është autori.

    Gjithashtu nuk dihet nëse fotografia është bërë në kohën kur Gjuriq ishte ambasador i Serbisë në SHBA.

    Radio Evropa e Lirë nuk arriti të përcaktonte vërtetësinë e fotografisë.

    Marko Gjuriq, i cili pas publikimit të fotografisë tha se nuk duhet të turpërohet për kontaktet e tij, nuk i është përgjigjur pyetjes së Radios Evropa e Lirë për detajet e takimit me Radoiçiqin dhe se kur është bërë fotografia.

    Ish-drejtori i Zyrës për Kosovën në Qeverisë së Serbisë, është emëruar ambasador në Uashington në tetor të vitit 2020.

    Presidenti serb, Aleksandar Vuçiq iu referua shkurtimisht fotografisë së Gjuriqit dhe Radoiçiqit në një konferencë për shtyp më 10 mars.

    “Unë nuk e pyeta atë [Marko Gjuriqin] kur, ku, apo pse. Madje nuk e pyeta nëse u ngrit nga tavolina e tij për të parë Milan Radoiçiqin, për t’u ulur për një ose dy minuta, apo nëse ai erdhi me të”, tha Vuçiq.

    Bashkimi Evropian tha më herët më 11 mars se nuk u takon atyre të komentojnë për çdo takim të zyrtarëve serbë, por se “me kë takoheni flet për ju”.

    “Sidomos nëse bëhet fjalë për të dyshuar për vepra kriminale,” tha zëdhënësi i BE-së Peter Stano më 11 mars në përgjigje të pyetjes së një gazetari gjatë një konferencë për dialogun midis Serbisë dhe Kosovës në Bruksel.

    Më 24 shtator 2023, një grup i armatosur i serbëve vrau policin kosovar Afrim Bunjaku në Banjskë – pjesa veriore e Kosovës.

    Në shkëmbimin e zjarrit mbetën të vrarë edhe tre sulmues serbë.

    Kosova akuzon Serbinë për sulmin, ndërsa Beogradi zyrtar e kundërshton atë.

    Radoiçiq, i cili mori përgjegjësinë për sulmin, kaloi një ditë në paraburgim dhe më pas u lirua për t’u mbrojtur me kusht që të mos largohej nga Serbia dhe të mos shkonte në Kosovë.

    Lidhur me rrjedhën e procedurës kundër tij në Serbi, Prokuroria e Lartë Publike në Beograd i tha Radios Evropa e Lirë më 8 shkurt se dëshmia e të dyshuarit Radojiçiq është duke u kontrolluar. /REL

  • Befason Alban Lumi: Ballkani do të këtë problem me Fushë Kosovën

    Befason Alban Lumi: Ballkani do të këtë problem me Fushë Kosovën

    Në kuadër të javës së 25, skuadra e inkuadruar në Superligë, Fushë Kosova do të takohet me Kampionin Ballkani.

    Analisti i përhershëm i emisionit ‘EKIP A’, Alban Lumi, ka deklaruar që Ballkani do ta këtë shumë të vështirë me Fushë Kosovën.

    ‘Fushë Kosova ka problem edhe me financa, ka probleme edhe me stadium, pasi nuk i zhvillon ndeshjet si vendas. Unë besoj se edhe Ballkani do ta këtë shumë problem me skuadrën e Fushë Kosovës’ tha Lumi.

    Emisionin ‘EKIPI A’ mund të shikoni live më poshtë.

  • Trajneri i Fushë Kosovës: Ne mund të mposhtim çdo skuadër të Superligës

    Trajneri i Fushë Kosovës: Ne mund të mposhtim çdo skuadër të Superligës

    Trajneri i Fushë Kosovës, Burim Shala i ftuar në emisionin ‘EKIPI A’ në ATV, ka thënë që ai është i kënaqur me pesë pikët e arritura në tri takimet e fundit.

    ‘Nuk është lehtë me mposhtë skuadrën e Dritës. Ne kemi treguar që mund te mbesim në Ligë.Ne mund të mposhtim çdo skuadër të Superligës; tha Shala.

    Kujtojmë që Fushë Kosova në tri takimet e fundit ka arritur të fitoi 5 pikë. Duke barazuar me Lirinë në Prizren 0:0, pastaj si vendas mposhti Dritën 1:0, dhe në ndeshjen e fundit barazoi 0:0 me Dukagjin e Klinës.

    Për më shumë, ndiqeni intervistën e Burim Shalës më poshtë.

  • Inteligjenca amerikane: Ballkani mund të përballet me konflikte etnike gjatë 2024-tës

    Inteligjenca amerikane: Ballkani mund të përballet me konflikte etnike gjatë 2024-tës

    Inteligjenca e Shteteve të Bashkuara të Amerikës, e ka lansuar raportin vjetor, ku i parashikon kërcënimet që i kanosen vendeve të ndryshme të botës.

    Ky raport ka një pjesë të veçantë edhe për Ballkanin Perëndimor.

    Aty thuhet se kjo zonë gjatë vitit 2024, mund të përballet me një rrezik të dhunës së lokalizuar ndëretnike.

    Sipas këtij raporti, udhëheqësit nacionalistë mund t’i përkeqësojnë tensionet për avantazhet e tyre politike dhe për aktorët e jashtëm.

    Ata do ta përforcojnë dhe shfrytëzojnë dallimet etnike, për të rritur ose mbrojtur ndikimin e tyre rajonal ose për të penguar integrim më i madh i Ballkanit në BE ose në institucionet euroatlantike, thuhet në raportin e inteligjencës amerikane.

    Aty përmenden edhe agresioni i Banjskës, ku mbeti i vrarë polici Afrim Bunjaku, si dhe tensionet e muajit maj të 2023-tës, ku pati përleshje mes KFOR-it dhe protestuesve serbë në veri, e ku u lënduan dhjetëra ushtarë të forcave paqeruajtëse në Kosovë.

    “Përleshjet mes nacionalistëve serbë dhe autoriteteve kosovare kanë çuar në vdekje dhe plagosje, duke përfshirë lëndimet e paqeruajtësve të NATO-s, në vitin 2023”, shkruan në raport.

    Gjithsesi, ceket edhe roli destruktiv i udhëheqësit serb të Bosnjë e Hercegovinës.

    Raporti thotë se ai po merr hapa provokues për të neutralizuar ndërkombëtarët mbikëqyrjen në Bosnje dhe sigurimin de facto të shkëputjes për Republikën Serbe.

    Veprimi i tij mund të nxiti udhëheqësit e popullatës boshnjake (muslimane boshnjake) që të forcojnë kapacitetet e tyre për të mbrojnë interesat e tyre dhe mundësisht të çojnë në konflikte të dhunshme që mund të mposhtin paqeruajtjen forcat.

  • “Unë edhe sonte, po shtrihna në spital për me u kthy prapë”, postimi prekës i deputetes Adriana Matoshi

    “Unë edhe sonte, po shtrihna në spital për me u kthy prapë”, postimi prekës i deputetes Adriana Matoshi

    Deputetja dhe aktorja Adriana Matoshi, përmes një postimi në facebook ka njoftuar se ka filluar të përballet me një sëmundje të re.

    “Sonte po du me i gëzu krejt kto zemra të ligshta për s’vogli, e me i shqetësu shumë zemra të buta prej madhështie njerezore t’u ua dhon lajmin që tash e një kohë po përballna me një sëmundje të re”, tha ajo.

    Matoshi thotë se problemi shëndetësor i ka filluar para paraqitjes televizive në Festivalin e Këngës në RTSH.

    “Nuk kom leju as vizita mjekësore me zhvillu në ditët kur kemi pas mbledhje në Kuvend e në komisionet ku jom përgjegjëse. Jom kon prezente për krejt, veç për veten jo”, shkroi ajo ndër të tjera në Facebook.

    Ajo mes tjerash tha se sonte do të shtrihet në spital, ndërsa shtoi se po shkon që ta largojë nga trupi inatin, urrejtjen që ajo konsideron që bëhet ndaj emrit të saj.

    “Unë prapë ju du shumë! Ma shumë se ju që ma doni të keqen e ma uroni vdekjen edhe publikisht. Unë po shkoj, për me u kthy. Ishalla ky muaj i shenjtë, urrejtjen ja ua kthen në Dashni. Po shkoj. Ju lutnu unë me u kthy mirë. Unë po lutna me ju gjetë juve ma mirë se kurrë ma parë!”, shkroi Matoshi.

  • Jamie Shea: Bombardimi i forcave serbe në 1999, ishte vendim i duhur

    Jamie Shea: Bombardimi i forcave serbe në 1999, ishte vendim i duhur

    Në prag të 25 vjetorit të sulmeve të NATO-s ndaj ish-Jugosllavisë, ish-zëdhënësi i NATO-s, gjatë luftës në Kosovë, Jamie Shea tha se ishte vendim i duhur bombardimi i forcave serbe në vitin 1999, ndërsa tani situatën në Evropë e konsideron mjaft të rrezikshme.

    Shea u shpreh se BE-ja duhet t’i heqë masat ndaj Kosovës kurse anëtarësimi në NATO i Kosovës duhet të ndodhë më shpejt.

    Sipas tij, masakra në Rajçak shënoi pikën kthyese në brutalitetin e saj dhe regjimi i Millosheviqit kishte refuzuar paqen e kompromisit.

    Ai në një intervistë për RTKlive, thotë se populli i Kosovës gjatë 25 viteve ka qenë në gjendje të jetojë në paqe dhe siguri tregon se ndërhyrja e NATO-s pati sukses.

    Në këtë intervistë ai flet për mohimin e krimeve që Serbia i ka kryer ndaj popullit të Kosovës.

    “Është përgjegjësi e çdo shteti të pajtohet me historinë e tij, si të keqe ashtu edhe me të mirë. Pra, të përpiqesh të mbulosh fakte të forta me mohime, shtrembërime dhe kundër akuza është një abdikim i përgjegjësisë politike në një kohë kur kaq shumë vende të tjera në Evropë e kanë pranuar publikisht anën e errët të historisë së tyre, pavarësisht nëse ka të bëjë me tregtinë e skllevërve, deportimin e hebrenjve”, tha ai.

    Për mundësinë që Kosova të jetë pjesë e NATO-s, në një të ardhme të afërt, Shea thotë se procesi mund të duket i ngadaltë, por duhet ta zgjidhet shpejt çështja e njohjes së Kosovës nga çdo aleat dhe atëherë gjërat do të shkojnë shumë më shpejt.

    Ai tha se Kosova duhet të imitojë shtetet baltike për anëtarësim në NATO. Ai ka folur edhe për buxhetin e mbrojtjes. “Synimi i NATO-s është që të shpenzojë 2% të PBB-së për mbrojtje dhe ky do të ishte një objektiv i mirë për të ecur edhe Kosova”, theksoi ai.

    Shea tha se BE-ja duhet të heqë urgjentisht sanksionet që i ka vendosur Kosovës për shkak të situatës në veri të vendit.

    Ndërsa sa i përket efektit që mund të kenë zgjedhjet që do të mbahen në SHBA në dialogut ndërmjet Kosovës dhe Serbisë, Shea tha se parashikimet janë gjithmonë të rrezikshme, por nuk beson se zgjedhjet në SHBA dhe Evropë këtë vit do të ndryshojnë qasjen ndaj dialogut.

    “Kur ishte në Shtëpinë e Bardhë herën e fundit, Donald Trump punoi për normalizimin e marrëdhënieve ndërmjet Kosovës dhe Serbisë dhe madje i ftoi dy presidentët në një samit në Uashington. Megjithatë, SHBA dhe Evropa duhet të jenë të vendosura me Serbinë kur bëhet fjalë për kontrollin e aktiviteteve të forcave paraushtarake në territorin e saj dhe për të ndaluar ndërhyrjen në veri të Kosovës. Të jesh i arsyeshëm me Beogradin dhe të ofrosh karrota ka kuptim vetëm nëse Beogradi tregon një qasje më pajtuese”, u shpreh Shea.

  • Dështon shtyrja e agjendës së komisionit hetimor për rezervat shtetërore

    Dështon shtyrja e agjendës së komisionit hetimor për rezervat shtetërore

    Përgatiti: Pranvera Krasniqi

    Ulëset e disa deputetëve të Lëvizjes Vetëvendosje mbetën bosh.

    Por edhe ata që ishin prezent në komisionin hetimor për rezerva shtetërore, nuk votuan fare të hënën për kërkesën e opozitës që të sigurojë dokumentacion nga Ministria e Industrisë.

    Me këtë rast, dy taborët politikë e akuzuan njëri-tjetrin.

    “Të gjithë e dimë se pse ne jemi duke ardhur në këtë moment dhe nuk kemi avancuar fare. Unë jam munduar ta ruaj një korrektësi edhe kur nuk keni pasur fare të drejtë. Edhe pse e kam parë që qëllimisht po e prolongoni punën e këtij komisioni”, tha deputeti i PDK-së, Rashit Qalaj.

    “Para se të bëhet një kërkesë te ministria, kam kërkuar që ta konsultojmë edhe Ligjin për Qasje në Dokumentacion të Klasifikuar. Ne do ta kishim një përgjigje nga Agjencia për Mbrojtjen e Dokumentacionit të Kualifikuar për një ditë ose dy. Nuk e kuptoj pse duhet ne të kemi vendime të tilla për moshedhje në votim të një propozimi të një deputeti të pozitës”, tha deputeti i LV-së, Driton Hyseni.

    Sipas opozitës, refuzimet e Vetëvendosjes kanë qëllim ta fshehin të vërtetën.

    Hyseni i LV-së përplaset edhe me një ish-kolege të grupit parlamentar, që tash është deputete e Lidhjes Demokratike.

    Para se të mbyllet pa rezultat edhe kjo mbledhje, kryesuesi Rashit Qalaj njoftoi se komisionit i skadon mandati më 6 prill, prandaj paralajmëroi se do të kërkojë nga Kuvendi që t’i vazhdohet edhe më tej.

    Më shumë detaje i gjeni në Edicionin Qendror të lajmeve në videon më poshtë:

  • Këtë javë, Kuvendi vetëm me një seancë të jashtëzakonshme

    Këtë javë, Kuvendi vetëm me një seancë të jashtëzakonshme

    Përgatiti: Driton Sadiku

    Të zgjedhurit e popullit do të mblidhen vetëm një herë në Kuvend, për seancë plenare të jashtëzakonshme.

    Me kërkesë të Lidhjes Demokratike të Kosovës, legjislativi do të diskutojë për kontratat njëburimore të dhëna nga qeveria, që për LDK-në nënkuptojnë korrupsion.

    “Është thyerje e çdo rekordi. Tenderët njëburimorë konsiderohen si një burim i madh korrupsioni. 350 tenderë njëburimorë janë dhënë deri tash. Ne konsiderojmë që kjo është një çështje që duhet të diskutohet në Kuvend, dhe do të iniciojmë edhe formimin e një komisioni hetimor”, tha shefi i grupit parlamentar të LDK-së, Arben Gashi.

    Në linjë me LDK-në dolën dhe partitë tjera opozitare, PDK e AAK, që gjithashtu kritikuan qeverinë, duke thënë se nënshkroi më shumë kontrata njëburimore se të gjitha qeveritë e mëhershme së bashku.

    Por, seancë e rregullt veç kësaj nuk u arrit të caktohet.

    Andaj, kjo po shihet me shqetësim nga pushteti, meqë opozita pjesërisht shprehet e vendosur që nuk do të votojë asgjë në kuvend, veçanërisht marrëveshjet ndërkombëtare.

    Shefat e grupeve parlamentare u pyetën edhe për çështjen e Manastirit të Deçanit, me ç’rast opozita theksoi se vendimet e Gjykatës Kushtetuese nuk duhet të vihen në pikëpyetje.

    Më shumë detaje i gjeni në Edicionin Qendror të lajmeve në videon më poshtë: