ATV

Author: ATVLive

  • ​Ky është orari i gjysmëfinaleve të Kupës së Kosovës

    ​Ky është orari i gjysmëfinaleve të Kupës së Kosovës

    Sot u hodh shorti i Kupës së Kosovës në futboll, ku edhe u mësuan dy çiftet e gjysmëfinales së kësaj gare.

    Suhareka dhe Ballkani do të përballen në derbin e qytetit suharekas, raporton KosovaPress.

    Ndërkaq, kampioni i kësaj gare, Prishtina do të përballet me skuadrën e Dritës.

    Tani është mësuar edhe orari i ndeshjeve gjysmëfinale, dhe atë e gjeni më poshtë.

    03 prill 2024 (Ndeshjet e para)

    13:00 Suhareka – Ballkani

    13:00 Prishtina – Drita

    17 prill 2024 (Ndeshjet e kthimit)

    13:00 Ballkani – Suhareka

    13:00 Drita – Prishtina

  • Hapet edicioni i tretë i Panairit të Karrierës dhe Punësimit AAB 2024 me 60 kompani pjesëmarrëse

    Hapet edicioni i tretë i Panairit të Karrierës dhe Punësimit AAB 2024 me 60 kompani pjesëmarrëse

    Pas dy edicioneve tejet të suksesshme është hapur për herën e tretë me radhë Panairi i Karrierës dhe Punësimit AAB 2024, ku do marrin pjesë 60 kompani, institucione e organizata.

    Në ceremoninë hapëse të këtij panairi morën pjesë një numër i madh i studentëve, të cilët për dy ditë me radhë kanë mundësinë të takojnë punëdhënësit e tyre potencial.

    Rektori i Kolegjit AAB Blerim Olluri, ka përshëndetur iniciativën për organizim të ngjarjeve të tilla, duke thënë se institucioni çdoherë synon përgatitjen e kuadrove që i përgjigjen kërkesave të tregut të punës.

    “Kolegji AAB qysh në fillet e para të themelimit frymëzuar nga kërkesat e tregut të punës dhe industrisë ka hapur programet e para për arsim të lartë të afta për t’iu
    përgjigjur kërkesave të tregut. Ky frymëzim dhe ky qëllim është ende i pranishëm në mesin tonë dhe po dëshmohet në një event kaq të bukur që tashmë është bërë traditë e institucionit”, tha Olluri.

    Edhe Edi Muhaxhiri nga spitali “Fati im” dhe Gëzime Rexhepi Qollaku drejtoreshë e kopshtit “Bardha”, në një fjalë rasti si pjesëmarrës për herën e tretë me radhë, thanë se kjo është një mundësi e pakrahasueshme për të gjithë studentët për të nisur karrierën profesionale. Gjithashtu ata përmendën faktin se dhjetëra studentë të Kolegjit AAB sot janë të punësuar si punonjës shëndetësor te spitali “Fati im” dhe si edukatore në kopshtin “Bardha.

    Në fund të ceremonisë të pranishmit vizituan panairin, duke parë nga afër mundësitë që ofrohen nga kompanitë pjesëmarrëse. Panairi është i hapur edhe me datën 16 mars nga ora 10:00 – 15:00.

  • ​Çerekfinalet e Ligës së Evropës, Atalanta e Djimsitit përballet me Liverpoolin

    ​Çerekfinalet e Ligës së Evropës, Atalanta e Djimsitit përballet me Liverpoolin

    Pas shortit në Ligën e Kampionëve, tani është hedhur edhe shorti për çerekfinalen e Ligës së Evropës.

    Shorti ka prodhuar derbi italian, ku Milani do të përballet me skuadrën e Romës, raporton KosovaPress.

    Po ashtu, ndeshje interesante do të jetë edhe ajo mes Liverpoolit dhe Atalantas së Berat Djimsitit.

    Ndërkaq, Bayer Leverkuseni i Xabi Alonsos e Granit Xhakës do të luajë në çerekfinale të kësaj gare kundër skuadrës angleze, West Ham United.

    Shortin e sotëm e përmbylli ndeshja mes Benficas dhe Marseille.

    Shorti i çerekfinales së Ligës së Evropës:

    Milan – Roma

    Liverpool – Atalanta

    Bayer Leverkusen – West Ham

    Benfica – Marseille

  • ​Escobar: Kurti refuzoi propozimet për dinarin

    ​Escobar: Kurti refuzoi propozimet për dinarin

    I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, ka thënë në një intervistë për Radion Evropa e Lirë se nuk ka arritur ta bindë kryeministrin e Kosovës, Albin Kurti, për adresimin e shqetësimeve të Perëndimit që kanë të bëjnë me ndalimin e përdorimit të dinarit serb në Kosovë.

    “Unë i kërkova kryeministrit ta suspendojë vendimin përderisa ne, bashkë me Bashkimin Evropian, Shtetet e Bashkuara dhe Qeverinë e Kosovës, punojmë për një zgjidhje më afatgjate që u përshtatet nevojave tuaja, pra transfereve elektronike në euro përmes sistemit të Kosovës. Por, tani, ne duhet të bëjmë diçka urgjente. Fatkeqësisht, nuk pata sukses për ta bindur atë për këtë”, ka deklaruar Escobar.

    I pyetur nëse ky është lajmi i fundit nga kryeministri, Escobar është përgjigjur duke thënë se “Ky është lajmi i fundit”.

    “Unë ende jam duke shpresuar që, derisa kryenegociatorët do të takohen në Bruksel të martën, ata do ta gjejnë një zgjidhje të menjëhershme për t’i lejuar transferet e parave të gatshme në euro për këta njerëz”, ka deklaruar tutje ai.

  • Haxhiu për pronën që iu regjistrua Manastirit: E zbatuam vendimin e padrejtë të Kushtetueses për shkak të anëtarësimit në KiE

    Haxhiu për pronën që iu regjistrua Manastirit: E zbatuam vendimin e padrejtë të Kushtetueses për shkak të anëtarësimit në KiE

    Ministrja e Drejtësisë, Albulena Haxhiu, në një prononcim për media ka thënë se zbatimi i vendimit të Gjykatës Kushtetues të vitit 2016, për transferimin e 24 hektarëve tokë Manastirit të Deçanit, ka qenë kërkesë ndaj Kosovës për anëtarësimin e saj në Këshillin e Evropës, raporton Ekonomia Online.

    Ajo ka thënë se sado që ai vendim i Kushtetutës ka qenë i padrejtë, duke e pasur parasysh rendësi që ka anëtarësimi i Kosovës në këtë mekanizëm ka ë konsideruar që duhet të adresohet kjo çështje.

    “Për interesimin e Kosovës në Këshillin e Evropës siç e ka përmendur edhe kryeministri Kurti na është vendosur që Kosova ta zbatojë një vendim të padrejtë të Gjykatës Kushtetues të vitit 2016. Duke e pasur parasysh rëndësinë që ka anëtarësimi i Kosovës në këtë mekanizëm tejet të rëndësishëm për qytetarët e Kosovës por edhe vet për shtetin e Kosovës kemi konsideruar që duhet të adresohet dhe kemi vazhduar tutje. Tani përpjekja jonë është për hapat e radhës të Komiteti, Asambleja dhe tek Ministrat”, ka thënë ajo.

  • Përballje titanësh, këto janë duelet çerekfinaliste në Ligën e Kampionëve

    Përballje titanësh, këto janë duelet çerekfinaliste në Ligën e Kampionëve

    Me hedhjen e shortit tashmë është kompletuar edhe faza çerekfinale në Ligën e Kampionëve.

    Tetë skuadrat e kualifikuara kanë mësuar kundërshtarët e tyre me synimin që të kalojnë në fazën e radhës.

    Shorti i plotë:

    Arsenal – Bayern Munich,

    Atletico Madrid – Dortmund,

    Real Madrid – Manchester City,

    Barcelona – Paris Saint-Germain.

  • ZPS-ja kërkon vazhdimin e paraburgimit për Jakup Krasniqin

    ZPS-ja kërkon vazhdimin e paraburgimit për Jakup Krasniqin

    Zyra e Prokurorit të Specializuar (ZPS) ka kërkuar vazhdimin e masës së paraburgimit për Jakup Krasniqin.

    Në parashtrimet e veta, është theksuar se në modifikimin e fundit për kushtet e paraburgimit, Paneli ka konstatuar saktë se ato masa ishin të nevojshme dhe proporcionale me të drejtat e Krasniqit dhe se nuk ia bëjnë të paarsyeshëm vazhdimin e paraburgimit.

    “Lidhur me modifikimin e fundit të kushteve të paraburgimit, si çështje paraprake, Paneli e ka diferencuar saktë çështjen e menjëhershme si çështje në lidhje me paraburgimin ose lirimin e përkohshëm dhe jo kushtet e paraburgimit, e para bie nën rregullën 57 dhe e dyta sipas rregullës. 56(6).Në çdo rast, Paneli tashmë ka konstatuar se asnjë nga rrethanat e identifikuara nga Krasniqi në lidhje me kufizimet e vendosura ndaj të akuzuarve të tjerë nuk do të ndikonte materialisht në konsideratat që kanë të bëjnë me paraburgimin e tij. Paneli më tej ka konstatuar se ato masa janë të nevojshme dhe proporcionale dhe kompatibile me të drejtat e Krasniqit dhe se nuk ia bëjnë të paarsyeshëm vazhdimin e paraburgimit”, thuhet në përgjigjen e ZPS-së.

    Si rrjedhojë e këtyre arsyetimeve të përmendura, ZPS-ja ka potencuar se trupi gjykues duhet ta vazhdojë paraburgimin për Krasniqin.

    Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit./BetimipërDrejtësi

  • Publikohet lista e Sylvinhos, mësohet vendimi për Arbër Hoxhën

    Publikohet lista e Sylvinhos, mësohet vendimi për Arbër Hoxhën

    Trajneri Sylvinho ka publikuar listën e futbollistëve të grumbulluar për ndeshjet miqësore të muajit mars.

    Shqipëria do të luaj me Kilin dhe me Suedinë për tu përgatitur për Kampionatin Evropian Euro 2024.

    Në listën e Sylvinhos është ftuar edhe sulmuesi kosovar Arbër Hoxha.

    Hoxha kishte paraqitje fantastike me Dinamon e Zagrebit por nuk ka marrë ftesë nga Kosova.

    Për dallim nga radhët e kaluara, trajneri Sylvinho nuk ka ftuar Mirlind Dakun dhe Arbnor Mujën.

  • Universitetit Mesdhetar të Shqipërisë shënon 15-vjetorin e themelimit, Angjeli: Me bindje të plotë, ne ja kemi dalë

    Universitetit Mesdhetar të Shqipërisë shënon 15-vjetorin e themelimit, Angjeli: Me bindje të plotë, ne ja kemi dalë

    Mes qindra të ftuarve Universiteti Mesdhetar i Shqipërisë festoi 15 vjetorin e krijimit të tij në një ceremoni mjaft të veçantë.

    Në këtë ceremoni morën pjesë, poltikanë, diplomatë, anëtarë të kabinetit qeveritarë, pedagogë e ish studentë të UMSH.

    Presdenti i Universitetit Mesdhetar, Anastas Angjeli, në fjalën e tij pohoi se rrugëtimi për të ndërtuar një Universitet elitar ka qenë jo i lehtë, i mbushur me sfida, por gjithmonë frymëzues.

    “Teksa kthej kokën pas, dëshiroj të jem objektiv në progresin që ky Universitet ka bërë gjatë një dekadë e gjysmë, që prej ditës kur materializuam me besim e përkushtim vizionin tonë për të udhëhequr të rinjtë në rrugëtimin e dijes.

    Pandaj, sot në këtë përvjetor, unë dua të pohoj me bindje të plotë se: Ne ja kemi dalë!

    Një rrugëtim frymëzues që na bën të mos ndalemi dhe të vijojmë të shohim nga e ardhmja!

    Kjo falë besimit që mijëra të rinj dhe prindër na kanë dhënë duke na lënë në duar përgjegjësinë e edukimit të tyre.

    Ky besim, ka qenë shtysa më e madhe që Universiteti Mesdhetar të jetë sot pas 15 vitesh një lokomotivë e pandalshme e dijes, me mbi 13 mijë të diplomuar, duke pasur si synim parësor, përmirësimin brenda vetes, në mënyrë që t’i ofrojë të rinjve, jo vetëm garancinë se ardhmja e tyre është në duar të sigurta, por një ofertë akademike që i bën ata të denjë e të pregatitur për tregun e punës’’, tha Angjeli.

    Ministrja e Arsimit Ogerta Manastirliu e pranishme në aktivitet vlerësoi Universitetin Mesdhetar të Shqipërisë.

    ‘’Tashmë duhet projektuar ndoshta edhe me një dimension të ri, dimensioni europian i arsimit të lartë’’, tha Manastriliu.

    Universiteti Mesdhetar ka 4 fakultete dhe 3500 studente.

  • Publikohen raportet financiare, VV-ja me të hyra mbi 2 milionë euro, LDK-ja e PDK-ja me mbi 700 mijë

    Publikohen raportet financiare, VV-ja me të hyra mbi 2 milionë euro, LDK-ja e PDK-ja me mbi 700 mijë

    Komisioni Qendror i Zgjedhjeve ka publikuar raportet e paaudituara financiare të partive politike të vitit 2023.

    Të hyrat e Lëvizjes Vetëvendosje për vitin 2023 kanë qenë 2,098,592 euro, e ndërkohë shpenzimet 1,381,285 euro.

    Të hyrat e Lidhjes Demokratike të Kosovës kanë qenë 723,169 euro, e ka shpenzuar 431,824 euro.

    Partia Demokratike e Kosovës ka pasur 808,983 euro të hyra, ndërsa ka shpenzuar 715,986 euro.

    Aleanca për Ardhmërinë e Kosovës figuron me 280,000 euro të hyra dhe 268,016 euro shpenzime gjatë 2023-s.

    KQZ-ja ka theksuar se këto raporte janë të paaudituara dhe mund të pësojnë ndryshime dhe saktësime gjatë procesit të auditimit.

    LISTEN mund ta gjeni KETU.