Author: ATVLive

Deputeti i Lidhjes Demokratike të Kosovës, Avdullah Hoti ka marrë shkas nga deklaratat e presidentes Vjosa Osmani dhe kryeministri Albin Kurti, të cilët e dënuan sulmin e paprecedentë të Iranit ndaj Izraelit mbrëmë, duke shkruar se është mungesë respekti nga Kosova ndaj këtij vendi, fakti që ende s’ka ambasador atje.

Hoti shkroi në një postim në Facebook se po ndihet keq për faktin se qe 3 vjet prej kur Kosova mori njohjen nga Izraeli, atje përfaqësohet me të ngarkuar, dhe jo ambasador shteti.

“Krerët e shtetit u kujdesën sot të dënojnë sulmet ndaj Izraelit. Kjo është me vend. Këtë e kam bërë edhe vetë në kontaktet e drejtpërdrejta me bartësit e institucioneve izraelite. Por ndihem keq për faktin se tri vite nga vendosja e marrëdhënieve diplomatike, Kosova ende nuk e ka emëruar Ambasadorin/en e Kosovës në Izrael. Kosova ende përfaqësohet në Izrael me “të ngarkuar me punë””, shkroi Hoti.

Hoti, i cili kishte qenë në Shtëpinë e Bardhë në Washington kur Kosova e kishte marrë njohjen nga Izraelit me ndërmjetësim të SHBA-së, tha se fakti që Kosova ende s’ka ambasador atje, është mungesë respekti ndaj shtetit hebre. Këtu, ai kujtoi edhe kritikat që i kishte marrë atëherë për marrëveshjen me Serbinë që e përfshinte edhe njohjen nga Izraeli.

“Kjo është mungesë respekti e krerëve të shtetit të Kosovës ndaj njohjes që na erdhi direkt nga Shtëpia e Bardhë pas vitesh mungese të njohjeve. Kjo është mungesë respekti ndaj shumë marrëveshjeve që Izraeli ka nënshkruar me Kosovën pas shkëmbimit të misioneve diplomatike në shkurt 2021”, shkroi Hoti.

“Këta që më shanin në Kuvend për një marrëveshje të nënshkruar në Shtëpinë e Bardhë, e hidhnin dyshime për validitetin e kësaj njohjeje që erdhi direkt nga Shtëpia e Bardhë, duhet të tregojnë respekt e mirënjohje pë aleatët e Kosovës. Pa ta Kosova mbetet e izoluar, pa zhvillim, pa integrime euro-atlantike”, shtoi ish-kryeministri.

Një shqiptar ishte cak i një atentari që ndodhi mbrëmë në Marbella të Spanjës.

Mediat spanjolle raportojnë se 34-vjeçari shqiptar u qëlluan me pesë plumba.

Sipas tyre, ngjarja ndodhi në qendrën tregtare Guadalmina, në Marbella (Málaga), pranë A-7, pranë qytetit kufitar të Estepona.

Ai ndodhet në spital në gjendje të rëndë shëndetësore.

Rasti po hetohet, por ende nuk është arrestuar ndonjë person.

Qendra tregtare e lartpërmendur në Marbella është kthyer në një pikë të nxehtë në pastrimin e hesapeve mes bandave në Costa del Sol.

Para kësaj, më 28 tetor të vitit të kaluar kishte ndodhur edhe një incident i armatosur.

Tre persona të armatosur dhe me kapela hapën zjarr ndaj dy personave, të cilët u plagosën.

Ata janë larguar më pas me shpejtësi nga vendi i ngjarjes me një makinë.

Automjete ushtarake nga Gjermania janë futur të shtunën në Kosovë. Në media u publikuan pamje të automjeteve duke u bartur me tren përmes linjës hekurudhore që përshkon Hanin e Elezit e Kaçanikun.

Gazeta Express mëson se bëhet fjalë për një lëvizje normale logjistike të një kontigjenti të ushtarëve gjermanë që po vijnë në Kosovë dhe se kjo s’ka të bëjë me situatën në veri.

Në tetor të vitit të kaluar, një zëdhënës i Ministrisë gjermane të Mbrojtjes pati thënë se në prill të këtij viti në Kosovë do të vinin 150 ushtarë gjermanë.

KFOR-i ka aktualisht rreth 4.500 trupa në Kosovë nga 27 shtete të NATO-s dhe shtetet partnere.

Qendra Kosovare për Rehabilitimin e të Mbijetuarve të Torturës (QKRMT), bashkë me organizatat e Platformës “Bëhu Zëri Im”, kanë organizojnë një aktivitet në shënim të 14 Prillit – Ditës Memoriale të të mbijetuarve të dhunës seksuale gjatë luftës së fundit në Kosovë, raporton Ekonomia Online.

Aktivistja dhe udhëheqësja e kësaj qendre, Feride Rushiti deklaroi se tashmë është hera e dytë e organizimeve të tilla, duke thënë se pjesë e organizimeve do jetë edhe një kampanjë mediale.

” Është pikërisht kjo ditë, kur në vitin 2019 Vasifje Krasniqi shkoi në për të kërkuar drejtësi, prilli dhe pranvera e vitit 99 për shumë nga ne që punojmë si organizata për të mbijetuarat, na kthen ngjarjet ku
padyshim që historia e re e Kosovës të shkruhet edhe me këtë plagë të luftës.
Tani është viti i dytë që po shënohet me aktivitete të ndryshme, tani me Vasfijen dhe Shyhreten, vazhdojmë ta ndërgjegjësojmë shoqërinë për këtë plagë lufte, përtej asaj sot kemi filluar një fushatë mediatike me iu ftua ku ju mund të dilni duke kërkuar drejtësi, dua të them se kësaj kampanje iu kanë bashkangjitur përveç dy heroinave tona, edhe shumë ndërkombëtar e aktivist, presidentja, kryeministri, kryetarët e komunave, një varg ministrash, andaj edhe juve si media ju ftoj ta përqafoni këtë kampanjë, në mënyre që të rrisim ndërgjegjësimin për këtë krim, i cili nuk flitet ende si shkak si stigmës paragjykuese, disa kanë vdekur pas luftës, por dëshiroj ti përgëzoj vajzat që gjejnë forcën për të vazhduar tutje”.

Përkrahje kërkoi edhe Vasfije Krasniqi, një prej të mbijetuarave të dhunës seksuale gjatë luftës së fundit në vend, e cila 14 prillin e quajti ditë të forcës.

“14 prilli është një ditë e mërzitshme por s dua ta quaj ditë e viktimës seksuale por ditë e forcës, dëshiroj që të na përkrahni jo vetëm me 14 prill por çdo ditë, dhe të jeni më vetëm hapur sepse ka më viktima të dhunës seksuale por ju nuk e dini”.

Të njejtit mendim iu bashkua edhe Shyhrete Tahiri Sulimani , e cila tha se krimet e luftës nuk duhet të harrohen.

“14 prilli është një dhimbje jo vec për mua por 20 mjë burra e gra të Kosovës, e më së shumti për motrën Vasfije, i bashkangjitem kur tha jam e fortë dhe besoj se është e fortë, ju kisha lut të na përkrahni çdo ditë se lufta e krimet nuk harrohen, ne e dimë që historia nuk vdes edhe nëse ne vdesim”.

Fabrika e mjedrave “Kastrati Shpk”, është kapluar e tëra nga zjarri sot në fshatin Kërpimeh të Podujevës.

Aty ishin të punësuara mbi 170 gra dhe merreshin me kultivimin e mjedrave.

Shkaqet që kanë çuar deri në djegien e saj ende nuk dihen. /atvlive.tv