Author: A.M.

Në fundjavën e 26 dhe 27 shtatorit do të zhvillohen disa ndeshje interesante në kuadër të basketbollit kosovar, me skuadrat që do të kërkojnë rezultate pozitive në përballjet e tyre.

Të shtunën, më 26 shtator, programi nis në ora 17:00, ku Rahoveci 029 do të përballet me Bashkimin në palestrën “Mizahir Isma”. Dy orë më vonë, në ora 19:00, Trepça do të luajë ndaj Pejës në palestrën “Minatori”.

Ndërkohë, të dielën, më 27 shtator, në ora 17:00, Vëllaznimi do të jetë nikoqir i Prishtinës në palestrën “Shani Nushi”. Programi i ditës mbyllet në ora 19:00 me ndeshjen mes Yllit dhe Borës, e cila do të zhvillohet në palestrën “13 Qershori”.

Të gjitha këto përballje pritet të sjellin rivalitet dhe atmosferë të mirë në palestrat kosovare gjatë fundjavës.

Liverpooli ka shtyrë negociatat për rinovimin e kontratës me Virgil van Dijk, ndërsa po forcohet gjithnjë e më shumë mundësia që kapiteni holandez të largohet nga klubi si lojtar i lirë në verën e vitit 2027.

Sipas Football Insider, drejtuesit e klubit nga “Anfield” kanë nisur punën për gjetjen e pasuesit të Van Dijk, me synimin për të planifikuar gradualisht ndryshimin e gjeneratës në qendër të mbrojtjes.

Van Dijk, i cili aktualisht është 35 vjeç, është në sezonin e tij të dhjetë me Liverpoolin. Kontrata e tij aktuale skadon në fund të sezonit 2026/27, kur mbrojtësi holandez do të jetë 36 vjeç.

Sipas ish-shefit të skautimit, Mick Brown, drejtuesit e Liverpoolit nuk po planifikojnë t’i ofrojnë Van Dijk një kontratë të re afatgjatë, kryesisht për shkak të moshës së tij dhe nevojës së klubit për të ristrukturuar repartin defensiv.

Edhe pse Van Dijk vazhdon të jetë titullar dhe një nga figurat kryesore të skuadrës, drejtuesit sportivë mendohet se duan të shmangin një kontratë të re afatgjatë, e cila mund të kufizonte hapësirën në buxhetin e pagave për afrimin e një qendërmbrojtësi më të ri.

Mundësia që Van Dijk të bëhet lojtar i lirë në vitin 2027 ka tërhequr interesin e disa klubeve jashtë Evropës.

Klubet e Ligës së Arabisë Saudite e kanë monitoruar situatën e mbrojtësit që nga viti 2025 dhe kanë kapacitetin financiar për t’i ofruar atij një kontratë të rëndësishme. Në të njëjtën kohë, edhe skuadra nga MLS-ja amerikane dhe Superliga turke po e ndjekin situatën dhe mund të bëjnë oferta për holandezin kur ai të hyjë në gjashtë muajt e fundit të kontratës.

Liverpooli, ndërkohë, pritet të vazhdojë kërkimet për pasuesin e Van Dijk që në afatin kalimtar të dimrit, përpara se të bëjë një investim më të madh në verën e vitit 2027 për të siguruar një qendërmbrojtës të nivelit të lartë.

Sulmuesi Vedat Muriqi është duke kaluar në një formë fantastike javëve të fundit,si me Fenerbahcen ashtu edhe me Kombëtaren e Kosovës.

Muriqi mbrenda 5 ditëve shënoi 5 gola në dy ndeshje ku së pari shënoi 4 gola për Fenerin në fitoren 8:0 kundër Eyupspor në Superligën Turke,si dhe në fitoren e dardanëve kundër Irlandës 1:0 në Ligën e Kombeve.

Përndryshe kjo formë tregon që Muriqi është një nga sulmuesit më të mirë në Evropë,dhe se sulmuesi nga Prizreni mund të shënoj edhe më shumë gola gjatë këtij sezoni në nivel klubesh dhe kombëtaresh.

Kujtojmë që Vedat Muriqi në 11 ndeshje ka shënuar 7 gola e dhuroi 2 asistime,teksa ka rastin që të shënoj edhe në tre ndeshje të rradhës të Kombëtares së Kosovës dy herë kundër Austrisë dhe ndaj Izraelit.

Atletico Madrid ka triumfuar në derbin e madh të Madridit ndaj Real Madridit me rezultatin 2-1, në kuadër të javës së shtatë të kampionatit. Ndeshja ishte tejet dramatike dhe dhuroi emocione të shumta, veçanërisht në pjesën e dytë, ku pati kthesa të papritura, penallti, karton të kuq dhe gola.

Pjesa e parë e parë u mbyll pa gola, por intensiteti dhe tensioni nuk munguan në asnjë moment në fushë. Këtë e vërtetoi më së miri edhe ndëshkimi i trajnerit të Atleticos, Diego Simeone, me karton të verdhë qysh në minutën e gjashtë të takimit, duke paralajmëruar një derbi të zjarrtë.

Pjesa e dytë solli ngjarje që ndryshuan rrjedhën e ndeshjes. Pas ndërhyrjes së sistemit VAR në minutën e 52-të, mbrojtësi i Real Madridit, Dean Huijsen, u ndëshkua direkt me karton të kuq, duke lënë skuadrën e tij me dhjetë lojtarë. Alejandro Grimaldo mori përgjegjësinë nga pika e bardhë dhe me qetësi dërgoi topin në rrjetë për 1-0. Pak minuta më vonë, në minutën e 59-të, pas një pasimi të zgjuar nga Giuliano Simeone, Jonathan David realizoi golin e dytë me një goditje të parë, duke ngritur shifrat në 2-0.

Real Madridi nuk u dorëzua dhe gjeti golin e shpresës në minutat e fundit. Në minutën e 89-të, pas një harkimi nga goditja standarde e Bernardo Silvës, Antonio Rüdiger u ngrit lart dhe me kokë ngushtoi rezultatin në 2-1, por pa mundur të shmangë humbjen.

Me këtë fitore të madhe, Atletico Madrid ngjitet në kuotën e 16 pikëve dhe pozicionohet në vendin e dytë. Nga ana tjetër, Real Madridi pëson humbjen e dytë të sezonit dhe mbetet në vendin e tretë me 15 pikë. Në krye të tabelës vazhdon të mbretërojë Barcelona me 21 pikë, duke e bërë garën për titull këtë sezon tejet interesante pas shtatë javëve të para.

Vedat Muriqi ka zhvilluar një paraqitje të jashtëzakonshme me fanellën e Fenerbahçes, duke shënuar katër gola në fitoren e thellë 7-0 ndaj Eyupsporit.

Sulmuesi kosovar e nisi festivalin e golave në minutën e shtatë, ndërsa vetëm 14 minuta më vonë realizoi edhe golin e dytë personal.

Pas golave të Matteo Guendouzit dhe İrfan Kahvecit, Fenerbahçe shkoi në pushim me epërsi 5-0.

Muriqi vazhdoi spektaklin edhe në pjesën e dytë. Në minutën e 47-të shënoi për 6-0, ndërsa vetëm tetë minuta më vonë kompletoi pokerin me një goditje me kokë.

Kosovari u zëvendësua në minutën e 69-të, pasi kishte realizuar katër gola brenda vetëm 55 minutash.

Me këto katër gola, Muriqi shkon në kuotën e gjashtë golave në elitën e futbollit turk këtë sezon.

Manchester City ka marrë një fitore spektakolare në javën e pestë të Ligës Premier, duke mposhtur Sunderlandin e Granit Xhakës me rezultat 5-3.

City e nisi fuqishëm ndeshjen, duke kaluar në epërsi në minutën e nëntë me Enzo Fernandezin. Sunderland reagoi shpejt me Brian Brobbeyn, i cili barazoi rezultatin.

Rayan Cherki riktheu epërsinë e vendasve, por Brobbey shënoi sërish për 2-2. Para pushimit, Antoine Semenyo realizoi për 3-2.

Në pjesën e dytë, Semenyo shënoi edhe një herë për 4-2, ndërsa Brobbey kompletoi het-trikun vetëm dy minuta më vonë, duke e ngushtuar rezultatin në 4-3.

Fitoren e Cityt e vulosi Erling Haaland në minutën e 81-të, duke shënuar për 5-3.

Me këtë fitore, Manchester City shkon në kuotën e 15 pikëve pas pesë javësh, ndërsa Sunderland mbetet me katër pikë në vendin e 14-të.

Liverpooli ka marrë fitoren e dytë në këtë edicion të Ligës Premier, duke mposhtur Bournemouthin me rezultat 1-0 në javën e pestë të kampionatit.

Ndeshja në “Vitality Stadium” ishte e luftuar, me pak raste të pastra në pjesën e parë. Bournemouthi iu afrua golit me Evanilsonin, ndërsa Liverpooli pati disa tentativa nga distanca.

Goli i vetëm i ndeshjes u shënua në minutën e 57-të. Alexander Isak përfitoi nga një top i kthyer pas një goditjeje të bllokuar dhe nga afërsia e dërgoi topin në rrjetë për 1-0.

Vendasit tentuan të reagonin deri në fund, por mbrojtja e Liverpoolit arriti ta ruajë epërsinë.

Me këtë fitore, Liverpooli shkon në kuotën e 9 pikëve pas pesë javësh, ndërsa Isaku shënon golin e tij të rëndësishëm për t’i dhënë skuadrës tri pikët.

Vedat Muriqi ka vazhduar formën e mirë në futbollin turk, duke shënuar për Fenerbahçen në ndeshjen ndaj Eyupsporit.

Sulmuesi kosovar realizoi në minutën e shtatë, duke dyfishuar epërsinë e Fenerbahçes. Më herët, Mason Greenwood kishte shënuar nga pika e bardhë.

Ky ishte goli i tretë i Muriqit këtë sezon në elitën e futbollit turk, duke konfirmuar rëndësinë e tij në sulmin e skuadrës së drejtuar nga Jose Mourinho.

Fenerbahçe po e fiton ndeshjen 5-0, ndërsa Muriqi vazhdon të jetë një prej lojtarëve kryesorë të skuadrës.

Ish-futbollisti brazilian i Atletico Madridit, Rodrigo Fabri, i ka bërë thirrje Endrickut të largohet nga Real Madridi nëse vazhdon të ketë kaq pak minuta në dispozicion.

Endrick, i konsideruar si një prej talenteve më të mëdha të Brazilit, po përballet me një situatë të vështirë këtë sezon. Pas rikthimit nga lëndimi, 20-vjeçari ka regjistruar vetëm katër minuta lojë.

Fabri beson se sulmuesi brazilian duhet të kërkojë një klub ku mund të luajë rregullisht dhe të vazhdojë zhvillimin e tij.

“Është shumë i ri, ka talent dhe konsiderohet një lojtar kyç për të ardhmen e Kombëtares së Brazilit. Nëse nuk merr mundësi, gjëja më e mirë për të është të shkojë te një ekip tjetër ku mund të luajë dhe të zhvillohet si futbollist”, deklaroi Fabri.

Endrick kishte humbur katër ndeshjet e para të sezonit për shkak të një lëndimi, ndërsa rikthimi i tij deri tani nuk ka sjellë minuta të konsiderueshme në fushë.

Nasser Al-Khelaifi, presidenti i Paris Saint-Germain dhe “beIN Media Group”, është vënë nën hetim paraprak në Francë për dyshime mbi një konflikt të mundshëm interesi.

Sipas prokurorisë franceze, hetimi lidhet me një takim të zhvilluar në korrik të vitit 2024 me përfaqësues të ligës franceze të futbollit, në kohën kur “beIN Sports” po negocionte për të drejtat televizive të Ligue 1.

Një ditë para takimit, “beIN Sports” kishte ofruar 100 milionë euro për transmetimin e një ndeshjeje të Ligue 1 në javë. Oferta u pranua më vonë nga liga profesioniste franceze.

Hetimi është konfirmuar nga prokuroria pas raportimit të gazetës sportive “L’Équipe”.