ATV

Tag: Policia e Kosovës

  • Vdekje e dyshimtë në Shtime, policia fillon hetimet

    Vdekje e dyshimtë në Shtime, policia fillon hetimet

    Policia e Kosovës njoftoi se një burrë është dërguar pa shenja jete, në shtëpinë e shëndetit, në Shtime.

    Sipas raportit 24-orësh të Policisë, vdekja e tij është konstatuar nga ekipi mjekësor dhe rasti po hetohet nga Policia.

    Tutje, në raportin e Policisë thuhet se me vendim të prokurorit, trupi i pajetë i viktimës thuhet se është dërguar për obduksion në Institutit e Mjekësisë Ligjore.

    “INCIDENTET KRIMINALE, HETIM MBI VDEKJEN/ Shtime 03.07.2023 – NN. Është raportuar se në shtëpinë e shëndetit në Shtime, është sjellë pa shenja jete viktima mashkull dhe vdekjen e tij e ka konstatuar ekipi mjekësor. Njësitë relevante policore kanë dalur në vendin e ngjarjes, me vendim të prokurorit, trupi i pajetë është dërguar në IML për Obduksion, rasti në procedurë hetimore“, thuhet në raportin e Policisë.

  • Plagosja e dy personave në Pejë, arrestohet i dyshuari që ishte në arrati

    Plagosja e dy personave në Pejë, arrestohet i dyshuari që ishte në arrati

    Më 13 qershor rreth orës 23:10, Policia ishte informuar se nё rrugën “Ali Pashё Gucija ” nё Pejё kishte tё shtёna me armё zjarri. Si pasojë dy persona kishin mbetur të plagosur.

    Njёri nga personat e dyshuar ishte arrestuar nga njësitet Policore, ndёrsa i dyshuari tjetёr ishte nё arrati.

    “Pas njё pune intesive tё hetuesve tё Sektorit Rajonal pёr Hetime DRP Pejё, sot me datё 03.07.2023, ёshtё identifikuar lokacioni dhe ёshtё arrestuar i dyshuari: H.D. i lindur me 1978 mashkull/Kosovar”, njofton policia.

    Pasi qё hetuesit e kanё intervistuar tё  dyshuarin nё prezencën e avokatit mbrojtës, nё konsultim me prokurorin e shtetit i njëjti ёshtё ndaluar pёr 48- orё.

  • Ngjarje e rëndë: Një grua i jep fund jetës së saj, bie nga një ndërtesë në Prishtinë

    Ngjarje e rëndë: Një grua i jep fund jetës së saj, bie nga një ndërtesë në Prishtinë

    Një ngjarje e rëndë ka ndodhur në orët e hershme të mëngjesit të sotëm në rrugën “Viktor Majer” në Prishtinë, ku një grua dyshohet se I ka dhënë fund jetës së saj.

    Lajmin për Gazetën Sinjali e ka konfirmuar zëdhënësi i Policisë së Kosovës për Rajonin e Prishtinës, Agron Borovci, i cili tha se viktima është e moshës rreth 70-vjeçare.

    Boroci deklaroi se rreth orës 05:00, është raportuar se në rrugën “Viktor Majer” në Prishtinë, një person ka rënë nga lartësia e një objekti.

    “Policia menjëherë ka dalë në vendin e ngjarjes ku ka ftuar edhe mjekët emergjent të cilët kanë konstatuar se personi, femër, rreth 70 vjeç, është pa shenja jete. Aktualisht policia ka nisur një hetim mbi vdekjen me qëllim zbardhjen e plotë të të gjitha rrethanave që karakterizojnë rastin”, tha Borovci.

  • Arrestohen gjashtë persona, shkaktuan dhunë në familje

    Arrestohen gjashtë persona, shkaktuan dhunë në familje

    Gjashtë raste të dhunës në familje janë raportuar në 24 orët e fundit, njoftoi Policia e Kosovës.

    Në raportin 24-orësh të Policisë, thuhet se rastet kanë ndodhur në Prishtinë, Fushë-Kosovë, Obiliq, Pejë, Kaçanik dhe Gjakovë.

    Tutje, bëhet e ditur se të gjithë të dyshuarit që kanë shkaktuar dhunë në familje, janë dërguar në mbajtje.

    Më poshtë gjeni rastet e plota të regjistruara në Polici: 

    Fushë Kosovë 25.06.2023 – 12:30. Është arrestuar i dyshuari mashkull kosovar për shkak se përmes telefonit ka kanosur ish-bashkëshorten e tij viktimën femër kosovare. Me vendim të prokurorit, i dyshuari pas intervistimit është dërguar në mbajtje, ndërsa viktima është dërguar tek familjarët e saj.

    Prishtinë 26.06.2023 – 12:00. Është arrestuar i dyshuari mashkull kosovar, për shkak se e kishte kanosur me fjalë ish-bashkëshorten e tij, viktimën femër kosovare me të cilën janë ndarë qe tri vjet. Deri te kanosja kishte ardhur pas një mosmarrëveshje lidhur me fëmijët e tyre. Me vendim të prokurorit i dyshuari është dërguar në mbajtje.

    Obiliq 26.06.2023 – 20:00. Është arrestuar i dyshuari mashkull kosovar nën dyshimin se pas një mosmarrëveshje ka sulmuar fizikisht viktimën femër kosovare me të cilën ka qenë duke bashkëjetuar. Viktimës i është ofruar tretman mjekësor, i është ofruar mundësia për strehim, por e njëjta ka refuzuar dhe ka shkuar tek motra e saj. Me vendim të prokurorit i dyshuari është dërguar në mbajtje.

    Kaçanik 26.06.2023 – 11:30. Është arrestuar i dyshuari mashkull kosovar, nën dyshimin se për shkak të një mosmarrëveshje kishte sulmuar fizikisht vëllain e tij, viktimën mashkull kosovar. Viktimës i është ofruar tretman mjekësor në QKMF Kaçanik, ndërsa i dyshuari pas intervistimit, në konsultim me prokurorin është dërguar në mbajtje.

    Pejë 26.06.2023 – 12:00. Është arrestuar i dyshuari mashkull kosovar, pasi ka shkaktuar dhunë në familjen e tij. Me vendim të prokurorit i dyshuari është dërguar në mbajtje.

    Gjakovë 26.06.2023 – 10:20. Është arrestuar i dyshuari mashkull kosovar, nën dyshimin se ka kryer veprën e lart-cekur ndaj ish bashkëshortes së tij, viktimës femër kosovare. Pas intervistimit me vendim të prokurorit i dyshuari është dërguar në mbajtje për 48 orë.

     

  • Kurti flet pas lirimit të tre policëve të rrëmbyer nga Serbia: Shkelja e Serbisë duhet qortuar

    Kurti flet pas lirimit të tre policëve të rrëmbyer nga Serbia: Shkelja e Serbisë duhet qortuar

    Kryeministri i vendit, Albin Kurti, derisa ka konfirmuar lirimin e tre policëve të Kosovës, të rrëmbyer nga Serbia, ai ka thënë se Serbia duhet të mbajë përgjegjësi.

    Kurti ka shkruar se ky rrëmbim konsiston me një shkelje të rëndë të të drejtave të njeriut dhe si i tillë duhet qortuar.

    “Konfirmojmë se 3 policët e rrëmbyer janë liruar. Edhe pse jemi të gëzuar që ata kthehen në familjet e tyre, ky rrëmbim konsiston në një shkelje të rëndë të të drejtave të njeriut dhe duhet qortuar. Agresioni serb duhet të mbajë përgjegjësi”, ka shkruar Kurti.

    Më 14 qershor, tre policë kufitar të Kosovës ishin rrëmbyer nga forcat serbe, brenda territorit të vendit tonë.

    Lirohen tre policët e rrëmbyer nga Serbia

  • Serbët protestojnë edhe sot në Graçanicë, bllokohet përkohësisht rruga Prishtinë-Gjilan

    Serbët protestojnë edhe sot në Graçanicë, bllokohet përkohësisht rruga Prishtinë-Gjilan

    Policia e Kosovës ka njoftuar se përkohësisht do të bllokohet rruga Prishtinë-Gjilan, për shkak të protestës që është paralajmëruar nga serbët sot në Graçanicë.

    Policia njofton se do ta ridrejtojë trafikun në këtë pjesë deri në përfundim të protestës.

    “Me qëllim të mbarëvajtjes së protestës së paralajmëruar, që do të mbahet sot në Graçanicë, duke filluar nga ora 11:30 e deri në përfundim të protestës, do të ridrejtoj trafikun për automjetet që qarkullojnë nga Prishtina në Gjilan dhe anasjelltas. Rruga kryesore në Graçanicë nuk do të jetë e qarkullueshme për trafik deri në përfundim të protestës. Andaj për të përballuar sa më lehtë rrethanat që do të paraqiten në qarkullimin rrugor, kërkojmë ndihmën dhe mirëkuptimin e të gjithë pjesëmarrësve në trafik”, thuhet në njoftim e policisë.

    Serbët kanë protestuar edhe gjatë ditës së djeshme në Graçanicë, pas arrestimit të Dragisha Millenkoviq i cili dyshohet për krimet e kryera gjatë periudhës së luftës në Kosovë.

    Ndryshe, Prokuroria Speciale e Republikës së Kosovës ka bërë kërkesë për caktimin e masës së paraburgimit pranë Departamentit Special të Gjykatës Themelore në Prishtinë, ndaj Dragisha Millenkoviqin, i cili u arrestua dje në Graçanicë, nën dyshimin për krime lufte kundër popullsisë civile gjatë periudhës së luftës në Kosovë 1998-1999.

  • Gjendet pa shenja jete një person në Viti

    Gjendet pa shenja jete një person në Viti

    Një person është gjetur pa shenja jete në Viti, të mërkurën e kësaj jave, njoftoi Policia e Kosovës.

    Në raportin 24-orësh të Policisë thuhet se për vdekjen në fjalë ishin lajmëruar nga një familjar i viktimës.

    “Njësitet relevante dhe ekipi mjekësor kanë dalë në vendin e ngjarjes ku është konstatuar vdekja e viktimës”, thuhet në raport.

    Tutje, Policia njoftoi se me vendim të prokurorit, trupi i pajetë i viktimës është dërguar në Institutin e Mjekësisë Ligjore, për obduksion.

  • Nëntë raste të dhunës në familje raportohen në 24 orët e fundit

    Nëntë raste të dhunës në familje raportohen në 24 orët e fundit

    Nëntë raste të dhunës në familje janë raportuar gjatë 24 orëve të fundit, njoftoi Policia e Kosovës.

    Në raportin 24-orësh të Policisë thuhet se rastet kanë ndodhur në Obiliq, Prishtinë, Viti, Drenas, Prizren, Pejë dhe Rahovec.

    Obiliq 21.06.2023 – 09:29. Viktima femër kosovare ka raportuar se i dyshuari mashkull kosovar në vazhdimësi është duke ushtuar dhunë ndaj saj. I dyshuari me vendim të prokurorit është dërguar për tretman mjekësor psikiatrik. Rasti në procedurë hetimore.

    Prishtinë 21.06.2023-19:00. Ankuesi mashkull kosovar ka raportuar se pas një mosmarrëveshje verbale është kanosur nga i dyshuari mashkull kosovar. I dyshuari është arrestuar dhe pas intervistimit me vendim të prokurorit është dërguar në mbajtje.

    Obiliq 21.06.2023 – 15:55. Është arrestuar i dyshuari mashkull kosovar për arsye se dyshohet se kishte sulmuar fizikisht viktimën femër kosovare duke i shkaktuar lëndime trupore. Viktima ka pranuar trajtim mjekësor, ndërsa i dyshuari pas intervistimit me vendim të prokurorit është dërguar në mbajtje.

    Gllogoc 21.06.2023 – 21:11. Është arrestuar i dyshuari mashkull kosovar pasi dyshohet se kishte kanosur viktimën mashkull kosovar. Me vendim të prokurorit i dyshuari pas intervistimit është dërguar në mbajtje.

    Viti 21.06.2023 – 08:30. Është arrestuar i dyshuari mashkull kosovar pasi dyshohet se pas një mosmarrëveshje e ka sulmuar fizikisht viktimën mashkull kosovar duke shkaktuar lëndime të lehta trupore. Me vendim të prokurorit i dyshuari është pas intervistimit është dërguar në mbajtje.

    Prizren 21.06.2023 – 10:00. Viktima femër kosovare ka raportuar se i dyshuari mashkull kosovar në vazhdimësi është duke ushtruar dhunë ndaj saj. Palët janë intervistuar dhe me vendim të prokurorit rasti në procedurë të rregullt hetimore.

    Pejë 19.06.2023 – 00:02. Është arrestuar i dyshuari mashkull kosovar pasi dyshohet se e kishte sulmuar fizikisht viktimën femër kosovare e cila si pasojë e dhunës ka pësuar lëndime dhe ka pranuar tretman mjekësor. I dyshuari me vendim të prokurorit është dërguar në mbajtje.

    Pejë 21.06.2023 – 14:30. Janë arrestuar dy të dyshuar meshkuj kosovarë pasi që të njëjtit pas një mosmarrëveshje janë rrahur mes veti ku njëri prej tyre ka pësuar lëndime trupore dhe ka pranuar tretman mjekësor. Të njëjtit janë intervistuar dhe me vendim të prokurorit, njëri prej tyre është liruar ndërsa i dyshuari tjetër është dërguar në mbajtje.

    Rahovec 21.06.2023 – 13:30. Është arrestuar i dyshuari mashkull kosovar për shkak të dyshimit se kishte ushtruar dhunë ndaj viktimës femër kosovare. I dyshuari kishte qenë në ndikim të alkoolit, ndërsa me vendim të prokurorit i njejti është dërguar në mbajtje.

     

     

  • Arrestohet personi që sulmoi ekipin e RTK-së

    Arrestohet personi që sulmoi ekipin e RTK-së

    Është arrestuar personi që dyshohet se e ka sulmuar kameramanin e RTK-së, Bardh Bekteshi, njoftoi Policia e Kosovës.

    “Sot, në orët e hershme të mëngjesit është arrestuar i dyshuari i radhës mashkull serb U.V., me vendbanim në një fshat të komunës së Leposaviqit, i dyshuar për përfshirje në një rast sulm ndaj mediave/gazetarëve. Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, thuhet në komunikatën e Policisë.

    Bekteshi u sulmua të premten në Leposaviq nga persona të maskuar.

    Të premten pati tensione pas vizitës së ministrit të Administrimit të Pushtetit Lokal, Elbert Krasniqi, te kryetari i Leposaviqit, Lulzim Hetemi.

    Pas këtij sulmi, ka reaguar Asociacioni i Gazetarëve të Kosovës, duke kërkuar me urgjencë që t’u ofrohet siguri gazetarëve që po raportojnë nga atje.

    Rasti i sulmit ndaj kameramanit nuk ishte i vetmi, pasi pati edhe gazetarë të tjerë që u sulmuan nga persona të maskuar.

     

  • Ushtroi dhunë fizike ndaj bashkëshortes, arrestohet një burrë në Ferizaj

    Ushtroi dhunë fizike ndaj bashkëshortes, arrestohet një burrë në Ferizaj

    Një person është arrestuar dje në Ferizaj, nën dyshimin se ka kryer veprën penale “Dhunë në familje”.

    Policia njoftoi se ai dyshohet se ka ushtruar dhunë fizike ndaj bashkëshortes së tij.

    “Ferizaj, 15.06.2023 – 15:43. Është arrestuar i dyshuari mashkull kosovar, pasi që ka ushtruar dhunë fizike ndaj bashkëshortes së tij viktimës femër kosovare. Viktima ka refuzuar tretmanin mjekësor”, thuhet në raportin e Policisë.

    Tutje bëhet e ditur se me vendim të prokurorit, i dyshuari është dërguar në mbajtje./atvlive.tv/