Artisti dhe Dj shumë i dashur për publikun Pajtim Krasniqi, apo siç njihet me emrin e tij të skenës Dj PM, në emisionin “LIBERO” rrëfeu për jetën e tij profesionale dhe personale.
Dj PM tregoi se ishte adhurues i madh i futbollit që nga fëmijëria, e sidomos i ekipit të “Milanos” dhe që e kishte dëshirë gjithmonë të shkonte në stadium ta shikonte performancën e tyre.
‘’…Gjithmonë kam thënë se a mundem me mbërri ndonjëherë të shkoj dhe me punë faleminderit Zotit, arrita që të shkojë në Itali me e pa ekipin e zemrës direkt dhe ka qenë një ndër eksperiencat më të mira që kam përjetuar”, tha ai.
Ndërkaq ai ndau dhe faktin që ishte mjaft i emocionuar dhe qau në stadium.
“Po më vjen marre më thonë, po kam qajtë, në atë lojë ka humb, por e kam shijuar pjesën e tifozëve, ajo pjesë më ka interesuar më shumë”, shtoi Dj PM.
Mes tjerash, ai pret që ekipi i tij i zemrës të shkoj drejt finales së UEFA Champions League.
Për të shikuar emisionin e plotë, klikoni në linkun më poshtë:
Të hënën në ‘’LIBERO” në një intervistë të veçantë ishte i ftuar artisti Pajtim Krasniqi apo siç njihet me emrin e tij skenik Dj PM.
Dj PM është një ndër Dj më të preferuar të jetës së natës në kryeqytet dhe mbarë shqiptarinë. Ai ishte pjesë e Big Brother Vip Albania vitin e kaluar, ku krijoi një lidhje dashurie me Sarah Berisha, blogere nga Shqipëria.
Kur u pyet në “LIBERO” se “nëse Sarah nuk do pranonte të jetonte në Kosovë, çfarë do të bëje?, përgjigja e tij ishte befasuese.
“Më ke zënë ngushtë, unë shpesh herë i them Sarahës…a shkojmë të jetojmë jashtë vendit, nëse është mundësia, kjo kuptohet pas disa viteve, por sa i përket kësaj duhet të gjejmë një gjuhë të përbashkët, dashuria triumfon në fund”, tha ai.
Mes tjerash, Pajtimi përmendi dhe në një lloj mënyre traditën shqiptare ku gruaja duhet të jetoj tek bashkëshorti.
Por, në fund ai tha se nuk mund të linte punën dhe të jetonte në Tiranë, por as nuk do t’i bënte presion Sarahs që të vinte në Kosovë.
Për ta shikuar emisionin e plotë, klikoni në linkun e mëposhtëm:
Infermierja e njohur nga Arabia, por që jeton në Kosovë Nura Alkhazali ishte e ftuar të premten në “LIBERO”, në një rrëfim të veçantë, e të cilën jeta e ka përballur me sfida të ndryshme.
Nura ka lindur në Arabi, pasi që babai i saj ishte me origjinë arabe dhe nëna nga Prishtina.
Mirëpo, pas divorcit të prindërve infermierja, u detyrua që të rikthehej në Prishtinë bashkë me nënën, motrat dhe vëllezërit e saj që t’ia fillojnë nga e para.
“… Ka qenë një ditë që ne kemi vendosë të shkojmë në Arabi, pas shumë viteve që u divorcuan prindërit. Nëna vendosi që të shkoj në dasmën e vëllait, se vëllai është martuar me një vajzë Arabe dhe kjo ka qenë dita më e lumtur ndonjëherë në jetë që ne si fëmijë e kemi përjetuar. Ku e kemi shijuar festën me prezencën e dy prindërve së bashku me nënën dhe babain… Ka qenë momenti i paharruar ku ata kanë vallëzuar së bashku dhe unë e di që kjo natë kurrë nuk do të harrohet…”, shprehet Nura.
Ndërkohë, ajo përmendi rastin kur prindërit e saj kanë ndërruar jetë, ku nëna e saj vdiq dy javë pas babait se nuk e përballoi dot vdekjen e tij.
“…Babi kishte sëmundjen e kancerit, ai për gjashtë muaj ndërroi jetë. Pas një kohe nëna e ndjente veten që diçka është duke ndodhur në shtëpi edhe pse nëna ishte gjithashtu me sëmundjen e kancerit. Por, në fund ia ndjeu zemra që babi ka ndërruar jetë dhe tha që ‘po më duket erdh me më marrë”, tha ajo.
Ndërsa, ajo përmendi edhe raste të tjera kur ishte ndjerë e bullizuar në shkollë si fëmijë, në Prishtinë.
“ … Unë prej nxënësve në shkollë kam qenë e bullizuar, për shkak të ngjyrës së trupi që e kam pasur më të zezë dhe prejardhjen që e kam nga Arabia”, theksoi Nura Alkhazali.
Kujtojmë, se sipas një studimi që është bërë në shkurt të këtij viti nga ‘Pyper’, thuhet se prej të gjitha institucioneve arsimore, pjesëmarrësit konsiderojnë se dukuria e bullizmit më së shumti është e pranishme në shkollat e mesme (58.31%) dhe shkollat fillore (31.94%) si dhe në një përqindje më të vogël në universitet/kolegj (4.37%).
Për ta shikuar emisionin e plotë, klikoni në linkun e mëposhtëm:
Fleura Shkëmbi, hipnoterapistja dhe psikologia e njohur nga Tirana ishe e ftuara speciale në emisionin LIBERO.
Fleura foli për shumë aspekte jetësore, për të cilat edhe dha këshilla.
Por, njëra ndër çështjet që diskutohet mjaft dhe është prezente është (edhe) xhelozia mes partnerëve.
A është xhelozia sëmundje e cila duhet të trajtohet nga psikologu?
Çështjen e xhelozisë mes çifteve, hipnoterapistja e konsideroi si të rrezikshme, pasi që është arsyeja e shumë dhunimeve dhe vrasjeve të femrave.
“Nëse ka xhelozi patologjike, personi ka nevojë të trajtohet dhe të marr ilaçe nga psikiatri (patjetër), kjo mund të na dërgoj në degjenerim të situatës sepse kemi raste ku janë dhunuar dhe vrarë shumë femra duke e mbuluar në emër të xhelozisë”, potencoi Flaura.
Xhelozia jo patologjike mund të zgjidhet përmes komunikimit, e me këtë pajtohet dhe hipnoterapistja duke thënë se problemet më të mëdha mes çifteve janë nga mungesa e komunikimit.
Mes tjerash, Flaura diskutoi dhe për dashurinë e obsesionin, madhështinë e tyre dhe dallimin të cilin duhemi ta dimë gjithsesi.
“…Dashuria është nivel më i bukur dhe madhështor, kur e dua personin pa kushte, e dua që të rritet dhe të jetë me mua për gjithë jetën, duke mos pasur frikën që do të largohet”, tha ajo.
Ndërkaq që obsesioni është fazë kur humbet kontrolli i ndjenjave ndaj objektit apo personit së obsesionuar.
“Obsesioni është frika se personi do më iki, e nëse ik objekti i dashurisë atëherë unë do të vuaj…Nuk e bënë për ty që u largove e bënë për vetën e vetë”, shtoi Flaura.
Kujtojmë se, dashuria obsesive mund të jetë shenjë e një gjendjeje të rëndë të shëndetit mendor.
Për ta shikuar emisionin e plotë, klikoni në linkun e mëposhtëm:
Parlamenti Evropian miratoi vendimin për liberalizimin e vizave për qytetarët e Kosovës, e një ditë më vonë u nënshkrua edhe akti ligjor që e vendos Kosovën në listën e shteteve që mund të lëvizin pa vizë në zonën Schengen.
Duke qenë se Kosova vazhdon të mbetet vendi me numrin më të lartë të papunësisë, për të diskutuar se a do të ndikojë liberalizimi i vizave akoma më shumë në këtë aspekt, të hënën në “LIBERO” ishin të ftuar: Lulzim Rafuna – Kryetar i Odës Ekonomike të Kosovës, Jusuf Azemi – Kryetar i Sindikatës së Pavarur të Sektorit Privat dhe Besim Gollopeni – Sociolog.
Azemi për sa i takon ndikimit të liberalizimit në aspektin e punës, u shpreh se do të bëhet një dëm shumë i madh, duke qenë se punëtorët e kualifikuar veçse po ikin.
“…Edhe pa liberalizim vërehet mungesa e punëtorëve të kualifikuar. Do të kemi një treg të shpërfillur, e gjithë kjo po vjen sepse nuk kemi ditur t’i trajtojmë punëtorët si duhet…”, theksoi ai.
Ndërkohë, Gallopeni gjithashtu tha se në aspektin social dhe ekonomik, ndërmarrjet do të kenë gjithnjë e më shumë probleme me fuqinë punëtore.
“…Të rinjtë gjithnjë kërkojnë një jetë më të mirë, shërbime më të mira, kërkojnë kushte më të mira për banim, për shkollim, për shëndetësi, për mirëqenie më të mirë për veten dhe fëmijët, prandaj edhe ikin…”, deklaroi sociologu.
Ndërsa, për ta parandaluar këtë ndikim të liberalizimit në aspektin e punës, Kryetari i Odës Ekonomike të Kosovës Lulzim Rafuna, alarmoi duke thënë se duhet një strategji urgjente.
“…Ekzekutivi duhet të ketë strategji. Ne ende nuk e kemi të lidhur shkollimin me kërkesat e tregut. Na nevojitet me urgjencë një strategji se si t’i parandalojmë dhe t’i kthejmë ata që kanë migruar sepse ne asetin më të mirë që e kemi pasur deri më sot është rinia…”, deklaroi Rafuna.
Vlen të theksohet se mundësimi i udhëtimeve pa viza vlen vetëm deri në 90 ditë brenda 6 muajsh – në cilindo nga shtetet anëtare të zonës Schengen, megjithëse kjo marrëveshje nuk përfshin leje pune apo mundësi për të jetuar në një nga shtetet.
Për ta shikuar emisionin e plotë, klikoni në linkun e mëposhtëm:
Shpesh herë ne mendojmë që mësimet mbarojnë sapo të mbarojmë shkollat a po universitetet, por kjo qëndron, sepse mësimi është një proces që nuk mbaron kurrë.
Për të diskutuar rreth çështjes se sa është e nevojshme dhe e dobishme të mësuarit gjatë gjithë jetës, të hënën në “LIBERO” ishin të ftuar: Ismet Potera- Drejtor i Institutit Pedologjik të Kosovës, Arbnore Bicaj- Profesoreshë dhe Jeton Brajshori- Sociolog.
Sociologu Jeton Brajshori tha se vetëm studimet themelore nuk na mjaftojnë dhe sa më shumë që mësojmë, do ta shohim se kemi nevojë të dimë akoma më shumë.
“Duhet të jemi më fleksibil, të mos ndalemi asnjëherë dhe të mësojmë vazhdimisht…Çdo mësim i ri na bën më të fortë”, u shpreh Brajshori.
Ndërkohë, shumë hulumtime psikologjike tregojnë se të rriturit kanë më shumë interesim për të mësuar gjëra të reja, në krahasim me fëmijët, e për këtë çështje, Ismet Potera potencoi që fëmijët kufizohen nga sistemet mësimore.
“Të rriturit kanë një qëllim se pse duhet të mësojnë diçka të re, kurse fëmijët jo, ata janë pjesë e sistemit dhe ashtu siç i orienton sistemi ata mësojnë”, tha Potera.
Mes tjerash, sa i përket teknologjisë dhe nevojës që personat në moshë më të shtyrë të mësojnë përdorimin e tyre, përfshirë dhe mësimdhënësit, profesoresha tha se ekziston një lloj frike nga ta.
“Ekziston një lloj frike ndaj gjërave të reja dhe ndryshimit, për të mësuar në vazhdimësi duhet të ballafaqohemi me ndryshime, po i referohem një periudhe personale kur mësimdhënësit e Kosovës iu nënshtruan një programi për rikualifikim, e kam pa një pa siguri dhe hezitim të tyre për të vazhduar të zhvillohen, kanë qenë shumë të konservuar në një model të stërvjetëruar të mësimdhënies”, potencoi Bicaj.
Ndërkaq, u diskutua dhe për mendimin kritik dhe se si shkollat në vendin tonë nuk e zhvillojnë pothuajse fare kureshtjen dhe të menduarit kritik tek nxënësit, e në lidhje me këtë pedagogu tha se ligjërimet e monotonshme nuk zhvillojnë të menduar kritik, e që duhet të ketë më shumë interaktivitet dhe të kërkohet argumentim nga nxënësit.
Kujtojmë se psikologët thonë se njerëzit nuk mësojnë vetëm në shkollë, ata mësojnë në punë, shoqëri dhe madje duke bërë detyra të thjeshta të shtëpisë.
Për ta shikuar emisionin e plotë, klikoni në linkun e mëposhtëm:
Këngëtari i njohur nga qyteti i Ferizajt, Mentor Haziri ka folur për herë të parë publikisht në “LIBERO” për albumin e tij të ri i cili titullohet ‘Zani’, si dhe për gjithë karrierën e tij të bujshme ndër vite, i cili ka bërë publikun e çdo moshe për vete me çdo këngë të tij.
Këngëtari ka treguar që deri më sot ka realizuar vetëm një album personal.
“Është përmbushje për shkak se është rikthim tek rrënjët tona. Ka të bëjë me mitologjinë shqiptare, me historinë tonë, me malësinë, me gegërishten dhe kjo ka qenë edhe qëllim që me e rikthye muzikën tonë që e kemi me shumë lule për brenda, por që fatkeqësisht shumica i këndojnë dhe i përziejnë në ritme të tjera…”, u shpreh Mentori.
Vlen të theksohet se këngëtari Mentor Haziri, tha se i gjithë ky album është bërë që ta rikthej muzikën tek rrënjët tona, e për të ri-sjell traditat.
“Zani është një lloj prezantimi për të gjithë këtë mëhallë të këngëve shqiptare…”, tha ai.
Ndryshe, ai është një ndër të paktët këngëtarë që ka mbijetuar edhe pa bërë këngë komerciale.
Për të shikuar emisionin e plotë, klikoni në linkun më poshtë:
Deputeti nga radhët e Aleancës për Ardhmërinë e Kosovës (AAK), Besnik Tahiri ishte i ftuar të premten në emisionin “LIBERO”, ku rrëfeu shumë të pathëna për sa i takon jetës personale, duke mos anashkaluar as jetën politike.
Në lidhje me politikën, ai befasoi kur tha se shpeshherë e ka tjetërsuar si person.
“…Politika të ndryshon, të qorron. Ajo është si droga, e sheh që po të bën dëm dhe vazhdon ta konsumosh…”, potencoi Tahiri.
Gjithashtu, ai foli edhe për liderin e tij partiak, Ramush Haradinaj, për të cilin tha se ka mësuar shumë gjëra për sa i takon politikës.
“…Prej tij e kam mësuar se për ta arritur një qëllim duhet të kesh konsistencë, qëndrueshmëri në qëllimet tua profesionale politike. E kam mësuar se pa sakrificë suksesi i shpejt, përfundon shpejt…”, theksoi Tahiri.
Për ta dëgjuar intervistën e plotë, klikoni në linkun e mëposhtëm:
Astrologia Laura Bilalli pasionin e saj për yjet, galaktikën e universin e ka kthyer edhe në profesion, madje edhe duke studiuar për këtë gjë në universitetin e Los Angeles.
Të premten, ishte e ftuar në emisionin “LIBERO”, ku sqaroi diçka shumë të rëndësishme për sa i takon astrologjisë – profesion i cili nganjëherë (edhe) keqkuptohet.
“…Astrologjia është shkencë (te ne nuk e kuptojnë këtë gjë), astrologjia nuk është fall. Parashikimet bëhen në bazë të rrotullimit të planetëve dhe yjeve… Është një pyetje e thjeshtë ‘Kush i krijoi yjet dhe planetët’?… Aty mund ta kuptosh se qëllimi nuk është që t’i largosh njerëzit nga besimi i tyre…”, deklaroi ajo.
Bilalli gjithashtu potencoi se pavarësisht të gjithave, as në astrologji nuk është gjithçka 100% e vërtetë, sepse ka ndikim edhe energjia.
Vlen të potencohet se sipas “PsychologyToday”, pavarësisht se nuk ka prova se astrologjia mund të parashikojë me saktësi të ardhmen e një personi, shumë njerëz besojnë në të.
Sipas studimeve, njerëzit që janë narcistë kanë më shumë gjasa të besojnë në astrologji.
Për ta shikuar emisionin e plotë, klikoni në linkun e mëposhtëm:
Astrologia e njohur kosovare Laura Bilalli, ishte e ftuar të premten në emisionin “LIBERO”.
Duke qenë astrologe e njohur dhe ndër të paktat në Kosovë, ajo tha se ka klientë të shumtë, por befasoi kur potencoi se 80 për qind e atyre që shikojnë astrologjinë (tek ajo) janë meshkuj, dhe 50 për qind nga ta kërkojnë të dinë më shumë rreth dashurisë.
“…Më së shumti pyesin për pjesën personale se çka ka me ndodhë në të ardhmen. 80 për qind të klientëve i kam meshkuj dhe 20 për qind femra… Diçka tjetër interesante është se femrat pyesin për punë, familje dhe për dashurinë, ndërsa 50 për qind e meshkujve pyesin vetëm për dashurinë, nuk ju intereson as pjesa e karrierës…”, deklaroi ajo.
Ndërkohë, për sa i takon vitit 2023, ajo tha se do të jetë një vit i mirë, duke qenë se Saturni që njihet si planet i fatkeqësive është larguar.
Për ta shikuar emisionin e plotë, klikoni në linkun e mëposhtëm:
