ATV

Tag: #libero #atv

  • Ministria e Arsimit në LIBERO jep të gjitha informacionet për testin e maturës, ja çfarë duhet të dini

    Ministria e Arsimit në LIBERO jep të gjitha informacionet për testin e maturës, ja çfarë duhet të dini

    Ministria e Arsimit, Shkencës, Teknologjisë dhe Inovacionit (MASHTI), për herë të parë ka lansuar në platformën e-Kosova paraqitjen e provimit të maturës. Mbi 18 mijë maturantë do t’i nënshtrohen më 22 qershor testit të vlefshëm për ta siguruar të drejtën e aplikimit për studime universitare.

    Ndërkohë që rreth 3 mijë nxënës kanë mbetur jashtë testit të maturës, dhe në lidhje me këtë, Fatmir Elezi – Shef i Divizionit për Vlerësim në Ministrinë e Arsimit dha arsyet se pse ndodhi kjo!

    “…Një numër i nxënësve nuk ka interesim për të hyrë në maturë (sidomos nga shkollat profesionale)… Nxënës të rregullt (që e mbarojnë klasën e 12-të) i kemi diku  20 mijë e 500 maturantë, ka disa që kanë mbetë prej viteve të kaluara. Nëpërmjet platformës e-Kosova kanë hy për të paraqitur provimin diku 19 mijë e 149 nxënës dhe 18 mijë e 648 janë të verifikuar nga shkollat…”, deklaroi Elezi nga MASHTI.

    Gjithashtu, ai njoftoi se të gjithë nxënësit të cilët ende nuk kanë aplikuar (për shkak të vështirësive teknike), do të mund të aplikojnë.

    “…Do t’i shtijmë me metodën e vjetër dhe ju krijojmë llogari më vonë. Do të thotë, nxënësit nuk do të mbesin pa hyrë në maturë për shkak të platformës e-Kosova…”, theksoi Elezi.

    Po ashtu ai njoftoi të gjithë nxënësit se këtë vit ata nuk do të lejohen (as) të posedojnë telefonë e lëre më ta përdorin. Vlen të ceket se këtë vit, për ta penguar kopjimin në Testin e Maturës Shtetërore, maturantët do të shpërndahen nëpër objekte të shkollave të ndryshme.

    Për të marrë më shumë informacione rreth kësaj teme, mund ta ndiqni tërësisht emisionin “LIBERO”, në linkun e mëposhtëm:

     

  • Pas vdekjes së djalit 32 vjeçar nga kanceri, kjo është gruaja që hapi fondacion dhe po i ndihmon të prekurit me të njëjtën sëmundje

    Pas vdekjes së djalit 32 vjeçar nga kanceri, kjo është gruaja që hapi fondacion dhe po i ndihmon të prekurit me të njëjtën sëmundje

    Shemsije Ibrahimi ka themeluar fondacionin “Arbër Ibrahimi” pas vdekjes së djalit të saj 32 vjeçar, i cili e humbi betejën kundër kancerit.

    Këtë fondacion ajo e themeloi me qëllimin që t’iu ndihmojë njerëzve që përballen me sfidat e kancerit dhe për të diskutuar për këtë çështje, në LIBERO ishte e ftuar Shemsije Ibrahimi, e cila tha se fondacionin e ka themeluar për hir të djalit të saj Arbërit dhe dëshirës së tij për t’iu ndihmuar njerëzve.

    “…Fondacioni u formua menjëherë pasi e kam përcjellë Arbërin, pas dy javësh… m’u duke që s’po e përmbushi atë dëshirën e Arbërit me ju ndihmu njerëzvee… Ju kam ndihmu disa njerëzve…”, theksoi Ibrahimi.

    Shemsije Ibrahimi bëri thirrje edhe nëpërmjet emisionit që kushdo që e ka mundësinë ta ndihmojë Fondacionin ta bëjë një gjë të tillë, për t’i ndihmuar më pas të gjithë ata që vuajnë nga sëmundja e kancerit.

    Për ta dëgjuar intervistën e plotë nga Shemsije Ibrahimi, klikoni në linkun e mëposhtëm:

  • Ekskluzive: Filmi i parë shqiptar i vetëm në Hollywood “Mundije”, do të shfaqet në kinema në muajin maj

    Ekskluzive: Filmi i parë shqiptar i vetëm në Hollywood “Mundije”, do të shfaqet në kinema në muajin maj

    Producenti i filmit Fatmir Bardhoci, ishte i ftuar në emisionin “LIBERO” dhe rrëfeu prapaskenat e filmit “MUNDIJE” – projekti i parë shqiptar që u xhirua në Hollywood.

    Ky film sipas producentit Bardhoci ka lidhje me historinë e fshirë të popullit shqiptar dhe xhirimet e këtij filmi krahas në Amerikë, u realizuan edhe në Shqipëri e Kosovë.

    Ekskluzivisht në Libero ai tha se filmi do të shfaqet në kinema, në muajin maj.

    “…Besoj se do të arrijmë në maj që ta kemi (filmin) në përfundim të plotë…”, deklaroi Bardhoci.

    Vlen të theksohet se në filmin “Mundije” do të luajnë aktorë të mëdhenj botërorë si Michael Pare, Eugenia Kuzmina, e gjithashtu edhe James Bond i cili luan rolin e Joe Biden.

    Për ta dëgjuar intervistën e plotë nga Fatmir Bardhoci, klikoni në linkun e mëposhtëm:

  • “Gabim në Protokoll…” – Reagon kryetari Ferit Idrizi, pasi Kryeministri Kurti nuk e ftoi në përurimin e rrugës në Vushtrri

    “Gabim në Protokoll…” – Reagon kryetari Ferit Idrizi, pasi Kryeministri Kurti nuk e ftoi në përurimin e rrugës në Vushtrri

    U promovua autostrada Prishtinë  – Mitrovicë, aksi prej Stanocit deri te Gojëbula në Vushtrri, ku në këtë promovim ishte i pranishëm kryeministri Albin Kurti, ndërkohë që nuk ishte i ftuar kryetari i komunës së Vushtrrisë, Ferit Idrizi.

    E në lidhje me këtë, Idrizi ishte optimist dhe po e cilësonte gabim në protokoll, ani pse ftesën tha se e ka pritur.

    “…Ndoshta ka qenë ndonjë gabim në protokoll, nuk e besoj që e kish lanë kryeministri pa më ftu… Ftesë nuk kam pasë… Unë mora vesh më herët se do të jetë promovimi dhe e prita ftesën por nuk e mora…”, theksoi ai.

    Vlen të theksohet që në fund të vitit të kaluar, në prani të shumë personaliteteve, afaristëve e qytetarëve nga Vushtrria, u përurua “Shtëpia e qëndrimit ditor për të moshuar” e ndërtuar në bashkëfinancim mes Komunës së Vushtrrisë dhe Shoqatës Bamirëse “Jetimat e Ballkanit”.

    Për ta dëgjuar intervistën e plotë të Ferit Idrizit, klikoni në linkun e mëposhtëm:

  • Prindër këto gabimet duhet t’i shmangni menjëherë – pasojat te fëmijët mund të jenë të përhershme

    Prindër këto gabimet duhet t’i shmangni menjëherë – pasojat te fëmijët mund të jenë të përhershme

    Ani pse prindërimi është një proces evolucionar, gabimet që bëjnë prindërit gjatë rritjes së fëmijëve nuk duhet anashkaluar, meqenëse plagët emocionale të shkaktuara gjatë fëmijërisë mund të mbeten edhe në moshë madhore duke ndikuar në shëndetin e përgjithshëm mendor.

    Në emisionin “LIBERO” ishte e ftuar psikologia Mimoza Shahini, e cila diskutoi për sa i takon gabimeve që bëjnë prindërit në raport me fëmijët.

    “…Në edukimin, prindërimin  – në çdo gjë që ne i ofrojmë fëmijës duhet të kemi kufij. P.sh një nënë që e mbron fëmijën nga çdo gjë e bën atë parazit, e bën të paaftë që të zgjidhi problemet e veta…Edhe dashuria e tepërt (edhe për ne të rriturit) bëhet e mërzitshme…”, theksoi psikologia.

    Gjithashtu, ajo përmendi edhe kritikën dhe krahasimin si probleme të  prindërimit, duke theksuar se gabimi i prindërve është gjeneralizimi i kritikave në tërësi dhe jo në raport me problemin specifik.

    “…Prindërit kur kritikojnë, e kritikojnë fëmijën në përgjithësi, nuk janë specifik në gabimin që e ka bërë fëmija, pra nëse e ka thyer gotën i thonë “fëmijë i keq je ti, gjithmonë të kam thënë bëj kujdes” në këtë rast nuk është kritikë por nënçmim i fëmijës. Kur bëjnë kritikë duhet të jenë të fokusuar në atë çfarë ka ndodhur…”, potencoi psikologia, derisa theksoi se kritikat ndaj fëmijës nuk duhet të jenë publike, por në një mjedis komfort, në mënyrë që fëmija ta kuptoj se çfarë ka ndodhur dhe jo të mërzitet dhe shqetësohet për problemin.

    Vlen të theksohet se disa nga gabimet që bëjnë prindërit në raport me fëmijët dhe që përmenden edhe te “Psychology Today” janë: Mundësitë e tepërta, Urdhrat, Kritika dhe Krahasimi, Neglizhimi, Paqëndrueshmëria dhe Mos vendosja e kufijve.

    Për të marrë informacione të detajuara në lidhje me këtë temë, klikoni në linkun e mëposhtëm:

  • Divorci – mjet shpëtimi për fëmijët që shohin skena dhune

    Divorci – mjet shpëtimi për fëmijët që shohin skena dhune

    Divorci, si një fenomen social po ndodhë rëndom në ditët e sotme. Është një ndër temat që shpesh herë është i pranishëm në diskutime të ndryshme.

    Në LIBERO përmes rrëfimeve të tyre të ftuarit ndanë eksperiencat e tyre personale.

    Antigona Kotorri ka rrëfyer se si është përballë me divorc të dyfishtë.

    “…Raportet në familje duhet të jenë korrekte edhe pas divorcit, unë jam divorcuar dy herë njëri më ka lënë kurse tjetrin unë e kam lënë dhe është krejt normale të pranojmë edhe humbjet…”, tha ajo.

    Mes tjerash, një dilemë tjetër e cila shfaqet gjatë divorcit kur ka fëmijë në mes është se a duhet të qëndrojë një familje e bashkuar edhe nëse nuk funksionon siç duhet për ‘hir’ të fëmijëve.

    Ndërkohë psikologu Yll Avdijaj tha se për fëmijët do të ishte zgjidhje divorci nëse situata është shumë e rrezikshme duke u përfshirë dhuna në familje.

    Vlen të ceket, se konsiderohet e nevojshme që prindërit të cilët janë në prag të divorcit të ndërmarrin hapa për të reduktuar efektet psikologjike të divorcit tek fëmijët.

    Për të ndjekur intervistën e plotë, mund të klikoni në linkun e mëposhtëm:

     

     

     

  • Premtimi “derisa vdekja të na ndajë” i cili kohëve të fundit po thyhet shpesh

    Premtimi “derisa vdekja të na ndajë” i cili kohëve të fundit po thyhet shpesh

    Divorci është një proces zyrtar i cili i jep fund një martese.

    Është folur aq shume mbi këtë temë, janë studiuar qindra raste dhe arritur në përfundime, por ende konsiderohet se jemi të paqartë mbi parandalimin.

    Prandaj, ky fenomen social ishte tematika e së hënës në LIBERO, temë e cila u diskutua me profesionistët e fushës.

    Divorci a konsiderohet shpëtim apo shkatërrim i familjes, të ftuarit ndanë opinionet e tyre.

    “…Prej eksperiencave të mia personale jam bindur që divorci nuk është shpëtim i familjes por shkatërrim sepse nëse një burrë që dhunon gruan ndahet me të, ai do të martohet më dikë tjetër dhe do ta dhunojë dhe gruan tjetër…”, tha Antigona Kotorri.

    Në anën tjetër, Flaka Ymeri pati një mendim krejtësisht ndryshe, duke e konsideruar divorcin si shpëtim të familjes.

    “…Nëse nuk është vullneti që të ndryshojë pala e cila sjell problem në çift atëherë është më mirë që të divorcohesh sepse nuk mund të qëndrosh me dikë që nuk të përkrah apo që nuk të vlerëson…”, tha ajo.

    Vlen të theksohet, se divorci shfaq probleme të shëndetit mendor dhe fizik si për burrat ashtu edhe për gratë.

     

    Për të ndjekur diskutimin e plotë, mund të klikoni në linkun e mëposhtëm:

  • “Kafshët duhet të kenë të drejtë vote”, befason me deklaratën Ismail Tasholli

    “Kafshët duhet të kenë të drejtë vote”, befason me deklaratën Ismail Tasholli

    Filozofi dhe analisti Ismail Tasholli ishte i ftuar në emisionin “LIBERO” ku diskutoi tema nga më të ndryshmet, përfshirë edhe të drejtat e kafshëve.

    Sipas tij civilizimet dhe brezat e ardhshme mund të na shohin si primitivë, për faktin se konsumojmë mishin e kafshëve.

    “…Civilizimet pas neve mund të na shohin si primitivë që kemi ngrënë mish sepse tani na duket shumë normale, por gjeneratat që vijnë pas neve mund të na shohin si njerëz primitiv që jemi ushqyer me mish të kafshëve…”, tha filozofi.

    Gjithashtu Tasholli çuditi kur tha se kafshët mund të flasin dhe të kenë të drejtë vote.

    “Janë disa çipa (që diskutohen nga njerëz me çmime Nobel) që të lehurat e qenit i përkthejnë në fjalë… Një filozof thotë paramendojeni një situatë kur kafshët fillojnë dhe komunikojnë me neve, nuk kemi qare pa i shti brenda të drejtave të votës… Qysh kemi me mujt me pre një lopë kur ajo ja nisë me fol me ty…”, shtoi ai.

    Për të ndjekur intervistën e plotë, mund të klikoni në linkun e mëposhtëm:

  • Të qeshura pa fund e tortura ndaj punëtorëve – aktorët e serialit “Zyrja për punësim” rrëfejnë prapaskenat e serialit

    Të qeshura pa fund e tortura ndaj punëtorëve – aktorët e serialit “Zyrja për punësim” rrëfejnë prapaskenat e serialit

    Në emisionin “LIBERO” ishin të ftuar kasta e serialit më të ri “Zyrja për punësim”, të cilët nëpërmjet serialit synojnë të komunikojnë me realitetin.

    Ani pse seriali synon të tregoj (edhe) vështirësitë që përjetojnë të rinjtë kur largohen jashtë vendit, duke dashur të përcjellin mesazhin për të mos u larguar nga vendi, regjisori Genc Berisha me keqardhje tha se Kosova nuk i përmbushë të gjitha kushtet për të siguruar një të ardhme të mirë për fëmijët.

    “…Unë nuk i paragjykoj ata që dalin jashtë Kosovës, sepse jam prind dhe e di që në Kosovë nuk sigurohet një e ardhme e mirë për fëmijët …”, shtoi Berisha.

    Gjithashtu regjisori nuk la pa përmendur dhe kushtet e aktrimit në Kosovë duke thënë se nuk vlerësohet aq sa duhet si industri.

    Vlen të ceket se seriali  “Zyrja për punësim” sjell një perspektivë të realitetit që përjetojnë punëtorët e sektorit privat dhe publik në Kosovë, përshtatur me një komedi e cila ngjallë shumë të qeshura dhe relaksim për shikuesit.

    Për të ndjekur intervistën e plotë, mund të klikoni në linkun e mëposhtëm:

  • Aktorja e njohur tregon se në takimin me Rita Orën, kuptoi se e fitoi çmimin “Aktorja më e mirë”

    Aktorja e njohur tregon se në takimin me Rita Orën, kuptoi se e fitoi çmimin “Aktorja më e mirë”

    Edona Reshitaj, aktorja dhe këngëtarja e njohur në studion e emisionit “LIBERO” ndau pasazhe nga karriera dhe jeta e saj.

    Edona Reshitaj në Festivalin Shqiptar të Teatrit “MOISIU”, mori çmimin “Aktorja më e mirë”- në shfaqjen “GADJO” e cila u shpreh shumë e lumtur dhe falënderuese për këtë çmim. Pikërisht në këtë ditë, Edona pranoi një ftesë nga presidenca si një ndër personat më të suksesshëm të vitit, e që për qëllim kishte festimin e ditëlindjes së Rita Orës.

     “…U ndjeva shumë mirë që ndodhesha në mes të 27 personave më të suksesshëm të vitit, shkova ta prezentoi veten tek Rita Ora dhe ajo më tha: ‘e di mori kush je ti’..,U ndjeva shumë mirë për faktin se Rita është një artiste ndërkombëtare por që ka kohë të ndjek punën time …”, tha ajo.

    Vlen të ceket se Edona me keqardhje tha se kushtet e aktrimit në përgjithësi kanë mbetur të njëjta – duke qenë se sipas aktores mundësitë e punësimit në aktrim janë shumë të vogla.

    “…Numri i artistëve është  i madh ndërkohë mundësitë e punësimit janë shumë të vogla, por nëse ke talent duhet ta gjesh mënyrën që të dalësh në pah, rrugës mund edhe të humb kreativiteti por shpirti im luftarak më ka bërë që të mos rrëzohem asnjëherë…”, tha Reshitaj.

    Gjithashtu, Edona u shpreh krenare për faktin se në tërë rrugëtimin e saj si aktore ka realizuar gjëra të cilat që në fëmijëri ka qenë e destinuar për to.

    Për të ndjekur bisedën e plotë, mund të klikoni në linkun e mëposhtëm: